༢༡. ཨེ་ཀ་ཝཱི་ས་ཏི་མ་ཝ་གྒོ

(༢༠༢) ༣. སཾ་ཡོ་ཛ་ན་ཀ་ཐཱ

༨༨༡. ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི་ཏི? ཨཱ་མ་ནྟཱ. ཨ་ཏྠི ཀི་ཉྩི ས་ཀྐཱ་ཡ་དི་ཊྛིཾ ཨ་པྤ་ཧཱ་ཡ…པེ… ཝི་ཙི་ཀི་ཙྪཾ ཨ་པྤ་ཧཱ་ཡ…པེ… སཱི་ལ་བྦ་ཏ་པ་རཱ་མཱ་སཾ ཨ་པྤ་ཧཱ་ཡ… རཱ་གཾ ཨ་པྤ་ཧཱ་ཡ… དོ་སཾ ཨ་པྤ་ཧཱ་ཡ… མོ་ཧཾ ཨ་པྤ་ཧཱ་ཡ… ཨ་ནོ་ཏྟ་པྤཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི་ཏི? ན ཧེ་ཝཾ ཝ་ཏྟ་བྦེ…པེ….

ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི་ཏི? ཨཱ་མ་ནྟཱ. ཨ་ར་ཧཱ ས་རཱ་གོ ས་དོ་སོ ས་མོ་ཧོ ས་མཱ་ནོ ས་མ་ཀྑོ ས་པ་ལཱ༹་སོ ས་ཨུ་པཱ་ཡཱ་སོ ས་ཀི་ལེ་སོ་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ར་ཧཱ ནི་རཱ་གོ ནི་དྡོ་སོ ནི་མྨོ་ཧོ ནི་མྨཱ་ནོ ནི་མྨ་ཀྑོ ནི་པྤ་ལཱ༹་སོ ནི་རུ་པཱ་ཡཱ་སོ ནི་ཀྐི་ལེ་སོ་ཏི? ཨཱ་མ་ནྟཱ. ཧ་ཉྩི ཨ་ར་ཧཱ ནི་རཱ་གོ…པེ… ནི་ཀྐི་ལེ་སོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི’’ཏི.

༨༨༢. ན ཝ་ཏྟ་བྦཾ – ‘‘ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི’’ཏི? ཨཱ་མ་ནྟཱ. ཨ་ར་ཧཱ ས་བྦཾ བུ་དྡྷ་ཝི་ས་ཡཾ ཛཱ་ནཱ་ཏཱི་ཏི? ན ཧེ་ཝཾ ཝ་ཏྟ་བྦེ. ཏེ་ན ཧི ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི་ཏི.

སཾ་ཡོ་ཛ་ན་ཀ་ཐཱ ནི་ཊྛི་ཏཱ.