༣. ནི་ཀྑེ་པ་ཀ་ཎྜཾ
ཏི་ཀ་ནི་ཀྑེ་པཾ
༩༨༥. ཀ་ཏ་མེ དྷ་མྨཱ ཀུ་ས་ལཱ? ཏཱི་ཎི ཀུ་ས་ལ་མཱུ་ལཱ་ནི – ཨ་ལོ་བྷོ, ཨ་དོ་སོ, ཨ་མོ་ཧོ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ; ཏཾ་ས་མུ་ཊྛཱ་ནཾ ཀཱ་ཡ་ཀ་མྨཾ, ཝ་ཙཱི་ཀ་མྨཾ, མ་ནོ་ཀ་མྨཾ – ཨི་མེ དྷ་མྨཱ ཀུ་ས་ལཱ.
༩༨༦. ཀ་ཏ་མེ དྷ་མྨཱ ཨ་ཀུ་ས་ལཱ? ཏཱི་ཎི ཨ་ཀུ་ས་ལ་མཱུ་ལཱ་ནི – ལོ་བྷོ, དོ་སོ, མོ་ཧོ; ཏ་དེ་ཀ་ཊྛཱ ཙ ཀི་ལེ་སཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ; ཏཾ་ས་མུ་ཊྛཱ་ནཾ ཀཱ་ཡ་ཀ་མྨཾ, ཝ་ཙཱི་ཀ་མྨཾ, མ་ནོ་ཀ་མྨཾ – ཨི་མེ དྷ་མྨཱ ཨ་ཀུ་ས་ལཱ.
༩༨༧. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ; ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ; ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ; ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་བྱཱ་ཀ་ཏཱ.
༩༨༨. ཀ་ཏ་མེ དྷ་མྨཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ? སུ་ཁ་བྷཱུ་མི་ཡཾ ཀཱ་མཱ་ཝ་ཙ་རེ, རཱུ་པཱ་ཝ་ཙ་རེ, ཨ་པ་རི་ཡཱ་པ་ནྣེ, སུ་ཁཾ ཝེ་ད་ནཾ ཋ་པེ་ཏྭཱ; ཏཾ་ས་མྤ་ཡུ་ཏྟོ ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ.
༩༨༩. ཀ་ཏ་མེ དྷ་མྨཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ? དུ་ཀྑ་བྷཱུ་མི་ཡཾ ཀཱ་མཱ་ཝ་ཙ་རེ, དུ་ཀྑཾ ཝེ་ད་ནཾ ཋ་པེ་ཏྭཱ; ཏཾ་ས་མྤ་ཡུ་ཏྟོ ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ.
༩༩༠. ཀ་ཏ་མེ དྷ་མྨཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ? ཨ་དུ་ཀྑ་མ་སུ་ཁ་བྷཱུ་མི་ཡཾ ཀཱ་མཱ་ཝ་ཙ་རེ, རཱུ་པཱ་ཝ་ཙ་རེ, ཨ་རཱུ་པཱ་ཝ་ཙ་རེ, ཨ་པ་རི་ཡཱ་པ་ནྣེ, ཨ་དུ་ཀྑ་མ་སུ་ཁཾ ཝེ་ད་ནཾ ཋ་པེ་ཏྭཱ; ཏཾ་ས་མྤ་ཡུ་ཏྟོ ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ.
༩༩༡. ཀ་ཏ་མེ དྷ་མྨཱ ཝི་པཱ་ཀཱ? ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཝི་པཱ་ཀཱ.
༩༩༢. ཀ་ཏ་མེ དྷ་མྨཱ ཝི་པཱ་ཀ་དྷ་མྨ་དྷ་མྨཱ? ཀུ་ས་ལཱ་ཀུ་ས་ལཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཝི་པཱ་ཀ་དྷ་མྨ་དྷ་མྨཱ.
༩༩༣. ཀ་ཏ་མེ དྷ་མྨཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ? ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ.
༩༩༤. ཀ་ཏ་མེ དྷ་མྨཱ ཨུ་པཱ་དི་ཎྞུ་པཱ་དཱ་ནི་ཡཱ? སཱ་ས་ཝཱ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཡ་ཉྩ རཱུ་པཾ ཀ་མྨ་སྶ ཀ་ཏ་ཏྟཱ – ཨི་མེ དྷ་མྨཱ ཨུ་པཱ་དི་ཎྞུ་པཱ་དཱ་ནི་ཡཱ.
༩༩༥. ཀ་ཏ་མེ དྷ་མྨཱ ཨ་ནུ་པཱ་དི་ཎྞུ་པཱ་དཱ་ནི་ཡཱ? སཱ་ས་ཝཱ ཀུ་ས་ལཱ་ཀུ་ས་ལཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ; ཡ་ཉྩ རཱུ་པཾ ན ཀ་མྨ་སྶ ཀ་ཏ་ཏྟཱ – ཨི་མེ དྷ་མྨཱ ཨ་ནུ་པཱ་དི་ཎྞུ་པཱ་དཱ་ནི་ཡཱ.
༩༩༦. ཀ་ཏ་མེ དྷ་མྨཱ ཨ་ནུ་པཱ་དི་ཎྞ་ཨ་ནུ་པཱ་དཱ་ནི་ཡཱ? ཨ་པ་རི་ཡཱ་པ་ནྣཱ མ་གྒཱ ཙ, མ་གྒ་ཕ་ལཱ་ནི ཙ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་ནུ་པཱ་དི་ཎྞ་ཨ་ནུ་པཱ་དཱ་ནི་ཡཱ.
༩༩༧. ཀ་ཏ་མེ དྷ་མྨཱ སཾ་ཀི་ལི་ཊྛ་སཾ་ཀི་ལེ་སི་ཀཱ? ཏཱི་ཎི ཨ་ཀུ་ས་ལ་མཱུ་ལཱ་ནི – ལོ་བྷོ, དོ་སོ, མོ་ཧོ; ཏ་དེ་ཀ་ཊྛཱ ཙ ཀི་ལེ་སཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཏཾ་ས་མུ་ཊྛཱ་ནཾ ཀཱ་ཡ་ཀ་མྨཾ, ཝ་ཙཱི་ཀ་མྨཾ, མ་ནོ་ཀ་མྨཾ – ཨི་མེ དྷ་མྨཱ སཾ་ཀི་ལི་ཊྛ་སཾ་ཀི་ལེ་སི་ཀཱ.
༩༩༨. ཀ་ཏ་མེ དྷ་མྨཱ ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ? སཱ་ས་ཝཱ ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ; རཱུ་པ་ཀྑ་ནྡྷོ, ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ.
༩༩༩. ཀ་ཏ་མེ དྷ་མྨཱ ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ? ཨ་པ་རི་ཡཱ་པ་ནྣཱ མ་གྒཱ ཙ, མ་གྒ་ཕ་ལཱ་ནི ཙ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ.
༡༠༠༠. ཀ་ཏ་མེ དྷ་མྨཱ ས་ཝི་ཏ་ཀྐ་ས་ཝི་ཙཱ་རཱ? ས་ཝི་ཏ་ཀྐ་ས་ཝི་ཙཱ་ར་བྷཱུ་མི་ཡཾ ཀཱ་མཱ་ཝ་ཙ་རེ, རཱུ་པཱ་ཝ་ཙ་རེ, ཨ་པ་རི་ཡཱ་པ་ནྣེ, ཝི་ཏ་ཀྐ་ཝི་ཙཱ་རེ ཋ་པེ་ཏྭཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ས་ཝི་ཏ་ཀྐ་ས་ཝི་ཙཱ་རཱ.
༡༠༠༡. ཀ་ཏ་མེ དྷ་མྨཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ? ཨ་ཝི་ཏ་ཀྐ་ཝི་ཙཱ་ར་མ་ཏྟ་བྷཱུ་མི་ཡཾ རཱུ་པཱ་ཝ་ཙ་རེ, ཨ་པ་རི་ཡཱ་པ་ནྣེ, ཝི་ཙཱ་རཾ ཋ་པེ་ཏྭཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ.
༡༠༠༢. ཀ་ཏ་མེ དྷ་མྨཱ ཨ་ཝི་ཏ་ཀྐ་ཨ་ཝི་ཙཱ་རཱ? ཨ་ཝི་ཏ་ཀྐ་ཨ་ཝི་ཙཱ་ར་བྷཱུ་མི་ཡཾ ཀཱ་མཱ་ཝ་ཙ་རེ, རཱུ་པཱ་ཝ་ཙ་རེ, ཨ་རཱུ་པཱ་ཝ་ཙ་རེ, ཨ་པ་རི་ཡཱ་པ་ནྣེ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་ཝི་ཏ་ཀྐ་ཨ་ཝི་ཙཱ་རཱ.
༡༠༠༣. ཀ་ཏ་མེ དྷ་མྨཱ པཱི་ཏི་ས་ཧ་ག་ཏཱ? པཱི་ཏི་བྷཱུ་མི་ཡཾ ཀཱ་མཱ་ཝ་ཙ་རེ, རཱུ་པཱ་ཝ་ཙ་རེ, ཨ་པ་རི་ཡཱ་པ་ནྣེ, པཱི་ཏིཾ ཋ་པེ་ཏྭཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ པཱི་ཏི་ས་ཧ་ག་ཏཱ.
༡༠༠༤. ཀ་ཏ་མེ དྷ་མྨཱ སུ་ཁ་ས་ཧ་ག་ཏཱ? སུ་ཁ་བྷཱུ་མི་ཡཾ ཀཱ་མཱ་ཝ་ཙ་རེ, རཱུ་པཱ་ཝ་ཙ་རེ, ཨ་པ་རི་ཡཱ་པ་ནྣེ, སུ་ཁཾ ཋ་པེ་ཏྭཱ; ཏཾ་ས་མྤ་ཡུ་ཏྟོ ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ སུ་ཁ་ས་ཧ་ག་ཏཱ.
༡༠༠༥. ཀ་ཏ་མེ དྷ་མྨཱ ཨུ་པེ་ཀྑཱ་ས་ཧ་ག་ཏཱ? ཨུ་པེ་ཀྑཱ་བྷཱུ་མི་ཡཾ ཀཱ་མཱ་ཝ་ཙ་རེ, རཱུ་པཱ་ཝ་ཙ་རེ, ཨ་རཱུ་པཱ་ཝ་ཙ་རེ, ཨ་པ་རི་ཡཱ་པ་ནྣེ, ཨུ་པེ་ཀྑཾ ཋ་པེ་ཏྭཱ; ཏཾ་ས་མྤ་ཡུ་ཏྟོ ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཨུ་པེ་ཀྑཱ་ས་ཧ་ག་ཏཱ.
༡༠༠༦. ཀ་ཏ་མེ དྷ་མྨཱ ད་སྶ་ནེ་ན པ་ཧཱ་ཏ་བྦཱ? ཏཱི་ཎི སཾ་ཡོ་ཛ་ནཱ་ནི – ས་ཀྐཱ་ཡ་དི་ཊྛི, ཝི་ཙི་ཀི་ཙྪཱ, སཱི་ལ་བྦ་ཏ་པ་རཱ་མཱ་སོ.
༡༠༠༧. ཏ་ཏྠ ཀ་ཏ་མཱ ས་ཀྐཱ་ཡ་དི་ཊྛི? ཨི་དྷ ཨ་སྶུ་ཏ་ཝཱ པུ་ཐུ་ཛྫ་ནོ ཨ་རི་ཡཱ་ནཾ ཨ་ད་སྶཱ་ཝཱི ཨ་རི་ཡ་དྷ་མྨ་སྶ ཨ་ཀོ་ཝི་དོ ཨ་རི་ཡ་དྷ་མྨེ ཨ་ཝི་ནཱི་ཏོ ས་པྤུ་རི་སཱ་ནཾ ཨ་ད་སྶཱ་ཝཱི ས་པྤུ་རི་ས་དྷ་མྨ་སྶ ཨ་ཀོ་ཝི་དོ ས་པྤུ་རི་ས་དྷ་མྨེ ཨ་ཝི་ནཱི་ཏོ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི, རཱུ་པ་ཝ་ནྟཾ ཝཱ ཨ་ཏྟཱ་ནཾ, ཨ་ཏྟ་ནི ཝཱ རཱུ་པཾ, རཱུ་པ་སྨིཾ ཝཱ ཨ་ཏྟཱ་ནཾ. ཝེ་ད་ནཾ ཨ་ཏྟ་ཏོ ས་མ་ནུ་པ་སྶ་ཏི, ཝེ་ད་ནཱ་ཝ་ནྟཾ ཝཱ ཨ་ཏྟཱ་ནཾ, ཨ་ཏྟ་ནི ཝཱ ཝེ་ད་ནཾ, ཝེ་ད་ནཱ་ཡ ཝཱ ཨ་ཏྟཱ་ནཾ. ས་ཉྙཾ ཨ་ཏྟ་ཏོ ས་མ་ནུ་པ་སྶ་ཏི, ས་ཉྙཱ་ཝ་ནྟཾ ཝཱ ཨ་ཏྟཱ་ནཾ, ཨ་ཏྟ་ནི ཝཱ ས་ཉྙཾ, ས་ཉྙཱ་ཡ ཝཱ ཨ་ཏྟཱ་ནཾ. ས་ངྑཱ་རེ ཨ་ཏྟ་ཏོ ས་མ་ནུ་པ་སྶ་ཏི, ས་ངྑཱ་ར་ཝ་ནྟཾ ཝཱ ཨ་ཏྟཱ་ནཾ, ཨ་ཏྟ་ནི ཝཱ ས་ངྑཱ་རེ, ས་ངྑཱ་རེ་སུ ཝཱ ཨ་ཏྟཱ་ནཾ. ཝི་ཉྙཱ་ཎཾ ཨ་ཏྟ་ཏོ ས་མ་ནུ་པ་སྶ་ཏི, ཝི་ཉྙཱ་ཎ་ཝ་ནྟཾ ཝཱ ཨ་ཏྟཱ་ནཾ, ཨ་ཏྟ་ནི ཝཱ ཝི་ཉྙཱ་ཎཾ, ཝི་ཉྙཱ་ཎ་སྨིཾ ཝཱ ཨ་ཏྟཱ་ནཾ. ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ དི་ཊྛི་ག་ཧ་ནཾ དི་ཊྛི་ཀ་ནྟཱ་རོ དི་ཊྛི་ཝི་སཱུ་ཀཱ་ཡི་ཀཾ [དི་ཊྛི་ཝི་སཱུ་ཀཱ་ཡི་ཏཾ (སཱི.)] དི་ཊྛི་ཝི་པྥ་ནྡི་ཏཾ དི་ཊྛི་སཾ་ཡོ་ཛ་ནཾ གཱ་ཧོ པ་ཊི་གྒཱ་ཧོ ཨ་བྷི་ནི་ཝེ་སོ པ་རཱ་མཱ་སོ ཀུ་མྨ་གྒོ མི་ཙྪཱ་པ་ཐོ མི་ཙྪ་ཏྟཾ ཏི་ཏྠཱ་ཡ་ཏ་ནཾ ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི ས་ཀྐཱ་ཡ་དི་ཊྛི.
༡༠༠༨. ཏ་ཏྠ ཀ་ཏ་མཱ ཝི་ཙི་ཀི་ཙྪཱ? ས་ཏྠ་རི ཀ་ངྑ་ཏི ཝི་ཙི་ཀི་ཙྪ་ཏི, དྷ་མྨེ ཀ་ངྑ་ཏི ཝི་ཙི་ཀི་ཙྪ་ཏི, ས་ངྒྷེ ཀ་ངྑ་ཏི ཝི་ཙི་ཀི་ཙྪ་ཏི, སི་ཀྑཱ་ཡ ཀ་ངྑ་ཏི ཝི་ཙི་ཀི་ཙྪ་ཏི, པུ་བྦ་ནྟེ ཀ་ངྑ་ཏི ཝི་ཙི་ཀི་ཙྪ་ཏི, ཨ་པ་ར་ནྟེ ཀ་ངྑ་ཏི ཝི་ཙི་ཀི་ཙྪ་ཏི, པུ་བྦ་ནྟཱ་པ་ར་ནྟེ ཀ་ངྑ་ཏི ཝི་ཙི་ཀི་ཙྪ་ཏི, ཨི་ད་པྤ་ཙྩ་ཡ་ཏཱ པ་ཊི་ཙྩ་ས་མུ་པྤ་ནྣེ་སུ དྷ་མྨེ་སུ ཀ་ངྑ་ཏི ཝི་ཙི་ཀི་ཙྪ་ཏི. ཡཱ ཨེ་ཝ་རཱུ་པཱ ཀ་ངྑཱ ཀ་ངྑཱ་ཡ་ནཱ ཀ་ངྑཱ་ཡི་ཏ་ཏྟཾ ཝི་མ་ཏི ཝི་ཙི་ཀི་ཙྪཱ དྭེ་ལ༹ྷ་ཀཾ དྭེ་དྷཱ་པ་ཐོ སཾ་ས་ཡོ ཨ་ནེ་ཀཾ་ས་གྒཱ་ཧོ ཨཱ་ས་པྤ་ནཱ པ་རི་ས་པྤ་ནཱ ཨ་པ་རི་ཡོ་གཱ་ཧ་ནཱ ཐ་མྦྷི་ཏ་ཏྟཾ ཙི་ཏྟ་སྶ མ་ནོ་ཝི་ལེ་ཁོ – ཨ་ཡཾ ཝུ་ཙྩ་ཏི ཝི་ཙི་ཀི་ཙྪཱ.
༡༠༠༩. ཏ་ཏྠ ཀ་ཏ་མོ སཱི་ལ་བྦ་ཏ་པ་རཱ་མཱ་སོ? ཨི་ཏོ བ་ཧི་དྡྷཱ ས་མ་ཎ་བྲཱ་ཧྨ་ཎཱ་ནཾ ‘སཱི་ལེ་ན སུ་དྡྷི, ཝ་ཏེ་ན སུ་དྡྷི, སཱི་ལ་བྦ་ཏེ་ན སུ་དྡྷཱི’ཏི ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ དི་ཊྛི་ག་ཧ་ནཾ དི་ཊྛི་ཀ་ནྟཱ་རོ དི་ཊྛི་ཝི་སཱུ་ཀཱ་ཡི་ཀཾ དི་ཊྛི་ཝི་པྥ་ནྡི་ཏཾ དི་ཊྛི་སཾ་ཡོ་ཛ་ནཾ གཱ་ཧོ པ་ཊི་གྒཱ་ཧོ ཨ་བྷི་ནི་ཝེ་སོ པ་རཱ་མཱ་སོ ཀུ་མྨ་གྒོ མི་ཙྪཱ་པ་ཐོ མི་ཙྪ་ཏྟཾ ཏི་ཏྠཱ་ཡ་ཏ་ནཾ ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི སཱི་ལ་བྦ་ཏ་པ་རཱ་མཱ་སོ.
༡༠༡༠. ཨི་མཱ་ནི ཏཱི་ཎི སཾ་ཡོ་ཛ་ནཱ་ནི; ཏ་དེ་ཀ་ཊྛཱ ཙ ཀི་ལེ་སཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཏཾ་ས་མུ་ཊྛཱ་ནཾ ཀཱ་ཡ་ཀ་མྨཾ ཝ་ཙཱི་ཀ་མྨཾ མ་ནོ་ཀ་མྨཾ – ཨི་མེ དྷ་མྨཱ ད་སྶ་ནེ་ན པ་ཧཱ་ཏ་བྦཱ.
༡༠༡༡. ཀ་ཏ་མེ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦཱ? ཨ་ཝ་སེ་སོ ལོ་བྷོ, དོ་སོ, མོ་ཧོ; ཏ་དེ་ཀ་ཊྛཱ ཙ ཀི་ལེ་སཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཏཾ་ས་མུ་ཊྛཱ་ནཾ ཀཱ་ཡ་ཀ་མྨཾ, ཝ་ཙཱི་ཀ་མྨཾ, མ་ནོ་ཀ་མྨཾ – ཨི་མེ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦཱ.
༡༠༡༢. ཀ་ཏ་མེ དྷ་མྨཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ? ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ.
༡༠༡༣. ཀ་ཏ་མེ དྷ་མྨཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ? ཏཱི་ཎི སཾ་ཡོ་ཛ་ནཱ་ནི – ས་ཀྐཱ་ཡ་དི་ཊྛི, ཝི་ཙི་ཀི་ཙྪཱ, སཱི་ལ་བྦ་ཏ་པ་རཱ་མཱ་སོ.
༡༠༡༤. ཏ་ཏྠ ཀ་ཏ་མཱ ས་ཀྐཱ་ཡ་དི་ཊྛི…པེ… ཨ་ཡཾ ཝུ་ཙྩ་ཏི ས་ཀྐཱ་ཡ་དི་ཊྛི.
༡༠༡༥. ཏ་ཏྠ ཀ་ཏ་མཱ ཝི་ཙི་ཀི་ཙྪཱ…པེ… ཨ་ཡཾ ཝུ་ཙྩ་ཏི ཝི་ཙི་ཀི་ཙྪཱ.
༡༠༡༦. ཏ་ཏྠ ཀ་ཏ་མོ སཱི་ལ་བྦ་ཏ་པ་རཱ་མཱ་སོ…པེ… ཨ་ཡཾ ཝུ་ཙྩ་ཏི སཱི་ལ་བྦ་ཏ་པ་རཱ་མཱ་སོ.
༡༠༡༧. ཨི་མཱ་ནི ཏཱི་ཎི སཾ་ཡོ་ཛ་ནཱ་ནི; ཏ་དེ་ཀ་ཊྛཱ ཙ ཀི་ལེ་སཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཏཾ་ས་མུ་ཊྛཱ་ནཾ ཀཱ་ཡ་ཀ་མྨཾ, ཝ་ཙཱི་ཀ་མྨཾ, མ་ནོ་ཀ་མྨཾ – ཨི་མེ དྷ་མྨཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. ཏཱི་ཎི སཾ་ཡོ་ཛ་ནཱ་ནི – ས་ཀྐཱ་ཡ་དི་ཊྛི, ཝི་ཙི་ཀི་ཙྪཱ, སཱི་ལ་བྦ་ཏ་པ་རཱ་མཱ་སོ – ཨི་མེ དྷ་མྨཱ ད་སྶ་ནེ་ན པ་ཧཱ་ཏ་བྦཱ. ཏ་དེ་ཀ་ཊྛོ ལོ་བྷོ, དོ་སོ, མོ་ཧོ – ཨི་མེ དྷ་མྨཱ ད་སྶ་ནེ་ན པ་ཧཱ་ཏ་བྦ་ཧེ་ཏཱུ. ཏ་དེ་ཀ་ཊྛཱ ཙ ཀི་ལེ་སཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཏཾ་ས་མུ་ཊྛཱ་ནཾ ཀཱ་ཡ་ཀ་མྨཾ, ཝ་ཙཱི་ཀ་མྨཾ, མ་ནོ་ཀ་མྨཾ – ཨི་མེ དྷ་མྨཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ.
༡༠༡༨. ཀ་ཏ་མེ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ? ཨ་ཝ་སེ་སོ ལོ་བྷོ, དོ་སོ, མོ་ཧོ – ཨི་མེ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏཱུ. ཏ་དེ་ཀ་ཊྛཱ ཙ ཀི་ལེ་སཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཏཾ་ས་མུ་ཊྛཱ་ནཾ ཀཱ་ཡ་ཀ་མྨཾ, ཝ་ཙཱི་ཀ་མྨཾ, མ་ནོ་ཀ་མྨཾ – ཨི་མེ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ.
༡༠༡༩. ཀ་ཏ་མེ དྷ་མྨཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ? ཏེ དྷ་མྨེ ཋ་པེ་ཏྭཱ ཨ་ཝ་སེ་སཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ; ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ; ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ.
༡༠༢༠. ཀ་ཏ་མེ དྷ་མྨཱ ཨཱ་ཙ་ཡ་གཱ་མི་ནོ? སཱ་ས་ཝཱ ཀུ་ས་ལཱ་ཀུ་ས་ལཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཨཱ་ཙ་ཡ་གཱ་མི་ནོ.
༡༠༢༡. ཀ་ཏ་མེ དྷ་མྨཱ ཨ་པ་ཙ་ཡ་གཱ་མི་ནོ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ – ཨི་མེ དྷ་མྨཱ ཨ་པ་ཙ་ཡ་གཱ་མི་ནོ.
༡༠༢༢. ཀ་ཏ་མེ དྷ་མྨཱ ནེ་ཝ ཨཱ་ཙ་ཡ་གཱ་མི ན ཨ་པ་ཙ་ཡ་གཱ་མི་ནོ? ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ; ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ནེ་ཝ ཨཱ་ཙ་ཡ་གཱ་མི ན ཨ་པ་ཙ་ཡ་གཱ་མི་ནོ.
༡༠༢༣. ཀ་ཏ་མེ དྷ་མྨཱ སེ་ཀྑཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཧེ་ཊྛི་མཱ་ནི ཙ ཏཱི་ཎི སཱ་མ་ཉྙ་ཕ་ལཱ་ནི – ཨི་མེ དྷ་མྨཱ སེ་ཀྑཱ.
༡༠༢༤. ཀ་ཏ་མེ དྷ་མྨཱ ཨ་སེ་ཀྑཱ? ཨུ་པ་རི་ཊྛི་མཾ [ཨུ་པ་རི་མཾ (སྱཱ.)] ཨ་ར་ཧ་ཏྟ་ཕ་ལཾ – ཨི་མེ དྷ་མྨཱ ཨ་སེ་ཀྑཱ.
༡༠༢༥. ཀ་ཏ་མེ དྷ་མྨཱ ནེ་ཝ་སེ་ཀྑ་ནཱ་སེ་ཀྑཱ? ཏེ དྷ་མྨེ ཋ་པེ་ཏྭཱ, ཨ་ཝ་སེ་སཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ནེ་ཝ་སེ་ཀྑ་ནཱ་སེ་ཀྑཱ.
༡༠༢༦. ཀ་ཏ་མེ དྷ་མྨཱ པ་རི་ཏྟཱ? ས་བྦེ་ཝ ཀཱ་མཱ་ཝ་ཙ་རཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ; རཱུ་པ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ པ་རི་ཏྟཱ.
༡༠༢༧. ཀ་ཏ་མེ དྷ་མྨཱ མ་ཧ་གྒ་ཏཱ? རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཀུ་ས་ལཱ་བྱཱ་ཀ་ཏཱ དྷ་མྨཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ མ་ཧ་གྒ་ཏཱ.
༡༠༢༨. ཀ་ཏ་མེ དྷ་མྨཱ ཨ་པྤ་མཱ་ཎཱ? ཨ་པ་རི་ཡཱ་པ་ནྣཱ མ་གྒཱ ཙ, མ་གྒ་ཕ་ལཱ་ནི ཙ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་པྤ་མཱ་ཎཱ.
༡༠༢༩. ཀ་ཏ་མེ དྷ་མྨཱ པ་རི་ཏྟཱ་ར་མྨ་ཎཱ? པ་རི་ཏྟེ དྷ་མྨེ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ པ་རི་ཏྟཱ་ར་མྨ་ཎཱ.
༡༠༣༠. ཀ་ཏ་མེ དྷ་མྨཱ མ་ཧ་གྒ་ཏཱ་ར་མྨ་ཎཱ? མ་ཧ་གྒ་ཏེ དྷ་མྨེ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ མ་ཧ་གྒ་ཏཱ་ར་མྨ་ཎཱ.
༡༠༣༡. ཀ་ཏ་མེ དྷ་མྨཱ ཨ་པྤ་མཱ་ཎཱ་ར་མྨ་ཎཱ? ཨ་པྤ་མཱ་ཎེ དྷ་མྨེ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ ཨ་པྤ་མཱ་ཎཱ་ར་མྨ་ཎཱ.
༡༠༣༢. ཀ་ཏ་མེ དྷ་མྨཱ ཧཱི་ནཱ? ཏཱི་ཎི ཨ་ཀུ་ས་ལ་མཱུ་ལཱ་ནི – ལོ་བྷོ, དོ་སོ, མོ་ཧོ; ཏ་དེ་ཀ་ཊྛཱ ཙ ཀི་ལེ་སཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཏཾ་ས་མུ་ཊྛཱ་ནཾ ཀཱ་ཡ་ཀ་མྨཾ, ཝ་ཙཱི་ཀ་མྨཾ, མ་ནོ་ཀ་མྨཾ – ཨི་མེ དྷ་མྨཱ ཧཱི་ནཱ.
༡༠༣༣. ཀ་ཏ་མེ དྷ་མྨཱ མ་ཛ྄ཛྷི་མཱ? སཱ་ས་ཝཱ ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, རཱུ་པ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ མ་ཛ྄ཛྷི་མཱ.
༡༠༣༤. ཀ་ཏ་མེ དྷ་མྨཱ པ་ཎཱི་ཏཱ? ཨ་པ་རི་ཡཱ་པ་ནྣཱ མ་གྒཱ ཙ, མ་གྒ་ཕ་ལཱ་ནི ཙ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ པ་ཎཱི་ཏཱ.
༡༠༣༥. ཀ་ཏ་མེ དྷ་མྨཱ མི་ཙྪ་ཏྟ་ནི་ཡ་ཏཱ? པ་ཉྩ ཀ་མྨཱ་ནི ཨཱ་ན་ནྟ་རི་ཀཱ་ནི, ཡཱ ཙ མི་ཙྪཱ་དི་ཊྛི་ནི་ཡ་ཏཱ – ཨི་མེ དྷ་མྨཱ མི་ཙྪ་ཏྟ་ནི་ཡ་ཏཱ.
༡༠༣༦. ཀ་ཏ་མེ དྷ་མྨཱ ས་མྨ་ཏྟ་ནི་ཡ་ཏཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ – ཨི་མེ དྷ་མྨཱ ས་མྨ་ཏྟ་ནི་ཡ་ཏཱ.
༡༠༣༧. ཀ་ཏ་མེ དྷ་མྨཱ ཨ་ནི་ཡ་ཏཱ? ཏེ དྷ་མྨེ ཋ་པེ་ཏྭཱ, ཨ་ཝ་སེ་སཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་ནི་ཡ་ཏཱ.
༡༠༣༨. ཀ་ཏ་མེ དྷ་མྨཱ མ་གྒཱ་ར་མྨ་ཎཱ? ཨ་རི་ཡ་མ་གྒཾ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ མ་གྒཱ་ར་མྨ་ཎཱ.
༡༠༣༩. ཀ་ཏ་མེ དྷ་མྨཱ མ་གྒ་ཧེ་ཏུ་ཀཱ? ཨ་རི་ཡ་མ་གྒ་ས་མ་ངྒི་སྶ མ་གྒ་ངྒཱ་ནི ཋ་པེ་ཏྭཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ མ་གྒ་ཧེ་ཏུ་ཀཱ. ཨ་རི་ཡ་མ་གྒ་ས་མ་ངྒི་སྶ ས་མྨཱ་དི་ཊྛི མ་གྒོ ཙེ་ཝ ཧེ་ཏུ ཙ, ས་མྨཱ་དི་ཊྛིཾ ཋ་པེ་ཏྭཱ, ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ མ་གྒ་ཧེ་ཏུ་ཀཱ. ཨ་རི་ཡ་མ་གྒ་ས་མ་ངྒི་སྶ ཨ་ལོ་བྷོ, ཨ་དོ་སོ, ཨ་མོ་ཧོ – ཨི་མེ དྷ་མྨཱ མ་གྒ་ཧེ་ཏཱུ. ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ མ་གྒ་ཧེ་ཏུ་ཀཱ.
༡༠༤༠. ཀ་ཏ་མེ དྷ་མྨཱ མ་གྒཱ་དྷི་པ་ཏི་ནོ? ཨ་རི་ཡ་མ་གྒཾ ཨ་དྷི་པ་ཏིཾ ཀ་རི་ཏྭཱ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ མ་གྒཱ་དྷི་པ་ཏི་ནོ. ཨ་རི་ཡ་མ་གྒ་ས་མ་ངྒི་སྶ ཝཱི་མཾ་སཱ་དྷི་པ་ཏེ་ཡྻཾ མ་གྒཾ བྷཱ་ཝ་ཡ་ནྟ་སྶ ཝཱི་མཾ་སཾ ཋ་པེ་ཏྭཱ; ཏཾ་ས་མྤ་ཡུ་ཏྟོ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ མ་གྒཱ་དྷི་པ་ཏི་ནོ.
༡༠༤༡. ཀ་ཏ་མེ དྷ་མྨཱ ཨུ་པྤ་ནྣཱ? ཡེ དྷ་མྨཱ ཛཱ་ཏཱ བྷཱུ་ཏཱ ས་ཉྫཱ་ཏཱ ནི་བྦ་ཏྟཱ ཨ་བྷི་ནི་བྦ་ཏྟཱ པཱ་ཏུ་བྷཱུ་ཏཱ ཨུ་པྤ་ནྣཱ ས་མུ་པྤ་ནྣཱ ཨུ་ཊྛི་ཏཱ ས་མུ་ཊྛི་ཏཱ ཨུ་པྤ་ནྣཱ ཨུ་པྤ་ནྣཾ་སེ་ན ས་ངྒ་ཧི་ཏཱ, རཱུ་པཾ [རཱུ་པཱ (བ་ཧཱུ་སུ)], ཝེ་ད་ནཱ, ས་ཉྙཱ, ས་ངྑཱ་རཱ, ཝི་ཉྙཱ་ཎཾ – ཨི་མེ དྷ་མྨཱ ཨུ་པྤ་ནྣཱ.
༡༠༤༢. ཀ་ཏ་མེ དྷ་མྨཱ ཨ་ནུ་པྤ་ནྣཱ? ཡེ དྷ་མྨཱ ཨ་ཛཱ་ཏཱ ཨ་བྷཱུ་ཏཱ ཨ་ས་ཉྫཱ་ཏཱ ཨ་ནི་བྦ་ཏྟཱ ཨ་ན་བྷི་ནི་བྦ་ཏྟཱ ཨ་པཱ་ཏུ་བྷཱུ་ཏཱ ཨ་ནུ་པྤ་ནྣཱ ཨ་ས་མུ་པྤ་ནྣཱ ཨ་ནུ་ཊྛི་ཏཱ ཨ་ས་མུ་ཊྛི་ཏཱ ཨ་ནུ་པྤ་ནྣཱ ཨ་ནུ་པྤ་ནྣཾ་སེ་ན ས་ངྒ་ཧི་ཏཱ, རཱུ་པཾ, ཝེ་ད་ནཱ, ས་ཉྙཱ, ས་ངྑཱ་རཱ, ཝི་ཉྙཱ་ཎཾ – ཨི་མེ དྷ་མྨཱ ཨ་ནུ་པྤ་ནྣཱ.
༡༠༤༣. ཀ་ཏ་མེ དྷ་མྨཱ ཨུ་པྤཱ་དི་ནོ? ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཨ་ཝི་པ་ཀྐ་ཝི་པཱ་ཀཱ་ནཾ ཝི་པཱ་ཀཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ཡ་ཉྩ རཱུ་པཾ ཀ་མྨ་སྶ ཀ་ཏ་ཏྟཱ ཨུ་པྤ་ཛྫི་སྶ་ཏི – ཨི་མེ དྷ་མྨཱ ཨུ་པྤཱ་དི་ནོ.
༡༠༤༤. ཀ་ཏ་མེ དྷ་མྨཱ ཨ་ཏཱི་ཏཱ? ཡེ དྷ་མྨཱ ཨ་ཏཱི་ཏཱ ནི་རུ་དྡྷཱ ཝི་ག་ཏཱ ཝི་པ་རི་ཎ་ཏཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨུ་པྤ་ཛྫི་ཏྭཱ ཝི་ག་ཏཱ ཨ་ཏཱི་ཏཱ ཨ་ཏཱི་ཏཾ་སེ་ན ས་ངྒ་ཧི་ཏཱ, རཱུ་པཾ, ཝེ་ད་ནཱ, ས་ཉྙཱ, ས་ངྑཱ་རཱ, ཝི་ཉྙཱ་ཎཾ – ཨི་མེ དྷ་མྨཱ ཨ་ཏཱི་ཏཱ.
༡༠༤༥. ཀ་ཏ་མེ དྷ་མྨཱ ཨ་ནཱ་ག་ཏཱ? ཡེ དྷ་མྨཱ ཨ་ཛཱ་ཏཱ ཨ་བྷཱུ་ཏཱ ཨ་ས་ཉྫཱ་ཏཱ ཨ་ནི་བྦ་ཏྟཱ ཨ་ན་བྷི་ནི་བྦ་ཏྟཱ ཨ་པཱ་ཏུ་བྷཱུ་ཏཱ ཨ་ནུ་པྤ་ནྣཱ ཨ་ས་མུ་པྤ་ནྣཱ ཨ་ནུ་ཊྛི་ཏཱ ཨ་ས་མུ་ཊྛི་ཏཱ ཨ་ནཱ་ག་ཏཱ ཨ་ནཱ་ག་ཏཾ་སེ་ན ས་ངྒ་ཧི་ཏཱ, རཱུ་པཾ, ཝེ་ད་ནཱ, ས་ཉྙཱ, ས་ངྑཱ་རཱ, ཝི་ཉྙཱ་ཎཾ – ཨི་མེ དྷ་མྨཱ ཨ་ནཱ་ག་ཏཱ.
༡༠༤༦. ཀ་ཏ་མེ དྷ་མྨཱ པ་ཙྩུ་པྤ་ནྣཱ? ཡེ དྷ་མྨཱ ཛཱ་ཏཱ བྷཱུ་ཏཱ ས་ཉྫཱ་ཏཱ ནི་བྦ་ཏྟཱ ཨ་བྷི་ནི་བྦ་ཏྟཱ པཱ་ཏུ་བྷཱུ་ཏཱ ཨུ་པྤ་ནྣཱ ས་མུ་པྤ་ནྣཱ ཨུ་ཊྛི་ཏཱ ས་མུ་ཊྛི་ཏཱ པ་ཙྩུ་པྤ་ནྣཱ པ་ཙྩུ་པྤ་ནྣཾ་སེ་ན ས་ངྒ་ཧི་ཏཱ, རཱུ་པཾ, ཝེ་ད་ནཱ, ས་ཉྙཱ, ས་ངྑཱ་རཱ, ཝི་ཉྙཱ་ཎཾ – ཨི་མེ དྷ་མྨཱ པ་ཙྩུ་པྤ་ནྣཱ.
༡༠༤༧. ཀ་ཏ་མེ དྷ་མྨཱ ཨ་ཏཱི་ཏཱ་ར་མྨ་ཎཱ? ཨ་ཏཱི་ཏེ དྷ་མྨེ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ ཨ་ཏཱི་ཏཱ་ར་མྨ་ཎཱ.
༡༠༤༨. ཀ་ཏ་མེ དྷ་མྨཱ ཨ་ནཱ་ག་ཏཱ་ར་མྨ་ཎཱ? ཨ་ནཱ་ག་ཏེ དྷ་མྨེ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ ཨ་ནཱ་ག་ཏཱ་ར་མྨ་ཎཱ.
༡༠༤༩. ཀ་ཏ་མེ དྷ་མྨཱ པ་ཙྩུ་པྤ་ནྣཱ་ར་མྨ་ཎཱ? པ་ཙྩུ་པྤ་ནྣེ དྷ་མྨེ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ པ་ཙྩུ་པྤ་ནྣཱ་ར་མྨ་ཎཱ.
༡༠༥༠. ཀ་ཏ་མེ དྷ་མྨཱ ཨ་ཛ྄ཛྷ་ཏྟཱ? ཡེ དྷ་མྨཱ ཏེ་སཾ ཏེ་སཾ ས་ཏྟཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཏཱ པཱ་ཊི་པུ་གྒ་ལི་ཀཱ ཨུ་པཱ་དི་ཎྞཱ, རཱུ་པཾ, ཝེ་ད་ནཱ, ས་ཉྙཱ, ས་ངྑཱ་རཱ, ཝི་ཉྙཱ་ཎཾ – ཨི་མེ དྷ་མྨཱ ཨ་ཛ྄ཛྷ་ཏྟཱ.
༡༠༥༡. ཀ་ཏ་མེ དྷ་མྨཱ བ་ཧི་དྡྷཱ? ཡེ དྷ་མྨཱ ཏེ་སཾ ཏེ་སཾ པ་ར་ས་ཏྟཱ་ནཾ པ་ར་པུ་གྒ་ལཱ་ནཾ ཨ་ཛ྄ཛྷ་ཏྟཾ པ་ཙྩ་ཏྟཾ ནི་ཡ་ཏཱ པཱ་ཊི་པུ་གྒ་ལི་ཀཱ ཨུ་པཱ་དི་ཎྞཱ, རཱུ་པཾ, ཝེ་ད་ནཱ, ས་ཉྙཱ, ས་ངྑཱ་རཱ, ཝི་ཉྙཱ་ཎཾ – ཨི་མེ དྷ་མྨཱ བ་ཧི་དྡྷཱ.
༡༠༥༢. ཀ་ཏ་མེ དྷ་མྨཱ ཨ་ཛ྄ཛྷ་ཏྟ་བ་ཧི་དྡྷཱ? ཏ་དུ་བྷ་ཡཾ – ཨི་མེ དྷ་མྨཱ ཨ་ཛ྄ཛྷ་ཏྟ་བ་ཧི་དྡྷཱ.
༡༠༥༣. ཀ་ཏ་མེ དྷ་མྨཱ ཨ་ཛ྄ཛྷ་ཏྟཱ་ར་མྨ་ཎཱ? ཨ་ཛ྄ཛྷ་ཏྟེ དྷ་མྨེ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ ཨ་ཛ྄ཛྷ་ཏྟཱ་ར་མྨ་ཎཱ.
༡༠༥༤. ཀ་ཏ་མེ དྷ་མྨཱ བ་ཧི་དྡྷཱ་ར་མྨ་ཎཱ? བ་ཧི་དྡྷཱ དྷ་མྨེ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ བ་ཧི་དྡྷཱ་ར་མྨ་ཎཱ.
༡༠༥༥. ཀ་ཏ་མེ དྷ་མྨཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ? ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ ཨཱ་ར་བྦྷ ཡེ ཨུ་པྤ་ཛྫ་ནྟི ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ.
༡༠༥༦. ཀ་ཏ་མེ དྷ་མྨཱ ས་ནི་ད་སྶ་ན་ས་པྤ་ཊི་གྷཱ? རཱུ་པཱ་ཡ་ཏ་ནཾ – ཨི་མེ དྷ་མྨཱ ས་ནི་ད་སྶ་ན་ས་པྤ་ཊི་གྷཱ.
༡༠༥༧. ཀ་ཏ་མེ དྷ་མྨཱ ཨ་ནི་ད་སྶ་ན་ས་པྤ་ཊི་གྷཱ? ཙ་ཀྑཱ་ཡ་ཏ་ནཾ, སོ་ཏཱ་ཡ་ཏ་ནཾ, གྷཱ་ནཱ་ཡ་ཏ་ནཾ, ཛི་ཝ྄ཧཱ་ཡ་ཏ་ནཾ, ཀཱ་ཡཱ་ཡ་ཏ་ནཾ, ས་དྡཱ་ཡ་ཏ་ནཾ, ག་ནྡྷཱ་ཡ་ཏ་ནཾ, ར་སཱ་ཡ་ཏ་ནཾ, ཕོ་ཊྛ་བྦཱ་ཡ་ཏ་ནཾ – ཨི་མེ དྷ་མྨཱ ཨ་ནི་ད་སྶ་ན་ས་པྤ་ཊི་གྷཱ.
༡༠༥༨. ཀ་ཏ་མེ དྷ་མྨཱ ཨ་ནི་ད་སྶ་ན་ཨ་པྤ་ཊི་གྷཱ? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ; ཡ་ཉྩ རཱུ་པཾ ཨ་ནི་ད་སྶ་ནཾ ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ; ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་ནི་ད་སྶ་ན་ཨ་པྤ་ཊི་གྷཱ.
ཏི་ཀཾ.
དུ་ཀ་ནི་ཀྑེ་པཾ
ཧེ་ཏུ་གོ་ཙྪ་ཀཾ
༡༠༥༩. ཀ་ཏ་མེ དྷ་མྨཱ ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, ཏ་ཡོ ཨ་ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ, ན་ཝ ཀཱ་མཱ་ཝ་ཙ་ར་ཧེ་ཏཱུ ཚ རཱུ་པཱ་ཝ་ཙ་ར་ཧེ་ཏཱུ, ཚ ཨ་རཱུ་པཱ་ཝ་ཙ་ར་ཧེ་ཏཱུ, ཚ ཨ་པ་རི་ཡཱ་པ་ནྣ་ཧེ་ཏཱུ.
༡༠༦༠. ཏ་ཏྠ ཀ་ཏ་མེ ཏ་ཡོ ཀུ་ས་ལ་ཧེ་ཏཱུ? ཨ་ལོ་བྷོ, ཨ་དོ་སོ, ཨ་མོ་ཧོ.
༡༠༦༡. ཏ་ཏྠ ཀ་ཏ་མོ ཨ་ལོ་བྷོ? ཡོ ཨ་ལོ་བྷོ ཨ་ལུ་བྦྷ་ནཱ ཨ་ལུ་བྦྷི་ཏ་ཏྟཾ ཨ་སཱ་རཱ་གོ ཨ་སཱ་ར་ཛྫ་ནཱ ཨ་སཱ་ར་ཛྫི་ཏ་ཏྟཾ ཨ་ན་བྷི་ཛ྄ཛྷཱ ཨ་ལོ་བྷོ ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ཨ་ལོ་བྷོ.
༡༠༦༢. ཏ་ཏྠ ཀ་ཏ་མོ ཨ་དོ་སོ? ཡོ ཨ་དོ་སོ ཨ་དུ་སྶ་ནཱ ཨ་དུ་སྶི་ཏ་ཏྟཾ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ ཨ་ནུ་དྡཱ ཨ་ནུ་དྡཱ་ཡ་ནཱ ཨ་ནུ་དཱ་ཡི་ཏ་ཏྟཾ ཧི་ཏེ་སི་ཏཱ ཨ་ནུ་ཀ་མྤཱ ཨ་བྱཱ་པཱ་དོ ཨ་བྱཱ་པ་ཛྫོ ཨ་དོ་སོ ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ཨ་དོ་སོ.
༡༠༦༣. ཏ་ཏྠ ཀ་ཏ་མོ ཨ་མོ་ཧོ? དུ་ཀྑེ ཉཱ་ཎཾ, དུ་ཀྑ་ས་མུ་ད་ཡེ ཉཱ་ཎཾ, དུ་ཀྑ་ནི་རོ་དྷེ ཉཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ, པུ་བྦ་ནྟེ ཉཱ་ཎཾ, ཨ་པ་ར་ནྟེ ཉཱ་ཎཾ, པུ་བྦ་ནྟཱ་པ་ར་ནྟེ ཉཱ་ཎཾ, ཨི་ད་པྤ་ཙྩ་ཡ་ཏཱ པ་ཊི་ཙྩ་ས་མུ་པྤ་ནྣེ་སུ དྷ་མྨེ་སུ ཉཱ་ཎཾ, ཡཱ ཨེ་ཝ་རཱུ་པཱ པ་ཉྙཱ པ་ཛཱ་ན་ནཱ ཝི་ཙ་ཡོ པ་ཝི་ཙ་ཡོ དྷ་མྨ་ཝི་ཙ་ཡོ ས་ལླ་ཀྑ་ཎཱ ཨུ་པ་ལ་ཀྑ་ཎཱ པ་ཙྩུ་པ་ལ་ཀྑ་ཎཱ པ་ཎྜི་ཙྩཾ ཀོ་ས་ལླཾ ནེ་པུ་ཉྙཾ ཝེ་བྷ་བྱཱ ཙི་ནྟཱ ཨུ་པ་པ་རི་ཀྑཱ བྷཱུ་རཱི མེ་དྷཱ པ་རི་ཎཱ་ཡི་ཀཱ ཝི་པ་སྶ་ནཱ ས་མྤ་ཛ་ཉྙཾ པ་ཏོ་དོ པ་ཉྙཱ པ་ཉྙི་ནྡྲི་ཡཾ པ་ཉྙཱ་བ་ལཾ པ་ཉྙཱ་ས་ཏྠཾ པ་ཉྙཱ་པཱ་སཱ་དོ པ་ཉྙཱ་ཨཱ་ལོ་ཀོ པ་ཉྙཱ་ཨོ་བྷཱ་སོ པ་ཉྙཱ་པ་ཛྫོ་ཏོ པ་ཉྙཱ་ར་ཏ་ནཾ ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ཨ་མོ་ཧོ.
ཨི་མེ ཏ་ཡོ ཀུ་ས་ལ་ཧེ་ཏཱུ.
༡༠༦༤. ཏ་ཏྠ ཀ་ཏ་མེ ཏ་ཡོ ཨ་ཀུ་ས་ལ་ཧེ་ཏཱུ? ལོ་བྷོ, དོ་སོ, མོ་ཧོ.
༡༠༦༥. ཏ་ཏྠ ཀ་ཏ་མོ ལོ་བྷོ? ཡོ རཱ་གོ སཱ་རཱ་གོ ཨ་ནུ་ན་ཡོ ཨ་ནུ་རོ་དྷོ ན་ནྡཱི ན་ནྡཱི་རཱ་གོ [ན་ནྡི་རཱ་གོ (སཱི.)] ཙི་ཏྟ་སྶ སཱ་རཱ་གོ ཨི་ཙྪཱ མུ་ཙྪཱ ཨ་ཛ྄ཛྷོ་སཱ་ནཾ གེ་དྷོ པ་ལི་གེ་དྷོ ས་ངྒོ པ་ངྐོ ཨེ་ཛཱ མཱ་ཡཱ ཛ་ནི་ཀཱ ས་ཉྫ་ན་ནཱི སི་བྦི་ནཱི [སི་བྦ་ནཱི (སཱི.)] ཛཱ་ལི་ནཱི ས་རི་ཏཱ ཝི་ས་ཏྟི་ཀཱ སུ་ཏྟཾ ཝི་ས་ཊཱ ཨཱ་ཡཱུ་ཧི་ནཱི [ཨཱ་ཡཱུ་ཧ་ནཱི (སཱི. སྱཱ.)] དུ་ཏི་ཡཱ པ་ཎི་དྷི བྷ་ཝ་ནེ་ཏྟི ཝ་ནཾ ཝ་ན་ཐོ ས་ནྠ་ཝོ སི་ནེ་ཧོ ཨ་པེ་ཀྑཱ པ་ཊི་བ་ནྡྷུ ཨཱ་སཱ ཨཱ་སི་ས་ནཱ ཨཱ་སི་སི་ཏ་ཏྟཾ [ཨཱ་སིཾ་ས་ནཱ ཨཱ་སིཾ་སི་ཏ་ཏྟཾ (སཱི. སྱཱ.)] རཱུ་པཱ་སཱ ས་དྡཱ་སཱ ག་ནྡྷཱ་སཱ ར་སཱ་སཱ ཕོ་ཊྛ་བྦཱ་སཱ ལཱ་བྷཱ་སཱ དྷ་ནཱ་སཱ པུ་ཏྟཱ་སཱ ཛཱི་ཝི་ཏཱ་སཱ ཛ་པྤཱ པ་ཛ་པྤཱ ཨ་བྷི་ཛ་པྤཱ ཛ་པྤཱ ཛ་པྤ་ནཱ ཛ་པྤི་ཏ་ཏྟཾ ལོ་ལུ་པྤཾ ལོ་ལུ་པྤཱ་ཡ་ནཱ ལོ་ལུ་པྤཱ་ཡི་ཏ་ཏྟཾ པུ་ཙྪ་ཉྫི་ཀ་ཏཱ [པུ་ཉྩི་ཀ་ཏཱ (སྱཱ.) པུ་ཙྪི་ཀ་ཏཱ (སཱི.)] སཱ་དྷུ་ཀ་མྱ་ཏཱ ཨ་དྷ་མྨ་རཱ་གོ ཝི་ས་མ་ལོ་བྷོ ནི་ཀ་ནྟི ནི་ཀཱ་མ་ནཱ པ་ཏྠ་ནཱ པི་ཧ་ནཱ ས་མྤ་ཏྠ་ནཱ ཀཱ་མ་ཏ་ཎྷཱ བྷ་ཝ་ཏ་ཎྷཱ ཝི་བྷ་ཝ་ཏ་ཎྷཱ རཱུ་པ་ཏ་ཎྷཱ ཨ་རཱུ་པ་ཏ་ཎྷཱ ནི་རོ་དྷ་ཏ་ཎྷཱ རཱུ་པ་ཏ་ཎྷཱ ས་དྡ་ཏ་ཎྷཱ ག་ནྡྷ་ཏ་ཎྷཱ ར་ས་ཏ་ཎྷཱ ཕོ་ཊྛ་བྦ་ཏ་ཎྷཱ དྷ་མྨ་ཏ་ཎྷཱ ཨོ་གྷོ ཡོ་གོ ག་ནྠོ ཨུ་པཱ་དཱ་ནཾ ཨཱ་ཝ་ར་ཎཾ ནཱི་ཝ་ར་ཎཾ ཚཱ་ད་ནཾ བ་ནྡྷ་ནཾ ཨུ་པ་ཀྐི་ལེ་སོ ཨ་ནུ་ས་ཡོ པ་རི་ཡུ་ཊྛཱ་ནཾ ལ་ཏཱ ཝེ་ཝི་ཙྪཾ དུ་ཀྑ་མཱུ་ལཾ དུ་ཀྑ་ནི་དཱ་ནཾ དུ་ཀྑ་པྤ་བྷ་ཝོ མཱ་ར་པཱ་སོ མཱ་ར་བ་ལི༹་སཾ མཱ་ར་ཝི་ས་ཡོ ཏ་ཎྷཱ་ན་དཱི ཏ་ཎྷཱ་ཛཱ་ལཾ ཏ་ཎྷཱ་ག་དྡུ་ལཾ ཏ་ཎྷཱ་ས་མུ་དྡོ ཨ་བྷི་ཛ྄ཛྷཱ ལོ་བྷོ ཨ་ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ལོ་བྷོ.
༡༠༦༦. ཏ་ཏྠ ཀ་ཏ་མོ དོ་སོ? ཨ་ན་ཏྠཾ མེ ཨ་ཙ་རཱི་ཏི ཨཱ་གྷཱ་ཏོ ཛཱ་ཡ་ཏི, ཨ་ན་ཏྠཾ མེ ཙ་ར་ཏཱི་ཏི ཨཱ་གྷཱ་ཏོ ཛཱ་ཡ་ཏི, ཨ་ན་ཏྠཾ མེ ཙ་རི་སྶ་ཏཱི་ཏི ཨཱ་གྷཱ་ཏོ ཛཱ་ཡ་ཏི, པི་ཡ་སྶ མེ མ་ནཱ་པ་སྶ ཨ་ན་ཏྠཾ ཨ་ཙ་རི…པེ… ཨ་ན་ཏྠཾ ཙ་ར་ཏི…པེ… ཨ་ན་ཏྠཾ ཙ་རི་སྶ་ཏཱི་ཏི ཨཱ་གྷཱ་ཏོ ཛཱ་ཡ་ཏི, ཨ་པྤི་ཡ་སྶ མེ ཨ་མ་ནཱ་པ་སྶ ཨ་ཏྠཾ ཨ་ཙ་རི…པེ… ཨ་ཏྠཾ ཙ་ར་ཏི…པེ… ཨ་ཏྠཾ ཙ་རི་སྶ་ཏཱི་ཏི ཨཱ་གྷཱ་ཏོ ཛཱ་ཡ་ཏི, ཨ་ཊྛཱ་ནེ ཝཱ པ་ན ཨཱ་གྷཱ་ཏོ ཛཱ་ཡ་ཏི. ཡོ ཨེ་ཝ་རཱུ་པོ ཙི་ཏྟ་སྶ ཨཱ་གྷཱ་ཏོ པ་ཊི་གྷཱ་ཏོ པ་ཊི་གྷཾ པ་ཊི་ཝི་རོ་དྷོ ཀོ་པོ པ་ཀོ་པོ ས་མྤ་ཀོ་པོ དོ་སོ པ་དོ་སོ ས་མྤ་དོ་སོ ཙི་ཏྟ་སྶ བྱཱ་པ་ཏྟི མ་ནོ་པ་དོ་སོ ཀོ་དྷོ ཀུ་ཛ྄ཛྷ་ནཱ ཀུ་ཛ྄ཛྷི་ཏ་ཏྟཾ དོ་སོ དུ་སྶ་ནཱ དུ་སྶི་ཏ་ཏྟཾ བྱཱ་པ་ཏྟི བྱཱ་པ་ཛྫ་ནཱ བྱཱ་པ་ཛྫི་ཏ་ཏྟཾ ཝི་རོ་དྷོ པ་ཊི་ཝི་རོ་དྷོ ཙ་ཎྜི་ཀྐཾ ཨ་སུ་རོ་པོ ཨ་ན་ཏྟ་མ་ན་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི དོ་སོ.
༡༠༦༧. ཏ་ཏྠ ཀ་ཏ་མོ མོ་ཧོ? དུ་ཀྑེ ཨ་ཉྙཱ་ཎཾ, དུ་ཀྑ་ས་མུ་ད་ཡེ ཨ་ཉྙཱ་ཎཾ, དུ་ཀྑ་ནི་རོ་དྷེ ཨ་ཉྙཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་ཉྙཱ་ཎཾ, པུ་བྦ་ནྟེ ཨ་ཉྙཱ་ཎཾ, ཨ་པ་ར་ནྟེ ཨ་ཉྙཱ་ཎཾ, པུ་བྦ་ནྟཱ་པ་ར་ནྟེ ཨ་ཉྙཱ་ཎཾ, ཨི་ད་པྤ་ཙྩ་ཡ་ཏཱ པ་ཊི་ཙྩ་ས་མུ་པྤ་ནྣེ་སུ དྷ་མྨེ་སུ ཨ་ཉྙཱ་ཎཾ, ཡཾ ཨེ་ཝ་རཱུ་པཾ ཨ་ཉྙཱ་ཎཾ ཨ་ད་སྶ་ནཾ ཨ་ན་བྷི་ས་མ་ཡོ ཨ་ན་ནུ་བོ་དྷོ ཨ་ས་མྦོ་དྷོ ཨ་པྤ་ཊི་ཝེ་དྷོ ཨ་སཾ་གཱ་ཧ་ནཱ ཨ་པ་རི་ཡོ་གཱ་ཧ་ནཱ ཨ་ས་མ་པེ་ཀྑ་ནཱ ཨ་པ་ཙྩ་ཝེ་ཀྑ་ཎཱ ཨ་པ་ཙྩ་ཀྑ་ཀ་མྨཾ དུ་མྨེ་ཛ྄ཛྷཾ བཱ་ལྱཾ ཨ་ས་མྤ་ཛ་ཉྙཾ མོ་ཧོ པ་མོ་ཧོ ས་མྨོ་ཧོ ཨ་ཝི་ཛྫཱ ཨ་ཝི་ཛྫོ་གྷོ ཨ་ཝི་ཛྫཱ་ཡོ་གོ ཨ་ཝི་ཛྫཱ་ནུ་ས་ཡོ ཨ་ཝི་ཛྫཱ་པ་རི་ཡུ་ཊྛཱ་ནཾ ཨ་ཝི་ཛྫཱ་ལ་ངྒཱི མོ་ཧོ ཨ་ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི མོ་ཧོ.
ཨི་མེ ཏ་ཡོ ཨ་ཀུ་ས་ལ་ཧེ་ཏཱུ.
༡༠༦༨. ཏ་ཏྠ ཀ་ཏ་མེ ཏ་ཡོ ཨ་བྱཱ་ཀ་ཏ་ཧེ་ཏཱུ? ཀུ་ས་ལཱ་ནཾ ཝཱ དྷ་མྨཱ་ནཾ ཝི་པཱ་ཀ་ཏོ ཀི་རི་ཡཱ་བྱཱ་ཀ་ཏེ་སུ ཝཱ དྷ་མྨེ་སུ ཨ་ལོ་བྷོ ཨ་དོ་སོ ཨ་མོ་ཧོ – ཨི་མེ ཏ་ཡོ ཨ་བྱཱ་ཀ་ཏ་ཧེ་ཏཱུ.
༡༠༦༩. ཏ་ཏྠ ཀ་ཏ་མེ ན་ཝ ཀཱ་མཱ་ཝ་ཙ་ར་ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, ཏ་ཡོ ཨ་ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ – ཨི་མེ ན་ཝ ཀཱ་མཱ་ཝ་ཙ་ར་ཧེ་ཏཱུ.
༡༠༧༠. ཏ་ཏྠ ཀ་ཏ་མེ ཚ རཱུ་པཱ་ཝ་ཙ་ར་ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ – ཨི་མེ ཚ རཱུ་པཱ་ཝ་ཙ་ར་ཧེ་ཏཱུ.
༡༠༧༡. ཏ་ཏྠ ཀ་ཏ་མེ ཚ ཨ་རཱུ་པཱ་ཝ་ཙ་ར་ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ – ཨི་མེ ཚ ཨ་རཱུ་པཱ་ཝ་ཙ་ར་ཧེ་ཏཱུ.
༡༠༧༢. ཏ་ཏྠ ཀ་ཏ་མེ ཚ ཨ་པ་རི་ཡཱ་པ་ནྣ་ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ – ཨི་མེ ཚ ཨ་པ་རི་ཡཱ་པ་ནྣ་ཧེ་ཏཱུ.
༡༠༧༣. ཏ་ཏྠ ཀ་ཏ་མེ ཏ་ཡོ ཀུ་ས་ལ་ཧེ་ཏཱུ? ཨ་ལོ་བྷོ, ཨ་དོ་སོ, ཨ་མོ་ཧོ.
༡༠༧༤. ཏ་ཏྠ ཀ་ཏ་མོ ཨ་ལོ་བྷོ? ཡོ ཨ་ལོ་བྷོ ཨ་ལུ་བྦྷ་ནཱ ཨ་ལུ་བྦྷི་ཏ་ཏྟཾ ཨ་སཱ་རཱ་གོ ཨ་སཱ་ར་ཛྫ་ནཱ ཨ་སཱ་ར་ཛྫི་ཏ་ཏྟཾ ཨ་ན་བྷི་ཛ྄ཛྷཱ ཨ་ལོ་བྷོ ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ཨ་ལོ་བྷོ.
༡༠༧༥. ཏ་ཏྠ ཀ་ཏ་མོ ཨ་དོ་སོ? ཡོ ཨ་དོ་སོ ཨ་དུ་སྶ་ནཱ ཨ་དུ་སྶི་ཏ་ཏྟཾ…པེ… ཨ་བྱཱ་པཱ་དོ ཨ་བྱཱ་པ་ཛྫོ ཨ་དོ་སོ ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ཨ་དོ་སོ.
༡༠༧༦. ཏ་ཏྠ ཀ་ཏ་མོ ཨ་མོ་ཧོ? དུ་ཀྑེ ཉཱ་ཎཾ, དུ་ཀྑ་ས་མུ་ད་ཡེ ཉཱ་ཎཾ, དུ་ཀྑ་ནི་རོ་དྷེ ཉཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ, པུ་བྦ་ནྟེ ཉཱ་ཎཾ, ཨ་པ་ར་ནྟེ ཉཱ་ཎཾ, པུ་བྦ་ནྟཱ་པ་ར་ནྟེ ཉཱ་ཎཾ, ཨི་ད་པྤ་ཙྩ་ཡ་ཏཱ པ་ཊི་ཙྩ་ས་མུ་པྤ་ནྣེ་སུ དྷ་མྨེ་སུ ཉཱ་ཎཾ, ཡཱ ཨེ་ཝ་རཱུ་པཱ པ་ཉྙཱ པ་ཛཱ་ན་ནཱ ཝི་ཙ་ཡོ པ་ཝི་ཙ་ཡོ དྷ་མྨ་ཝི་ཙ་ཡོ ས་ལླ་ཀྑ་ཎཱ ཨུ་པ་ལ་ཀྑ་ཎཱ པ་ཙྩུ་པ་ལ་ཀྑ་ཎཱ པ་ཎྜི་ཙྩཾ ཀོ་ས་ལླཾ ནེ་པུ་ཉྙཾ ཝེ་བྷ་བྱཱ ཙི་ནྟཱ ཨུ་པ་པ་རི་ཀྑཱ བྷཱུ་རཱི མེ་དྷཱ པ་རི་ཎཱ་ཡི་ཀཱ ཝི་པ་སྶ་ནཱ ས་མྤ་ཛ་ཉྙཾ པ་ཏོ་དོ པ་ཉྙཱ པ་ཉྙི་ནྡྲི་ཡཾ པ་ཉྙཱ་བ་ལཾ པ་ཉྙཱ་ས་ཏྠཾ པ་ཉྙཱ་པཱ་སཱ་དོ པ་ཉྙཱ་ཨཱ་ལོ་ཀོ པ་ཉྙཱ་ཨོ་བྷཱ་སོ པ་ཉྙཱ་པ་ཛྫོ་ཏོ པ་ཉྙཱ་ར་ཏ་ནཾ ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ཨ་མོ་ཧོ.
ཨི་མེ ཏ་ཡོ ཀུ་ས་ལ་ཧེ་ཏཱུ.
༡༠༧༧. ཏ་ཏྠ ཀ་ཏ་མེ ཏ་ཡོ ཨ་བྱཱ་ཀ་ཏ་ཧེ་ཏཱུ? ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀ་ཏོ ཨ་ལོ་བྷོ ཨ་དོ་སོ ཨ་མོ་ཧོ – ཨི་མེ ཏ་ཡོ ཨ་བྱཱ་ཀ་ཏ་ཧེ་ཏཱུ. ཨི་མེ ཚ ཨ་པ་རི་ཡཱ་པ་ནྣ་ཧེ་ཏཱུ – ཨི་མེ དྷ་མྨཱ ཧེ་ཏཱུ.
༡༠༧༨. ཀ་ཏ་མེ དྷ་མྨཱ ན ཧེ་ཏཱུ? ཏེ དྷ་མྨེ ཋ་པེ་ཏྭཱ, ཨ་ཝ་སེ་སཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ; ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ན ཧེ་ཏཱུ.
༡༠༧༩. ཀ་ཏ་མེ དྷ་མྨཱ ས་ཧེ་ཏུ་ཀཱ? ཏེ་ཧི དྷ་མྨེ་ཧི ཡེ དྷ་མྨཱ ས་ཧེ་ཏུ་ཀཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ས་ཧེ་ཏུ་ཀཱ.
༡༠༨༠. ཀ་ཏ་མེ དྷ་མྨཱ ཨ་ཧེ་ཏུ་ཀཱ? ཏེ་ཧི དྷ་མྨེ་ཧི ཡེ དྷ་མྨཱ ཨ་ཧེ་ཏུ་ཀཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ, ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་ཧེ་ཏུ་ཀཱ.
༡༠༨༡. ཀ་ཏ་མེ དྷ་མྨཱ ཧེ་ཏུ་ས་མྤ་ཡུ་ཏྟཱ? ཏེ་ཧི དྷ་མྨེ་ཧི ཡེ དྷ་མྨཱ ས་མྤ་ཡུ་ཏྟཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཧེ་ཏུ་ས་མྤ་ཡུ་ཏྟཱ.
༡༠༨༢. ཀ་ཏ་མེ དྷ་མྨཱ ཧེ་ཏུ་ཝི་པྤ་ཡུ་ཏྟཱ? ཏེ་ཧི དྷ་མྨེ་ཧི ཡེ དྷ་མྨཱ ཝི་པྤ་ཡུ་ཏྟཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ, ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཧེ་ཏུ་ཝི་པྤ་ཡུ་ཏྟཱ.
༡༠༨༣. ཀ་ཏ་མེ དྷ་མྨཱ ཧེ་ཏཱུ ཙེ་ཝ ས་ཧེ་ཏུ་ཀཱ ཙ? ལོ་བྷོ མོ་ཧེ་ན ཧེ་ཏུ ཙེ་ཝ ས་ཧེ་ཏུ་ཀོ ཙ, མོ་ཧོ ལོ་བྷེ་ན ཧེ་ཏུ ཙེ་ཝ ས་ཧེ་ཏུ་ཀོ ཙ, དོ་སོ མོ་ཧེ་ན ཧེ་ཏུ ཙེ་ཝ ས་ཧེ་ཏུ་ཀོ ཙ, མོ་ཧོ དོ་སེ་ན ཧེ་ཏུ ཙེ་ཝ ས་ཧེ་ཏུ་ཀོ ཙ; ཨ་ལོ་བྷོ ཨ་དོ་སོ ཨ་མོ་ཧོ, ཏེ ཨ་ཉྙ་མ་ཉྙཾ ཧེ་ཏཱུ ཙེ་ཝ ས་ཧེ་ཏུ་ཀཱ ཙ – ཨི་མེ དྷ་མྨཱ ཧེ་ཏཱུ ཙེ་ཝ ས་ཧེ་ཏུ་ཀཱ ཙ.
༡༠༨༤. ཀ་ཏ་མེ དྷ་མྨཱ ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ? ཏེ་ཧི དྷ་མྨེ་ཧི ཡེ དྷ་མྨཱ ས་ཧེ་ཏུ་ཀཱ ཏེ དྷ་མྨེ ཋ་པེ་ཏྭཱ, ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ.
༡༠༨༥. ཀ་ཏ་མེ དྷ་མྨཱ ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙ? ལོ་བྷོ མོ་ཧེ་ན ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟོ ཙ, མོ་ཧོ ལོ་བྷེ་ན ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟོ ཙ, དོ་སོ མོ་ཧེ་ན ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟོ ཙ, མོ་ཧོ དོ་སེ་ན ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟོ ཙ; ཨ་ལོ་བྷོ ཨ་དོ་སོ ཨ་མོ་ཧོ, ཏེ ཨ་ཉྙ་མ་ཉྙཾ ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙ – ཨི་མེ དྷ་མྨཱ ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙ.
༡༠༨༦. ཀ་ཏ་མེ དྷ་མྨཱ ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ? ཏེ་ཧི དྷ་མྨེ་ཧི ཡེ དྷ་མྨཱ ས་མྤ་ཡུ་ཏྟཱ ཏེ དྷ་མྨེ ཋ་པེ་ཏྭཱ, ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ.
༡༠༨༧. ཀ་ཏ་མེ དྷ་མྨཱ ན ཧེ་ཏཱུ ས་ཧེ་ཏུ་ཀཱ? ཏེ་ཧི དྷ་མྨེ་ཧི ཡེ དྷ་མྨཱ ན ཧེ་ཏཱུ ས་ཧེ་ཏུ་ཀཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ན ཧེ་ཏཱུ ས་ཧེ་ཏུ་ཀཱ.
༡༠༨༨. ཀ་ཏ་མེ དྷ་མྨཱ ན ཧེ་ཏཱུ ཨ་ཧེ་ཏུ་ཀཱ? ཏེ་ཧི དྷ་མྨེ་ཧི ཡེ དྷ་མྨཱ ན ཧེ་ཏཱུ ཨ་ཧེ་ཏུ་ཀཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ, ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ན ཧེ་ཏཱུ ཨ་ཧེ་ཏུ་ཀཱ.
ཙཱུ་ལ༹་ནྟ་ར་དུ་ཀཾ
༡༠༨༩. ཀ་ཏ་མེ དྷ་མྨཱ ས་པྤ་ཙྩ་ཡཱ? པ་ཉྩ་ཀྑ་ནྡྷཱ – རཱུ་པ་ཀྑ་ནྡྷོ, ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ས་པྤ་ཙྩ་ཡཱ.
༡༠༩༠. ཀ་ཏ་མེ དྷ་མྨཱ ཨ་པྤ་ཙྩ་ཡཱ? ཨ་ས་ངྑ་ཏཱ དྷཱ་ཏུ – ཨི་མེ དྷ་མྨཱ ཨ་པྤ་ཙྩ་ཡཱ.
༡༠༩༡. ཀ་ཏ་མེ དྷ་མྨཱ ས་ངྑ་ཏཱ? ཡེ་ཝ ཏེ དྷ་མྨཱ ས་པྤ་ཙྩ་ཡཱ, ཏེ་ཝ ཏེ དྷ་མྨཱ ས་ངྑ་ཏཱ.
༡༠༩༢. ཀ་ཏ་མེ དྷ་མྨཱ ཨ་ས་ངྑ་ཏཱ? ཡོ ཨེ་ཝ སོ དྷ་མྨོ ཨ་པྤ་ཙྩ་ཡོ, སོ ཨེ་ཝ སོ དྷ་མྨོ ཨ་ས་ངྑ་ཏོ.
༡༠༩༣. ཀ་ཏ་མེ དྷ་མྨཱ ས་ནི་ད་སྶ་ནཱ? རཱུ་པཱ་ཡ་ཏ་ནཾ – ཨི་མེ དྷ་མྨཱ ས་ནི་ད་སྶ་ནཱ.
༡༠༩༤. ཀ་ཏ་མེ དྷ་མྨཱ ཨ་ནི་ད་སྶ་ནཱ? ཙ་ཀྑཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ, ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ, ཡ་ཉྩ རཱུ་པཾ ཨ་ནི་ད་སྶ་ནཾ ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་ནི་ད་སྶ་ནཱ.
༡༠༩༥. ཀ་ཏ་མེ དྷ་མྨཱ ས་པྤ་ཊི་གྷཱ? ཙ་ཀྑཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ – ཨི་མེ དྷ་མྨཱ ས་པྤ་ཊི་གྷཱ.
༡༠༩༦. ཀ་ཏ་མེ དྷ་མྨཱ ཨ་པྤ་ཊི་གྷཱ? ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ, ཡ་ཉྩ རཱུ་པཾ ཨ་ནི་ད་སྶ་ནཾ ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་པྤ་ཊི་གྷཱ.
༡༠༩༧. ཀ་ཏ་མེ དྷ་མྨཱ རཱུ་པི་ནོ? ཙ་ཏྟཱ་རོ ཙ མ་ཧཱ་བྷཱུ་ཏཱ ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ རཱུ་པཾ – ཨི་མེ དྷ་མྨཱ རཱུ་པི་ནོ.
༡༠༩༨. ཀ་ཏ་མེ དྷ་མྨཱ ཨ་རཱུ་པི་ནོ? ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་རཱུ་པི་ནོ.
༡༠༩༩. ཀ་ཏ་མེ དྷ་མྨཱ ལོ་ཀི་ཡཱ? སཱ་ས་ཝཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, རཱུ་པ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ལོ་ཀི་ཡཱ.
༡༡༠༠. ཀ་ཏ་མེ དྷ་མྨཱ ལོ་ཀུ་ཏྟ་རཱ? ཨ་པ་རི་ཡཱ་པ་ནྣཱ མ་གྒཱ ཙ, མ་གྒ་ཕ་ལཱ་ནི ཙ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ལོ་ཀུ་ཏྟ་རཱ.
༡༡༠༡. ཀ་ཏ་མེ དྷ་མྨཱ ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ? ཡེ ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ, ན ཏེ དྷ་མྨཱ སོ་ཏ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ སོ་ཏ་ཝི་ཉྙེ་ཡྻཱ, ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ. ཡེ ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ, ན ཏེ དྷ་མྨཱ གྷཱ་ན་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ གྷཱ་ན་ཝི་ཉྙེ་ཡྻཱ, ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ. ཡེ ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ, ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ, ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ. ཡེ ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ, ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ, ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ. ཡེ ཏེ དྷ་མྨཱ སོ་ཏ་ཝི་ཉྙེ་ཡྻཱ, ན ཏེ དྷ་མྨཱ གྷཱ་ན་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ གྷཱ་ན་ཝི་ཉྙེ་ཡྻཱ, ན ཏེ དྷ་མྨཱ སོ་ཏ་ཝི་ཉྙེ་ཡྻཱ. ཡེ ཏེ དྷ་མྨཱ སོ་ཏ་ཝི་ཉྙེ་ཡྻཱ, ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ, ན ཏེ དྷ་མྨཱ སོ་ཏ་ཝི་ཉྙེ་ཡྻཱ. ཡེ ཏེ དྷ་མྨཱ སོ་ཏ་ཝི་ཉྙེ་ཡྻཱ, ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ ན ཏེ དྷ་མྨཱ སོ་ཏ་ཝི་ཉྙེ་ཡྻཱ. ཡེ ཏེ དྷ་མྨཱ སོ་ཏ་ཝི་ཉྙེ་ཡྻཱ, ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ, ན ཏེ དྷ་མྨཱ སོ་ཏ་ཝི་ཉྙེ་ཡྻཱ. ཡེ ཏེ དྷ་མྨཱ གྷཱ་ན་ཝི་ཉྙེ་ཡྻཱ, ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ, ན ཏེ དྷ་མྨཱ གྷཱ་ན་ཝི་ཉྙེ་ཡྻཱ. ཡེ ཏེ དྷ་མྨཱ གྷཱ་ན་ཝི་ཉྙེ་ཡྻཱ, ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ, ན ཏེ དྷ་མྨཱ གྷཱ་ན་ཝི་ཉྙེ་ཡྻཱ. ཡེ ཏེ དྷ་མྨཱ གྷཱ་ན་ཝི་ཉྙེ་ཡྻཱ, ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ, ན ཏེ དྷ་མྨཱ གྷཱ་ན་ཝི་ཉྙེ་ཡྻཱ. ཡེ ཏེ དྷ་མྨཱ གྷཱ་ན་ཝི་ཉྙེ་ཡྻཱ, ན ཏེ དྷ་མྨཱ སོ་ཏ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ སོ་ཏ་ཝི་ཉྙེ་ཡྻཱ, ན ཏེ དྷ་མྨཱ གྷཱ་ན་ཝི་ཉྙེ་ཡྻཱ. ཡེ ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ, ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ, ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ. ཡེ ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ, ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ, ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ. ཡེ ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ, ན ཏེ དྷ་མྨཱ སོ་ཏ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ སོ་ཏ་ཝི་ཉྙེ་ཡྻཱ, ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ. ཡེ ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ, ན ཏེ དྷ་མྨཱ གྷཱ་ན་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ གྷཱ་ན་ཝི་ཉྙེ་ཡྻཱ, ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ. ཡེ ཏེ དྷ་མྨཱ ཀཱ་ཡ་ཝི་ཉྙེ་ཡྻཱ, ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཙ་ཀྑུ་ཝི་ཉྙེ་ཡྻཱ, ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ. ཡེ ཏེ དྷ་མྨཱ ཀཱ་ཡ་ཝི་ཉྙེ་ཡྻཱ, ན ཏེ དྷ་མྨཱ སོ་ཏ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ སོ་ཏ་ཝི་ཉྙེ་ཡྻཱ, ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ. ཡེ ཏེ དྷ་མྨཱ ཀཱ་ཡ་ཝི་ཉྙེ་ཡྻཱ, ན ཏེ དྷ་མྨཱ གྷཱ་ན་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ གྷཱ་ན་ཝི་ཉྙེ་ཡྻཱ, ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ. ཡེ ཏེ དྷ་མྨཱ ཀཱ་ཡ་ཝི་ཉྙེ་ཡྻཱ, ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ; ཡེ ཝཱ པ་ན ཏེ དྷ་མྨཱ ཛི་ཝ྄ཧཱ་ཝི་ཉྙེ་ཡྻཱ, ན ཏེ དྷ་མྨཱ ཀཱ་ཡ་ཝི་ཉྙེ་ཡྻཱ. ཨི་མེ དྷ་མྨཱ ཀེ་ན་ཙི ཝི་ཉྙེ་ཡྻཱ ཀེ་ན་ཙི ན ཝི་ཉྙེ་ཡྻཱ.
ཨཱ་ས་ཝ་གོ་ཙྪ་ཀཾ
༡༡༠༢. ཀ་ཏ་མེ དྷ་མྨཱ ཨཱ་ས་ཝཱ? ཙ་ཏྟཱ་རོ ཨཱ་ས་ཝཱ – ཀཱ་མཱ་ས་ཝོ, བྷ་ཝཱ་ས་ཝོ, དི་ཊྛཱ་ས་ཝོ, ཨ་ཝི་ཛྫཱ་ས་ཝོ.
༡༡༠༣. ཏ་ཏྠ ཀ་ཏ་མོ ཀཱ་མཱ་ས་ཝོ? ཡོ ཀཱ་མེ་སུ ཀཱ་མ་ཙྪ་ནྡོ ཀཱ་མ་རཱ་གོ ཀཱ་མ་ན་ནྡཱི ཀཱ་མ་ཏ་ཎྷཱ ཀཱ་མ་སི་ནེ་ཧོ ཀཱ་མ་པ་རི་ལཱ༹་ཧོ ཀཱ་མ་མུ་ཙྪཱ ཀཱ་མ་ཛ྄ཛྷོ་སཱ་ནཾ – ཨ་ཡཾ ཝུ་ཙྩ་ཏི ཀཱ་མཱ་ས་ཝོ.
༡༡༠༤. ཏ་ཏྠ ཀ་ཏ་མོ བྷ་ཝཱ་ས་ཝོ? ཡོ བྷ་ཝེ་སུ བྷ་ཝ་ཚ་ནྡོ [བྷ་ཝ་ཙྪ་ནྡོ (སཱི. སྱཱ.)] བྷ་ཝ་རཱ་གོ བྷ་ཝ་ན་ནྡཱི བྷ་ཝ་ཏ་ཎྷཱ བྷ་ཝ་སི་ནེ་ཧོ བྷ་ཝ་པ་རི་ལཱ༹་ཧོ བྷ་ཝ་མུ་ཙྪཱ བྷ་ཝ་ཛ྄ཛྷོ་སཱ་ནཾ – ཨ་ཡཾ ཝུ་ཙྩ་ཏི བྷ་ཝཱ་ས་ཝོ.
༡༡༠༥. ཏ་ཏྠ ཀ་ཏ་མོ དི་ཊྛཱ་ས་ཝོ? ས་སྶ་ཏོ ལོ་ཀོ་ཏི ཝཱ, ཨ་ས་སྶ་ཏོ ལོ་ཀོ་ཏི ཝཱ, ཨ་ནྟ་ཝཱ ལོ་ཀོ་ཏི ཝཱ, ཨ་ན་ནྟ་ཝཱ ལོ་ཀོ་ཏི ཝཱ, ཏཾ ཛཱི་ཝཾ ཏཾ ས་རཱི་ར་ནྟི ཝཱ, ཨ་ཉྙཾ ཛཱི་ཝཾ ཨ་ཉྙཾ ས་རཱི་ར་ནྟི ཝཱ, ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ, ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ, ཧོ་ཏི ཙ ན ཙ ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ, ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ་ཏི ཝཱ; ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ དི་ཊྛི་ག་ཧ་ནཾ དི་ཊྛི་ཀ་ནྟཱ་རོ དི་ཊྛི་ཝི་སཱུ་ཀཱ་ཡི་ཀཾ དི་ཊྛི་ཝི་པྥ་ནྡི་ཏཾ དི་ཊྛི་སཾ་ཡོ་ཛ་ནཾ གཱ་ཧོ པ་ཊི་གྒཱ་ཧོ ཨ་བྷི་ནི་ཝེ་སོ པ་རཱ་མཱ་སོ ཀུ་མྨ་གྒོ མི་ཙྪཱ་པ་ཐོ མི་ཙྪ་ཏྟཾ ཏི་ཏྠཱ་ཡ་ཏ་ནཾ ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི དི་ཊྛཱ་ས་ཝོ. ས་བྦཱ་པི མི་ཙྪཱ་དི་ཊྛི དི་ཊྛཱ་ས་ཝོ.
༡༡༠༦. ཏ་ཏྠ ཀ་ཏ་མོ ཨ་ཝི་ཛྫཱ་ས་ཝོ? དུ་ཀྑེ ཨ་ཉྙཱ་ཎཾ, དུ་ཀྑ་ས་མུ་ད་ཡེ ཨ་ཉྙཱ་ཎཾ, དུ་ཀྑ་ནི་རོ་དྷེ ཨ་ཉྙཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་ཉྙཱ་ཎཾ, པུ་བྦ་ནྟེ ཨ་ཉྙཱ་ཎཾ, ཨ་པ་ར་ནྟེ ཨ་ཉྙཱ་ཎཾ, པུ་བྦ་ནྟཱ་པ་ར་ནྟེ ཨ་ཉྙཱ་ཎཾ, ཨི་ད་པྤ་ཙྩ་ཡ་ཏཱ པ་ཊི་ཙྩ་ས་མུ་པྤ་ནྣེ་སུ དྷ་མྨེ་སུ ཨ་ཉྙཱ་ཎཾः ཡཾ ཨེ་ཝ་རཱུ་པཾ ཨ་ཉྙཱ་ཎཾ ཨ་ད་སྶ་ནཾ ཨ་ན་བྷི་ས་མ་ཡོ ཨ་ན་ནུ་བོ་དྷོ ཨ་ས་མྦོ་དྷོ ཨ་པྤ་ཊི་ཝེ་དྷོ ཨ་སཾ་གཱ་ཧ་ནཱ ཨ་པ་རི་ཡོ་གཱ་ཧ་ནཱ ཨ་ས་མ་པེ་ཀྑ་ནཱ ཨ་པ་ཙྩ་ཝེ་ཀྑ་ཎཱ ཨ་པ་ཙྩ་ཀྑ་ཀ་མྨཾ དུ་མྨེ་ཛ྄ཛྷཾ བཱ་ལྱཾ ཨ་ས་མྤ་ཛ་ཉྙཾ མོ་ཧོ པ་མོ་ཧོ ས་མྨོ་ཧོ ཨ་ཝི་ཛྫཱ ཨ་ཝི་ཛྫོ་གྷོ ཨ་ཝི་ཛྫཱ་ཡོ་གོ ཨ་ཝི་ཛྫཱ་ནུ་ས་ཡོ ཨ་ཝི་ཛྫཱ་པ་རི་ཡུ་ཊྛཱ་ནཾ ཨ་ཝི་ཛྫཱ་ལ་ངྒཱི མོ་ཧོ ཨ་ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ཨ་ཝི་ཛྫཱ་ས་ཝོ.
ཨི་མེ དྷ་མྨཱ ཨཱ་ས་ཝཱ.
༡༡༠༧. ཀ་ཏ་མེ དྷ་མྨཱ ནོ ཨཱ་ས་ཝཱ? ཏེ དྷ་མྨེ ཋ་པེ་ཏྭཱ ཨ་ཝ་སེ་སཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ས་བྦ་ཉྩ རཱུ་པཾ ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ནོ ཨཱ་ས་ཝཱ.
༡༡༠༨. ཀ་ཏ་མེ དྷ་མྨཱ སཱ་ས་ཝཱ? ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ; རཱུ་པ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ སཱ་ས་ཝཱ.
༡༡༠༩. ཀ་ཏ་མེ དྷ་མྨཱ ཨ་ནཱ་ས་ཝཱ? ཨ་པ་རི་ཡཱ་པ་ནྣཱ མ་གྒཱ ཙ མ་གྒ་ཕ་ལཱ་ནི ཙ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་ནཱ་ས་ཝཱ.
༡༡༡༠. ཀ་ཏ་མེ དྷ་མྨཱ ཨཱ་ས་ཝ་ས་མྤ་ཡུ་ཏྟཱ? ཏེ་ཧི དྷ་མྨེ་ཧི ཡེ དྷ་མྨཱ ས་མྤ་ཡུ་ཏྟཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཨཱ་ས་ཝ་ས་མྤ་ཡུ་ཏྟཱ.
༡༡༡༡. ཀ་ཏ་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ? ཏེ་ཧི དྷ་མྨེ་ཧི ཡེ དྷ་མྨཱ ཝི་པྤ་ཡུ་ཏྟཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ; ས་བྦ་ཉྩ རཱུ་པཾ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ.
༡༡༡༢. ཀ་ཏ་མེ དྷ་མྨཱ ཨཱ་ས་ཝཱ ཙེ་ཝ སཱ་ས་ཝཱ ཙ? ཏེ་ཡེ་ཝ ཨཱ་ས་ཝཱ ཨཱ་ས་ཝཱ ཙེ་ཝ སཱ་ས་ཝཱ ཙ.
༡༡༡༣. ཀ་ཏ་མེ དྷ་མྨཱ སཱ་ས་ཝཱ ཙེ་ཝ ནོ ཙ ཨཱ་ས་ཝཱ? ཏེ་ཧི དྷ་མྨེ་ཧི ཡེ དྷ་མྨཱ སཱ་ས་ཝཱ, ཏེ དྷ་མྨེ ཋ་པེ་ཏྭཱ ཨ་ཝ་སེ་སཱ སཱ་ས་ཝཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ; རཱུ་པ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ སཱ་ས་ཝཱ ཙེ་ཝ ནོ ཙ ཨཱ་ས་ཝཱ.
༡༡༡༤. ཀ་ཏ་མེ དྷ་མྨཱ ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙ? ཀཱ་མཱ་ས་ཝོ ཨ་ཝི་ཛྫཱ་ས་ཝེ་ན ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟོ ཙ, ཨ་ཝི་ཛྫཱ་ས་ཝོ ཀཱ་མཱ་ས་ཝེ་ན ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟོ ཙ, བྷ་ཝཱ་ས་ཝོ ཨ་ཝི་ཛྫཱ་ས་ཝེ་ན ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟོ ཙ, ཨ་ཝི་ཛྫཱ་ས་ཝོ བྷ་ཝཱ་ས་ཝེ་ན ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟོ ཙ, དི་ཊྛཱ་ས་ཝོ ཨ་ཝི་ཛྫཱ་ས་ཝེ་ན ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟོ ཙ, ཨ་ཝི་ཛྫཱ་ས་ཝོ དི་ཊྛཱ་ས་ཝེ་ན ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟོ ཙ – ཨི་མེ དྷ་མྨཱ ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙ.
༡༡༡༥. ཀ་ཏ་མེ དྷ་མྨཱ ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ? ཏེ་ཧི དྷ་མྨེ་ཧི ཡེ དྷ་མྨཱ ས་མྤ་ཡུ་ཏྟཱ, ཏེ དྷ་མྨེ ཋ་པེ་ཏྭཱ ཝེ་ད་ནཱ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ.
༡༡༡༦. ཀ་ཏ་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ སཱ་ས་ཝཱ? ཏེ་ཧི དྷ་མྨེ་ཧི ཡེ དྷ་མྨཱ ཝི་པྤ་ཡུ་ཏྟཱ སཱ་ས་ཝཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, རཱུ་པ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ སཱ་ས་ཝཱ.
༡༡༡༧. ཀ་ཏ་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ ཨ་ནཱ་ས་ཝཱ? ཨ་པ་རི་ཡཱ་པ་ནྣཱ མ་གྒཱ ཙ, མ་གྒ་ཕ་ལཱ་ནི ཙ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ ཨ་ནཱ་ས་ཝཱ.
ནི་ཀྑེ་པ་ཀ་ཎྜེ པ་ཋ་མ་བྷཱ་ཎ་ཝཱ་རོ.
སཾ་ཡོ་ཛ་ན་གོ་ཙྪ་ཀཾ
༡༡༡༨. ཀ་ཏ་མེ དྷ་མྨཱ སཾ་ཡོ་ཛ་ནཱ? ད་ས སཾ་ཡོ་ཛ་ནཱ་ནི – ཀཱ་མ་རཱ་ག་སཾ་ཡོ་ཛ་ནཾ, པ་ཊི་གྷ་སཾ་ཡོ་ཛ་ནཾ, མཱ་ན་སཾ་ཡོ་ཛ་ནཾ, དི་ཊྛི་སཾ་ཡོ་ཛ་ནཾ, ཝི་ཙི་ཀི་ཙྪཱ་སཾ་ཡོ་ཛ་ནཾ, སཱི་ལ་བྦ་ཏ་པ་རཱ་མཱ་ས་སཾ་ཡོ་ཛ་ནཾ, བྷ་ཝ་རཱ་ག་སཾ་ཡོ་ཛ་ནཾ, ཨི་སྶཱ་སཾ་ཡོ་ཛ་ནཾ, མ་ཙྪ་རི་ཡ་སཾ་ཡོ་ཛ་ནཾ, ཨ་ཝི་ཛྫཱ་སཾ་ཡོ་ཛ་ནཾ.
༡༡༡༩. ཏ་ཏྠ ཀ་ཏ་མཾ ཀཱ་མ་རཱ་ག་སཾ་ཡོ་ཛ་ནཾ? ཡོ ཀཱ་མེ་སུ ཀཱ་མ་ཙྪ་ནྡོ ཀཱ་མ་རཱ་གོ ཀཱ་མ་ན་ནྡཱི ཀཱ་མ་ཏ་ཎྷཱ ཀཱ་མ་སི་ནེ་ཧོ ཀཱ་མ་པ་རི་ལཱ༹་ཧོ ཀཱ་མ་མུ་ཙྪཱ ཀཱ་མ་ཛ྄ཛྷོ་སཱ་ནཾ – ཨི་དཾ ཝུ་ཙྩ་ཏི ཀཱ་མ་རཱ་ག་སཾ་ཡོ་ཛ་ནཾ.
༡༡༢༠. ཏ་ཏྠ ཀ་ཏ་མཾ པ་ཊི་གྷ་སཾ་ཡོ་ཛ་ནཾ? ཨ་ན་ཏྠཾ མེ ཨ་ཙ་རཱི་ཏི ཨཱ་གྷཱ་ཏོ ཛཱ་ཡ་ཏི, ཨ་ན་ཏྠཾ མེ ཙ་ར་ཏཱི་ཏི ཨཱ་གྷཱ་ཏོ ཛཱ་ཡ་ཏི, ཨ་ན་ཏྠཾ མེ ཙ་རི་སྶ་ཏཱི་ཏི ཨཱ་གྷཱ་ཏོ ཛཱ་ཡ་ཏི, པི་ཡ་སྶ མེ མ་ནཱ་པ་སྶ ཨ་ན་ཏྠཾ ཨ་ཙ་རི…པེ… ཨ་ན་ཏྠཾ ཙ་ར་ཏི…པེ… ཨ་ན་ཏྠཾ ཙ་རི་སྶ་ཏཱི་ཏི ཨཱ་གྷཱ་ཏོ ཛཱ་ཡ་ཏི, ཨ་པྤི་ཡ་སྶ མེ ཨ་མ་ནཱ་པ་སྶ ཨ་ཏྠཾ ཨ་ཙ་རི…པེ… ཨ་ཏྠཾ ཙ་ར་ཏི…པེ… ཨ་ཏྠཾ ཙ་རི་སྶ་ཏཱི་ཏི ཨཱ་གྷཱ་ཏོ ཛཱ་ཡ་ཏི, ཨ་ཊྛཱ་ནེ ཝཱ པ་ན ཨཱ་གྷཱ་ཏོ ཛཱ་ཡ་ཏི. ཡོ ཨེ་ཝ་རཱུ་པོ ཙི་ཏྟ་སྶ ཨཱ་གྷཱ་ཏོ པ་ཊི་གྷཱ་ཏོ པ་ཊི་གྷཾ པ་ཊི་ཝི་རོ་དྷོ ཀོ་པོ པ་ཀོ་པོ ས་མྤ་ཀོ་པོ དོ་སོ པ་དོ་སོ ས་མྤ་དོ་སོ ཙི་ཏྟ་སྶ བྱཱ་པ་ཏྟི མ་ནོ་པ་དོ་སོ ཀོ་དྷོ ཀུ་ཛ྄ཛྷ་ནཱ ཀུ་ཛ྄ཛྷི་ཏ་ཏྟཾ དོ་སོ དུ་སྶ་ནཱ དུ་སྶི་ཏ་ཏྟཾ བྱཱ་པ་ཏྟི བྱཱ་པ་ཛྫ་ནཱ བྱཱ་པ་ཛྫི་ཏ་ཏྟཾ ཝི་རོ་དྷོ པ་ཊི་ཝི་རོ་དྷོ ཙ་ཎྜི་ཀྐཾ ཨ་སུ་རོ་པོ ཨ་ན་ཏྟ་མ་ན་ཏཱ ཙི་ཏྟ་སྶ – ཨི་དཾ ཝུ་ཙྩ་ཏི པ་ཊི་གྷ་སཾ་ཡོ་ཛ་ནཾ.
༡༡༢༡. ཏ་ཏྠ ཀ་ཏ་མཾ མཱ་ན་སཾ་ཡོ་ཛ་ནཾ? སེ་ཡྻོ་ཧ་མ་སྨཱི་ཏི མཱ་ནོ, ས་དི་སོ་ཧ་མ་སྨཱི་ཏི མཱ་ནོ, ཧཱི་ནོ་ཧ་མ་སྨཱི་ཏི མཱ་ནོ. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣ་མོ [ཨུ་ཎྞ་ཏི ཨུ་ཎྞཱ་མོ (སྱཱ.)] དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨི་དཾ ཝུ་ཙྩ་ཏི མཱ་ན་སཾ་ཡོ་ཛ་ནཾ.