༡. མེ་ཏྟཱ

༦༤༣. ཀ་ཐ་ཉྩ བྷི་ཀྑུ མེ་ཏྟཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི? སེ་ཡྻ་ཐཱ་པི ནཱ་མ ཨེ་ཀཾ པུ་གྒ་ལཾ པི་ཡཾ མ་ནཱ་པཾ དི་སྭཱ མེ་ཏྟཱ་ཡེ་ཡྻ, ཨེ་ཝ་མེ་ཝ ས་བྦེ ས་ཏྟེ མེ་ཏྟཱ་ཡ ཕ་ར་ཏི.

ཏ་ཏྠ ཀ་ཏ་མཱ མེ་ཏྟཱ? ཡཱ ས་ཏྟེ་སུ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’.

ཏ་ཏྠ ཀ་ཏ་མཾ ཙི་ཏྟཾ? ཡཾ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཙི་ཏྟཾ’’. ཨི་དཾ ཙི་ཏྟཾ ཨི་མཱ་ཡ མེ་ཏྟཱ་ཡ ས་ཧ་ག་ཏཾ ཧོ་ཏི ས་ཧ་ཛཱ་ཏཾ སཾ་ས་ཊྛཾ ས་མྤ་ཡུ་ཏྟཾ. ཏེ་ན ཝུ་ཙྩ་ཏི ‘‘མེ་ཏྟཱ་ས་ཧ་ག་ཏེ་ན ཙེ་ཏ་སཱ’’ཏི.

༦༤༤. ‘‘ཨེ་ཀཾ དི་ས’’ནྟི པུ་ར་ཏྠི་མཾ ཝཱ དི་སཾ པ་ཙྪི་མཾ ཝཱ དི་སཾ ཨུ་ཏྟ་རཾ ཝཱ དི་སཾ ད་ཀྑི་ཎཾ ཝཱ དི་སཾ ཨུ་དྡྷཾ ཝཱ ཨ་དྷོ ཝཱ ཏི་རི་ཡཾ ཝཱ ཝི་དི་སཾ ཝཱ.

༦༤༥. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༤༦. ‘‘ཝི་ཧ་ར་ཏཱི’’ཏི ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི ཙ་ར་ཏི ཝི་ཧ་ར་ཏི. ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༦༤༧. ‘‘ཏ་ཐཱ དུ་ཏི་ཡ’’ནྟི ཡ་ཐེ་ཝ ཨེ་ཀཾ དི་སཾ ཏ་ཐཱ དུ་ཏི་ཡཾ དི་སཾ ཏ་ཐཱ ཏ་ཏི་ཡཾ དི་སཾ ཏ་ཐཱ ཙ་ཏུ་ཏྠཾ དི་སཾ ཏ་ཐཱ ཨུ་དྡྷཾ ཏ་ཐཱ ཨ་དྷོ ཏ་ཐཱ ཏི་རི་ཡཾ ཏ་ཐཱ ཝི་དི་སཾ.

༦༤༨. ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི ས་བྦེ་ན ས་བྦཾ ས་བྦ་ཐཱ ས་བྦཾ ཨ་སེ་སཾ ནི་སྶེ་སཾ. པ་རི་ཡཱ་དཱ་ཡ་ཝ་ཙ་ན་མེ་ཏཾ – ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི.

༦༤༩. ‘‘མེ་ཏྟཱ་ས་ཧ་ག་ཏེ་ན ཙེ་ཏ་སཱ’’ཏི ཏ་ཏྠ ཀ་ཏ་མཱ མེ་ཏྟཱ? ཡཱ ས་ཏྟེ་སུ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’.

ཏ་ཏྠ ཀ་ཏ་མཾ ཙི་ཏྟཾ? ཡཾ ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཙི་ཏྟཾ’’. ཨི་དཾ ཙི་ཏྟཾ ཨི་མཱ་ཡ མེ་ཏྟཱ་ཡ ས་ཧ་ག་ཏཾ ཧོ་ཏི ས་ཧ་ཛཱ་ཏཾ སཾ་ས་ཊྛཾ ས་མྤ་ཡུ་ཏྟཾ. ཏེ་ན ཝུ་ཙྩ་ཏི ‘‘མེ་ཏྟཱ་ས་ཧ་ག་ཏེ་ན ཙེ་ཏ་སཱ’’ཏི.

༦༥༠. ‘‘ཝི་པུ་ལེ་ནཱ’’ཏི ཡཾ ཝི་པུ་ལཾ ཏཾ མ་ཧ་གྒ་ཏཾ, ཡཾ མ་ཧ་གྒ་ཏཾ ཏཾ ཨ་པྤ་མཱ་ཎཾ, ཡཾ ཨ་པྤ་མཱ་ཎཾ སོ ཨ་ཝེ་རོ, ཡོ ཨ་ཝེ་རོ སོ ཨ་བྱཱ་པ་ཛྫོ [ཨ་བྱཱ་པ་ཛ྄ཛྷོ (སཱི. སྱཱ.)].

༦༥༡. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༥༢. ‘‘ཝི་ཧ་ར་ཏཱི’’ཏི…པེ… ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.