༢༡. ཨེ་ཀ་ཝཱི་ས་ཏི་མ་ཝ་གྒོ
(༢༠༠) ༡. སཱ་ས་ན་ཀ་ཐཱ
༨༧༨. སཱ་ས་ནཾ ན་ཝཾ ཀ་ཏ་ནྟི? ཨཱ་མ་ནྟཱ. ས་ཏི་པ་ཊྛཱ་ནཱ ན་ཝཾ ཀ་ཏཱ་ཏི? ན ཧེ་ཝཾ ཝ་ཏྟ་བྦེ…པེ… སཱ་ས་ནཾ ན་ཝཾ ཀ་ཏ་ནྟི? ཨཱ་མ་ནྟཱ. ས་མྨ་པྤ་དྷཱ་ནཱ…པེ… ཨི་དྡྷི་པཱ་དཱ…པེ… ཨི་ནྡྲི་ཡཱ…པེ… བ་ལཱ…པེ… བོ་ཛ྄ཛྷ་ངྒཱ ན་ཝཾ ཀ་ཏཱ་ཏི? ན ཧེ་ཝཾ ཝ་ཏྟ་བྦེ…པེ… པུ་བྦེ ཨ་ཀུ་ས་ལཾ པ་ཙྪཱ ཀུ་ས་ལཾ ཀ་ཏ་ནྟི? ན ཧེ་ཝཾ ཝ་ཏྟ་བྦེ…པེ… པུ་བྦེ སཱ་ས་ཝཾ…པེ… སཾ་ཡོ་ཛ་ནི་ཡཾ ག་ནྠ་ནི་ཡཾ ཨོ་གྷ་ནི་ཡཾ ཡོ་ག་ནི་ཡཾ ནཱི་ཝ་ར་ཎི་ཡཾ པ་རཱ་མ་ཊྛཾ ཨུ་པཱ་དཱ་ནི་ཡཾ…པེ… སཾ་ཀི་ལེ་སི་ཀཾ པ་ཙྪཱ ཨ་སཾ་ཀི་ལེ་སི་ཀཾ ཀ་ཏ་ནྟི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ཀོ་ཙི ཏ་ཐཱ་ག་ཏ་སྶ སཱ་ས་ནཾ ན་ཝཾ ཀ་རོ་ཏཱི་ཏི? ཨཱ་མ་ནྟཱ. ཨ་ཏྠི ཀོ་ཙི ས་ཏི་པ་ཊྛཱ་ནེ ན་ཝཾ ཀ་རོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ཀོ་ཙི ས་མྨ་པྤ་དྷཱ་ནེ…པེ… ཨི་དྡྷི་པཱ་དེ…པེ… ཨི་ནྡྲི་ཡེ…པེ… བ་ལེ…པེ… བོ་ཛ྄ཛྷ་ངྒེ ན་ཝཾ ཀ་རོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ཀོ་ཙི པུ་བྦེ ཨ་ཀུ་ས་ལཾ པ་ཙྪཱ ཀུ་ས་ལཾ ཀ་རོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ཀོ་ཙི པུ་བྦེ སཱ་ས་ཝཾ…པེ… སཾ་ཀི་ལེ་སི་ཀཾ པ་ཙྪཱ ཨ་སཾ་ཀི་ལེ་སི་ཡཾ ཀ་རོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
ལ་བྦྷཱ ཏ་ཐཱ་ག་ཏ་སྶ སཱ་ས་ནཾ པུ་ན ན་ཝཾ ཀཱ་ཏུ་ནྟི? ཨཱ་མ་ནྟཱ. ལ་བྦྷཱ ས་ཏི་པ་ཊྛཱ་ནཱ པུ་ན ན་ཝཾ ཀཱ་ཏུ་ནྟི? ན ཧེ་ཝཾ ཝ་ཏྟ་བྦེ…པེ… ལ་བྦྷཱ ས་མྨ་པྤ་དྷཱ་ནཱ…པེ… ཨི་དྡྷི་པཱ་དཱ…པེ… ཨི་ནྡྲི་ཡཱ…པེ… བ་ལཱ…པེ… བོ་ཛ྄ཛྷ་ངྒཱ པུ་ན ན་ཝཾ ཀཱ་ཏུ་ནྟི? ན ཧེ་ཝཾ ཝ་ཏྟ་བྦེ…པེ… ལ་བྦྷཱ པུ་བྦེ ཨ་ཀུ་ས་ལཾ པ་ཙྪཱ ཀུ་ས་ལཾ ཀཱ་ཏུ་ནྟི? ན ཧེ་ཝཾ ཝ་ཏྟ་བྦེ…པེ… ལ་བྦྷཱ པུ་བྦེ སཱ་ས་ཝཾ…པེ… སཾ་ཀི་ལེ་སི་ཡཾ པ་ཙྪཱ ཨ་སཾ་ཀི་ལེ་སི་ཡཾ ཀཱ་ཏུ་ནྟི? ན ཧེ་ཝཾ ཝ་ཏྟ་བྦེ…པེ….
སཱ་ས་ན་ཀ་ཐཱ ནི་ཊྛི་ཏཱ.
༢༡. ཨེ་ཀ་ཝཱི་ས་ཏི་མ་ཝ་གྒོ
(༢༠༡) ༢. ཨ་ཝི་ཝི་ཏྟ་ཀ་ཐཱ
༨༧༩. པུ་ཐུ་ཛྫ་ནོ ཏེ་དྷཱ་ཏུ་ཀེ་ཧི དྷ་མྨེ་ཧི ཨ་ཝི་ཝི་ཏྟོ་ཏི? ཨཱ་མ་ནྟཱ. པུ་ཐུ་ཛྫ་ནོ ཏེ་དྷཱ་ཏུ་ཀེ་ཧི ཕ་སྶེ་ཧི…པེ… ཏེ་དྷཱ་ཏུ་ཀཱ་ཧི ཝེ་ད་ནཱ་ཧི… ས་ཉྙཱ་ཧི … ཙེ་ཏ་ནཱ་ཧི… ཙི་ཏྟེ་ཧི… ས་དྡྷཱ་ཧི… ཝཱི་རི་ཡེ་ཧི… ས་ཏཱི་ཧི… ས་མཱ་དྷཱི་ཧི…པེ… ཏེ་དྷཱ་ཏུ་ཀཱ་ཧི པ་ཉྙཱ་ཧི ཨ་ཝི་ཝི་ཏྟོ་ཏི? ན ཧེ་ཝཾ ཝ་ཏྟ་བྦེ…པེ….
པུ་ཐུ་ཛྫ་ནོ ཏེ་དྷཱ་ཏུ་ཀེ་ཧི ཀ་མྨེ་ཧི ཨ་ཝི་ཝི་ཏྟོ་ཏི? ཨཱ་མ་ནྟཱ. ཡ་སྨིཾ ཁ་ཎེ པུ་ཐུ་ཛྫ་ནོ ཙཱི་ཝ་རཾ དེ་ཏི, ཏ་སྨིཾ ཁ་ཎེ པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི…པེ… ཨཱ་ཀཱ་སཱ་ན་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་ར་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཡ་སྨིཾ ཁ་ཎེ པུ་ཐུ་ཛྫ་ནོ པི་ཎྜ་པཱ་ཏཾ དེ་ཏི…པེ… སེ་ནཱ་ས་ནཾ དེ་ཏི…པེ… གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཾ དེ་ཏི, ཏ་སྨིཾ ཁ་ཎེ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི… ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་ར་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
༨༨༠. ན ཝ་ཏྟ་བྦཾ – ‘‘པུ་ཐུ་ཛྫ་ནོ ཏེ་དྷཱ་ཏུ་ཀེ་ཧི ཀ་མྨེ་ཧི ཨ་ཝི་ཝི་ཏྟོ’’ཏི? ཨཱ་མ་ནྟཱ. པུ་ཐུ་ཛྫ་ན་སྶ རཱུ་པ་དྷཱ་ཏུ་ཨ་རཱུ་པ་དྷཱ་ཏཱུ་པ་གཾ ཀ་མྨཾ པ་རི་ཉྙཱ་ཏ་ནྟི? ན ཧེ་ཝཾ ཝ་ཏྟ་བྦེ. ཏེ་ན ཧི པུ་ཐུ་ཛྫ་ནོ ཏེ་དྷཱ་ཏུ་ཀེ་ཧི ཀ་མྨེ་ཧི ཨ་ཝི་ཝི་ཏྟོ་ཏི…པེ….
ཨ་ཝི་ཝི་ཏྟ་ཀ་ཐཱ ནི་ཊྛི་ཏཱ.
༢༡. ཨེ་ཀ་ཝཱི་ས་ཏི་མ་ཝ་གྒོ
(༢༠༢) ༣. སཾ་ཡོ་ཛ་ན་ཀ་ཐཱ
༨༨༡. ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི་ཏི? ཨཱ་མ་ནྟཱ. ཨ་ཏྠི ཀི་ཉྩི ས་ཀྐཱ་ཡ་དི་ཊྛིཾ ཨ་པྤ་ཧཱ་ཡ…པེ… ཝི་ཙི་ཀི་ཙྪཾ ཨ་པྤ་ཧཱ་ཡ…པེ… སཱི་ལ་བྦ་ཏ་པ་རཱ་མཱ་སཾ ཨ་པྤ་ཧཱ་ཡ… རཱ་གཾ ཨ་པྤ་ཧཱ་ཡ… དོ་སཾ ཨ་པྤ་ཧཱ་ཡ… མོ་ཧཾ ཨ་པྤ་ཧཱ་ཡ… ཨ་ནོ་ཏྟ་པྤཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི་ཏི? ཨཱ་མ་ནྟཱ. ཨ་ར་ཧཱ ས་རཱ་གོ ས་དོ་སོ ས་མོ་ཧོ ས་མཱ་ནོ ས་མ་ཀྑོ ས་པ་ལཱ༹་སོ ས་ཨུ་པཱ་ཡཱ་སོ ས་ཀི་ལེ་སོ་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ར་ཧཱ ནི་རཱ་གོ ནི་དྡོ་སོ ནི་མྨོ་ཧོ ནི་མྨཱ་ནོ ནི་མྨ་ཀྑོ ནི་པྤ་ལཱ༹་སོ ནི་རུ་པཱ་ཡཱ་སོ ནི་ཀྐི་ལེ་སོ་ཏི? ཨཱ་མ་ནྟཱ. ཧ་ཉྩི ཨ་ར་ཧཱ ནི་རཱ་གོ…པེ… ནི་ཀྐི་ལེ་སོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི’’ཏི.
༨༨༢. ན ཝ་ཏྟ་བྦཾ – ‘‘ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི’’ཏི? ཨཱ་མ་ནྟཱ. ཨ་ར་ཧཱ ས་བྦཾ བུ་དྡྷ་ཝི་ས་ཡཾ ཛཱ་ནཱ་ཏཱི་ཏི? ན ཧེ་ཝཾ ཝ་ཏྟ་བྦེ. ཏེ་ན ཧི ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟཱི་ཏི.
སཾ་ཡོ་ཛ་ན་ཀ་ཐཱ ནི་ཊྛི་ཏཱ.
༢༡. ཨེ་ཀ་ཝཱི་ས་ཏི་མ་ཝ་གྒོ
(༢༠༣) ༤. ཨི་དྡྷི་ཀ་ཐཱ
༨༨༣. ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ཨཱ་མ་ནྟཱ. ‘‘ནི་ཙྩ་པ་ཎྞཱ རུ་ཀྑཱ ཧོ་ནྟཱུ’’ཏི – ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ན ཧེ་ཝཾ ཝ་ཏྟ་བྦེ…པེ… ནི་ཙྩ་པུ་པྥཱ རུ་ཀྑཱ ཧོ་ནྟུ…པེ… ནི་ཙྩ་ཕ་ལི་ཀཱ རུ་ཀྑཱ ཧོ་ནྟུ… ནི་ཙྩཾ ཛུ་ཎྷཾ ཧོ་ཏུ… ནི་ཙྩཾ ཁེ་མཾ ཧོ་ཏུ… ནི་ཙྩཾ སུ་བྷི་ཀྑཾ ཧོ་ཏུ… ‘‘ནི་ཙྩཾ སུ་ཝ་ཏྠི [སུ་ཝུ་ཊྛི་ཀཾ (སྱཱ.)] ཧོ་ཏཱུ’’ཏི – ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ཨཱ་མ་ནྟཱ. ‘‘ཨུ་པྤ་ནྣོ ཕ་སྶོ མཱ ནི་རུ་ཛ྄ཛྷཱི’’ཏི – ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
ཨུ་པྤ་ནྣཱ ཝེ་ད་ནཱ…པེ… ས་ཉྙཱ… ཙེ་ཏ་ནཱ… ཙི་ཏྟཾ… ས་དྡྷཱ… ཝཱི་རི་ཡཾ… ས་ཏི… ས་མཱ་དྷི…པེ… པ་ཉྙཱ མཱ ནི་རུ་ཛ྄ཛྷཱི་ཏི – ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ཨཱ་མ་ནྟཱ. ‘‘རཱུ་པཾ ནི་ཙྩཾ ཧོ་ཏཱུ’’ཏི – ཨ་ཏྠི ཨ་དྷི་པྤཱ་ཡ་ཨི་དྡྷི… ཝེ་ད་ནཱ…པེ… ས་ཉྙཱ…པེ… ས་ངྑཱ་རཱ…པེ… ‘‘ཝི་ཉྙཱ་ཎཾ ནི་ཙྩཾ ཧོ་ཏཱུ’’ཏི – ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ཨཱ་མ་ནྟཱ. ‘‘ཛཱ་ཏི་དྷ་མྨཱ ས་ཏྟཱ མཱ ཛཱ་ཡིཾ་སཱུ’’ཏི ཨ་ཏྠི…པེ… ‘‘ཛ་རཱ་དྷ་མྨཱ ས་ཏྟཱ མཱ ཛཱི་རིཾ་སཱུ’’ཏི…པེ… ‘‘བྱཱ་དྷི་དྷ་མྨཱ ས་ཏྟཱ མཱ བྱཱ་དྷི་ཡིཾ་སཱུ’’ཏི…པེ… ‘‘མ་ར་ཎ་དྷ་མྨཱ ས་ཏྟཱ མཱ མཱི་ཡིཾ་སཱུ’’ཏི – ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
༨༨༤. ན ཝ་ཏྟ་བྦཾ – ‘‘ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ’’ཏི? ཨཱ་མ་ནྟཱ. ན་ནུ ཨཱ་ཡ་སྨཱ པི་ལི་ནྡ་ཝ་ཙྪོ ར་ཉྙོ མཱ་ག་དྷ་སྶ སེ་ནི་ཡ་སྶ བི་མྦི་སཱ་ར་སྶ པཱ་སཱ་དཾ ‘‘སུ་ཝ་ཎྞ’’ནྟྭེ་ཝ ཨ་དྷི་མུ་ཙྩི, སུ་ཝ་ཎྞོ ཙ པ་ན ཨཱ་སཱི་ཏི [པཱ་རཱ. ༦༢༡; མ་ཧཱ་ཝ. ༢༧༡]? ཨཱ་མ་ནྟཱ. ཧ་ཉྩི ཨཱ་ཡ་སྨཱ པི་ལི་ནྡ་ཝ་ཙྪོ ར་ཉྙོ མཱ་ག་དྷ་སྶ སེ་ནི་ཡ་སྶ བི་མྦི་སཱ་ར་སྶ པཱ་སཱ་དཾ སུ་ཝ་ཎྞ་ནྟྭེ་ཝ ཨ་དྷི་མུ་ཙྩི, སུ་ཝ་ཎྞོ ཙ པ་ན ཨཱ་སི, ཏེ་ན ཝ་ཏ རེ ཝ་ཏྟ་བྦེ – ‘‘ཨ་ཏྠི ཨ་དྷི་པྤཱ་ཡ་ཨི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ’’ཏི.
ཨི་དྡྷི་ཀ་ཐཱ ནི་ཊྛི་ཏཱ.
༢༡. ཨེ་ཀ་ཝཱི་ས་ཏི་མ་ཝ་གྒོ
(༢༠༤) ༥. བུ་དྡྷ་ཀ་ཐཱ
༨༨༥. ཨ་ཏྠི བུ་དྡྷཱ་ནཾ བུ་དྡྷེ་ཧི ཧཱི་ནཱ་ཏི་རེ་ཀ་ཏཱ་ཏི? ཨཱ་མ་ནྟཱ. ས་ཏི་པ་ཊྛཱ་ན་ཏོ་ཏི? ན ཧེ་ཝཾ ཝ་ཏྟ་བྦེ …པེ… ས་མྨ་པྤ་དྷཱ་ན་ཏོ…པེ… ཨི་དྡྷི་པཱ་ད་ཏོ… ཨི་ནྡྲི་ཡ་ཏོ… བ་ལ་ཏོ… བོ་ཛ྄ཛྷ་ངྒ་ཏོ… ཝ་སི་བྷཱ་ཝ་ཏོ…པེ… ས་བྦ་ཉྙུ་ཏ་ཉཱ་ཎ་ད་སྶ་ན་ཏོ་ཏི? ན ཧེ་ཝཾ ཝ་ཏྟ་བྦེ…པེ….
བུ་དྡྷ་ཀ་ཐཱ ནི་ཊྛི་ཏཱ.
༢༡. ཨེ་ཀ་ཝཱི་ས་ཏི་མ་ཝ་གྒོ
(༢༠༥) ༦. ས་བྦ་དི་སཱ་ཀ་ཐཱ
༨༨༦. ས་བྦཱ དི་སཱ བུ་དྡྷཱ ཏི་ཊྛ་ནྟཱི་ཏི? ཨཱ་མ་ནྟཱ. པུ་ར་ཏྠི་མཱ་ཡ དི་སཱ་ཡ བུ་དྡྷོ ཏི་ཊྛ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… པུ་ར་ཏྠི་མཱ་ཡ དི་སཱ་ཡ བུ་དྡྷོ ཏི་ཊྛ་ཏཱི་ཏི? ཨཱ་མ་ནྟཱ. ཀི་ནྣཱ་མོ སོ བྷ་ག་ཝཱ, ཀིཾ་ཛ་ཙྩོ, ཀིཾ་གོ་ཏྟོ, ཀི་ནྣཱ་མཱ ཏ་སྶ བྷ་ག་ཝ་ཏོ མཱ་ཏཱ་པི་ཏ་རོ, ཀི་ནྣཱ་མཾ ཏ་སྶ བྷ་ག་ཝ་ཏོ སཱ་ཝ་ཀ་ཡུ་གཾ, ཀོ་ནཱ་མོ ཏ་སྶ བྷ་ག་ཝ་ཏོ ཨུ་པ་ཊྛཱ་ཀོ, ཀཱི་དི་སཾ ཙཱི་ཝ་རཾ དྷཱ་རེ་ཏི, ཀཱི་དི་སཾ པ་ཏྟཾ དྷཱ་རེ་ཏི, ཀ་ཏ་ར་སྨིཾ གཱ་མེ ཝཱ ནི་ག་མེ ཝཱ ན་ག་རེ ཝཱ ར་ཊྛེ ཝཱ ཛ་ན་པ་དེ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
ད་ཀྑི་ཎཱ་ཡ དི་སཱ་ཡ…པེ… པ་ཙྪི་མཱ་ཡ དི་སཱ་ཡ…པེ… ཨུ་ཏྟ་རཱ་ཡ དི་སཱ་ཡ…པེ… ཧེ་ཊྛི་མཱ་ཡ དི་སཱ་ཡ བུ་དྡྷོ ཏི་ཊྛ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཧེ་ཊྛི་མཱ་ཡ དི་སཱ་ཡ བུ་དྡྷོ ཏི་ཊྛ་ཏཱི་ཏི? ཨཱ་མ་ནྟཱ. ཀི་ནྣཱ་མོ སོ བྷ་ག་ཝཱ…པེ… ཛ་ན་པ་དེ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
ཨུ་པ་རི་མཱ་ཡ དི་སཱ་ཡ བུ་དྡྷོ ཏི་ཊྛ་ཏཱི་ཏི? ན ཧེ་ཝཾ ཝ་ཏྟ་བྦེ…པེ…. ཨུ་པ་རི་མཱ་ཡ དི་སཱ་ཡ བུ་དྡྷོ ཏི་ཊྛ་ཏཱི་ཏི? ཨཱ་མ་ནྟཱ. ཙཱ་ཏུ་མ་ཧཱ་རཱ་ཛི་ཀེ ཏི་ཊྛ་ཏི…པེ… ཏཱ་ཝ་ཏིཾ་སེ ཏི་ཊྛ་ཏི…པེ… ཡཱ་མེ ཏི་ཊྛ་ཏི…པེ… ཏུ་སི་ཏེ ཏི་ཊྛ་ཏི…པེ… ནི་མྨཱ་ན་ར་ཏི་ཡཱ ཏི་ཊྛ་ཏི…པེ… པ་ར་ནི་མྨི་ཏ་ཝ་ས་ཝ་ཏྟི་ཡཱ ཏི་ཊྛ་ཏི…པེ… བྲ་ཧྨ་ལོ་ཀེ ཏི་ཊྛ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
ས་བྦ་དི་སཱ་ཀ་ཐཱ ནི་ཊྛི་ཏཱ.
༢༡. ཨེ་ཀ་ཝཱི་ས་ཏི་མ་ཝ་གྒོ
(༢༠༦) ༧. དྷ་མྨ་ཀ་ཐཱ
༨༨༧. ས་བྦེ དྷ་མྨཱ ནི་ཡ་ཏཱ་ཏི? ཨཱ་མ་ནྟཱ. མི་ཙྪ་ཏྟ་ནི་ཡ་ཏཱ་ཏི? ན ཧེ་ཝཾ ཝ་ཏྟ་བྦེ…པེ… ས་མྨ་ཏྟ་ནི་ཡ་ཏཱ་ཏི? ན ཧེ་ཝཾ ཝ་ཏྟ་བྦེ…པེ… ན་ཏྠི ཨ་ནི་ཡ་ཏོ རཱ་སཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ཏྠི ཨ་ནི་ཡ་ཏོ རཱ་སཱི་ཏི? ཨཱ་མ་ནྟཱ. ཧ་ཉྩི ཨ་ཏྠི ཨ་ནི་ཡ་ཏོ རཱ་སི, ནོ ཙ ཝ་ཏ རེ ཝ་ཏྟ་བྦེ – ‘‘ས་བྦེ དྷ་མྨཱ ནི་ཡ་ཏཱ’’ཏི.
ས་བྦེ དྷ་མྨཱ ནི་ཡ་ཏཱ་ཏི? ཨཱ་མ་ནྟཱ. ན་ནུ ཏ་ཡོ རཱ་སཱི ཝུ་ཏྟཱ བྷ་ག་ཝ་ཏཱ – མི་ཙྪ་ཏྟ་ནི་ཡ་ཏོ རཱ་སི, ས་མྨ་ཏྟ་ནི་ཡ་ཏོ རཱ་སི, ཨ་ནི་ཡ་ཏོ རཱ་སཱི་ཏི [དྷ. ས. ཏི་ཀ་མཱ་ཏི་ཀཱ ༡༥]? ཨཱ་མ་ནྟཱ. ཧ་ཉྩི ཏ་ཡོ རཱ་སཱི ཝུ་ཏྟཱ བྷ་ག་ཝ་ཏཱ – མི་ཙྪ་ཏྟ་ནི་ཡ་ཏོ རཱ་སི, ས་མྨ་ཏྟ་ནི་ཡ་ཏོ རཱ་སི, ཨ་ནི་ཡ་ཏོ རཱ་སི, ནོ ཙ ཝ་ཏ རེ ཝ་ཏྟ་བྦེ – ‘‘ས་བྦེ དྷ་མྨཱ ནི་ཡ་ཏཱ’’ཏི.
རཱུ་པཾ རཱུ་པ་ཊྛེ་ན ནི་ཡ་ཏ་ནྟི? ཨཱ་མ་ནྟཱ. མི་ཙྪ་ཏྟ་ནི་ཡ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ས་མྨ་ཏྟ་ནི་ཡ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ཝེ་ད་ནཱ…པེ… ས་ཉྙཱ…པེ… ས་ངྑཱ་རཱ…པེ… ཝི་ཉྙཱ་ཎཾ ཝི་ཉྙཱ་ཎ་ཊྛེ་ན ནི་ཡ་ཏ་ནྟི? ཨཱ་མ་ནྟཱ. མི་ཙྪ་ཏྟ་ནི་ཡ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ས་མྨ་ཏྟ་ནི་ཡ་ཏ་ནྟི? ན ཧེ་ཝཾ ཝ་ཏྟ་བྦེ…པེ….
༨༨༨. ན ཝ་ཏྟ་བྦཾ – རཱུ་པཾ རཱུ་པ་ཊྛེ་ན ནི་ཡ་ཏཾ…པེ… ཝེ་ད་ནཱ…པེ… ས་ཉྙཱ…པེ… ས་ངྑཱ་རཱ…པེ… ཝི་ཉྙཱ་ཎཾ ཝི་ཉྙཱ་ཎ་ཊྛེ་ན ནི་ཡ་ཏ་ནྟི? ཨཱ་མ་ནྟཱ. རཱུ་པཾ ཝེ་ད་ནཱ ཧོ་ཏི…པེ… ས་ཉྙཱ ཧོ་ཏི… ས་ངྑཱ་རཱ ཧོ་ནྟི… ཝི་ཉྙཱ་ཎཾ ཧོ་ཏི… ཝེ་ད་ནཱ…པེ… ས་ཉྙཱ…པེ… ས་ངྑཱ་རཱ…པེ… ཝི་ཉྙཱ་ཎཾ རཱུ་པཾ ཧོ་ཏི…པེ… ཝེ་ད་ནཱ ཧོ་ཏི… ས་ཉྙཱ ཧོ་ཏི… ས་ངྑཱ་རཱ ཧོ་ནྟཱི་ཏི? ན ཧེ་ཝཾ ཝ་ཏྟ་བྦེ. ཏེ་ན ཧི རཱུ་པཾ རཱུ་པ་ཊྛེ་ན ནི་ཡ་ཏཾ, ཝེ་ད་ནཱ…པེ… ས་ཉྙཱ…པེ… ས་ངྑཱ་རཱ…པེ… ཝི་ཉྙཱ་ཎཾ ཝི་ཉྙཱ་ཎ་ཊྛེ་ན ནི་ཡ་ཏ་ནྟི.
དྷ་མྨ་ཀ་ཐཱ ནི་ཊྛི་ཏཱ.
༢༡. ཨེ་ཀ་ཝཱི་ས་ཏི་མ་ཝ་གྒོ
(༢༠༧) ༨. ཀ་མྨ་ཀ་ཐཱ
༨༨༩. ས་བྦེ ཀ་མྨཱ ནི་ཡ་ཏཱ་ཏི? ཨཱ་མ་ནྟཱ. མི་ཙྪ་ཏྟ་ནི་ཡ་ཏཱ་ཏི? ན ཧེ་ཝཾ ཝ་ཏྟ་བྦེ…པེ… ས་མྨ་ཏྟ་ནི་ཡ་ཏཱ་ཏི? ན ཧེ་ཝཾ ཝ་ཏྟ་བྦེ…པེ… ན་ཏྠི ཨ་ནི་ཡ་ཏོ རཱ་སཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ཏྠི ཨ་ནི་ཡ་ཏོ རཱ་སཱི་ཏི? ཨཱ་མ་ནྟཱ. ཧ་ཉྩི ཨ་ཏྠི ཨ་ནི་ཡ་ཏོ རཱ་སི, ནོ ཙ ཝ་ཏ རེ ཝ་ཏྟ་བྦེ – ‘‘ས་བྦེ ཀ་མྨཱ ནི་ཡ་ཏཱ’’ཏི.
ས་བྦེ ཀ་མྨཱ ནི་ཡ་ཏཱ་ཏི? ཨཱ་མ་ནྟཱ. ན་ནུ ཏ་ཡོ རཱ་སཱི ཝུ་ཏྟཱ བྷ་ག་ཝ་ཏཱ – མི་ཙྪ་ཏྟ་ནི་ཡ་ཏོ རཱ་སི, ས་མྨ་ཏྟ་ནི་ཡ་ཏོ རཱ་སི, ཨ་ནི་ཡ་ཏོ རཱ་སཱི་ཏི? ཨཱ་མ་ནྟཱ. ཧ་ཉྩི ཏ་ཡོ རཱ་སཱི ཝུ་ཏྟཱ བྷ་ག་ཝ་ཏཱ – མི་ཙྪ་ཏྟ་ནི་ཡ་ཏོ རཱ་སི, ས་མྨ་ཏྟ་ནི་ཡ་ཏོ རཱ་སི, ཨ་ནི་ཡ་ཏོ རཱ་སི, ནོ ཙ ཝ་ཏ རེ ཝ་ཏྟ་བྦེ – ‘‘ས་བྦེ ཀ་མྨཱ ནི་ཡ་ཏཱ’’ཏི.
༨༩༠. དི་ཊྛ་དྷ་མྨ་ཝེ་ད་ནཱི་ཡཾ ཀ་མྨཾ དི་ཊྛ་དྷ་མྨ་ཝེ་ད་ནཱི་ཡ་ཊྛེ་ན ནི་ཡ་ཏ་ནྟི? ཨཱ་མ་ནྟཱ. མི་ཙྪ་ཏྟ་ནི་ཡ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ས་མྨ་ཏྟ་ནི་ཡ་ཏ་ནྟི? ན ཧེ་ཝཾ ཝ་ཏྟ་བྦེ…པེ…. ཨུ་པ་པ་ཛྫ་ཝེ་ད་ནཱི་ཡཾ ཀ་མྨཾ…པེ… ཨ་པ་རཱ་པ་རི་ཡ་ཝེ་ད་ནཱི་ཡཾ ཀ་མྨཾ ཨ་པ་རཱ་པ་རི་ཡ་ཝེ་ད་ནཱི་ཡ་ཊྛེ་ན ནི་ཡ་ཏ་ནྟི? ཨཱ་མ་ནྟཱ. མི་ཙྪ་ཏྟ་ནི་ཡ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ས་མྨ་ཏྟ་ནི་ཡ་ཏ་ནྟི? ན ཧེ་ཝཾ ཝ་ཏྟ་བྦེ…པེ….
༨༩༡. ན ཝ་ཏྟ་བྦཾ – དི་ཊྛ་དྷ་མྨ་ཝེ་ད་ནཱི་ཡཾ ཀ་མྨཾ དི་ཊྛ་དྷ་མྨ་ཝེ་ད་ནཱི་ཡ་ཊྛེ་ན ནི་ཡ་ཏཾ, ཨུ་པ་པ་ཛྫ་ཝེ་ད་ནཱི་ཡཾ ཀ་མྨཾ…པེ… ཨ་པ་རཱ་པ་རི་ཡ་ཝེ་ད་ནཱི་ཡཾ ཀ་མྨཾ ཨ་པ་རཱ་པ་རི་ཡ་ཝེ་ད་ནཱི་ཡ་ཊྛེ་ན ནི་ཡ་ཏ་ནྟི? ཨཱ་མ་ནྟཱ. དི་ཊྛ་དྷ་མྨ་ཝེ་ད་ནཱི་ཡཾ ཀ་མྨཾ ཨུ་པ་པ་ཛྫ་ཝེ་ད་ནཱི་ཡཾ ཧོ་ཏི, ཨ་པ་རཱ་པ་རི་ཡ་ཝེ་ད་ནཱི་ཡཾ ཧོ་ཏི…པེ… ཨུ་པ་པ་ཛྫ་ཝེ་ད་ནཱི་ཡཾ ཀ་མྨཾ དི་ཊྛ་དྷ་མྨ་ཝེ་ད་ནཱི་ཡཾ ཧོ་ཏི, ཨ་པ་རཱ་པ་རི་ཡ་ཝེ་ད་ནཱི་ཡཾ ཧོ་ཏི…པེ… ཨ་པ་རཱ་པ་རི་ཡ་ཝེ་ད་ནཱི་ཡཾ ཀ་མྨཾ དི་ཊྛ་དྷ་མྨ་ཝེ་ད་ནཱི་ཡཾ ཧོ་ཏི, ཨུ་པ་པ་ཛྫ་ཝེ་ད་ནཱི་ཡཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ. ཏེ་ན ཧི དི་ཊྛ་དྷ་མྨ་ཝེ་ད་ནཱི་ཡཾ ཀ་མྨཾ དི་ཊྛ་དྷ་མྨ་ཝེ་ད་ནཱི་ཡ་ཊྛེ་ན ནི་ཡ་ཏཾ, ཨུ་པ་པ་ཛྫ་ཝེ་ད་ནཱི་ཡཾ ཀ་མྨཾ…པེ… ཨ་པ་རཱ་པ་རི་ཡ་ཝེ་ད་ནཱི་ཡཾ ཀ་མྨཾ ཨ་པ་རཱ་པ་རི་ཡ་ཝེ་ད་ནཱི་ཡ་ཊྛེ་ན ནི་ཡ་ཏ་ནྟི.
ཀ་མྨ་ཀ་ཐཱ ནི་ཊྛི་ཏཱ.
ཨེ་ཀ་ཝཱི་ས་ཏི་མ་ཝ་གྒོ.
ཏ་སྶུ་དྡཱ་ནཾ –
སཱ་ས་ནཾ ན་ཝཾ ཀ་ཏཾ ཨ་ཏྠི ཀོ་ཙི ཏ་ཐཱ་ག་ཏ་སྶ སཱ་ས་ནཾ ན་ཝཾ ཀ་རོ་ཏི ལ་བྦྷཱ ཏ་ཐཱ་ག་ཏ་སྶ སཱ་ས་ནཾ པུ་ན ན་ཝཾ ཀཱ་ཏུཾ, པུ་ཐུ་ཛྫ་ནོ ཏེ་དྷཱ་ཏུ་ཀེ་ཧི དྷ་མྨེ་ཧི ཨ་ཝི་ཝི་ཏྟོ, ཨ་ཏྠི ཀི་ཉྩི སཾ་ཡོ་ཛ་ནཾ ཨ་པྤ་ཧཱ་ཡ ཨ་ར་ཧ་ཏྟ་པྤ་ཏྟི, ཨ་ཏྠི ཨ་དྷི་པྤཱ་ཡི་དྡྷི བུ་དྡྷཱ་ནཾ ཝཱ སཱ་ཝ་ཀཱ་ནཾ ཝཱ, ཨ་ཏྠི བུ་དྡྷཱ་ནཾ བུ་དྡྷེ་ཧི ཧཱི་ནཱ་ཏི་རེ་ཀ་ཏཱ, ས་བྦཱ དི་སཱ བུ་དྡྷཱ ཏི་ཊྛ་ནྟི, ས་བྦེ དྷ་མྨཱ ནི་ཡ་ཏཱ, ས་བྦེ ཀ་མྨཱ ནི་ཡ་ཏཱ་ཏི.