༣. ཏ་ཏི་ཡ་ཝ་གྒོ

(༢༨) ༨. དི་བྦ་སོ་ཏ་ཀ་ཐཱ

༣༧༥. མཾ་ས་སོ་ཏཾ དྷ་མྨུ་པ་ཏྠ་དྡྷཾ དི་བྦ་སོ་ཏཾ ཧོ་ཏཱི་ཏི? ཨཱ་མ་ནྟཱ. མཾ་ས་སོ་ཏཾ དི་བྦ་སོ་ཏཾ, དི་བྦ་སོ་ཏཾ མཾ་ས་སོ་ཏ་ནྟི? ན ཧེ་ཝཾ ཝ་ཏྟ་བྦེ…པེ….

མཾ་ས་སོ་ཏཾ དྷ་མྨུ་པ་ཏྠ་དྡྷཾ དི་བྦ་སོ་ཏཾ ཧོ་ཏཱི་ཏི? ཨཱ་མ་ནྟཱ. ཡཱ་དི་སཾ མཾ་ས་སོ་ཏཾ ཏཱ་དི་སཾ དི་བྦ་སོ་ཏཾ, ཡཱ་དི་སཾ དི་བྦ་སོ་ཏཾ ཏཱ་དི་སཾ མཾ་ས་སོ་ཏ་ནྟི? ན ཧེ་ཝཾ ཝ་ཏྟ་བྦེ…པེ….

མཾ་ས་སོ་ཏཾ དྷ་མྨུ་པ་ཏྠ་དྡྷཾ དི་བྦ་སོ་ཏཾ ཧོ་ཏཱི་ཏི? ཨཱ་མ་ནྟཱ. ཏ་ཉྙེ་ཝ མཾ་ས་སོ་ཏཾ ཏཾ དི་བྦ་སོ་ཏཾ, ཏཾ དི་བྦ་སོ་ཏཾ ཏཾ མཾ་ས་སོ་ཏ་ནྟི? ན ཧེ་ཝཾ ཝ་ཏྟ་བྦེ…པེ….

མཾ་ས་སོ་ཏཾ དྷ་མྨུ་པ་ཏྠ་དྡྷཾ དི་བྦ་སོ་ཏཾ ཧོ་ཏཱི་ཏི? ཨཱ་མ་ནྟཱ. ཡཱ་དི་སོ མཾ་ས་སོ་ཏ་སྶ ཝི་ས་ཡོ ཨཱ་ནུ་བྷཱ་ཝོ གོ་ཙ་རོ ཏཱ་དི་སོ དི་བྦ་སྶ སོ་ཏ་སྶ ཝི་ས་ཡོ ཨཱ་ནུ་བྷཱ་ཝོ གོ་ཙ་རོ་ཏི? ན ཧེ་ཝཾ ཝ་ཏྟ་བྦེ…པེ….

མཾ་ས་སོ་ཏཾ དྷ་མྨུ་པ་ཏྠ་དྡྷཾ དི་བྦ་སོ་ཏཾ ཧོ་ཏཱི་ཏི? ཨཱ་མ་ནྟཱ. ཨུ་པཱ་དི་ཎྞཾ ཧུ་ཏྭཱ ཨ་ནུ་པཱ་དི་ཎྞཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

ཨུ་པཱ་དི་ཎྞཾ ཧུ་ཏྭཱ ཨ་ནུ་པཱ་དི་ཎྞཾ ཧོ་ཏཱི་ཏི? ཨཱ་མ་ནྟཱ. ཀཱ་མཱ་ཝ་ཙ་རཾ ཧུ་ཏྭཱ རཱུ་པཱ་ཝ་ཙ་རཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

ཀཱ་མཱ་ཝ་ཙ་རཾ ཧུ་ཏྭཱ རཱུ་པཱ་ཝ་ཙ་རཾ ཧོ་ཏཱི་ཏི? ཨཱ་མ་ནྟཱ. རཱུ་པཱ་ཝ་ཙ་རཾ ཧུ་ཏྭཱ ཨ་རཱུ་པཱ་ཝ་ཙ་རཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

རཱུ་པཱ་ཝ་ཙ་རཾ ཧུ་ཏྭཱ ཨ་རཱུ་པཱ་ཝ་ཙ་རཾ ཧོ་ཏཱི་ཏི? ཨཱ་མ་ནྟཱ. པ་རི་ཡཱ་པ་ནྣཾ ཧུ་ཏྭཱ ཨ་པ་རི་ཡཱ་པ་ནྣཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

༣༧༦. མཾ་ས་སོ་ཏཾ དྷ་མྨུ་པ་ཏྠ་དྡྷཾ དི་བྦ་སོ་ཏཾ ཧོ་ཏཱི་ཏི? ཨཱ་མ་ནྟཱ. དི་བྦ་སོ་ཏཾ དྷ་མྨུ་པ་ཏྠ་དྡྷཾ མཾ་ས་སོ་ཏཾ ཧོ་ཏཱི་ཏི? ན ཧེ་ཝཾ ཝ་ཏྟ་བྦེ…པེ….

མཾ་ས་སོ་ཏཾ དྷ་མྨུ་པ་ཏྠ་དྡྷཾ དི་བྦ་སོ་ཏཾ ཧོ་ཏཱི་ཏི? ཨཱ་མ་ནྟཱ. ཨེ་ཀཾ་ཡེ་ཝ སོ་ཏ་ནྟི? ན ཧེ་ཝཾ ཝ་ཏྟ་བྦེ…པེ….

ཨེ་ཀཾ་ཡེ་ཝ སོ་ཏ་ནྟི? ཨཱ་མ་ནྟཱ. ན་ནུ དྭེ སོ་ཏཱ་ནི ཝུ་ཏྟཱ་ནི བྷ་ག་ཝ་ཏཱ – ‘‘མཾ་ས་སོ་ཏཾ, དི་བྦ་སོ་ཏ’’ནྟི? ཨཱ་མ་ནྟཱ. ཧ་ཉྩི དྭེ སོ་ཏཱ་ནི ཝུ་ཏྟཱ་ནི བྷ་ག་ཝ་ཏཱ – མཾ་ས་སོ་ཏཾ, དི་བྦ་སོ་ཏཾ, ནོ ཙ ཝ་ཏ རེ ཝ་ཏྟ་བྦེ – ‘‘ཨེ་ཀ་ཉྙེ་ཝ སོ་ཏ’’ནྟི.

དི་བྦ་སོ་ཏ་ཀ་ཐཱ ནི་ཊྛི་ཏཱ.