༡༩. ཨེ་ཀཱུ་ན་ཝཱི་ས་ཏི་མ་ཝ་གྒོ
(༡༨༦) ༡. ཀི་ལེ་ས་ཛ་ཧ་ན་ཀ་ཐཱ
༨༢༨. ཨ་ཏཱི་ཏེ ཀི་ལེ་སེ ཛ་ཧ་ཏཱི་ཏི? ཨཱ་མ་ནྟཱ. ནི་རུ་དྡྷཾ ནི་རོ་དྷེ་ཏི, ཝི་ག་ཏཾ ཝི་ག་མེ་ཏི, ཁཱི་ཎཾ ཁེ་པེ་ཏི, ཨ་ཏྠ་ངྒ་ཏཾ ཨ་ཏྠ་ངྒ་མེ་ཏི, ཨ་བྦྷ་ཏྠ་ངྒ་ཏཾ ཨ་བྦྷ་ཏྠ་ངྒ་མེ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ཏཱི་ཏེ ཀི་ལེ་སེ ཛ་ཧ་ཏཱི་ཏི? ཨཱ་མ་ནྟཱ. ན་ནུ ཨ་ཏཱི་ཏཾ ནི་རུ་དྡྷ་ནྟི? ཨཱ་མ་ནྟཱ. ཧ་ཉྩི ཨ་ཏཱི་ཏཾ ནི་རུ་དྡྷཾ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏཱི་ཏེ ཀི་ལེ་སེ ཛ་ཧ་ཏཱི’’ཏི. ཨ་ཏཱི་ཏེ ཀི་ལེ་སེ ཛ་ཧ་ཏཱི་ཏི? ཨཱ་མ་ནྟཱ. ན་ནུ ཨ་ཏཱི་ཏཾ ན་ཏྠཱི་ཏི? ཨཱ་མ་ནྟཱ. ཧ་ཉྩི ཨ་ཏཱི་ཏཾ ན་ཏྠི, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏཱི་ཏེ ཀི་ལེ་སེ ཛ་ཧ་ཏཱི’’ཏི.
༨༢༩. ཨ་ནཱ་ག་ཏེ ཀི་ལེ་སེ ཛ་ཧ་ཏཱི་ཏི? ཨཱ་མ་ནྟཱ. ཨ་ཛཱ་ཏཾ ཨ་ཛ་ནེ་ཏི, ཨ་ས་ཉྫཱ་ཏཾ ཨ་ས་ཉྫ་ནེ་ཏི, ཨ་ནི་བྦ་ཏྟཾ ཨ་ནི་བྦ་ཏྟེ་ཏི, ཨ་པཱ་ཏུ་བྷཱུ་ཏཾ ཨ་པཱ་ཏུ་བྷཱ་ཝེ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ནཱ་ག་ཏེ ཀི་ལེ་སེ ཛ་ཧ་ཏཱི་ཏི? ཨཱ་མ་ནྟཱ. ན་ནུ ཨ་ནཱ་ག་ཏཾ ཨ་ཛཱ་ཏ་ནྟི? ཨཱ་མ་ནྟཱ. ཧ་ཉྩི ཨ་ནཱ་ག་ཏཾ ཨ་ཛཱ་ཏཾ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ནཱ་ག་ཏེ ཀི་ལེ་སེ ཛ་ཧ་ཏཱི’’ཏི. ཨ་ནཱ་ག་ཏེ ཀི་ལེ་སེ ཛ་ཧ་ཏཱི་ཏི? ཨཱ་མ་ནྟཱ. ན་ནུ ཨ་ནཱ་ག་ཏཾ ན་ཏྠཱི་ཏི? ཨཱ་མ་ནྟཱ. ཧ་ཉྩི ཨ་ནཱ་ག་ཏཾ ན་ཏྠི, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ནཱ་ག་ཏེ ཀི་ལེ་སེ ཛ་ཧ་ཏཱི’’ཏི.
༨༣༠. པ་ཙྩུ་པྤ་ནྣེ ཀི་ལེ་སེ ཛ་ཧ་ཏཱི་ཏི? ཨཱ་མ་ནྟཱ. ར་ཏྟོ རཱ་གཾ ཛ་ཧ་ཏི, དུ་ཊྛོ དོ་སཾ ཛ་ཧ་ཏི, མཱུ་ལ༹ྷོ མོ་ཧཾ ཛ་ཧ་ཏི, ཀི་ལི་ཊྛོ ཀི་ལེ་སེ ཛ་ཧ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… རཱ་གེ་ན རཱ་གཾ ཛ་ཧ་ཏི, དོ་སེ་ན དོ་སཾ ཛ་ཧ་ཏི, མོ་ཧེ་ན མོ་ཧཾ ཛ་ཧ་ཏི, ཀི་ལེ་སེ་ཧི ཀི་ལེ་སེ ཛ་ཧ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
རཱ་གོ ཙི་ཏྟ་ས་མྤ་ཡུ་ཏྟོ, མ་གྒོ ཙི་ཏྟ་ས་མྤ་ཡུ་ཏྟོ་ཏི? ཨཱ་མ་ནྟཱ. དྭི་ནྣཾ ཙི་ཏྟཱ་ནཾ ས་མོ་དྷཱ་ནཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
རཱ་གོ ཨ་ཀུ་ས་ལོ, མ་གྒོ ཀུ་ས་ལོ་ཏི? ཨཱ་མ་ནྟཱ. ཀུ་ས་ལཱ་ཀུ་ས་ལཱ སཱ་ཝ་ཛྫཱ་ན་ཝ་ཛྫཱ ཧཱི་ན་པ་ཎཱི་ཏཱ ཀ་ཎྷ་སུ་ཀྐ་ས་པྤ་ཊི་བྷཱ་གཱ དྷ་མྨཱ ས་མྨུ་ཁཱི་བྷཱ་ཝཾ ཨཱ་ག་ཙྪ་ནྟཱི་ཏི? ན ཧེ་ཝཾ ཝ་ཏྟ་བྦེ…པེ….
ཀུ་ས་ལཱ་ཀུ་ས་ལཱ སཱ་ཝ་ཛྫཱ་ན་ཝ་ཛྫཱ ཧཱི་ན་པ་ཎཱི་ཏཱ ཀ་ཎྷ་སུ་ཀྐ་ས་པྤ་ཊི་བྷཱ་གཱ དྷ་མྨཱ ས་མྨུ་ཁཱི་བྷཱ་ཝཾ ཨཱ་ག་ཙྪ་ནྟཱི་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཙ་ཏྟཱ་རི་མཱ་ནི, བྷི་ཀྑ་ཝེ, སུ་ཝི་དཱུ་ར་ཝི་དཱུ་རཱ་ནི! ཀ་ཏ་མཱ་ནི ཙ་ཏྟཱ་རི? ན་བྷ་ཉྩ, བྷི་ཀྑ་ཝེ, པ་ཐ་ཝཱི ཙ – ཨི་དཾ པ་ཋ་མཾ སུ་ཝི་དཱུ་ར་ཝི་དཱུ་རཾ…པེ… ཏ་སྨཱ ས་ཏཾ དྷ་མྨོ ཨ་ས་བྦྷི ཨཱ་ར་ཀཱ’’ཏི. ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ན ཝ་ཏྟ་བྦཾ – ‘‘ཀུ་ས་ལཱ་ཀུ་ས་ལཱ…པེ… ས་མྨུ་ཁཱི་བྷཱ་ཝཾ ཨཱ་ག་ཙྪ་ནྟཱི’’ཏི.
༨༣༡. ན ཝ་ཏྟ་བྦཾ – ‘‘ཨ་ཏཱི་ཏེ ཀི་ལེ་སེ ཛ་ཧ་ཏི, ཨ་ནཱ་ག་ཏེ ཀི་ལེ་སེ ཛ་ཧ་ཏི, པ་ཙྩུ་པྤ་ནྣེ ཀི་ལེ་སེ ཛ་ཧ་ཏཱི’’ཏི? ཨཱ་མ་ནྟཱ. ན་ཏྠི ཀི་ལེ་སེ ཛ་ཧ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཏེ་ན ཧི ཨ་ཏཱི་ཏེ ཀི་ལེ་སེ ཛ་ཧ་ཏི, ཨ་ནཱ་ག་ཏེ ཀི་ལེ་སེ ཛ་ཧ་ཏི, པ་ཙྩུ་པྤ་ནྣེ ཀི་ལེ་སེ ཛ་ཧ་ཏཱི་ཏི.
ཀི་ལེ་ས་ཛ་ཧ་ན་ཀ་ཐཱ ནི་ཊྛི་ཏཱ.
༡༩. ཨེ་ཀཱུ་ན་ཝཱི་ས་ཏི་མ་ཝ་གྒོ
(༡༨༧) ༢. སུ་ཉྙ་ཏཱ་ཀ་ཐཱ
༨༣༢. སུ་ཉྙ་ཏཱ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ་ཏི? ཨཱ་མ་ནྟཱ. ཨ་ནི་མི་ཏྟཾ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣ་ནྟི? ན ཧེ་ཝཾ ཝ་ཏྟ་བྦེ…པེ… སུ་ཉྙ་ཏཱ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ་ཏི? ཨཱ་མ་ནྟཱ. ཨ་པྤ་ཎི་ཧི་ཏོ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣོ་ཏི? ན ཧེ་ཝཾ ཝ་ཏྟ་བྦེ…པེ… ཨ་ནི་མི་ཏྟཾ ན ཝ་ཏྟ་བྦཾ – ‘‘ས་ངྑཱ་ར་ཀྑ་ནྡྷ་པ་རི་ཡཱ་པ་ནྣ’’ནྟི? ཨཱ་མ་ནྟཱ. སུ་ཉྙ་ཏཱ ན ཝ་ཏྟ་བྦཱ – ‘‘ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ’’ཏི? ན ཧེ་ཝཾ ཝ་ཏྟ་བྦེ…པེ… ཨ་པྤ་ཎི་ཧི་ཏོ ན ཝ་ཏྟ་བྦོ – ‘‘ས་ངྑཱ་ར་ཀྑ་ནྡྷ་པ་རི་ཡཱ་པ་ནྣོ’’ཏི? ཨཱ་མ་ནྟཱ. སུ་ཉྙ་ཏཱ ན ཝ་ཏྟ་བྦཱ – ‘‘ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ’’ཏི? ན ཧེ་ཝཾ ཝ་ཏྟ་བྦེ…པེ….
སུ་ཉྙ་ཏཱ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ་ཏི? ཨཱ་མ་ནྟཱ. ས་ངྑཱ་ར་ཀྑ་ནྡྷོ ན ཨ་ནི་ཙྩོ ན ས་ངྑ་ཏོ ན པ་ཊི་ཙྩ་ས་མུ་པྤ་ནྣོ ན ཁ་ཡ་དྷ་མྨོ ན ཝ་ཡ་དྷ་མྨོ ན ཝི་རཱ་ག་དྷ་མྨོ ན ནི་རོ་དྷ་དྷ་མྨོ ན ཝི་པ་རི་ཎཱ་མ་དྷ་མྨོ་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ས་ངྑཱ་ར་ཀྑ་ནྡྷོ ཨ་ནི་ཙྩོ ས་ངྑ་ཏོ པ་ཊི་ཙྩ་ས་མུ་པྤ་ནྣོ ཁ་ཡ་དྷ་མྨོ ཝ་ཡ་དྷ་མྨོ ཝི་རཱ་ག་དྷ་མྨོ ནི་རོ་དྷ་དྷ་མྨོ ཝི་པ་རི་ཎཱ་མ་དྷ་མྨོ་ཏི? ཨཱ་མ་ནྟཱ. ཧ་ཉྩི ས་ངྑཱ་ར་ཀྑ་ནྡྷོ ཨ་ནི་ཙྩོ…པེ… ཝི་པ་རི་ཎཱ་མ་དྷ་མྨོ, ནོ ཙ ཝ་ཏ རེ ཝ་ཏྟ་བྦེ – ‘‘སུ་ཉྙ་ཏཱ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ’’ཏི.
༨༣༣. རཱུ་པ་ཀྑ་ནྡྷ་སྶ སུ་ཉྙ་ཏཱ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ་ཏི? ཨཱ་མ་ནྟཱ. ས་ངྑཱ་ར་ཀྑ་ནྡྷ་སྶ སུ་ཉྙ་ཏཱ རཱུ་པ་ཀྑ་ནྡྷ་པ་རི་ཡཱ་པ་ནྣཱ་ཏི? ན ཧེ་ཝཾ ཝ་ཏྟ་བྦེ…པེ… ཝེ་ད་ནཱ་ཀྑ་ནྡྷ་སྶ…པེ… ས་ཉྙཱ་ཀྑ་ནྡྷ་སྶ… ཝི་ཉྙཱ་ཎ་ཀྑ་ནྡྷ་སྶ སུ་ཉྙ་ཏཱ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ་ཏི? ཨཱ་མ་ནྟཱ. ས་ངྑཱ་ར་ཀྑ་ནྡྷ་སྶ སུ་ཉྙ་ཏཱ ཝི་ཉྙཱ་ཎ་ཀྑ་ནྡྷ་པ་རི་ཡཱ་པ་ནྣཱ་ཏི? ན ཧེ་ཝཾ ཝ་ཏྟ་བྦེ…པེ….
ས་ངྑཱ་ར་ཀྑ་ནྡྷ་སྶ སུ་ཉྙ་ཏཱ ན ཝ་ཏྟ་བྦཱ – ‘‘རཱུ་པ་ཀྑ་ནྡྷ་པ་རི་ཡཱ་པ་ནྣཱ’’ཏི? ཨཱ་མ་ནྟཱ. རཱུ་པ་ཀྑ་ནྡྷ་སྶ སུ་ཉྙ་ཏཱ ན ཝ་ཏྟ་བྦཱ – ‘‘ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ’’ཏི? ན ཧེ་ཝཾ ཝ་ཏྟ་བྦེ…པེ… ས་ངྑཱ་ར་ཀྑ་ནྡྷ་སྶ སུ་ཉྙ་ཏཱ ན ཝ་ཏྟ་བྦཱ – ‘‘ཝེ་ད་ནཱ་ཀྑ་ནྡྷ་པ་རི་ཡཱ་པ་ནྣཱ…པེ… ས་ཉྙཱ་ཀྑ་ནྡྷ་པ་རི་ཡཱ་པ་ནྣཱ… ཝི་ཉྙཱ་ཎ་ཀྑ་ནྡྷ་པ་རི་ཡཱ་པ་ནྣཱ’’ཏི? ཨཱ་མ་ནྟཱ. ཝི་ཉྙཱ་ཎ་ཀྑ་ནྡྷ་སྶ སུ་ཉྙ་ཏཱ ན ཝ་ཏྟ་བྦཱ – ‘‘ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ’’ཏི? ན ཧེ་ཝཾ ཝ་ཏྟ་བྦེ…པེ….
༨༣༤. ན ཝ་ཏྟ་བྦཾ – སུ་ཉྙ་ཏཱ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ’’ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘སུ་ཉྙ་མི་དཾ, བྷི་ཀྑ་ཝེ, ས་ངྑཱ་རཱ ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ’’ཏི [མ. ནི. ༣.༦༩ ཨཱ་ནེ་ཉྫ་ས་པྤཱ་ཡེ]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི སུ་ཉྙ་ཏཱ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ་ཏི.
སུ་ཉྙ་ཏཱ་ཀ་ཐཱ ནི་ཊྛི་ཏཱ.
༡༩. ཨེ་ཀཱུ་ན་ཝཱི་ས་ཏི་མ་ཝ་གྒོ
(༡༨༨) ༣ སཱ་མ་ཉྙ་ཕ་ལ་ཀ་ཐཱ
༨༣༥. སཱ་མ་ཉྙ་ཕ་ལཾ ཨ་ས་ངྑ་ཏ་ནྟི? ཨཱ་མ་ནྟཱ. ནི་བྦཱ་ནཾ ཏཱ་ཎཾ ལེ་ཎཾ ས་ར་ཎཾ པ་རཱ་ཡ་ཎཾ ཨ་ཙྩུ་ཏཾ ཨ་མ་ཏ་ནྟི? ན ཧེ་ཝཾ ཝ་ཏྟ་བྦེ…པེ… སཱ་མ་ཉྙ་ཕ་ལཾ ཨ་ས་ངྑ་ཏཾ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. དྭེ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… དྭེ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. དྭེ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
༨༣༦. སཱ་མ་ཉྙ་ཕ་ལཾ ཨ་ས་ངྑ་ཏ་ནྟི? ཨཱ་མ་ནྟཱ. སཱ་མ་ཉྙཾ ཨ་ས་ངྑ་ཏ་ནྟི? ན ཧེ་ཝཾ ཝ་ཏྟ་བྦེ …པེ… སཱ་མ་ཉྙཾ ས་ངྑ་ཏ་ནྟི? ཨཱ་མ་ནྟཱ. སཱ་མ་ཉྙ་ཕ་ལཾ ས་ངྑ་ཏ་ནྟི? ན ཧེ་ཝཾ ཝ་ཏྟ་བྦེ…པེ….
སོ་ཏཱ་པ་ཏྟི་ཕ་ལཾ ཨ་ས་ངྑ་ཏ་ནྟི? ཨཱ་མ་ནྟཱ. སོ་ཏཱ་པ་ཏྟི་མ་གྒོ ཨ་ས་ངྑ་ཏོ་ཏི? ན ཧེ་ཝཾ ཝ་ཏྟ་བྦེ…པེ… སོ་ཏཱ་པ་ཏྟི་མ་གྒོ ས་ངྑ་ཏོ་ཏི? ཨཱ་མ་ནྟཱ. སོ་ཏཱ་པ་ཏྟི་ཕ་ལཾ ས་ངྑ་ཏ་ནྟི? ན ཧེ་ཝཾ ཝ་ཏྟ་བྦེ…པེ….
ས་ཀ་དཱ་གཱ་མི་ཕ་ལཾ…པེ… ཨ་ནཱ་གཱ་མི་ཕ་ལཾ…པེ… ཨ་ར་ཧ་ཏྟ་ཕ་ལཾ ཨ་ས་ངྑ་ཏ་ནྟི? ཨཱ་མ་ནྟཱ. ཨ་ར་ཧ་ཏྟ་མ་གྒོ ཨ་ས་ངྑ་ཏོ་ཏི? ན ཧེ་ཝཾ ཝ་ཏྟ་བྦེ…པེ… ཨ་ར་ཧ་ཏྟ་མ་གྒོ ས་ངྑ་ཏོ་ཏི? ཨཱ་མ་ནྟཱ. ཨ་ར་ཧ་ཏྟ་ཕ་ལཾ ས་ངྑ་ཏ་ནྟི? ན ཧེ་ཝཾ ཝ་ཏྟ་བྦེ…པེ….
སོ་ཏཱ་པ་ཏྟི་ཕ་ལཾ ཨ་ས་ངྑ་ཏཾ, ས་ཀ་དཱ་གཱ་མི་ཕ་ལཾ…པེ… ཨ་ནཱ་གཱ་མི་ཕ་ལཾ …པེ… ཨ་ར་ཧ་ཏྟ་ཕ་ལཾ ཨ་ས་ངྑ་ཏཾ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. པ་ཉྩ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… པ་ཉྩ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. པ་ཉྩ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
སཱ་མ་ཉྙ་ཕ་ལ་ཀ་ཐཱ ནི་ཊྛི་ཏཱ.
༡༩. ཨེ་ཀཱུ་ན་ཝཱི་ས་ཏི་མ་ཝ་གྒོ
(༡༨༩) ༤. པ་ཏྟི་ཀ་ཐཱ
༨༣༧. པ་ཏྟི ཨ་ས་ངྑ་ཏཱ་ཏི? ཨཱ་མ་ནྟཱ. ནི་བྦཱ་ནཾ ཏཱ་ཎཾ ལེ་ཎཾ ས་ར་ཎཾ པ་རཱ་ཡ་ཎཾ ཨ་ཙྩུ་ཏཾ ཨ་མ་ཏ་ནྟི? ན ཧེ་ཝཾ ཝ་ཏྟ་བྦེ…པེ… པ་ཏྟི ཨ་ས་ངྑ་ཏཱ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. དྭེ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… དྭེ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. དྭེ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
༨༣༨. ཙཱི་ཝ་ར་སྶ པ་ཏྟི ཨ་ས་ངྑ་ཏཱ་ཏི? ཨཱ་མ་ནྟཱ. ནི་བྦཱ་ནཾ…པེ… ཨ་མ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ཙཱི་ཝ་ར་སྶ པ་ཏྟི ཨ་ས་ངྑ་ཏཱ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. དྭེ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… དྭེ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. དྭེ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ… པི་ཎྜ་པཱ་ཏ་སྶ…པེ… སེ་ནཱ་ས་ན་སྶ…པེ… གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་ར་སྶ པ་ཏྟི ཨ་ས་ངྑ་ཏཱ་ཏི? ཨཱ་མ་ནྟཱ. ནི་བྦཱ་ནཾ…པེ… ཨ་ཙྩུ་ཏཾ ཨ་མ་ཏ་ནྟི? ན ཧེ་ཝཾ ཝ་ཏྟ་བྦེ…པེ… གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་ར་སྶ པ་ཏྟི ཨ་ས་ངྑ་ཏཱ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. དྭེ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… དྭེ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. དྭེ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
ཙཱི་ཝ་ར་སྶ པ་ཏྟི ཨ་ས་ངྑ་ཏཱ…པེ… པི་ཎྜ་པཱ་ཏ་སྶ…པེ… སེ་ནཱ་ས་ན་སྶ…པེ… གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་ར་སྶ པ་ཏྟི ཨ་ས་ངྑ་ཏཱ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. པ་ཉྩ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… པ་ཉྩ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. པ་ཉྩ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
༨༣༩. པ་ཋ་མ་སྶ ཛྷཱ་ན་སྶ པ་ཏྟི ཨ་ས་ངྑ་ཏཱ (ཨེ་ཝཾ ས་བྦཾ ཝི་ཏྠཱ་རེ་ཏ་བྦཾ) དུ་ཏི་ཡ་སྶ ཛྷཱ་ན་སྶ… ཏ་ཏི་ཡ་སྶ ཛྷཱ་ན་སྶ… ཙ་ཏུ་ཏྠ་སྶ ཛྷཱ་ན་སྶ… ཨཱ་ཀཱ་སཱ་ན་ཉྩཱ་ཡ་ཏ་ན་སྶ… ཝི་ཉྙཱ་ཎ་ཉྩཱ་ཡ་ཏ་ན་སྶ… ཨཱ་ཀི་ཉྩ་ཉྙཱ་ཡ་ཏ་ན་སྶ… ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་སྶ… སོ་ཏཱ་པ་ཏྟི་མ་གྒ་སྶ… སོ་ཏཱ་པ་ཏྟི་ཕ་ལ་སྶ… ས་ཀ་དཱ་གཱ་མི་མ་གྒ་སྶ… ས་ཀ་དཱ་གཱ་མི་ཕ་ལ་སྶ… ཨ་ནཱ་གཱ་མི་མ་གྒ་སྶ… ཨ་ནཱ་གཱ་མི་ཕ་ལ་སྶ… ཨ་ར་ཧ་ཏྟ་མ་གྒ་སྶ… ཨ་ར་ཧ་ཏྟ་ཕ་ལ་སྶ པ་ཏྟི ཨ་ས་ངྑ་ཏཱ་ཏི? ཨཱ་མ་ནྟཱ. ནི་བྦཱ་ནཾ…པེ… ཨ་ཙྩུ་ཏཾ ཨ་མ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ཨ་ར་ཧ་ཏྟ་ཕ་ལ་སྶ པ་ཏྟི ཨ་ས་ངྑ་ཏཱ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. དྭེ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… དྭེ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. དྭེ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
སོ་ཏཱ་པ་ཏྟི་མ་གྒ་སྶ པ་ཏྟི ཨ་ས་ངྑ་ཏཱ… སོ་ཏཱ་པ་ཏྟི་ཕ་ལ་སྶ པ་ཏྟི ཨ་ས་ངྑ་ཏཱ… ཨ་ར་ཧ་ཏྟ་མ་གྒ་སྶ པ་ཏྟི ཨ་ས་ངྑ་ཏཱ… ཨ་ར་ཧ་ཏྟ་ཕ་ལ་སྶ པ་ཏྟི ཨ་ས་ངྑ་ཏཱ… ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. ན་ཝ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… ན་ཝ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. ན་ཝ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
༨༤༠. ན ཝ་ཏྟ་བྦཾ – པ་ཏྟི ཨ་ས་ངྑ་ཏཱ་ཏི? ཨཱ་མ་ནྟཱ. པ་ཏྟི རཱུ་པཾ … ཝེ་ད་ནཱ… ས་ཉྙཱ… ས་ངྑཱ་རཱ… ཝི་ཉྙཱ་ཎ་ནྟི? ན ཧེ་ཝཾ ཝ་ཏྟ་བྦེ. ཏེ་ན ཧི པ་ཏྟི ཨ་ས་ངྑ་ཏཱ་ཏི.
པ་ཏྟི་ཀ་ཐཱ ནི་ཊྛི་ཏཱ.
༡༩. ཨེ་ཀཱུ་ན་ཝཱི་ས་ཏི་མ་ཝ་གྒོ
(༡༩༠) ༥. ཏ་ཐ་ཏཱ་ཀ་ཐཱ
༨༤༡. ས་བྦ་དྷ་མྨཱ་ནཾ ཏ་ཐ་ཏཱ ཨ་ས་ངྑ་ཏཱ་ཏི? ཨཱ་མ་ནྟཱ. ནི་བྦཱ་ནཾ…པེ… ཨ་མ་ཏ་ནྟི? ན ཧེ་ཝཾ ཝ་ཏྟ་བྦེ…པེ… ས་བྦ་དྷ་མྨཱ་ནཾ ཏ་ཐ་ཏཱ ཨ་ས་ངྑ་ཏཱ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. དྭེ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… དྭེ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. དྭེ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
༨༤༢. རཱུ་པ་སྶ རཱུ་པ་ཏཱ, ན་ནུ རཱུ་པ་ཏཱ ཨ་ས་ངྑ་ཏཱ་ཏི? ཨཱ་མ་ནྟཱ. ནི་བྦཱ་ནཾ…པེ… ཨ་མ་ཏ་ནྟི? ན ཧེ་ཝཾ ཝ་ཏྟ་བྦེ…པེ… རཱུ་པ་སྶ རཱུ་པ་ཏཱ, ན་ནུ རཱུ་པ་ཏཱ ཨ་ས་ངྑ་ཏཱ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. དྭེ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… དྭེ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. དྭེ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
ཝེ་ད་ནཱ་ཡ ཝེ་ད་ན་ཏཱ, ན་ནུ ཝེ་ད་ན་ཏཱ…པེ… ས་ཉྙཱ་ཡ ས་ཉྙ་ཏཱ, ན་ནུ ས་ཉྙ་ཏཱ…པེ… ས་ངྑཱ་རཱ་ནཾ ས་ངྑཱ་ར་ཏཱ, ན་ནུ ས་ངྑཱ་ར་ཏཱ…པེ… ཝི་ཉྙཱ་ཎ་སྶ ཝི་ཉྙཱ་ཎ་ཏཱ, ན་ནུ ཝི་ཉྙཱ་ཎ་ཏཱ ཨ་ས་ངྑ་ཏཱ་ཏི? ཨཱ་མ་ནྟཱ. ནི་བྦཱ་ནཾ…པེ… ཨ་མ་ཏ་ནྟི? ན ཧེ་ཝཾ ཝ་ཏྟ་བྦེ …པེ….
རཱུ་པ་སྶ རཱུ་པ་ཏཱ, ན་ནུ རཱུ་པ་ཏཱ…པེ… ཝི་ཉྙཱ་ཎ་སྶ ཝི་ཉྙཱ་ཎ་ཏཱ, ན་ནུ ཝི་ཉྙཱ་ཎ་ཏཱ ཨ་ས་ངྑ་ཏཱ, ནི་བྦཱ་ནཾ ཨ་ས་ངྑ་ཏ་ནྟི? ཨཱ་མ་ནྟཱ. ཚ ཨ་ས་ངྑ་ཏཱ་ནཱི་ཏི? ན ཧེ་ཝཾ ཝ་ཏྟ་བྦེ…པེ… ཚ ཨ་ས་ངྑ་ཏཱ་ནཱི་ཏི? ཨཱ་མ་ནྟཱ. ཚ ཏཱ་ཎཱ་ནི…པེ… ཨ་ནྟ་རི་ཀཱ ཝཱ་ཏི? ན ཧེ་ཝཾ ཝ་ཏྟ་བྦེ…པེ….
༨༤༣. ན ཝ་ཏྟ་བྦཾ – ‘‘ས་བྦ་དྷ་མྨཱ་ནཾ ཏ་ཐ་ཏཱ ཨ་ས་ངྑ་ཏཱ’’ཏི? ཨཱ་མ་ནྟཱ. ས་བྦ་དྷ་མྨཱ་ནཾ ཏ་ཐ་ཏཱ རཱུ་པཾ… ཝེ་ད་ནཱ… ས་ཉྙཱ… ས་ངྑཱ་རཱ… ཝི་ཉྙཱ་ཎ་ནྟི? ན ཧེ་ཝཾ ཝ་ཏྟ་བྦེ. ཏེ་ན ཧི ས་བྦ་དྷ་མྨཱ་ནཾ ཏ་ཐ་ཏཱ ཨ་ས་ངྑ་ཏཱ་ཏི.
ཏ་ཐ་ཏཱ་ཀ་ཐཱ ནི་ཊྛི་ཏཱ.
༡༩. ཨེ་ཀཱུ་ན་ཝཱི་ས་ཏི་མ་ཝ་གྒོ
(༡༩༡) ༦. ཀུ་ས་ལ་ཀ་ཐཱ
༨༤༤. ནི་བྦཱ་ན་དྷཱ་ཏུ ཀུ་ས་ལཱ་ཏི? ཨཱ་མ་ནྟཱ. སཱ་ར་མྨ་ཎཱ, ཨ་ཏྠི ཏཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ནཱ་ར་མྨ་ཎཱ, ན་ཏྠི ཏཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. ཧ་ཉྩི ཨ་ནཱ་ར་མྨ་ཎཱ, ན་ཏྠི ཏཱ་ཡ ཨཱ་ཝ་ཊྚ་ནཱ…པེ… པ་ཎི་དྷི, ནོ ཙ ཝ་ཏ རེ ཝ་ཏྟ་བྦེ – ‘‘ནི་བྦཱ་ན་དྷཱ་ཏུ ཀུ་ས་ལཱ’’ཏི.
༨༤༥. ཨ་ལོ་བྷོ ཀུ་ས་ལོ སཱ་ར་མྨ་ཎོ, ཨ་ཏྠི ཏ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. ནི་བྦཱ་ན་དྷཱ་ཏུ ཀུ་ས་ལཱ སཱ་ར་མྨ་ཎཱ, ཨ་ཏྠི ཏཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ …པེ… ཨ་དོ་སོ ཀུ་ས་ལོ…པེ… ཨ་མོ་ཧོ ཀུ་ས་ལོ…པེ… ས་དྡྷཱ… ཝཱི་རི་ཡཾ… ས་ཏི… ས་མཱ་དྷི…པེ… པ་ཉྙཱ ཀུ་ས་ལཱ སཱ་ར་མྨ་ཎཱ, ཨ་ཏྠི ཏཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. ནི་བྦཱ་ན་དྷཱ་ཏུ ཀུ་ས་ལཱ སཱ་ར་མྨ་ཎཱ, ཨ་ཏྠི ཏཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ….
ནི་བྦཱ་ན་དྷཱ་ཏུ ཀུ་ས་ལཱ ཨ་ནཱ་ར་མྨ་ཎཱ, ན་ཏྠི ཏཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. ཨ་ལོ་བྷོ ཀུ་ས་ལོ ཨ་ནཱ་ར་མྨ་ཎོ, ན་ཏྠི ཏ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ… ནི་བྦཱ་ན་དྷཱ་ཏུ ཀུ་ས་ལཱ ཨ་ནཱ་ར་མྨ་ཎཱ, ན་ཏྠི ཏཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. ཨ་དོ་སོ ཀུ་ས་ལོ…པེ… ཨ་མོ་ཧོ ཀུ་ས་ལོ…པེ… ས་དྡྷཱ… ཝཱི་རི་ཡཾ… ས་ཏི… ས་མཱ་དྷི…པེ… པ་ཉྙཱ ཀུ་ས་ལཱ ཨ་ནཱ་ར་མྨ་ཎཱ, ན་ཏྠི ཏཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ….
༨༤༦. ན ཝ་ཏྟ་བྦཾ – ‘‘ནི་བྦཱ་ན་དྷཱ་ཏུ ཀུ་ས་ལཱ’’ཏི? ཨཱ་མ་ནྟཱ. ན་ནུ ནི་བྦཱ་ན་དྷཱ་ཏུ ཨ་ན་ཝ་ཛྫཱ་ཏི? ཨཱ་མ་ནྟཱ. ཧ་ཉྩི ནི་བྦཱ་ན་དྷཱ་ཏུ ཨ་ན་ཝ་ཛྫཱ, ཏེ་ན ཝ་ཏ རེ ཝ་ཏྟ་བྦེ – ‘‘ནི་བྦཱ་ན་དྷཱ་ཏུ ཀུ་ས་ལཱ’’ཏི.
ཀུ་ས་ལ་ཀ་ཐཱ ནི་ཊྛི་ཏཱ.
༡༩. ཨེ་ཀཱུ་ན་ཝཱི་ས་ཏི་མ་ཝ་གྒོ
(༡༩༢) ༧. ཨ་ཙྩ་ནྟ་ནི་ཡཱ་མ་ཀ་ཐཱ
༨༤༧. ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ་ཏི? ཨཱ་མ་ནྟཱ. མཱ་ཏུ་གྷཱ་ཏ་ཀོ ཨ་ཙྩ་ནྟ་ནི་ཡ་ཏོ, པི་ཏུ་གྷཱ་ཏ་ཀོ…པེ… ཨ་ར་ཧ་ནྟ་གྷཱ་ཏ་ཀོ…པེ… རུ་ཧི་རུ་པྤཱ་ད་ཀོ …པེ… ས་ངྒྷ་བྷེ་ད་ཀོ ཨ་ཙྩ་ནྟ་ནི་ཡ་ཏོ་ཏི? ན ཧེ་ཝཾ ཝ་ཏྟ་བྦེ…པེ….
༨༤༨. ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ་ཏི? ཨཱ་མ་ནྟཱ. ཨ་ཙྩ་ནྟ་ནི་ཡ་ཏ་སྶ པུ་གྒ་ལ་སྶ ཝི་ཙི་ཀི་ཙྪཱ ཨུ་པྤ་ཛྫེ་ཡྻཱ་ཏི? ཨཱ་མ་ནྟཱ. ཧ་ཉྩི ཨ་ཙྩ་ནྟ་ནི་ཡ་ཏ་སྶ པུ་གྒ་ལ་སྶ ཝི་ཙི་ཀི་ཙྪཱ ཨུ་པྤ་ཛྫེ་ཡྻ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ’’ཏི.
ཨ་ཙྩ་ནྟ་ནི་ཡ་ཏ་སྶ པུ་གྒ་ལ་སྶ ཝི་ཙི་ཀི་ཙྪཱ ནུ་པྤ་ཛྫེ་ཡྻཱ་ཏི? ཨཱ་མ་ནྟཱ. པ་ཧཱི་ནཱ་ཏི? ན ཧེ་ཝཾ ཝ་ཏྟ་བྦེ…པེ… པ་ཧཱི་ནཱ་ཏི? ཨཱ་མ་ནྟཱ. སོ་ཏཱ་པ་ཏྟི་མ་གྒེ་ནཱ་ཏི? ན ཧེ་ཝཾ ཝ་ཏྟ་བྦེ…པེ… ས་ཀ་དཱ་གཱ་མི་མ་གྒེ་ན …པེ… ཨ་ནཱ་གཱ་མི་མ་གྒེ་ན…པེ… ཨ་ར་ཧ་ཏྟ་མ་གྒེ་ནཱ་ཏི? ན ཧེ་ཝཾ ཝ་ཏྟ་བྦེ…པེ….
ཀ་ཏ་མེ་ན མ་གྒེ་ནཱ་ཏི? ཨ་ཀུ་ས་ལེ་ན མ་གྒེ་ནཱ་ཏི. ཨ་ཀུ་ས་ལོ མ་གྒོ ནི་ཡྻཱ་ནི་ཀོ ཁ་ཡ་གཱ་མཱི བོ་དྷ་གཱ་མཱི ཨ་ནཱ་ས་ཝོ…པེ… ཨ་སཾ་ཀི་ལེ་སི་ཀོ་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཨ་ཀུ་ས་ལོ མ་གྒོ ཨ་ནི་ཡྻཱ་ནི་ཀོ…པེ… སཾ་ཀི་ལེ་སི་ཀོ་ཏི? ཨཱ་མ་ནྟཱ. ཧ་ཉྩི ཨ་ཀུ་ས་ལོ མ་གྒོ ཨ་ནི་ཡྻཱ་ནི་ཀོ…པེ… སཾ་ཀི་ལེ་སི་ཀོ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཙྩ་ནྟ་ནི་ཡ་ཏ་སྶ པུ་གྒ་ལ་སྶ ཝི་ཙི་ཀི་ཙྪཱ ཨ་ཀུ་ས་ལེ་ན མ་གྒེ་ན པ་ཧཱི་ནཱ’’ཏི.
༨༤༩. ས་སྶ་ཏ་དི་ཊྛི་ཡཱ ནི་ཡ་ཏ་སྶ པུ་གྒ་ལ་སྶ ཨུ་ཙྪེ་ད་དི་ཊྛི ཨུ་པྤ་ཛྫེ་ཡྻཱ་ཏི? ཨཱ་མ་ནྟཱ. ཧ་ཉྩི ས་སྶ་ཏ་དི་ཊྛི་ཡཱ ནི་ཡ་ཏ་སྶ པུ་གྒ་ལ་སྶ ཨུ་ཙྪེ་ད་དི་ཊྛི ཨུ་པྤ་ཛྫེ་ཡྻ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ’’ཏི.
ས་སྶ་ཏ་དི་ཊྛི་ཡཱ ནི་ཡ་ཏ་སྶ པུ་གྒ་ལ་སྶ ཨུ་ཙྪེ་ད་དི་ཊྛི ནུ་པྤ་ཛྫེ་ཡྻཱ་ཏི? ཨཱ་མ་ནྟཱ. པ་ཧཱི་ནཱ་ཏི? ན ཧེ་ཝཾ ཝ་ཏྟ་བྦེ…པེ… པ་ཧཱི་ནཱ་ཏི? ཨཱ་མ་ནྟཱ. སོ་ཏཱ་པ་ཏྟི་མ་གྒེ་ནཱ་ཏི? ན ཧེ་ཝཾ ཝ་ཏྟ་བྦེ…པེ… ས་ཀ་དཱ་གཱ་མི་མ་གྒེ་ན…པེ… ཨ་ནཱ་གཱ་མི་མ་གྒེ་ན…པེ… ཨ་ར་ཧ་ཏྟ་མ་གྒེ་ནཱ་ཏི? ན ཧེ་ཝཾ ཝ་ཏྟ་བྦེ…པེ….
ཀ་ཏ་མེ་ན མ་གྒེ་ནཱ་ཏི? ཨ་ཀུ་ས་ལེ་ན མ་གྒེ་ན. ཨ་ཀུ་ས་ལོ མ་གྒོ…པེ… ནོ ཙ ཝ་ཏ རེ ཝ་ཏྟ་བྦེ – ‘‘ས་སྶ་ཏ་དི་ཊྛི་ཡཱ ནི་ཡ་ཏ་སྶ པུ་གྒ་ལ་སྶ ཨུ་ཙྪེ་ད་དི་ཊྛི ཨ་ཀུ་ས་ལེ་ན མ་གྒེ་ན པ་ཧཱི་ནཱ’’ཏི.
༨༥༠. ཨུ་ཙྪེ་ད་དི་ཊྛི་ཡཱ ནི་ཡ་ཏ་སྶ པུ་གྒ་ལ་སྶ ས་སྶ་ཏ་དི་ཊྛི ཨུ་པྤ་ཛྫེ་ཡྻཱ་ཏི? ཨཱ་མ་ནྟཱ. ཧ་ཉྩི ཨུ་ཙྪེ་ད་དི་ཊྛི་ཡཱ ནི་ཡ་ཏ་སྶ པུ་གྒ་ལ་སྶ ས་སྶ་ཏ་དི་ཊྛི ཨུ་པྤ་ཛྫེ་ཡྻ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ’’ཏི.
ཨུ་ཙྪེ་ད་དི་ཊྛི་ཡཱ ནི་ཡ་ཏ་སྶ པུ་གྒ་ལ་སྶ ས་སྶ་ཏ་དི་ཊྛི ནུ་པྤ་ཛྫེ་ཡྻཱ་ཏི? ཨཱ་མ་ནྟཱ. པ་ཧཱི་ནཱ་ཏི? ན ཧེ་ཝཾ ཝ་ཏྟ་བྦེ…པེ… པ་ཧཱི་ནཱ་ཏི? ཨཱ་མ་ནྟཱ. སོ་ཏཱ་པ་ཏྟི་མ་གྒེ་ནཱ་ཏི? ན ཧེ་ཝཾ ཝ་ཏྟ་བྦེ …པེ… ས་ཀ་དཱ་གཱ་མི་མ་གྒེ་ན…པེ… ཨ་ནཱ་གཱ་མི་མ་གྒེ་ན…པེ… ཨ་ར་ཧ་ཏྟ་མ་གྒེ་ནཱ་ཏི? ན ཧེ་ཝཾ ཝ་ཏྟ་བྦེ…པེ….
ཀ་ཏ་མེ་ན མ་གྒེ་ནཱ་ཏི? ཨ་ཀུ་ས་ལེ་ན མ་གྒེ་ནཱ་ཏི. ཨ་ཀུ་ས་ལོ མ་གྒོ…པེ… ནོ ཙ ཝ་ཏ རེ ཝ་ཏྟ་བྦེ – ‘‘ཨུ་ཙྪེ་ད་དི་ཊྛི་ཡཱ ནི་ཡ་ཏ་སྶ པུ་གྒ་ལ་སྶ ས་སྶ་ཏ་དི་ཊྛི ཨ་ཀུ་ས་ལེ་ན མ་གྒེ་ན པ་ཧཱི་ནཱ’’ཏི.
༨༥༡. ན ཝ་ཏྟ་བྦཾ – ‘‘ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ’’ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ས་མ་ནྣཱ་ག་ཏོ ཧོ་ཏི ཨེ་ཀ་ནྟ་ཀཱ་ལ༹་ཀེ་ཧི ཨ་ཀུ་ས་ལེ་ཧི དྷ་མྨེ་ཧི, སོ [ཨེ་ཝཾ ཁོ བྷི་ཀྑ་ཝེ པུ་གྒ་ལོ (ཨ. ནི. ༧.༡༥)] ས་ཀིཾ ནི་མུ་གྒོ ནི་མུ་གྒོ་ཝ ཧོ་ཏཱི’’ཏི [ཨ. ནི. ༧.༡༥]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ་ཏི.
༨༥༢. ཝུ་ཏྟཾ བྷ་ག་ཝ་ཏཱ – ‘‘ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ས་མ་ནྣཱ་ག་ཏོ ཧོ་ཏི ཨེ་ཀ་ནྟ་ཀཱ་ལ༹་ཀེ་ཧི ཨ་ཀུ་ས་ལེ་ཧི དྷ་མྨེ་ཧི, སོ ས་ཀིཾ ནི་མུ་གྒོ ནི་མུ་གྒོ་ཝ ཧོ་ཏཱི’’ཏི ཀ་ཏྭཱ ཏེ་ན ཙ ཀཱ་ར་ཎེ་ན ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ་ཏི? ཨཱ་མ་ནྟཱ. ཝུ་ཏྟཾ བྷ་ག་ཝ་ཏཱ – ‘‘ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ཨུ་མྨུ་ཛྫི་ཏྭཱ ནི་མུ་ཛྫ་ཏཱི’’ཏི [ཨ. ནི. ༧.༡༥]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ས་བྦ་ཀཱ་ལཾ ཨུ་མྨུ་ཛྫི་ཏྭཱ ནི་མུ་ཛྫ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
ཝུ་ཏྟཾ བྷ་ག་ཝ་ཏཱ – ‘‘ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ས་མ་ནྣཱ་ག་ཏོ ཧོ་ཏི ཨེ་ཀ་ནྟ་ཀཱ་ལ༹་ཀེ་ཧི ཨ་ཀུ་ས་ལེ་ཧི དྷ་མྨེ་ཧི, སོ ས་ཀིཾ ནི་མུ་གྒོ ནི་མུ་གྒོ་ཝ ཧོ་ཏཱི’’ཏི – ཀ་ཏྭཱ ཏེ་ན ཙ ཀཱ་ར་ཎེ་ན ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ་ཏི? ཨཱ་མ་ནྟཱ. ཝུ་ཏྟཾ བྷ་ག་ཝ་ཏཱ – ‘‘ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ཨུ་མྨུ་ཛྫི་ཏྭཱ ཋི་ཏོ ཧོ་ཏི, ཨུ་མྨུ་ཛྫི་ཏྭཱ ཝི་པ་སྶ་ཏི ཝི་ལོ་ཀེ་ཏི, ཨུ་མྨུ་ཛྫི་ཏྭཱ པ་ཏ་ར་ཏི, ཨུ་མྨུ་ཛྫི་ཏྭཱ པ་ཏི་གཱ་དྷ་པྤ་ཏྟོ ཧོ་ཏཱི’’ཏི [ཨ. ནི. ༧.༡༥]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ས་བྦ་ཀཱ་ལཾ ཨུ་མྨུ་ཛྫི་ཏྭཱ པ་ཏི་གཱ་དྷ་པྤ་ཏྟོ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཙྩ་ནྟ་ནི་ཡཱ་མ་ཀ་ཐཱ ནི་ཊྛི་ཏཱ.
༡༩. ཨེ་ཀཱུ་ན་ཝཱི་ས་ཏི་མ་ཝ་གྒོ
(༡༩༣) ༨. ཨི་ནྡྲི་ཡ་ཀ་ཐཱ
༨༥༣. ན་ཏྠི ལོ་ཀི་ཡཾ ས་དྡྷི་ནྡྲི་ཡ་ནྟི? ཨཱ་མ་ནྟཱ. ན་ཏྠི ལོ་ཀི་ཡཱ ས་དྡྷཱ་ཏི? ན ཧེ་ཝཾ ཝ་ཏྟ་བྦེ…པེ… ན་ཏྠི ལོ་ཀི་ཡཾ ཝཱི་རི་ཡི་ནྡྲི་ཡཾ…པེ… ས་ཏི་ནྡྲི་ཡཾ…པེ… ས་མཱ་དྷི་ནྡྲི་ཡཾ…པེ… པ་ཉྙི་ནྡྲི་ཡ་ནྟི? ཨཱ་མ་ནྟཱ. ན་ཏྠི ལོ་ཀི་ཡཱ པ་ཉྙཱ་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ལོ་ཀི་ཡཱ ས་དྡྷཱ་ཏི? ཨཱ་མ་ནྟཱ. ཨ་ཏྠི ལོ་ཀི་ཡཾ ས་དྡྷི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ལོ་ཀི་ཡཾ ཝཱི་རི་ཡཾ…པེ… ས་ཏི…པེ… ས་མཱ་དྷི…པེ… པ་ཉྙཱ་ཏི? ཨཱ་མ་ནྟཱ. ཨ་ཏྠི ལོ་ཀི་ཡཾ པ་ཉྙི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ལོ་ཀི་ཡོ མ་ནོ, ཨ་ཏྠི ལོ་ཀི་ཡཾ མ་ནི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡཱ ས་དྡྷཱ, ཨ་ཏྠི ལོ་ཀི་ཡཾ ས་དྡྷི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ལོ་ཀི་ཡོ མ་ནོ, ཨ་ཏྠི ལོ་ཀི་ཡཾ མ་ནི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡཱ པ་ཉྙཱ, ཨ་ཏྠི ལོ་ཀི་ཡཾ པ་ཉྙི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ལོ་ཀི་ཡཾ སོ་མ་ན་སྶཾ, ཨ་ཏྠི ལོ་ཀི་ཡཾ སོ་མ་ན་སྶི་ནྡྲི་ཡཾ…པེ… ཨ་ཏྠི ལོ་ཀི་ཡཾ ཛཱི་ཝི་ཏཾ, ཨ་ཏྠི ལོ་ཀི་ཡཾ ཛཱི་ཝི་ཏི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡཱ ས་དྡྷཱ, ཨ་ཏྠི ལོ་ཀི་ཡཾ ས་དྡྷི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ལོ་ཀི་ཡཾ ཛཱི་ཝི་ཏཾ, ཨ་ཏྠི ལོ་ཀི་ཡཾ ཛཱི་ཝི་ཏི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡཱ པ་ཉྙཱ, ཨ་ཏྠི ལོ་ཀི་ཡཾ པ་ཉྙི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ….
༨༥༤. ཨ་ཏྠི ལོ་ཀི་ཡཱ ས་དྡྷཱ, ན་ཏྠི ལོ་ཀི་ཡཾ ས་དྡྷི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡོ མ་ནོ, ན་ཏྠི ལོ་ཀི་ཡཾ མ་ནི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ལོ་ཀི་ཡཱ པ་ཉྙཱ, ན་ཏྠི ལོ་ཀི་ཡཾ པ་ཉྙི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡོ མ་ནོ, ན་ཏྠི ལོ་ཀི་ཡཾ མ་ནི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ལོ་ཀི་ཡཱ ས་དྡྷཱ, ན་ཏྠི ལོ་ཀི་ཡཾ ས་དྡྷི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡཾ སོ་མ་ན་སྶཾ, ན་ཏྠི ལོ་ཀི་ཡཾ སོ་མ་ན་སྶི་ནྡྲི་ཡ་ནྟི… ཨ་ཏྠི ལོ་ཀི་ཡཾ ཛཱི་ཝི་ཏཾ, ན་ཏྠི ལོ་ཀི་ཡཾ ཛཱི་ཝི་ཏི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ལོ་ཀི་ཡཱ པ་ཉྙཱ, ན་ཏྠི ལོ་ཀི་ཡཾ པ་ཉྙི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡོ མ་ནོ, ན་ཏྠི ལོ་ཀི་ཡཾ མ་ནི་ནྡྲི་ཡ་ནྟི…པེ… ཨ་ཏྠི ལོ་ཀི་ཡཾ ཛཱི་ཝི་ཏཾ, ན་ཏྠི ལོ་ཀི་ཡཾ ཛཱི་ཝི་ཏི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ….
༨༥༥. ཨ་ཏྠི ལོ་ཀུ་ཏྟ་རཱ ས་དྡྷཱ, ཨ་ཏྠི ལོ་ཀུ་ཏྟ་རཾ ས་དྡྷི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡཱ ས་དྡྷཱ, ཨ་ཏྠི ལོ་ཀི་ཡཾ ས་དྡྷི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ལོ་ཀུ་ཏྟ་རཾ ཝཱི་རི་ཡཾ…པེ… ཨ་ཏྠི ལོ་ཀུ་ཏྟ་རཱ པ་ཉྙཱ, ཨ་ཏྠི ལོ་ཀུ་ཏྟ་རཾ པ་ཉྙི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀི་ཡཱ པ་ཉྙཱ, ཨ་ཏྠི ལོ་ཀི་ཡཾ པ་ཉྙི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ལོ་ཀི་ཡཱ ས་དྡྷཱ, ན་ཏྠི ལོ་ཀི་ཡཾ ས་དྡྷི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀུ་ཏྟ་རཱ ས་དྡྷཱ, ན་ཏྠི ལོ་ཀུ་ཏྟ་རཾ ས་དྡྷི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ… ཨ་ཏྠི ལོ་ཀི་ཡཾ ཝཱི་རི་ཡཾ…པེ… ཨ་ཏྠི ལོ་ཀི་ཡཱ པ་ཉྙཱ, ན་ཏྠི ལོ་ཀི་ཡཾ པ་ཉྙི་ནྡྲི་ཡ་ནྟི? ཨཱ་མ་ནྟཱ. ཨ་ཏྠི ལོ་ཀུ་ཏྟ་རཱ པ་ཉྙཱ, ན་ཏྠི ལོ་ཀུ་ཏྟ་རཾ པ་ཉྙི་ནྡྲི་ཡ་ནྟི? ན ཧེ་ཝཾ ཝ་ཏྟ་བྦེ…པེ….
༨༥༦. ན་ཏྠི ལོ་ཀི་ཡཱ་ནི པ་ཉྩི་ནྡྲི་ཡཱ་ནཱི་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཨ་དྡ་སཾ ཁོ ཨ་ཧཾ, བྷི་ཀྑ་ཝེ, བུ་དྡྷ་ཙ་ཀྑུ་ནཱ ལོ་ཀཾ ཝོ་ལོ་ཀེ་ནྟོ ས་ཏྟེ ཨ་པྤ་ར་ཛ་ཀྑེ མ་ཧཱ་ར་ཛ་ཀྑེ, ཏི་ཀྑི་ནྡྲི་ཡེ མུ་དི་ནྡྲི་ཡེ, སྭཱ་ཀཱ་རེ, སུ་ཝི་ཉྙཱ་པ་ཡེ, ཨ་པྤེ་ཀ་ཙྩེ པ་ར་ལོ་ཀ་ཝ་ཛྫ་བྷ་ཡ་ད་སྶཱ་ཝི་ནོ ཝི་ཧ་ར་ནྟེ’’ཏི [མ. ནི. ༡.༢༨༣ ཏ་ཏྠ ‘‘དྭཱ་ཀཱ་རེ དུ་ཝི་ཉྙཱ་པ་ཡེ’’ ཨི་ཙྩཱ་དཱི་ནི་པི པ་དཱ་ནི དི་སྶ་ནྟི]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཨ་ཏྠི ལོ་ཀི་ཡཱ་ནི པ་ཉྩི་ནྡྲི་ཡཱ་ནཱི་ཏི.
ཨི་ནྡྲི་ཡ་ཀ་ཐཱ ནི་ཊྛི་ཏཱ.
ཨེ་ཀཱུ་ན་ཝཱི་ས་ཏི་མ་ཝ་གྒོ.
ཏ་སྶུ་དྡཱ་ནཾ –
ཨ་ཏཱི་ཏེ ཀི་ལེ་སེ ཛ་ཧ་ཏི ཨ་ནཱ་ག་ཏེ ཀི་ལེ་སེ ཛ་ཧ་ཏི པ་ཙྩུ་པྤ་ནྣེ ཀི་ལེ་སེ ཛ་ཧ་ཏི, སུ་ཉྙ་ཏཱ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ, སཱ་མ་ཉྙ་ཕ་ལཾ ཨ་ས་ངྑ་ཏཾ, པ་ཏྟི ཨ་ས་ངྑ་ཏཱ, ས་བྦ་དྷ་མྨཱ་ནཾ ཏ་ཐ་ཏཱ ཨ་ས་ངྑ་ཏཱ, ནི་བྦཱ་ན་དྷཱ་ཏུ ཀུ་ས་ལཱ, ཨ་ཏྠི པུ་ཐུ་ཛྫ་ན་སྶ ཨ་ཙྩ་ནྟ་ནི་ཡཱ་མ་ཏཱ, ན་ཏྠི ལོ་ཀི་ཡཱ་ནི པ་ཉྩི་ནྡྲི་ཡཱ་ནཱི་ཏི.