༡༣. ཨ་པྤ་མ་ཉྙཱ་ཝི་བྷ་ངྒོ

༡. སུ་ཏྟ་ནྟ་བྷཱ་ཛ་ནཱི་ཡཾ

༦༤༢. ཙ་ཏ་སྶོ ཨ་པྤ་མ་ཉྙཱ་ཡོ – ཨི་དྷ བྷི་ཀྑུ མེ་ཏྟཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི, ཏ་ཐཱ དུ་ཏི་ཡཾ, ཏ་ཐཱ ཏ་ཏི་ཡཾ, ཏ་ཐཱ ཙ་ཏུ་ཏྠཾ [ཙ་ཏུ་ཏྠིཾ (སཱི.)]. ཨི་ཏི ཨུ་དྡྷ་མ་དྷོ ཏི་རི་ཡཾ ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀཾ མེ་ཏྟཱ་ས་ཧ་ག་ཏེ་ན ཙེ་ཏ་སཱ ཝི་པུ་ལེ་ན མ་ཧ་གྒ་ཏེ་ན ཨ་པྤ་མཱ་ཎེ་ན ཨ་ཝེ་རེ་ན ཨ་བྱཱ་པ་ཛྫེ་ན [ཨ་བྱཱ་པ་ཛ྄ཛྷེ་ན (སཱི. སྱཱ.)] ཕ་རི་ཏྭཱ ཝི་ཧ་ར་ཏི. ཀ་རུ་ཎཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི, ཏ་ཐཱ དུ་ཏི་ཡཾ, ཏ་ཐཱ ཏ་ཏི་ཡཾ, ཏ་ཐཱ ཙ་ཏུ་ཏྠཾ. ཨི་ཏི ཨུ་དྡྷ་མ་དྷོ ཏི་རི་ཡཾ ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀཾ ཀ་རུ་ཎཱ་ས་ཧ་ག་ཏེ་ན ཙེ་ཏ་སཱ ཝི་པུ་ལེ་ན མ་ཧ་གྒ་ཏེ་ན ཨ་པྤ་མཱ་ཎེ་ན ཨ་ཝེ་རེ་ན ཨ་བྱཱ་པ་ཛྫེ་ན ཕ་རི་ཏྭཱ ཝི་ཧ་ར་ཏི. མུ་དི་ཏཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི, ཏ་ཐཱ དུ་ཏི་ཡཾ, ཏ་ཐཱ ཏ་ཏི་ཡཾ, ཏ་ཐཱ ཙ་ཏུ་ཏྠཾ. ཨི་ཏི ཨུ་དྡྷ་མ་དྷོ ཏི་རི་ཡཾ ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀཾ མུ་དི་ཏཱ་ས་ཧ་ག་ཏེ་ན ཙེ་ཏ་སཱ ཝི་པུ་ལེ་ན མ་ཧ་གྒ་ཏེ་ན ཨ་པྤ་མཱ་ཎེ་ན ཨ་ཝེ་རེ་ན ཨ་བྱཱ་པ་ཛྫེ་ན ཕ་རི་ཏྭཱ ཝི་ཧ་ར་ཏི. ཨུ་པེ་ཀྑཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི, ཏ་ཐཱ དུ་ཏི་ཡཾ, ཏ་ཐཱ ཏ་ཏི་ཡཾ, ཏ་ཐཱ ཙ་ཏུ་ཏྠཾ. ཨི་ཏི ཨུ་དྡྷ་མ་དྷོ ཏི་རི་ཡཾ ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀཾ ཨུ་པེ་ཀྑཱ་ས་ཧ་ག་ཏེ་ན ཙེ་ཏ་སཱ ཝི་པུ་ལེ་ན མ་ཧ་གྒ་ཏེ་ན ཨ་པྤ་མཱ་ཎེ་ན ཨ་ཝེ་རེ་ན ཨ་བྱཱ་པ་ཛྫེ་ན ཕ་རི་ཏྭཱ ཝི་ཧ་ར་ཏི.

༡. མེ་ཏྟཱ

༦༤༣. ཀ་ཐ་ཉྩ བྷི་ཀྑུ མེ་ཏྟཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི? སེ་ཡྻ་ཐཱ་པི ནཱ་མ ཨེ་ཀཾ པུ་གྒ་ལཾ པི་ཡཾ མ་ནཱ་པཾ དི་སྭཱ མེ་ཏྟཱ་ཡེ་ཡྻ, ཨེ་ཝ་མེ་ཝ ས་བྦེ ས་ཏྟེ མེ་ཏྟཱ་ཡ ཕ་ར་ཏི.

ཏ་ཏྠ ཀ་ཏ་མཱ མེ་ཏྟཱ? ཡཱ ས་ཏྟེ་སུ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’.

ཏ་ཏྠ ཀ་ཏ་མཾ ཙི་ཏྟཾ? ཡཾ ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཙི་ཏྟཾ’’. ཨི་དཾ ཙི་ཏྟཾ ཨི་མཱ་ཡ མེ་ཏྟཱ་ཡ ས་ཧ་ག་ཏཾ ཧོ་ཏི ས་ཧ་ཛཱ་ཏཾ སཾ་ས་ཊྛཾ ས་མྤ་ཡུ་ཏྟཾ. ཏེ་ན ཝུ་ཙྩ་ཏི ‘‘མེ་ཏྟཱ་ས་ཧ་ག་ཏེ་ན ཙེ་ཏ་སཱ’’ཏི.

༦༤༤. ‘‘ཨེ་ཀཾ དི་ས’’ནྟི པུ་ར་ཏྠི་མཾ ཝཱ དི་སཾ པ་ཙྪི་མཾ ཝཱ དི་སཾ ཨུ་ཏྟ་རཾ ཝཱ དི་སཾ ད་ཀྑི་ཎཾ ཝཱ དི་སཾ ཨུ་དྡྷཾ ཝཱ ཨ་དྷོ ཝཱ ཏི་རི་ཡཾ ཝཱ ཝི་དི་སཾ ཝཱ.

༦༤༥. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༤༦. ‘‘ཝི་ཧ་ར་ཏཱི’’ཏི ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི ཙ་ར་ཏི ཝི་ཧ་ར་ཏི. ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༦༤༧. ‘‘ཏ་ཐཱ དུ་ཏི་ཡ’’ནྟི ཡ་ཐེ་ཝ ཨེ་ཀཾ དི་སཾ ཏ་ཐཱ དུ་ཏི་ཡཾ དི་སཾ ཏ་ཐཱ ཏ་ཏི་ཡཾ དི་སཾ ཏ་ཐཱ ཙ་ཏུ་ཏྠཾ དི་སཾ ཏ་ཐཱ ཨུ་དྡྷཾ ཏ་ཐཱ ཨ་དྷོ ཏ་ཐཱ ཏི་རི་ཡཾ ཏ་ཐཱ ཝི་དི་སཾ.

༦༤༨. ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི ས་བྦེ་ན ས་བྦཾ ས་བྦ་ཐཱ ས་བྦཾ ཨ་སེ་སཾ ནི་སྶེ་སཾ. པ་རི་ཡཱ་དཱ་ཡ་ཝ་ཙ་ན་མེ་ཏཾ – ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི.

༦༤༩. ‘‘མེ་ཏྟཱ་ས་ཧ་ག་ཏེ་ན ཙེ་ཏ་སཱ’’ཏི ཏ་ཏྠ ཀ་ཏ་མཱ མེ་ཏྟཱ? ཡཱ ས་ཏྟེ་སུ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’.

ཏ་ཏྠ ཀ་ཏ་མཾ ཙི་ཏྟཾ? ཡཾ ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཙི་ཏྟཾ’’. ཨི་དཾ ཙི་ཏྟཾ ཨི་མཱ་ཡ མེ་ཏྟཱ་ཡ ས་ཧ་ག་ཏཾ ཧོ་ཏི ས་ཧ་ཛཱ་ཏཾ སཾ་ས་ཊྛཾ ས་མྤ་ཡུ་ཏྟཾ. ཏེ་ན ཝུ་ཙྩ་ཏི ‘‘མེ་ཏྟཱ་ས་ཧ་ག་ཏེ་ན ཙེ་ཏ་སཱ’’ཏི.

༦༥༠. ‘‘ཝི་པུ་ལེ་ནཱ’’ཏི ཡཾ ཝི་པུ་ལཾ ཏཾ མ་ཧ་གྒ་ཏཾ, ཡཾ མ་ཧ་གྒ་ཏཾ ཏཾ ཨ་པྤ་མཱ་ཎཾ, ཡཾ ཨ་པྤ་མཱ་ཎཾ སོ ཨ་ཝེ་རོ, ཡོ ཨ་ཝེ་རོ སོ ཨ་བྱཱ་པ་ཛྫོ [ཨ་བྱཱ་པ་ཛ྄ཛྷོ (སཱི. སྱཱ.)].

༦༥༡. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༥༢. ‘‘ཝི་ཧ་ར་ཏཱི’’ཏི…པེ… ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༢. ཀ་རུ་ཎཱ

༦༥༣. ཀ་ཐ་ཉྩ བྷི་ཀྑུ ཀ་རུ་ཎཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི? སེ་ཡྻ་ཐཱ་པི ནཱ་མ ཨེ་ཀཾ པུ་གྒ་ལཾ དུ་གྒ་ཏཾ དུ་རཱུ་པེ་ཏཾ དི་སྭཱ ཀ་རུ་ཎཱ་ཡེ་ཡྻ, ཨེ་ཝ་མེ་ཝ ས་བྦེ ས་ཏྟེ ཀ་རུ་ཎཱ་ཡ ཕ་ར་ཏི.

ཏ་ཏྠ ཀ་ཏ་མཱ ཀ་རུ་ཎཱ? ཡཱ ས་ཏྟེ་སུ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’.

ཏ་ཏྠ ཀ་ཏ་མཾ ཙི་ཏྟཾ? ཡཾ ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཙི་ཏྟཾ’’. ཨི་དཾ ཙི་ཏྟཾ ཨི་མཱ་ཡ ཀ་རུ་ཎཱ་ཡ ས་ཧ་ག་ཏཾ ཧོ་ཏི ས་ཧ་ཛཱ་ཏཾ སཾ་ས་ཊྛཾ ས་མྤ་ཡུ་ཏྟཾ. ཏེ་ན ཝུ་ཙྩ་ཏི ‘‘ཀ་རུ་ཎཱ་ས་ཧ་ག་ཏེ་ན ཙེ་ཏ་སཱ’’ཏི.

༦༥༤. ‘‘ཨེ་ཀཾ དི་ས’’ནྟི པུ་ར་ཏྠི་མཾ ཝཱ དི་སཾ པ་ཙྪི་མཾ ཝཱ དི་སཾ ཨུ་ཏྟ་རཾ ཝཱ དི་སཾ ད་ཀྑི་ཎཾ ཝཱ དི་སཾ ཨུ་དྡྷཾ ཝཱ ཨ་དྷོ ཝཱ ཏི་རི་ཡཾ ཝཱ ཝི་དི་སཾ ཝཱ.

༦༥༥. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༥༦. ‘‘ཝི་ཧ་ར་ཏཱི’’ཏི ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི ཙ་ར་ཏི ཝི་ཧ་ར་ཏི. ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༦༥༧. ‘‘ཏ་ཐཱ དུ་ཏི་ཡ’’ནྟི ཡ་ཐེ་ཝ ཨེ་ཀཾ དི་སཾ ཏ་ཐཱ དུ་ཏི་ཡཾ དི་སཾ ཏ་ཐཱ ཏ་ཏི་ཡཾ དི་སཾ ཏ་ཐཱ ཙ་ཏུ་ཏྠཾ དི་སཾ ཏ་ཐཱ ཨུ་དྡྷཾ ཏ་ཐཱ ཨ་དྷོ ཏ་ཐཱ ཏི་རི་ཡཾ ཏ་ཐཱ ཝི་དི་སཾ.

༦༥༨. ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི ས་བྦེ་ན ས་བྦཾ ས་བྦ་ཐཱ ས་བྦཾ ཨ་སེ་སཾ ནི་སྶེ་སཾ. པ་རི་ཡཱ་དཱ་ཡ་ཝ་ཙ་ན་མེ་ཏཾ – ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི.

༦༥༩. ‘‘ཀ་རུ་ཎཱ་ས་ཧ་ག་ཏེ་ན ཙེ་ཏ་སཱ’’ཏི ཏ་ཏྠ ཀ་ཏ་མཱ ཀ་རུ་ཎཱ? ཡཱ ས་ཏྟེ་སུ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’.

༦༦༠. ‘‘ཝི་པུ་ལེ་ནཱ’’ཏི ཡཾ ཝི་པུ་ལཾ ཏཾ མ་ཧ་གྒ་ཏཾ, ཡཾ མ་ཧ་གྒ་ཏཾ ཏཾ ཨ་པྤ་མཱ་ཎཾ, ཡཾ ཨ་པྤ་མཱ་ཎཾ སོ ཨ་ཝེ་རོ, ཡོ ཨ་ཝེ་རོ སོ ཨ་བྱཱ་པ་ཛྫོ.

༦༦༡. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༦༢. ‘‘ཝི་ཧ་ར་ཏཱི’’ཏི…པེ… ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༣. མུ་དི་ཏཱ

༦༦༣. ཀ་ཐ་ཉྩ བྷི་ཀྑུ མུ་དི་ཏཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི? སེ་ཡྻ་ཐཱ་པི ནཱ་མ ཨེ་ཀཾ པུ་གྒ་ལཾ པི་ཡཾ མ་ནཱ་པཾ དི་སྭཱ མུ་དི་ཏོ ཨ་སྶ, ཨེ་ཝ་མེ་ཝ ས་བྦེ ས་ཏྟེ མུ་དི་ཏཱ་ཡ ཕ་ར་ཏི.

ཏ་ཏྠ ཀ་ཏ་མཱ མུ་དི་ཏཱ? ཡཱ ས་ཏྟེ་སུ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’.

ཏ་ཏྠ ཀ་ཏ་མཾ ཙི་ཏྟཾ? ཡཾ ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཙི་ཏྟཾ’’. ཨི་དཾ ཙི་ཏྟཾ ཨི་མཱ་ཡ མུ་དི་ཏཱ་ཡ ས་ཧ་ག་ཏཾ ཧོ་ཏི ས་ཧ་ཛཱ་ཏཾ སཾ་ས་ཊྛཾ ས་མྤ་ཡུ་ཏྟཾ. ཏེ་ན ཝུ་ཙྩ་ཏི ‘‘མུ་དི་ཏཱ་ས་ཧ་ག་ཏེ་ན ཙེ་ཏ་སཱ’’ཏི.

༦༦༤. ‘‘ཨེ་ཀཾ དི་ས’’ནྟི པུ་ར་ཏྠི་མཾ ཝཱ དི་སཾ པ་ཙྪི་མཾ ཝཱ དི་སཾ ཨུ་ཏྟ་རཾ ཝཱ དི་སཾ ད་ཀྑི་ཎཾ ཝཱ དི་སཾ ཨུ་དྡྷཾ ཝཱ ཨ་དྷོ ཝཱ ཏི་རི་ཡཾ ཝཱ ཝི་དི་སཾ ཝཱ.

༦༦༥. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༦༦. ‘‘ཝི་ཧ་ར་ཏཱི’’ཏི…པེ… ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༦༦༧. ‘‘ཏ་ཐཱ དུ་ཏི་ཡ’’ནྟི ཡ་ཐེ་ཝ ཨེ་ཀཾ དི་སཾ ཏ་ཐཱ དུ་ཏི་ཡཾ དི་སཾ ཏ་ཐཱ ཏ་ཏི་ཡཾ དི་སཾ ཏ་ཐཱ ཙ་ཏུ་ཏྠཾ དི་སཾ ཏ་ཐཱ ཨུ་དྡྷཾ ཏ་ཐཱ ཨ་དྷོ ཏ་ཐཱ ཏི་རི་ཡཾ ཏ་ཐཱ ཝི་དི་སཾ.

༦༦༨. ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི ས་བྦེ་ན ས་བྦཾ ས་བྦ་ཐཱ ས་བྦཾ ཨ་སེ་སཾ ནི་སྶེ་སཾ. པ་རི་ཡཱ་དཱ་ཡ་ཝ་ཙ་ན་མེ་ཏཾ – ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི.

༦༦༩. ‘‘མུ་དི་ཏཱ་ས་ཧ་ག་ཏེ་ན ཙེ་ཏ་སཱ’’ཏི ཏ་ཏྠ ཀ་ཏ་མཱ མུ་དི་ཏཱ? ཡཱ ས་ཏྟེ་སུ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’.

༦༧༠. ‘‘ཝི་པུ་ལེ་ནཱ’’ཏི ཡཾ ཝི་པུ་ལཾ ཏཾ མ་ཧ་གྒ་ཏཾ, ཡཾ མ་ཧ་གྒ་ཏཾ ཏཾ ཨ་པྤ་མཱ་ཎཾ, ཡཾ ཨ་པྤ་མཱ་ཎཾ སོ ཨ་ཝེ་རོ, ཡོ ཨ་ཝེ་རོ སོ ཨ་བྱཱ་པ་ཛྫོ.

༦༧༡. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༧༢. ‘‘ཝི་ཧ་ར་ཏཱི’’ཏི …པེ… ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༤. ཨུ་པེ་ཀྑཱ

༦༧༣. ཀ་ཐ་ཉྩ བྷི་ཀྑུ ཨུ་པེ་ཀྑཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི? སེ་ཡྻ་ཐཱ་པི ནཱ་མ ཨེ་ཀཾ པུ་གྒ་ལཾ ནེ་ཝ མ་ནཱ་པཾ ན ཨ་མ་ནཱ་པཾ དི་སྭཱ ཨུ་པེ་ཀྑ་ཀོ ཨ་སྶ, ཨེ་ཝ་མེ་ཝ ས་བྦེ ས་ཏྟེ ཨུ་པེ་ཀྑཱ་ཡ ཕ་ར་ཏི.

ཏ་ཏྠ ཀ་ཏ་མཱ ཨུ་པེ་ཀྑཱ? ཡཱ ས་ཏྟེ་སུ ཨུ་པེ་ཀྑཱ ཨུ་པེ་ཀྑཱ་ཡ་ནཱ ཨུ་པེ་ཀྑཱ་ཡི་ཏ་ཏྟཾ ཨུ་པེ་ཀྑཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཨུ་པེ་ཀྑཱ’’.

ཏ་ཏྠ ཀ་ཏ་མཾ ཙི་ཏྟཾ? ཡཾ ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཙི་ཏྟཾ’’. ཨི་དཾ ཙི་ཏྟཾ ཨི་མཱ་ཡ ཨུ་པེ་ཀྑཱ་ཡ ས་ཧ་ག་ཏཾ ཧོ་ཏི ས་ཧ་ཛཱ་ཏཾ སཾ་ས་ཊྛཾ ས་མྤ་ཡུ་ཏྟཾ. ཏེ་ན ཝུ་ཙྩ་ཏི ‘‘ཨུ་པེ་ཀྑཱ་ས་ཧ་ག་ཏེ་ན ཙེ་ཏ་སཱ’’ཏི.

༦༧༤. ‘‘ཨེ་ཀཾ དི་ས’’ནྟི པུ་ར་ཏྠི་མཾ ཝཱ དི་སཾ པ་ཙྪི་མཾ ཝཱ དི་སཾ ཨུ་ཏྟ་རཾ ཝཱ དི་སཾ ད་ཀྑི་ཎཾ ཝཱ དི་སཾ ཨུ་དྡྷཾ ཝཱ ཨ་དྷོ ཝཱ ཏི་རི་ཡཾ ཝཱ ཝི་དི་སཾ ཝཱ.

༦༧༥. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༧༦. ‘‘ཝི་ཧ་ར་ཏཱི’’ཏི…པེ… ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༦༧༧. ‘‘ཏ་ཐཱ དུ་ཏི་ཡ’’ནྟི ཡ་ཐེ་ཝ ཨེ་ཀཾ དི་སཾ ཏ་ཐཱ དུ་ཏི་ཡཾ དི་སཾ ཏ་ཐཱ ཏ་ཏི་ཡཾ དི་སཾ ཏ་ཐཱ ཙ་ཏུ་ཏྠཾ དི་སཾ ཏ་ཐཱ ཨུ་དྡྷཾ ཏ་ཐཱ ཨ་དྷོ ཏ་ཐཱ ཏི་རི་ཡཾ ཏ་ཐཱ ཝི་དི་སཾ.

༦༧༨. ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི ས་བྦེ་ན ས་བྦཾ ས་བྦ་ཐཱ ས་བྦཾ ཨ་སེ་སཾ ནི་སྶེ་སཾ. པ་རི་ཡཱ་དཱ་ཡ་ཝ་ཙ་ན་མེ་ཏཾ – ‘‘ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀ’’ནྟི.

༦༧༩. ‘‘ཨུ་པེ་ཀྑཱ་ས་ཧ་ག་ཏེ་ན ཙེ་ཏ་སཱ’’ཏི, ཏ་ཏྠ ཀ་ཏ་མཱ ཨུ་པེ་ཀྑཱ? ཡཱ ས་ཏྟེ་སུ ཨུ་པེ་ཀྑཱ ཨུ་པེ་ཀྑཱ་ཡ་ནཱ ཨུ་པེ་ཀྑཱ་ཡི་ཏ་ཏྟཾ ཨུ་པེ་ཀྑཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཨུ་པེ་ཀྑཱ’’.

༦༨༠. ‘‘ཝི་པུ་ལེ་ནཱ’’ཏི ཡཾ ཝི་པུ་ལཾ ཏཾ མ་ཧ་གྒ་ཏཾ, ཡཾ མ་ཧ་གྒ་ཏཾ ཏཾ ཨ་པྤ་མཱ་ཎཾ, ཡཾ ཨ་པྤ་མཱ་ཎཾ སོ ཨ་ཝེ་རོ, ཡོ ཨ་ཝེ་རོ སོ ཨ་བྱཱ་པ་ཛྫོ.

༦༨༡. ‘‘ཕ་རི་ཏྭཱ’’ཏི ཕ་རི་ཏྭཱ ཨ་དྷི་མུ་ཙྩི་ཏྭཱ.

༦༨༢. ‘‘ཝི་ཧ་ར་ཏཱི’’ཏི…པེ… ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

སུ་ཏྟ་ནྟ་བྷཱ་ཛ་ནཱི་ཡཾ.

༢. ཨ་བྷི་དྷ་མྨ་བྷཱ་ཛ་ནཱི་ཡཾ

༦༨༣. ཙ་ཏ་སྶོ ཨ་པྤ་མ་ཉྙཱ་ཡོ – མེ་ཏྟཱ, ཀ་རུ་ཎཱ, མུ་དི་ཏཱ, ཨུ་པེ་ཀྑཱ.

༦༨༤. ཏ་ཏྠ ཀ་ཏ་མཱ མེ་ཏྟཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ མེ་ཏྟཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ མེ་ཏྟཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི པཱི་ཏི་ཡཱ ཙ ཝི་རཱ་གཱ…པེ… ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

༦༨༥. ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི ཨ་ཝི་ཏ་ཀྐཾ ཝི་ཙཱ་ར་མ་ཏྟཾ ཝི་ཝེ་ཀ་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི པཱི་ཏི་ཡཱ ཙ ཝི་རཱ་གཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

༦༨༦. ཏ་ཏྠ ཀ་ཏ་མཱ ཀ་རུ་ཎཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’. ཨ་ཝ་སེ་སཱ དྷ་མྨཱ ཀ་རུ་ཎཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ ཀ་རུ་ཎཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི པཱི་ཏི་ཡཱ ཙ ཝི་རཱ་གཱ…པེ… དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’. ཨ་ཝ་སེ་སཱ དྷ་མྨཱ ཀ་རུ་ཎཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ ཀ་རུ་ཎཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི པཱི་ཏི་ཡཱ ཙ ཝི་རཱ་གཱ…པེ… ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’. ཨ་ཝ་སེ་སཱ དྷ་མྨཱ ཀ་རུ་ཎཱ་ཡ ས་མྤ་ཡུ་ཏྟཱ.

༦༨༧. ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’. ཨ་ཝ་སེ་སཱ དྷ་མྨཱ ཀ་རུ་ཎཱ་ཡ ས་མྤ་ཡུ་ཏྟཱ.

ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི ཨ་ཝི་ཏ་ཀྐཾ ཝི་ཙཱ་ར་མ་ཏྟཾ ཝི་ཝེ་ཀ་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’. ཨ་ཝ་སེ་སཱ དྷ་མྨཱ ཀ་རུ་ཎཱ་ཡ ས་མྤ་ཡུ་ཏྟཱ.

ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’. ཨ་ཝ་སེ་སཱ དྷ་མྨཱ ཀ་རུ་ཎཱ་ཡ ས་མྤ་ཡུ་ཏྟཱ.

ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི པཱི་ཏི་ཡཱ ཙ ཝི་རཱ་གཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’. ཨ་ཝ་སེ་སཱ དྷ་མྨཱ ཀ་རུ་ཎཱ་ཡ ས་མྤ་ཡུ་ཏྟཱ.

༦༨༨. ཏ་ཏྠ ཀ་ཏ་མཱ མུ་དི་ཏཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’. ཨ་ཝ་སེ་སཱ དྷ་མྨཱ མུ་དི་ཏཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ མུ་དི་ཏཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མུ་དི་ཏཱ མུ་དི་ཏཱ་ཡ་ཏ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’. ཨ་ཝ་སེ་སཱ དྷ་མྨཱ མུ་དི་ཏཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ མུ་དི་ཏཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི པཱི་ཏི་ཡཱ ཙ ཝི་རཱ་གཱ…པེ… ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’. ཨ་ཝ་སེ་སཱ དྷ་མྨཱ མུ་དི་ཏཱ་ཡ ས་མྤ་ཡུ་ཏྟཱ.

༦༨༩. ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’. ཨ་ཝ་སེ་སཱ དྷ་མྨཱ མུ་དི་ཏཱ་ཡ ས་མྤ་ཡུ་ཏྟཱ.

ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི ཨ་ཝི་ཏ་ཀྐཾ ཝི་ཙཱ་ར་མ་ཏྟཾ ཝི་ཝེ་ཀ་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’. ཨ་ཝ་སེ་སཱ དྷ་མྨཱ མུ་དི་ཏཱ་ཡ ས་མྤ་ཡུ་ཏྟཱ.

ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’. ཨ་ཝ་སེ་སཱ དྷ་མྨཱ མུ་དི་ཏཱ་ཡ ས་མྤ་ཡུ་ཏྟཱ.

ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི པཱི་ཏི་ཡཱ ཙ ཝི་རཱ་གཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’. ཨ་ཝ་སེ་སཱ དྷ་མྨཱ མུ་དི་ཏཱ་ཡ ས་མྤ་ཡུ་ཏྟཱ.

༦༩༠. ཏ་ཏྠ ཀ་ཏ་མཱ ཨུ་པེ་ཀྑཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཨུ་པེ་ཀྑཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཨུ་པེ་ཀྑཱ ཨུ་པེ་ཀྑཱ་ཡ་ནཱ ཨུ་པེ་ཀྑཱ་ཡི་ཏ་ཏྟཾ ཨུ་པེ་ཀྑཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཨུ་པེ་ཀྑཱ’’. ཨ་ཝ་སེ་སཱ དྷ་མྨཱ ཨུ་པེ་ཀྑཱ་ཡ ས་མྤ་ཡུ་ཏྟཱ.

༦༩༡. ཙ་ཏ་སྶོ ཨ་པྤ་མ་ཉྙཱ་ཡོ – མེ་ཏྟཱ, ཀ་རུ་ཎཱ, མུ་དི་ཏཱ, ཨུ་པེ་ཀྑཱ.

༦༩༢. ཏ་ཏྠ ཀ་ཏ་མཱ མེ་ཏྟཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ མེ་ཏྟཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… པ་ཋ་མཾ ཛྷཱ་ནཾ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

༦༩༣. ཏ་ཏྠ ཀ་ཏ་མཱ ཀ་རུ་ཎཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’. ཨ་ཝ་སེ་སཱ དྷ་མྨཱ ཀ་རུ་ཎཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ ཀ་རུ་ཎཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… པ་ཋ་མཾ ཛྷཱ་ནཾ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཀ་རུ་ཎཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཀ་རུ་ཎཱ’’. ཨ་ཝ་སེ་སཱ དྷ་མྨཱ ཀ་རུ་ཎཱ་ཡ ས་མྤ་ཡུ་ཏྟཱ.

༦༩༤. ཏ་ཏྠ ཀ་ཏ་མཱ མུ་དི་ཏཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’. ཨ་ཝ་སེ་སཱ དྷ་མྨཱ མུ་དི་ཏཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ མུ་དི་ཏཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… པ་ཋ་མཾ ཛྷཱ་ནཾ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མུ་དི་ཏཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མུ་དི་ཏཱ མུ་དི་ཏཱ་ཡ་ནཱ མུ་དི་ཏཱ་ཡི་ཏ་ཏྟཾ མུ་དི་ཏཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མུ་དི་ཏཱ’’. ཨ་ཝ་སེ་སཱ དྷ་མྨཱ མུ་དི་ཏཱ་ཡ ས་མྤ་ཡུ་ཏྟཱ.

༦༩༥. ཏ་ཏྠ ཀ་ཏ་མཱ ཨུ་པེ་ཀྑཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏི སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཨུ་པེ་ཀྑཱ་ས་ཧ་ག་ཏཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ རཱུ་པཱ་ཝ་ཙ་ར་སྶ ཀུ་ས་ལ་སྶ ཀ་མྨ་སྶ ཀ་ཏ་ཏྟཱ ཨུ་པ་ཙི་ཏ་ཏྟཱ ཝི་པཱ་ཀཾ སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཨུ་པེ་ཀྑཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཨུ་པེ་ཀྑཱ ཨུ་པེ་ཀྑཱ་ཡ་ནཱ ཨུ་པེ་ཀྑཱ་ཡི་ཏ་ཏྟཾ ཨུ་པེ་ཀྑཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཨུ་པེ་ཀྑཱ’’. ཨ་ཝ་སེ་སཱ དྷ་མྨཱ ཨུ་པེ་ཀྑཱ་ཡ ས་མྤ་ཡུ་ཏྟཱ.

༦༩༦. ཙ་ཏ་སྶོ ཨ་པྤ་མ་ཉྙཱ་ཡོ – མེ་ཏྟཱ, ཀ་རུ་ཎཱ, མུ་དི་ཏཱ, ཨུ་པེ་ཀྑཱ.

༦༩༧. ཏ་ཏྠ ཀ་ཏ་མཱ མེ་ཏྟཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱ་ཝ་ཙ་རཾ ཛྷཱ་ནཾ བྷཱ་ཝེ་ཏི ཀི་རི་ཡཾ ནེ་ཝ ཀུ་ས་ལཾ ནཱ་ཀུ་ས་ལཾ ན ཙ ཀ་མྨ་ཝི་པཱ་ཀཾ དི་ཊྛ་དྷ་མྨ་སུ་ཁ་ཝི་ཧཱ་རཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

ཏ་ཏྠ ཀ་ཏ་མཱ མེ་ཏྟཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱ་ཝ་ཙ་རཾ ཛྷཱ་ནཾ བྷཱ་ཝེ་ཏི ཀི་རི་ཡཾ ནེ་ཝ ཀུ་ས་ལཾ ནཱ་ཀུ་ས་ལཾ ན ཙ ཀ་མྨ་ཝི་པཱ་ཀཾ དི་ཊྛ་དྷ་མྨ་སུ་ཁ་ཝི་ཧཱ་རཾ ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… པ་ཋ་མཾ ཛྷཱ་ནཾ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི མེ་ཏྟཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘མེ་ཏྟཱ’’. ཨ་ཝ་སེ་སཱ དྷ་མྨཱ མེ་ཏྟཱ་ཡ ས་མྤ་ཡུ་ཏྟཱ.

༦༩༨. ཏ་ཏྠ ཀ་ཏ་མཱ ཀ་རུ་ཎཱ…པེ… ཏ་ཏྠ ཀ་ཏ་མཱ མུ་དི་ཏཱ…པེ… ཏ་ཏྠ ཀ་ཏ་མཱ ཨུ་པེ་ཀྑཱ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱ་ཝ་ཙ་རཾ ཛྷཱ་ནཾ བྷཱ་ཝེ་ཏི ཀི་རི་ཡཾ ནེ་ཝ ཀུ་ས་ལཾ ནཱ་ཀུ་ས་ལཾ ན ཙ ཀ་མྨ་ཝི་པཱ་ཀཾ དི་ཊྛ་དྷ་མྨ་སུ་ཁ་ཝི་ཧཱ་རཾ སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི ཨུ་པེ་ཀྑཱ་ས་ཧ་ག་ཏཾ, ཡཱ ཏ་སྨིཾ ས་མ་ཡེ ཨུ་པེ་ཀྑཱ ཨུ་པེ་ཀྑཱ་ཡ་ནཱ ཨུ་པེ་ཀྑཱ་ཡི་ཏ་ཏྟཾ ཨུ་པེ་ཀྑཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཨུ་པེ་ཀྑཱ’’. ཨ་ཝ་སེ་སཱ དྷ་མྨཱ ཨུ་པེ་ཀྑཱ་ཡ ས་མྤ་ཡུ་ཏྟཱ.

ཨ་བྷི་དྷ་མྨ་བྷཱ་ཛ་ནཱི་ཡཾ.

༣. པ་ཉྷཱ་པུ་ཙྪ་ཀཾ

༦༩༩. ཙ་ཏ་སྶོ ཨ་པྤ་མ་ཉྙཱ་ཡོ – ཨི་དྷ བྷི་ཀྑུ མེ་ཏྟཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི ཏ་ཐཱ དུ་ཏི་ཡཾ ཏ་ཐཱ ཏ་ཏི་ཡཾ ཏ་ཐཱ ཙ་ཏུ་ཏྠཾ, ཨི་ཏི ཨུ་དྡྷ་མ་དྷོ ཏི་རི་ཡཾ ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀཾ མེ་ཏྟཱ་ས་ཧ་ག་ཏེ་ན ཙེ་ཏ་སཱ ཝི་པུ་ལེ་ན མ་ཧ་གྒ་ཏེ་ན ཨ་པྤ་མཱ་ཎེ་ན ཨ་ཝེ་རེ་ན ཨ་བྱཱ་པ་ཛྫེ་ན ཕ་རི་ཏྭཱ ཝི་ཧ་ར་ཏི; ཀ་རུ་ཎཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི ཏ་ཐཱ དུ་ཏི་ཡཾ ཏ་ཐཱ ཏ་ཏི་ཡཾ ཏ་ཐཱ ཙ་ཏུ་ཏྠཾ, ཨི་ཏི ཨུ་དྡྷ་མ་དྷོ ཏི་རི་ཡཾ ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀཾ ཀ་རུ་ཎཱ་ས་ཧ་ག་ཏེ་ན ཙེ་ཏ་སཱ ཝི་པུ་ལེ་ན མ་ཧ་གྒ་ཏེ་ན ཨ་པྤ་མཱ་ཎེ་ན ཨ་ཝེ་རེ་ན ཨ་བྱཱ་པ་ཛྫེ་ན ཕ་རི་ཏྭཱ ཝི་ཧ་ར་ཏི; མུ་དི་ཏཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི ཏ་ཐཱ དུ་ཏི་ཡཾ ཏ་ཐཱ ཏ་ཏི་ཡཾ ཏ་ཐཱ ཙ་ཏུ་ཏྠཾ, ཨི་ཏི ཨུ་དྡྷ་མ་དྷོ ཏི་རི་ཡཾ ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀཾ མུ་དི་ཏཱ་ས་ཧ་ག་ཏེ་ན ཙེ་ཏ་སཱ ཝི་པུ་ལེ་ན མ་ཧ་གྒ་ཏེ་ན ཨ་པྤ་མཱ་ཎེ་ན ཨ་ཝེ་རེ་ན ཨ་བྱཱ་པ་ཛྫེ་ན ཕ་རི་ཏྭཱ ཝི་ཧ་ར་ཏི; ཨུ་པེ་ཀྑཱ་ས་ཧ་ག་ཏེ་ན ཙེ་ཏ་སཱ ཨེ་ཀཾ དི་སཾ ཕ་རི་ཏྭཱ ཝི་ཧ་ར་ཏི ཏ་ཐཱ དུ་ཏི་ཡཾ ཏ་ཐཱ ཏ་ཏི་ཡཾ ཏ་ཐཱ ཙ་ཏུ་ཏྠཾ, ཨི་ཏི ཨུ་དྡྷ་མ་དྷོ ཏི་རི་ཡཾ ས་བྦ་དྷི ས་བྦ་ཏྟ་ཏཱ་ཡ ས་བྦཱ་ཝ་ནྟཾ ལོ་ཀཾ ཨུ་པེ་ཀྑཱ་ས་ཧ་ག་ཏེ་ན ཙེ་ཏ་སཱ ཝི་པུ་ལེ་ན མ་ཧ་གྒ་ཏེ་ན ཨ་པྤ་མཱ་ཎེ་ན ཨ་ཝེ་རེ་ན ཨ་བྱཱ་པ་ཛྫེ་ན ཕ་རི་ཏྭཱ ཝི་ཧ་ར་ཏི.

༧༠༠. ཙ་ཏུ་ནྣཾ ཨ་པྤ་མ་ཉྙཱ་ནཾ ཀ་ཏི ཀུ་ས་ལཱ, ཀ་ཏི ཨ་ཀུ་ས་ལཱ, ཀ་ཏི ཨ་བྱཱ་ཀ་ཏཱ…པེ… ཀ་ཏི ས་ར་ཎཱ, ཀ་ཏི ཨ་ར་ཎཱ?

༡. ཏི་ཀཾ

༧༠༡. སི་ཡཱ ཀུ་ས་ལཱ, སི་ཡཱ ཨ་བྱཱ་ཀ་ཏཱ. ཏི་སྶོ ཨ་པྤ་མ་ཉྙཱ་ཡོ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, ཨུ་པེ་ཀྑཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ. སི་ཡཱ ཝི་པཱ་ཀཱ, སི་ཡཱ ཝི་པཱ་ཀ་དྷ་མྨ་དྷ་མྨཱ, སི་ཡཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ. སི་ཡཱ ཨུ་པཱ་དི་ནྣུ་པཱ་དཱ་ནི་ཡཱ, སི་ཡཱ ཨ་ནུ་པཱ་དི་ནྣུ་པཱ་དཱ་ནི་ཡཱ. ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ. ཏི་སྶོ ཨ་པྤ་མ་ཉྙཱ་ཡོ སི་ཡཱ ས་ཝི་ཏ་ཀྐ་ས་ཝི་ཙཱ་རཱ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཱ; ཨུ་པེ་ཀྑཱ ཨ་ཝི་ཏ་ཀྐ་ཨ་ཝི་ཙཱ་རཱ. ཏི་སྶོ ཨ་པྤ་མ་ཉྙཱ་ཡོ སི་ཡཱ པཱི་ཏི་ས་ཧ་ག་ཏཱ, སི་ཡཱ སུ་ཁ་ས་ཧ་ག་ཏཱ, ན ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཝ་ཏྟ་བྦཱ པཱི་ཏི་ས་ཧ་ག་ཏཱ་ཏི; ཨུ་པེ་ཀྑཱ ཨུ་པེ་ཀྑཱ་ས་ཧ་ག་ཏཱ. ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ. ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. སི་ཡཱ ཨཱ་ཙ་ཡ་གཱ་མི་ནོ, སི་ཡཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནོ, ནེ་ཝ་སེ་ཀྑ་ནཱ་སེ་ཀྑཱ, མ་ཧ་གྒ་ཏཱ, ན ཝ་ཏྟ་བྦཱ པ་རི་ཏྟཱ་ར་མྨ་ཎཱ་ཏི་པི, མ་ཧ་གྒ་ཏཱ་ར་མྨ་ཎཱ་ཏི་པི, ཨ་པྤ་མཱ་ཎཱ་ར་མྨ་ཎཱ་ཏི་པི. མ་ཛ྄ཛྷི་མཱ, ཨ་ནི་ཡ་ཏཱ, ན ཝ་ཏྟ་བྦཱ མ་གྒཱ་ར་མྨ་ཎཱ་ཏི་པི, མ་གྒ་ཧེ་ཏུ་ཀཱ་ཏི་པི, མ་གྒཱ་དྷི་པ་ཏི་ནོ་ཏི་པི. སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, སི་ཡཱ ཨུ་པྤཱ་དི་ནོ. སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ. ན ཝ་ཏྟ་བྦཱ ཨ་ཏཱི་ཏཱ་ར་མྨ་ཎཱ་ཏི་པི, ཨ་ནཱ་ག་ཏཱ་ར་མྨ་ཎཱ་ཏི་པི, པ་ཙྩུ་པྤ་ནྣཱ་ར་མྨ་ཎཱ་ཏི་པི. སི་ཡཱ ཨ་ཛ྄ཛྷ་ཏྟཱ, སི་ཡཱ བ་ཧི་དྡྷཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ, བ་ཧི་དྡྷཱ་ར་མྨ་ཎཱ, ཨ་ནི་ད་སྶ་ན་ཨ་པྤ་ཊི་གྷཱ.

༢. དུ་ཀཾ

༧༠༢. མེ་ཏྟཱ ཧེ་ཏུ, ཏི་སྶོ ཨ་པྤ་མ་ཉྙཱ་ཡོ ན ཧེ་ཏཱུ, ས་ཧེ་ཏུ་ཀཱ, ཧེ་ཏུ་ས་མྤ་ཡུ་ཏྟཱ. མེ་ཏྟཱ ཧེ་ཏུ ཙེ་ཝ ས་ཧེ་ཏུ་ཀཱ ཙ; ཏི་སྶོ ཨ་པྤ་མ་ཉྙཱ་ཡོ ན ཝ་ཏྟ་བྦཱ ཧེ་ཏཱུ ཙེ་ཝ ས་ཧེ་ཏུ་ཀཱ ཙཱ་ཏི, ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ. མེ་ཏྟཱ ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟཱ ཙ; ཏི་སྶོ ཨ་པྤ་མ་ཉྙཱ་ཡོ ན ཝ་ཏྟ་བྦཱ ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙཱ་ཏི, ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ. ཏི་སྶོ ཨ་པྤ་མ་ཉྙཱ་ཡོ ན ཧེ་ཏཱུ ས་ཧེ་ཏུ་ཀཱ; མེ་ཏྟཱ ན ཝ་ཏྟ་བྦཱ ན ཧེ་ཏུ ས་ཧེ་ཏུ་ཀཱ་ཏི་པི, ན ཧེ་ཏུ ཨ་ཧེ་ཏུ་ཀཱ་ཏི་པི.

ས་པྤ་ཙྩ་ཡཱ, ས་ངྑ་ཏཱ, ཨ་ནི་ད་སྶ་ནཱ, ཨ་པྤ་ཊི་གྷཱ, ཨ་རཱུ་པཱ, ལོ་ཀི་ཡཱ, ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ, ནོ ཨཱ་ས་ཝཱ, སཱ་ས་ཝཱ, ཨཱ་ས་ཝ་ཝི་པྤ་ཡུ་ཏྟཱ, ན ཝ་ཏྟ་བྦཱ ཨཱ་ས་ཝཱ ཙེ་ཝ སཱ་ས་ཝཱ ཙཱ་ཏི, སཱ་ས་ཝཱ ཙེ་ཝ ནོ ཙ ཨཱ་ས་ཝཱ, ན ཝ་ཏྟ་བྦཱ ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙཱ་ཏི་པི, ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ་ཏི་པི. ཨཱ་ས་ཝ་ཝི་པྤ་ཡུ་ཏྟཱ སཱ་ས་ཝཱ.

ནོ སཾ་ཡོ་ཛ་ནཱ…པེ… ནོ ག་ནྠཱ…པེ… ནོ ཨོ་གྷཱ…པེ… ནོ ཡོ་གཱ…པེ… ནོ ནཱི་ཝ་ར་ཎཱ…པེ… ནོ པ་རཱ་མཱ་སཱ …པེ… སཱ་ར་མྨ་ཎཱ, ནོ ཙི་ཏྟཱ, ཙེ་ཏ་སི་ཀཱ, ཙི་ཏྟ་ས་མྤ་ཡུ་ཏྟཱ, ཙི་ཏྟ་སཾ་ས་ཊྛཱ, ཙི་ཏྟ་ས་མུ་ཊྛཱ་ནཱ, ཙི་ཏྟ་ས་ཧ་བྷུ་ནོ, ཙི་ཏྟཱ་ནུ་པ་རི་ཝ་ཏྟི་ནོ, ཙི་ཏྟ་སཾ་ས་ཊྛ་ས་མུ་ཊྛཱ་ནཱ, ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷུ་ནོ, ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི་ནོ, བཱ་ཧི་རཱ, ནོ ཨུ་པཱ་དཱ, སི་ཡཱ ཨུ་པཱ་དི་ནྣཱ, སི་ཡཱ ཨ་ནུ་པཱ་དི་ནྣཱ.

ནོ ཨུ་པཱ་དཱ་ནཱ…པེ… ནོ ཀི་ལེ་སཱ…པེ… ན ད་སྶ་ནེ་ན པ་ཧཱ་ཏ་བྦཱ, ན བྷཱ་ཝ་ནཱ་ཡ པ་ཧཱ་ཏ་བྦཱ, ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ, ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. ཏི་སྶོ ཨ་པྤ་མ་ཉྙཱ་ཡོ སི་ཡཱ ས་ཝི་ཏ་ཀྐཱ, སི་ཡཱ ཨ་ཝི་ཏ་ཀྐཱ; ཨུ་པེ་ཀྑཱ ཨ་ཝི་ཏ་ཀྐཱ. ཏི་སྶོ ཨ་པྤ་མ་ཉྙཱ་ཡོ སི་ཡཱ ས་ཝི་ཙཱ་རཱ, སི་ཡཱ ཨ་ཝི་ཙཱ་རཱ; ཨུ་པེ་ཀྑཱ ཨ་ཝི་ཙཱ་རཱ. ཏི་སྶོ ཨ་པྤ་མ་ཉྙཱ་ཡོ སི་ཡཱ ས་པྤཱི་ཏི་ཀཱ, སི་ཡཱ ཨ་པྤཱི་ཏི་ཀཱ; ཨུ་པེ་ཀྑཱ ཨ་པྤཱི་ཏི་ཀཱ. ཏི་སྶོ ཨ་པྤ་མ་ཉྙཱ་ཡོ སི་ཡཱ པཱི་ཏི་ས་ཧ་ག་ཏཱ, སི་ཡཱ ན པཱི་ཏི་ས་ཧ་ག་ཏཱ; ཨུ་པེ་ཀྑཱ ན པཱི་ཏི་ས་ཧ་ག་ཏཱ. ཏི་སྶོ ཨ་པྤ་མ་ཉྙཱ་ཡོ སུ་ཁ་ས་ཧ་ག་ཏཱ, ཨུ་པེ་ཀྑཱ ན སུ་ཁ་ས་ཧ་ག་ཏཱ. ཨུ་པེ་ཀྑཱ ཨུ་པེ་ཀྑཱ་ས་ཧ་ག་ཏཱ, ཏི་སྶོ ཨ་པྤ་མ་ཉྙཱ་ཡོ ན ཨུ་པེ་ཀྑཱ་ས་ཧ་ག་ཏཱ, ན ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ན ཨ་རཱུ་པཱ་ཝ་ཙ་རཱ, པ་རི་ཡཱ་པ་ནྣཱ, ཨ་ནི་ཡྻཱ་ནི་ཀཱ, ཨ་ནི་ཡ་ཏཱ, ས་ཨུ་ཏྟ་རཱ, ཨ་ར་ཎཱ་ཏི.

པ་ཉྷཱ་པུ་ཙྪ་ཀཾ.

ཨ་པྤ་མ་ཉྙཱ་ཝི་བྷ་ངྒོ ནི་ཊྛི་ཏོ.