(༥༤) སེ་ཡྻ་སྶ ཧཱི་ནོ་ཧ་མ་སྨཱི་ཏི མཱ་ནོ

༨༧༡. ཏ་ཏྠ ཀ་ཏ་མོ སེ་ཡྻ་སྶ ཧཱི་ནོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ སེ་ཡྻོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི ཧཱི་ནཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ ཨོ་མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ ཨོ་མཱ་ནོ ཨོ་མ་ཉྙ་ནཱ ཨོ་མ་ཉྙི་ཏ་ཏྟཾ ཧཱི་ལ༹་ནཱ ཨོ་ཧཱི་ལ༹་ནཱ ཨོ་ཧཱི་ལི༹་ཏ་ཏྟཾ ཨ་ཏྟུ་ཉྙཱ ཨ་ཏྟ་ཝ་ཉྙཱ ཨ་ཏྟ་པ་རི་བྷ་ཝོ – ཨ་ཡཾ ཝུ་ཙྩ་ཏི ‘‘སེ་ཡྻ་སྶ ཧཱི་ནོ་ཧ་མ་སྨཱི་ཏི མཱ་ནོ’’.