༡༣. ཏེ་ར་ས་མ་ཝ་གྒོ

(༡༣༢) ༧. ས་མཱ་པ་ནྣོ ཨ་སྶཱ་དེ་ཏི་ཀ་ཐཱ

༦༧༡. ས་མཱ་པ་ནྣོ ཨ་སྶཱ་དེ་ཏི, ཛྷཱ་ན་ནི་ཀ་ནྟི ཛྷཱ་ནཱ་ར་མྨ་ཎཱ་ཏི? ཨཱ་མ་ནྟཱ. ཏཾ ཛྷཱ་ནཾ ཏ་སྶ ཛྷཱ་ན་སྶ ཨཱ་ར་མྨ་ཎ་ནྟི? ན ཧེ་ཝཾ ཝ་ཏྟ་བྦེ…པེ… ཏཾ ཛྷཱ་ནཾ ཏ་སྶ ཛྷཱ་ན་སྶ ཨཱ་ར་མྨ་ཎ་ནྟི? ཨཱ་མ་ནྟཱ. ཏེ་ན ཕ་སྶེ་ན ཏཾ ཕ་སྶཾ ཕུ་ས་ཏི, ཏཱ་ཡ ཝེ་ད་ནཱ་ཡ ཏཾ ཝེ་ད་ནཾ ཝེ་དེ་ཏི, ཏཱ་ཡ ས་ཉྙཱ་ཡ ཏཾ ས་ཉྙཾ ས་ཉྫཱ་ནཱ་ཏི, ཏཱ་ཡ ཙེ་ཏ་ནཱ་ཡ ཏཾ ཙེ་ཏ་ནཾ ཙེ་ཏེ་ཏི, ཏེ་ན ཙི་ཏྟེ་ན ཏཾ ཙི་ཏྟཾ ཙི་ནྟེ་ཏི, ཏེ་ན ཝི་ཏ་ཀྐེ་ན ཏཾ ཝི་ཏ་ཀྐཾ ཝི་ཏ་ཀྐེ་ཏི, ཏེ་ན ཝི་ཙཱ་རེ་ན ཏཾ ཝི་ཙཱ་རཾ ཝི་ཙཱ་རེ་ཏི, ཏཱ་ཡ པཱི་ཏི་ཡཱ ཏཾ པཱི་ཏི པི་ཡཱ་ཡ་ཏི, ཏཱ་ཡ ས་ཏི་ཡཱ ཏཾ ས་ཏིཾ ས་ར་ཏི, ཏཱ་ཡ པ་ཉྙཱ་ཡ ཏཾ པ་ཉྙཾ པ་ཛཱ་ནཱ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

ཛྷཱ་ན་ནི་ཀ་ནྟི ཙི་ཏྟ་ས་མྤ་ཡུ་ཏྟཱ, ཛྷཱ་ནཾ ཙི་ཏྟ་ས་མྤ་ཡུ་ཏྟ་ནྟི? ཨཱ་མ་ནྟཱ. དྭི་ནྣཾ ཕ་སྶཱ་ནཾ…པེ… དྭི་ནྣཾ ཙི་ཏྟཱ་ནཾ ས་མོ་དྷཱ་ནཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

ཛྷཱ་ན་ནི་ཀ་ནྟི ཨ་ཀུ་ས་ལཾ, ཛྷཱ་ནཾ ཀུ་ས་ལ་ནྟི? ཨཱ་མ་ནྟཱ. ཀུ་ས་ལཱ་ཀུ་ས་ལཱ སཱ་ཝ་ཛྫཱ་ན་ཝ་ཛྫཱ ཧཱི་ན་པ་ཎཱི་ཏཱ ཀ་ཎྷ་སུ་ཀྐ་ས་པྤ་ཊི་བྷཱ་གཱ དྷ་མྨཱ ས་མྨུ་ཁཱི་བྷཱ་ཝཾ ཨཱ་ག་ཙྪ་ནྟཱི་ཏི? ན ཧེ་ཝཾ ཝ་ཏྟ་བྦེ…པེ….

༦༧༢. ཀུ་ས་ལཱ་ཀུ་ས་ལཱ སཱ་ཝ་ཛྫཱ་ན་ཝ་ཛྫཱ ཧཱི་ན་པ་ཎཱི་ཏཱ ཀ་ཎྷ་སུ་ཀྐ་ས་པྤ་ཊི་བྷཱ་གཱ དྷ་མྨཱ ས་མྨུ་ཁཱི་བྷཱ་ཝཾ ཨཱ་ག་ཙྪ་ནྟཱི་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཙ་ཏྟཱ་རི་མཱ་ནི, བྷི་ཀྑ་ཝེ, སུ་ཝི་དཱུ་ར་ཝི་དཱུ་རཱ་ནི! ཀ་ཏ་མཱ་ནི ཙ་ཏྟཱ་རི? ན་བྷ་ཉྩ, བྷི་ཀྑ་ཝེ, པ་ཐ་ཝཱི ཙ – ཨི་དཾ པ་ཋ་མཾ སུ་ཝི་དཱུ་ར་ཝི་དཱུ་རཾ…པེ… ཏ་སྨཱ ས་ཏཾ དྷ་མྨོ ཨ་ས་བྦྷི ཨཱ་ར་ཀཱ’’ཏི. ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ན ཝ་ཏྟ་བྦཾ – ‘‘ཀུ་ས་ལཱ་ཀུ་ས་ལཱ སཱ་ཝ་ཛྫཱ་ན་ཝ་ཛྫཱ ཧཱི་ན་པ་ཎཱི་ཏཱ ཀ་ཎྷ་སུ་ཀྐ་ས་པྤ་ཊི་བྷཱ་གཱ དྷ་མྨཱ ས་མྨུ་ཁཱི་བྷཱ་ཝཾ ཨཱ་ག་ཙྪ་ནྟཱི’’ཏི.

༦༧༣. ན ཝ་ཏྟ་བྦཾ – ‘‘ས་མཱ་པ་ནྣོ ཨ་སྶཱ་དེ་ཏི, ཛྷཱ་ན་ནི་ཀ་ནྟི ཛྷཱ་ནཱ་ར་མྨ་ཎཱ’’ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཨི་དྷ, བྷི་ཀྑ་ཝེ, བྷི་ཀྑུ ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, སོ ཏཾ ཨ་སྶཱ་དེ་ཏི ཏཾ ནི་ཀཱ་མེ་ཏི ཏེ་ན ཙ ཝི་ཏྟིཾ ཨཱ་པ་ཛྫ་ཏི; ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, སོ ཏཾ ཨ་སྶཱ་དེ་ཏི ཏཾ ནི་ཀཱ་མེ་ཏི ཏེ་ན ཙ ཝི་ཏྟིཾ ཨཱ་པ་ཛྫ་ཏཱི’’ཏི [ཨ. ནི. ༤.༡༢༣]! ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ས་མཱ་པ་ནྣོ ཨ་སྶཱ་དེ་ཏི, ཛྷཱ་ན་ནི་ཀ་ནྟི ཛྷཱ་ནཱ་ར་མྨ་ཎཱ་ཏི.

ས་མཱ་པ་ནྣོ ཨ་སྶཱ་དེ་ཏི་ཀ་ཐཱ ནི་ཊྛི་ཏཱ.