༢༢. བཱ་ཝཱི་ས་ཏི་མ་ཝ་གྒོ
(༢༠༨) ༡. པ་རི་ནི་བྦཱ་ན་ཀ་ཐཱ
༨༩༢. ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ པ་རི་ནི་བྦཱ་ན་ནྟི? ཨཱ་མ་ནྟཱ. ཨ་ཏྠི ཀི་ཉྩི ས་ཀྐཱ་ཡ་དི་ཊྛིཾ ཨ་པྤ་ཧཱ་ཡ…པེ… ཨ་ནོ་ཏྟ་པྤཾ ཨ་པྤ་ཧཱ་ཡ པ་རི་ནི་བྦཱ་ན་ནྟི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ པ་རི་ནི་བྦཱ་ན་ནྟི? ཨཱ་མ་ནྟཱ. ཨ་ར་ཧཱ ས་རཱ་གོ…པེ… ས་ཀི་ལེ་སོ་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ར་ཧཱ ནི་རཱ་གོ…པེ… ནི་ཀྐི་ལེ་སོ་ཏི? ཨཱ་མ་ནྟཱ. ཧ་ཉྩི ཨ་ར་ཧཱ ནི་རཱ་གོ…པེ… ནི་ཀྐི་ལེ་སོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ པ་རི་ནི་བྦཱ་ན’’ནྟི.
༨༩༣. ན ཝ་ཏྟ་བྦཾ – ‘‘ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ པ་རི་ནི་བྦཱ་ན’’ནྟི? ཨཱ་མ་ནྟཱ. ཨ་ར་ཧཱ ས་བྦཾ བུ་དྡྷ་ཝི་ས་ཡཾ ཛཱ་ནཱ་ཏཱི་ཏི? ན ཧེ་ཝཾ ཝ་ཏྟ་བྦེ. ཏེ་ན ཧི ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ པ་རི་ནི་བྦཱ་ན་ནྟི.
པ་རི་ནི་བྦཱ་ན་ཀ་ཐཱ ནི་ཊྛི་ཏཱ.
༢༢. བཱ་ཝཱི་ས་ཏི་མ་ཝ་གྒོ
(༢༠༩) ༢. ཀུ་ས་ལ་ཙི་ཏྟ་ཀ་ཐཱ
༨༩༤. ཨ་ར་ཧཱ ཀུ་ས་ལ་ཙི་ཏྟོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ཨ་ར་ཧཱ པུ་ཉྙཱ་བྷི་ས་ངྑཱ་རཾ ཨ་བྷི་ས་ངྑ་རོ་ནྟོ… ཨཱ་ནེ་ཉྫཱ་བྷི་ས་ངྑཱ་རཾ ཨ་བྷི་ས་ངྑ་རོ་ནྟོ… ག་ཏི་སཾ་ཝ་ཏྟ་ནི་ཡཾ ཀ་མྨཾ ཀ་རོ་ནྟོ… བྷ་ཝ་སཾ་ཝ་ཏྟ་ནི་ཡཾ ཀ་མྨཾ ཀ་རོ་ནྟོ… ཨི་སྶ་རི་ཡ་སཾ་ཝ་ཏྟ་ནི་ཡཾ ཀ་མྨཾ ཀ་རོ་ནྟོ… ཨ་དྷི་པ་ཙྩ་སཾ་ཝ་ཏྟ་ནི་ཡཾ ཀ་མྨཾ ཀ་རོ་ནྟོ… མ་ཧཱ་བྷོ་ག་སཾ་ཝ་ཏྟ་ནི་ཡཾ ཀ་མྨཾ ཀ་རོ་ནྟོ… མ་ཧཱ་པ་རི་ཝཱ་ར་སཾ་ཝ་ཏྟ་ནི་ཡཾ ཀ་མྨཾ ཀ་རོ་ནྟོ… དེ་ཝ་སོ་བྷ་གྱ་སཾ་ཝ་ཏྟ་ནི་ཡཾ ཀ་མྨཾ ཀ་རོ་ནྟོ… མ་ནུ་སྶ་སོ་བྷ་གྱ་སཾ་ཝ་ཏྟ་ནི་ཡཾ ཀ་མྨཾ ཀ་རོ་ནྟོ པ་རི་ནི་བྦཱ་ཡ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
ཨ་ར་ཧཱ ཀུ་ས་ལ་ཙི་ཏྟོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ཨ་ར་ཧཱ ཨཱ་ཙི་ན་ནྟོ ཨ་པ་ཙི་ན་ནྟོ པ་ཛ་ཧ་ནྟོ ཨུ་པཱ་དི་ཡ་ནྟོ ཝི་སི་ནེ་ནྟོ ཨུ་སྶི་ནེ་ནྟོ ཝི་དྷཱུ་པེ་ནྟོ ས་ནྡྷཱུ་པེ་ནྟོ པ་རི་ནི་བྦཱ་ཡ་ཏཱི་ཏི? ན ཧེ་ཝཾ ཝ་ཏྟ་བྦེ …པེ… ན་ནུ ཨ་ར་ཧཱ ནེ་ཝཱ་ཙི་ནཱ་ཏི ན ཨ་པ་ཙི་ནཱ་ཏི ཨ་པ་ཙི་ནི་ཏྭཱ ཋི་ཏོ་ཏི? ཨཱ་མ་ནྟཱ. ཧ་ཉྩི ཨ་ར་ཧཱ ནེ་ཝཱ་ཙི་ནཱ་ཏི ན ཨ་པ་ཙི་ནཱ་ཏི ཨ་པ་ཙི་ནི་ཏྭཱ ཋི་ཏོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ར་ཧཱ ཀུ་ས་ལ་ཙི་ཏྟོ པ་རི་ནི་བྦཱ་ཡ་ཏཱི’’ཏི. ན་ནུ ཨ་ར་ཧཱ ནེ་ཝ པ་ཛ་ཧ་ཏི ན ཨུ་པཱ་དི་ཡ་ཏི པ་ཛ་ཧི་ཏྭཱ ཋི་ཏོ, ནེ་ཝ ཝི་སི་ནེ་ཏི ན ཨུ་སྶི་ནེ་ཏི ཝི་སི་ནེ་ཏྭཱ ཋི་ཏོ; ན་ནུ ཨ་ར་ཧཱ ནེ་ཝ ཝི་དྷཱུ་པེ་ཏི ན ས་ནྡྷཱུ་པེ་ཏི ཝི་དྷཱུ་པེ་ཏྭཱ ཋི་ཏོ་ཏི? ཨཱ་མ་ནྟཱ. ཧ་ཉྩི ཨ་ར་ཧཱ ནེ་ཝ ཝི་དྷཱུ་པེ་ཏི ན ས་ནྡྷཱུ་པེ་ཏི ཝི་དྷཱུ་པེ་ཏྭཱ ཋི་ཏོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ར་ཧཱ ཀུ་ས་ལ་ཙི་ཏྟོ པ་རི་ནི་བྦཱ་ཡ་ཏཱི’’ཏི.
༨༩༥. ན ཝ་ཏྟ་བྦཾ – ‘‘ཨ་ར་ཧཱ ཀུ་ས་ལ་ཙི་ཏྟོ པ་རི་ནི་བྦཱ་ཡ་ཏཱི’’ཏི? ཨཱ་མ་ནྟཱ. ན་ནུ ཨ་ར་ཧཱ ཨུ་པ་ཊྛི་ཏ་སྶ་ཏི ས་ཏོ ས་མྤ་ཛཱ་ནོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ཧ་ཉྩི ཨ་ར་ཧཱ ཨུ་པ་ཊྛི་ཏ་སྶ་ཏི ས་ཏོ ས་མྤ་ཛཱ་ནོ པ་རི་ནི་བྦཱ་ཡ་ཏི, ཏེ་ན ཝ་ཏ རེ ཝ་ཏྟ་བྦེ – ‘‘ཨ་ར་ཧཱ ཀུ་ས་ལ་ཙི་ཏྟོ པ་རི་ནི་བྦཱ་ཡ་ཏཱི’’ཏི.
ཀུ་ས་ལ་ཙི་ཏྟ་ཀ་ཐཱ ནི་ཊྛི་ཏཱ.
༢༢. བཱ་ཝཱི་ས་ཏི་མ་ཝ་གྒོ
(༢༡༠) ༣. ཨཱ་ནེ་ཉྫ་ཀ་ཐཱ
༨༩༦. ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ན་ནུ ཨ་ར་ཧཱ པ་ཀ་ཏི་ཙི་ཏྟེ ཋི་ཏོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ཧ་ཉྩི ཨ་ར་ཧཱ པ་ཀ་ཏི་ཙི་ཏྟེ ཋི་ཏོ པ་རི་ནི་བྦཱ་ཡ་ཏི, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏཱི’’ཏི.
ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ཨ་ར་ཧཱ ཀི་རི་ཡ་མ་ཡེ ཙི་ཏྟེ ཋི་ཏོ པ་རི་ནི་བྦཱ་ཡ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ར་ཧཱ ཝི་པཱ་ཀ་ཙི་ཏྟེ ཋི་ཏོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ཧ་ཉྩི ཨ་ར་ཧཱ ཝི་པཱ་ཀ་ཙི་ཏྟེ ཋི་ཏོ པ་རི་ནི་བྦཱ་ཡ་ཏི, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏཱི’’ཏི.
ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ཨ་ར་ཧཱ ཀི་རི་ཡཱ་བྱཱ་ཀ་ཏེ ཙི་ཏྟེ ཋི་ཏོ པ་རི་ནི་བྦཱ་ཡ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ར་ཧཱ ཝི་པཱ་ཀཱ་བྱཱ་ཀ་ཏེ ཙི་ཏྟེ ཋི་ཏོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ཧ་ཉྩི ཨ་ར་ཧཱ ཝི་པཱ་ཀཱ་བྱཱ་ཀ་ཏེ ཙི་ཏྟེ ཋི་ཏོ པ་རི་ནི་བྦཱ་ཡ་ཏི, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏཱི’’ཏི.
ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏཱི་ཏི? ཨཱ་མ་ནྟཱ. ན་ནུ བྷ་ག་ཝཱ ཙ་ཏུ་ཏྠ་ཛ྄ཛྷཱ་ནཱ ཝུ་ཊྛ་ཧི་ཏྭཱ ས་མ་ན་ནྟ་རཱ པ་རི་ནི་བྦུ་ཏོ་ཏི [དཱི. ནི. ༢.༢༡༩]? ཨཱ་མ་ནྟཱ. ཧ་ཉྩི བྷ་ག་ཝཱ ཙ་ཏུ་ཏྠ་ཛ྄ཛྷཱ་ནཱ ཝུ་ཊྛ་ཧི་ཏྭཱ ས་མ་ན་ནྟ་རཱ པ་རི་ནི་བྦུ་ཏོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏཱི’’ཏི.
ཨཱ་ནེ་ཉྫ་ཀ་ཐཱ ནི་ཊྛི་ཏཱ.
༢༢. བཱ་ཝཱི་ས་ཏི་མ་ཝ་གྒོ
(༢༡༡) ༤. དྷ་མྨཱ་བྷི་ས་མ་ཡ་ཀ་ཐཱ
༨༩༧. ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ་ཏི? ཨཱ་མ་ནྟཱ. ཨ་ཏྠི ག་བྦྷ་སེ་ཡྻཱ་ཡ དྷ་མྨ་དེ་ས་ནཱ, དྷ་མྨ་སྶ་ཝ་ནཾ, དྷ་མྨ་སཱ་ཀ་ཙྪཱ, པ་རི་པུ་ཙྪཱ, སཱི་ལ་ས་མཱ་དཱ་ནཾ, ཨི་ནྡྲི་ཡེ་སུ གུ་ཏྟ་དྭཱ་ར་ཏཱ, བྷོ་ཛ་ནེ མ་ཏྟ་ཉྙུ་ཏཱ, པུ་བྦ་ར་ཏྟཱ་པ་ར་ར་ཏྟཾ ཛཱ་ག་རི་ཡཱ་ནུ་ཡོ་གོ་ཏི? ན ཧེ་ཝཾ ཝ་ཏྟ་བྦེ…པེ… ན་ཏྠི ག་བྦྷ་སེ་ཡྻཱ་ཡ དྷ་མྨ་དེ་ས་ནཱ, དྷ་མྨ་སྶ་ཝ་ནཾ…པེ… པུ་བྦ་ར་ཏྟཱ་པ་ར་ར་ཏྟཾ ཛཱ་ག་རི་ཡཱ་ནུ་ཡོ་གོ་ཏི? ཨཱ་མ་ནྟཱ. ཧ་ཉྩི ན་ཏྠི ག་བྦྷ་སེ་ཡྻཱ་ཡ དྷ་མྨ་དེ་ས་ནཱ, དྷ་མྨ་སྶ་ཝ་ནཾ…པེ… པུ་བྦ་ར་ཏྟཱ་པ་ར་ར་ཏྟཾ ཛཱ་ག་རི་ཡཱ་ནུ་ཡོ་གོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ’’ཏི.
ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ་ཏི? ཨཱ་མ་ནྟཱ. ན་ནུ དྭེ པ་ཙྩ་ཡཱ ས་མྨཱ་དི་ཊྛི་ཡཱ ཨུ་པྤཱ་དཱ་ཡ – པ་ར་ཏོ ཙ གྷོ་སོ, ཡོ་ནི་སོ ཙ མ་ན་སི་ཀཱ་རོ་ཏི? ཨཱ་མ་ནྟཱ. ཧ་ཉྩི དྭེ པ་ཙྩ་ཡཱ ས་མྨཱ་དི་ཊྛི་ཡཱ ཨུ་པྤཱ་དཱ་ཡ – པ་ར་ཏོ ཙ གྷོ་སོ, ཡོ་ནི་སོ ཙ མ་ན་སི་ཀཱ་རོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ’’ཏི.
ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ་ཏི? ཨཱ་མ་ནྟཱ. སུ་ཏྟ་སྶ པ་མ་ཏྟ་སྶ མུ་ཊྛ་སྶ་ཏི་སྶ ཨ་ས་མྤ་ཛཱ་ན་སྶ དྷ་མྨཱ་བྷི་ས་མ་ཡོ་ཏི? ན ཧེ་ཝཾ ཝ་ཏྟ་བྦེ…པེ….
དྷ་མྨཱ་བྷི་ས་མ་ཡ་ཀ་ཐཱ ནི་ཊྛི་ཏཱ.
༢༢. བཱ་ཝཱི་ས་ཏི་མ་ཝ་གྒོ
(༢༡༢-༤) ༥-༧. ཏི་སྶོ་པི་ཀ་ཐཱ
༨༩༨. ཨ་ཏྠི ག་བྦྷ་སེ་ཡྻཱ་ཡ ཨ་ར་ཧ་ཏྟ་པྤ་ཏྟཱི་ཏི? ཨཱ་མ་ནྟཱ. སུ་ཏྟ་སྶ པ་མ་ཏྟ་སྶ མུ་ཊྛ་སྶ་ཏི་སྶ ཨ་ས་མྤ་ཛཱ་ན་སྶ ཨ་ར་ཧ་ཏྟ་པྤ་ཏྟཱི་ཏི? ན ཧེ་ཝཾ ཝ་ཏྟ་བྦེ…པེ….
༨༩༩. ཨ་ཏྠི སུ་པི་ན་ག་ཏ་སྶ དྷ་མྨཱ་བྷི་ས་མ་ཡོ་ཏི? ཨཱ་མ་ནྟཱ. སུ་ཏྟ་སྶ པ་མ་ཏྟ་སྶ མུ་ཊྛ་སྶ་ཏི་སྶ ཨ་ས་མྤ་ཛཱ་ན་སྶ དྷ་མྨཱ་བྷི་ས་མ་ཡོ་ཏི? ན ཧེ་ཝཾ ཝ་ཏྟ་བྦེ…པེ….
༩༠༠. ཨ་ཏྠི སུ་པི་ན་ག་ཏ་སྶ ཨ་ར་ཧ་ཏྟ་པྤ་ཏྟཱི་ཏི? ཨཱ་མ་ནྟཱ. སུ་ཏྟ་སྶ པ་མ་ཏྟ་སྶ མུ་ཊྛ་སྶ་ཏི་སྶ ཨ་ས་མྤ་ཛཱ་ན་སྶ ཨ་ར་ཧ་ཏྟ་པྤ་ཏྟཱི་ཏི? ན ཧེ་ཝཾ ཝ་ཏྟ་བྦེ…པེ….
ཏི་སྶོ་པི་ཀ་ཐཱ ནི་ཊྛི་ཏཱ.
༢༢. བཱ་ཝཱི་ས་ཏི་མ་ཝ་གྒོ
(༢༡༥) ༨. ཨ་བྱཱ་ཀ་ཏ་ཀ་ཐཱ
༩༠༡. ས་བྦཾ སུ་པི་ན་ག་ཏ་སྶ ཙི་ཏྟཾ ཨ་བྱཱ་ཀ་ཏ་ནྟི? ཨཱ་མ་ནྟཱ. སུ་པི་ན་ནྟེ་ན པཱ་ཎཾ ཧ་ནེ་ཡྻཱ་ཏི? ཨཱ་མ་ནྟཱ. ཧ་ཉྩི སུ་པི་ན་ནྟེ་ན པཱ་ཎཾ ཧ་ནེ་ཡྻ, ནོ ཙ ཝ་ཏ རེ ཝ་ཏྟ་བྦེ – ‘‘ས་བྦཾ སུ་པི་ན་ག་ཏ་སྶ ཙི་ཏྟཾ ཨ་བྱཱ་ཀ་ཏ’’ནྟི.
སུ་པི་ན་ནྟེ་ན ཨ་དི་ནྣཾ ཨཱ་དི་ཡེ་ཡྻ…པེ… མུ་སཱ བྷ་ཎེ་ཡྻ, པི་སུ་ཎཾ བྷ་ཎེ་ཡྻ, ཕ་རུ་སཾ བྷ་ཎེ་ཡྻ, ས་མྥཾ པ་ལ་པེ་ཡྻ, ས་ནྡྷིཾ ཚི་ནྡེ་ཡྻ, ནི་ལློ་པཾ ཧ་རེ་ཡྻ, ཨེ་ཀཱ་གཱ་རི་ཀཾ ཀ་རེ་ཡྻ, པ་རི་པ་ནྠེ ཏི་ཊྛེ་ཡྻ, པ་ར་དཱ་རཾ ག་ཙྪེ་ཡྻ, གཱ་མ་གྷཱ་ཏ་ཀཾ ཀ་རེ་ཡྻ, ནི་ག་མ་གྷཱ་ཏ་ཀཾ ཀ་རེ་ཡྻ, སུ་པི་ན་ནྟེ་ན མེ་ཐུ་ནཾ དྷ་མྨཾ པ་ཊི་སེ་ཝེ་ཡྻ, སུ་པི་ན་ག་ཏ་སྶ ཨ་སུ་ཙི མུ་ཙྩེ་ཡྻ, སུ་པི་ན་ནྟེ་ན དཱ་ནཾ ད་དེ་ཡྻ, ཙཱི་ཝ་རཾ ད་དེ་ཡྻ, པི་ཎྜ་པཱ་ཏཾ ད་དེ་ཡྻ, སེ་ནཱ་ས་ནཾ ད་དེ་ཡྻ, གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཾ ད་དེ་ཡྻ, ཁཱ་ད་ནཱི་ཡཾ ད་དེ་ཡྻ, བྷོ་ཛ་ནཱི་ཡཾ ད་དེ་ཡྻ, པཱ་ནཱི་ཡཾ ད་དེ་ཡྻ, ཙེ་ཏི་ཡཾ ཝ་ནྡེ་ཡྻ, ཙེ་ཏི་ཡེ མཱ་ལཾ ཨཱ་རོ་པེ་ཡྻ, ག་ནྡྷཾ ཨཱ་རོ་པེ་ཡྻ, ཝི་ལེ་པ་ནཾ ཨཱ་རོ་པེ་ཡྻ…པེ… ཙེ་ཏི་ཡཾ ཨ་བྷི་ད་ཀྑི་ཎཾ ཀ་རེ་ཡྻཱ་ཏི? ཨཱ་མ་ནྟཱ. ཧ་ཉྩི སུ་པི་ན་ནྟེ་ན ཙེ་ཏི་ཡཾ ཨ་བྷི་ད་ཀྑི་ཎཾ ཀ་རེ་ཡྻ, ནོ ཙ ཝ་ཏ རེ ཝ་ཏྟ་བྦེ – ‘‘ས་བྦཾ སུ་པི་ན་ག་ཏ་སྶ ཙི་ཏྟཾ ཨ་བྱཱ་ཀ་ཏ’’ནྟི.
༩༠༢. ན ཝ་ཏྟ་བྦཾ – ‘‘ས་བྦཾ སུ་པི་ན་ག་ཏ་སྶ ཙི་ཏྟཾ ཨ་བྱཱ་ཀ་ཏ’’ནྟི? ཨཱ་མ་ནྟཱ. ན་ནུ སུ་པི་ན་ག་ཏ་སྶ ཙི་ཏྟཾ ཨ་བྦོ་ཧཱ་རི་ཡཾ ཝུ་ཏྟཾ བྷ་ག་ཝ་ཏཱ་ཏི? ཨཱ་མ་ནྟཱ. ཧ་ཉྩི སུ་པི་ན་ག་ཏ་སྶ ཙི་ཏྟཾ ཨ་བྦོ་ཧཱ་རི་ཡཾ ཝུ་ཏྟཾ བྷ་ག་ཝ་ཏཱ, ཏེ་ན ཝ་ཏ རེ ཝ་ཏྟ་བྦེ – ‘‘ས་བྦཾ སུ་པི་ན་ག་ཏ་སྶ ཙི་ཏྟཾ ཨ་བྱཱ་ཀ་ཏ’’ནྟི.
ཨ་བྱཱ་ཀ་ཏ་ཀ་ཐཱ ནི་ཊྛི་ཏཱ.
༢༢. བཱ་ཝཱི་ས་ཏི་མ་ཝ་གྒོ
(༢༡༦) ༩. ཨཱ་སེ་ཝ་ན་པ་ཙྩ་ཡ་ཀ་ཐཱ
༩༠༣. ན་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘པཱ་ཎཱ་ཏི་པཱ་ཏོ, བྷི་ཀྑ་ཝེ, ཨཱ་སེ་ཝི་ཏོ བྷཱ་ཝི་ཏོ བ་ཧུ་ལཱི་ཀ་ཏོ ནི་ར་ཡ་སཾ་ཝ་ཏྟ་ནི་ཀོ ཏི་ར་ཙྪཱ་ན་ཡོ་ནི་སཾ་ཝ་ཏྟ་ནི་ཀོ པེ་ཏྟི་ཝི་ས་ཡ་སཾ་ཝ་ཏྟ་ནི་ཀོ, ཡོ ས་བྦ་ལ་ཧུ་སོ པཱ་ཎཱ་ཏི་པཱ་ཏ་སྶ ཝི་པཱ་ཀོ མ་ནུ་སྶ་བྷཱུ་ཏ་སྶ ཨ་པྤཱ་ཡུ་ཀ་སཾ་ཝ་ཏྟ་ནི་ཀོ ཧོ་ཏཱི’’ཏི [ཨ. ནི. ༨.༤༠]. ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཨ་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི.
ན་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཨ་དི་ནྣཱ་དཱ་ནཾ, བྷི་ཀྑ་ཝེ, ཨཱ་སེ་ཝི་ཏཾ བྷཱ་ཝི་ཏཾ བ་ཧུ་ལཱི་ཀ་ཏཾ ནི་ར་ཡ་སཾ་ཝ་ཏྟ་ནི་ཀཾ ཏི་ར་ཙྪཱ་ན་ཡོ་ནི་སཾ་ཝ་ཏྟ་ནི་ཀཾ པེ་ཏྟི་ཝི་ས་ཡ་སཾ་ཝ་ཏྟ་ནི་ཀཾ, ཡོ ས་བྦ་ལ་ཧུ་སོ ཨ་དི་ནྣཱ་དཱ་ན་སྶ ཝི་པཱ་ཀོ མ་ནུ་སྶ་བྷཱུ་ཏ་སྶ བྷོ་ག་བྱ་ས་ན་སཾ་ཝ་ཏྟ་ནི་ཀོ ཧོ་ཏི…པེ… ཡོ ས་བྦ་ལ་ཧུ་སོ ཀཱ་མེ་སུ་མི་ཙྪཱ་ཙཱ་ར་སྶ ཝི་པཱ་ཀོ མ་ནུ་སྶ་བྷཱུ་ཏ་སྶ ས་པ་ཏྟ་ཝེ་ར་སཾ་ཝ་ཏྟ་ནི་ཀོ ཧོ་ཏི…པེ… ཡོ ས་བྦ་ལ་ཧུ་སོ མུ་སཱ་ཝཱ་ད་སྶ ཝི་པཱ་ཀོ མ་ནུ་སྶ་བྷཱུ་ཏ་སྶ ཨ་བྦྷཱུ་ཏ་བྦྷ་ཀྑཱ་ན་སཾ་ཝ་ཏྟ་ནི་ཀོ ཧོ་ཏི…པེ… ཡོ ས་བྦ་ལ་ཧུ་སོ པི་སུ་ཎཱ་ཡ ཝཱ་ཙཱ་ཡ ཝི་པཱ་ཀོ མ་ནུ་སྶ་བྷཱུ་ཏ་སྶ མི་ཏྟེ་ཧི བྷེ་ད་ན་སཾ་ཝ་ཏྟ་ནི་ཀོ ཧོ་ཏི…པེ… ཡོ ས་བྦ་ལ་ཧུ་སོ ཕ་རུ་སཱ་ཡ ཝཱ་ཙཱ་ཡ ཝི་པཱ་ཀོ མ་ནུ་སྶ་བྷཱུ་ཏ་སྶ ཨ་མ་ནཱ་པ་ས་དྡ་སཾ་ཝ་ཏྟ་ནི་ཀོ ཧོ་ཏི…པེ… ཡོ ས་བྦ་ལ་ཧུ་སོ ས་མྥ་པྤ་ལཱ་པ་སྶ ཝི་པཱ་ཀོ མ་ནུ་སྶ་བྷཱུ་ཏ་སྶ ཨ་ནཱ་དེ་ཡྻ་ཝཱ་ཙཱ་སཾ་ཝ་ཏྟ་ནི་ཀོ ཧོ་ཏི, སུ་རཱ་མེ་ར་ཡ་པཱ་ནཾ, བྷི་ཀྑ་ཝེ, ཨཱ་སེ་ཝི་ཏཾ…པེ… ཡོ ས་བྦ་ལ་ཧུ་སོ སུ་རཱ་མེ་ར་ཡ་པཱ་ན་སྶ ཝི་པཱ་ཀོ མ་ནུ་སྶ་བྷཱུ་ཏ་སྶ ཨུ་མྨ་ཏྟ་ཀ་སཾ་ཝ་ཏྟ་ནི་ཀོ ཧོ་ཏཱི’’ཏི [ཨ. ནི. ༨.༤༠]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཨ་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི.
༩༠༤. ན་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘མི་ཙྪཱ་དི་ཊྛི, བྷི་ཀྑ་ཝེ, ཨཱ་སེ་ཝི་ཏཱ བྷཱ་ཝི་ཏཱ བ་ཧུ་ལཱི་ཀ་ཏཱ ནི་ར་ཡ་སཾ་ཝ་ཏྟ་ནི་ཀཱ ཏི་ར་ཙྪཱ་ན་ཡོ་ནི་སཾ་ཝ་ཏྟ་ནི་ཀཱ པེ་ཏྟི་ཝི་ས་ཡ་སཾ་ཝ་ཏྟ་ནི་ཀཱ’’ཏི. ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཨ་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི.
ན་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘མི་ཙྪཱ་ས་ངྐ་པྤོ…པེ… མི་ཙྪཱ་ས་མཱ་དྷི, བྷི་ཀྑ་ཝེ, ཨཱ་སེ་ཝི་ཏོ བྷཱ་ཝི་ཏོ…པེ… པེ་ཏྟི་ཝི་ས་ཡ་སཾ་ཝ་ཏྟ་ནི་ཀོ’’ཏི! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཨ་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི.
༩༠༥. ན་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ས་མྨཱ་དི་ཊྛི, བྷི་ཀྑ་ཝེ, ཨཱ་སེ་ཝི་ཏཱ བྷཱ་ཝི་ཏཱ བ་ཧུ་ལཱི་ཀ་ཏཱ ཨ་མ་ཏོ་ག་དྷཱ ཧོ་ཏི ཨ་མ་ཏ་པ་རཱ་ཡ་ནཱ ཨ་མ་ཏ་པ་རི་ཡོ་སཱ་ནཱ’’ཏི! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཨ་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི.
ན་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ས་མྨཱ་ས་ངྐ་པྤོ, བྷི་ཀྑ་ཝེ, ཨཱ་སེ་ཝི་ཏོ བྷཱ་ཝི་ཏོ བ་ཧུ་ལཱི་ཀ་ཏོ…པེ… ས་མྨཱ་ས་མཱ་དྷི, བྷི་ཀྑ་ཝེ, ཨཱ་སེ་ཝི་ཏོ བྷཱ་ཝི་ཏོ བ་ཧུ་ལཱི་ཀ་ཏོ ཨ་མ་ཏོ་ག་དྷོ ཧོ་ཏི ཨ་མ་ཏ་པ་རཱ་ཡ་ནོ ཨ་མ་ཏ་པ་རི་ཡོ་སཱ་ནོ’’ཏི ཨ་ཏྠེ་ཝ སུ་ཏྟ་ནྟོ་ཏི, ཨཱ་མ་ནྟཱ. ཏེ་ན ཧི ཨ་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ་ཏི.
ཨཱ་སེ་ཝ་ན་པ་ཙྩ་ཡ་ཀ་ཐཱ ནི་ཊྛི་ཏཱ.
༢༢. བཱ་ཝཱི་ས་ཏི་མ་ཝ་གྒོ
(༢༡༧) ༡༠. ཁ་ཎི་ཀ་ཀ་ཐཱ
༩༠༦. ཨེ་ཀ་ཙི་ཏྟ་ཀྑ་ཎི་ཀཱ ས་བྦེ དྷ་མྨཱ་ཏི? ཨཱ་མ་ནྟཱ. ཙི་ཏྟེ མ་ཧཱ་པ་ཐ་ཝཱི ས་ཎྛཱ་ཏི, མ་ཧཱ་ས་མུ་དྡོ ས་ཎྛཱ་ཏི, སི་ནེ་རུ་པ་བྦ་ཏ་རཱ་ཛཱ ས་ཎྛཱ་ཏི, ཨཱ་པོ ས་ཎྛཱ་ཏི, ཏེ་ཛོ ས་ཎྛཱ་ཏི, ཝཱ་ཡོ ས་ཎྛཱ་ཏི, ཏི་ཎ་ཀ་ཊྛ་ཝ་ན་པྤ་ཏ་ཡོ ས་ཎྛ་ཧ་ནྟཱི་ཏི? ན ཧེ་ཝཾ ཝ་ཏྟ་བྦེ…པེ….
ཨེ་ཀ་ཙི་ཏྟ་ཀྑ་ཎི་ཀཱ ས་བྦེ དྷ་མྨཱ་ཏི? ཨཱ་མ་ནྟཱ. ཙ་ཀྑཱ་ཡ་ཏ་ནཾ ཙ་ཀྑུ་ཝི་ཉྙཱ་ཎེ་ན ས་ཧ་ཛཱ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ཙ་ཀྑཱ་ཡ་ཏ་ནཾ ཙ་ཀྑུ་ཝི་ཉྙཱ་ཎེ་ན ས་ཧ་ཛཱ་ཏ་ནྟི? ཨཱ་མ་ནྟཱ. ན་ནུ ཨཱ་ཡ་སྨཱ སཱ་རི་པུ་ཏྟོ ཨེ་ཏ་ད་ཝོ་ཙ – ‘‘ཨ་ཛ྄ཛྷ་ཏྟི་ཀ་ཉྩེ་ཝ, ཨཱ་ཝུ་སོ, ཙ་ཀྑུཾ ཨ་པ་རི་བྷི་ནྣཾ ཧོ་ཏི, བཱ་ཧི་རཱ ཙ རཱུ་པཱ ན ཨཱ་པཱ་ཐཾ ཨཱ་ག་ཙྪ་ནྟི, ནོ ཙ ཏ་ཛྫོ ས་མ་ནྣཱ་ཧཱ་རོ ཧོ་ཏི, ནེ་ཝ ཏཱ་ཝ ཏ་ཛྫ་སྶ ཝི་ཉྙཱ་ཎ་བྷཱ་ག་སྶ [ཝི་ཉྙཱ་ཎ་བྷཱ་ཝ་སྶ (བ་ཧཱུ་སུ)] པཱ་ཏུ་བྷཱ་ཝོ ཧོ་ཏི. ཨ་ཛ྄ཛྷ་ཏྟི་ཀ་ཉྩེ་ཝ, ཨཱ་ཝུ་སོ, ཙ་ཀྑུཾ ཨ་པ་རི་བྷི་ནྣཾ ཧོ་ཏི, བཱ་ཧི་རཱ ཙ རཱུ་པཱ ཨཱ་པཱ་ཐཾ ཨཱ་ག་ཙྪ་ནྟི, ནོ ཙ ཏ་ཛྫོ ས་མ་ནྣཱ་ཧཱ་རོ ཧོ་ཏི, ནེ་ཝ ཏཱ་ཝ ཏ་ཛྫ་སྶ ཝི་ཉྙཱ་ཎ་བྷཱ་ག་སྶ པཱ་ཏུ་བྷཱ་ཝོ ཧོ་ཏི. ཡ་ཏོ ཙ ཁོ, ཨཱ་ཝུ་སོ, ཨ་ཛ྄ཛྷ་ཏྟི་ཀ་ཉྩེ་ཝ ཙ་ཀྑུཾ ཨ་པ་རི་བྷི་ནྣཾ ཧོ་ཏི, བཱ་ཧི་རཱ ཙ རཱུ་པཱ ཨཱ་པཱ་ཐཾ ཨཱ་ག་ཙྪ་ནྟི, ཏ་ཛྫོ ཙ ས་མ་ནྣཱ་ཧཱ་རོ ཧོ་ཏི, ཨེ་ཝཾ ཏ་ཛྫ་སྶ ཝི་ཉྙཱ་ཎ་བྷཱ་ག་སྶ པཱ་ཏུ་བྷཱ་ཝོ ཧོ་ཏཱི’’ཏི [མ. ནི. ༡.༣༠༦]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ན ཝ་ཏྟ་བྦཾ – ‘‘ཙ་ཀྑཱ་ཡ་ཏ་ནཾ ཙ་ཀྑུ་ཝི་ཉྙཱ་ཎེ་ན ས་ཧ་ཛཱ་ཏ’’ནྟི.
སོ་ཏཱ་ཡ་ཏ་ནཾ…པེ… གྷཱ་ནཱ་ཡ་ཏ་ནཾ…པེ… ཛི་ཝ྄ཧཱ་ཡ་ཏ་ནཾ…པེ… ཀཱ་ཡཱ་ཡ་ཏ་ནཾ ཀཱ་ཡ་ཝི་ཉྙཱ་ཎེ་ན ས་ཧ་ཛཱ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ཀཱ་ཡཱ་ཡ་ཏ་ནཾ ཀཱ་ཡ་ཝི་ཉྙཱ་ཎེ་ན ས་ཧ་ཛཱ་ཏ་ནྟི? ཨཱ་མ་ནྟཱ. ན་ནུ ཨཱ་ཡ་སྨཱ སཱ་རི་པུ་ཏྟོ ཨེ་ཏ་ད་ཝོ་ཙ – ‘‘ཨ་ཛ྄ཛྷ་ཏྟི་ཀོ ཙེ་ཝ, ཨཱ་ཝུ་སོ, ཀཱ་ཡོ ཨ་པ་རི་བྷི་ནྣོ ཧོ་ཏི, བཱ་ཧི་རཱ ཙ ཕོ་ཊྛ་བྦཱ ན ཨཱ་པཱ་ཐཾ ཨཱ་ག་ཙྪ་ནྟི, ནོ ཙ…པེ… ཨ་ཛ྄ཛྷ་ཏྟི་ཀོ ཙེ་ཝ, ཨཱ་ཝུ་སོ, ཀཱ་ཡོ ཨ་པ་རི་བྷི་ནྣོ ཧོ་ཏི, བཱ་ཧི་རཱ ཙ ཕོ་ཊྛ་བྦཱ ཨཱ་པཱ་ཐཾ ཨཱ་ག་ཙྪ་ནྟི, ནོ ཙ…པེ… ཡ་ཏོ ཙ ཁོ, ཨཱ་ཝུ་སོ, ཨ་ཛ྄ཛྷ་ཏྟི་ཀོ ཙེ་ཝ ཀཱ་ཡོ ཨ་པ་རི་བྷི་ནྣོ ཧོ་ཏི, བཱ་ཧི་རཱ ཙ ཕོ་ཊྛ་བྦཱ ཨཱ་པཱ་ཐཾ ཨཱ་ག་ཙྪ་ནྟི, ཏ་ཛྫོ ཙ ས་མ་ནྣཱ་ཧཱ་རོ ཧོ་ཏི, ཨེ་ཝཾ ཏ་ཛྫ་སྶ ཝི་ཉྙཱ་ཎ་བྷཱ་ག་སྶ པཱ་ཏུ་བྷཱ་ཝོ ཧོ་ཏཱི’’ཏི [མ. ནི. ༡.༣༠༦]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ན ཝ་ཏྟ་བྦཾ – ‘‘ཀཱ་ཡཱ་ཡ་ཏ་ནཾ ཀཱ་ཡ་ཝི་ཉྙཱ་ཎེ་ན ས་ཧ་ཛཱ་ཏ’’ནྟི.
༩༠༧. ན ཝ་ཏྟ་བྦཾ – ‘‘ཨེ་ཀ་ཙི་ཏྟ་ཀྑ་ཎི་ཀཱ ས་བྦེ དྷ་མྨཱ’’ཏི? ཨཱ་མ་ནྟཱ. ས་བྦེ དྷ་མྨཱ ནི་ཙྩཱ དྷུ་ཝཱ ས་སྶ་ཏཱ ཨ་ཝི་པ་རི་ཎཱ་མ་དྷ་མྨཱ་ཏི? ན ཧེ་ཝཾ ཝ་ཏྟ་བྦེ. ཏེ་ན ཧི ཨེ་ཀ་ཙི་ཏྟ་ཀྑ་ཎི་ཀཱ ས་བྦེ དྷ་མྨཱ་ཏི.
ཁ་ཎི་ཀ་ཀ་ཐཱ ནི་ཊྛི་ཏཱ.
བཱ་ཝཱི་ས་ཏི་མ་ཝ་གྒོ.
ཏ་སྶུ་དྡཱ་ནཾ –
ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ པ་རི་ནི་བྦཱ་ནཾ, ཨ་ར་ཧཱ ཀུ་ས་ལ་ཙི་ཏྟོ པ་རི་ནི་བྦཱ་ཡ་ཏི, ཨ་ར་ཧཱ ཨཱ་ནེ་ཉྫེ ཋི་ཏོ པ་རི་ནི་བྦཱ་ཡ་ཏི, ཨ་ཏྠི ག་བྦྷ་སེ་ཡྻཱ་ཡ དྷ་མྨཱ་བྷི་ས་མ་ཡོ, ཨ་ཏྠི ག་བྦྷ་སེ་ཡྻཱ་ཡ ཨ་ར་ཧ་ཏྟ་པྤ་ཏྟི, ཨ་ཏྠི སུ་པི་ན་ག་ཏ་སྶ དྷ་མྨཱ་བྷི་ས་མ་ཡོ, ཨ་ཏྠི སུ་པི་ན་ག་ཏ་སྶ ཨ་ར་ཧ་ཏྟ་པྤ་ཏྟི, ས་བྦཾ སུ་པི་ན་ག་ཏ་སྶ ཙི་ཏྟཾ ཨ་བྱཱ་ཀ་ཏཾ, ན་ཏྠི ཀཱ་ཙི ཨཱ་སེ་ཝ་ན་པ་ཙྩ་ཡ་ཏཱ, ཨེ་ཀ་ཙི་ཏྟ་ཀྑ་ཎི་ཀཱ ས་བྦེ དྷ་མྨཱ་ཏི.