༢༢. བཱ་ཝཱི་ས་ཏི་མ་ཝ་གྒོ

(༢༡༡) ༤. དྷ་མྨཱ་བྷི་ས་མ་ཡ་ཀ་ཐཱ

༨༩༧. ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ་ཏི? ཨཱ་མ་ནྟཱ. ཨ་ཏྠི ག་བྦྷ་སེ་ཡྻཱ་ཡ དྷ་མྨ་དེ་ས་ནཱ, དྷ་མྨ་སྶ་ཝ་ནཾ, དྷ་མྨ་སཱ་ཀ་ཙྪཱ, པ་རི་པུ་ཙྪཱ, སཱི་ལ་ས་མཱ་དཱ་ནཾ, ཨི་ནྡྲི་ཡེ་སུ གུ་ཏྟ་དྭཱ་ར་ཏཱ, བྷོ་ཛ་ནེ མ་ཏྟ་ཉྙུ་ཏཱ, པུ་བྦ་ར་ཏྟཱ་པ་ར་ར་ཏྟཾ ཛཱ་ག་རི་ཡཱ་ནུ་ཡོ་གོ་ཏི? ན ཧེ་ཝཾ ཝ་ཏྟ་བྦེ…པེ… ན་ཏྠི ག་བྦྷ་སེ་ཡྻཱ་ཡ དྷ་མྨ་དེ་ས་ནཱ, དྷ་མྨ་སྶ་ཝ་ནཾ…པེ… པུ་བྦ་ར་ཏྟཱ་པ་ར་ར་ཏྟཾ ཛཱ་ག་རི་ཡཱ་ནུ་ཡོ་གོ་ཏི? ཨཱ་མ་ནྟཱ. ཧ་ཉྩི ན་ཏྠི ག་བྦྷ་སེ་ཡྻཱ་ཡ དྷ་མྨ་དེ་ས་ནཱ, དྷ་མྨ་སྶ་ཝ་ནཾ…པེ… པུ་བྦ་ར་ཏྟཱ་པ་ར་ར་ཏྟཾ ཛཱ་ག་རི་ཡཱ་ནུ་ཡོ་གོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ’’ཏི.

ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ་ཏི? ཨཱ་མ་ནྟཱ. ན་ནུ དྭེ པ་ཙྩ་ཡཱ ས་མྨཱ་དི་ཊྛི་ཡཱ ཨུ་པྤཱ་དཱ་ཡ – པ་ར་ཏོ ཙ གྷོ་སོ, ཡོ་ནི་སོ ཙ མ་ན་སི་ཀཱ་རོ་ཏི? ཨཱ་མ་ནྟཱ. ཧ་ཉྩི དྭེ པ་ཙྩ་ཡཱ ས་མྨཱ་དི་ཊྛི་ཡཱ ཨུ་པྤཱ་དཱ་ཡ – པ་ར་ཏོ ཙ གྷོ་སོ, ཡོ་ནི་སོ ཙ མ་ན་སི་ཀཱ་རོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ’’ཏི.

ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ་ཏི? ཨཱ་མ་ནྟཱ. སུ་ཏྟ་སྶ པ་མ་ཏྟ་སྶ མུ་ཊྛ་སྶ་ཏི་སྶ ཨ་ས་མྤ་ཛཱ་ན་སྶ དྷ་མྨཱ་བྷི་ས་མ་ཡོ་ཏི? ན ཧེ་ཝཾ ཝ་ཏྟ་བྦེ…པེ….

དྷ་མྨཱ་བྷི་ས་མ་ཡ་ཀ་ཐཱ ནི་ཊྛི་ཏཱ.