༢༣. ཏེ་ཝཱི་ས་ཏི་མ་ཝ་གྒོ
(༢༡༨) ༡. ཨེ་ཀཱ་དྷི་པྤཱ་ཡ་ཀ་ཐཱ
༩༠༨. ཨེ་ཀཱ་དྷི་པྤཱ་ཡེ་ན མེ་ཐུ་ནོ དྷ་མྨོ པ་ཊི་སེ་ཝི་ཏ་བྦོ་ཏི? ཨཱ་མ་ནྟཱ. ཨེ་ཀཱ་དྷི་པྤཱ་ཡེ་ན ཨ་སྶ་མ་ཎེ་ན ཧོ་ཏ་བྦཾ, ཨ་བྷི་ཀྑུ་ནཱ ཧོ་ཏ་བྦཾ, ཚི་ནྣ་མཱུ་ལེ་ན ཧོ་ཏ་བྦཾ པཱ་རཱ་ཛི་ཀེ་ན ཧོ་ཏ་བྦ་ནྟི? ན ཧེ་ཝཾ ཝ་ཏྟ་བྦེ…པེ… ཨེ་ཀཱ་དྷི་པྤཱ་ཡེ་ན མེ་ཐུ་ནོ དྷ་མྨོ པ་ཊི་སེ་ཝི་ཏ་བྦོ་ཏི? ཨཱ་མ་ནྟཱ. ཨེ་ཀཱ་དྷི་པྤཱ་ཡེ་ན པཱ་ཎོ ཧ་ནྟ་བྦོ, ཨ་དི་ནྣཾ ཨཱ་དི་ཡི་ཏ་བྦཾ, མུ་སཱ བྷ་ཎི་ཏ་བྦཱ, པི་སུ་ཎཾ བྷ་ཎི་ཏ་བྦཾ, ཕ་རུ་སཾ བྷ་ཎི་ཏ་བྦཾ, ས་མྥཾ པ་ལ་པི་ཏ་བྦཾ, ས་ནྡྷི ཚེ་དི་ཏ་བྦོ, ནི་ལློ་པཾ ཧཱ་ཏ་བྦཾ, ཨེ་ཀཱ་གཱ་རི་ཀཾ ཀཱ་ཏ་བྦཾ, པ་རི་པ་ནྠེ ཋཱ་ཏ་བྦཾ, པ་ར་དཱ་རོ ག་ནྟ་བྦོ, གཱ་མ་གྷཱ་ཏ་ཀོ ཀཱ་ཏ་བྦོ, ནི་ག་མ་གྷཱ་ཏ་ཀོ ཀཱ་ཏ་བྦོ་ཏི? ན ཧེ་ཝཾ ཝ་ཏྟ་བྦེ…པེ….
ཨེ་ཀཱ་དྷི་པྤཱ་ཡ་ཀ་ཐཱ ནི་ཊྛི་ཏཱ.
༢༣. ཏེ་ཝཱི་ས་ཏི་མ་ཝ་གྒོ
(༢༡༩) ༢. ཨ་ར་ཧ་ནྟ་ཝ་ཎྞ་ཀ་ཐཱ
༩༠༩. ཨ་ར་ཧ་ནྟཱ་ནཾ ཝ་ཎྞེ་ན ཨ་མ་ནུ་སྶཱ མེ་ཐུ་ནཾ དྷ་མྨཾ པ་ཊི་སེ་ཝ་ནྟཱི་ཏི? ཨཱ་མ་ནྟཱ. ཨ་ར་ཧ་ནྟཱ་ནཾ ཝ་ཎྞེ་ན ཨ་མ་ནུ་སྶཱ པཱ་ཎཾ ཧ་ན་ནྟི…པེ… ཨ་དི་ནྣཾ ཨཱ་དི་ཡ་ནྟི, མུ་སཱ བྷ་ཎ་ནྟི, པི་སུ་ཎཾ བྷ་ཎ་ནྟི, ཕ་རུ་སཾ བྷ་ཎ་ནྟི, ས་མྥཾ པ་ལ་པ་ནྟི, ས་ནྡྷིཾ ཚི་ནྡ་ནྟི, ནི་ལློ་པཾ ཧ་ར་ནྟི, ཨེ་ཀཱ་གཱ་རི་ཀཾ ཀ་རོ་ནྟི, པ་རི་པ་ནྠེ ཏི་ཊྛ་ནྟི, པ་ར་དཱ་རཾ ག་ཙྪ་ནྟི, གཱ་མ་གྷཱ་ཏ་ཀཾ ཀ་རོ་ནྟི…པེ… ནི་ག་མ་གྷཱ་ཏ་ཀཾ ཀ་རོ་ནྟཱི་ཏི? ན ཧེ་ཝཾ ཝ་ཏྟ་བྦེ…པེ….
ཨ་ར་ཧ་ནྟ་ཝ་ཎྞ་ཀ་ཐཱ ནི་ཊྛི་ཏཱ.
༢༣. ཏེ་ཝཱི་ས་ཏི་མ་ཝ་གྒོ
(༢༢༠-༤) ༣-༧. ཨི་སྶ་རི་ཡ་ཀཱ་མ་ཀཱ་རི་ཀཱ་དི་ཀ་ཐཱ
༩༡༠. བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཝི་ནི་པཱ་ཏཾ ག་ཙྪ་ཏཱི་ཏི? ཨཱ་མ་ནྟཱ. བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ནི་ར་ཡཾ ག་ཙྪ་ཏི, ས་ཉྫཱི་ཝཾ ག་ཙྪ་ཏི, ཀཱ་ལ་སུ་ཏྟཾ ག་ཙྪ་ཏི, ཏཱ་པ་ནཾ ག་ཙྪ་ཏི, མ་ཧཱ་ཏཱ་པ་ནཾ [པ་ཏཱ་པ་ནཾ (སཱི. སྱཱ. ཀཾ. པཱི.)] ག་ཙྪ་ཏི, ས་ངྒྷཱ་ཏ་ཀཾ ག་ཙྪ་ཏི, རོ་རུ་ཝཾ ག་ཙྪ་ཏི…པེ… ཨ་ཝཱི་ཙིཾ ག་ཙྪ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཝི་ནི་པཱ་ཏཾ ག་ཙྪ་ཏཱི་ཏི? ཨཱ་མ་ནྟཱ. ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཝི་ནི་པཱ་ཏཾ ག་ཙྪ་ཏཱི’’ཏི – ཨ་ཏྠེ་ཝ སུ་ཏྟ་ནྟོ་ཏི? ན་ཏྠི. ཧ་ཉྩི ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཝི་ནི་པཱ་ཏཾ ག་ཙྪ་ཏཱི’’ཏི – ན་ཏྠེ་ཝ སུ་ཏྟ་ནྟོ, ནོ ཙ ཝ་ཏ རེ ཝ་ཏྟ་བྦེ – ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཝི་ནི་པཱ་ཏཾ ག་ཙྪ་ཏཱི’’ཏི.
༩༡༡. བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ག་བྦྷ་སེ་ཡྻཾ ཨོ་ཀྐ་མ་ཏཱི་ཏི? ཨཱ་མ་ནྟཱ. བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ནི་ར་ཡཾ ཨུ་པ་པ་ཛྫེ་ཡྻ, ཏི་ར་ཙྪཱ་ན་ཡོ་ནིཾ ཨུ་པ་པ་ཛྫེ་ཡྻཱ་ཏི? ན ཧེ་ཝཾ ཝ་ཏྟ་བྦེ…པེ….
བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ག་བྦྷ་སེ་ཡྻཾ ཨོ་ཀྐ་མ་ཏཱི་ཏི? ཨཱ་མ་ནྟཱ. བོ་དྷི་ས་ཏྟོ ཨི་དྡྷི་མཱ་ཏི? ན ཧེ་ཝཾ ཝ་ཏྟ་བྦེ…པེ… བོ་དྷི་ས་ཏྟོ ཨི་དྡྷི་མཱ་ཏི? ཨཱ་མ་ནྟཱ. བོ་དྷི་ས་ཏྟེ་ན ཚ་ནྡི་དྡྷི་པཱ་དོ བྷཱ་ཝི་ཏོ…པེ… ཝཱི་རི་ཡི་དྡྷི་པཱ་དོ…པེ… ཙི་ཏྟི་དྡྷི་པཱ་དོ…པེ… ཝཱི་མཾ་སི་དྡྷི་པཱ་དོ བྷཱ་ཝི་ཏོ་ཏི? ན ཧེ་ཝཾ ཝ་ཏྟ་བྦེ…པེ….
བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ག་བྦྷ་སེ་ཡྻཾ ཨོ་ཀྐ་མ་ཏཱི་ཏི? ཨཱ་མ་ནྟཱ. ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ག་བྦྷ་སེ་ཡྻཾ ཨོ་ཀྐ་མ་ཏཱི’’ཏི – ཨ་ཏྠེ་ཝ སུ་ཏྟ་ནྟོ་ཏི? ན་ཏྠི. ཧ་ཉྩི ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ག་བྦྷ་སེ་ཡྻཾ ཨོ་ཀྐ་མ་ཏཱི’’ཏི – ན་ཏྠེ་ཝ སུ་ཏྟ་ནྟོ, ནོ ཙ ཝ་ཏ རེ ཝ་ཏྟ་བྦེ – ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ག་བྦྷ་སེ་ཡྻཾ ཨོ་ཀྐ་མ་ཏཱི’’ཏི.
༩༡༢. བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ དུ་ཀྐ་ར་ཀཱ་རི་ཀཾ ཨ་ཀཱ་སཱི་ཏི? ཨཱ་མ་ནྟཱ. བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ‘‘ས་སྶ་ཏོ ལོ་ཀོ’’ཏི པ་ཙྩཱ་ག་ཙྪི, ‘‘ཨ་ས་སྶ་ཏོ ལོ་ཀོ’’ཏི…པེ… ‘‘ཨ་ནྟ་ཝཱ ལོ་ཀོ’’ཏི…པེ… ‘‘ཨ་ན་ནྟ་ཝཱ ལོ་ཀོ’’ཏི… ‘‘ཏཾ ཛཱི་ཝཾ ཏཾ ས་རཱི་ར’’ནྟི … ‘‘ཨ་ཉྙཾ ཛཱི་ཝཾ ཨ་ཉྙཾ ས་རཱི་ར’’ནྟི… ‘‘ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི… ‘‘ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི… ‘‘ཧོ་ཏི ཙ ན ཙ ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི…པེ… ‘‘ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི པ་ཙྩཱ་ག་ཙྪཱི་ཏི? ན ཧེ་ཝཾ ཝ་ཏྟ་བྦེ…པེ….
བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ དུ་ཀྐ་ར་ཀཱ་རི་ཀཾ ཨ་ཀཱ་སཱི་ཏི? ཨཱ་མ་ནྟཱ. ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ དུ་ཀྐ་ར་ཀཱ་རི་ཀཾ ཨ་ཀཱ་སཱི’’ཏི – ཨ་ཏྠེ་ཝ སུ་ཏྟ་ནྟོ་ཏི? ན་ཏྠི. ཧ་ཉྩི ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ དུ་ཀྐ་ར་ཀཱ་རི་ཀཾ ཨ་ཀཱ་སཱི’’ཏི – ན་ཏྠེ་ཝ སུ་ཏྟ་ནྟོ, ནོ ཙ ཝ་ཏ རེ ཝ་ཏྟ་བྦེ – ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ དུ་ཀྐ་ར་ཀཱ་རི་ཀཾ ཨ་ཀཱ་སཱི’’ཏི.
༩༡༣. བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཨ་པ་ར་ནྟ་པཾ [ཨ་མ་རཾ ཏ་པཾ (སཾ. ནི. ༡.༡༣༧)] ཨ་ཀཱ་སི, ཨ་ཉྙཾ ས་ཏྠཱ་རཾ ཨུ་དྡི་སཱི་ཏི? ཨཱ་མ་ནྟཱ. བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ‘‘ས་སྶ་ཏོ ལོ་ཀོ’’ཏི པ་ཙྩཱ་ག་ཙྪི…པེ… ‘‘ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི པ་ཙྩཱ་ག་ཙྪཱི་ཏི? ན ཧེ་ཝཾ ཝ་ཏྟ་བྦེ…པེ….
༩༡༤. བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཨ་ཉྙཾ ས་ཏྠཱ་རཾ ཨུ་དྡི་སཱི་ཏི? ཨཱ་མ་ནྟཱ. ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཨ་ཉྙཾ ས་ཏྠཱ་རཾ ཨུ་དྡི་སཱི’’ཏི – ཨ་ཏྠེ་ཝ སུ་ཏྟ་ནྟོ་ཏི? ན་ཏྠི. ཧ་ཉྩི ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཨ་ཉྙཾ ས་ཏྠཱ་རཾ ཨུ་དྡི་སཱི’’ཏི – ན་ཏྠེ་ཝ སུ་ཏྟ་ནྟོ, ནོ ཙ ཝ་ཏ རེ ཝ་ཏྟ་བྦེ – ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཨ་ཉྙཾ ས་ཏྠཱ་རཾ ཨུ་དྡི་སཱི’’ཏི.
ཨི་སྶ་རི་ཡ་ཀཱ་མ་ཀཱ་རི་ཀཱ་ཀ་ཐཱ ནི་ཊྛི་ཏཱ.
༢༣. ཏེ་ཝཱི་ས་ཏི་མ་ཝ་གྒོ
(༢༢༥) ༨. པ་ཏི་རཱུ་པ་ཀ་ཐཱ
༩༡༥. ཨ་ཏྠི ན རཱ་གོ རཱ་ག་པ་ཏི་རཱུ་པ་ཀོ་ཏི? ཨཱ་མ་ནྟཱ. ཨ་ཏྠི ན ཕ་སྶོ ཕ་སྶ་པ་ཏི་རཱུ་པ་ཀོ, ཨ་ཏྠི ན ཝེ་ད་ནཱ ཝེ་ད་ནཱ་པ་ཏི་རཱུ་པི་ཀཱ, ཨ་ཏྠི ན ས་ཉྙཱ ས་ཉྙཱ་པ་ཏི་རཱུ་པི་ཀཱ, ཨ་ཏྠི ན ཙེ་ཏ་ནཱ ཙེ་ཏ་ནཱ་པ་ཏི་རཱུ་པི་ཀཱ, ཨ་ཏྠི ན ཙི་ཏྟཾ ཙི་ཏྟ་པ་ཏི་རཱུ་པ་ཀཾ, ཨ་ཏྠི ན ས་དྡྷཱ ས་དྡྷཱ་པ་ཏི་རཱུ་པི་ཀཱ, ཨ་ཏྠི ན ཝཱི་རི་ཡཾ ཝཱི་རི་ཡ་པ་ཏི་རཱུ་པ་ཀཾ, ཨ་ཏྠི ན ས་ཏི ས་ཏི་པ་ཏི་རཱུ་པི་ཀཱ, ཨ་ཏྠི ན ས་མཱ་དྷི ས་མཱ་དྷི་པ་ཏི་རཱུ་པ་ཀོ, ཨ་ཏྠི ན པ་ཉྙཱ པ་ཉྙཱ་པ་ཏི་རཱུ་པི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
༩༡༦. ཨ་ཏྠི ན དོ་སོ དོ་ས་པ་ཏི་རཱུ་པ་ཀོ, ཨ་ཏྠི ན མོ་ཧོ མོ་ཧ་པ་ཏི་རཱུ་པ་ཀོ, ཨ་ཏྠི ན ཀི་ལེ་སོ ཀི་ལེ་ས་པ་ཏི་རཱུ་པ་ཀོ་ཏི? ཨཱ་མ་ནྟཱ. ཨ་ཏྠི ན ཕ་སྶོ ཕ་སྶ་པ་ཏི་རཱུ་པ་ཀོ…པེ… ཨ་ཏྠི ན པ་ཉྙཱ པ་ཉྙཱ་པ་ཏི་རཱུ་པི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
པ་ཏི་རཱུ་པ་ཀ་ཐཱ ནི་ཊྛི་ཏཱ.
༢༣. ཏེ་ཝཱི་ས་ཏི་མ་ཝ་གྒོ
(༢༢༦) ༩. ཨ་པ་རི་ནི་པྥ་ནྣ་ཀ་ཐཱ
༩༡༧. རཱུ་པཾ ཨ་པ་རི་ནི་པྥ་ནྣ་ནྟི? ཨཱ་མ་ནྟཱ. རཱུ་པཾ ན ཨ་ནི་ཙྩཾ ན ས་ངྑ་ཏཾ ན པ་ཊི་ཙྩ་ས་མུ་པྤ་ནྣཾ ན ཁ་ཡ་དྷ་མྨཾ ན ཝ་ཡ་དྷ་མྨཾ ན ཝི་རཱ་ག་དྷ་མྨཾ ན ནི་རོ་དྷ་དྷ་མྨཾ ན ཝི་པ་རི་ཎཱ་མ་དྷ་མྨ་ནྟི? ན ཧེ་ཝཾ ཝ་ཏྟ་བྦེ…པེ… ན་ནུ རཱུ་པཾ ཨ་ནི་ཙྩཾ ས་ངྑ་ཏཾ པ་ཊི་ཙྩ་ས་མུ་པྤ་ནྣཾ ཁ་ཡ་དྷ་མྨཾ ཝ་ཡ་དྷ་མྨཾ ཝི་རཱ་ག་དྷ་མྨཾ ནི་རོ་དྷ་དྷ་མྨཾ ཝི་པ་རི་ཎཱ་མ་དྷ་མྨ་ནྟི? ཨཱ་མ་ནྟཱ. ཧ་ཉྩི རཱུ་པཾ ཨ་ནི་ཙྩཾ ས་ངྑ་ཏཾ…པེ… ཝི་པ་རི་ཎཱ་མ་དྷ་མྨཾ, ནོ ཙ ཝ་ཏ རེ ཝ་ཏྟ་བྦེ – ‘‘རཱུ་པཾ ཨ་པ་རི་ནི་པྥ་ནྣ’’ནྟི.
དུ་ཀྑ་ཉྙེ་ཝ པ་རི་ནི་པྥ་ནྣ་ནྟི? ཨཱ་མ་ནྟཱ. ན་ནུ ཡ་ད་ནི་ཙྩཾ ཏཾ དུ་ཀྑཾ [སཾ. ནི. ༣.༡༥] ཝུ་ཏྟཾ བྷ་ག་ཝ་ཏཱ – ‘‘རཱུ་པཾ ཨ་ནི་ཙྩ’’ནྟི? ཨཱ་མ་ནྟཱ. ཧ་ཉྩི ཡ་ད་ནི་ཙྩཾ ཏཾ དུ་ཀྑཾ ཝུ་ཏྟཾ བྷ་ག་ཝ་ཏཱ – ‘‘རཱུ་པཾ ཨ་ནི་ཙྩཾ’’, ནོ ཙ ཝ་ཏ རེ ཝ་ཏྟ་བྦེ – ‘‘དུ་ཀྑ་ཉྙེ་ཝ པ་རི་ནི་པྥ་ནྣ’’ནྟི…པེ….
༩༡༨. ཝེ་ད་ནཱ …པེ… ས་ཉྙཱ… ས་ངྑཱ་རཱ… ཝི་ཉྙཱ་ཎཾ… ཙ་ཀྑཱ་ཡ་ཏ་ནཾ…པེ… དྷ་མྨཱ་ཡ་ཏ་ནཾ… ཙ་ཀྑུ་དྷཱ་ཏུ… དྷ་མྨ་དྷཱ་ཏུ… ཙ་ཀྑུ་ནྡྲི་ཡཾ…པེ… ཨ་ཉྙཱ་ཏཱ་ཝི་ནྡྲི་ཡཾ ཨ་པ་རི་ནི་པྥ་ནྣ་ནྟི? ཨཱ་མ་ནྟཱ. ཨ་ཉྙཱ་ཏཱ་ཝི་ནྡྲི་ཡཾ ན ཨ་ནི་ཙྩཾ…པེ… ན ཝི་པ་རི་ཎཱ་མ་དྷ་མྨ་ནྟི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ཉྙཱ་ཏཱ་ཝི་ནྡྲི་ཡཾ ཨ་ནི་ཙྩཾ ས་ངྑ་ཏཾ…པེ… ཝི་པ་རི་ཎཱ་མ་དྷ་མྨ་ནྟི? ཨཱ་མ་ནྟཱ. ཧ་ཉྩི ཨ་ཉྙཱ་ཏཱ་ཝི་ནྡྲི་ཡཾ ཨ་ནི་ཙྩཾ ས་ངྑ་ཏཾ པ་ཊི་ཙྩ་ས་མུ་པྤ་ནྣཾ ཁ་ཡ་དྷ་མྨཾ ཝ་ཡ་དྷ་མྨཾ ཝི་རཱ་ག་དྷ་མྨཾ ནི་རོ་དྷ་དྷ་མྨཾ ཝི་པ་རི་ཎཱ་མ་དྷ་མྨཾ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཉྙཱ་ཏཱ་ཝི་ནྡྲི་ཡཾ ཨ་པ་རི་ནི་པྥ་ནྣ’’ནྟི.
དུ་ཀྑ་ཉྙེ་ཝ པ་རི་ནི་པྥ་ནྣ་ནྟི? ཨཱ་མ་ནྟཱ. ན་ནུ ཡ་ད་ནི་ཙྩཾ ཏཾ དུ་ཀྑཾ ཝུ་ཏྟཾ བྷ་ག་ཝ་ཏཱ – ‘‘ཨ་ཉྙཱ་ཏཱ་ཝི་ནྡྲི་ཡཾ ཨ་ནི་ཙྩ’’ནྟི? ཨཱ་མ་ནྟཱ. ཧ་ཉྩི ཡ་ད་ནི་ཙྩཾ ཏཾ དུ་ཀྑཾ ཝུ་ཏྟཾ བྷ་ག་ཝ་ཏཱ – ‘‘ཨ་ཉྙཱ་ཏཱ་ཝི་ནྡྲི་ཡཾ ཨ་ནི་ཙྩཾ’’, ནོ ཙ ཝ་ཏ རེ ཝ་ཏྟ་བྦེ – ‘‘དུ་ཀྑ་ཉྙེ་ཝ པ་རི་ནི་པྥ་ནྣ’’ནྟི.
ཨ་པ་རི་ནི་པྥ་ནྣ་ཀ་ཐཱ ནི་ཊྛི་ཏཱ.
ཏེ་ཝཱི་ས་ཏི་མ་ཝ་གྒོ.
ཏ་སྶུ་དྡཱ་ནཾ –
ཨེ་ཀཱ་དྷི་པྤཱ་ཡེ་ན མེ་ཐུ་ནོ དྷ་མྨོ པ་ཊི་སེ་ཝི་ཏ་བྦོ, ཨ་ར་ཧ་ནྟཱ་ནཾ ཝ་ཎྞེ་ན ཨ་མ་ནུ་སྶཱ མེ་ཐུ་ནཾ དྷ་མྨཾ པ་ཊི་སེ་ཝ་ནྟི, བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཝི་ནི་པཱ་ཏཾ ག་ཙྪ་ཏི, ག་བྦྷ་སེ་ཡྻཾ ཨོ་ཀྐ་མ་ཏི, དུ་ཀྐ་ར་ཀཱ་རི་ཀཾ ཨ་ཀཱ་སི, ཨ་པ་ར་ནྟ་པཾ ཨ་ཀཱ་སི, ཨ་ཉྙཾ ས་ཏྠཱ་རཾ ཨུ་དྡི་སི, ཨ་ཏྠི ན རཱ་གོ རཱ་ག་པ་ཏི་རཱུ་པ་ཀོ ཨ་ཏྠི ན དོ་སོ དོ་ས་པ་ཏི་རཱུ་པ་ཀོ ཨ་ཏྠི ན མོ་ཧོ མོ་ཧ་པ་ཏི་རཱུ་པ་ཀོ ཨ་ཏྠི ན ཀི་ལེ་སོ ཀི་ལེ་ས་པ་ཏི་རཱུ་པ་ཀོ, རཱུ་པཾ ཨ་པ་རི་ནི་པྥ་ནྣཾ ཨ་ཉྙཱ་ཏཱ་ཝི་ནྡྲི་ཡཾ ཨ་པ་རི་ནི་པྥ་ནྣ་ནྟི.
ཁུ་དྡ་ཀོ ཨ་ཌྜྷ་པ་ཎྞཱ་ས་ཀོ.
ཏ་སྶུ་དྡཱ་ནཾ –
ན་ཝཾ, ནི་བྦུ་ཏི, ཨེ་ཀཱ་དྷི་པྤཱ་ཡོ་ཏི.
པ་ཎྞཱ་ས་ཀུ་དྡཱ་ནཾ –
མ་ཧཱ་ནི་ཡཱ་མོ, ཨ་ནུ་ས་ཡཱ, ནི་གྒ་ཧོ, ཁུ་དྡ་ཀ་པ་ཉྩ་མོ;
པ་ར་པྤ་ཝཱ་ད་མ་དྡ་ནཱ, སུ་ཏྟ་མཱུ་ལ་ས་མཱ་ཧི་ཏཱ;
ཨུ་ཛྫོ་ཏ་ནཱ ས་ཏྠུ་ས་མ་ཡེ, ཀ་ཐཱ་ཝ་ཏྠུ་པ་ཀ་ར་ཎེ་ཏི.
པ་ཉྩ་ཏྟིཾ་ས་བྷཱ་ཎ་ཝཱ་རཾ
ཀ་ཐཱ་ཝ་ཏྠུ་པ་ཀ་ར་ཎཾ ནི་ཊྛི་ཏཾ.