༣. ཏ་ཏི་ཡ་ཝ་གྒོ
(༢༧) ༧. དི་བྦ་ཙ་ཀྑུ་ཀ་ཐཱ
༣༧༣. མཾ་ས་ཙ་ཀྑུཾ དྷ་མྨུ་པ་ཏྠ་དྡྷཾ དི་བྦ་ཙ་ཀྑུཾ ཧོ་ཏཱི་ཏི? ཨཱ་མ་ནྟཱ. མཾ་ས་ཙ་ཀྑུཾ དི་བྦ་ཙ་ཀྑུཾ, དི་བྦ་ཙ་ཀྑུཾ མཾ་ས་ཙ་ཀྑུ་ནྟི? ན ཧེ་ཝཾ ཝ་ཏྟ་བྦེ…པེ….
མཾ་ས་ཙ་ཀྑུཾ དྷ་མྨུ་པ་ཏྠ་དྡྷཾ དི་བྦ་ཙ་ཀྑུཾ ཧོ་ཏཱི་ཏི? ཨཱ་མ་ནྟཱ. ཡཱ་དི་སཾ མཾ་ས་ཙ་ཀྑུཾ ཏཱ་དི་སཾ དི་བྦ་ཙ་ཀྑུཾ, ཡཱ་དི་སཾ དི་བྦ་ཙ་ཀྑུཾ ཏཱ་དི་སཾ མཾ་ས་ཙ་ཀྑུ་ནྟི? ན ཧེ་ཝཾ ཝ་ཏྟ་བྦེ…པེ….
མཾ་ས་ཙ་ཀྑུཾ དྷ་མྨུ་པ་ཏྠ་དྡྷཾ དི་བྦ་ཙ་ཀྑུཾ ཧོ་ཏཱི་ཏི? ཨཱ་མ་ནྟཱ. ཏ་ཉྙེ་ཝ མཾ་ས་ཙ་ཀྑུཾ ཏཾ དི་བྦ་ཙ་ཀྑུཾ, ཏཾ དི་བྦ་ཙ་ཀྑུཾ ཏཾ མཾ་ས་ཙ་ཀྑུ་ནྟི? ན ཧེ་ཝཾ ཝ་ཏྟ་བྦེ…པེ….
མཾ་ས་ཙ་ཀྑུཾ དྷ་མྨུ་པ་ཏྠ་དྡྷཾ དི་བྦ་ཙ་ཀྑུཾ ཧོ་ཏཱི་ཏི? ཨཱ་མ་ནྟཱ. ཡཱ་དི་སོ མཾ་ས་ཙ་ཀྑུ་སྶ ཝི་ས་ཡོ ཨཱ་ནུ་བྷཱ་ཝོ གོ་ཙ་རོ ཏཱ་དི་སོ དི་བྦ་སྶ ཙ་ཀྑུ་སྶ ཝི་ས་ཡོ ཨཱ་ནུ་བྷཱ་ཝོ གོ་ཙ་རོ་ཏི? ན ཧེ་ཝཾ ཝ་ཏྟ་བྦེ…པེ….
མཾ་ས་ཙ་ཀྑུཾ དྷ་མྨུ་པ་ཏྠ་དྡྷཾ དི་བྦ་ཙ་ཀྑུཾ ཧོ་ཏཱི་ཏི? ཨཱ་མ་ནྟཱ. ཨུ་པཱ་དི་ཎྞཾ [ཨུ་པཱ་དི་ནྣཾ (སྱཱ. ཀཾ.)] ཧུ་ཏྭཱ ཨ་ནུ་པཱ་དི་ཎྞཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
ཨུ་པཱ་དི་ཎྞཾ ཧུ་ཏྭཱ ཨ་ནུ་པཱ་དི་ཎྞཾ ཧོ་ཏཱི་ཏི? ཨཱ་མ་ནྟཱ. ཀཱ་མཱ་ཝ་ཙ་རཾ ཧུ་ཏྭཱ རཱུ་པཱ་ཝ་ཙ་རཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
ཀཱ་མཱ་ཝ་ཙ་རཾ ཧུ་ཏྭཱ རཱུ་པཱ་ཝ་ཙ་རཾ ཧོ་ཏཱི་ཏི? ཨཱ་མ་ནྟཱ. རཱུ་པཱ་ཝ་ཙ་རཾ ཧུ་ཏྭཱ ཨ་རཱུ་པཱ་ཝ་ཙ་རཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
རཱུ་པཱ་ཝ་ཙ་རཾ ཧུ་ཏྭཱ ཨ་རཱུ་པཱ་ཝ་ཙ་རཾ ཧོ་ཏཱི་ཏི? ཨཱ་མ་ནྟཱ. པ་རི་ཡཱ་པ་ནྣཾ ཧུ་ཏྭཱ ཨ་པ་རི་ཡཱ་པ་ནྣཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
༣༧༤. མཾ་ས་ཙ་ཀྑུཾ དྷ་མྨུ་པ་ཏྠ་དྡྷཾ དི་བྦ་ཙ་ཀྑུཾ ཧོ་ཏཱི་ཏི? ཨཱ་མ་ནྟཱ. དི་བྦ་ཙ་ཀྑུཾ དྷ་མྨུ་པ་ཏྠ་དྡྷཾ མཾ་ས་ཙ་ཀྑུཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
མཾ་ས་ཙ་ཀྑུཾ དྷ་མྨུ་པ་ཏྠ་དྡྷཾ དི་བྦ་ཙ་ཀྑུཾ ཧོ་ཏཱི་ཏི? ཨཱ་མ་ནྟཱ. དི་བྦ་ཙ་ཀྑུཾ དྷ་མྨུ་པ་ཏྠ་དྡྷཾ པ་ཉྙཱ་ཙ་ཀྑུཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
མཾ་ས་ཙ་ཀྑུཾ དྷ་མྨུ་པ་ཏྠ་དྡྷཾ དི་བྦ་ཙ་ཀྑུཾ ཧོ་ཏཱི་ཏི? ཨཱ་མ་ནྟཱ. དི་བྦ་ཙ་ཀྑུཾ དྷ་མྨུ་པ་ཏྠ་དྡྷཾ མཾ་ས་ཙ་ཀྑུཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….
མཾ་ས་ཙ་ཀྑུཾ དྷ་མྨུ་པ་ཏྠ་དྡྷཾ དི་བྦ་ཙ་ཀྑུཾ ཧོ་ཏཱི་ཏི? ཨཱ་མ་ནྟཱ. དྭེ་ཝ ཙ་ཀྑཱུ་ནཱི་ཏི? ན ཧེ་ཝཾ ཝ་ཏྟ་བྦེ…པེ… དྭེ་ཝ ཙ་ཀྑཱུ་ནཱི་ཏི? ཨཱ་མ་ནྟཱ. ན་ནུ ཏཱི་ཎི ཙ་ཀྑཱུ་ནི ཝུ་ཏྟཱ་ནི བྷ་ག་ཝ་ཏཱ – མཾ་ས་ཙ་ཀྑུཾ, དི་བྦ་ཙ་ཀྑུཾ, པ་ཉྙཱ་ཙ་ཀྑུ་ནྟི? ཨཱ་མ་ནྟཱ. ཧ་ཉྩི ཏཱི་ཎི ཙ་ཀྑཱུ་ནི ཝུ་ཏྟཱ་ནི བྷ་ག་ཝ་ཏཱ – མཾ་ས་ཙ་ཀྑུཾ, དི་བྦ་ཙ་ཀྑུཾ, པ་ཉྙཱ་ཙ་ཀྑུཾ, ནོ ཙ ཝ་ཏ རེ ཝ་ཏྟ་བྦེ – ‘‘དྭེ་ཝ ཙ་ཀྑཱུ་ནཱི’’ཏི.
དྭེ་ཝ ཙ་ཀྑཱུ་ནཱི་ཏི? ཨཱ་མ་ནྟཱ. ན་ནུ ཝུ་ཏྟཾ བྷ་ག་ཝ་ཏཱ – ‘‘ཏཱི་ཎི་མཱ་ནི, བྷི་ཀྑ་ཝེ, ཙ་ཀྑཱུ་ནི! ཀ་ཏ་མཱ་ནི ཏཱི་ཎི? མཾ་ས་ཙ་ཀྑུཾ, དི་བྦ་ཙ་ཀྑུཾ, པ་ཉྙཱ་ཙ་ཀྑུ་ནྟི – ཨི་མཱ་ནི ཁོ, བྷི་ཀྑ་ཝེ, ཏཱི་ཎི ཙ་ཀྑཱུ་ནཱི’’ཏི.
‘‘མཾ་ས་ཙ་ཀྑུཾ དི་བྦ་ཙ་ཀྑུཾ, པ་ཉྙཱ་ཙ་ཀྑུཾ ཨ་ནུ་ཏྟ་རཾ;
ཨེ་ཏཱ་ནི ཏཱི་ཎི ཙ་ཀྑཱུ་ནི, ཨ་ཀྑཱ་སི པུ་རི་སུ་ཏྟ་མོ.
‘‘མཾ་ས་ཙ་ཀྑུ་སྶ ཨུ་པྤཱ་དོ, མ་གྒོ དི་བྦ་སྶ ཙ་ཀྑུ་ནོ;
ཡ་དཱ ཙ ཉཱ་ཎཾ ཨུ་ད་པཱ་དི, པ་ཉྙཱ་ཙ་ཀྑུཾ ཨ་ནུ་ཏྟ་རཾ;
ཏ་སྶ ཙ་ཀྑུ་སྶ པ་ཊི་ལཱ་བྷཱ, ས་བྦ་དུ་ཀྑཱ པ་མུ་ཙྩ་ཏཱི’’ཏི [ཨི་ཏི་ཝུ. ༦༡ ཨི་ཏི་ཝུ་ཏྟ་ཀེ].
ཨ་ཏྠེ་ཝ སུ་ཏྟ་ནྟོ་ཏི? ཨཱ་མ་ནྟཱ. ཏེ་ན ཧི ན ཝ་ཏྟ་བྦཾ – ‘‘དྭེ་ཝ ཙ་ཀྑཱུ་ནཱི’’ཏི.
དི་བྦ་ཙ་ཀྑུ་ཀ་ཐཱ ནི་ཊྛི་ཏཱ.