༡. ཁ་ནྡྷ་ཝི་བྷ་ངྒོ
༡. སུ་ཏྟ་ནྟ་བྷཱ་ཛ་ནཱི་ཡཾ
༡. པ་ཉྩ་ཀྑ་ནྡྷཱ – རཱུ་པ་ཀྑ་ནྡྷོ, ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ.
༡. རཱུ་པ་ཀྑ་ནྡྷོ
༢. ཏ་ཏྠ ཀ་ཏ་མོ རཱུ་པ་ཀྑ་ནྡྷོ? ཡཾ ཀི་ཉྩི རཱུ་པཾ ཨ་ཏཱི་ཏཱ་ནཱ་ག་ཏ་པ་ཙྩུ་པྤ་ནྣཾ ཨ་ཛ྄ཛྷ་ཏྟཾ ཝཱ བ་ཧི་དྡྷཱ ཝཱ ཨོ་ལཱ༹་རི་ཀཾ ཝཱ སུ་ཁུ་མཾ ཝཱ ཧཱི་ནཾ ཝཱ པ་ཎཱི་ཏཾ ཝཱ ཡཾ དཱུ་རེ ས་ནྟི་ཀེ ཝཱ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི རཱུ་པ་ཀྑ་ནྡྷོ.
༣. ཏ་ཏྠ ཀ་ཏ་མཾ རཱུ་པཾ ཨ་ཏཱི་ཏཾ? ཡཾ རཱུ་པཾ ཨ་ཏཱི་ཏཾ ནི་རུ་དྡྷཾ ཝི་ག་ཏཾ ཝི་པ་རི་ཎ་ཏཾ ཨ་ཏྠ་ངྒ་ཏཾ ཨ་བྦྷ་ཏྠ་ངྒ་ཏཾ ཨུ་པྤ་ཛྫི་ཏྭཱ ཝི་ག་ཏཾ ཨ་ཏཱི་ཏཾ ཨ་ཏཱི་ཏཾ་སེ་ན ས་ངྒ་ཧི་ཏཾ, ཙ་ཏྟཱ་རོ ཙ མ་ཧཱ་བྷཱུ་ཏཱ ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ་རཱུ་པཾ – ཨི་དཾ ཝུ་ཙྩ་ཏི རཱུ་པཾ ཨ་ཏཱི་ཏཾ.
ཏ་ཏྠ ཀ་ཏ་མཾ རཱུ་པཾ ཨ་ནཱ་ག་ཏཾ? ཡཾ རཱུ་པཾ ཨ་ཛཱ་ཏཾ ཨ་བྷཱུ་ཏཾ ཨ་ས་ཉྫཱ་ཏཾ ཨ་ནི་བྦ་ཏྟཾ ཨ་ན་བྷི་ནི་བྦ་ཏྟཾ ཨ་པཱ་ཏུ་བྷཱུ་ཏཾ ཨ་ནུ་པྤ་ནྣཾ ཨ་ས་མུ་པྤ་ནྣཾ ཨ་ནུ་ཊྛི་ཏཾ ཨ་ས་མུ་ཊྛི་ཏཾ ཨ་ནཱ་ག་ཏཾ ཨ་ནཱ་ག་ཏཾ་སེ་ན ས་ངྒ་ཧི་ཏཾ, ཙ་ཏྟཱ་རོ ཙ མ་ཧཱ་བྷཱུ་ཏཱ ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ་རཱུ་པཾ – ཨི་དཾ ཝུ་ཙྩ་ཏི རཱུ་པཾ ཨ་ནཱ་ག་ཏཾ.
ཏ་ཏྠ ཀ་ཏ་མཾ རཱུ་པཾ པ་ཙྩུ་པྤ་ནྣཾ? ཡཾ རཱུ་པཾ ཛཱ་ཏཾ བྷཱུ་ཏཾ ས་ཉྫཱ་ཏཾ ནི་བྦ་ཏྟཾ ཨ་བྷི་ནི་བྦ་ཏྟཾ པཱ་ཏུ་བྷཱུ་ཏཾ ཨུ་པྤ་ནྣཾ ས་མུ་པྤ་ནྣཾ ཨུ་ཊྛི་ཏཾ ས་མུ་ཊྛི་ཏཾ པ་ཙྩུ་པྤ་ནྣཾ པ་ཙྩུ་པྤ་ནྣཾ་སེ་ན ས་ངྒ་ཧི་ཏཾ, ཙ་ཏྟཱ་རོ ཙ མ་ཧཱ་བྷཱུ་ཏཱ ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ་རཱུ་པཾ – ཨི་དཾ ཝུ་ཙྩ་ཏི རཱུ་པཾ པ་ཙྩུ་པྤ་ནྣཾ.
༤. ཏ་ཏྠ ཀ་ཏ་མཾ རཱུ་པཾ ཨ་ཛ྄ཛྷ་ཏྟཾ? ཡཾ རཱུ་པཾ ཏེ་སཾ ཏེ་སཾ ས་ཏྟཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཾ པཱ་ཊི་པུ་གྒ་ལི་ཀཾ ཨུ་པཱ་དི་ནྣཾ, ཙ་ཏྟཱ་རོ ཙ མ་ཧཱ་བྷཱུ་ཏཱ ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ་རཱུ་པཾ – ཨི་དཾ ཝུ་ཙྩ་ཏི རཱུ་པཾ ཨ་ཛ྄ཛྷ་ཏྟཾ.
ཏ་ཏྠ ཀ་ཏ་མཾ རཱུ་པཾ བ་ཧི་དྡྷཱ? ཡཾ རཱུ་པཾ ཏེ་སཾ ཏེ་སཾ པ་ར་ས་ཏྟཱ་ནཾ པ་ར་པུ་གྒ་ལཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཾ པཱ་ཊི་པུ་གྒ་ལི་ཀཾ ཨུ་པཱ་དི་ནྣཾ, ཙ་ཏྟཱ་རོ ཙ མ་ཧཱ་བྷཱུ་ཏཱ ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ་རཱུ་པཾ – ཨི་དཾ ཝུ་ཙྩ་ཏི རཱུ་པཾ བ་ཧི་དྡྷཱ.
༥. ཏ་ཏྠ ཀ་ཏ་མཾ རཱུ་པཾ ཨོ་ལཱ༹་རི་ཀཾ? ཙ་ཀྑཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ – ཨི་དཾ ཝུ་ཙྩ་ཏི རཱུ་པཾ ཨོ་ལཱ༹་རི་ཀཾ.
ཏ་ཏྠ ཀ་ཏ་མཾ རཱུ་པཾ སུ་ཁུ་མཾ? ཨི་ཏྠི་ནྡྲི་ཡཾ…པེ… ཀ་བ་ལཱི༹་ཀཱ་རོ [ཀ་བ་ལི༹ཾ་ཀཱ་རོ (སཱི. སྱཱ.)] ཨཱ་ཧཱ་རོ – ཨི་དཾ ཝུ་ཙྩ་ཏི རཱུ་པཾ སུ་ཁུ་མཾ.
༦. ཏ་ཏྠ ཀ་ཏ་མཾ རཱུ་པཾ ཧཱི་ནཾ? ཡཾ རཱུ་པཾ ཏེ་སཾ ཏེ་སཾ ས་ཏྟཱ་ནཾ ཨུ་ཉྙཱ་ཏཾ ཨ་ཝ་ཉྙཱ་ཏཾ ཧཱི་ལི༹་ཏཾ པ་རི་བྷཱུ་ཏཾ ཨ་ཙི་ཏྟཱི་ཀ་ཏཾ ཧཱི་ནཾ ཧཱི་ན་མ་ཏཾ ཧཱི་ན་ས་མྨ་ཏཾ ཨ་ནི་ཊྛཾ ཨ་ཀ་ནྟཾ ཨ་མ་ནཱ་པཾ, རཱུ་པཱ ས་དྡཱ ག་ནྡྷཱ ར་སཱ ཕོ་ཊྛ་བྦཱ – ཨི་དཾ ཝུ་ཙྩ་ཏི རཱུ་པཾ ཧཱི་ནཾ.
ཏ་ཏྠ ཀ་ཏ་མཾ རཱུ་པཾ པ་ཎཱི་ཏཾ? ཡཾ རཱུ་པཾ ཏེ་སཾ ཏེ་སཾ ས་ཏྟཱ་ནཾ ཨ་ནུ་ཉྙཱ་ཏཾ ཨ་ན་ཝ་ཉྙཱ་ཏཾ ཨ་ཧཱི་ལི༹་ཏཾ ཨ་པ་རི་བྷཱུ་ཏཾ ཙི་ཏྟཱི་ཀ་ཏཾ པ་ཎཱི་ཏཾ པ་ཎཱི་ཏ་མ་ཏཾ པ་ཎཱི་ཏ་ས་མྨ་ཏཾ ཨི་ཊྛཾ ཀ་ནྟཾ མ་ནཱ་པཾ, རཱུ་པཱ ས་དྡཱ ག་ནྡྷཱ ར་སཱ ཕོ་ཊྛ་བྦཱ – ཨི་དཾ ཝུ་ཙྩ་ཏི རཱུ་པཾ པ་ཎཱི་ཏཾ. ཏཾ ཏཾ ཝཱ པ་ན རཱུ་པཾ ཨུ་པཱ་དཱ་ཡུ་པཱ་དཱ་ཡ རཱུ་པཾ ཧཱི་ནཾ པ་ཎཱི་ཏཾ ད་ཊྛ་བྦཾ.
༧. ཏ་ཏྠ ཀ་ཏ་མཾ རཱུ་པཾ དཱུ་རེ? ཨི་ཏྠི་ནྡྲི་ཡཾ…པེ… ཀ་བ་ལཱི༹་ཀཱ་རོ ཨཱ་ཧཱ་རོ, ཡཾ ཝཱ པ་ན་ཉྙ་མྤི ཨ་ཏྠི རཱུ་པཾ ཨ་ནཱ་ས་ནྣེ ཨ་ནུ་པ་ཀ་ཊྛེ དཱུ་རེ ཨ་ས་ནྟི་ཀེ – ཨི་དཾ ཝུ་ཙྩ་ཏི རཱུ་པཾ དཱུ་རེ.
ཏ་ཏྠ ཀ་ཏ་མཾ རཱུ་པཾ ས་ནྟི་ཀེ? ཙ་ཀྑཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ, ཡཾ ཝཱ པ་ན་ཉྙ་མྤི ཨ་ཏྠི རཱུ་པཾ ཨཱ་ས་ནྣེ ཨུ་པ་ཀ་ཊྛེ ཨ་ཝི་དཱུ་རེ ས་ནྟི་ཀེ – ཨི་དཾ ཝུ་ཙྩ་ཏི རཱུ་པཾ ས་ནྟི་ཀེ. ཏཾ ཏཾ ཝཱ པ་ན རཱུ་པཾ ཨུ་པཱ་དཱ་ཡུ་པཱ་དཱ་ཡ རཱུ་པཾ དཱུ་རེ ས་ནྟི་ཀེ ད་ཊྛ་བྦཾ.
༢. ཝེ་ད་ནཱ་ཀྑ་ནྡྷོ
༨. ཏ་ཏྠ ཀ་ཏ་མོ ཝེ་ད་ནཱ་ཀྑ་ནྡྷོ? ཡཱ ཀཱ་ཙི ཝེ་ད་ནཱ ཨ་ཏཱི་ཏཱ་ནཱ་ག་ཏ་པ་ཙྩུ་པྤ་ནྣཱ ཨ་ཛ྄ཛྷ་ཏྟཱ ཝཱ བ་ཧི་དྡྷཱ ཝཱ ཨོ་ལཱ༹་རི་ཀཱ ཝཱ སུ་ཁུ་མཱ ཝཱ ཧཱི་ནཱ ཝཱ པ་ཎཱི་ཏཱ ཝཱ ཡཱ དཱུ་རེ ས་ནྟི་ཀེ ཝཱ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི ཝེ་ད་ནཱ་ཀྑ་ནྡྷོ.
༩. ཏ་ཏྠ ཀ་ཏ་མཱ ཝེ་ད་ནཱ ཨ་ཏཱི་ཏཱ? ཡཱ ཝེ་ད་ནཱ ཨ་ཏཱི་ཏཱ ནི་རུ་དྡྷཱ ཝི་ག་ཏཱ ཝི་པ་རི་ཎ་ཏཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨུ་པྤ་ཛྫི་ཏྭཱ ཝི་ག་ཏཱ ཨ་ཏཱི་ཏཱ ཨ་ཏཱི་ཏཾ་སེ་ན ས་ངྒ་ཧི་ཏཱ, སུ་ཁཱ ཝེ་ད་ནཱ དུ་ཀྑཱ ཝེ་ད་ནཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཝུ་ཙྩ་ཏི ཝེ་ད་ནཱ ཨ་ཏཱི་ཏཱ.
ཏ་ཏྠ ཀ་ཏ་མཱ ཝེ་ད་ནཱ ཨ་ནཱ་ག་ཏཱ? ཡཱ ཝེ་ད་ནཱ ཨ་ཛཱ་ཏཱ ཨ་བྷཱུ་ཏཱ ཨ་ས་ཉྫཱ་ཏཱ ཨ་ནི་བྦ་ཏྟཱ ཨ་ན་བྷི་ནི་བྦ་ཏྟཱ ཨ་པཱ་ཏུ་བྷཱུ་ཏཱ ཨ་ནུ་པྤ་ནྣཱ ཨ་ས་མུ་པྤ་ནྣཱ ཨ་ནུ་ཊྛི་ཏཱ ཨ་ས་མུ་ཊྛི་ཏཱ ཨ་ནཱ་ག་ཏཱ ཨ་ནཱ་ག་ཏཾ་སེ་ན ས་ངྒ་ཧི་ཏཱ, སུ་ཁཱ ཝེ་ད་ནཱ དུ་ཀྑཱ ཝེ་ད་ནཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཝུ་ཙྩ་ཏི ཝེ་ད་ནཱ ཨ་ནཱ་ག་ཏཱ.
ཏ་ཏྠ ཀ་ཏ་མཱ ཝེ་ད་ནཱ པ་ཙྩུ་པྤ་ནྣཱ? ཡཱ ཝེ་ད་ནཱ ཛཱ་ཏཱ བྷཱུ་ཏཱ ས་ཉྫཱ་ཏཱ ནི་བྦ་ཏྟཱ ཨ་བྷི་ནི་བྦ་ཏྟཱ པཱ་ཏུ་བྷཱུ་ཏཱ ཨུ་པྤ་ནྣཱ ས་མུ་པྤ་ནྣཱ ཨུ་ཊྛི་ཏཱ ས་མུ་ཊྛི་ཏཱ པ་ཙྩུ་པྤ་ནྣཱ པ་ཙྩུ་པྤ་ནྣཾ་སེ་ན ས་ངྒ་ཧི་ཏཱ, སུ་ཁཱ ཝེ་ད་ནཱ དུ་ཀྑཱ ཝེ་ད་ནཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཝུ་ཙྩ་ཏི ཝེ་ད་ནཱ པ་ཙྩུ་པྤ་ནྣཱ.
༡༠. ཏ་ཏྠ ཀ་ཏ་མཱ ཝེ་ད་ནཱ ཨ་ཛ྄ཛྷ་ཏྟཱ? ཡཱ ཝེ་ད་ནཱ ཏེ་སཾ ཏེ་སཾ ས་ཏྟཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཱ པཱ་ཊི་པུ་གྒ་ལི་ཀཱ ཨུ་པཱ་དི་ནྣཱ, སུ་ཁཱ ཝེ་ད་ནཱ དུ་ཀྑཱ ཝེ་ད་ནཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཝུ་ཙྩ་ཏི ཝེ་ད་ནཱ ཨ་ཛ྄ཛྷ་ཏྟཱ.
ཏ་ཏྠ ཀ་ཏ་མཱ ཝེ་ད་ནཱ བ་ཧི་དྡྷཱ? ཡཱ ཝེ་ད་ནཱ ཏེ་སཾ ཏེ་སཾ པ་ར་ས་ཏྟཱ་ནཾ པ་ར་པུ་གྒ་ལཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཱ པཱ་ཊི་པུ་གྒ་ལི་ཀཱ ཨུ་པཱ་དི་ནྣཱ, སུ་ཁཱ ཝེ་ད་ནཱ དུ་ཀྑཱ ཝེ་ད་ནཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཝུ་ཙྩ་ཏི ཝེ་ད་ནཱ བ་ཧི་དྡྷཱ.
༡༡. ཏ་ཏྠ ཀ་ཏ་མཱ ཝེ་ད་ནཱ ཨོ་ལཱ༹་རི་ཀཱ སུ་ཁུ་མཱ? ཨ་ཀུ་ས་ལཱ ཝེ་ད་ནཱ ཨོ་ལཱ༹་རི་ཀཱ, ཀུ་ས་ལཱ་བྱཱ་ཀ་ཏཱ ཝེ་ད་ནཱ སུ་ཁུ་མཱ. ཀུ་ས་ལཱ་ཀུ་ས་ལཱ ཝེ་ད་ནཱ ཨོ་ལཱ༹་རི་ཀཱ, ཨ་བྱཱ་ཀ་ཏཱ ཝེ་ད་ནཱ སུ་ཁུ་མཱ. དུ་ཀྑཱ ཝེ་ད་ནཱ ཨོ་ལཱ༹་རི་ཀཱ, སུ་ཁཱ ཙ ཨ་དུ་ཀྑ་མ་སུ་ཁཱ ཙ ཝེ་ད་ནཱ སུ་ཁུ་མཱ. སུ་ཁ་དུ་ཀྑཱ ཝེ་ད་ནཱ ཨོ་ལཱ༹་རི་ཀཱ, ཨ་དུ་ཀྑ་མ་སུ་ཁཱ ཝེ་ད་ནཱ སུ་ཁུ་མཱ. ཨ་ས་མཱ་པ་ནྣ་སྶ ཝེ་ད་ནཱ ཨོ་ལཱ༹་རི་ཀཱ, ས་མཱ་པ་ནྣ་སྶ ཝེ་ད་ནཱ སུ་ཁུ་མཱ. སཱ་ས་ཝཱ ཝེ་ད་ནཱ ཨོ་ལཱ༹་རི་ཀཱ, ཨ་ནཱ་ས་ཝཱ ཝེ་ད་ནཱ སུ་ཁུ་མཱ. ཏཾ ཏཾ ཝཱ པ་ན ཝེ་ད་ནཾ ཨུ་པཱ་དཱ་ཡུ་པཱ་དཱ་ཡ ཝེ་ད་ནཱ ཨོ་ལཱ༹་རི་ཀཱ སུ་ཁུ་མཱ ད་ཊྛ་བྦཱ.
༡༢. ཏ་ཏྠ ཀ་ཏ་མཱ ཝེ་ད་ནཱ ཧཱི་ནཱ པ་ཎཱི་ཏཱ? ཨ་ཀུ་ས་ལཱ ཝེ་ད་ནཱ ཧཱི་ནཱ, ཀུ་ས་ལཱ་བྱཱ་ཀ་ཏཱ ཝེ་ད་ནཱ པ་ཎཱི་ཏཱ. ཀུ་ས་ལཱ་ཀུ་ས་ལཱ ཝེ་ད་ནཱ ཧཱི་ནཱ, ཨ་བྱཱ་ཀ་ཏཱ ཝེ་ད་ནཱ པ་ཎཱི་ཏཱ. དུ་ཀྑཱ ཝེ་ད་ནཱ ཧཱི་ནཱ, སུ་ཁཱ ཙ ཨ་དུ་ཀྑ་མ་སུ་ཁཱ ཙ ཝེ་ད་ནཱ པ་ཎཱི་ཏཱ. སུ་ཁ་དུ་ཀྑཱ ཝེ་ད་ནཱ ཧཱི་ནཱ, ཨ་དུ་ཀྑ་མ་སུ་ཁཱ ཝེ་ད་ནཱ པ་ཎཱི་ཏཱ. ཨ་ས་མཱ་པ་ནྣ་སྶ ཝེ་ད་ནཱ ཧཱི་ནཱ, ས་མཱ་པ་ནྣ་སྶ ཝེ་ད་ནཱ པ་ཎཱི་ཏཱ. སཱ་ས་ཝཱ ཝེ་ད་ནཱ ཧཱི་ནཱ, ཨ་ནཱ་ས་ཝཱ ཝེ་ད་ནཱ པ་ཎཱི་ཏཱ. ཏཾ ཏཾ ཝཱ པ་ན ཝེ་ད་ནཾ ཨུ་པཱ་དཱ་ཡུ་པཱ་དཱ་ཡ ཝེ་ད་ནཱ ཧཱི་ནཱ པ་ཎཱི་ཏཱ ད་ཊྛ་བྦཱ.
༡༣. ཏ་ཏྠ ཀ་ཏ་མཱ ཝེ་ད་ནཱ དཱུ་རེ? ཨ་ཀུ་ས་ལཱ ཝེ་ད་ནཱ ཀུ་ས་ལཱ་བྱཱ་ཀ་ཏཱ་ཧི ཝེ་ད་ནཱ་ཧི དཱུ་རེ; ཀུ་ས་ལཱ་བྱཱ་ཀ་ཏཱ ཝེ་ད་ནཱ ཨ་ཀུ་ས་ལཱ་ཡ ཝེ་ད་ནཱ་ཡ དཱུ་རེ; ཀུ་ས་ལཱ ཝེ་ད་ནཱ ཨ་ཀུ་ས་ལཱ་བྱཱ་ཀ་ཏཱ་ཧི ཝེ་ད་ནཱ་ཧི དཱུ་རེ; ཨ་ཀུ་ས་ལཱ་བྱཱ་ཀ་ཏཱ ཝེ་ད་ནཱ ཀུ་ས་ལཱ་ཡ ཝེ་ད་ནཱ་ཡ དཱུ་རེ; ཨ་བྱཱ་ཀ་ཏཱ ཝེ་ད་ནཱ ཀུ་ས་ལཱ་ཀུ་ས་ལཱ་ཧི ཝེ་ད་ནཱ་ཧི དཱུ་རེ; ཀུ་ས་ལཱ་ཀུ་ས་ལཱ ཝེ་ད་ནཱ ཨ་བྱཱ་ཀ་ཏཱ་ཡ ཝེ་ད་ནཱ་ཡ དཱུ་རེ. དུ་ཀྑཱ ཝེ་ད་ནཱ སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི དཱུ་རེ; སུ་ཁཱ ཙ ཨ་དུ་ཀྑ་མ་སུ་ཁཱ ཙ ཝེ་ད་ནཱ དུ་ཀྑཱ་ཡ ཝེ་ད་ནཱ་ཡ དཱུ་རེ; སུ་ཁཱ ཝེ་ད་ནཱ དུ་ཀྑཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི དཱུ་རེ; དུ་ཀྑཱ ཙ ཨ་དུ་ཀྑ་མ་སུ་ཁཱ ཙ ཝེ་ད་ནཱ སུ་ཁཱ་ཡ ཝེ་ད་ནཱ་ཡ དཱུ་རེ; ཨ་དུ་ཀྑ་མ་སུ་ཁཱ ཝེ་ད་ནཱ སུ་ཁ་དུ་ཀྑཱ་ཧི ཝེ་ད་ནཱ་ཧི དཱུ་རེ; སུ་ཁ་དུ་ཀྑཱ ཝེ་ད་ནཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ དཱུ་རེ. ཨ་ས་མཱ་པ་ནྣ་སྶ ཝེ་ད་ནཱ ས་མཱ་པ་ནྣ་སྶ ཝེ་ད་ནཱ་ཡ དཱུ་རེ; ས་མཱ་པ་ནྣ་སྶ ཝེ་ད་ནཱ ཨ་ས་མཱ་པ་ནྣ་སྶ ཝེ་ད་ནཱ་ཡ དཱུ་རེ. སཱ་ས་ཝཱ ཝེ་ད་ནཱ ཨ་ནཱ་ས་ཝཱ་ཡ ཝེ་ད་ནཱ་ཡ དཱུ་རེ; ཨ་ནཱ་ས་ཝཱ ཝེ་ད་ནཱ སཱ་ས་ཝཱ་ཡ ཝེ་ད་ནཱ་ཡ དཱུ་རེ – ཨ་ཡཾ ཝུ་ཙྩ་ཏི ཝེ་ད་ནཱ དཱུ་རེ.
ཏ་ཏྠ ཀ་ཏ་མཱ ཝེ་ད་ནཱ ས་ནྟི་ཀེ? ཨ་ཀུ་ས་ལཱ ཝེ་ད་ནཱ ཨ་ཀུ་ས་ལཱ་ཡ ཝེ་ད་ནཱ་ཡ ས་ནྟི་ཀེ; ཀུ་ས་ལཱ ཝེ་ད་ནཱ ཀུ་ས་ལཱ་ཡ ཝེ་ད་ནཱ་ཡ ས་ནྟི་ཀེ; ཨ་བྱཱ་ཀ་ཏཱ ཝེ་ད་ནཱ ཨ་བྱཱ་ཀ་ཏཱ་ཡ ཝེ་ད་ནཱ་ཡ ས་ནྟི་ཀེ. དུ་ཀྑཱ ཝེ་ད་ནཱ དུ་ཀྑཱ་ཡ ཝེ་ད་ནཱ་ཡ ས་ནྟི་ཀེ; སུ་ཁཱ ཝེ་ད་ནཱ སུ་ཁཱ་ཡ ཝེ་ད་ནཱ་ཡ ས་ནྟི་ཀེ; ཨ་དུ་ཀྑ་མ་སུ་ཁཱ ཝེ་ད་ནཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་ནྟི་ཀེ. ཨ་ས་མཱ་པ་ནྣ་སྶ ཝེ་ད་ནཱ ཨ་ས་མཱ་པ་ནྣ་སྶ ཝེ་ད་ནཱ་ཡ ས་ནྟི་ཀེ; ས་མཱ་པ་ནྣ་སྶ ཝེ་ད་ནཱ ས་མཱ་པ་ནྣ་སྶ ཝེ་ད་ནཱ་ཡ ས་ནྟི་ཀེ. སཱ་ས་ཝཱ ཝེ་ད་ནཱ སཱ་ས་ཝཱ་ཡ ཝེ་ད་ནཱ་ཡ ས་ནྟི་ཀེ; ཨ་ནཱ་ས་ཝཱ ཝེ་ད་ནཱ ཨ་ནཱ་ས་ཝཱ་ཡ ཝེ་ད་ནཱ་ཡ ས་ནྟི་ཀེ. ཨ་ཡཾ ཝུ་ཙྩ་ཏི ཝེ་ད་ནཱ ས་ནྟི་ཀེ. ཏཾ ཏཾ ཝཱ པ་ན ཝེ་ད་ནཾ ཨུ་པཱ་དཱ་ཡུ་པཱ་དཱ་ཡ ཝེ་ད་ནཱ དཱུ་རེ ས་ནྟི་ཀེ ད་ཊྛ་བྦཱ.
༣. ས་ཉྙཱ་ཀྑ་ནྡྷོ
༡༤. ཏ་ཏྠ ཀ་ཏ་མོ ས་ཉྙཱ་ཀྑ་ནྡྷོ? ཡཱ ཀཱ་ཙི ས་ཉྙཱ ཨ་ཏཱི་ཏཱ་ནཱ་ག་ཏ་པ་ཙྩུ་པྤ་ནྣཱ ཨ་ཛ྄ཛྷ་ཏྟཱ ཝཱ བ་ཧི་དྡྷཱ ཝཱ ཨོ་ལཱ༹་རི་ཀཱ ཝཱ སུ་ཁུ་མཱ ཝཱ ཧཱི་ནཱ ཝཱ པ་ཎཱི་ཏཱ ཝཱ ཡཱ དཱུ་རེ ས་ནྟི་ཀེ ཝཱ ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི ས་ཉྙཱ་ཀྑ་ནྡྷོ.
༡༥. ཏ་ཏྠ ཀ་ཏ་མཱ ས་ཉྙཱ ཨ་ཏཱི་ཏཱ? ཡཱ ས་ཉྙཱ ཨ་ཏཱི་ཏཱ ནི་རུ་དྡྷཱ ཝི་ག་ཏཱ ཝི་པ་རི་ཎ་ཏཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨུ་པྤ་ཛྫི་ཏྭཱ ཝི་ག་ཏཱ ཨ་ཏཱི་ཏཱ ཨ་ཏཱི་ཏཾ་སེ་ན ས་ངྒ་ཧི་ཏཱ, ཙ་ཀྑུ་ས་མྥ་སྶ་ཛཱ ས་ཉྙཱ སོ་ཏ་ས་མྥ་སྶ་ཛཱ ས་ཉྙཱ གྷཱ་ན་ས་མྥ་སྶ་ཛཱ ས་ཉྙཱ ཛི་ཝ྄ཧཱ་ས་མྥ་སྶ་ཛཱ ས་ཉྙཱ ཀཱ་ཡ་ས་མྥ་སྶ་ཛཱ ས་ཉྙཱ མ་ནོ་ས་མྥ་སྶ་ཛཱ ས་ཉྙཱ – ཨ་ཡཾ ཝུ་ཙྩ་ཏི ས་ཉྙཱ ཨ་ཏཱི་ཏཱ.
ཏ་ཏྠ ཀ་ཏ་མཱ ས་ཉྙཱ ཨ་ནཱ་ག་ཏཱ? ཡཱ ས་ཉྙཱ ཨ་ཛཱ་ཏཱ ཨ་བྷཱུ་ཏཱ ཨ་ས་ཉྫཱ་ཏཱ ཨ་ནི་བྦ་ཏྟཱ ཨ་ན་བྷི་ནི་བྦ་ཏྟཱ ཨ་པཱ་ཏུ་བྷཱུ་ཏཱ ཨ་ནུ་པྤ་ནྣཱ ཨ་ས་མུ་པྤ་ནྣཱ ཨ་ནུ་ཊྛི་ཏཱ ཨ་ས་མུ་ཊྛི་ཏཱ ཨ་ནཱ་ག་ཏཱ ཨ་ནཱ་ག་ཏཾ་སེ་ན ས་ངྒ་ཧི་ཏཱ, ཙ་ཀྑུ་ས་མྥ་སྶ་ཛཱ ས་ཉྙཱ སོ་ཏ་ས་མྥ་སྶ་ཛཱ ས་ཉྙཱ གྷཱ་ན་ས་མྥ་སྶ་ཛཱ ས་ཉྙཱ ཛི་ཝ྄ཧཱ་ས་མྥ་སྶ་ཛཱ ས་ཉྙཱ ཀཱ་ཡ་ས་མྥ་སྶ་ཛཱ ས་ཉྙཱ མ་ནོ་ས་མྥ་སྶ་ཛཱ ས་ཉྙཱ – ཨ་ཡཾ ཝུ་ཙྩ་ཏི ས་ཉྙཱ ཨ་ནཱ་ག་ཏཱ.
ཏ་ཏྠ ཀ་ཏ་མཱ ས་ཉྙཱ པ་ཙྩུ་པྤ་ནྣཱ? ཡཱ ས་ཉྙཱ ཛཱ་ཏཱ བྷཱུ་ཏཱ ས་ཉྫཱ་ཏཱ ནི་བྦ་ཏྟཱ ཨ་བྷི་ནི་བྦ་ཏྟཱ པཱ་ཏུ་བྷཱུ་ཏཱ ཨུ་པྤ་ནྣཱ ས་མུ་པྤ་ནྣཱ ཨུ་ཊྛི་ཏཱ ས་མུ་ཊྛི་ཏཱ པ་ཙྩུ་པྤ་ནྣཱ པ་ཙྩུ་པྤ་ནྣཾ་སེ་ན ས་ངྒ་ཧི་ཏཱ, ཙ་ཀྑུ་ས་མྥ་སྶ་ཛཱ ས་ཉྙཱ སོ་ཏ་ས་མྥ་སྶ་ཛཱ ས་ཉྙཱ གྷཱ་ན་ས་མྥ་སྶ་ཛཱ ས་ཉྙཱ ཛི་ཝ྄ཧཱ་ས་མྥ་སྶ་ཛཱ ས་ཉྙཱ ཀཱ་ཡ་ས་མྥ་སྶ་ཛཱ ས་ཉྙཱ མ་ནོ་ས་མྥ་སྶ་ཛཱ ས་ཉྙཱ – ཨ་ཡཾ ཝུ་ཙྩ་ཏི ས་ཉྙཱ པ་ཙྩུ་པྤ་ནྣཱ.
༡༦. ཏ་ཏྠ ཀ་ཏ་མཱ ས་ཉྙཱ ཨ་ཛ྄ཛྷ་ཏྟཱ? ཡཱ ས་ཉྙཱ ཏེ་སཾ ཏེ་སཾ ས་ཏྟཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཱ པཱ་ཊི་པུ་གྒ་ལི་ཀཱ ཨུ་པཱ་དི་ནྣཱ, ཙ་ཀྑུ་ས་མྥ་སྶ་ཛཱ ས་ཉྙཱ སོ་ཏ་ས་མྥ་སྶ་ཛཱ ས་ཉྙཱ གྷཱ་ན་ས་མྥ་སྶ་ཛཱ ས་ཉྙཱ ཛི་ཝ྄ཧཱ་ས་མྥ་སྶ་ཛཱ ས་ཉྙཱ ཀཱ་ཡ་ས་མྥ་སྶ་ཛཱ ས་ཉྙཱ མ་ནོ་ས་མྥ་སྶ་ཛཱ ས་ཉྙཱ – ཨ་ཡཾ ཝུ་ཙྩ་ཏི ས་ཉྙཱ ཨ་ཛ྄ཛྷ་ཏྟཱ.
ཏ་ཏྠ ཀ་ཏ་མཱ ས་ཉྙཱ བ་ཧི་དྡྷཱ? ཡཱ ས་ཉྙཱ ཏེ་སཾ ཏེ་སཾ པ་ར་ས་ཏྟཱ་ནཾ པ་ར་པུ་གྒ་ལཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཱ པཱ་ཊི་པུ་གྒ་ལི་ཀཱ ཨུ་པཱ་དི་ནྣཱ, ཙ་ཀྑུ་ས་མྥ་སྶ་ཛཱ ས་ཉྙཱ སོ་ཏ་ས་མྥ་སྶ་ཛཱ ས་ཉྙཱ གྷཱ་ན་ས་མྥ་སྶ་ཛཱ ས་ཉྙཱ ཛི་ཝ྄ཧཱ་ས་མྥ་སྶ་ཛཱ ས་ཉྙཱ ཀཱ་ཡ་ས་མྥ་སྶ་ཛཱ ས་ཉྙཱ མ་ནོ་ས་མྥ་སྶ་ཛཱ ས་ཉྙཱ – ཨ་ཡཾ ཝུ་ཙྩ་ཏི ས་ཉྙཱ བ་ཧི་དྡྷཱ.
༡༧. ཏ་ཏྠ ཀ་ཏ་མཱ ས་ཉྙཱ ཨོ་ལཱ༹་རི་ཀཱ སུ་ཁུ་མཱ? པ་ཊི་གྷ་ས་མྥ་སྶ་ཛཱ ས་ཉྙཱ ཨོ་ལཱ༹་རི་ཀཱ, ཨ་དྷི་ཝ་ཙ་ན་ས་མྥ་སྶ་ཛཱ ས་ཉྙཱ སུ་ཁུ་མཱ. ཨ་ཀུ་ས་ལཱ ས་ཉྙཱ ཨོ་ལཱ༹་རི་ཀཱ, ཀུ་ས་ལཱ་བྱཱ་ཀ་ཏཱ ས་ཉྙཱ སུ་ཁུ་མཱ. ཀུ་ས་ལཱ་ཀུ་ས་ལཱ ས་ཉྙཱ ཨོ་ལཱ༹་རི་ཀཱ, ཨ་བྱཱ་ཀ་ཏཱ ས་ཉྙཱ སུ་ཁུ་མཱ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ ཨོ་ལཱ༹་རི་ཀཱ, སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ས་ཉྙཱ སུ་ཁུ་མཱ. སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ས་ཉྙཱ ཨོ་ལཱ༹་རི་ཀཱ, ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ སུ་ཁུ་མཱ. ཨ་ས་མཱ་པ་ནྣ་སྶ ས་ཉྙཱ ཨོ་ལཱ༹་རི་ཀཱ, ས་མཱ་པ་ནྣ་སྶ ས་ཉྙཱ སུ་ཁུ་མཱ. སཱ་ས་ཝཱ ས་ཉྙཱ ཨོ་ལཱ༹་རི་ཀཱ, ཨ་ནཱ་ས་ཝཱ ས་ཉྙཱ སུ་ཁུ་མཱ. ཏཾ ཏཾ ཝཱ པ་ན ས་ཉྙཾ ཨུ་པཱ་དཱ་ཡུ་པཱ་དཱ་ཡ ས་ཉྙཱ ཨོ་ལཱ༹་རི་ཀཱ སུ་ཁུ་མཱ ད་ཊྛ་བྦཱ.
༡༨. ཏ་ཏྠ ཀ་ཏ་མཱ ས་ཉྙཱ ཧཱི་ནཱ པ་ཎཱི་ཏཱ? ཨ་ཀུ་ས་ལཱ ས་ཉྙཱ ཧཱི་ནཱ, ཀུ་ས་ལཱ་བྱཱ་ཀ་ཏཱ ས་ཉྙཱ པ་ཎཱི་ཏཱ. ཀུ་ས་ལཱ་ཀུ་ས་ལཱ ས་ཉྙཱ ཧཱི་ནཱ, ཨ་བྱཱ་ཀ་ཏཱ ས་ཉྙཱ པ་ཎཱི་ཏཱ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ ཧཱི་ནཱ, སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ས་ཉྙཱ པ་ཎཱི་ཏཱ. སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ས་ཉྙཱ ཧཱི་ནཱ, ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ པ་ཎཱི་ཏཱ. ཨ་ས་མཱ་པ་ནྣ་སྶ ས་ཉྙཱ ཧཱི་ནཱ, ས་མཱ་པ་ནྣ་སྶ ས་ཉྙཱ པ་ཎཱི་ཏཱ. སཱ་ས་ཝཱ ས་ཉྙཱ ཧཱི་ནཱ, ཨ་ནཱ་ས་ཝཱ ས་ཉྙཱ པ་ཎཱི་ཏཱ. ཏཾ ཏཾ ཝཱ པ་ན ས་ཉྙཾ ཨུ་པཱ་དཱ་ཡུ་པཱ་དཱ་ཡ ས་ཉྙཱ ཧཱི་ནཱ པ་ཎཱི་ཏཱ ད་ཊྛ་བྦཱ.
༡༩. ཏ་ཏྠ ཀ་ཏ་མཱ ས་ཉྙཱ དཱུ་རེ? ཨ་ཀུ་ས་ལཱ ས་ཉྙཱ ཀུ་ས་ལཱ་བྱཱ་ཀ་ཏཱ་ཧི ས་ཉྙཱ་ཧི དཱུ་རེ; ཀུ་ས་ལཱ་བྱཱ་ཀ་ཏཱ ས་ཉྙཱ ཨ་ཀུ་ས་ལཱ་ཡ ས་ཉྙཱ་ཡ དཱུ་རེ; ཀུ་ས་ལཱ ས་ཉྙཱ ཨ་ཀུ་ས་ལཱ་བྱཱ་ཀ་ཏཱ་ཧི ས་ཉྙཱ་ཧི དཱུ་རེ; ཨ་ཀུ་ས་ལཱ་བྱཱ་ཀ་ཏཱ ས་ཉྙཱ ཀུ་ས་ལཱ་ཡ ས་ཉྙཱ་ཡ དཱུ་རེ. ཨ་བྱཱ་ཀ་ཏཱ ས་ཉྙཱ ཀུ་ས་ལཱ་ཀུ་ས་ལཱ་ཧི ས་ཉྙཱ་ཧི དཱུ་རེ; ཀུ་ས་ལཱ་ཀུ་ས་ལཱ ས་ཉྙཱ ཨ་བྱཱ་ཀ་ཏཱ་ཡ ས་ཉྙཱ་ཡ དཱུ་རེ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ་ཧི ས་ཉྙཱ་ཧི དཱུ་རེ; སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ས་ཉྙཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ཡ ས་ཉྙཱ་ཡ དཱུ་རེ; སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ དུ་ཀྑཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ་ཧི ས་ཉྙཱ་ཧི དཱུ་རེ; དུ་ཀྑཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ས་ཉྙཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ཡ ས་ཉྙཱ་ཡ དཱུ་རེ; ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ་ཧི ས་ཉྙཱ་ཧི དཱུ་རེ; སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ས་ཉྙཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ཡ ས་ཉྙཱ་ཡ དཱུ་རེ. ཨ་ས་མཱ་པ་ནྣ་སྶ ས་ཉྙཱ ས་མཱ་པ་ནྣ་སྶ ས་ཉྙཱ་ཡ དཱུ་རེ; ས་མཱ་པ་ནྣ་སྶ ས་ཉྙཱ ཨ་ས་མཱ་པ་ནྣ་སྶ ས་ཉྙཱ་ཡ དཱུ་རེ. སཱ་ས་ཝཱ ས་ཉྙཱ ཨ་ནཱ་ས་ཝཱ་ཡ ས་ཉྙཱ་ཡ དཱུ་རེ; ཨ་ནཱ་ས་ཝཱ ས་ཉྙཱ སཱ་ས་ཝཱ་ཡ ས་ཉྙཱ་ཡ དཱུ་རེ – ཨ་ཡཾ ཝུ་ཙྩ་ཏི ས་ཉྙཱ དཱུ་རེ.
ཏ་ཏྠ ཀ་ཏ་མཱ ས་ཉྙཱ ས་ནྟི་ཀེ? ཨ་ཀུ་ས་ལཱ ས་ཉྙཱ ཨ་ཀུ་ས་ལཱ་ཡ ས་ཉྙཱ་ཡ ས་ནྟི་ཀེ; ཀུ་ས་ལཱ ས་ཉྙཱ ཀུ་ས་ལཱ་ཡ ས་ཉྙཱ་ཡ ས་ནྟི་ཀེ; ཨ་བྱཱ་ཀ་ཏཱ ས་ཉྙཱ ཨ་བྱཱ་ཀ་ཏཱ་ཡ ས་ཉྙཱ་ཡ ས་ནྟི་ཀེ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ཡ ས་ཉྙཱ་ཡ ས་ནྟི་ཀེ; སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ཡ ས་ཉྙཱ་ཡ ས་ནྟི་ཀེ; ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ཉྙཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ཡ ས་ཉྙཱ་ཡ ས་ནྟི་ཀེ. ཨ་ས་མཱ་པ་ནྣ་སྶ ས་ཉྙཱ ཨ་ས་མཱ་པ་ནྣ་སྶ ས་ཉྙཱ་ཡ ས་ནྟི་ཀེ; ས་མཱ་པ་ནྣ་སྶ ས་ཉྙཱ ས་མཱ་པ་ནྣ་སྶ ས་ཉྙཱ་ཡ ས་ནྟི་ཀེ. སཱ་ས་ཝཱ ས་ཉྙཱ སཱ་ས་ཝཱ་ཡ ས་ཉྙཱ་ཡ ས་ནྟི་ཀེ; ཨ་ནཱ་ས་ཝཱ ས་ཉྙཱ ཨ་ནཱ་ས་ཝཱ་ཡ ས་ཉྙཱ་ཡ ས་ནྟི་ཀེ. ཨ་ཡཾ ཝུ་ཙྩ་ཏི ས་ཉྙཱ ས་ནྟི་ཀེ. ཏཾ ཏཾ ཝཱ པ་ན ས་ཉྙཾ ཨུ་པཱ་དཱ་ཡུ་པཱ་དཱ་ཡ ས་ཉྙཱ དཱུ་རེ ས་ནྟི་ཀེ ད་ཊྛ་བྦཱ.
༤. ས་ངྑཱ་ར་ཀྑ་ནྡྷོ
༢༠. ཏ་ཏྠ ཀ་ཏ་མོ ས་ངྑཱ་ར་ཀྑ་ནྡྷོ? ཡེ ཀེ་ཙི ས་ངྑཱ་རཱ ཨ་ཏཱི་ཏཱ་ནཱ་ག་ཏ་པ་ཙྩུ་པྤ་ནྣཱ ཨ་ཛ྄ཛྷ་ཏྟཱ ཝཱ བ་ཧི་དྡྷཱ ཝཱ ཨོ་ལཱ༹་རི་ཀཱ ཝཱ སུ་ཁུ་མཱ ཝཱ ཧཱི་ནཱ ཝཱ པ་ཎཱི་ཏཱ ཝཱ ཡེ དཱུ་རེ ས་ནྟི་ཀེ ཝཱ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི ས་ངྑཱ་ར་ཀྑ་ནྡྷོ.
༢༡. ཏ་ཏྠ ཀ་ཏ་མེ ས་ངྑཱ་རཱ ཨ་ཏཱི་ཏཱ? ཡེ ས་ངྑཱ་རཱ ཨ་ཏཱི་ཏཱ ནི་རུ་དྡྷཱ ཝི་ག་ཏཱ ཝི་པ་རི་ཎ་ཏཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨུ་པྤ་ཛྫི་ཏྭཱ ཝི་ག་ཏཱ ཨ་ཏཱི་ཏཱ ཨ་ཏཱི་ཏཾ་སེ་ན ས་ངྒ་ཧི་ཏཱ, ཙ་ཀྑུ་ས་མྥ་སྶ་ཛཱ ཙེ་ཏ་ནཱ སོ་ཏ་ས་མྥ་སྶ་ཛཱ ཙེ་ཏ་ནཱ གྷཱ་ན་ས་མྥ་སྶ་ཛཱ ཙེ་ཏ་ནཱ ཛི་ཝ྄ཧཱ་ས་མྥ་སྶ་ཛཱ ཙེ་ཏ་ནཱ ཀཱ་ཡ་ས་མྥ་སྶ་ཛཱ ཙེ་ཏ་ནཱ མ་ནོ་ས་མྥ་སྶ་ཛཱ ཙེ་ཏ་ནཱ – ཨི་མེ ཝུ་ཙྩ་ནྟི ས་ངྑཱ་རཱ ཨ་ཏཱི་ཏཱ.
ཏ་ཏྠ ཀ་ཏ་མེ ས་ངྑཱ་རཱ ཨ་ནཱ་ག་ཏཱ? ཡེ ས་ངྑཱ་རཱ ཨ་ཛཱ་ཏཱ ཨ་བྷཱུ་ཏཱ ཨ་ས་ཉྫཱ་ཏཱ ཨ་ནི་བྦ་ཏྟཱ ཨ་ན་བྷི་ནི་བྦ་ཏྟཱ ཨ་པཱ་ཏུ་བྷཱུ་ཏཱ ཨ་ནུ་པྤ་ནྣཱ ཨ་ས་མུ་པྤ་ནྣཱ ཨ་ནུ་ཊྛི་ཏཱ ཨ་ས་མུ་ཊྛི་ཏཱ ཨ་ནཱ་ག་ཏཱ ཨ་ནཱ་ག་ཏཾ་སེ་ན ས་ངྒ་ཧི་ཏཱ, ཙ་ཀྑུ་ས་མྥ་སྶ་ཛཱ ཙེ་ཏ་ནཱ སོ་ཏ་ས་མྥ་སྶ་ཛཱ ཙེ་ཏ་ནཱ གྷཱ་ན་ས་མྥ་སྶ་ཛཱ ཙེ་ཏ་ནཱ ཛི་ཝ྄ཧཱ་ས་མྥ་སྶ་ཛཱ ཙེ་ཏ་ནཱ ཀཱ་ཡ་ས་མྥ་སྶ་ཛཱ ཙེ་ཏ་ནཱ མ་ནོ་ས་མྥ་སྶ་ཛཱ ཙེ་ཏ་ནཱ – ཨི་མེ ཝུ་ཙྩ་ནྟི ས་ངྑཱ་རཱ ཨ་ནཱ་ག་ཏཱ.
ཏ་ཏྠ ཀ་ཏ་མེ ས་ངྑཱ་རཱ པ་ཙྩུ་པྤ་ནྣཱ? ཡེ ས་ངྑཱ་རཱ ཛཱ་ཏཱ བྷཱུ་ཏཱ ས་ཉྫཱ་ཏཱ ནི་བྦ་ཏྟཱ ཨ་བྷི་ནི་བྦ་ཏྟཱ པཱ་ཏུ་བྷཱུ་ཏཱ ཨུ་པྤ་ནྣཱ ས་མུ་པྤ་ནྣཱ ཨུ་ཊྛི་ཏཱ ས་མུ་ཊྛི་ཏཱ པ་ཙྩུ་པྤ་ནྣཱ པ་ཙྩུ་པྤ་ནྣཾ་སེ་ན ས་ངྒ་ཧི་ཏཱ, ཙ་ཀྑུ་ས་མྥ་སྶ་ཛཱ ཙེ་ཏ་ནཱ སོ་ཏ་ས་མྥ་སྶ་ཛཱ ཙེ་ཏ་ནཱ གྷཱ་ན་ས་མྥ་སྶ་ཛཱ ཙེ་ཏ་ནཱ ཛི་ཝ྄ཧཱ་ས་མྥ་སྶ་ཛཱ ཙེ་ཏ་ནཱ ཀཱ་ཡ་ས་མྥ་སྶ་ཛཱ ཙེ་ཏ་ནཱ མ་ནོ་ས་མྥ་སྶ་ཛཱ ཙེ་ཏ་ནཱ – ཨི་མེ ཝུ་ཙྩ་ནྟི ས་ངྑཱ་རཱ པ་ཙྩུ་པྤ་ནྣཱ.
༢༢. ཏ་ཏྠ ཀ་ཏ་མེ ས་ངྑཱ་རཱ ཨ་ཛ྄ཛྷ་ཏྟཱ? ཡེ ས་ངྑཱ་རཱ ཏེ་སཾ ཏེ་སཾ ས་ཏྟཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཱ པཱ་ཊི་པུ་གྒ་ལི་ཀཱ ཨུ་པཱ་དི་ནྣཱ, ཙ་ཀྑུ་ས་མྥ་སྶ་ཛཱ ཙེ་ཏ་ནཱ སོ་ཏ་ས་མྥ་སྶ་ཛཱ ཙེ་ཏ་ནཱ གྷཱ་ན་ས་མྥ་སྶ་ཛཱ ཙེ་ཏ་ནཱ ཛི་ཝ྄ཧཱ་ས་མྥ་སྶ་ཛཱ ཙེ་ཏ་ནཱ ཀཱ་ཡ་ས་མྥ་སྶ་ཛཱ ཙེ་ཏ་ནཱ མ་ནོ་ས་མྥ་སྶ་ཛཱ ཙེ་ཏ་ནཱ – ཨི་མེ ཝུ་ཙྩ་ནྟི ས་ངྑཱ་རཱ ཨ་ཛ྄ཛྷ་ཏྟཱ.
ཏ་ཏྠ ཀ་ཏ་མེ ས་ངྑཱ་རཱ བ་ཧི་དྡྷཱ? ཡེ ས་ངྑཱ་རཱ ཏེ་སཾ ཏེ་སཾ པ་ར་ས་ཏྟཱ་ནཾ པ་ར་པུ་གྒ་ལཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཱ པཱ་ཊི་པུ་གྒ་ལི་ཀཱ ཨུ་པཱ་དི་ནྣཱ, ཙ་ཀྑུ་ས་མྥ་སྶ་ཛཱ ཙེ་ཏ་ནཱ སོ་ཏ་ས་མྥ་སྶ་ཛཱ ཙེ་ཏ་ནཱ གྷཱ་ན་ས་མྥ་སྶ་ཛཱ ཙེ་ཏ་ནཱ ཛི་ཝ྄ཧཱ་ས་མྥ་སྶ་ཛཱ ཙེ་ཏ་ནཱ ཀཱ་ཡ་ས་མྥ་སྶ་ཛཱ ཙེ་ཏ་ནཱ མ་ནོ་ས་མྥ་སྶ་ཛཱ ཙེ་ཏ་ནཱ – ཨི་མེ ཝུ་ཙྩ་ནྟི ས་ངྑཱ་རཱ བ་ཧི་དྡྷཱ.
༢༣. ཏ་ཏྠ ཀ་ཏ་མེ ས་ངྑཱ་རཱ ཨོ་ལཱ༹་རི་ཀཱ སུ་ཁུ་མཱ? ཨ་ཀུ་ས་ལཱ ས་ངྑཱ་རཱ ཨོ་ལཱ༹་རི་ཀཱ, ཀུ་ས་ལཱ་བྱཱ་ཀ་ཏཱ ས་ངྑཱ་རཱ སུ་ཁུ་མཱ. ཀུ་ས་ལཱ་ཀུ་ས་ལཱ ས་ངྑཱ་རཱ ཨོ་ལཱ༹་རི་ཀཱ, ཨ་བྱཱ་ཀ་ཏཱ ས་ངྑཱ་རཱ སུ་ཁུ་མཱ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ ཨོ་ལཱ༹་རི་ཀཱ, སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ས་ངྑཱ་རཱ སུ་ཁུ་མཱ. སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ས་ངྑཱ་རཱ ཨོ་ལཱ༹་རི་ཀཱ, ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ སུ་ཁུ་མཱ. ཨ་ས་མཱ་པ་ནྣ་སྶ ས་ངྑཱ་རཱ ཨོ་ལཱ༹་རི་ཀཱ, ས་མཱ་པ་ནྣ་སྶ ས་ངྑཱ་རཱ སུ་ཁུ་མཱ. སཱ་ས་ཝཱ ས་ངྑཱ་རཱ ཨོ་ལཱ༹་རི་ཀཱ, ཨ་ནཱ་ས་ཝཱ ས་ངྑཱ་རཱ སུ་ཁུ་མཱ. ཏེ ཏེ ཝཱ པ་ན ས་ངྑཱ་རེ ཨུ་པཱ་དཱ་ཡུ་པཱ་དཱ་ཡ ས་ངྑཱ་རཱ ཨོ་ལཱ༹་རི་ཀཱ སུ་ཁུ་མཱ ད་ཊྛ་བྦཱ.
༢༤. ཏ་ཏྠ ཀ་ཏ་མེ ས་ངྑཱ་རཱ ཧཱི་ནཱ པ་ཎཱི་ཏཱ? ཨ་ཀུ་ས་ལཱ ས་ངྑཱ་རཱ ཧཱི་ནཱ, ཀུ་ས་ལཱ་བྱཱ་ཀ་ཏཱ ས་ངྑཱ་རཱ པ་ཎཱི་ཏཱ. ཀུ་ས་ལཱ་ཀུ་ས་ལཱ ས་ངྑཱ་རཱ ཧཱི་ནཱ, ཨ་བྱཱ་ཀ་ཏཱ ས་ངྑཱ་རཱ པ་ཎཱི་ཏཱ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ ཧཱི་ནཱ, སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ས་ངྑཱ་རཱ པ་ཎཱི་ཏཱ. སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ས་ངྑཱ་རཱ ཧཱི་ནཱ, ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ པ་ཎཱི་ཏཱ. ཨ་ས་མཱ་པ་ནྣ་སྶ ས་ངྑཱ་རཱ ཧཱི་ནཱ, ས་མཱ་པ་ནྣ་སྶ ས་ངྑཱ་རཱ པ་ཎཱི་ཏཱ. སཱ་ས་ཝཱ ས་ངྑཱ་རཱ ཧཱི་ནཱ, ཨ་ནཱ་ས་ཝཱ ས་ངྑཱ་རཱ པ་ཎཱི་ཏཱ. ཏེ ཏེ ཝཱ པ་ན ས་ངྑཱ་རེ ཨུ་པཱ་དཱ་ཡུ་པཱ་དཱ་ཡ ས་ངྑཱ་རཱ ཧཱི་ནཱ པ་ཎཱི་ཏཱ ད་ཊྛ་བྦཱ.
༢༥. ཏ་ཏྠ ཀ་ཏ་མེ ས་ངྑཱ་རཱ དཱུ་རེ? ཨ་ཀུ་ས་ལཱ ས་ངྑཱ་རཱ ཀུ་ས་ལཱ་བྱཱ་ཀ་ཏེ་ཧི ས་ངྑཱ་རེ་ཧི དཱུ་རེ; ཀུ་ས་ལཱ་བྱཱ་ཀ་ཏཱ ས་ངྑཱ་རཱ ཨ་ཀུ་ས་ལེ་ཧི ས་ངྑཱ་རེ་ཧི དཱུ་རེ; ཀུ་ས་ལཱ ས་ངྑཱ་རཱ ཨ་ཀུ་ས་ལཱ་བྱཱ་ཀ་ཏེ་ཧི ས་ངྑཱ་རེ་ཧི དཱུ་རེ; ཨ་ཀུ་ས་ལཱ་བྱཱ་ཀ་ཏཱ ས་ངྑཱ་རཱ ཀུ་ས་ལེ་ཧི ས་ངྑཱ་རེ་ཧི དཱུ་རེ; ཨ་བྱཱ་ཀ་ཏཱ ས་ངྑཱ་རཱ ཀུ་ས་ལཱ་ཀུ་ས་ལེ་ཧི ས་ངྑཱ་རེ་ཧི དཱུ་རེ; ཀུ་ས་ལཱ་ཀུ་ས་ལཱ ས་ངྑཱ་རཱ ཨ་བྱཱ་ཀ་ཏེ་ཧི ས་ངྑཱ་རེ་ཧི དཱུ་རེ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟེ་ཧི ས་ངྑཱ་རེ་ཧི དཱུ་རེ; སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ས་ངྑཱ་རཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟེ་ཧི ས་ངྑཱ་རེ་ཧི དཱུ་རེ; སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ དུ་ཀྑཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟེ་ཧི ས་ངྑཱ་རེ་ཧི དཱུ་རེ; དུ་ཀྑཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ས་ངྑཱ་རཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟེ་ཧི ས་ངྑཱ་རེ་ཧི དཱུ་རེ; ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟེ་ཧི ས་ངྑཱ་རེ་ཧི དཱུ་རེ; སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ས་ངྑཱ་རཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟེ་ཧི ས་ངྑཱ་རེ་ཧི དཱུ་རེ. ཨ་ས་མཱ་པ་ནྣ་སྶ ས་ངྑཱ་རཱ ས་མཱ་པ་ནྣ་སྶ ས་ངྑཱ་རེ་ཧི དཱུ་རེ; ས་མཱ་པ་ནྣ་སྶ ས་ངྑཱ་རཱ ཨ་ས་མཱ་པ་ནྣ་སྶ ས་ངྑཱ་རེ་ཧི དཱུ་རེ. སཱ་ས་ཝཱ ས་ངྑཱ་རཱ ཨ་ནཱ་ས་ཝེ་ཧི ས་ངྑཱ་རེ་ཧི དཱུ་རེ; ཨ་ནཱ་ས་ཝཱ ས་ངྑཱ་རཱ སཱ་ས་ཝེ་ཧི ས་ངྑཱ་རེ་ཧི དཱུ་རེ. ཨི་མེ ཝུ་ཙྩ་ནྟི ས་ངྑཱ་རཱ དཱུ་རེ.
ཏ་ཏྠ ཀ་ཏ་མེ ས་ངྑཱ་རཱ ས་ནྟི་ཀེ? ཨ་ཀུ་ས་ལཱ ས་ངྑཱ་རཱ ཨ་ཀུ་ས་ལཱ་ནཾ ས་ངྑཱ་རཱ་ནཾ ས་ནྟི་ཀེ; ཀུ་ས་ལཱ ས་ངྑཱ་རཱ ཀུ་ས་ལཱ་ནཾ ས་ངྑཱ་རཱ་ནཾ ས་ནྟི་ཀེ; ཨ་བྱཱ་ཀ་ཏཱ ས་ངྑཱ་རཱ ཨ་བྱཱ་ཀ་ཏཱ་ནཾ ས་ངྑཱ་རཱ་ནཾ ས་ནྟི་ཀེ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ནཾ ས་ངྑཱ་རཱ་ནཾ ས་ནྟི་ཀེ; སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ནཾ ས་ངྑཱ་རཱ་ནཾ ས་ནྟི་ཀེ; ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ས་ངྑཱ་རཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ནཾ ས་ངྑཱ་རཱ་ནཾ ས་ནྟི་ཀེ. ཨ་ས་མཱ་པ་ནྣ་སྶ ས་ངྑཱ་རཱ ཨ་ས་མཱ་པ་ནྣ་སྶ ས་ངྑཱ་རཱ་ནཾ ས་ནྟི་ཀེ; ས་མཱ་པ་ནྣ་སྶ ས་ངྑཱ་རཱ ས་མཱ་པ་ནྣ་སྶ ས་ངྑཱ་རཱ་ནཾ ས་ནྟི་ཀེ. སཱ་ས་ཝཱ ས་ངྑཱ་རཱ སཱ་ས་ཝཱ་ནཾ ས་ངྑཱ་རཱ་ནཾ ས་ནྟི་ཀེ; ཨ་ནཱ་ས་ཝཱ ས་ངྑཱ་རཱ ཨ་ནཱ་ས་ཝཱ་ནཾ ས་ངྑཱ་རཱ་ནཾ ས་ནྟི་ཀེ. ཨི་མེ ཝུ་ཙྩ་ནྟི ས་ངྑཱ་རཱ ས་ནྟི་ཀེ. ཏེ ཏེ ཝཱ པ་ན ས་ངྑཱ་རེ ཨུ་པཱ་དཱ་ཡུ་པཱ་དཱ་ཡ ས་ངྑཱ་རཱ དཱུ་རེ ས་ནྟི་ཀེ ད་ཊྛ་བྦཱ.
༥. ཝི་ཉྙཱ་ཎ་ཀྑ་ནྡྷོ
༢༦. ཏ་ཏྠ ཀ་ཏ་མོ ཝི་ཉྙཱ་ཎ་ཀྑ་ནྡྷོ? ཡཾ ཀི་ཉྩི ཝི་ཉྙཱ་ཎཾ ཨ་ཏཱི་ཏཱ་ནཱ་ག་ཏ་པ་ཙྩུ་པྤ་ནྣཾ ཨ་ཛ྄ཛྷ་ཏྟཾ ཝཱ བ་ཧི་དྡྷཱ ཝཱ ཨོ་ལཱ༹་རི་ཀཾ ཝཱ སུ་ཁུ་མཾ ཝཱ ཧཱི་ནཾ ཝཱ པ་ཎཱི་ཏཾ ཝཱ ཡཾ དཱུ་རེ ས་ནྟི་ཀེ ཝཱ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི ཝི་ཉྙཱ་ཎ་ཀྑ་ནྡྷོ.
༢༧. ཏ་ཏྠ ཀ་ཏ་མཾ ཝི་ཉྙཱ་ཎཾ ཨ་ཏཱི་ཏཾ? ཡཾ ཝི་ཉྙཱ་ཎཾ ཨ་ཏཱི་ཏཾ ནི་རུ་དྡྷཾ ཝི་ག་ཏཾ ཝི་པ་རི་ཎ་ཏཾ ཨ་ཏྠ་ངྒ་ཏཾ ཨ་བྦྷ་ཏྠ་ངྒ་ཏཾ ཨུ་པྤ་ཛྫི་ཏྭཱ ཝི་ག་ཏཾ ཨ་ཏཱི་ཏཾ ཨ་ཏཱི་ཏཾ་སེ་ན ས་ངྒ་ཧི་ཏཾ, ཙ་ཀྑུ་ཝི་ཉྙཱ་ཎཾ སོ་ཏ་ཝི་ཉྙཱ་ཎཾ གྷཱ་ན་ཝི་ཉྙཱ་ཎཾ ཛི་ཝ྄ཧཱ་ཝི་ཉྙཱ་ཎཾ ཀཱ་ཡ་ཝི་ཉྙཱ་ཎཾ མ་ནོ་ཝི་ཉྙཱ་ཎཾ – ཨི་དཾ ཝུ་ཙྩ་ཏི ཝི་ཉྙཱ་ཎཾ ཨ་ཏཱི་ཏཾ.
ཏ་ཏྠ ཀ་ཏ་མཾ ཝི་ཉྙཱ་ཎཾ ཨ་ནཱ་ག་ཏཾ? ཡཾ ཝི་ཉྙཱ་ཎཾ ཨ་ཛཱ་ཏཾ ཨ་བྷཱུ་ཏཾ ཨ་ས་ཉྫཱ་ཏཾ ཨ་ནི་བྦ་ཏྟཾ ཨ་ན་བྷི་ནི་བྦ་ཏྟཾ ཨ་པཱ་ཏུ་བྷཱུ་ཏཾ ཨ་ནུ་པྤ་ནྣཾ ཨ་ས་མུ་པྤ་ནྣཾ ཨ་ནུ་ཊྛི་ཏཾ ཨ་ས་མུ་ཊྛི་ཏཾ ཨ་ནཱ་ག་ཏཾ ཨ་ནཱ་ག་ཏཾ་སེ་ན ས་ངྒ་ཧི་ཏཾ, ཙ་ཀྑུ་ཝི་ཉྙཱ་ཎཾ སོ་ཏ་ཝི་ཉྙཱ་ཎཾ གྷཱ་ན་ཝི་ཉྙཱ་ཎཾ ཛི་ཝ྄ཧཱ་ཝི་ཉྙཱ་ཎཾ ཀཱ་ཡ་ཝི་ཉྙཱ་ཎཾ མ་ནོ་ཝི་ཉྙཱ་ཎཾ – ཨི་དཾ ཝུ་ཙྩ་ཏི ཝི་ཉྙཱ་ཎཾ ཨ་ནཱ་ག་ཏཾ.
ཏ་ཏྠ ཀ་ཏ་མཾ ཝི་ཉྙཱ་ཎཾ པ་ཙྩུ་པྤ་ནྣཾ? ཡཾ ཝི་ཉྙཱ་ཎཾ ཛཱ་ཏཾ བྷཱུ་ཏཾ ས་ཉྫཱ་ཏཾ ནི་བྦ་ཏྟཾ ཨ་བྷི་ནི་བྦ་ཏྟཾ པཱ་ཏུ་བྷཱུ་ཏཾ ཨུ་པྤ་ནྣཾ ས་མུ་པྤ་ནྣཾ ཨུ་ཊྛི་ཏཾ ས་མུ་ཊྛི་ཏཾ པ་ཙྩུ་པྤ་ནྣཾ པ་ཙྩུ་པྤ་ནྣཾ་སེ་ན ས་ངྒ་ཧི་ཏཾ, ཙ་ཀྑུ་ཝི་ཉྙཱ་ཎཾ སོ་ཏ་ཝི་ཉྙཱ་ཎཾ གྷཱ་ན་ཝི་ཉྙཱ་ཎཾ ཛི་ཝ྄ཧཱ་ཝི་ཉྙཱ་ཎཾ ཀཱ་ཡ་ཝི་ཉྙཱ་ཎཾ མ་ནོ་ཝི་ཉྙཱ་ཎཾ – ཨི་དཾ ཝུ་ཙྩ་ཏི ཝི་ཉྙཱ་ཎཾ པ་ཙྩུ་པྤ་ནྣཾ.
༢༨. ཏ་ཏྠ ཀ་ཏ་མཾ ཝི་ཉྙཱ་ཎཾ ཨ་ཛ྄ཛྷ་ཏྟཾ? ཡཾ ཝི་ཉྙཱ་ཎཾ ཏེ་སཾ ཏེ་སཾ ས་ཏྟཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཾ པཱ་ཊི་པུ་གྒ་ལི་ཀཾ ཨུ་པཱ་དི་ནྣཾ, ཙ་ཀྑུ་ཝི་ཉྙཱ་ཎཾ སོ་ཏ་ཝི་ཉྙཱ་ཎཾ གྷཱ་ན་ཝི་ཉྙཱ་ཎཾ ཛི་ཝ྄ཧཱ་ཝི་ཉྙཱ་ཎཾ ཀཱ་ཡ་ཝི་ཉྙཱ་ཎཾ མ་ནོ་ཝི་ཉྙཱ་ཎཾ – ཨི་དཾ ཝུ་ཙྩ་ཏི ཝི་ཉྙཱ་ཎཾ ཨ་ཛ྄ཛྷ་ཏྟཾ.
ཏ་ཏྠ ཀ་ཏ་མཾ ཝི་ཉྙཱ་ཎཾ བ་ཧི་དྡྷཱ? ཡཾ ཝི་ཉྙཱ་ཎཾ ཏེ་སཾ ཏེ་སཾ པ་ར་ས་ཏྟཱ་ནཾ པ་ར་པུ་གྒ་ལཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཀཾ པཱ་ཊི་པུ་གྒ་ལི་ཀཾ ཨུ་པཱ་དི་ནྣཾ, ཙ་ཀྑུ་ཝི་ཉྙཱ་ཎཾ སོ་ཏ་ཝི་ཉྙཱ་ཎཾ གྷཱ་ན་ཝི་ཉྙཱ་ཎཾ ཛི་ཝ྄ཧཱ་ཝི་ཉྙཱ་ཎཾ ཀཱ་ཡ་ཝི་ཉྙཱ་ཎཾ མ་ནོ་ཝི་ཉྙཱ་ཎཾ – ཨི་དཾ ཝུ་ཙྩ་ཏི ཝི་ཉྙཱ་ཎཾ བ་ཧི་དྡྷཱ.
༢༩. ཏ་ཏྠ ཀ་ཏ་མཾ ཝི་ཉྙཱ་ཎཾ ཨོ་ལཱ༹་རི་ཀཾ སུ་ཁུ་མཾ? ཨ་ཀུ་ས་ལཾ ཝི་ཉྙཱ་ཎཾ ཨོ་ལཱ༹་རི་ཀཾ, ཀུ་ས་ལཱ་བྱཱ་ཀ་ཏཱ ཝི་ཉྙཱ་ཎཱ སུ་ཁུ་མཱ. ཀུ་ས་ལཱ་ཀུ་ས་ལཱ ཝི་ཉྙཱ་ཎཱ ཨོ་ལཱ༹་རི་ཀཱ, ཨ་བྱཱ་ཀ་ཏཾ ཝི་ཉྙཱ་ཎཾ སུ་ཁུ་མཾ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ ཨོ་ལཱ༹་རི་ཀཾ, སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ཝི་ཉྙཱ་ཎཱ སུ་ཁུ་མཱ. སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ཝི་ཉྙཱ་ཎཱ ཨོ་ལཱ༹་རི་ཀཱ, ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ སུ་ཁུ་མཾ. ཨ་ས་མཱ་པ་ནྣ་སྶ ཝི་ཉྙཱ་ཎཾ ཨོ་ལཱ༹་རི་ཀཾ, ས་མཱ་པ་ནྣ་སྶ ཝི་ཉྙཱ་ཎཾ སུ་ཁུ་མཾ. སཱ་ས་ཝཾ ཝི་ཉྙཱ་ཎཾ ཨོ་ལཱ༹་རི་ཀཾ, ཨ་ནཱ་ས་ཝཾ ཝི་ཉྙཱ་ཎཾ སུ་ཁུ་མཾ. ཏཾ ཏཾ ཝཱ པ་ན ཝི་ཉྙཱ་ཎཾ ཨུ་པཱ་དཱ་ཡུ་པཱ་དཱ་ཡ ཝི་ཉྙཱ་ཎཾ ཨོ་ལཱ༹་རི་ཀཾ སུ་ཁུ་མཾ ད་ཊྛ་བྦཾ.
༣༠. ཏ་ཏྠ ཀ་ཏ་མཾ ཝི་ཉྙཱ་ཎཾ ཧཱི་ནཾ པ་ཎཱི་ཏཾ? ཨ་ཀུ་ས་ལཾ ཝི་ཉྙཱ་ཎཾ ཧཱི་ནཾ, ཀུ་ས་ལཱ་བྱཱ་ཀ་ཏཱ ཝི་ཉྙཱ་ཎཱ པ་ཎཱི་ཏཱ. ཀུ་ས་ལཱ་ཀུ་ས་ལཱ ཝི་ཉྙཱ་ཎཱ ཧཱི་ནཱ, ཨ་བྱཱ་ཀ་ཏཾ ཝི་ཉྙཱ་ཎཾ པ་ཎཱི་ཏཾ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ ཧཱི་ནཾ, སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ཝི་ཉྙཱ་ཎཱ པ་ཎཱི་ཏཱ. སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ཝི་ཉྙཱ་ཎཱ ཧཱི་ནཱ, ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ པ་ཎཱི་ཏཾ. ཨ་ས་མཱ་པ་ནྣ་སྶ ཝི་ཉྙཱ་ཎཾ ཧཱི་ནཾ, ས་མཱ་པ་ནྣ་སྶ ཝི་ཉྙཱ་ཎཾ པ་ཎཱི་ཏཾ. སཱ་ས་ཝཾ ཝི་ཉྙཱ་ཎཾ ཧཱི་ནཾ, ཨ་ནཱ་ས་ཝཾ ཝི་ཉྙཱ་ཎཾ པ་ཎཱི་ཏཾ. ཏཾ ཏཾ ཝཱ པ་ན ཝི་ཉྙཱ་ཎཾ ཨུ་པཱ་དཱ་ཡུ་པཱ་དཱ་ཡ ཝི་ཉྙཱ་ཎཾ ཧཱི་ནཾ པ་ཎཱི་ཏཾ ད་ཊྛ་བྦཾ.
༣༡. ཏ་ཏྠ ཀ་ཏ་མཾ ཝི་ཉྙཱ་ཎཾ དཱུ་རེ? ཨ་ཀུ་ས་ལཾ ཝི་ཉྙཱ་ཎཾ ཀུ་ས་ལཱ་བྱཱ་ཀ་ཏེ་ཧི ཝི་ཉྙཱ་ཎེ་ཧི དཱུ་རེ; ཀུ་ས་ལཱ་བྱཱ་ཀ་ཏཱ ཝི་ཉྙཱ་ཎཱ ཨ་ཀུ་ས་ལཱ ཝི་ཉྙཱ་ཎཱ དཱུ་རེ; ཀུ་ས་ལཾ ཝི་ཉྙཱ་ཎཾ ཨ་ཀུ་ས་ལཱ་བྱཱ་ཀ་ཏེ་ཧི ཝི་ཉྙཱ་ཎེ་ཧི དཱུ་རེ; ཨ་ཀུ་ས་ལཱ་བྱཱ་ཀ་ཏཱ ཝི་ཉྙཱ་ཎཱ ཀུ་ས་ལཱ ཝི་ཉྙཱ་ཎཱ དཱུ་རེ; ཨ་བྱཱ་ཀ་ཏཾ ཝི་ཉྙཱ་ཎཾ ཀུ་ས་ལཱ་ཀུ་ས་ལེ་ཧི ཝི་ཉྙཱ་ཎེ་ཧི དཱུ་རེ; ཀུ་ས་ལཱ་ཀུ་ས་ལཱ ཝི་ཉྙཱ་ཎཱ ཨ་བྱཱ་ཀ་ཏཱ ཝི་ཉྙཱ་ཎཱ དཱུ་རེ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟེ་ཧི ཝི་ཉྙཱ་ཎེ་ཧི དཱུ་རེ; སུ་ཁཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ཝི་ཉྙཱ་ཎཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ཝི་ཉྙཱ་ཎཱ དཱུ་རེ; སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ དུ་ཀྑཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟེ་ཧི ཝི་ཉྙཱ་ཎེ་ཧི དཱུ་རེ; དུ་ཀྑཱ་ཡ ཙ ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཧི ས་མྤ་ཡུ་ཏྟཱ ཝི་ཉྙཱ་ཎཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ཝི་ཉྙཱ་ཎཱ དཱུ་རེ; ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟེ་ཧི ཝི་ཉྙཱ་ཎེ་ཧི དཱུ་རེ; སུ་ཁ་དུ་ཀྑཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ཝི་ཉྙཱ་ཎཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ཝི་ཉྙཱ་ཎཱ དཱུ་རེ. ཨ་ས་མཱ་པ་ནྣ་སྶ ཝི་ཉྙཱ་ཎཾ ས་མཱ་པ་ནྣ་སྶ ཝི་ཉྙཱ་ཎཱ དཱུ་རེ; ས་མཱ་པ་ནྣ་སྶ ཝི་ཉྙཱ་ཎཾ ཨ་ས་མཱ་པ་ནྣ་སྶ ཝི་ཉྙཱ་ཎཱ དཱུ་རེ. སཱ་ས་ཝཾ ཝི་ཉྙཱ་ཎཾ ཨ་ནཱ་ས་ཝཱ ཝི་ཉྙཱ་ཎཱ དཱུ་རེ; ཨ་ནཱ་ས་ཝཾ ཝི་ཉྙཱ་ཎཾ སཱ་ས་ཝཱ ཝི་ཉྙཱ་ཎཱ དཱུ་རེ – ཨི་དཾ ཝུ་ཙྩ་ཏི ཝི་ཉྙཱ་ཎཾ དཱུ་རེ.
ཏ་ཏྠ ཀ་ཏ་མཾ ཝི་ཉྙཱ་ཎཾ ས་ནྟི་ཀེ? ཨ་ཀུ་ས་ལཾ ཝི་ཉྙཱ་ཎཾ ཨ་ཀུ་ས་ལ་སྶ ཝི་ཉྙཱ་ཎ་སྶ ས་ནྟི་ཀེ; ཀུ་ས་ལཾ ཝི་ཉྙཱ་ཎཾ ཀུ་ས་ལ་སྶ ཝི་ཉྙཱ་ཎ་སྶ ས་ནྟི་ཀེ; ཨ་བྱཱ་ཀ་ཏཾ ཝི་ཉྙཱ་ཎཾ ཨ་བྱཱ་ཀ་ཏ་སྶ ཝི་ཉྙཱ་ཎ་སྶ ས་ནྟི་ཀེ. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟ་སྶ ཝི་ཉྙཱ་ཎ་སྶ ས་ནྟི་ཀེ; སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ་སྶ ཝི་ཉྙཱ་ཎ་སྶ ས་ནྟི་ཀེ; ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ ཝི་ཉྙཱ་ཎཾ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ་སྶ ཝི་ཉྙཱ་ཎ་སྶ ས་ནྟི་ཀེ. ཨ་ས་མཱ་པ་ནྣ་སྶ ཝི་ཉྙཱ་ཎཾ ཨ་ས་མཱ་པ་ནྣ་སྶ ཝི་ཉྙཱ་ཎ་སྶ ས་ནྟི་ཀེ; ས་མཱ་པ་ནྣ་སྶ ཝི་ཉྙཱ་ཎཾ ས་མཱ་པ་ནྣ་སྶ ཝི་ཉྙཱ་ཎ་སྶ ས་ནྟི་ཀེ. སཱ་ས་ཝཾ ཝི་ཉྙཱ་ཎཾ སཱ་ས་ཝ་སྶ ཝི་ཉྙཱ་ཎ་སྶ ས་ནྟི་ཀེ; ཨ་ནཱ་ས་ཝཾ ཝི་ཉྙཱ་ཎཾ ཨ་ནཱ་ས་ཝ་སྶ ཝི་ཉྙཱ་ཎ་སྶ ས་ནྟི་ཀེ – ཨི་དཾ ཝུ་ཙྩ་ཏི ཝི་ཉྙཱ་ཎཾ ས་ནྟི་ཀེ. ཏཾ ཏཾ ཝཱ པ་ན ཝི་ཉྙཱ་ཎཾ ཨུ་པཱ་དཱ་ཡུ་པཱ་དཱ་ཡ ཝི་ཉྙཱ་ཎཾ དཱུ་རེ ས་ནྟི་ཀེ ད་ཊྛ་བྦཾ.
སུ་ཏྟ་ནྟ་བྷཱ་ཛ་ནཱི་ཡཾ.
༢. ཨ་བྷི་དྷ་མྨ་བྷཱ་ཛ་ནཱི་ཡཾ
༣༢. པ་ཉྩ་ཀྑ་ནྡྷཱ – རཱུ་པ་ཀྑ་ནྡྷོ, ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ.
༡. རཱུ་པ་ཀྑ་ནྡྷོ
༣༣. ཏ་ཏྠ ཀ་ཏ་མོ རཱུ་པ་ཀྑ་ནྡྷོ? ཨེ་ཀ་ཝི་དྷེ་ན རཱུ་པ་ཀྑ་ནྡྷོ – ས་བྦཾ རཱུ་པཾ ན ཧེ་ཏུ, ཨ་ཧེ་ཏུ་ཀཾ, ཧེ་ཏུ་ཝི་པྤ་ཡུ་ཏྟཾ, ས་པྤ་ཙྩ་ཡཾ, ས་ངྑ་ཏཾ, རཱུ་པཾ, ལོ་ཀི་ཡཾ, སཱ་ས་ཝཾ, སཾ་ཡོ་ཛ་ནི་ཡཾ, ག་ནྠ་ནི་ཡཾ, ཨོ་གྷ་ནི་ཡཾ, ཡོ་ག་ནི་ཡཾ, ནཱི་ཝ་ར་ཎི་ཡཾ, པ་རཱ་མ་ཊྛཾ, ཨུ་པཱ་དཱ་ནི་ཡཾ, སཾ་ཀི་ལེ་སི་ཀཾ, ཨ་བྱཱ་ཀ་ཏཾ, ཨ་ནཱ་ར་མྨ་ཎཾ, ཨ་ཙེ་ཏ་སི་ཀཾ, ཙི་ཏྟ་ཝི་པྤ་ཡུ་ཏྟཾ, ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཾ, ཨ་སཾ་ཀི་ལི་ཊྛ་སཾ་ཀི་ལེ་སི་ཀཾ, ན ས་ཝི་ཏ་ཀྐ་ས་ཝི་ཙཱ་རཾ, ན ཨ་ཝི་ཏ་ཀྐ་ཝི་ཙཱ་ར་མ་ཏྟཾ, ཨ་ཝི་ཏ་ཀྐ་ཨ་ཝི་ཙཱ་རཾ, ན པཱི་ཏི་ས་ཧ་ག་ཏཾ, ན སུ་ཁ་ས་ཧ་ག་ཏཾ, ན ཨུ་པེ་ཀྑཱ་ས་ཧ་ག་ཏཾ, ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཾ, ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཾ, ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མཱི, ནེ་ཝ་སེ་ཀྑ་ནཱ་སེ་ཀྑཾ, པ་རི་ཏྟཾ, ཀཱ་མཱ་ཝ་ཙ་རཾ, ན རཱུ་པཱ་ཝ་ཙ་རཾ, ན ཨ་རཱུ་པཱ་ཝ་ཙ་རཾ, པ་རི་ཡཱ་པ་ནྣཾ, ནོ ཨ་པ་རི་ཡཱ་པ་ནྣཾ, ཨ་ནི་ཡ་ཏཾ, ཨ་ནི་ཡྻཱ་ནི་ཀཾ, ཨུ་པྤ་ནྣཾ, ཚ་ཧི ཝི་ཉྙཱ་ཎེ་ཧི ཝི་ཉྙེ་ཡྻཾ, ཨ་ནི་ཙྩཾ, ཛ་རཱ་བྷི་བྷཱུ་ཏཾ. ཨེ་ཝཾ ཨེ་ཀ་ཝི་དྷེ་ན རཱུ་པ་ཀྑ་ནྡྷོ.
དུ་ཝི་དྷེ་ན རཱུ་པ་ཀྑ་ནྡྷོ – ཨ་ཏྠི རཱུ་པཾ ཨུ་པཱ་དཱ, ཨ་ཏྠི རཱུ་པཾ ནོ ཨུ་པཱ་དཱ [ནུ་པཱ་དཱ (སཱི. ཀ.)]. ཨ་ཏྠི རཱུ་པཾ ཨུ་པཱ་དི་ནྣཾ, ཨ་ཏྠི རཱུ་པཾ ཨ་ནུ་པཱ་དི་ནྣཾ. ཨ་ཏྠི རཱུ་པཾ ཨུ་པཱ་དི་ནྣུ་པཱ་དཱ་ནི་ཡཾ, ཨ་ཏྠི རཱུ་པཾ ཨ་ནུ་པཱ་དི་ནྣུ་པཱ་དཱ་ནི་ཡཾ. ཨ་ཏྠི རཱུ་པཾ ས་ནི་ད་སྶ་ནཾ, ཨ་ཏྠི རཱུ་པཾ ཨ་ནི་ད་སྶ་ནཾ. ཨ་ཏྠི རཱུ་པཾ ས་པྤ་ཊི་གྷཾ, ཨ་ཏྠི རཱུ་པཾ ཨ་པྤ་ཊི་གྷཾ. ཨ་ཏྠི རཱུ་པཾ ཨི་ནྡྲི་ཡཾ, ཨ་ཏྠི རཱུ་པཾ ན ཨི་ནྡྲི་ཡཾ. ཨ་ཏྠི རཱུ་པཾ མ་ཧཱ་བྷཱུ་ཏཾ, ཨ་ཏྠི རཱུ་པཾ ན མ་ཧཱ་བྷཱུ་ཏཾ. ཨ་ཏྠི རཱུ་པཾ ཝི་ཉྙ་ཏྟི, ཨ་ཏྠི རཱུ་པཾ ན ཝི་ཉྙ་ཏྟི. ཨ་ཏྠི རཱུ་པཾ ཙི་ཏྟ་ས་མུ་ཊྛཱ་ནཾ, ཨ་ཏྠི རཱུ་པཾ ན ཙི་ཏྟ་ས་མུ་ཊྛཱ་ནཾ. ཨ་ཏྠི རཱུ་པཾ ཙི་ཏྟ་ས་ཧ་བྷུ, ཨ་ཏྠི རཱུ་པཾ ན ཙི་ཏྟ་ས་ཧ་བྷུ. ཨ་ཏྠི རཱུ་པཾ ཙི་ཏྟཱ་ནུ་པ་རི་ཝ་ཏྟི, ཨ་ཏྠི རཱུ་པཾ ན ཙི་ཏྟཱ་ནུ་པ་རི་ཝ་ཏྟི. ཨ་ཏྠི རཱུ་པཾ ཨ་ཛ྄ཛྷ་ཏྟི་ཀཾ, ཨ་ཏྠི རཱུ་པཾ བཱ་ཧི་རཾ. ཨ་ཏྠི རཱུ་པཾ ཨོ་ལཱ༹་རི་ཀཾ, ཨ་ཏྠི རཱུ་པཾ སུ་ཁུ་མཾ. ཨ་ཏྠི རཱུ་པཾ དཱུ་རེ, ཨ་ཏྠི རཱུ་པཾ ས་ནྟི་ཀེ…པེ… ཨ་ཏྠི རཱུ་པཾ ཀ་བ་ལཱི༹་ཀཱ་རོ ཨཱ་ཧཱ་རོ, ཨ་ཏྠི རཱུ་པཾ ན ཀ་བ་ལཱི༹་ཀཱ་རོ ཨཱ་ཧཱ་རོ. ཨེ་ཝཾ དུ་ཝི་དྷེ་ན རཱུ་པ་ཀྑ་ནྡྷོ.
(ཡ་ཐཱ རཱུ་པ་ཀ་ཎྜེ ཝི་བྷ་ཏྟཾ, ཏ་ཐཱ ཨི་དྷ ཝི་བྷ་ཛི་ཏ་བྦཾ.)
ཏི་ཝི་དྷེ་ན རཱུ་པ་ཀྑ་ནྡྷོ – ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ ཏཾ ཨུ་པཱ་དཱ, ཡཾ ཏཾ རཱུ་པཾ བཱ་ཧི་རཾ ཏཾ ཨ་ཏྠི ཨུ་པཱ་དཱ, ཨ་ཏྠི ནོ ཨུ་པཱ་དཱ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ ཏཾ ཨུ་པཱ་དི་ནྣཾ, ཡཾ ཏཾ རཱུ་པཾ བཱ་ཧི་རཾ ཏཾ ཨ་ཏྠི ཨུ་པཱ་དི་ནྣཾ, ཨ་ཏྠི ཨ་ནུ་པཱ་དི་ནྣཾ. ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ ཏཾ ཨུ་པཱ་དི་ནྣུ་པཱ་དཱ་ནི་ཡཾ, ཡཾ ཏཾ རཱུ་པཾ བཱ་ཧི་རཾ ཏཾ ཨ་ཏྠི ཨུ་པཱ་དི་ནྣུ་པཱ་དཱ་ནི་ཡཾ, ཨ་ཏྠི ཨ་ནུ་པཱ་དི་ནྣུ་པཱ་དཱ་ནི་ཡཾ…པེ… ཡཾ ཏཾ རཱུ་པཾ ཨ་ཛ྄ཛྷ་ཏྟི་ཀཾ ཏཾ ན ཀ་བ་ལཱི༹་ཀཱ་རོ ཨཱ་ཧཱ་རོ, ཡཾ ཏཾ རཱུ་པཾ བཱ་ཧི་རཾ ཏཾ ཨ་ཏྠི ཀ་བ་ལཱི༹་ཀཱ་རོ ཨཱ་ཧཱ་རོ, ཨ་ཏྠི ན ཀ་བ་ལཱི༹་ཀཱ་རོ ཨཱ་ཧཱ་རོ. ཨེ་ཝཾ ཏི་ཝི་དྷེ་ན རཱུ་པ་ཀྑ་ནྡྷོ.
ཙ་ཏུ་བྦི་དྷེ་ན རཱུ་པ་ཀྑ་ནྡྷོ – ཡཾ ཏཾ རཱུ་པཾ ཨུ་པཱ་དཱ ཏཾ ཨ་ཏྠི ཨུ་པཱ་དི་ནྣཾ, ཨ་ཏྠི ཨ་ནུ་པཱ་དི་ནྣཾ; ཡཾ ཏཾ རཱུ་པཾ ནོ ཨུ་པཱ་དཱ ཏཾ ཨ་ཏྠི ཨུ་པཱ་དི་ནྣཾ, ཨ་ཏྠི ཨ་ནུ་པཱ་དི་ནྣཾ. ཡཾ ཏཾ རཱུ་པཾ ཨུ་པཱ་དཱ ཏཾ ཨ་ཏྠི ཨུ་པཱ་དི་ནྣུ་པཱ་དཱ་ནི་ཡཾ, ཨ་ཏྠི ཨ་ནུ་པཱ་དི་ནྣུ་པཱ་དཱ་ནི་ཡཾ; ཡཾ ཏཾ རཱུ་པཾ ནོ ཨུ་པཱ་དཱ ཏཾ ཨ་ཏྠི ཨུ་པཱ་དི་ནྣུ་པཱ་དཱ་ནི་ཡཾ, ཨ་ཏྠི ཨ་ནུ་པཱ་དི་ནྣུ་པཱ་དཱ་ནི་ཡཾ. ཡཾ ཏཾ རཱུ་པཾ ཨུ་པཱ་དཱ ཏཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ; ཡཾ ཏཾ རཱུ་པཾ ནོ ཨུ་པཱ་དཱ ཏཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ. ཡཾ ཏཾ རཱུ་པཾ ཨུ་པཱ་དཱ ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ; ཡཾ ཏཾ རཱུ་པཾ ནོ ཨུ་པཱ་དཱ ཏཾ ཨ་ཏྠི ཨོ་ལཱ༹་རི་ཀཾ, ཨ་ཏྠི སུ་ཁུ་མཾ. ཡཾ ཏཾ རཱུ་པཾ ཨུ་པཱ་དཱ ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ; ཡཾ ཏཾ རཱུ་པཾ ནོ ཨུ་པཱ་དཱ ཏཾ ཨ་ཏྠི དཱུ་རེ, ཨ་ཏྠི ས་ནྟི་ཀེ…པེ… དི་ཊྛཾ, སུ་ཏཾ, མུ་ཏཾ, ཝི་ཉྙཱ་ཏཾ རཱུ་པཾ. ཨེ་ཝཾ ཙ་ཏུ་བྦི་དྷེ་ན རཱུ་པ་ཀྑ་ནྡྷོ.
པ་ཉྩ་ཝི་དྷེ་ན རཱུ་པ་ཀྑ་ནྡྷོ – པ་ཐ་ཝཱི་དྷཱ་ཏུ, ཨཱ་པོ་དྷཱ་ཏུ, ཏེ་ཛོ་དྷཱ་ཏུ, ཝཱ་ཡོ་དྷཱ་ཏུ, ཡ་ཉྩ རཱུ་པཾ ཨུ་པཱ་དཱ. ཨེ་ཝཾ པ་ཉྩ་ཝི་དྷེ་ན རཱུ་པ་ཀྑ་ནྡྷོ.
ཚ་བྦི་དྷེ་ན རཱུ་པ་ཀྑ་ནྡྷོ – ཙ་ཀྑུ་ཝི་ཉྙེ་ཡྻཾ རཱུ་པཾ, སོ་ཏ་ཝི་ཉྙེ་ཡྻཾ རཱུ་པཾ, གྷཱ་ན་ཝི་ཉྙེ་ཡྻཾ རཱུ་པཾ, ཛི་ཝ྄ཧཱ་ཝི་ཉྙེ་ཡྻཾ རཱུ་པཾ, ཀཱ་ཡ་ཝི་ཉྙེ་ཡྻཾ རཱུ་པཾ, མ་ནོ་ཝི་ཉྙེ་ཡྻཾ རཱུ་པཾ. ཨེ་ཝཾ ཚ་བྦི་དྷེ་ན རཱུ་པ་ཀྑ་ནྡྷོ.
ས་ཏྟ་ཝི་དྷེ་ན རཱུ་པ་ཀྑ་ནྡྷོ – ཙ་ཀྑུ་ཝི་ཉྙེ་ཡྻཾ རཱུ་པཾ, སོ་ཏ་ཝི་ཉྙེ་ཡྻཾ རཱུ་པཾ, གྷཱ་ན་ཝི་ཉྙེ་ཡྻཾ རཱུ་པཾ, ཛི་ཝ྄ཧཱ་ཝི་ཉྙེ་ཡྻཾ རཱུ་པཾ, ཀཱ་ཡ་ཝི་ཉྙེ་ཡྻཾ རཱུ་པཾ, མ་ནོ་དྷཱ་ཏུ་ཝི་ཉྙེ་ཡྻཾ རཱུ་པཾ, མ་ནོ་ཝི་ཉྙཱ་ཎ་དྷཱ་ཏུ་ཝི་ཉྙེ་ཡྻཾ རཱུ་པཾ. ཨེ་ཝཾ ས་ཏྟ་ཝི་དྷེ་ན རཱུ་པ་ཀྑ་ནྡྷོ.
ཨ་ཊྛ་ཝི་དྷེ་ན རཱུ་པ་ཀྑ་ནྡྷོ – ཙ་ཀྑུ་ཝི་ཉྙེ་ཡྻཾ རཱུ་པཾ, སོ་ཏ་ཝི་ཉྙེ་ཡྻཾ རཱུ་པཾ, གྷཱ་ན་ཝི་ཉྙེ་ཡྻཾ རཱུ་པཾ, ཛི་ཝ྄ཧཱ་ཝི་ཉྙེ་ཡྻཾ རཱུ་པཾ, ཀཱ་ཡ་ཝི་ཉྙེ་ཡྻཾ རཱུ་པཾ ཨ་ཏྠི སུ་ཁ་ས་མྥ་སྶཾ, ཨ་ཏྠི དུ་ཀྑ་ས་མྥ་སྶཾ, མ་ནོ་དྷཱ་ཏུ་ཝི་ཉྙེ་ཡྻཾ རཱུ་པཾ, མ་ནོ་ཝི་ཉྙཱ་ཎ་དྷཱ་ཏུ་ཝི་ཉྙེ་ཡྻཾ རཱུ་པཾ. ཨེ་ཝཾ ཨ་ཊྛ་ཝི་དྷེ་ན རཱུ་པ་ཀྑ་ནྡྷོ.
ན་ཝ་ཝི་དྷེ་ན རཱུ་པ་ཀྑ་ནྡྷོ – ཙ་ཀྑུ་ནྡྲི་ཡཾ, སོ་ཏི་ནྡྲི་ཡཾ, གྷཱ་ནི་ནྡྲི་ཡཾ, ཛི་ཝ྄ཧི་ནྡྲི་ཡཾ, ཀཱ་ཡི་ནྡྲི་ཡཾ, ཨི་ཏྠི་ནྡྲི་ཡཾ, པུ་རི་སི་ནྡྲི་ཡཾ, ཛཱི་ཝི་ཏི་ནྡྲི་ཡཾ, ཡ་ཉྩ རཱུ་པཾ ན ཨི་ནྡྲི་ཡཾ. ཨེ་ཝཾ ན་ཝ་ཝི་དྷེ་ན རཱུ་པ་ཀྑ་ནྡྷོ.
ད་ས་ཝི་དྷེ་ན རཱུ་པ་ཀྑ་ནྡྷོ – ཙ་ཀྑུ་ནྡྲི་ཡཾ, སོ་ཏི་ནྡྲི་ཡཾ, གྷཱ་ནི་ནྡྲི་ཡཾ, ཛི་ཝ྄ཧི་ནྡྲི་ཡཾ, ཀཱ་ཡི་ནྡྲི་ཡཾ, ཨི་ཏྠི་ནྡྲི་ཡཾ, པུ་རི་སི་ནྡྲི་ཡཾ, ཛཱི་ཝི་ཏི་ནྡྲི་ཡཾ, ན ཨི་ནྡྲི་ཡཾ རཱུ་པཾ ཨ་ཏྠི ས་པྤ་ཊི་གྷཾ, ཨ་ཏྠི ཨ་པྤ་ཊི་གྷཾ. ཨེ་ཝཾ ད་ས་ཝི་དྷེ་ན རཱུ་པ་ཀྑ་ནྡྷོ.
ཨེ་ཀཱ་ད་ས་ཝི་དྷེ་ན རཱུ་པ་ཀྑ་ནྡྷོ – ཙ་ཀྑཱ་ཡ་ཏ་ནཾ, སོ་ཏཱ་ཡ་ཏ་ནཾ, གྷཱ་ནཱ་ཡ་ཏ་ནཾ, ཛི་ཝ྄ཧཱ་ཡ་ཏ་ནཾ, ཀཱ་ཡཱ་ཡ་ཏ་ནཾ, རཱུ་པཱ་ཡ་ཏ་ནཾ, ས་དྡཱ་ཡ་ཏ་ནཾ, ག་ནྡྷཱ་ཡ་ཏ་ནཾ, ར་སཱ་ཡ་ཏ་ནཾ, ཕོ་ཊྛ་བྦཱ་ཡ་ཏ་ནཾ, ཡ་ཉྩ རཱུ་པཾ ཨ་ནི་ད་སྶ་ན་ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ. ཨེ་ཝཾ ཨེ་ཀཱ་ད་ས་ཝི་དྷེ་ན རཱུ་པ་ཀྑ་ནྡྷོ.
ཨ་ཡཾ ཝུ་ཙྩ་ཏི རཱུ་པ་ཀྑ་ནྡྷོ.
༢. ཝེ་ད་ནཱ་ཀྑ་ནྡྷོ
༣༤. ཏ་ཏྠ ཀ་ཏ་མོ ཝེ་ད་ནཱ་ཀྑ་ནྡྷོ? ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ས་ཧེ་ཏུ་ཀོ, ཨ་ཏྠི ཨ་ཧེ་ཏུ་ཀོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ.
ཙ་ཏུ་བྦི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀཱ་མཱ་ཝ་ཙ་རོ, ཨ་ཏྠི རཱུ་པཱ་ཝ་ཙ་རོ, ཨ་ཏྠི ཨ་རཱུ་པཱ་ཝ་ཙ་རོ, ཨ་ཏྠི ཨ་པ་རི་ཡཱ་པ་ནྣོ.
པ་ཉྩ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི སུ་ཁི་ནྡྲི་ཡཾ, ཨ་ཏྠི དུ་ཀྑི་ནྡྲི་ཡཾ, ཨ་ཏྠི སོ་མ་ན་སྶི་ནྡྲི་ཡཾ, ཨ་ཏྠི དོ་མ་ན་སྶི་ནྡྲི་ཡཾ, ཨ་ཏྠི ཨུ་པེ་ཀྑི་ནྡྲི་ཡཾ. ཨེ་ཝཾ པ་ཉྩ་ཝི་དྷེ་ན ཝེ་ད་ནཱ་ཀྑ་ནྡྷོ.
ཚ་བྦི་དྷེ་ན ཝེ་ད་ནཱ་ཀྑ་ནྡྷོ – ཙ་ཀྑུ་ས་མྥ་སྶ་ཛཱ ཝེ་ད་ནཱ, སོ་ཏ་ས་མྥ་སྶ་ཛཱ ཝེ་ད་ནཱ, གྷཱ་ན་ས་མྥ་སྶ་ཛཱ ཝེ་ད་ནཱ, ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ, ཀཱ་ཡ་ས་མྥ་སྶ་ཛཱ ཝེ་ད་ནཱ, མ་ནོ་ས་མྥ་སྶ་ཛཱ ཝེ་ད་ནཱ. ཨེ་ཝཾ ཚ་བྦི་དྷེ་ན ཝེ་ད་ནཱ་ཀྑ་ནྡྷོ.
ས་ཏྟ་ཝི་དྷེ་ན ཝེ་ད་ནཱ་ཀྑ་ནྡྷོ – ཙ་ཀྑུ་ས་མྥ་སྶ་ཛཱ ཝེ་ད་ནཱ, སོ་ཏ་ས་མྥ་སྶ་ཛཱ ཝེ་ད་ནཱ, གྷཱ་ན་ས་མྥ་སྶ་ཛཱ ཝེ་ད་ནཱ, ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ, ཀཱ་ཡ་ས་མྥ་སྶ་ཛཱ ཝེ་ད་ནཱ, མ་ནོ་དྷཱ་ཏུ་ས་མྥ་སྶ་ཛཱ ཝེ་ད་ནཱ, མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཝེ་ད་ནཱ. ཨེ་ཝཾ ས་ཏྟ་ཝི་དྷེ་ན ཝེ་ད་ནཱ་ཀྑ་ནྡྷོ.
ཨ་ཊྛ་ཝི་དྷེ་ན ཝེ་ད་ནཱ་ཀྑ་ནྡྷོ – ཙ་ཀྑུ་ས་མྥ་སྶ་ཛཱ ཝེ་ད་ནཱ, སོ་ཏ་ས་མྥ་སྶ་ཛཱ ཝེ་ད་ནཱ, གྷཱ་ན་ས་མྥ་སྶ་ཛཱ ཝེ་ད་ནཱ, ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ, ཀཱ་ཡ་ས་མྥ་སྶ་ཛཱ ཝེ་ད་ནཱ ཨ་ཏྠི སུ་ཁཱ, ཨ་ཏྠི དུ་ཀྑཱ, མ་ནོ་དྷཱ་ཏུ་ས་མྥ་སྶ་ཛཱ ཝེ་ད་ནཱ, མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཝེ་ད་ནཱ. ཨེ་ཝཾ ཨ་ཊྛ་ཝི་དྷེ་ན ཝེ་ད་ནཱ་ཀྑ་ནྡྷོ.
ན་ཝ་ཝི་དྷེ་ན ཝེ་ད་ནཱ་ཀྑ་ནྡྷོ – ཙ་ཀྑུ་ས་མྥ་སྶ་ཛཱ ཝེ་ད་ནཱ, སོ་ཏ་ས་མྥ་སྶ་ཛཱ ཝེ་ད་ནཱ, གྷཱ་ན་ས་མྥ་སྶ་ཛཱ ཝེ་ད་ནཱ, ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ, ཀཱ་ཡ་ས་མྥ་སྶ་ཛཱ ཝེ་ད་ནཱ, མ་ནོ་དྷཱ་ཏུ་ས་མྥ་སྶ་ཛཱ ཝེ་ད་ནཱ, མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཝེ་ད་ནཱ ཨ་ཏྠི ཀུ་ས་ལཱ, ཨ་ཏྠི ཨ་ཀུ་ས་ལཱ, ཨ་ཏྠི ཨ་བྱཱ་ཀ་ཏཱ. ཨེ་ཝཾ ན་ཝ་ཝི་དྷེ་ན ཝེ་ད་ནཱ་ཀྑ་ནྡྷོ.
ད་ས་ཝི་དྷེ་ན ཝེ་ད་ནཱ་ཀྑ་ནྡྷོ – ཙ་ཀྑུ་ས་མྥ་སྶ་ཛཱ ཝེ་ད་ནཱ, སོ་ཏ་ས་མྥ་སྶ་ཛཱ ཝེ་ད་ནཱ, གྷཱ་ན་ས་མྥ་སྶ་ཛཱ ཝེ་ད་ནཱ, ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ, ཀཱ་ཡ་ས་མྥ་སྶ་ཛཱ ཝེ་ད་ནཱ ཨ་ཏྠི སུ་ཁཱ, ཨ་ཏྠི དུ་ཀྑཱ, མ་ནོ་དྷཱ་ཏུ་ས་མྥ་སྶ་ཛཱ ཝེ་ད་ནཱ, མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཝེ་ད་ནཱ ཨ་ཏྠི ཀུ་ས་ལཱ, ཨ་ཏྠི ཨ་ཀུ་ས་ལཱ, ཨ་ཏྠི ཨ་བྱཱ་ཀ་ཏཱ. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༣༥. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ས་ཧེ་ཏུ་ཀོ, ཨ་ཏྠི ཨ་ཧེ་ཏུ་ཀོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཝི་པཱ་ཀོ, ཨ་ཏྠི ཝི་པཱ་ཀ་དྷ་མྨ་དྷ་མྨོ, ཨ་ཏྠི ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨོ. ཨ་ཏྠི ཨུ་པཱ་དི་ནྣུ་པཱ་དཱ་ནི་ཡོ, ཨ་ཏྠི ཨ་ནུ་པཱ་དི་ནྣུ་པཱ་དཱ་ནི་ཡོ, ཨ་ཏྠི ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡོ. ཨ་ཏྠི སཾ་ཀི་ལི་ཊྛ་སཾ་ཀི་ལེ་སི་ཀོ, ཨ་ཏྠི ཨ་སཾ་ཀི་ལི་ཊྛ་སཾ་ཀི་ལེ་སི་ཀོ, ཨ་ཏྠི ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀོ. ཨ་ཏྠི ས་ཝི་ཏ་ཀྐ་ས་ཝི་ཙཱ་རོ, ཨ་ཏྠི ཨ་ཝི་ཏ་ཀྐ་ཝི་ཙཱ་ར་མ་ཏྟོ, ཨ་ཏྠི ཨ་ཝི་ཏ་ཀྐ་ཨ་ཝི་ཙཱ་རོ. ཨ་ཏྠི ད་སྶ་ནེ་ན པ་ཧཱ་ཏ་བྦོ, ཨ་ཏྠི བྷཱ་ཝ་ནཱ་ཡ པ་ཧཱ་ཏ་བྦོ, ཨ་ཏྠི ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦོ. ཨ་ཏྠི ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀོ, ཨ་ཏྠི བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀོ, ཨ་ཏྠི ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀོ. ཨ་ཏྠི ཨཱ་ཙ་ཡ་གཱ་མཱི, ཨ་ཏྠི ཨ་པ་ཙ་ཡ་གཱ་མཱི, ཨ་ཏྠི ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མཱི. ཨ་ཏྠི སེ་ཀྑོ, ཨ་ཏྠི ཨ་སེ་ཀྑོ, ཨ་ཏྠི ནེ་ཝ་སེ་ཀྑ་ནཱ་སེ་ཀྑོ. ཨ་ཏྠི པ་རི་ཏྟོ, ཨ་ཏྠི མ་ཧ་གྒ་ཏོ, ཨ་ཏྠི ཨ་པྤ་མཱ་ཎོ. ཨ་ཏྠི པ་རི་ཏྟཱ་ར་མྨ་ཎོ, ཨ་ཏྠི མ་ཧ་གྒ་ཏཱ་ར་མྨ་ཎོ, ཨ་ཏྠི ཨ་པྤ་མཱ་ཎཱ་ར་མྨ་ཎོ. ཨ་ཏྠི ཧཱི་ནོ, ཨ་ཏྠི མ་ཛ྄ཛྷི་མོ, ཨ་ཏྠི པ་ཎཱི་ཏོ. ཨ་ཏྠི མི་ཙྪ་ཏྟ་ནི་ཡ་ཏོ, ཨ་ཏྠི ས་མྨ་ཏྟ་ནི་ཡ་ཏོ, ཨ་ཏྠི ཨ་ནི་ཡ་ཏོ. ཨ་ཏྠི མ་གྒཱ་ར་མྨ་ཎོ, ཨ་ཏྠི མ་གྒ་ཧེ་ཏུ་ཀོ, ཨ་ཏྠི མ་གྒཱ་དྷི་པ་ཏི. ཨ་ཏྠི ཨུ་པྤ་ནྣོ, ཨ་ཏྠི ཨ་ནུ་པྤ་ནྣོ, ཨ་ཏྠི ཨུ་པྤཱ་དཱི. ཨ་ཏྠི ཨ་ཏཱི་ཏོ, ཨ་ཏྠི ཨ་ནཱ་ག་ཏོ, ཨ་ཏྠི པ་ཙྩུ་པྤ་ནྣོ. ཨ་ཏྠི ཨ་ཏཱི་ཏཱ་ར་མྨ་ཎོ, ཨ་ཏྠི ཨ་ནཱ་ག་ཏཱ་ར་མྨ་ཎོ, ཨ་ཏྠི པ་ཙྩུ་པྤ་ནྣཱ་ར་མྨ་ཎོ. ཨ་ཏྠི ཨ་ཛ྄ཛྷ་ཏྟོ, ཨ་ཏྠི བ་ཧི་དྡྷོ, ཨ་ཏྠི ཨ་ཛ྄ཛྷ་ཏྟ་བ་ཧི་དྡྷོ. ཨ་ཏྠི ཨ་ཛ྄ཛྷ་ཏྟཱ་ར་མྨ་ཎོ, ཨ་ཏྠི བ་ཧི་དྡྷཱ་ར་མྨ་ཎོ, ཨ་ཏྠི ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༣༦. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཧེ་ཏུ་ས་མྤ་ཡུ་ཏྟོ, ཨ་ཏྠི ཧེ་ཏུ་ཝི་པྤ་ཡུ་ཏྟོ…པེ… ཨ་ཏྠི ན ཧེ་ཏུ་ས་ཧེ་ཏུ་ཀོ, ཨ་ཏྠི ན ཧེ་ཏུ་ཨ་ཧེ་ཏུ་ཀོ. ཨ་ཏྠི ལོ་ཀི་ཡོ, ཨ་ཏྠི ལོ་ཀུ་ཏྟ་རོ. ཨ་ཏྠི ཀེ་ན་ཙི ཝི་ཉྙེ་ཡྻོ, ཨ་ཏྠི ཀེ་ན་ཙི ན ཝི་ཉྙེ་ཡྻོ. ཨ་ཏྠི སཱ་ས་ཝོ, ཨ་ཏྠི ཨ་ནཱ་ས་ཝོ. ཨ་ཏྠི ཨཱ་ས་ཝ་ས་མྤ་ཡུ་ཏྟོ, ཨ་ཏྠི ཨཱ་ས་ཝ་ཝི་པྤ་ཡུ་ཏྟོ. ཨ་ཏྠི ཨཱ་ས་ཝ་ཝི་པྤ་ཡུ་ཏྟ་སཱ་ས་ཝོ, ཨ་ཏྠི ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝོ. ཨ་ཏྠི སཾ་ཡོ་ཛ་ནི་ཡོ, ཨ་ཏྠི ཨ་སཾ་ཡོ་ཛ་ནི་ཡོ. ཨ་ཏྠི སཾ་ཡོ་ཛ་ན་ས་མྤ་ཡུ་ཏྟོ, ཨ་ཏྠི སཾ་ཡོ་ཛ་ན་ཝི་པྤ་ཡུ་ཏྟོ. ཨ་ཏྠི སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡོ, ཨ་ཏྠི སཾ་ཡོ་ཛ་ན་ཝི་པྤ་ཡུ་ཏྟ་ཨ་སཾ་ཡོ་ཛ་ནི་ཡོ. ཨ་ཏྠི ག་ནྠ་ནི་ཡོ, ཨ་ཏྠི ཨ་ག་ནྠ་ནི་ཡོ. ཨ་ཏྠི ག་ནྠ་ས་མྤ་ཡུ་ཏྟོ, ཨ་ཏྠི ག་ནྠ་ཝི་པྤ་ཡུ་ཏྟོ. ཨ་ཏྠི ག་ནྠ་ཝི་པྤ་ཡུ་ཏྟ་ག་ནྠ་ནི་ཡོ, ཨ་ཏྠི ག་ནྠ་ཝི་པྤ་ཡུ་ཏྟ་ཨ་ག་ནྠ་ནི་ཡོ. ཨ་ཏྠི ཨོ་གྷ་ནི་ཡོ, ཨ་ཏྠི ཨ་ནོ་གྷ་ནི་ཡོ. ཨ་ཏྠི ཨོ་གྷ་ས་མྤ་ཡུ་ཏྟོ, ཨ་ཏྠི ཨོ་གྷ་ཝི་པྤ་ཡུ་ཏྟོ. ཨ་ཏྠི ཨོ་གྷ་ཝི་པྤ་ཡུ་ཏྟ་ཨོ་གྷ་ནི་ཡོ, ཨ་ཏྠི ཨོ་གྷ་ཝི་པྤ་ཡུ་ཏྟ་ཨ་ནོ་གྷ་ནི་ཡོ. ཨ་ཏྠི ཡོ་ག་ནི་ཡོ, ཨ་ཏྠི ཨ་ཡོ་ག་ནི་ཡོ. ཨ་ཏྠི ཡོ་ག་ས་མྤ་ཡུ་ཏྟོ, ཨ་ཏྠི ཡོ་ག་ཝི་པྤ་ཡུ་ཏྟོ. ཨ་ཏྠི ཡོ་ག་ཝི་པྤ་ཡུ་ཏྟ་ཡོ་ག་ནི་ཡོ, ཨ་ཏྠི ཡོ་ག་ཝི་པྤ་ཡུ་ཏྟ་ཨ་ཡོ་ག་ནི་ཡོ. ཨ་ཏྠི ནཱི་ཝ་ར་ཎི་ཡོ, ཨ་ཏྠི ཨ་ནཱི་ཝ་ར་ཎི་ཡོ. ཨ་ཏྠི ནཱི་ཝ་ར་ཎ་ས་མྤ་ཡུ་ཏྟོ, ཨ་ཏྠི ནཱི་ཝ་ར་ཎ་ཝི་པྤ་ཡུ་ཏྟོ. ཨ་ཏྠི ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡོ, ཨ་ཏྠི ནཱི་ཝ་ར་ཎ་ཝི་པྤ་ཡུ་ཏྟ་ཨ་ནཱི་ཝ་ར་ཎི་ཡོ. ཨ་ཏྠི པ་རཱ་མ་ཊྛོ, ཨ་ཏྠི ཨ་པ་རཱ་མ་ཊྛོ. ཨ་ཏྠི པ་རཱ་མཱ་ས་ས་མྤ་ཡུ་ཏྟོ, ཨ་ཏྠི པ་རཱ་མཱ་ས་ཝི་པྤ་ཡུ་ཏྟོ. ཨ་ཏྠི པ་རཱ་མཱ་ས་ཝི་པྤ་ཡུ་ཏྟ་པ་རཱ་མ་ཊྛོ, ཨ་ཏྠི པ་རཱ་མཱ་ས་ཝི་པྤ་ཡུ་ཏྟ་ཨ་པ་རཱ་མ་ཊྛོ. ཨ་ཏྠི ཨུ་པཱ་དི་ནྣོ, ཨ་ཏྠི ཨ་ནུ་པཱ་དི་ནྣོ. ཨ་ཏྠི ཨུ་པཱ་དཱ་ནི་ཡོ, ཨ་ཏྠི ཨ་ནུ་པཱ་དཱ་ནི་ཡོ. ཨ་ཏྠི ཨུ་པཱ་དཱ་ན་ས་མྤ་ཡུ་ཏྟོ, ཨ་ཏྠི ཨུ་པཱ་དཱ་ན་ཝི་པྤ་ཡུ་ཏྟོ. ཨ་ཏྠི ཨུ་པཱ་དཱ་ན་ཝི་པྤ་ཡུ་ཏྟ་ཨུ་པཱ་དཱ་ནི་ཡོ, ཨ་ཏྠི ཨུ་པཱ་དཱ་ན་ཝི་པྤ་ཡུ་ཏྟ་ཨ་ནུ་པཱ་དཱ་ནི་ཡོ. ཨ་ཏྠི སཾ་ཀི་ལེ་སི་ཀོ, ཨ་ཏྠི ཨ་སཾ་ཀི་ལེ་སི་ཀོ. ཨ་ཏྠི སཾ་ཀི་ལི་ཊྛོ, ཨ་ཏྠི ཨ་སཾ་ཀི་ལི་ཊྛོ. ཨ་ཏྠི ཀི་ལེ་ས་ས་མྤ་ཡུ་ཏྟོ, ཨ་ཏྠི ཀི་ལེ་ས་ཝི་པྤ་ཡུ་ཏྟོ. ཨ་ཏྠི ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀོ, ཨ་ཏྠི ཀི་ལེ་ས་ཝི་པྤ་ཡུ་ཏྟ་ཨ་སཾ་ཀི་ལེ་སི་ཀོ. ཨ་ཏྠི ད་སྶ་ནེ་ན པ་ཧཱ་ཏ་བྦོ, ཨ་ཏྠི ན ད་སྶ་ནེ་ན པ་ཧཱ་ཏ་བྦོ. ཨ་ཏྠི བྷཱ་ཝ་ནཱ་ཡ པ་ཧཱ་ཏ་བྦོ, ཨ་ཏྠི ན བྷཱ་ཝ་ནཱ་ཡ པ་ཧཱ་ཏ་བྦོ. ཨ་ཏྠི ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀོ, ཨ་ཏྠི ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀོ. ཨ་ཏྠི བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀོ, ཨ་ཏྠི ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀོ. ཨ་ཏྠི ས་ཝི་ཏ་ཀྐོ, ཨ་ཏྠི ཨ་ཝི་ཏ་ཀྐོ. ཨ་ཏྠི ས་ཝི་ཙཱ་རོ, ཨ་ཏྠི ཨ་ཝི་ཙཱ་རོ. ཨ་ཏྠི ས་པྤཱི་ཏི་ཀོ, ཨ་ཏྠི ཨ་པྤཱི་ཏི་ཀོ. ཨ་ཏྠི པཱི་ཏི་ས་ཧ་ག་ཏོ, ཨ་ཏྠི ན པཱི་ཏི་ས་ཧ་ག་ཏོ. ཨ་ཏྠི ཀཱ་མཱ་ཝ་ཙ་རོ, ཨ་ཏྠི ན ཀཱ་མཱ་ཝ་ཙ་རོ. ཨ་ཏྠི རཱུ་པཱ་ཝ་ཙ་རོ, ཨ་ཏྠི ན རཱུ་པཱ་ཝ་ཙ་རོ. ཨ་ཏྠི ཨ་རཱུ་པཱ་ཝ་ཙ་རོ, ཨ་ཏྠི ན ཨ་རཱུ་པཱ་ཝ་ཙ་རོ. ཨ་ཏྠི པ་རི་ཡཱ་པ་ནྣོ, ཨ་ཏྠི ཨ་པ་རི་ཡཱ་པ་ནྣོ. ཨ་ཏྠི ནི་ཡྻཱ་ནི་ཀོ, ཨ་ཏྠི ཨ་ནི་ཡྻཱ་ནི་ཀོ. ཨ་ཏྠི ནི་ཡ་ཏོ, ཨ་ཏྠི ཨ་ནི་ཡ་ཏོ. ཨ་ཏྠི ས་ཨུ་ཏྟ་རོ, ཨ་ཏྠི ཨ་ནུ་ཏྟ་རོ. ཨ་ཏྠི ས་ར་ཎོ, ཨ་ཏྠི ཨ་ར་ཎོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༣༧. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ས་ར་ཎོ, ཨ་ཏྠི ཨ་ར་ཎོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཝི་པཱ་ཀོ, ཨ་ཏྠི ཝི་པཱ་ཀ་དྷ་མྨ་དྷ་མྨོ, ཨ་ཏྠི ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨོ. ཨ་ཏྠི ཨུ་པཱ་དི་ནྣུ་པཱ་དཱ་ནི་ཡོ…པེ… ཨ་ཏྠི ཨ་ཛ྄ཛྷ་ཏྟཱ་ར་མྨ་ཎོ, ཨ་ཏྠི བ་ཧི་དྡྷཱ་ར་མྨ་ཎོ, ཨ་ཏྠི ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
དུ་ཀ་མཱུ་ལ་ཀཾ.
༣༨. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ས་ཧེ་ཏུ་ཀོ, ཨ་ཏྠི ཨ་ཧེ་ཏུ་ཀོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༣༩. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཧེ་ཏུ་ས་མྤ་ཡུ་ཏྟོ, ཨ་ཏྠི ཧེ་ཏུ་ཝི་པྤ་ཡུ་ཏྟོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༤༠. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ན ཧེ་ཏུ་ས་ཧེ་ཏུ་ཀོ, ཨ་ཏྠི ན ཧེ་ཏུ་ཨ་ཧེ་ཏུ་ཀོ. ཨ་ཏྠི ལོ་ཀི་ཡོ, ཨ་ཏྠི ལོ་ཀུ་ཏྟ་རོ. ཨ་ཏྠི ཀེ་ན་ཙི ཝི་ཉྙེ་ཡྻོ, ཨ་ཏྠི ཀེ་ན་ཙི ན ཝི་ཉྙེ་ཡྻོ. ཨ་ཏྠི སཱ་ས་ཝོ, ཨ་ཏྠི ཨ་ནཱ་ས་ཝོ. ཨ་ཏྠི ཨཱ་ས་ཝ་ས་མྤ་ཡུ་ཏྟོ, ཨ་ཏྠི ཨཱ་ས་ཝ་ཝི་པྤ་ཡུ་ཏྟོ. ཨ་ཏྠི ཨཱ་ས་ཝ་ཝི་པྤ་ཡུ་ཏྟ་སཱ་ས་ཝོ, ཨ་ཏྠི ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝོ…པེ… ཨ་ཏྠི ས་ར་ཎོ, ཨ་ཏྠི ཨ་ར་ཎོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༤༡. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ས་ཧེ་ཏུ་ཀོ, ཨ་ཏྠི ཨ་ཧེ་ཏུ་ཀོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཝི་པཱ་ཀོ, ཨ་ཏྠི ཝི་པཱ་ཀ་དྷ་མྨ་དྷ་མྨོ, ཨ་ཏྠི ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨོ. ཨ་ཏྠི ཨུ་པཱ་དི་ནྣུ་པཱ་དཱ་ནི་ཡོ, ཨ་ཏྠི ཨ་ནུ་པཱ་དི་ནྣུ་པཱ་དཱ་ནི་ཡོ, ཨ་ཏྠི ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡོ. ཨ་ཏྠི སཾ་ཀི་ལི་ཊྛ་སཾ་ཀི་ལེ་སི་ཀོ, ཨ་ཏྠི ཨ་སཾ་ཀི་ལི་ཊྛ་སཾ་ཀི་ལེ་སི་ཀོ, ཨ་ཏྠི ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀོ. ཨ་ཏྠི ས་ཝི་ཏ་ཀྐ་ས་ཝི་ཙཱ་རོ, ཨ་ཏྠི ཨ་ཝི་ཏ་ཀྐ་ཝི་ཙཱ་ར་མ་ཏྟོ, ཨ་ཏྠི ཨ་ཝི་ཏ་ཀྐ་ཨ་ཝི་ཙཱ་རོ. ཨ་ཏྠི ད་སྶ་ནེ་ན པ་ཧཱ་ཏ་བྦོ, ཨ་ཏྠི བྷཱ་ཝ་ནཱ་ཡ པ་ཧཱ་ཏ་བྦོ, ཨ་ཏྠི ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦོ. ཨ་ཏྠི ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀོ, ཨ་ཏྠི བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀོ, ཨ་ཏྠི ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀོ. ཨ་ཏྠི ཨཱ་ཙ་ཡ་གཱ་མཱི, ཨ་ཏྠི ཨ་པ་ཙ་ཡ་གཱ་མཱི, ཨ་ཏྠི ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མཱི. ཨ་ཏྠི སེ་ཀྑོ, ཨ་ཏྠི ཨ་སེ་ཀྑོ, ཨ་ཏྠི ནེ་ཝ་སེ་ཀྑ་ནཱ་སེ་ཀྑོ. ཨ་ཏྠི པ་རི་ཏྟོ, ཨ་ཏྠི མ་ཧ་གྒ་ཏོ, ཨ་ཏྠི ཨ་པྤ་མཱ་ཎོ. ཨ་ཏྠི པ་རི་ཏྟཱ་ར་མྨ་ཎོ, ཨ་ཏྠི མ་ཧ་གྒ་ཏཱ་ར་མྨ་ཎོ, ཨ་ཏྠི ཨ་པྤ་མཱ་ཎཱ་ར་མྨ་ཎོ. ཨ་ཏྠི ཧཱི་ནོ, ཨ་ཏྠི མ་ཛ྄ཛྷི་མོ, ཨ་ཏྠི པ་ཎཱི་ཏོ. ཨ་ཏྠི མི་ཙྪ་ཏྟ་ནི་ཡ་ཏོ, ཨ་ཏྠི ས་མྨ་ཏྟ་ནི་ཡ་ཏོ, ཨ་ཏྠི ཨ་ནི་ཡ་ཏོ. ཨ་ཏྠི མ་གྒཱ་ར་མྨ་ཎོ, ཨ་ཏྠི མ་གྒ་ཧེ་ཏུ་ཀོ, ཨ་ཏྠི མ་གྒཱ་དྷི་པ་ཏི. ཨ་ཏྠི ཨུ་པྤ་ནྣོ, ཨ་ཏྠི ཨ་ནུ་པྤ་ནྣོ, ཨ་ཏྠི ཨུ་པྤཱ་དཱི. ཨ་ཏྠི ཨ་ཏཱི་ཏོ, ཨ་ཏྠི ཨ་ནཱ་ག་ཏོ, ཨ་ཏྠི པ་ཙྩུ་པྤ་ནྣོ. ཨ་ཏྠི ཨ་ཏཱི་ཏཱ་ར་མྨ་ཎོ, ཨ་ཏྠི ཨ་ནཱ་ག་ཏཱ་ར་མྨ་ཎོ, ཨ་ཏྠི པ་ཙྩུ་པྤ་ནྣཱ་ར་མྨ་ཎོ. ཨ་ཏྠི ཨ་ཛ྄ཛྷ་ཏྟོ, ཨ་ཏྠི བ་ཧི་དྡྷོ, ཨ་ཏྠི ཨ་ཛ྄ཛྷ་ཏྟ་བ་ཧི་དྡྷོ. ཨ་ཏྠི ཨ་ཛ྄ཛྷ་ཏྟཱ་ར་མྨ་ཎོ, ཨ་ཏྠི བ་ཧི་དྡྷཱ་ར་མྨ་ཎོ, ཨ་ཏྠི ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༤༢. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཧེ་ཏུ་ས་མྤ་ཡུ་ཏྟོ, ཨ་ཏྠི ཧེ་ཏུ་ཝི་པྤ་ཡུ་ཏྟོ. ཨ་ཏྠི ན ཧེ་ཏུ་ས་ཧེ་ཏུ་ཀོ, ཨ་ཏྠི ན ཧེ་ཏུ་ཨ་ཧེ་ཏུ་ཀོ. ཨ་ཏྠི ལོ་ཀི་ཡོ, ཨ་ཏྠི ལོ་ཀུ་ཏྟ་རོ. ཨ་ཏྠི ཀེ་ན་ཙི ཝི་ཉྙེ་ཡྻོ, ཨ་ཏྠི ཀེ་ན་ཙི ན ཝི་ཉྙེ་ཡྻོ. ཨ་ཏྠི སཱ་ས་ཝོ, ཨ་ཏྠི ཨ་ནཱ་ས་ཝོ. ཨ་ཏྠི ཨཱ་ས་ཝ་ས་མྤ་ཡུ་ཏྟོ, ཨ་ཏྠི ཨཱ་ས་ཝ་ཝི་པྤ་ཡུ་ཏྟོ. ཨ་ཏྠི ཨཱ་ས་ཝ་ཝི་པྤ་ཡུ་ཏྟ་སཱ་ས་ཝོ, ཨ་ཏྠི ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝོ. ཨ་ཏྠི སཾ་ཡོ་ཛ་ནི་ཡོ, ཨ་ཏྠི ཨ་སཾ་ཡོ་ཛ་ནི་ཡོ…པེ… ཨ་ཏྠི ས་ར་ཎོ, ཨ་ཏྠི ཨ་ར་ཎོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཨ་ཛ྄ཛྷ་ཏྟཱ་ར་མྨ་ཎོ, ཨ་ཏྠི བ་ཧི་དྡྷཱ་ར་མྨ་ཎོ, ཨ་ཏྠི ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
ཏི་ཀ་མཱུ་ལ་ཀཾ.
༤༣. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ས་ཧེ་ཏུ་ཀོ, ཨ་ཏྠི ཨ་ཧེ་ཏུ་ཀོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༤༤. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཧེ་ཏུ་ས་མྤ་ཡུ་ཏྟོ, ཨ་ཏྠི ཧེ་ཏུ་ཝི་པྤ་ཡུ་ཏྟོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཝི་པཱ་ཀོ, ཨ་ཏྠི ཝི་པཱ་ཀ་དྷ་མྨ་དྷ་མྨོ, ཨ་ཏྠི ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༤༥. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ན ཧེ་ཏུ་ས་ཧེ་ཏུ་ཀོ, ཨ་ཏྠི ན ཧེ་ཏུ་ཨ་ཧེ་ཏུ་ཀོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཨུ་པཱ་དི་ནྣུ་པཱ་དཱ་ནི་ཡོ, ཨ་ཏྠི ཨ་ནུ་པཱ་དི་ནྣུ་པཱ་དཱ་ནི་ཡོ, ཨ་ཏྠི ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༤༦. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ལོ་ཀི་ཡོ, ཨ་ཏྠི ལོ་ཀུ་ཏྟ་རོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི སཾ་ཀི་ལི་ཊྛ་སཾ་ཀི་ལེ་སི་ཀོ, ཨ་ཏྠི ཨ་སཾ་ཀི་ལི་ཊྛ་སཾ་ཀི་ལེ་སི་ཀོ, ཨ་ཏྠི ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༤༧. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀེ་ན་ཙི ཝི་ཉྙེ་ཡྻོ, ཨ་ཏྠི ཀེ་ན་ཙི ན ཝི་ཉྙེ་ཡྻོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ས་ཝི་ཏ་ཀྐ་ས་ཝི་ཙཱ་རོ, ཨ་ཏྠི ཨ་ཝི་ཏ་ཀྐ་ཝི་ཙཱ་ར་མ་ཏྟོ, ཨ་ཏྠི ཨ་ཝི་ཏ་ཀྐ་ཨ་ཝི་ཙཱ་རོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༤༨. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི སཱ་ས་ཝོ, ཨ་ཏྠི ཨ་ནཱ་ས་ཝོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ད་སྶ་ནེ་ན པ་ཧཱ་ཏ་བྦོ, ཨ་ཏྠི བྷཱ་ཝ་ནཱ་ཡ པ་ཧཱ་ཏ་བྦོ, ཨ་ཏྠི ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༤༩. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཨཱ་ས་ཝ་ས་མྤ་ཡུ་ཏྟོ, ཨ་ཏྠི ཨཱ་ས་ཝ་ཝི་པྤ་ཡུ་ཏྟོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀོ, ཨ་ཏྠི བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀོ, ཨ་ཏྠི ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༥༠. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཨཱ་ས་ཝ་ཝི་པྤ་ཡུ་ཏྟ་སཱ་ས་ཝོ, ཨ་ཏྠི ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཨཱ་ཙ་ཡ་གཱ་མཱི, ཨ་ཏྠི ཨ་པ་ཙ་ཡ་གཱ་མཱི, ཨ་ཏྠི ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མཱི…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༥༡. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི སཾ་ཡོ་ཛ་ནི་ཡོ, ཨ་ཏྠི ཨ་སཾ་ཡོ་ཛ་ནི་ཡོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི སེ་ཀྑོ, ཨ་ཏྠི ཨ་སེ་ཀྑོ, ཨ་ཏྠི ནེ་ཝ་སེ་ཀྑ་ནཱ་སེ་ཀྑོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༥༢. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི སཾ་ཡོ་ཛ་ན་ས་མྤ་ཡུ་ཏྟོ, ཨ་ཏྠི སཾ་ཡོ་ཛ་ན་ཝི་པྤ་ཡུ་ཏྟོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི པ་རི་ཏྟོ, ཨ་ཏྠི མ་ཧ་གྒ་ཏོ, ཨ་ཏྠི ཨ་པྤ་མཱ་ཎོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༥༣. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡོ, ཨ་ཏྠི སཾ་ཡོ་ཛ་ན་ཝི་པྤ་ཡུ་ཏྟ་ཨ་སཾ་ཡོ་ཛ་ནི་ཡོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི པ་རི་ཏྟཱ་ར་མྨ་ཎོ, ཨ་ཏྠི མ་ཧ་གྒ་ཏཱ་ར་མྨ་ཎོ, ཨ་ཏྠི ཨ་པྤ་མཱ་ཎཱ་ར་མྨ་ཎོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.
༥༤. ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ.
དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ག་ནྠ་ནི་ཡོ, ཨ་ཏྠི ཨ་ག་ནྠ་ནི་ཡོ.
ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཧཱི་ནོ, ཨ་ཏྠི མ་ཛ྄ཛྷི་མོ, ཨ་ཏྠི པ་ཎཱི་ཏོ…པེ…. ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ.