༡༠. ད་ས་ཀ་ནི་དྡེ་སོ
(༡) ད་ས ཀི་ལེ་ས་ཝ་ཏྠཱུ་ནི
༩༦༦. ཏ་ཏྠ ཀ་ཏ་མཱ་ནི ད་ས ཀི་ལེ་ས་ཝ་ཏྠཱུ་ནི? ལོ་བྷོ, དོ་སོ, མོ་ཧོ, མཱ་ནོ, དི་ཊྛི, ཝི་ཙི་ཀི་ཙྪཱ, ཐི་ནཾ, ཨུ་དྡྷ་ཙྩཾ, ཨ་ཧི་རི་ཀཾ, ཨ་ནོ་ཏྟ་པྤཾ – ཨི་མཱ་ནི ད་ས ཀི་ལེ་ས་ཝ་ཏྠཱུ་ནི.
(༢) ད་ས ཨཱ་གྷཱ་ཏ་ཝ་ཏྠཱུ་ནི
༩༦༧. ཏ་ཏྠ ཀ་ཏ་མཱ་ནི ད་ས ཨཱ་གྷཱ་ཏ་ཝ་ཏྠཱུ་ནི? ‘‘ཨ་ན་ཏྠཾ མེ ཨ་ཙ་རཱི’’ཏི ཨཱ་གྷཱ་ཏོ ཛཱ་ཡ་ཏི, ‘‘ཨ་ན་ཏྠཾ མེ ཙ་ར་ཏཱི’’ཏི ཨཱ་གྷཱ་ཏོ ཛཱ་ཡ་ཏི, ‘‘ཨ་ན་ཏྠཾ མེ ཙ་རི་སྶ་ཏཱི’’ཏི ཨཱ་གྷཱ་ཏོ ཛཱ་ཡ་ཏི, ‘‘པི་ཡ་སྶ མེ མ་ནཱ་པ་སྶ ཨ་ན་ཏྠཾ ཨ་ཙ་རི’’…པེ… ཨ་ན་ཏྠཾ ཙ་ར་ཏི…པེ… ཨ་ན་ཏྠཾ ཙ་རི་སྶ་ཏཱི་ཏི ཨཱ་གྷཱ་ཏོ ཛཱ་ཡ་ཏི, ཨ་པྤི་ཡ་སྶ མེ ཨ་མ་ནཱ་པ་སྶ ཨ་ཏྠཾ ཨ་ཙ་རི…པེ… ཨ་ཏྠཾ ཙ་ར་ཏི…པེ… ཨ་ཏྠཾ ཙ་རི་སྶ་ཏཱི་ཏི ཨཱ་གྷཱ་ཏོ ཛཱ་ཡ་ཏི, ཨ་ཊྛཱ་ནེ ཝཱ པ་ན ཨཱ་གྷཱ་ཏོ ཛཱ་ཡ་ཏི – ཨི་མཱ་ནི ད་ས ཨཱ་གྷཱ་ཏ་ཝ་ཏྠཱུ་ནི.
(༣) ད་ས ཨ་ཀུ་ས་ལ་ཀ་མྨ་པ་ཐཱ
༩༦༨. ཏ་ཏྠ ཀ་ཏ་མེ ད་ས ཨ་ཀུ་ས་ལ་ཀ་མྨ་པ་ཐཱ? པཱ་ཎཱ་ཏི་པཱ་ཏོ, ཨ་དི་ནྣཱ་དཱ་ནཾ, ཀཱ་མེ་སུ་མི་ཙྪཱ་ཙཱ་རོ, མུ་སཱ་ཝཱ་དོ, པི་སུ་ཎཱ ཝཱ་ཙཱ, ཕ་རུ་སཱ ཝཱ་ཙཱ, ས་མྥ་པྤ་ལཱ་པོ, ཨ་བྷི་ཛ྄ཛྷཱ, བྱཱ་པཱ་དོ, མི་ཙྪཱ་དི་ཊྛི – ཨི་མེ ད་ས ཨ་ཀུ་ས་ལ་ཀ་མྨ་པ་ཐཱ.
(༤) ད་ས སཾ་ཡོ་ཛ་ནཱ་ནི
༩༦༩. ཏ་ཏྠ ཀ་ཏ་མཱ་ནི ད་ས སཾ་ཡོ་ཛ་ནཱ་ནི? ཀཱ་མ་རཱ་ག་སཾ་ཡོ་ཛ་ནཾ, པ་ཊི་གྷ་སཾ་ཡོ་ཛ་ནཾ, མཱ་ན་སཾ་ཡོ་ཛ་ནཾ, དི་ཊྛི་སཾ་ཡོ་ཛ་ནཾ, ཝི་ཙི་ཀི་ཙྪཱ་སཾ་ཡོ་ཛ་ནཾ, སཱི་ལ་བྦ་ཏ་པ་རཱ་མཱ་ས་སཾ་ཡོ་ཛ་ནཾ, བྷ་ཝ་རཱ་ག་སཾ་ཡོ་ཛ་ནཾ, ཨི་སྶཱ་སཾ་ཡོ་ཛ་ནཾ, མ་ཙྪ་རི་ཡ་སཾ་ཡོ་ཛ་ནཾ, ཨ་ཝི་ཛྫཱ་སཾ་ཡོ་ཛ་ནཾ – ཨི་མཱ་ནི ད་ས སཾ་ཡོ་ཛ་ནཱ་ནི.
(༥) ད་ས མི་ཙྪ་ཏྟཱ
༩༧༠. ཏ་ཏྠ ཀ་ཏ་མེ ད་ས མི་ཙྪ་ཏྟཱ? མི་ཙྪཱ་དི་ཊྛི, མི་ཙྪཱ་ས་ངྐ་པྤོ, མི་ཙྪཱ་ཝཱ་ཙཱ, མི་ཙྪཱ་ཀ་མྨ་ནྟོ, མི་ཙྪཱ་ཨཱ་ཛཱི་ཝོ, མི་ཙྪཱ་ཝཱ་ཡཱ་མོ, མི་ཙྪཱ་ས་ཏི, མི་ཙྪཱ་ས་མཱ་དྷི, མི་ཙྪཱ་ཉཱ་ཎཾ, མི་ཙྪཱ་ཝི་མུ་ཏྟི – ཨི་མེ ད་ས མི་ཙྪ་ཏྟཱ.
(༦) ད་ས་ཝ་ཏྠུ་ཀཱ མི་ཙྪཱ་དི་ཊྛི
༩༧༡. ཏ་ཏྠ ཀ་ཏ་མཱ ད་ས་ཝ་ཏྠུ་ཀཱ མི་ཙྪཱ་དི་ཊྛི? ན་ཏྠི དི་ནྣཾ, ན་ཏྠི ཡི་ཊྛཾ, ན་ཏྠི ཧུ་ཏཾ, ན་ཏྠི སུ་ཀ་ཏ་དུ་ཀྐ་ཊཱ་ནཾ ཀ་མྨཱ་ནཾ ཕ་ལཾ ཝི་པཱ་ཀོ, ན་ཏྠི ཨ་ཡཾ ལོ་ཀོ, ན་ཏྠི པ་རོ ལོ་ཀོ, ན་ཏྠི མཱ་ཏཱ, ན་ཏྠི པི་ཏཱ, ན་ཏྠི ས་ཏྟཱ ཨོ་པ་པཱ་ཏི་ཀཱ, ན་ཏྠི ལོ་ཀེ ས་མ་ཎ་བྲཱ་ཧྨ་ཎཱ ས་མྨ་གྒ་ཏཱ [ས་མ་གྒ་ཏཱ (ཀ.)] ས་མྨཱ པ་ཊི་པ་ནྣཱ ཡེ ཨི་མ་ཉྩ ལོ་ཀཾ པ་ར་ཉྩ ལོ་ཀཾ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དེ་ནྟཱི་ཏི – ཨ་ཡཾ ད་ས་ཝ་ཏྠུ་ཀཱ མི་ཙྪཱ་དི་ཊྛི.
(༧) ད་ས་ཝ་ཏྠུ་ཀཱ ཨ་ནྟ་གྒཱ་ཧི་ཀཱ དི་ཊྛི
༩༧༢. ཏ་ཏྠ ཀ་ཏ་མཱ ད་ས་ཝ་ཏྠུ་ཀཱ ཨ་ནྟ་གྒཱ་ཧི་ཀཱ དི་ཊྛི? ས་སྶ་ཏོ ལོ་ཀོ་ཏི ཝཱ, ཨ་ས་སྶ་ཏོ ལོ་ཀོ་ཏི ཝཱ, ཨ་ནྟ་ཝཱ ལོ་ཀོ་ཏི ཝཱ, ཨ་ན་ནྟ་ཝཱ ལོ་ཀོ་ཏི ཝཱ, ཏཾ ཛཱི་ཝཾ ཏཾ ས་རཱི་ར་ནྟི ཝཱ, ཨ་ཉྙཾ ཛཱི་ཝཾ ཨ་ཉྙཾ ས་རཱི་ར་ནྟི ཝཱ, ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ, ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ, ཧོ་ཏི ཙ ན ཙ ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ, ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ – ཨ་ཡཾ ད་ས་ཝ་ཏྠུ་ཀཱ ཨ་ནྟ་གྒཱ་ཧི་ཀཱ དི་ཊྛི.
ད་ས་ཀཾ.