༡༨. ཨ་ཊྛཱ་ར་ས་མ་ཝ་གྒོ
(༡༧༧) ༡. མ་ནུ་སྶ་ལོ་ཀ་ཀ་ཐཱ
༨༠༢. ན ཝ་ཏྟ་བྦཾ – ‘‘བུ་དྡྷོ བྷ་ག་ཝཱ མ་ནུ་སྶ་ལོ་ཀེ ཨ་ཊྛཱ་སཱི’’ཏི? ཨཱ་མ་ནྟཱ. ན་ནུ ཨ་ཏྠི བུ་དྡྷ་ཝུ་ཏྠཱ་ནི ཙེ་ཏི་ཡཱ་ནི ཨཱ་རཱ་མ་ཝི་ཧཱ་ར་གཱ་མ་ནི་ག་མ་ན་ག་རཱ་ནི ར་ཊྛཱ་ནི ཛ་ན་པ་དཱ་ནཱི་ཏི? ཨཱ་མ་ནྟཱ. ཧ་ཉྩི ཨ་ཏྠི བུ་དྡྷ་ཝུ་ཏྠཱ་ནི ཙེ་ཏི་ཡཱ་ནི ཨཱ་རཱ་མ་ཝི་ཧཱ་ར་གཱ་མ་ནི་ག་མ་ན་ག་རཱ་ནི ར་ཊྛཱ་ནི ཛ་ན་པ་དཱ་ནི, ཏེ་ན ཝ་ཏ རེ ཝ་ཏྟ་བྦེ – ‘‘བུ་དྡྷོ བྷ་ག་ཝཱ མ་ནུ་སྶ་ལོ་ཀེ ཨ་ཊྛཱ་སཱི’’ཏི.
ན ཝ་ཏྟ་བྦཾ – ‘‘བུ་དྡྷོ བྷ་ག་ཝཱ མ་ནུ་སྶ་ལོ་ཀེ ཨ་ཊྛཱ་སཱི’’ཏི? ཨཱ་མ་ནྟཱ. ན་ནུ བྷ་ག་ཝཱ ལུ་མྦི་ནི་ཡཱ ཛཱ་ཏོ, བོ་དྷི་ཡཱ མཱུ་ལེ ཨ་བྷི་ས་མྦུ་དྡྷོ, བཱ་རཱ་ཎ་སི་ཡཾ བྷ་ག་ཝ་ཏཱ དྷ་མྨ་ཙ་ཀྐཾ པ་ཝ་ཏྟི་ཏཾ, ཙཱ་པཱ་ལེ ཙེ་ཏི་ཡེ ཨཱ་ཡུ་ས་ངྑཱ་རོ ཨོ་སྶ་ཊྛོ, ཀུ་སི་ནཱ་རཱ་ཡཾ བྷ་ག་ཝཱ པ་རི་ནི་བྦུ་ཏོ་ཏི? ཨཱ་མ་ནྟཱ. ཧ་ཉྩི བྷ་ག་ཝཱ ལུ་མྦི་ནི་ཡཱ ཛཱ་ཏོ…པེ… ཀུ་སི་ནཱ་རཱ་ཡཾ བྷ་ག་ཝཱ པ་རི་ནི་བྦུ་ཏོ, ཏེ་ན ཝ་ཏ རེ ཝ་ཏྟ་བྦེ – ‘‘བུ་དྡྷོ བྷ་ག་ཝཱ མ་ནུ་སྶ་ལོ་ཀེ ཨ་ཊྛཱ་སཱི’’ཏི.
ན ཝ་ཏྟ་བྦཾ – ‘‘བུ་དྡྷོ བྷ་ག་ཝཱ མ་ནུ་སྶ་ལོ་ཀེ ཨ་ཊྛཱ་སཱི’’ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཨེ་ཀ་མི་དཱ་ཧཾ, བྷི་ཀྑ་ཝེ, ས་མ་ཡཾ ཨུ་ཀྐ་ཊྛཱ་ཡཾ ཝི་ཧ་རཱ་མི སུ་བྷ་ག་ཝ་ནེ སཱ་ལ་རཱ་ཛ་མཱུ་ལེ’’ཏི [དཱི. ནི. ༢.༩༡]; ‘‘ཨེ་ཀ་མི་དཱ་ཧཾ, བྷི་ཀྑ་ཝེ, ས་མ་ཡཾ ཨུ་རུ་ཝེ་ལཱ་ཡཾ ཝི་ཧ་རཱ་མི ཨ་ཛ་པཱ་ལ་ནི་གྲོ་དྷེ པ་ཋ་མཱ་བྷི་ས་མྦུ་དྡྷོ’’ཏི [ཨ. ནི. ༤.༢༡]; ‘‘ཨེ་ཀ་མི་དཱ་ཧཾ, བྷི་ཀྑ་ཝེ, ས་མ་ཡཾ རཱ་ཛ་ག་ཧེ ཝི་ཧ་རཱ་མི ཝེ་ལུ༹་ཝ་ནེ ཀ་ལ༹་ནྡ་ཀ་ནི་ཝཱ་པེ’’ཏི [དཱི. ནི. ༢.༡༨༠]; ‘‘ཨེ་ཀ་མི་དཱ་ཧཾ, བྷི་ཀྑ་ཝེ, ས་མ་ཡཾ སཱ་ཝ་ཏྠི་ཡཾ ཝི་ཧ་རཱ་མི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ’’ཏི; ‘‘ཨེ་ཀ་མི་དཱ་ཧཾ, བྷི་ཀྑ་ཝེ, ས་མ་ཡཾ ཝེ་སཱ་ལི་ཡཾ ཝི་ཧ་རཱ་མི མ་ཧཱ་ཝ་ནེ ཀཱུ་ཊཱ་གཱ་ར་སཱ་ལཱ་ཡ’’ནྟི [དཱི. ནི. ༣.༡༡]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི བུ་དྡྷོ བྷ་ག་ཝཱ མ་ནུ་སྶ་ལོ་ཀེ ཨ་ཊྛཱ་སཱི་ཏི.
༨༠༣. བུ་དྡྷོ བྷ་ག་ཝཱ མ་ནུ་སྶ་ལོ་ཀེ ཨ་ཊྛཱ་སཱི་ཏི? ཨཱ་མ་ནྟཱ. ན་ནུ བྷ་ག་ཝཱ ལོ་ཀེ ཛཱ་ཏོ, ལོ་ཀེ སཾ་ཝ་ཌྜྷོ, ལོ་ཀཾ ཨ་བྷི་བྷུ་ཡྻ ཝི་ཧ་ར་ཏི ཨ་ནུ་པ་ལི་ཏྟོ ལོ་ཀེ་ནཱ་ཏི [ཨ. ནི. ༤.༣༦]? ཨཱ་མ་ནྟཱ. ཧ་ཉྩི བྷ་ག་ཝཱ ལོ་ཀེ ཛཱ་ཏོ, ལོ་ཀེ སཾ་ཝ་ཌྜྷོ, ལོ་ཀཾ ཨ་བྷི་བྷུ་ཡྻ ཝི་ཧ་ར་ཏི ཨ་ནུ་པ་ལི་ཏྟོ ལོ་ཀེ་ན, ནོ ཙ ཝ་ཏ རེ ཝ་ཏྟ་བྦེ – ‘‘བུ་དྡྷོ བྷ་ག་ཝཱ མ་ནུ་སྶ་ལོ་ཀེ ཨ་ཊྛཱ་སཱི’’ཏི.
མ་ནུ་སྶ་ལོ་ཀ་ཀ་ཐཱ ནི་ཊྛི་ཏཱ.
༡༨. ཨ་ཊྛཱ་ར་ས་མ་ཝ་གྒོ
(༡༧༨) ༢. དྷ་མྨ་དེ་ས་ནཱ་ཀ་ཐཱ
༨༠༤. ན ཝ་ཏྟ་བྦཾ – ‘‘བུ་དྡྷེ་ན བྷ་ག་ཝ་ཏཱ དྷ་མྨོ དེ་སི་ཏོ’’ཏི? ཨཱ་མ་ནྟཱ. ཀེ་ན དེ་སི་ཏོ་ཏི? ཨ་བྷི་ནི་མྨི་ཏེ་ན དེ་སི་ཏོ་ཏི. ཨ་བྷི་ནི་མྨི་ཏོ ཛི་ནོ ས་ཏྠཱ ས་མྨཱ་ས་མྦུ་དྡྷོ ས་བྦ་ཉྙཱུ ས་བྦ་ད་སྶཱ་ཝཱི དྷ་མྨ་སྶཱ་མཱི དྷ་མྨ་པྤ་ཊི་ས་ར་ཎོ་ཏི? ན ཧེ་ཝཾ ཝ་ཏྟ་བྦེ…པེ….
ན ཝ་ཏྟ་བྦཾ – ‘‘བུ་དྡྷེ་ན བྷ་ག་ཝ་ཏཱ དྷ་མྨོ དེ་སི་ཏོ’’ཏི? ཨཱ་མ་ནྟཱ. ཀེ་ན དེ་སི་ཏོ་ཏི? ཨཱ་ཡ་སྨ་ཏཱ ཨཱ་ན་ནྡེ་ན དེ་སི་ཏོ་ཏི. ཨཱ་ཡ་སྨཱ ཨཱ་ན་ནྡོ ཛི་ནོ ས་ཏྠཱ ས་མྨཱ་ས་མྦུ་དྡྷོ ས་བྦ་ཉྙཱུ ས་བྦ་ད་སྶཱ་ཝཱི དྷ་མྨ་སྶཱ་མཱི དྷ་མྨ་པྤ་ཊི་ས་ར་ཎོ་ཏི? ན ཧེ་ཝཾ ཝ་ཏྟ་བྦེ…པེ….
༨༠༥. ན ཝ་ཏྟ་བྦཾ – ‘‘བུ་དྡྷེ་ན བྷ་ག་ཝ་ཏཱ དྷ་མྨོ དེ་སི་ཏོ’’ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘སཾ་ཁི་ཏྟེ་ན་པི ཁོ ཨ་ཧཾ, སཱ་རི་པུ་ཏྟ, དྷ་མྨཾ དེ་སེ་ཡྻཾ; ཝི་ཏྠཱ་རེ་ན་པི ཁོ ཨ་ཧཾ, སཱ་རི་པུ་ཏྟ, དྷ་མྨཾ དེ་སེ་ཡྻཾ; སཾ་ཁི་ཏྟ་ཝི་ཏྠཱ་རེ་ན་པི ཁོ ཨ་ཧཾ, སཱ་རི་པུ་ཏྟ, དྷ་མྨཾ དེ་སེ་ཡྻཾ; ཨ་ཉྙཱ་ཏཱ་རོ ཙ དུ་ལླ་བྷཱ’’ཏི [ཨ. ནི. ༣.༣༣ སཱ་རི་པུ་ཏྟ་སུ་ཏྟེ]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི བུ་དྡྷེ་ན བྷ་ག་ཝ་ཏཱ དྷ་མྨོ དེ་སི་ཏོ་ཏི.
༨༠༦. ན ཝ་ཏྟ་བྦཾ – ‘‘བུ་དྡྷེ་ན བྷ་ག་ཝ་ཏཱ དྷ་མྨོ དེ་སི་ཏོ’’ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘‘ཨ་བྷི་ཉྙཱ་ཡཱ་ཧཾ, བྷི་ཀྑ་ཝེ, དྷ་མྨཾ དེ་སེ་མི, ནོ ཨ་ན་བྷི་ཉྙཱ་ཡ; ས་ནི་དཱ་ནཱ་ཧཾ, བྷི་ཀྑ་ཝེ, དྷ་མྨཾ དེ་སེ་མི, ནོ ཨ་ནི་དཱ་ནཾ; ས་པྤཱ་ཊི་ཧཱ་རི་ཡཱ་ཧཾ, བྷི་ཀྑ་ཝེ, དྷ་མྨཾ དེ་སེ་མི, ནོ ཨ་པྤཱ་ཊི་ཧཱ་རི་ཡཾ; ཏ་སྶ [ཡ་ཉྩ་སྶ (སཱི. པཱི. ཀ.)] མ་ཡ྄ཧཾ, བྷི་ཀྑ་ཝེ, ཨ་བྷི་ཉྙཱ་ཡ དྷ་མྨཾ དེ་ས་ཡ་ཏོ ནོ ཨ་ན་བྷི་ཉྙཱ་ཡ, ས་ནི་དཱ་ནཾ དྷ་མྨཾ དེ་ས་ཡ་ཏོ ནོ ཨ་ནི་དཱ་ནཾ, ས་པྤཱ་ཊི་ཧཱ་རི་ཡཾ དྷ་མྨཾ དེ་ས་ཡ་ཏོ ནོ ཨ་པྤཱ་ཊི་ཧཱ་རི་ཡཾ ཀ་ར་ཎཱི་ཡོ ཨོ་ཝཱ་དོ ཀ་ར་ཎཱི་ཡཱ ཨ་ནུ་སཱ་ས་ནཱི; ཨ་ལ་ཉྩ པ་ན ཝོ, བྷི་ཀྑ་ཝེ, ཏུ་ཊྛི་ཡཱ ཨ་ལཾ ཨ་ཏྟ་མ་ན་ཏཱ་ཡ ཨ་ལཾ སོ་མ་ན་སྶཱ་ཡ – ས་མྨཱ་ས་མྦུ་དྡྷོ བྷ་ག་ཝཱ, སྭཱ་ཀྑཱ་ཏོ དྷ་མྨོ, སུ་པྤ་ཊི་པ་ནྣོ ས་ངྒྷོ’ཏི. ཨི་མ་སྨི་ཉྩ པ་ན ཝེ་ཡྻཱ་ཀ་ར་ཎ་སྨིཾ བྷ་ཉྙ་མཱ་ནེ ད་ས་ས་ཧ་སྶི་ལོ་ཀ་དྷཱ་ཏུ ཨ་ཀ་མྤི་ཏྠཱ’’ཏི [ཨ. ནི. ༣.༡༢༦]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི བུ་དྡྷེ་ན བྷ་ག་ཝ་ཏཱ དྷ་མྨོ དེ་སི་ཏོ་ཏི.
དྷ་མྨ་དེ་ས་ནཱ་ཀ་ཐཱ ནི་ཊྛི་ཏཱ.
༡༨. ཨ་ཊྛཱ་ར་ས་མ་ཝ་གྒོ
(༡༧༩) ༣. ཀ་རུ་ཎཱ་ཀ་ཐཱ
༨༠༧. ན་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ་ཏི? ཨཱ་མ་ནྟཱ. ན་ཏྠི བུ་དྡྷ་སྶ བྷ་ག་ཝ་ཏོ མེ་ཏྟཱ་ཏི? ན ཧེ་ཝཾ ཝ་ཏྟ་བྦེ…པེ… ན་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ་ཏི? ཨཱ་མ་ནྟཱ. ན་ཏྠི བུ་དྡྷ་སྶ བྷ་ག་ཝ་ཏོ མུ་དི་ཏཱ…པེ… ཨུ་པེ་ཀྑཱ་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི བུ་དྡྷ་སྶ བྷ་ག་ཝ་ཏོ མེ་ཏྟཱ་ཏི? ཨཱ་མ་ནྟཱ. ཨ་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ་ཏི? ན ཧེ་ཝཾ ཝ་ཏྟ་བྦེ…པེ… ཨ་ཏྠི བུ་དྡྷ་སྶ བྷ་ག་ཝ་ཏོ མུ་དི་ཏཱ…པེ… ཨུ་པེ་ཀྑཱ་ཏི? ཨཱ་མ་ནྟཱ. ཨ་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ་ཏི? ན ཧེ་ཝཾ ཝ་ཏྟ་བྦེ…པེ….
ན་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ་ཏི? ཨཱ་མ་ནྟཱ. བྷ་ག་ཝཱ ཨ་ཀཱ་རུ་ཎི་ཀོ་ཏི? ན ཧེ་ཝཾ ཝ་ཏྟ་བྦེ…པེ… ན་ནུ བྷ་ག་ཝཱ ཀཱ་རུ་ཎི་ཀོ ལོ་ཀ་ཧི་ཏོ ལོ་ཀཱ་ནུ་ཀ་མྤ་ཀོ ལོ་ཀ་ཏྠ་ཙ་རོ་ཏི? ཨཱ་མ་ནྟཱ. ཧ་ཉྩི བྷ་ག་ཝཱ ཀཱ་རུ་ཎི་ཀོ ལོ་ཀ་ཧི་ཏོ ལོ་ཀཱ་ནུ་ཀ་མྤ་ཀོ ལོ་ཀ་ཏྠ་ཙ་རོ, ནོ ཙ ཝ་ཏ རེ ཝ་ཏྟ་བྦེ – ‘‘ན་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ’’ཏི…པེ….
ན་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ་ཏི? ཨཱ་མ་ནྟཱ. ན་ནུ བྷ་ག་ཝཱ མ་ཧཱ་ཀ་རུ་ཎཱ་ས་མཱ་པ་ཏྟིཾ ས་མཱ་པ་ཛྫཱི་ཏི? ཨཱ་མ་ནྟཱ. ཧ་ཉྩི བྷ་ག་ཝཱ མ་ཧཱ་ཀ་རུ་ཎཱ་ས་མཱ་པ་ཏྟིཾ ས་མཱ་པ་ཛྫི, ནོ ཙ ཝ་ཏ རེ ཝ་ཏྟ་བྦེ – ‘‘ན་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ’’ཏི.
༨༠༨. ཨ་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ་ཏི? ཨཱ་མ་ནྟཱ. བྷ་ག་ཝཱ ས་རཱ་གོ་ཏི? ན ཧེ་ཝཾ ཝ་ཏྟ་བྦེ. ཏེ་ན ཧི ན་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ་ཏི.
ཀ་རུ་ཎཱ་ཀ་ཐཱ ནི་ཊྛི་ཏཱ.
༡༨. ཨ་ཊྛཱ་ར་ས་མ་ཝ་གྒོ
(༡༨༠) ༤. ག་ནྡྷ་ཛཱ་ཏི་ཀ་ཐཱ
༨༠༩. བུ་དྡྷ་སྶ བྷ་ག་ཝ་ཏོ ཨུ་ཙྩཱ་ར་པ་སྶཱ་ཝོ ཨ་ཏི་ཝི་ཡ ཨ་ཉྙེ ག་ནྡྷ་ཛཱ་ཏེ ཨ་དྷི་གྒ་ཎྷཱ་ཏཱི་ཏི? ཨཱ་མ་ནྟཱ. བྷ་ག་ཝཱ ག་ནྡྷ་བྷོ་ཛཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ བྷ་ག་ཝཱ ཨོ་ད་ན་ཀུ་མྨཱ་སཾ བྷུ་ཉྫ་ཏཱི་ཏི? ཨཱ་མ་ནྟཱ. ཧ་ཉྩི བྷ་ག་ཝཱ ཨོ་ད་ན་ཀུ་མྨཱ་སཾ བྷུ་ཉྫ་ཏི, ནོ ཙ ཝ་ཏ རེ ཝ་ཏྟ་བྦེ – ‘‘བུ་དྡྷ་སྶ བྷ་ག་ཝ་ཏོ ཨུ་ཙྩཱ་ར་པ་སྶཱ་ཝོ ཨ་ཏི་ཝི་ཡ ཨ་ཉྙེ ག་ནྡྷ་ཛཱ་ཏེ ཨ་དྷི་གྒ་ཎྷཱ་ཏཱི’’ཏི.
བུ་དྡྷ་སྶ བྷ་ག་ཝ་ཏོ ཨུ་ཙྩཱ་ར་པ་སྶཱ་ཝོ ཨ་ཏི་ཝི་ཡ ཨ་ཉྙེ ག་ནྡྷ་ཛཱ་ཏེ ཨ་དྷི་གྒ་ཎྷཱ་ཏཱི་ཏི? ཨཱ་མ་ནྟཱ. ཨ་ཏྠི ཀེ་ཙི བུ་དྡྷ་སྶ བྷ་ག་ཝ་ཏོ ཨུ་ཙྩཱ་ར་པ་སྶཱ་ཝཾ ནྷཱ་ཡ་ནྟི ཝི་ལི་མྤ་ནྟི ཨུ་ཙྪཱ་དེ་ནྟི [ཨུ་ཙྩཱ་རེ་ནྟི (སཱི. པཱི. ཀ.)] པེ་ལཱ༹་ཡ པ་ཊི་སཱ་མེ་ནྟི ཀ་ར་ཎྜཱ་ཡ ནི་ཀྑི་པ་ནྟི ཨཱ་པ་ཎེ པ་སཱ་རེ་ནྟི, ཏེ་ན ཙ ག་ནྡྷེ་ན ག་ནྡྷ་ཀ་ར་ཎཱི་ཡཾ ཀ་རོ་ནྟཱི་ཏི? ན ཧེ་ཝཾ ཝ་ཏྟ་བྦེ…པེ….
ག་ནྡྷ་ཛཱ་ཏི་ཀ་ཐཱ ནི་ཊྛི་ཏཱ.
༡༨. ཨ་ཊྛཱ་ར་ས་མ་ཝ་གྒོ
(༡༨༡) ༥. ཨེ་ཀ་མ་གྒ་ཀ་ཐཱ
༨༡༠. ཨེ་ཀེ་ན ཨ་རི་ཡ་མ་གྒེ་ན ཙ་ཏྟཱ་རི སཱ་མ་ཉྙ་ཕ་ལཱ་ནི ས་ཙྪི་ཀ་རོ་ཏཱི་ཏི? ཨཱ་མ་ནྟཱ. ཙ་ཏུ་ནྣཾ ཕ་སྶཱ་ནཾ…པེ… ཙ་ཏུ་ནྣཾ ས་ཉྙཱ་ནཾ ས་མོ་དྷཱ་ནཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨེ་ཀེ་ན ཨ་རི་ཡ་མ་གྒེ་ན ཙ་ཏྟཱ་རི སཱ་མ་ཉྙ་ཕ་ལཱ་ནི ས་ཙྪི་ཀ་རོ་ཏཱི་ཏི? ཨཱ་མ་ནྟཱ. སོ་ཏཱ་པ་ཏྟི་མ་གྒེ་ནཱ་ཏི? ན ཧེ་ཝཾ ཝ་ཏྟ་བྦེ…པེ… ས་ཀ་དཱ་གཱ་མི…པེ… ཨ་ནཱ་གཱ་མི་མ་གྒེ་ནཱ་ཏི? ན ཧེ་ཝཾ ཝ་ཏྟ་བྦེ…པེ….
ཀ་ཏ་མེ་ན མ་གྒེ་ནཱ་ཏི? ཨ་ར་ཧ་ཏྟ་མ་གྒེ་ནཱ་ཏི. ཨ་ར་ཧ་ཏྟ་མ་གྒེ་ན ས་ཀྐཱ་ཡ་དི་ཊྛིཾ ཝི་ཙི་ཀི་ཙྪཾ སཱི་ལ་བྦ་ཏ་པ་རཱ་མཱ་སཾ ཛ་ཧ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ར་ཧ་ཏྟ་མ་གྒེ་ན ས་ཀྐཱ་ཡ་དི་ཊྛིཾ ཝི་ཙི་ཀི་ཙྪཾ སཱི་ལ་བྦ་ཏ་པ་རཱ་མཱ་སཾ ཛ་ཧ་ཏཱི་ཏི? ཨཱ་མ་ནྟཱ. ན་ནུ ཏི་ཎྞཾ སཾ་ཡོ་ཛ་ནཱ་ནཾ པ་ཧཱ་ནཾ སོ་ཏཱ་པ་ཏྟི་ཕ་ལཾ ཝུ་ཏྟཾ བྷ་ག་ཝ་ཏཱ་ཏི? ཨཱ་མ་ནྟཱ. ཧ་ཉྩི ཏི་ཎྞཾ སཾ་ཡོ་ཛ་ནཱ་ནཾ པ་ཧཱ་ནཾ སོ་ཏཱ་པ་ཏྟི་ཕ་ལཾ ཝུ་ཏྟཾ བྷ་ག་ཝ་ཏཱ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ར་ཧ་ཏྟ་མ་གྒེ་ན ས་ཀྐཱ་ཡ་དི་ཊྛིཾ ཝི་ཙི་ཀི་ཙྪཾ སཱི་ལ་བྦ་ཏ་པ་རཱ་མཱ་སཾ ཛ་ཧ་ཏཱི’’ཏི.
ཨ་ར་ཧ་ཏྟ་མ་གྒེ་ན ཨོ་ལཱ༹་རི་ཀཾ ཀཱ་མ་རཱ་གཾ ཨོ་ལཱ༹་རི་ཀཾ བྱཱ་པཱ་དཾ ཛ་ཧ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ར་ཧ་ཏྟ་མ་གྒེ་ན ཨོ་ལཱ༹་རི་ཀཾ ཀཱ་མ་རཱ་གཾ ཨོ་ལཱ༹་རི་ཀཾ བྱཱ་པཱ་དཾ ཛ་ཧ་ཏཱི་ཏི? ཨཱ་མ་ནྟཱ. ན་ནུ ཀཱ་མ་རཱ་ག་བྱཱ་པཱ་དཱ་ནཾ ཏ་ནུ་བྷཱ་ཝཾ ས་ཀ་དཱ་གཱ་མི་ཕ་ལཾ ཝུ་ཏྟཾ བྷ་ག་ཝ་ཏཱ་ཏི? ཨཱ་མ་ནྟཱ. ཧ་ཉྩི ཀཱ་མ་རཱ་ག་བྱཱ་པཱ་དཱ་ནཾ ཏ་ནུ་བྷཱ་ཝཾ ས་ཀ་དཱ་གཱ་མི་ཕ་ལཾ ཝུ་ཏྟཾ བྷ་ག་ཝ་ཏཱ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ར་ཧ་ཏྟ་མ་གྒེ་ན ཨོ་ལཱ༹་རི་ཀཾ ཀཱ་མ་རཱ་གཾ ཨོ་ལཱ༹་རི་ཀཾ བྱཱ་པཱ་དཾ ཛ་ཧ་ཏཱི’’ཏི.
ཨ་ར་ཧ་ཏྟ་མ་གྒེ་ན ཨ་ཎུ་ས་ཧ་ག་ཏཾ ཀཱ་མ་རཱ་གཾ ཨ་ཎུ་ས་ཧ་ག་ཏཾ བྱཱ་པཱ་དཾ ཛ་ཧ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཨ་ར་ཧ་ཏྟ་མ་གྒེ་ན ཨ་ཎུ་ས་ཧ་ག་ཏཾ ཀཱ་མ་རཱ་གཾ ཨ་ཎུ་ས་ཧ་ག་ཏཾ བྱཱ་པཱ་དཾ ཛ་ཧ་ཏཱི་ཏི? ཨཱ་མ་ནྟཱ. ན་ནུ ཀཱ་མ་རཱ་ག་བྱཱ་པཱ་དཱ་ནཾ ཨ་ན་ཝ་སེ་ས་པྤ་ཧཱ་ནཾ ཨ་ནཱ་གཱ་མི་ཕ་ལཾ ཝུ་ཏྟཾ བྷ་ག་ཝ་ཏཱ་ཏི? ཨཱ་མ་ནྟཱ. ཧ་ཉྩི ཀཱ་མ་རཱ་ག་བྱཱ་པཱ་དཱ་ནཾ ཨ་ན་ཝ་སེ་ས་པྤ་ཧཱ་ནཾ ཨ་ནཱ་གཱ་མི་ཕ་ལཾ ཝུ་ཏྟཾ བྷ་ག་ཝ་ཏཱ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ར་ཧ་ཏྟ་མ་གྒེ་ན ཨ་ཎུ་ས་ཧ་ག་ཏཾ ཀཱ་མ་རཱ་གཾ ཨ་ཎུ་ས་ཧ་ག་ཏཾ བྱཱ་པཱ་དཾ ཛ་ཧ་ཏཱི’’ཏི.
༨༡༡. ན ཝ་ཏྟ་བྦཾ – ‘‘ཨེ་ཀེ་ན ཨ་རི་ཡ་མ་གྒེ་ན ཙ་ཏྟཱ་རི སཱ་མ་ཉྙ་ཕ་ལཱ་ནི ས་ཙྪི་ཀ་རོ་ཏཱི’’ཏི? ཨཱ་མ་ནྟཱ. བྷ་ག་ཝ་ཏཱ སོ་ཏཱ་པ་ཏྟི་མ་གྒོ བྷཱ་ཝི་ཏོ་ཏི? ཨཱ་མ་ནྟཱ. བྷ་ག་ཝཱ སོ་ཏཱ་པ་ནྣོ་ཏི? ན ཧེ་ཝཾ ཝ་ཏྟ་བྦེ…པེ… བྷ་ག་ཝ་ཏཱ ས་ཀ་དཱ་གཱ་མི…པེ… ཨ་ནཱ་གཱ་མི་མ་གྒོ བྷཱ་ཝི་ཏོ་ཏི? ཨཱ་མ་ནྟཱ. བྷ་ག་ཝཱ ཨ་ནཱ་གཱ་མཱི་ཏི? ན ཧེ་ཝཾ ཝ་ཏྟ་བྦེ…པེ….
༨༡༢. བྷ་ག་ཝཱ ཨེ་ཀེ་ན ཨ་རི་ཡ་མ་གྒེ་ན ཙ་ཏྟཱ་རི སཱ་མ་ཉྙ་ཕ་ལཱ་ནི ས་ཙྪི་ཀ་རོ་ཏི, སཱ་ཝ་ཀཱ ཙ་ཏཱུ་ཧི ཨ་རི་ཡ་མ་གྒེ་ཧི ཙ་ཏྟཱ་རི སཱ་མ་ཉྙ་ཕ་ལཱ་ནི ས་ཙྪི་ཀ་རོ་ནྟཱི་ཏི? ཨཱ་མ་ནྟཱ. སཱ་ཝ་ཀཱ བུ་དྡྷ་སྶ བྷ་ག་ཝ་ཏོ ཨ་དི་ཊྛཾ ད་ཀྑ་ནྟི ཨ་ན་དྷི་ག་ཏཾ ཨ་དྷི་ག་ཙྪ་ནྟི ཨ་ས་ཙྪི་ཀ་ཏཾ ས་ཙྪི་ཀ་རོ་ནྟཱི་ཏི? ན ཧེ་ཝཾ ཝ་ཏྟ་བྦེ…པེ….
ཨེ་ཀ་མ་གྒ་ཀ་ཐཱ ནི་ཊྛི་ཏཱ.
༡༨. ཨ་ཊྛཱ་ར་ས་མ་ཝ་གྒོ
(༡༨༢) ༦. ཛྷཱ་ན་ས་ངྐ་ནྟི་ཀ་ཐཱ
༨༡༣. ཛྷཱ་ནཱ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. པ་ཋ་མཱ ཛྷཱ་ནཱ ཏ་ཏི་ཡཾ ཛྷཱ་ནཾ ས་ངྐ་མ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ཛྷཱ་ནཱ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. དུ་ཏི་ཡཱ ཛྷཱ་ནཱ ཙ་ཏུ་ཏྠཾ ཛྷཱ་ནཾ ས་ངྐ་མ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
པ་ཋ་མཱ ཛྷཱ་ནཱ དུ་ཏི་ཡཾ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. ཡཱ པ་ཋ་མ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷི, སཱ་ཝ དུ་ཏི་ཡ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ….
པ་ཋ་མཱ ཛྷཱ་ནཱ དུ་ཏི་ཡཾ ཛྷཱ་ནཾ ས་ངྐ་མ་ཏི, ན ཝ་ཏྟ་བྦཾ – ‘‘ཡཱ པ་ཋ་མ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷི, སཱ་ཝ དུ་ཏི་ཡ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི’’ཏི? ཨཱ་མ་ནྟཱ. དུ་ཏི་ཡཾ ཛྷཱ་ནཾ ཨ་ནཱ་ཝ་ཊྚེ་ནྟ་སྶ ཨུ་པྤ་ཛྫ་ཏི…པེ… ཨ་པྤ་ཎི་ད་ཧ་ནྟ་སྶ ཨུ་པྤ་ཛྫ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ དུ་ཏི་ཡཾ ཛྷཱ་ནཾ ཨཱ་ཝ་ཊྚེ་ནྟ་སྶ ཨུ་པྤ་ཛྫ་ཏི…པེ… པ་ཎི་ད་ཧ་ནྟ་སྶ ཨུ་པྤ་ཛྫ་ཏཱི་ཏི? ཨཱ་མ་ནྟཱ. ཧ་ཉྩི དུ་ཏི་ཡཾ ཛྷཱ་ནཾ ཨཱ་ཝ་ཊྚེ་ནྟ་སྶ ཨུ་པྤ་ཛྫ་ཏི…པེ… པ་ཎི་ད་ཧ་ནྟ་སྶ ཨུ་པྤ་ཛྫ་ཏི, ནོ ཙ ཝ་ཏ རེ ཝ་ཏྟ་བྦེ – ‘‘པ་ཋ་མཱ ཛྷཱ་ནཱ དུ་ཏི་ཡཾ ཛྷཱ་ནཾ ས་ངྐ་མ་ཏཱི’’ཏི…པེ….
པ་ཋ་མཱ ཛྷཱ་ནཱ དུ་ཏི་ཡཾ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. པ་ཋ་མཾ ཛྷཱ་ནཾ ཀཱ་མེ ཨཱ་དཱི་ན་ཝ་ཏོ མ་ན་སི་ཀ་རོ་ཏོ ཨུ་པྤ་ཛྫ་ཏཱི་ཏི? ཨཱ་མ་ནྟཱ. དུ་ཏི་ཡཾ ཛྷཱ་ནཾ ཀཱ་མེ ཨཱ་དཱི་ན་ཝ་ཏོ མ་ན་སི་ཀ་རོ་ཏོ ཨུ་པྤ་ཛྫ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
པ་ཋ་མཾ ཛྷཱ་ནཾ ས་ཝི་ཏ་ཀྐཾ ས་ཝི་ཙཱ་ར་ནྟི? ཨཱ་མ་ནྟཱ. དུ་ཏི་ཡཾ ཛྷཱ་ནཾ ས་ཝི་ཏ་ཀྐཾ ས་ཝི་ཙཱ་ར་ནྟི? ན ཧེ་ཝཾ ཝ་ཏྟ་བྦེ…པེ… པ་ཋ་མཱ ཛྷཱ་ནཱ དུ་ཏི་ཡཾ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. ཏ་ཉྙེ་ཝ པ་ཋ་མཾ ཛྷཱ་ནཾ ཏཾ དུ་ཏི་ཡཾ ཛྷཱ་ན་ནྟི? ན ཧེ་ཝཾ ཝ་ཏྟ་བྦེ…པེ….
༨༡༤. དུ་ཏི་ཡཱ ཛྷཱ་ནཱ ཏ་ཏི་ཡཾ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. ཡཱ དུ་ཏི་ཡ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷི, སཱ་ཝ ཏ་ཏི་ཡ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ….
དུ་ཏི་ཡཱ ཛྷཱ་ནཱ ཏ་ཏི་ཡཾ ཛྷཱ་ནཾ ས་ངྐ་མ་ཏི, ན ཝ་ཏྟ་བྦཾ – ‘‘ཡཱ དུ་ཏི་ཡ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷི, སཱ་ཝ ཏ་ཏི་ཡ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི’’ཏི? ཨཱ་མ་ནྟཱ. ཏ་ཏི་ཡཾ ཛྷཱ་ནཾ ཨ་ནཱ་ཝ་ཊྚེ་ནྟ་སྶ ཨུ་པྤ་ཛྫ་ཏི…པེ… ཨ་པྤ་ཎི་ད་ཧ་ནྟ་སྶ ཨུ་པྤ་ཛྫ་ཏཱི་ཏི? ན ཧེ་ཝཾ ཝ་ཏྟ་བྦེ …པེ… ན་ནུ ཏ་ཏི་ཡཾ ཛྷཱ་ནཾ ཨཱ་ཝ་ཊྚེ་ནྟ་སྶ ཨུ་པྤ་ཛྫ་ཏི…པེ… པ་ཎི་ད་ཧ་ནྟ་སྶ ཨུ་པྤ་ཛྫ་ཏཱི་ཏི? ཨཱ་མ་ནྟཱ. ཧ་ཉྩི ཏ་ཏི་ཡཾ ཛྷཱ་ནཾ ཨཱ་ཝ་ཊྚེ་ནྟ་སྶ ཨུ་པྤ་ཛྫ་ཏི…པེ… པ་ཎི་ད་ཧ་ནྟ་སྶ ཨུ་པྤ་ཛྫ་ཏི, ནོ ཙ ཝ་ཏ རེ ཝ་ཏྟ་བྦེ – ‘‘དུ་ཏི་ཡཱ ཛྷཱ་ནཱ ཏ་ཏི་ཡཾ ཛྷཱ་ནཾ ས་ངྐ་མ་ཏཱི’’ཏི.
དུ་ཏི་ཡཱ ཛྷཱ་ནཱ ཏ་ཏི་ཡཾ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. དུ་ཏི་ཡཾ ཛྷཱ་ནཾ ཝི་ཏ་ཀྐ་ཝི་ཙཱ་རེ ཨཱ་དཱི་ན་ཝ་ཏོ མ་ན་སི་ཀ་རོ་ཏོ ཨུ་པྤ་ཛྫ་ཏཱི་ཏི? ཨཱ་མ་ནྟཱ. ཏ་ཏི་ཡཾ ཛྷཱ་ནཾ ཝི་ཏ་ཀྐ་ཝི་ཙཱ་རེ ཨཱ་དཱི་ན་ཝ་ཏོ མ་ན་སི་ཀ་རོ་ཏོ ཨུ་པྤ་ཛྫ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
དུ་ཏི་ཡཾ ཛྷཱ་ནཾ ས་པྤཱི་ཏི་ཀ་ནྟི? ཨཱ་མ་ནྟཱ. ཏ་ཏི་ཡཾ ཛྷཱ་ནཾ ས་པྤཱི་ཏི་ཀ་ནྟི? ན ཧེ་ཝཾ ཝ་ཏྟ་བྦེ…པེ… དུ་ཏི་ཡཱ ཛྷཱ་ནཱ ཏ་ཏི་ཡཾ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. ཏ་ཉྙེ་ཝ དུ་ཏི་ཡཾ ཛྷཱ་ནཾ ཏཾ ཏ་ཏི་ཡཾ ཛྷཱ་ན་ནྟི? ན ཧེ་ཝཾ ཝ་ཏྟ་བྦེ…པེ….
༨༡༥. ཏ་ཏི་ཡཱ ཛྷཱ་ནཱ ཙ་ཏུ་ཏྠཾ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. ཡཱ ཏ་ཏི་ཡ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷི, སཱ་ཝ ཙ་ཏུ་ཏྠ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ….
ཏ་ཏི་ཡཱ ཛྷཱ་ནཱ ཙ་ཏུ་ཏྠཾ ཛྷཱ་ནཾ ས་ངྐ་མ་ཏི, ན ཝ་ཏྟ་བྦཾ – ‘‘ཡཱ ཏ་ཏི་ཡ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷི, སཱ་ཝ ཙ་ཏུ་ཏྠ་སྶ ཛྷཱ་ན་སྶ ཨུ་པྤཱ་དཱ་ཡ ཨཱ་ཝ་ཊྚ་ནཱ…པེ… པ་ཎི་དྷཱི’’ཏི? ཨཱ་མ་ནྟཱ. ཙ་ཏུ་ཏྠཾ ཛྷཱ་ནཾ ཨ་ནཱ་ཝ་ཊྚེ་ནྟ་སྶ ཨུ་པྤ་ཛྫ་ཏི…པེ… ཨ་པྤ་ཎི་ད་ཧ་ནྟ་སྶ ཨུ་པྤ་ཛྫ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ཙ་ཏུ་ཏྠཾ ཛྷཱ་ནཾ ཨཱ་ཝ་ཊྚེ་ནྟ་སྶ ཨུ་པྤ་ཛྫ་ཏི…པེ… པ་ཎི་ད་ཧ་ནྟ་སྶ ཨུ་པྤ་ཛྫ་ཏཱི་ཏི? ཨཱ་མ་ནྟཱ. ཧ་ཉྩི ཙ་ཏུ་ཏྠཾ ཛྷཱ་ནཾ ཨཱ་ཝ་ཊྚེ་ནྟ་སྶ ཨུ་པྤ་ཛྫ་ཏི…པེ… པ་ཎི་ད་ཧ་ནྟ་སྶ ཨུ་པྤ་ཛྫ་ཏི, ནོ ཙ ཝ་ཏ རེ ཝ་ཏྟ་བྦེ – ‘‘ཏ་ཏི་ཡཱ ཛྷཱ་ནཱ ཙ་ཏུ་ཏྠཾ ཛྷཱ་ནཾ ས་ངྐ་མ་ཏཱི’’ཏི.
ཏ་ཏི་ཡཱ ཛྷཱ་ནཱ ཙ་ཏུ་ཏྠཾ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. ཏ་ཏི་ཡཾ ཛྷཱ་ནཾ པཱི་ཏིཾ ཨཱ་དཱི་ན་ཝ་ཏོ མ་ན་སི་ཀ་རོ་ཏོ ཨུ་པྤ་ཛྫ་ཏཱི་ཏི? ཨཱ་མ་ནྟཱ. ཙ་ཏུ་ཏྠཾ ཛྷཱ་ནཾ པཱི་ཏིཾ ཨཱ་དཱི་ན་ཝ་ཏོ མ་ན་སི་ཀ་རོ་ཏོ ཨུ་པྤ་ཛྫ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
ཏ་ཏི་ཡཾ ཛྷཱ་ནཾ སུ་ཁ་ས་ཧ་ག་ཏ་ནྟི? ཨཱ་མ་ནྟཱ. ཙ་ཏུ་ཏྠཾ ཛྷཱ་ནཾ སུ་ཁ་ས་ཧ་ག་ཏ་ནྟི? ན ཧེ་ཝཾ ཝ་ཏྟ་བྦེ…པེ… ཏ་ཏི་ཡཱ ཛྷཱ་ནཱ ཙ་ཏུ་ཏྠཾ ཛྷཱ་ནཾ ས་ངྐ་མ་ཏཱི་ཏི? ཨཱ་མ་ནྟཱ. ཏ་ཉྙེ་ཝ ཏ་ཏི་ཡཾ ཛྷཱ་ནཾ ཏཾ ཙ་ཏུ་ཏྠཾ ཛྷཱ་ན་ནྟི? ན ཧེ་ཝཾ ཝ་ཏྟ་བྦེ…པེ….
༨༡༦. ན ཝ་ཏྟ་བྦཾ – ‘‘ཛྷཱ་ནཱ ཛྷཱ་ནཾ ས་ངྐ་མ་ཏཱི’’ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཨི་དྷ, བྷི་ཀྑ་ཝེ, བྷི་ཀྑུ ཝི་ཝི་ཙྩེ་ཝ ཀཱ་མེ་ཧི…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏཱི’’ཏི [ཨ. ནི. ༢.༡༣; ༤.༡༦༣]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཛྷཱ་ནཱ ཛྷཱ་ནཾ ས་ངྐ་མ་ཏཱི་ཏི.
ཛྷཱ་ན་ས་ངྐ་ནྟི་ཀ་ཐཱ ནི་ཊྛི་ཏཱ.
༡༨. ཨ་ཊྛཱ་ར་ས་མ་ཝ་གྒོ
(༡༨༣) ༧. ཛྷཱ་ན་ནྟ་རི་ཀ་ཀ་ཐཱ
༨༡༧. ཨ་ཏྠི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ཨ་ཏྠི ཕ་སྶ་ནྟ་རི་ཀཱ…པེ… ཨ་ཏྠི ས་ཉྙ་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. དུ་ཏི་ཡ་སྶ ཙ ཛྷཱ་ན་སྶ ཏ་ཏི་ཡ་སྶ ཙ ཛྷཱ་ན་སྶ ཨ་ནྟ་རེ ཨ་ཏྠི ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཏྠི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ཏ་ཏི་ཡ་སྶ ཙ ཛྷཱ་ན་སྶ ཙ་ཏུ་ཏྠ་སྶ ཙ ཛྷཱ་ན་སྶ ཨ་ནྟ་རེ ཨ་ཏྠི ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
དུ་ཏི་ཡ་སྶ ཙ ཛྷཱ་ན་སྶ ཏ་ཏི་ཡ་སྶ ཙ ཛྷཱ་ན་སྶ ཨ་ནྟ་རེ ན་ཏྠི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ཧ་ཉྩི དུ་ཏི་ཡ་སྶ ཙ ཛྷཱ་ན་སྶ ཏ་ཏི་ཡ་སྶ ཙ ཛྷཱ་ན་སྶ ཨ་ནྟ་རེ ན་ཏྠི ཛྷཱ་ན་ནྟ་རི་ཀཱ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི ཛྷཱ་ན་ནྟ་རི་ཀཱ’’ཏི.
ཏ་ཏི་ཡ་སྶ ཙ ཛྷཱ་ན་སྶ ཙ་ཏུ་ཏྠ་སྶ ཙ ཛྷཱ་ན་སྶ ཨ་ནྟ་རེ ན་ཏྠི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ཧ་ཉྩི ཏ་ཏི་ཡ་སྶ ཙ ཛྷཱ་ན་སྶ ཙ་ཏུ་ཏྠ་སྶ ཙ ཛྷཱ་ན་སྶ ཨ་ནྟ་རེ ན་ཏྠི ཛྷཱ་ན་ནྟ་རི་ཀཱ, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཏྠི ཛྷཱ་ན་ནྟ་རི་ཀཱ’’ཏི.
༨༡༨. པ་ཋ་མ་སྶ ཙ ཛྷཱ་ན་སྶ དུ་ཏི་ཡ་སྶ ཙ ཛྷཱ་ན་སྶ ཨ་ནྟ་རེ ཨ་ཏྠི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. དུ་ཏི་ཡ་སྶ ཙ ཛྷཱ་ན་སྶ ཏ་ཏི་ཡ་སྶ ཙ ཛྷཱ་ན་སྶ ཨ་ནྟ་རེ ཨ་ཏྠི ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
པ་ཋ་མ་སྶ ཙ ཛྷཱ་ན་སྶ དུ་ཏི་ཡ་སྶ ཙ ཛྷཱ་ན་སྶ ཨ་ནྟ་རེ ཨ་ཏྠི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ཏ་ཏི་ཡ་སྶ ཙ ཛྷཱ་ན་སྶ ཙ་ཏུ་ཏྠ་སྶ ཙ ཛྷཱ་ན་སྶ ཨ་ནྟ་རེ ཨ་ཏྠི ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
དུ་ཏི་ཡ་སྶ ཙ ཛྷཱ་ན་སྶ ཏ་ཏི་ཡ་སྶ ཙ ཛྷཱ་ན་སྶ ཨ་ནྟ་རེ ན་ཏྠི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. པ་ཋ་མ་སྶ ཙ ཛྷཱ་ན་སྶ དུ་ཏི་ཡ་སྶ ཙ ཛྷཱ་ན་སྶ ཨ་ནྟ་རེ ན་ཏྠི ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
ཏ་ཏི་ཡ་སྶ ཙ ཛྷཱ་ན་སྶ ཙ་ཏུ་ཏྠ་སྶ ཙ ཛྷཱ་ན་སྶ ཨ་ནྟ་རེ ན་ཏྠི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. པ་ཋ་མ་སྶ ཙ ཛྷཱ་ན་སྶ དུ་ཏི་ཡ་སྶ ཙ ཛྷཱ་ན་སྶ ཨ་ནྟ་རེ ན་ཏྠི ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
༨༡༩. ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ས་ཝི་ཏ་ཀྐོ ས་ཝི་ཙཱ་རོ ས་མཱ་དྷི ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ཨ་ཝི་ཏ་ཀྐོ ཨ་ཝི་ཙཱ་རོ ས་མཱ་དྷི ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
ས་ཝི་ཏ་ཀྐོ ས་ཝི་ཙཱ་རོ ས་མཱ་དྷི ན ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི ན ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
ཨ་ཝི་ཏ་ཀྐོ ཨ་ཝི་ཙཱ་རོ ས་མཱ་དྷི ན ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི ན ཛྷཱ་ན་ནྟ་རི་ཀཱ་ཏི? ན ཧེ་ཝཾ ཝ་ཏྟ་བྦེ…པེ….
༨༢༠. དྭི་ནྣཾ ཛྷཱ་ནཱ་ནཾ པ་ཊུ་པྤ་ནྣཱ་ན་མ་ནྟ་རེ ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷཱི་ཏི? ཨཱ་མ་ནྟཱ. ན་ནུ ཨ་ཝི་ཏ་ཀྐེ ཝི་ཙཱ་ར་མ་ཏྟེ ས་མཱ་དྷི་མྷི ཝ་ཏྟ་མཱ་ནེ པ་ཋ་མཾ ཛྷཱ་ནཾ ནི་རུ་དྡྷཾ དུ་ཏི་ཡཾ ཛྷཱ་ནཾ པ་ཊུ་པྤ་ནྣ་ནྟི? ཨཱ་མ་ནྟཱ. ཧ་ཉྩི ཨ་ཝི་ཏ་ཀྐེ ཝི་ཙཱ་ར་མ་ཏྟེ ས་མཱ་དྷི་མྷི ཝ་ཏྟ་མཱ་ནེ པ་ཋ་མཾ ཛྷཱ་ནཾ ནི་རུ་དྡྷཾ དུ་ཏི་ཡཾ ཛྷཱ་ནཾ པ་ཊུ་པྤ་ནྣཾ, ནོ ཙ ཝ་ཏ རེ ཝ་ཏྟ་བྦེ – ‘‘དྭི་ནྣཾ ཛྷཱ་ནཱ་ནཾ པ་ཊུ་པྤ་ནྣཱ་ན་མ་ནྟ་རེ ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི ཛྷཱ་ན་ནྟ་རི་ཀཱ་ཏི.
༨༢༡. ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི ན ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི པ་ཋ་མཾ ཛྷཱ་ནཾ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… ཙ་ཏུ་ཏྠཾ ཛྷཱ་ན་ནྟི? ན ཧེ་ཝཾ ཝ་ཏྟ་བྦེ. ཏེ་ན ཧི ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི ཛྷཱ་ན་ནྟ་རི་ཀཱ་ཏི.
༨༢༢. ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི ཛྷཱ་ན་ནྟ་རི་ཀཱ་ཏི? ཨཱ་མ་ནྟཱ. ན་ནུ ཏ་ཡོ ས་མཱ་དྷཱི ཝུ་ཏྟཱ བྷ་ག་ཝ་ཏཱ – ས་ཝི་ཏ་ཀྐོ ས་ཝི་ཙཱ་རོ ས་མཱ་དྷི, ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི, ཨ་ཝི་ཏ་ཀྐོ ཨ་ཝི་ཙཱ་རོ ས་མཱ་དྷཱི་ཏི [དཱི. ནི. ༣.༣༠༥, ༣༥༣]? ཨཱ་མ་ནྟཱ. ཧ་ཉྩི ཏ་ཡོ ས་མཱ་དྷཱི ཝུ་ཏྟཱ བྷ་ག་ཝ་ཏཱ – ས་ཝི་ཏ་ཀྐོ…པེ… ཨ་ཝི་ཙཱ་རོ ས་མཱ་དྷི, ནོ ཙ ཝ་ཏ རེ ཝ་ཏྟ་བྦེ – ‘‘ཨ་ཝི་ཏ་ཀྐོ ཝི་ཙཱ་ར་མ་ཏྟོ ས་མཱ་དྷི ཛྷཱ་ན་ནྟ་རི་ཀཱ’’ཏི.
ཛྷཱ་ན་ནྟ་རི་ཀ་ཀ་ཐཱ ནི་ཊྛི་ཏཱ.
༡༨. ཨ་ཊྛཱ་ར་ས་མ་ཝ་གྒོ
(༡༨༤) ༨. ས་དྡཾ སུ་ཎཱ་ཏཱི་ཏི་ཀ་ཐཱ
༨༢༣. ས་མཱ་པ་ནྣོ ས་དྡཾ སུ་ཎཱ་ཏཱི་ཏི? ཨཱ་མ་ནྟཱ. ས་མཱ་པ་ནྣོ ཙ་ཀྑུ་ནཱ རཱུ་པཾ པ་སྶ་ཏི…པེ… སོ་ཏེ་ན…པེ… གྷཱ་ནེ་ན…པེ… ཛི་ཝ྄ཧཱ་ཡ…པེ… ཀཱ་ཡེ་ན ཕོ་ཊྛ་བྦཾ ཕུ་ས་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
ས་མཱ་པ་ནྣོ ས་དྡཾ སུ་ཎཱ་ཏཱི་ཏི? ཨཱ་མ་ནྟཱ. སོ་ཏ་ཝི་ཉྙཱ་ཎ་ས་མ་ངྒཱི ས་མཱ་པ་ནྣོ་ཏི? ན ཧེ་ཝཾ ཝ་ཏྟ་བྦེ. ན་ནུ ས་མཱ་དྷི མ་ནོ་ཝི་ཉྙཱ་ཎ་ས་མ་ངྒི་སྶཱ་ཏི? ཨཱ་མ་ནྟཱ. ཧ་ཉྩི ས་མཱ་དྷི མ་ནོ་ཝི་ཉྙཱ་ཎ་ས་མ་ངྒི་སྶ, ནོ ཙ ཝ་ཏ རེ ཝ་ཏྟ་བྦེ – ‘‘ས་མཱ་པ་ནྣོ ས་དྡཾ སུ་ཎཱ་ཏཱི’’ཏི.
ས་མཱ་དྷི མ་ནོ་ཝི་ཉྙཱ་ཎ་ས་མ་ངྒི་སྶ, སོ་ཏ་ཝི་ཉྙཱ་ཎ་ས་མ་ངྒཱི ས་དྡཾ སུ་ཎཱ་ཏཱི་ཏི? ཨཱ་མ་ནྟཱ. ཧ་ཉྩི ས་མཱ་དྷི མ་ནོ་ཝི་ཉྙཱ་ཎ་ས་མ་ངྒི་སྶ, སོ་ཏ་ཝི་ཉྙཱ་ཎ་ས་མ་ངྒཱི ས་དྡཾ སུ་ཎཱ་ཏི, ནོ ཙ ཝ་ཏ རེ ཝ་ཏྟ་བྦེ – ‘‘ས་མཱ་པ་ནྣོ ས་དྡཾ སུ་ཎཱ་ཏཱི’’ཏི. ས་མཱ་དྷི མ་ནོ་ཝི་ཉྙཱ་ཎ་ས་མ་ངྒི་སྶ, སོ་ཏ་ཝི་ཉྙཱ་ཎ་ས་མ་ངྒཱི ས་དྡཾ སུ་ཎཱ་ཏཱི་ཏི? ཨཱ་མ་ནྟཱ. དྭི་ནྣཾ ཕ་སྶཱ་ནཾ…པེ… དྭི་ནྣཾ ཙི་ཏྟཱ་ནཾ ས་མོ་དྷཱ་ནཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
༨༢༤. ན ཝ་ཏྟ་བྦཾ – ‘‘ས་མཱ་པ་ནྣོ ས་དྡཾ སུ་ཎཱ་ཏཱི’’ཏི? ཨཱ་མ་ནྟཱ. ན་ནུ པ་ཋ་མ་སྶ ཛྷཱ་ན་སྶ ས་དྡོ ཀ་ཎྚ་ཀོ ཝུ་ཏྟོ བྷ་ག་ཝ་ཏཱ་ཏི? ཨཱ་མ་ནྟཱ. ཧ་ཉྩི པ་ཋ་མ་སྶ ཛྷཱ་ན་སྶ ས་དྡོ ཀ་ཎྚ་ཀོ ཝུ་ཏྟོ བྷ་ག་ཝ་ཏཱ, ཏེ་ན ཝ་ཏ རེ ཝ་ཏྟ་བྦེ – ‘‘ས་མཱ་པ་ནྣོ ས་དྡཾ སུ་ཎཱ་ཏཱི’’ཏི.
༨༢༥. པ་ཋ་མ་སྶ ཛྷཱ་ན་སྶ ས་དྡོ ཀ་ཎྚ་ཀོ ཝུ་ཏྟོ བྷ་ག་ཝ་ཏཱ་ཏི, ས་མཱ་པ་ནྣོ ས་དྡཾ སུ་ཎཱ་ཏཱི་ཏི? ཨཱ་མ་ནྟཱ. དུ་ཏི་ཡ་སྶ ཛྷཱ་ན་སྶ ཝི་ཏ་ཀྐོ ཝི་ཙཱ་རོ ཀ་ཎྚ་ཀོ ཝུ་ཏྟོ བྷ་ག་ཝ་ཏཱ, ཨ་ཏྠི ཏ་སྶ ཝི་ཏ་ཀྐ་ཝི་ཙཱ་རཱ་ཏི? ན ཧེ་ཝཾ ཝ་ཏྟ་བྦེ…པེ….
པ་ཋ་མ་སྶ ཛྷཱ་ན་སྶ ས་དྡོ ཀ་ཎྚ་ཀོ ཝུ་ཏྟོ བྷ་ག་ཝ་ཏཱ་ཏི, ས་མཱ་པ་ནྣོ ས་དྡཾ སུ་ཎཱ་ཏཱི་ཏི? ཨཱ་མ་ནྟཱ. ཏ་ཏི་ཡ་སྶ ཛྷཱ་ན་སྶ པཱི་ཏི ཀ་ཎྚ་ཀོ…པེ… ཙ་ཏུ་ཏྠ་སྶ ཛྷཱ་ན་སྶ ཨ་སྶཱ་ས་པ་སྶཱ་སོ ཀ་ཎྚ་ཀོ … ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མཱ་པ་ནྣ་སྶ རཱུ་པ་ས་ཉྙཱ ཀ་ཎྚ་ཀོ… ཝི་ཉྙཱ་ཎ་ཉྩཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱ ཀ་ཎྚ་ཀོ… ཨཱ་ཀི་ཉྩ་ཉྙཱ་ཡ་ཏ་ནཾ ས་མཱ་པ་ནྣ་སྶ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱ ཀ་ཎྚ་ཀོ… ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱ ཀ་ཎྚ་ཀོ… ས་ཉྙཱ་ཝེ་ད་ཡི་ཏ་ནི་རོ་དྷཾ ས་མཱ་པ་ནྣ་སྶ ས་ཉྙཱ ཙ ཝེ་ད་ནཱ ཙ ཀ་ཎྚ་ཀོ ཝུ་ཏྟོ བྷ་ག་ཝ་ཏཱ, ཨ་ཏྠི ཏ་སྶ ས་ཉྙཱ ཙ ཝེ་ད་ནཱ ཙཱ་ཏི? ན ཧེ་ཝཾ ཝ་ཏྟ་བྦེ…པེ….
ས་དྡཾ སུ་ཎཱ་ཏཱི་ཏི་ཀ་ཐཱ ནི་ཊྛི་ཏཱ.
༡༨. ཨ་ཊྛཱ་ར་ས་མ་ཝ་གྒོ
(༡༨༥) ༩. ཙ་ཀྑུ་ནཱ རཱུ་པཾ པ་སྶ་ཏཱི་ཏི་ཀ་ཐཱ
༨༢༦. ཙ་ཀྑུ་ནཱ རཱུ་པཾ པ་སྶ་ཏཱི་ཏི? ཨཱ་མ་ནྟཱ. རཱུ་པེ་ན རཱུ་པཾ པ་སྶ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… རཱུ་པེ་ན རཱུ་པཾ པ་སྶ་ཏཱི་ཏི? ཨཱ་མ་ནྟཱ. རཱུ་པེ་ན རཱུ་པཾ པ་ཊི་ཝི་ཛཱ་ནཱ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… རཱུ་པེ་ན རཱུ་པཾ པ་ཊི་ཝི་ཛཱ་ནཱ་ཏཱི་ཏི? ཨཱ་མ་ནྟཱ. རཱུ་པཾ མ་ནོ་ཝི་ཉྙཱ་ཎ་ནྟི? ན ཧེ་ཝཾ ཝ་ཏྟ་བྦེ…པེ… ཙ་ཀྑུ་ནཱ རཱུ་པཾ པ་སྶ་ཏཱི་ཏི? ཨཱ་མ་ནྟཱ. ཨ་ཏྠི ཙ་ཀྑུ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ན་ཏྠི ཙ་ཀྑུ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. ཧ་ཉྩི ན་ཏྠི ཙ་ཀྑུ་སྶ ཨཱ་ཝ་ཊྚ་ནཱ…པེ… པ་ཎི་དྷི, ནོ ཙ ཝ་ཏ རེ ཝ་ཏྟ་བྦེ – ‘‘ཙ་ཀྑུ་ནཱ རཱུ་པཾ པ་སྶ་ཏཱི’’ཏི.
སོ་ཏེ་ན ས་དྡཾ སུ་ཎཱ་ཏཱི་ཏི…པེ… གྷཱ་ནེ་ན ག་ནྡྷཾ གྷཱ་ཡ་ཏཱི་ཏི…པེ… ཛི་ཝ྄ཧཱ་ཡ ར་སཾ སཱ་ཡ་ཏཱི་ཏི…པེ… ཀཱ་ཡེ་ན ཕོ་ཊྛ་བྦཾ ཕུ་ས་ཏཱི་ཏི? ཨཱ་མ་ནྟཱ. རཱུ་པེ་ན རཱུ་པཾ ཕུ་ས་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
རཱུ་པེ་ན རཱུ་པཾ ཕུ་ས་ཏཱི་ཏི? ཨཱ་མ་ནྟཱ. རཱུ་པེ་ན རཱུ་པཾ པ་ཊི་ཝི་ཛཱ་ནཱ་ཏཱི་ཏི? ན ཧེ་ཝཾ ཝ་ཏྟ་བྦེ…པེ… རཱུ་པེ་ན རཱུ་པཾ པ་ཊི་ཝི་ཛཱ་ནཱ་ཏཱི་ཏི? ཨཱ་མ་ནྟཱ. རཱུ་པཾ མ་ནོ་ཝི་ཉྙཱ་ཎ་ནྟི? ན ཧེ་ཝཾ ཝ་ཏྟ་བྦེ …པེ… ཀཱ་ཡེ་ན ཕོ་ཊྛ་བྦཾ ཕུ་ས་ཏཱི་ཏི? ཨཱ་མ་ནྟཱ. ཨ་ཏྠི ཀཱ་ཡ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ན ཧེ་ཝཾ ཝ་ཏྟ་བྦེ…པེ… ན་ནུ ན་ཏྠི ཀཱ་ཡ་སྶ ཨཱ་ཝ་ཊྚ་ནཱ…པེ… པ་ཎི་དྷཱི་ཏི? ཨཱ་མ་ནྟཱ. ཧ་ཉྩི ན་ཏྠི ཀཱ་ཡ་སྶ ཨཱ་ཝ་ཊྚ་ནཱ…པེ… པ་ཎི་དྷི, ནོ ཙ ཝ་ཏ རེ ཝ་ཏྟ་བྦེ – ‘‘ཀཱ་ཡེ་ན ཕོ་ཊྛ་བྦཾ ཕུ་ས་ཏཱི’’ཏི…པེ….
༨༢༧. ན ཝ་ཏྟ་བྦཾ – ‘‘ཙ་ཀྑུ་ནཱ རཱུ་པཾ པ་སྶ་ཏཱི’’ཏི…པེ… ‘‘ཀཱ་ཡེ་ན ཕོ་ཊྛ་བྦཾ ཕུ་ས་ཏཱི’’ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཨི་དྷ, བྷི་ཀྑ་ཝེ, བྷི་ཀྑུ ཙ་ཀྑུ་ནཱ རཱུ་པཾ པ་སྶ་ཏི…པེ… ཀཱ་ཡེ་ན ཕོ་ཊྛ་བྦཾ ཕུ་ས་ཏཱི’’ཏི [མ. ནི. ༡.༣༤༩; ཨ. ནི. ༤.༣༧ (ཨ་ཊྛ་ཀ་ཐཱ པ་སྶི་ཏ་བྦཱ)]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ཙ་ཀྑུ་ནཱ རཱུ་པཾ པ་སྶ་ཏི…པེ… ཀཱ་ཡེ་ན ཕོ་ཊྛ་བྦཾ ཕུ་ས་ཏཱི་ཏི.
ཙ་ཀྑུ་ནཱ རཱུ་པཾ པ་སྶ་ཏཱི་ཏི་ཀ་ཐཱ ནི་ཊྛི་ཏཱ.
ཨ་ཊྛཱ་ར་ས་མ་ཝ་གྒོ.
ཏ་སྶུ་དྡཱ་ནཾ –
བུ་དྡྷོ བྷ་ག་ཝཱ མ་ནུ་སྶ་ལོ་ཀེ ཨ་ཊྛཱ་སི, བུ་དྡྷེ་ན བྷ་ག་ཝ་ཏཱ དྷ་མྨོ དེ་སི་ཏོ, ན་ཏྠི བུ་དྡྷ་སྶ བྷ་ག་ཝ་ཏོ ཀ་རུ་ཎཱ, བུ་དྡྷ་སྶ བྷ་ག་ཝ་ཏོ ཨུ་ཙྩཱ་ར་པ་སྶཱ་ཝོ ཨ་ཏི་ཝི་ཡ ཨ་ཉྙེ ག་ནྡྷ་ཛཱ་ཏེ ཨ་དྷི་གྒ་ཎྷཱ་ཏི, ཨེ་ཀེ་ན ཨ་རི་ཡ་མ་གྒེ་ན ཙ་ཏྟཱ་རི སཱ་མ་ཉྙ་ཕ་ལཱ་ནི ས་ཙྪི་ཀ་རོ་ཏི, ཛྷཱ་ནཱ ཛྷཱ་ནཾ ས་ངྐ་མ་ཏི, ཨ་ཏྠི ཛྷཱ་ན་ནྟ་རི་ཀཱ, ས་མཱ་པ་ནྣོ ས་དྡཾ སུ་ཎཱ་ཏི, ཙ་ཀྑུ་ནཱ རཱུ་པཾ པ་སྶ་ཏི ཀཱ་ཡེ་ན ཕོ་ཊྛ་བྦཾ ཕུ་ས་ཏི.