(༡) ཨ་ཛ྄ཛྷ་ཏྟི་ཀ་སྶ ཨུ་པཱ་དཱ་ཡ
༩༧༣. ཏ་ཏྠ ཀ་ཏ་མཱ་ནི ཨ་ཊྛཱ་ར་ས ཏ་ཎྷཱ་ཝི་ཙ་རི་ཏཱ་ནི ཨ་ཛ྄ཛྷ་ཏྟི་ཀ་སྶ ཨུ་པཱ་དཱ་ཡ? ཨ་སྨཱི་ཏི ཧོ་ཏི, ཨི་ཏྠ་སྨཱི་ཏི ཧོ་ཏི, ཨེ་ཝ་སྨཱི་ཏི ཧོ་ཏི, ཨ་ཉྙ་ཐཱ་སྨཱི་ཏི ཧོ་ཏི, བྷ་ཝི་སྶ་ནྟི ཧོ་ཏི, ཨི་ཏྠཾ བྷ་ཝི་སྶ་ནྟི ཧོ་ཏི, ཨེ་ཝཾ བྷ་ཝི་སྶ་ནྟི ཧོ་ཏི, ཨ་ཉྙ་ཐཱ བྷ་ཝི་སྶ་ནྟི ཧོ་ཏི, ཨ་ས་སྨཱི་ཏི ཧོ་ཏི, སཱ་ཏ་སྨཱི་ཏི ཧོ་ཏི, སི་ཡ་ནྟི ཧོ་ཏི, ཨི་ཏྠཾ སི་ཡ་ནྟི ཧོ་ཏི, ཨེ་ཝཾ སི་ཡ་ནྟི ཧོ་ཏི, ཨ་ཉྙ་ཐཱ སི་ཡ་ནྟི ཧོ་ཏི, ཨ་པཱ་ཧཾ སི་ཡ་ནྟི ཧོ་ཏི, ཨ་པཱ་ཧཾ ཨི་ཏྠཾ སི་ཡ་ནྟི ཧོ་ཏི, ཨ་པཱ་ཧཾ ཨེ་ཝཾ སི་ཡ་ནྟི ཧོ་ཏི, ཨ་པཱ་ཧཾ ཨ་ཉྙ་ཐཱ སི་ཡ་ནྟི ཧོ་ཏི.
༩༧༤. ཀ་ཐ་ཉྩ ཨ་སྨཱི་ཏི ཧོ་ཏི? ཀ་ཉྩི དྷ་མྨཾ ཨ་ན་ཝ་ཀཱ་རིཾ [ཨ་ན་ཝ་ཀཱ་རཱི (སཱི. ཀ.)] ཀ་རི་ཏྭཱ རཱུ་པཾ…པེ… ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ ཨ་སྨཱི་ཏི ཚ་ནྡཾ པ་ཊི་ལ་བྷ་ཏི, ཨ་སྨཱི་ཏི མཱ་ནཾ པ་ཊི་ལ་བྷ་ཏི, ཨ་སྨཱི་ཏི དི་ཊྛིཾ པ་ཊི་ལ་བྷ་ཏི. ཏ་སྨིཾ ས་ཏི ཨི་མཱ་ནི པ་པ་ཉྩི་ཏཱ་ནི ཧོ་ནྟི – ཨི་ཏྠ་སྨཱི་ཏི ཝཱ ཨེ་ཝ་སྨཱི་ཏི ཝཱ ཨ་ཉྙ་ཐཱ་སྨཱི་ཏི ཝཱ.
(༢) ཀ་ཐ་ཉྩ ཨི་ཏྠ་སྨཱི་ཏི ཧོ་ཏི? ཁ་ཏྟི་ཡོ་སྨཱི་ཏི ཝཱ, བྲཱ་ཧྨ་ཎོ་སྨཱི་ཏི ཝཱ, ཝེ་སྶོ་སྨཱི་ཏི ཝཱ, སུ་དྡོ་སྨཱི་ཏི ཝཱ, ག་ཧ་ཊྛོ་སྨཱི་ཏི ཝཱ, པ་བྦ་ཛི་ཏོ་སྨཱི་ཏི ཝཱ, དེ་ཝོ་སྨཱི་ཏི ཝཱ, མ་ནུ་སྶོ་སྨཱི་ཏི ཝཱ, རཱུ་པཱི་སྨཱི་ཏི ཝཱ, ཨ་རཱུ་པཱི་སྨཱི་ཏི ཝཱ, ས་ཉྙཱི་སྨཱི་ཏི ཝཱ, ཨ་ས་ཉྙཱི་སྨཱི་ཏི ཝཱ, ནེ་ཝ་ས་ཉྙཱི་ནཱ་ས་ཉྙཱི་སྨཱི་ཏི ཝཱ – ཨེ་ཝཾ ཨི་ཏྠ་སྨཱི་ཏི ཧོ་ཏི.
(༣) ཀ་ཐ་ཉྩ ཨེ་ཝ་སྨཱི་ཏི ཧོ་ཏི? པ་ར་པུ་གྒ་ལཾ [པ་རཾ པུ་གྒ་ལཾ (སྱཱ.)] ཨུ་པ་ནི་དྷཱ་ཡ ཡ་ཐཱ སོ ཁ་ཏྟི་ཡོ ཏ་ཐཱ་ཧཾ ཁ་ཏྟི་ཡོ་སྨཱི་ཏི ཝཱ, ཡ་ཐཱ སོ བྲཱ་ཧྨ་ཎོ ཏ་ཐཱ་ཧཾ བྲཱ་ཧྨ་ཎོ་སྨཱི་ཏི ཝཱ, ཡ་ཐཱ སོ ཝེ་སྶོ ཏ་ཐཱ་ཧཾ ཝེ་སྶོ་སྨཱི་ཏི ཝཱ ཡ་ཐཱ སོ སུ་དྡོ ཏ་ཐཱ་ཧཾ སུ་དྡོ་སྨཱི་ཏི ཝཱ, ཡ་ཐཱ སོ ག་ཧ་ཊྛོ ཏ་ཐཱ་ཧཾ ག་ཧ་ཊྛོ་སྨཱི་ཏི ཝཱ, ཡ་ཐཱ སོ པ་བྦ་ཛི་ཏོ ཏ་ཐཱ་ཧཾ པ་བྦ་ཛི་ཏོ་སྨཱི་ཏི ཝཱ, ཡ་ཐཱ སོ དེ་ཝོ ཏ་ཐཱ་ཧཾ དེ་ཝོ་སྨཱི་ཏི ཝཱ, ཡ་ཐཱ སོ མ་ནུ་སྶོ ཏ་ཐཱ་ཧཾ མ་ནུ་སྶོ་སྨཱི་ཏི ཝཱ, ཡ་ཐཱ སོ རཱུ་པཱི ཏ་ཐཱ་ཧཾ རཱུ་པཱི་སྨཱི་ཏི ཝཱ, ཡ་ཐཱ སོ ཨ་རཱུ་པཱི ཏ་ཐཱ་ཧཾ ཨ་རཱུ་པཱི་སྨཱི་ཏི ཝཱ, ཡ་ཐཱ སོ ས་ཉྙཱི ཏ་ཐཱ་ཧཾ ས་ཉྙཱི་སྨཱི་ཏི ཝཱ, ཡ་ཐཱ སོ ཨ་ས་ཉྙཱི ཏ་ཐཱ་ཧཾ ཨ་ས་ཉྙཱི་སྨཱི་ཏི ཝཱ, ཡ་ཐཱ སོ ནེ་ཝ་ས་ཉྙཱི་ནཱ་ས་ཉྙཱི ཏ་ཐཱ་ཧཾ ནེ་ཝ་ས་ཉྙཱི་ནཱ་ས་ཉྙཱི་སྨཱི་ཏི ཝཱ – ཨེ་ཝཾ ཨེ་ཝ་སྨཱི་ཏི ཧོ་ཏི.
(༤) ཀ་ཐ་ཉྩ ཨ་ཉྙ་ཐཱ་སྨཱི་ཏི ཧོ་ཏི? པ་ར་པུ་གྒ་ལཾ ཨུ་པ་ནི་དྷཱ་ཡ ཡ་ཐཱ སོ ཁ་ཏྟི་ཡོ ནཱ་ཧཾ ཏ་ཐཱ ཁ་ཏྟི་ཡོ་སྨཱི་ཏི ཝཱ ཡ་ཐཱ སོ བྲཱ་ཧྨ་ཎོ ནཱ་ཧཾ ཏ་ཐཱ བྲཱ་ཧྨ་ཎོ་སྨཱི་ཏི ཝཱ, ཡ་ཐཱ སོ ཝེ་སྶོ ནཱ་ཧཾ ཏ་ཐཱ ཝེ་སྶོ་སྨཱི་ཏི ཝཱ, ཡ་ཐཱ སོ སུ་དྡོ ནཱ་ཧཾ ཏ་ཐཱ སུ་དྡོ་སྨཱི་ཏི ཝཱ, ཡ་ཐཱ སོ ག་ཧ་ཊྛོ ནཱ་ཧཾ ཏ་ཐཱ ག་ཧ་ཊྛོ་སྨཱི་ཏི ཝཱ, ཡ་ཐཱ སོ པ་བྦ་ཛི་ཏོ ནཱ་ཧཾ ཏ་ཐཱ པ་བྦ་ཛི་ཏོ་སྨཱི་ཏི ཝཱ, ཡ་ཐཱ སོ དེ་ཝོ ནཱ་ཧཾ ཏ་ཐཱ དེ་ཝོ་སྨཱི་ཏི ཝཱ, ཡ་ཐཱ སོ མ་ནུ་སྶོ ནཱ་ཧཾ ཏ་ཐཱ མ་ནུ་སྶོ་སྨཱི་ཏི ཝཱ, ཡ་ཐཱ སོ རཱུ་པཱི ནཱ་ཧཾ ཏ་ཐཱ རཱུ་པཱི་སྨཱི་ཏི ཝཱ, ཡ་ཐཱ སོ ཨ་རཱུ་པཱི ནཱ་ཧཾ ཏ་ཐཱ ཨ་རཱུ་པཱི་སྨཱི་ཏི ཝཱ, ཡ་ཐཱ སོ ས་ཉྙཱི ནཱ་ཧཾ ཏ་ཐཱ ས་ཉྙཱི་སྨཱི་ཏི ཝཱ, ཡ་ཐཱ སོ ཨ་ས་ཉྙཱི ནཱ་ཧཾ ཏ་ཐཱ ཨ་ས་ཉྙཱི་སྨཱི་ཏི ཝཱ, ཡ་ཐཱ སོ ནེ་ཝ་ས་ཉྙཱི་ནཱ་ས་ཉྙཱི ནཱ་ཧཾ ཏ་ཐཱ ནེ་ཝ་ས་ཉྙཱི་ནཱ་ས་ཉྙཱི་སྨཱི་ཏི ཝཱ – ཨེ་ཝཾ ཨ་ཉྙ་ཐཱ་སྨཱི་ཏི ཧོ་ཏི.
(༥) ཀ་ཐ་ཉྩ བྷ་ཝི་སྶ་ནྟི ཧོ་ཏི? ཀ་ཉྩི དྷ་མྨཾ ཨ་ན་ཝ་ཀཱ་རིཾ ཀ་རི་ཏྭཱ རཱུ་པཾ…པེ… ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ བྷ་ཝི་སྶ་ནྟི ཚ་ནྡཾ པ་ཊི་ལ་བྷ་ཏི, བྷ་ཝི་སྶ་ནྟི མཱ་ནཾ པ་ཊི་ལ་བྷ་ཏི, བྷ་ཝི་སྶ་ནྟི དི་ཊྛིཾ པ་ཊི་ལ་བྷ་ཏི. ཏ་སྨིཾ ས་ཏི ཨི་མཱ་ནི པ་པ་ཉྩི་ཏཱ་ནི ཧོ་ནྟི – ཨི་ཏྠཾ བྷ་ཝི་སྶ་ནྟི ཝཱ, ཨེ་ཝཾ བྷ་ཝི་སྶ་ནྟི ཝཱ, ཨ་ཉྙ་ཐཱ བྷ་ཝི་སྶ་ནྟི ཝཱ.
(༦) ཀ་ཐ་ཉྩ ཨི་ཏྠཾ བྷ་ཝི་སྶ་ནྟི ཧོ་ཏི? ཁ་ཏྟི་ཡོ བྷ་ཝི་སྶ་ནྟི ཝཱ, བྲཱ་ཧྨ་ཎོ བྷ་ཝི་སྶ་ནྟི ཝཱ, ཝེ་སྶོ བྷ་ཝི་སྶ་ནྟི ཝཱ, སུ་དྡོ བྷ་ཝི་སྶ་ནྟི ཝཱ, ག་ཧ་ཊྛོ བྷ་ཝི་སྶ་ནྟི ཝཱ, པ་བྦ་ཛི་ཏོ བྷ་ཝི་སྶ་ནྟི ཝཱ, དེ་ཝོ བྷ་ཝི་སྶ་ནྟི ཝཱ, མ་ནུ་སྶོ བྷ་ཝི་སྶ་ནྟི ཝཱ, རཱུ་པཱི བྷ་ཝི་སྶ་ནྟི ཝཱ, ཨ་རཱུ་པཱི བྷ་ཝི་སྶ་ནྟི ཝཱ, ས་ཉྙཱི བྷ་ཝི་སྶ་ནྟི ཝཱ, ཨ་ས་ཉྙཱི བྷ་ཝི་སྶ་ནྟི ཝཱ, ནེ་ཝ་ས་ཉྙཱི་ནཱ་ས་ཉྙཱི བྷ་ཝི་སྶ་ནྟི ཝཱ – ཨེ་ཝཾ ཨི་ཏྠཾ བྷ་ཝི་སྶ་ནྟི ཧོ་ཏི.
(༧) ཀ་ཐ་ཉྩ ཨེ་ཝཾ བྷ་ཝི་སྶ་ནྟི ཧོ་ཏི? པ་ར་པུ་གྒ་ལཾ ཨུ་པ་ནི་དྷཱ་ཡ ཡ་ཐཱ སོ ཁ་ཏྟི་ཡོ ཏ་ཐཱ་ཧཾ ཁ་ཏྟི་ཡོ བྷ་ཝི་སྶ་ནྟི ཝཱ, ཡ་ཐཱ སོ བྲཱ་ཧྨ་ཎོ ཏ་ཐཱ་ཧཾ བྲཱ་ཧྨ་ཎོ བྷ་ཝི་སྶ་ནྟི ཝཱ…པེ… ཡ་ཐཱ སོ ནེ་ཝ་ས་ཉྙཱི་ནཱ་ས་ཉྙཱི ཏ་ཐཱ་ཧཾ ནེ་ཝ་ས་ཉྙཱི་ནཱ་ས་ཉྙཱི བྷ་ཝི་སྶ་ནྟི ཝཱ – ཨེ་ཝཾ བྷ་ཝི་སྶ་ནྟི ཧོ་ཏི.
(༨) ཀ་ཐ་ཉྩ ཨ་ཉྙ་ཐཱ བྷ་ཝི་སྶ་ནྟི ཧོ་ཏི? པ་ར་པུ་གྒ་ལཾ ཨུ་པ་ནི་དྷཱ་ཡ ཡ་ཐཱ སོ ཁ་ཏྟི་ཡོ ནཱ་ཧཾ ཏ་ཐཱ ཁ་ཏྟི་ཡོ བྷ་ཝི་སྶ་ནྟི ཝཱ, ཡ་ཐཱ སོ བྲཱ་ཧྨ་ཎོ ནཱ་ཧཾ ཏ་ཐཱ བྲཱ་ཧྨ་ཎོ བྷ་ཝི་སྶ་ནྟི ཝཱ…པེ… ཡ་ཐཱ སོ ནེ་ཝ་ས་ཉྙཱི་ནཱ་ས་ཉྙཱི ནཱ་ཧཾ ཏ་ཐཱ ནེ་ཝ་ས་ཉྙཱི་ནཱ་ས་ཉྙཱི བྷ་ཝི་སྶ་ནྟི ཝཱ – ཨེ་ཝཾ ཨ་ཉྙ་ཐཱ བྷ་ཝི་སྶ་ནྟི ཧོ་ཏི.
(༩) ཀ་ཐ་ཉྩ ཨ་ས་སྨཱི་ཏི ཧོ་ཏི? ཀ་ཉྩི དྷ་མྨཾ ཨ་ན་ཝ་ཀཱ་རིཾ ཀ་རི་ཏྭཱ རཱུ་པཾ…པེ… ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ ནི་ཙྩོ་སྨི དྷུ་ཝོ་སྨི ས་སྶ་ཏོ་སྨི ཨ་ཝི་པ་རི་ཎཱ་མ་དྷ་མྨོ་སྨཱི་ཏི – ཨེ་ཝཾ ཨ་ས་སྨཱི་ཏི ཧོ་ཏི.
(༡༠) ཀ་ཐ་ཉྩ སཱ་ཏ་སྨཱི་ཏི ཧོ་ཏི? ཀ་ཉྩི དྷ་མྨཾ ཨ་ན་ཝ་ཀཱ་རིཾ ཀ་རི་ཏྭཱ རཱུ་པཾ…པེ… ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ ཨུ་ཙྪི་ཛྫི་སྶཱ་མི ཝི་ན་སྶི་སྶཱ་མི ན བྷ་ཝི་སྶཱ་མཱི་ཏི – ཨེ་ཝཾ སཱ་ཏ་སྨཱི་ཏི ཧོ་ཏི.
(༡༡) ཀ་ཐ་ཉྩ སི་ཡ་ནྟི ཧོ་ཏི? ཀ་ཉྩི དྷ་མྨཾ ཨ་ན་ཝ་ཀཱ་རིཾ ཀ་རི་ཏྭཱ རཱུ་པཾ…པེ… ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ སི་ཡ་ནྟི ཚ་ནྡཾ པ་ཊི་ལ་བྷ་ཏི, སི་ཡ་ནྟི མཱ་ནཾ པ་ཊི་ལ་བྷ་ཏི, སི་ཡ་ནྟི དི་ཊྛིཾ པ་ཊི་ལ་བྷ་ཏི. ཏ་སྨིཾ ས་ཏི ཨི་མཱ་ནི པ་པ་ཉྩི་ཏཱ་ནི ཧོ་ནྟི – ཨི་ཏྠཾ སི་ཡ་ནྟི ཝཱ, ཨེ་ཝཾ སི་ཡ་ནྟི ཝཱ, ཨ་ཉྙ་ཐཱ སི་ཡ་ནྟི ཝཱ.
(༡༢) ཀ་ཐ་ཉྩ ཨི་ཏྠཾ སི་ཡ་ནྟི ཧོ་ཏི? ཁ་ཏྟི་ཡོ སི་ཡ་ནྟི ཝཱ, བྲཱ་ཧྨ་ཎོ སི་ཡ་ནྟི ཝཱ, ཝེ་སྶོ སི་ཡ་ནྟི ཝཱ, སུ་དྡོ སི་ཡ་ནྟི ཝཱ, ག་ཧ་ཊྛོ སི་ཡ་ནྟི ཝཱ, པ་བྦ་ཛི་ཏོ སི་ཡ་ནྟི ཝཱ, དེ་ཝོ སི་ཡ་ནྟི ཝཱ, མ་ནུ་སྶོ སི་ཡ་ནྟི ཝཱ, རཱུ་པཱི སི་ཡ་ནྟི ཝཱ, ཨ་རཱུ་པཱི སི་ཡ་ནྟི ཝཱ, ས་ཉྙཱི སི་ཡ་ནྟི ཝཱ, ཨ་ས་ཉྙཱི སི་ཡ་ནྟི ཝཱ, ནེ་ཝ་ས་ཉྙཱི་ནཱ་ས་ཉྙཱི སི་ཡ་ནྟི ཝཱ – ཨེ་ཝཾ ཨི་ཏྠཾ སི་ཡ་ནྟི ཧོ་ཏི.
(༡༣) ཀ་ཐ་ཉྩ ཨེ་ཝཾ སི་ཡ་ནྟི ཧོ་ཏི? པ་ར་པུ་གྒ་ལཾ ཨུ་པ་ནི་དྷཱ་ཡ ཡ་ཐཱ སོ ཁ་ཏྟི་ཡོ ཏ་ཐཱ་ཧཾ ཁ་ཏྟི་ཡོ སི་ཡ་ནྟི ཝཱ, ཡ་ཐཱ སོ བྲཱ་ཧྨ་ཎོ ཏ་ཐཱ་ཧཾ བྲཱ་ཧྨ་ཎོ སི་ཡ་ནྟི ཝཱ…པེ… ཡ་ཐཱ སོ ནེ་ཝ་ས་ཉྙཱི་ནཱ་ས་ཉྙཱི ཏ་ཐཱ་ཧཾ ནེ་ཝ་ས་ཉྙཱི་ནཱ་ས་ཉྙཱི སི་ཡ་ནྟི ཝཱ – ཨེ་ཝཾ ཨེ་ཝཾ སི་ཡ་ནྟི ཧོ་ཏི.
(༡༤) ཀ་ཐ་ཉྩ ཨ་ཉྙ་ཐཱ སི་ཡ་ནྟི ཧོ་ཏི? པ་ར་པུ་གྒ་ལཾ ཨུ་པ་ནི་དྷཱ་ཡ ཡ་ཐཱ སོ ཁ་ཏྟི་ཡོ ནཱ་ཧཾ ཏ་ཐཱ ཁ་ཏྟི་ཡོ སི་ཡ་ནྟི ཝཱ, ཡ་ཐཱ སོ བྲཱ་ཧྨ་ཎོ ནཱ་ཧཾ ཏ་ཐཱ བྲཱ་ཧྨ་ཎོ སི་ཡ་ནྟི ཝཱ…པེ… ཡ་ཐཱ སོ ནེ་ཝ་ས་ཉྙཱི་ནཱ་ས་ཉྙཱི ནཱ་ཧཾ ཏ་ཐཱ ནེ་ཝ་ས་ཉྙཱི་ནཱ་ས་ཉྙཱི སི་ཡ་ནྟི ཝཱ – ཨེ་ཝཾ ཨ་ཉྙ་ཐཱ སི་ཡ་ནྟི ཧོ་ཏི.
(༡༥) ཀ་ཐ་ཉྩ ཨ་པཱ་ཧཾ སི་ཡ་ནྟི ཧོ་ཏི? ཀ་ཉྩི དྷ་མྨཾ ཨ་ན་ཝ་ཀཱ་རིཾ ཀ་རི་ཏྭཱ རཱུ་པཾ… ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ ཨ་པཱ་ཧཾ སི་ཡ་ནྟི ཚ་ནྡཾ པ་ཊི་ལ་བྷ་ཏི, ཨ་པཱ་ཧཾ སི་ཡ་ནྟི མཱ་ནཾ པ་ཊི་ལ་བྷ་ཏི, ཨ་པཱ་ཧཾ སི་ཡ་ནྟི དི་ཊྛིཾ པ་ཊི་ལ་བྷ་ཏི. ཏ་སྨིཾ ས་ཏི ཨི་མཱ་ནི པ་པ་ཉྩི་ཏཱ་ནི ཧོ་ནྟི – ཨ་པཱ་ཧཾ ཨི་ཏྠཾ སི་ཡ་ནྟི ཝཱ, ཨ་པཱ་ཧཾ ཨེ་ཝཾ སི་ཡ་ནྟི ཝཱ, ཨ་པཱ་ཧཾ ཨ་ཉྙ་ཐཱ སི་ཡ་ནྟི ཝཱ.
(༡༦) ཀ་ཐ་ཉྩ ཨ་པཱ་ཧཾ ཨི་ཏྠཾ སི་ཡ་ནྟི ཧོ་ཏི? ཨ་པཱ་ཧཾ ཁ་ཏྟི་ཡོ སི་ཡ་ནྟི ཝཱ, ཨ་པཱ་ཧཾ བྲཱ་ཧྨ་ཎོ སི་ཡ་ནྟི ཝཱ, ཨ་པཱ་ཧཾ ཝེ་སྶོ སི་ཡ་ནྟི ཝཱ, ཨ་པཱ་ཧཾ སུ་དྡོ སི་ཡ་ནྟི ཝཱ, ཨ་པཱ་ཧཾ ག་ཧ་ཊྛོ སི་ཡ་ནྟི ཝཱ, ཨ་པཱ་ཧཾ པ་བྦ་ཛི་ཏོ སི་ཡ་ནྟི ཝཱ, ཨ་པཱ་ཧཾ དེ་ཝོ སི་ཡ་ནྟི ཝཱ, ཨ་པཱ་ཧཾ མ་ནུ་སྶོ སི་ཡ་ནྟི ཝཱ, ཨ་པཱ་ཧཾ རཱུ་པཱི སི་ཡ་ནྟི ཝཱ, ཨ་པཱ་ཧཾ ཨ་རཱུ་པཱི སི་ཡ་ནྟི ཝཱ, ཨ་པཱ་ཧཾ ས་ཉྙཱི སི་ཡ་ནྟི ཝཱ, ཨ་པཱ་ཧཾ ཨ་ས་ཉྙཱི སི་ཡ་ནྟི ཝཱ, ཨ་པཱ་ཧཾ ནེ་ཝ་ས་ཉྙཱི་ནཱ་ས་ཉྙཱི སི་ཡ་ནྟི ཝཱ – ཨེ་ཝཾ ཨ་པཱ་ཧཾ ཨི་ཏྠཾ སི་ཡ་ནྟི ཧོ་ཏི. (༡༧) ཀ་ཐ་ཉྩ ཨ་པཱ་ཧཾ ཨེ་ཝཾ སི་ཡ་ནྟི ཧོ་ཏི? པ་ར་པུ་གྒ་ལཾ ཨུ་པ་ནི་དྷཱ་ཡ ཡ་ཐཱ སོ ཁ་ཏྟི་ཡོ ཨ་པཱ་ཧཾ ཏ་ཐཱ ཁ་ཏྟི་ཡོ སི་ཡ་ནྟི ཝཱ, ཡ་ཐཱ སོ བྲཱ་ཧྨ་ཎོ ཨ་པཱ་ཧཾ ཏ་ཐཱ བྲཱ་ཧྨ་ཎོ སི་ཡ་ནྟི ཝཱ…པེ… ཡ་ཐཱ སོ ནེ་ཝ་ས་ཉྙཱི་ནཱ་ས་ཉྙཱི ཨ་པཱ་ཧཾ ཏ་ཐཱ ནེ་ཝ་ས་ཉྙཱི་ནཱ་ས་ཉྙཱི སི་ཡ་ནྟི ཝཱ – ཨེ་ཝཾ ཨ་པཱ་ཧཾ ཨེ་ཝཾ སི་ཡ་ནྟི ཧོ་ཏི.
(༡༨) ཀ་ཐ་ཉྩ ཨ་པཱ་ཧཾ ཨ་ཉྙ་ཐཱ སི་ཡ་ནྟི ཧོ་ཏི? པ་ར་པུ་གྒ་ལཾ ཨུ་པ་ནི་དྷཱ་ཡ ཡ་ཐཱ སོ ཁ་ཏྟི་ཡོ ཨ་པཱ་ཧཾ ན ཏ་ཐཱ ཁ་ཏྟི་ཡོ སི་ཡ་ནྟི ཝཱ, ཡ་ཐཱ སོ བྲཱ་ཧྨ་ཎོ ཨ་པཱ་ཧཾ ན ཏ་ཐཱ བྲཱ་ཧྨ་ཎོ སི་ཡ་ནྟི ཝཱ…པེ… ཡ་ཐཱ སོ ནེ་ཝ་ས་ཉྙཱི་ནཱ་ས་ཉྙཱི ཨ་པཱ་ཧཾ ན ཏ་ཐཱ ནེ་ཝ་ས་ཉྙཱི་ནཱ་ས་ཉྙཱི སི་ཡ་ནྟི ཝཱ – ཨེ་ཝཾ ཨ་པཱ་ཧཾ ཨ་ཉྙ་ཐཱ སི་ཡ་ནྟི ཧོ་ཏི.
ཨི་མཱ་ནི ཨ་ཊྛཱ་ར་ས ཏ་ཎྷཱ་ཝི་ཙ་རི་ཏཱ་ནི ཨ་ཛ྄ཛྷ་ཏྟི་ཀ་སྶ ཨུ་པཱ་དཱ་ཡ.