༤. ཨ་ཊྛ་ཀ་ཐཱ་ཀ་ཎྜཾ
ཏི་ཀ་ཨ་ཏྠུ་དྡྷཱ་རོ
༡༣༨༤. ཀ་ཏ་མེ དྷ་མྨཱ ཀུ་ས་ལཱ? ཙ་ཏཱུ་སུ བྷཱུ་མཱི་སུ ཀུ་ས་ལཾ – ཨི་མེ དྷ་མྨཱ ཀུ་ས་ལཱ.
༡༣༨༥. ཀ་ཏ་མེ དྷ་མྨཱ ཨ་ཀུ་ས་ལཱ? དྭཱ་ད་ས ཨ་ཀུ་ས་ལ་ཙི་ཏྟུ་པྤཱ་དཱ – ཨི་མེ དྷ་མྨཱ ཨ་ཀུ་ས་ལཱ.
༡༣༨༦. ཀ་ཏ་མེ དྷ་མྨཱ ཨ་བྱཱ་ཀ་ཏཱ? ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ཨ་བྱཱ་ཀ་ཏཱ.
༡༣༨༧. ཀ་ཏ་མེ དྷ་མྨཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ? ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ སོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ, ཨ་ཀུ་ས་ལ་ཏོ ཙ་ཏྟཱ་རོ ཀཱ་མཱ་ཝ་ཙ་ར་ཀུ་ས་ལ་སྶ ཝི་པཱ་ཀ་ཏོ ཙ ཀི་རི་ཡ་ཏོ ཙ པ་ཉྩ, རཱུ་པཱ་ཝ་ཙ་ར་ཏི་ཀ་ཙ་ཏུ་ཀྐ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ལོ་ཀུ་ཏྟ་ར་ཏི་ཀ་ཙ་ཏུ་ཀྐ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ, ཨེ་ཏྠུ་པྤ་ནྣཾ སུ་ཁཾ ཝེ་ད་ནཾ ཋ་པེ་ཏྭཱ – ཨི་མེ དྷ་མྨཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ.
༡༣༨༨. ཀ་ཏ་མེ དྷ་མྨཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ? དྭེ དོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ, དུ་ཀྑ་ས་ཧ་ག་ཏཾ ཀཱ་ཡ་ཝི་ཉྙཱ་ཎཾ, ཨེ་ཏྠུ་པྤ་ནྣཾ དུ་ཀྑཾ ཝེ་ད་ནཾ ཋ་པེ་ཏྭཱ – ཨི་མེ དྷ་མྨཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ.
༡༣༨༩. ཀ་ཏ་མེ དྷ་མྨཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ? ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ ཨུ་པེ་ཀྑཱ་ས་ཧ་ག་ཏ་ཙི་ཏྟུ་པྤཱ་དཱ, ཨ་ཀུ་ས་ལ་ཏོ ཚ, ཀཱ་མཱ་ཝ་ཙ་ར་ཀུ་ས་ལ་སྶ ཝི་པཱ་ཀ་ཏོ ད་ས, ཨ་ཀུ་ས་ལ་སྶ ཝི་པཱ་ཀ་ཏོ ཚ, ཀི་རི་ཡ་ཏོ ཚ, རཱུ་པཱ་ཝ་ཙ་རཾ ཙ་ཏུ་ཏྠཾ ཛྷཱ་ནཾ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ཙ་ཏྟཱ་རོ ཨ་རཱུ་པཱ་ཝ་ཙ་རཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ལོ་ཀུ་ཏྟ་རཾ ཙ་ཏུ་ཏྠཾ ཛྷཱ་ནཾ ཀུ་ས་ལ་ཏོ ཙ ཝི་པཱ་ཀ་ཏོ ཙ, ཨེ་ཏྠུ་པྤ་ནྣཾ ཨ་དུ་ཀྑ་མ་སུ་ཁཾ ཝེ་ད་ནཾ ཋ་པེ་ཏྭཱ – ཨི་མེ དྷ་མྨཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ. ཏི་སྶོ ཙ ཝེ་ད་ནཱ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ན ཝ་ཏྟ་བྦཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ཏི་པི, དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ་ཏི་པི, ཡ ཝེ་ད་ནཱ་ཡ ས་མྤ་ཡུ་ཏྟཱ་ཏི་པི.
༡༣༩༠. ཀ་ཏ་མེ དྷ་མྨཱ ཝི་པཱ་ཀཱ? ཙ་ཏཱུ་སུ བྷཱུ་མཱི་སུ ཝི་པཱ་ཀོ – ཨི་མེ དྷ་མྨཱ ཝི་པཱ་ཀཱ.
༡༣༩༡. ཀ་ཏ་མེ དྷ་མྨཱ ཝི་པཱ་ཀ་དྷ་མྨ་དྷ་མྨཱ? ཙ་ཏཱུ་སུ བྷཱུ་མཱི་སུ ཀུ་ས་ལཾ ཨ་ཀུ་ས་ལཾ – ཨི་མེ དྷ་མྨཱ ཝི་པཱ་ཀ་དྷ་མྨ་དྷ་མྨཱ.
༡༣༩༢. ཀ་ཏ་མེ དྷ་མྨཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ? ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ.
༡༣༩༣. ཀ་ཏ་མེ དྷ་མྨཱ ཨུ་པཱ་དི་ཎྞུ་པཱ་དཱ་ནི་ཡཱ? ཏཱི་སུ བྷཱུ་མཱི་སུ ཝི་པཱ་ཀོ, ཡ་ཉྩ རཱུ་པཾ ཀ་མྨ་སྶ ཀ་ཏ་ཏྟཱ – ཨི་མེ དྷ་མྨཱ ཨུ་པཱ་དི་ཎྞུ་པཱ་དཱ་ནི་ཡཱ.
༡༣༩༤. ཀ་ཏ་མེ དྷ་མྨཱ ཨ་ནུ་པཱ་དི་ཎྞུ་པཱ་དཱ་ནི་ཡཱ? ཏཱི་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ཡ་ཉྩ རཱུ་པཾ ན ཀ་མྨ་སྶ ཀ་ཏ་ཏྟཱ – ཨི་མེ དྷ་མྨཱ ཨ་ནུ་པཱ་དི་ཎྞུ་པཱ་དཱ་ནི་ཡཱ.
༡༣༩༥. ཀ་ཏ་མེ དྷ་མྨཱ ཨ་ནུ་པཱ་དི་ཎྞ་ཨ་ནུ་པཱ་དཱ་ནི་ཡཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ཨ་ནུ་པཱ་དི་ཎྞ་ཨ་ནུ་པཱ་དཱ་ནི་ཡཱ.
༡༣༩༦. ཀ་ཏ་མེ དྷ་མྨཱ སཾ་ཀི་ལི་ཊྛ་སཾ་ཀི་ལེ་སི་ཀཱ? དྭཱ་ད་སཱ་ཀུ་ས་ལ་ཙི་ཏྟུ་པྤཱ་དཱ – ཨི་མེ དྷ་མྨཱ སཾ་ཀི་ལི་ཊྛ་སཾ་ཀི་ལེ་སི་ཀཱ.
༡༣༩༧. ཀ་ཏ་མེ དྷ་མྨཱ ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ? ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ.
༡༣༩༨. ཀ་ཏ་མེ དྷ་མྨཱ ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ.
༡༣༩༩. ཀ་ཏ་མེ དྷ་མྨཱ ས་ཝི་ཏ་ཀྐ་ས་ཝི་ཙཱ་རཱ? ཀཱ་མཱ་ཝ་ཙ་རཾ ཀུ་ས་ལཾ, ཨ་ཀུ་ས་ལཾ, ཀཱ་མཱ་ཝ་ཙ་ར་ཀུ་ས་ལ་སྶ ཝི་པཱ་ཀ་ཏོ ཨེ་ཀཱ་ད་ས ཙི་ཏྟུ་པྤཱ་དཱ, ཨ་ཀུ་ས་ལ་སྶ ཝི་པཱ་ཀ་ཏོ དྭེ, ཀི་རི་ཡ་ཏོ ཨེ་ཀཱ་ད་ས, རཱུ་པཱ་ཝ་ཙ་རཾ པ་ཋ་མཾ ཛྷཱ་ནཾ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ལོ་ཀུ་ཏྟ་རཾ པ་ཋ་མཾ ཛྷཱ་ནཾ ཀུ་ས་ལ་ཏོ ཙ ཝི་པཱ་ཀ་ཏོ ཙ, ཨེ་ཏྠུ་པྤ་ནྣེ ཝི་ཏ་ཀྐ་ཝི་ཙཱ་རེ ཋ་པེ་ཏྭཱ – ཨི་མེ དྷ་མྨཱ ས་ཝི་ཏ་ཀྐ་ས་ཝི་ཙཱ་རཱ.
༡༤༠༠. ཀ་ཏ་མེ དྷ་མྨཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ? རཱུ་པཱ་ཝ་ཙ་ར་པ་ཉྩ་ཀ་ན་ཡེ དུ་ཏི་ཡཾ ཛྷཱ་ནཾ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ལོ་ཀུ་ཏྟ་ར་པ་ཉྩ་ཀ་ན་ཡེ དུ་ཏི་ཡཾ ཛྷཱ་ནཾ ཀུ་ས་ལ་ཏོ ཙ ཝི་པཱ་ཀ་ཏོ ཙ, ཨེ་ཏྠུ་པྤ་ནྣཾ ཝི་ཙཱ་རཾ ཋ་པེ་ཏྭཱ, ཝི་ཏ་ཀྐོ ཙ – ཨི་མེ དྷ་མྨཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ.
༡༤༠༡. ཀ་ཏ་མེ དྷ་མྨཱ ཨ་ཝི་ཏ་ཀྐ་ཨ་ཝི་ཙཱ་རཱ? དྭེ་པ་ཉྩ་ཝི་ཉྙཱ་ཎཱ་ནི, རཱུ་པཱ་ཝ་ཙ་ར་ཏི་ཀ་ཏི་ཀ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ཙ་ཏྟཱ་རོ ཨཱ་རུ་པྤཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ ལོ་ཀུ་ཏྟ་ར་ཏི་ཀ་ཏི་ཀ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ པ་ཉྩ་ཀ་ན་ཡེ དུ་ཏི་ཡེ ཛྷཱ་ནེ [དུ་ཏི་ཡ་ཛ྄ཛྷཱ་ནེ (སཱི.)], ཨུ་པྤ་ནྣོ ཙ ཝི་ཙཱ་རོ རཱུ་པ་ཉྩ ནི་བྦཱ་ན་ཉྩ – ཨི་མེ དྷ་མྨཱ ཨ་ཝི་ཏ་ཀྐ་ཨ་ཝི་ཙཱ་རཱ. ཝི་ཏ་ཀྐ་ས་ཧ་ཛཱ་ཏོ ཝི་ཙཱ་རོ ན ཝ་ཏྟ་བྦོ ས་ཝི་ཏ་ཀྐ་ས་ཝི་ཙཱ་རོ་ཏི་པི, ཨ་ཝི་ཏ་ཀྐ་ཝི་ཙཱ་ར་མ་ཏྟོ་ཏི་པི, ཨ་ཝི་ཏ་ཀྐ་ཨ་ཝི་ཙཱ་རོ་ཏི་པི.
༡༤༠༢. ཀ་ཏ་མེ དྷ་མྨཱ པཱི་ཏི་ས་ཧ་ག་ཏཱ? ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ སོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ, ཨ་ཀུ་ས་ལ་ཏོ ཙ་ཏྟཱ་རོ, ཀཱ་མཱ་ཝ་ཙ་ར་ཀུ་ས་ལ་སྶ ཝི་པཱ་ཀ་ཏོ པ་ཉྩ, ཀི་རི་ཡ་ཏོ པ་ཉྩ, རཱུ་པཱ་ཝ་ཙ་ར་དུ་ཀ་ཏི་ཀ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ལོ་ཀུ་ཏྟ་ར་དུ་ཀ་ཏི་ཀ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ, ཨེ་ཏྠུ་པྤ་ནྣཾ པཱི་ཏིཾ ཋ་པེ་ཏྭཱ – ཨི་མེ དྷ་མྨཱ པཱི་ཏི་ས་ཧ་ག་ཏཱ.
༡༤༠༣. ཀ་ཏ་མེ དྷ་མྨཱ སུ་ཁ་ས་ཧ་ག་ཏཱ? ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ སོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ, ཨ་ཀུ་ས་ལ་ཏོ ཙ་ཏྟཱ་རོ, ཀཱ་མཱ་ཝ་ཙ་ར་ཀུ་ས་ལ་སྶ ཝི་པཱ་ཀ་ཏོ ཚ, ཀི་རི་ཡ་ཏོ པ་ཉྩ, རཱུ་པཱ་ཝ་ཙ་ར་ཏི་ཀ་ཙ་ཏུ་ཀྐ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ལོ་ཀུ་ཏྟ་ར་ཏི་ཀ་ཙ་ཏུ་ཀྐ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ, ཨེ་ཏྠུ་པྤ་ནྣཾ སུ་ཁཾ ཋ་པེ་ཏྭཱ – ཨི་མེ དྷ་མྨཱ སུ་ཁ་ས་ཧ་ག་ཏཱ.
༡༤༠༤. ཀ་ཏ་མེ དྷ་མྨཱ ཨུ་པེ་ཀྑཱ་ས་ཧ་ག་ཏཱ? ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ ཨུ་པེ་ཀྑཱ་ས་ཧ་ག་ཏ་ཙི་ཏྟུ་པྤཱ་དཱ, ཨ་ཀུ་ས་ལ་ཏོ ཚ, ཀཱ་མཱ་ཝ་ཙ་ར་ཀུ་ས་ལ་སྶ ཝི་པཱ་ཀ་ཏོ ད་ས, ཨ་ཀུ་ས་ལ་སྶ ཝི་པཱ་ཀ་ཏོ ཚ, ཀི་རི་ཡ་ཏོ ཚ, རཱུ་པཱ་ཝ་ཙ་རཾ ཙ་ཏུ་ཏྠཾ ཛྷཱ་ནཾ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ཙ་ཏྟཱ་རོ ཨཱ་རུ་པྤཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ལོ་ཀུ་ཏྟ་རཾ ཙ་ཏུ་ཏྠཾ ཛྷཱ་ནཾ ཀུ་ས་ལ་ཏོ ཙ ཝི་པཱ་ཀ་ཏོ ཙ, ཨེ་ཏྠུ་པྤ་ནྣཾ ཨུ་པེ་ཀྑཾ ཋ་པེ་ཏྭཱ – ཨི་མེ དྷ་མྨཱ ཨུ་པེ་ཀྑཱ་ས་ཧ་ག་ཏཱ. པཱི་ཏི ན པཱི་ཏི་ས་ཧ་ག་ཏཱ, སུ་ཁ་ས་ཧ་ག་ཏཱ, ན ཨུ་པེ་ཀྑཱ་ས་ཧ་ག་ཏཱ. སུ་ཁཾ ན སུ་ཁ་ས་ཧ་ག་ཏཾ, སི་ཡཱ པཱི་ཏི་ས་ཧ་ག་ཏཾ, ན ཨུ་པེ་ཀྑཱ་ས་ཧ་ག་ཏཾ, སི་ཡཱ ན ཝ་ཏྟ་བྦཾ པཱི་ཏི་ས་ཧ་ག་ཏ་ནྟི. དྭེ དོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ, དུ་ཀྑ་ས་ཧ་ག་ཏ་ཀཱ་ཡ་ཝི་ཉྙཱ་ཎཾ, ཡཱ ཙ ཝེ་ད་ནཱ ཨུ་པེ་ཀྑཱ, རཱུ་པ་ཉྩ ནི་བྦཱ་ན་ཉྩ – ཨི་མེ དྷ་མྨཱ ན ཝ་ཏྟ་བྦཱ པཱི་ཏི་ས་ཧ་ག་ཏཱ་ཏི་པི, སུ་ཁ་ས་ཧ་ག་ཏཱ་ཏི་པི, ཨུ་པེ་ཀྑཱ་ས་ཧ་ག་ཏཱ་ཏི་པི.
༡༤༠༥. ཀ་ཏ་མེ དྷ་མྨཱ ད་སྶ་ནེ་ན པ་ཧཱ་ཏ་བྦཱ? ཙ་ཏྟཱ་རོ དི་ཊྛི་ག་ཏ་ས་མྤ་ཡུ་ཏྟ་ཙི་ཏྟུ་པྤཱ་དཱ, ཝི་ཙི་ཀི་ཙྪཱ་ས་ཧ་ག་ཏོ ཙི་ཏྟུ་པྤཱ་དོ – ཨི་མེ དྷ་མྨཱ ད་སྶ་ནེ་ན པ་ཧཱ་ཏ་བྦཱ.
༡༤༠༦. ཀ་ཏ་མེ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦཱ? ཨུ་དྡྷ་ཙྩ་ས་ཧ་ག་ཏོ ཙི་ཏྟུ་པྤཱ་དོ – ཨི་མེ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦཱ. ཙ་ཏྟཱ་རོ དི་ཊྛི་ག་ཏ་ཝི་པྤ་ཡུ་ཏྟཱ ལོ་བྷ་ས་ཧ་ག་ཏ་ཙི་ཏྟུ་པྤཱ་དཱ, དྭེ དོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ – ཨི་མེ དྷ་མྨཱ སི་ཡཱ ད་སྶ་ནེ་ན པ་ཧཱ་ཏ་བྦཱ སི་ཡཱ བྷཱ་ཝ་ནཱ་ཡ པ་ཧཱ་ཏ་བྦཱ.
༡༤༠༧. ཀ་ཏ་མེ དྷ་མྨཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ.
༡༤༠༨. ཀ་ཏ་མེ དྷ་མྨཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ? ཙ་ཏྟཱ་རོ དི་ཊྛི་ག་ཏ་ས་མྤ་ཡུ་ཏྟ་ཙི་ཏྟུ་པྤཱ་དཱ, ཝི་ཙི་ཀི་ཙྪཱ་ས་ཧ་ག་ཏོ ཙི་ཏྟུ་པྤཱ་དོ, ཨེ་ཏྠུ་པྤ་ནྣཾ མོ་ཧཾ ཋ་པེ་ཏྭཱ – ཨི་མེ དྷ་མྨཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ.
༡༤༠༩. ཀ་ཏ་མེ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ? ཨུ་དྡྷ་ཙྩ་ས་ཧ་ག་ཏོ ཙི་ཏྟུ་པྤཱ་དོ, ཨེ་ཏྠུ་པྤ་ནྣཾ མོ་ཧཾ ཋ་པེ་ཏྭཱ – ཨི་མེ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. ཙ་ཏྟཱ་རོ དི་ཊྛི་ག་ཏ་ཝི་པྤ་ཡུ་ཏྟཱ ལོ་བྷ་ས་ཧ་ག་ཏ་ཙི་ཏྟུ་པྤཱ་དཱ, དྭེ དོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ – ཨི་མེ དྷ་མྨཱ སི་ཡཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ, སི་ཡཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ.
༡༤༡༠. ཀ་ཏ་མེ དྷ་མྨཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ? ཝི་ཙི་ཀི་ཙྪཱ་ས་ཧ་ག་ཏོ མོ་ཧོ, ཨུ་དྡྷ་ཙྩ་ས་ཧ་ག་ཏོ མོ་ཧོ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ.
༡༤༡༡. ཀ་ཏ་མེ དྷ་མྨཱ ཨཱ་ཙ་ཡ་གཱ་མི་ནོ? ཏཱི་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ – ཨི་མེ དྷ་མྨཱ ཨཱ་ཙ་ཡ་གཱ་མི་ནོ.
༡༤༡༢. ཀ་ཏ་མེ དྷ་མྨཱ ཨ་པ་ཙ་ཡ་གཱ་མི་ནོ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ – ཨི་མེ དྷ་མྨཱ ཨ་པ་ཙ་ཡ་གཱ་མི་ནོ.
༡༤༡༣. ཀ་ཏ་མེ དྷ་མྨཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནོ? ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནོ.
༡༤༡༤. ཀ་ཏ་མེ དྷ་མྨཱ སེ་ཀྑཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཧེ་ཊྛི་མཱ་ནི ཙ ཏཱི་ཎི སཱ་མ་ཉྙ་ཕ་ལཱ་ནི – ཨི་མེ དྷ་མྨཱ སེ་ཀྑཱ.
༡༤༡༥. ཀ་ཏ་མེ དྷ་མྨཱ ཨ་སེ་ཀྑཱ? ཨུ་པ་རི་ཊྛི་མཾ ཨ་ར་ཧ་ཏྟ་ཕ་ལཾ – ཨི་མེ དྷ་མྨཱ ཨ་སེ་ཀྑཱ.
༡༤༡༦. ཀ་ཏ་མེ དྷ་མྨཱ ནེ་ཝ་སེ་ཀྑ་ནཱ་སེ་ཀྑཱ? ཏཱི་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནེ་ཝ་སེ་ཀྑ་ནཱ་སེ་ཀྑཱ.
༡༤༡༧. ཀ་ཏ་མེ དྷ་མྨཱ པ་རི་ཏྟཱ? ཀཱ་མཱ་ཝ་ཙ་ར་ཀུ་ས་ལཾ, ཨ་ཀུ་ས་ལཾ, ས་བྦོ ཀཱ་མཱ་ཝ་ཙ་ར་སྶ ཝི་པཱ་ཀོ, ཀཱ་མཱ་ཝ་ཙ་ར་ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ པ་རི་ཏྟཱ.
༡༤༡༨. ཀ་ཏ་མེ དྷ་མྨཱ མ་ཧ་གྒ་ཏཱ? རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཀུ་ས་ལཱ་བྱཱ་ཀ་ཏཱ – ཨི་མེ དྷ་མྨཱ མ་ཧ་གྒ་ཏཱ.
༡༤༡༩. ཀ་ཏ་མེ དྷ་མྨཱ ཨ་པྤ་མཱ་ཎཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ཨ་པྤ་མཱ་ཎཱ.
༡༤༢༠. ཀ་ཏ་མེ དྷ་མྨཱ པ་རི་ཏྟཱ་ར་མྨ་ཎཱ? ས་བྦོ ཀཱ་མཱ་ཝ་ཙ་ར་སྶ ཝི་པཱ་ཀོ, ཀི་རི་ཡཱ་མ་ནོ་དྷཱ་ཏུ, ཀི་རི་ཡཱ་ཧེ་ཏུ་ཀ་མ་ནོ་ཝི་ཉྙཱ་ཎ་དྷཱ་ཏུ སོ་མ་ན་སྶ་ས་ཧ་ག་ཏཱ – ཨི་མེ དྷ་མྨཱ པ་རི་ཏྟཱ་ར་མྨ་ཎཱ.
༡༤༢༡. ཀ་ཏ་མེ དྷ་མྨཱ མ་ཧ་གྒ་ཏཱ་ར་མྨ་ཎཱ? ཝི་ཉྙཱ་ཎ་ཉྩཱ་ཡ་ཏ་ནཾ, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ – ཨི་མེ དྷ་མྨཱ མ་ཧ་གྒ་ཏཱ་ར་མྨ་ཎཱ.
༡༤༢༢. ཀ་ཏ་མེ དྷ་མྨཱ ཨ་པྤ་མཱ་ཎཱ་ར་མྨ་ཎཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི – ཨི་མེ དྷ་མྨཱ ཨ་པྤ་མཱ་ཎཱ་ར་མྨ་ཎཱ. ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ ཉཱ་ཎ་ཝི་པྤ་ཡུ་ཏྟ་ཙི་ཏྟུ་པྤཱ་དཱ, ཀི་རི་ཡ་ཏོ ཙ་ཏྟཱ་རོ ཉཱ་ཎ་ཝི་པྤ་ཡུ་ཏྟ་ཙི་ཏྟུ་པྤཱ་དཱ, ས་བྦཾ ཨ་ཀུ་ས་ལཾ – ཨི་མེ དྷ་མྨཱ སི་ཡཱ པ་རི་ཏྟཱ་ར་མྨ་ཎཱ, སི་ཡཱ མ་ཧ་གྒ་ཏཱ་ར་མྨ་ཎཱ, ན ཨ་པྤ་མཱ་ཎཱ་ར་མྨ་ཎཱ, སི་ཡཱ ན ཝ་ཏྟ་བྦཱ པ་རི་ཏྟཱ་ར་མྨ་ཎཱ་ཏི་པི, མ་ཧ་གྒ་ཏཱ་ར་མྨ་ཎཱ་ཏི་པི. ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ ཉཱ་ཎ་ས་མྤ་ཡུ་ཏྟ་ཙི་ཏྟུ་པྤཱ་དཱ, ཀི་རི་ཡ་ཏོ ཙ་ཏྟཱ་རོ ཉཱ་ཎ་ས་མྤ་ཡུ་ཏྟ་ཙི་ཏྟུ་པྤཱ་དཱ, རཱུ་པཱ་ཝ་ཙ་རཾ ཙ་ཏུ་ཏྠཾ ཛྷཱ་ནཾ ཀུ་ས་ལ་ཏོ ཙ ཀི་རི་ཡ་ཏོ ཙ, ཀི་རི་ཡཱ་ཧེ་ཏུ་ཀ་མ་ནོ་ཝི་ཉྙཱ་ཎ་དྷཱ་ཏུ ཨུ་པེ་ཀྑཱ་ས་ཧ་ག་ཏཱ – ཨི་མེ དྷ་མྨཱ སི་ཡཱ པ་རི་ཏྟཱ་ར་མྨ་ཎཱ, སི་ཡཱ མ་ཧ་གྒ་ཏཱ་ར་མྨ་ཎཱ, སི་ཡཱ ཨ་པྤ་མཱ་ཎཱ་ར་མྨ་ཎཱ, སི་ཡཱ ན ཝ་ཏྟ་བྦཱ པ་རི་ཏྟཱ་ར་མྨ་ཎཱ་ཏི་པི, མ་ཧ་གྒ་ཏཱ་ར་མྨ་ཎཱ་ཏི་པི, ཨ་པྤ་མཱ་ཎཱ་ར་མྨ་ཎཱ་ཏི་པི. རཱུ་པཱ་ཝ་ཙ་ར་ཏི་ཀ་ཙ་ཏུ་ཀྐ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ཙ་ཏུ་ཏྠ་སྶ ཛྷཱ་ན་སྶ ཝི་པཱ་ཀོ, ཨཱ་ཀཱ་སཱ་ན་ཉྩཱ་ཡ་ཏ་ནཾ, ཨཱ་ཀི་ཉྩ་ཉྙཱ་ཡ་ཏ་ནཾ – ཨི་མེ དྷ་མྨཱ ན ཝ་ཏྟ་བྦཱ པ་རི་ཏྟཱ་ར་མྨ་ཎཱ་ཏི་པི, མ་ཧ་གྒ་ཏཱ་ར་མྨ་ཎཱ་ཏི་པི, ཨ་པྤ་མཱ་ཎཱ་ར་མྨ་ཎཱ་ཏི་པི. རཱུ་པ་ཉྩ ནི་བྦཱ་ན་ཉྩ ཨ་ནཱ་ར་མྨ་ཎཱ.
༡༤༢༣. ཀ་ཏ་མེ དྷ་མྨཱ ཧཱི་ནཱ? དྭཱ་ད་ས ཨ་ཀུ་ས་ལ་ཙི་ཏྟུ་པྤཱ་དཱ – ཨི་མེ དྷ་མྨཱ ཧཱི་ནཱ.
༡༤༢༤. ཀ་ཏ་མེ དྷ་མྨཱ མ་ཛ྄ཛྷི་མཱ? ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ མ་ཛ྄ཛྷི་མཱ.
༡༤༢༥. ཀ་ཏ་མེ དྷ་མྨཱ པ་ཎཱི་ཏཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ པ་ཎཱི་ཏཱ.
༡༤༢༦. ཀ་ཏ་མེ དྷ་མྨཱ མི་ཙྪ་ཏྟ་ནི་ཡ་ཏཱ? ཙ་ཏྟཱ་རོ དི་ཊྛི་ག་ཏ་ས་མྤ་ཡུ་ཏྟ་ཙི་ཏྟུ་པྤཱ་དཱ, དྭེ དོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ – ཨི་མེ དྷ་མྨཱ སི་ཡཱ མི་ཙྪ་ཏྟ་ནི་ཡ་ཏཱ, སི་ཡཱ ཨ་ནི་ཡ་ཏཱ.
༡༤༢༧. ཀ་ཏ་མེ དྷ་མྨཱ ས་མྨ་ཏྟ་ནི་ཡ་ཏཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ – ཨི་མེ དྷ་མྨཱ ས་མྨ་ཏྟ་ནི་ཡ་ཏཱ.
༡༤༢༨. ཀ་ཏ་མེ དྷ་མྨཱ ཨ་ནི་ཡ་ཏཱ? ཙ་ཏྟཱ་རོ དི་ཊྛི་ག་ཏ་ཝི་པྤ་ཡུ་ཏྟ་ལོ་བྷ་ས་ཧ་ག་ཏ་ཙི་ཏྟུ་པྤཱ་དཱ, ཝི་ཙི་ཀི་ཙྪཱ་ས་ཧ་ག་ཏོ ཙི་ཏྟུ་པྤཱ་དོ, ཨུ་དྡྷ་ཙྩ་ས་ཧ་ག་ཏོ ཙི་ཏྟུ་པྤཱ་དོ, ཏཱི་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ཨ་ནི་ཡ་ཏཱ.
༡༤༢༩. ཀ་ཏ་མེ དྷ་མྨཱ མ་གྒཱ་ར་མྨ་ཎཱ? ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ ཉཱ་ཎ་ས་མྤ་ཡུ་ཏྟ་ཙི་ཏྟུ་པྤཱ་དཱ, ཀི་རི་ཡ་ཏོ ཙ་ཏྟཱ་རོ ཉཱ་ཎ་ས་མྤ་ཡུ་ཏྟ་ཙི་ཏྟུ་པྤཱ་དཱ – ཨི་མེ དྷ་མྨཱ སི་ཡཱ མ་གྒཱ་ར་མྨ་ཎཱ, ན མ་གྒ་ཧེ་ཏུ་ཀཱ; སི་ཡཱ མ་གྒཱ་དྷི་པ་ཏི་ནོ, སི་ཡཱ ན ཝ་ཏྟ་བྦཱ མ་གྒཱ་ར་མྨ་ཎཱ་ཏི་པི, མ་གྒཱ་དྷི་པ་ཏི་ནོ་ཏི་པི. ཙ་ཏྟཱ་རོ ཨ་རི་ཡ་མ་གྒཱ ན མ་གྒཱ་ར་མྨ་ཎཱ, མ་གྒ་ཧེ་ཏུ་ཀཱ; སི་ཡཱ མ་གྒཱ་དྷི་པ་ཏི་ནོ, སི་ཡཱ ན ཝ་ཏྟ་བྦཱ མ་གྒཱ་དྷི་པ་ཏི་ནོ་ཏི. རཱུ་པཱ་ཝ་ཙ་ར་ཙ་ཏུ་ཏྠཾ ཛྷཱ་ནཾ ཀུ་ས་ལ་ཏོ ཙ ཀི་རི་ཡ་ཏོ ཙ, ཀི་རི་ཡཱ་ཧེ་ཏུ་ཀ་མ་ནོ་ཝི་ཉྙཱ་ཎ་དྷཱ་ཏུ ཨུ་པེ་ཀྑཱ་ས་ཧ་ག་ཏཱ – ཨི་མེ དྷ་མྨཱ སི་ཡཱ མ་གྒཱ་ར་མྨ་ཎཱ; ན མ་གྒ་ཧེ་ཏུ་ཀཱ, ན མ་གྒཱ་དྷི་པ་ཏི་ནོ; སི་ཡཱ ན ཝ་ཏྟ་བྦཱ མ་གྒཱ་ར་མྨ་ཎཱ་ཏི. ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ ཉཱ་ཎ་ཝི་པྤ་ཡུ་ཏྟ་ཙི་ཏྟུ་པྤཱ་དཱ, ས་བྦཾ ཨ་ཀུ་ས་ལཾ, ས་བྦོ ཀཱ་མཱ་ཝ་ཙ་ར་སྶ ཝི་པཱ་ཀོ, ཀི་རི་ཡ་ཏོ ཚ ཙི་ཏྟུ་པྤཱ་དཱ, རཱུ་པཱ་ཝ་ཙ་ར་ཏི་ཀ་ཙ་ཏུ་ཀྐ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ཙ་ཏུ་ཏྠ་སྶ ཛྷཱ་ན་སྶ ཝི་པཱ་ཀོ, ཙ་ཏྟཱ་རོ ཨཱ་རུ་པྤཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི – ཨི་མེ དྷ་མྨཱ ན ཝ་ཏྟ་བྦཱ མ་གྒཱ་ར་མྨ་ཎཱ་ཏི་པི, མ་གྒ་ཧེ་ཏུ་ཀཱ་ཏི་པི, མ་གྒཱ་དྷི་པ་ཏི་ནོ་ཏི་པི. རཱུ་པ་ཉྩ ནི་བྦཱ་ན་ཉྩ ཨ་ནཱ་ར་མྨ་ཎཱ.
༡༤༣༠. ཀ་ཏ་མེ དྷ་མྨཱ ཨུ་པྤ་ནྣཱ? ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཡ་ཉྩ རཱུ་པཾ ཀ་མྨ་སྶ ཀ་ཏ་ཏྟཱ – ཨི་མེ དྷ་མྨཱ སི་ཡཱ ཨུ་པྤ་ནྣཱ, སི་ཡཱ ཨུ་པྤཱ་དི་ནོ; ན ཝ་ཏྟ་བྦཱ ཨ་ནུ་པྤ་ནྣཱ་ཏི. ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ཡ་ཉྩ རཱུ་པཾ ན ཀ་མྨ་སྶ ཀ་ཏ་ཏྟཱ – ཨི་མེ དྷ་མྨཱ སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, ན ཝ་ཏྟ་བྦཱ ཨུ་པྤཱ་དི་ནོ་ཏི. ནི་བྦཱ་ནཾ ན ཝ་ཏྟ་བྦཾ ཨུ་པྤ་ནྣ་ནྟི་པི, ཨ་ནུ་པྤ་ནྣ་ནྟི་པི, ཨུ་པྤཱ་དི་ནོ་ཏི་པི.
༡༤༣༡. ནི་བྦཱ་ནཾ ཋ་པེ་ཏྭཱ ས་བྦེ དྷ་མྨཱ སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ. ནི་བྦཱ་ནཾ ན ཝ་ཏྟ་བྦཾ ཨ་ཏཱི་ཏ་ནྟི་པི, ཨ་ནཱ་ག་ཏ་ནྟི་པི, པ་ཙྩུ་པྤ་ནྣ་ནྟི་པི.
༡༤༣༢. ཀ་ཏ་མེ དྷ་མྨཱ ཨ་ཏཱི་ཏཱ་ར་མྨ་ཎཱ? ཝི་ཉྙཱ་ཎ་ཉྩཱ་ཡ་ཏ་ནཾ, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ – ཨི་མེ དྷ་མྨཱ ཨ་ཏཱི་ཏཱ་ར་མྨ་ཎཱ.
༡༤༣༣. ནི་ཡོ་གཱ ཨ་ནཱ་ག་ཏཱ་ར་མྨ་ཎཱ ན་ཏྠི.
༡༤༣༤. ཀ་ཏ་མེ དྷ་མྨཱ པ་ཙྩུ་པྤ་ནྣཱ་ར་མྨ་ཎཱ? དྭེ་པ་ཉྩ་ཝི་ཉྙཱ་ཎཱ་ནི, ཏི་སྶོ ཙ མ་ནོ་དྷཱ་ཏུ་ཡོ – ཨི་མེ དྷ་མྨཱ པ་ཙྩུ་པྤ་ནྣཱ་ར་མྨ་ཎཱ. ཀཱ་མཱ་ཝ་ཙ་ར་ཀུ་ས་ལ་སྶ ཝི་པཱ་ཀ་ཏོ ད་ས ཙི་ཏྟུ་པྤཱ་དཱ, ཨ་ཀུ་ས་ལ་སྶ ཝི་པཱ་ཀ་ཏོ མ་ནོ་ཝི་ཉྙཱ་ཎ་དྷཱ་ཏུ ཨུ་པེ་ཀྑཱ་ས་ཧ་ག་ཏཱ, ཀི་རི་ཡཱ་ཧེ་ཏུ་ཀ་མ་ནོ་ཝི་ཉྙཱ་ཎ་དྷཱ་ཏུ སོ་མ་ན་སྶ་ས་ཧ་ག་ཏཱ – ཨི་མེ དྷ་མྨཱ སི་ཡཱ ཨ་ཏཱི་ཏཱ་ར་མྨ་ཎཱ, སི་ཡཱ ཨ་ནཱ་ག་ཏཱ་ར་མྨ་ཎཱ, སི་ཡཱ པ་ཙྩུ་པྤ་ནྣཱ་ར་མྨ་ཎཱ. ཀཱ་མཱ་ཝ་ཙ་ར་ཀུ་ས་ལཾ, ཨ་ཀུ་ས་ལཾ, ཀི་རི་ཡ་ཏོ ན་ཝ ཙི་ཏྟུ་པྤཱ་དཱ, རཱུ་པཱ་ཝ་ཙ་རཾ ཙ་ཏུ་ཏྠཾ ཛྷཱ་ནཾ ཀུ་ས་ལ་ཏོ ཙ ཀི་རི་ཡ་ཏོ ཙ – ཨི་མེ དྷ་མྨཱ སི་ཡཱ ཨ་ཏཱི་ཏཱ་ར་མྨ་ཎཱ, སི་ཡཱ ཨ་ནཱ་ག་ཏཱ་ར་མྨ་ཎཱ, སི་ཡཱ པ་ཙྩུ་པྤ་ནྣཱ་ར་མྨ་ཎཱ; སི་ཡཱ ན ཝ་ཏྟ་བྦཱ ཨ་ཏཱི་ཏཱ་ར་མྨ་ཎཱ་ཏི་པི, ཨ་ནཱ་ག་ཏཱ་ར་མྨ་ཎཱ་ཏི་པི, པ་ཙྩུ་པྤ་ནྣཱ་ར་མྨ་ཎཱ་ཏི་པི. རཱུ་པཱ་ཝ་ཙ་ར་ཏི་ཀ་ཙ་ཏུ་ཀྐ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ཙ་ཏུ་ཏྠ་སྶ ཛྷཱ་ན་སྶ ཝི་པཱ་ཀོ, ཨཱ་ཀཱ་སཱ་ན་ཉྩཱ་ཡ་ཏ་ནཾ, ཨཱ་ཀི་ཉྩ་ཉྙཱ་ཡ་ཏ་ནཾ, ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི – ཨི་མེ དྷ་མྨཱ ན ཝ་ཏྟ་བྦཱ ཨ་ཏཱི་ཏཱ་ར་མྨ་ཎཱ་ཏི་པི, ཨ་ནཱ་ག་ཏཱ་ར་མྨ་ཎཱ་ཏི་པི, པ་ཙྩུ་པྤ་ནྣཱ་ར་མྨ་ཎཱ་ཏི་པི. རཱུ་པ་ཉྩ ནི་བྦཱ་ན་ཉྩ ཨ་ནཱ་ར་མྨ་ཎཱ.
༡༤༣༥. ཨ་ནི་ནྡྲི་ཡ་བ་དྡྷ་རཱུ་པ་ཉྩ ནི་བྦཱ་ན་ཉྩ ཋ་པེ་ཏྭཱ, ས་བྦེ དྷ་མྨཱ སི་ཡཱ ཨ་ཛ྄ཛྷ་ཏྟཱ, སི་ཡཱ བ་ཧི་དྡྷཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ. ཨ་ནི་ནྡྲི་ཡ་བ་དྡྷ་རཱུ་པ་ཉྩ ནི་བྦཱ་ན་ཉྩ བ་ཧི་དྡྷཱ.
༡༤༣༦. ཀ་ཏ་མེ དྷ་མྨཱ ཨ་ཛ྄ཛྷ་ཏྟཱ་ར་མྨ་ཎཱ? ཝི་ཉྙཱ་ཎ་ཉྩཱ་ཡ་ཏ་ནཾ, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ – ཨི་མེ དྷ་མྨཱ ཨ་ཛ྄ཛྷ་ཏྟཱ་ར་མྨ་ཎཱ.
༡༤༣༧. ཀ་ཏ་མེ དྷ་མྨཱ བ་ཧི་དྡྷཱ་ར་མྨ་ཎཱ? རཱུ་པཱ་ཝ་ཙ་ར་ཏི་ཀ་ཙ་ཏུ་ཀྐ་ཛ྄ཛྷཱ་ནཱ ཀུ་ས་ལ་ཏོ ཙ ཝི་པཱ་ཀ་ཏོ ཙ ཀི་རི་ཡ་ཏོ ཙ, ཙ་ཏུ་ཏྠ་སྶ ཛྷཱ་ན་སྶ ཝི་པཱ་ཀོ, ཨཱ་ཀཱ་སཱ་ན་ཉྩཱ་ཡ་ཏ་ནཾ, ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ ཙ་ཏྟཱ་རི ཙ སཱ་མ་ཉྙ་ཕ་ལཱ་ནི – ཨི་མེ དྷ་མྨཱ བ་ཧི་དྡྷཱ་ར་མྨ་ཎཱ. རཱུ་པཾ ཋ་པེ་ཏྭཱ, ས་བྦེ་ཝ ཀཱ་མཱ་ཝ་ཙ་རཱ ཀུ་ས་ལཱ་ཀུ་ས་ལཱ་བྱཱ་ཀ་ཏཱ དྷ་མྨཱ, རཱུ་པཱ་ཝ་ཙ་རཾ ཙ་ཏུ་ཏྠཾ ཛྷཱ་ནཾ ཀུ་ས་ལ་ཏོ ཙ ཀི་རི་ཡ་ཏོ ཙ – ཨི་མེ དྷ་མྨཱ སི་ཡཱ ཨ་ཛ྄ཛྷ་ཏྟཱ་ར་མྨ་ཎཱ, སི་ཡཱ བ་ཧི་དྡྷཱ་ར་མྨ་ཎཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ. ཨཱ་ཀི་ཉྩ་ཉྙཱ་ཡ་ཏ་ནཾ ན ཝ་ཏྟ་བྦཾ ཨ་ཛ྄ཛྷ་ཏྟཱ་ར་མྨ་ཎ་ནྟི་པི, བ་ཧི་དྡྷཱ་ར་མྨ་ཎ་ནྟི་པི, ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎ་ནྟི་པི. རཱུ་པ་ཉྩ ནི་བྦཱ་ན་ཉྩ ཨ་ནཱ་ར་མྨ་ཎཱ.
༡༤༣༨. ཀ་ཏ་མེ དྷ་མྨཱ ས་ནི་ད་སྶ་ན་ས་པྤ་ཊི་གྷཱ? རཱུ་པཱ་ཡ་ཏ་ནཾ – ཨི་མེ དྷ་མྨཱ ས་ནི་ད་སྶ་ན་ས་པྤ་ཊི་གྷཱ.
༡༤༣༩. ཀ་ཏ་མེ དྷ་མྨཱ ཨ་ནི་ད་སྶ་ན་ས་པྤ་ཊི་གྷཱ? ཙ་ཀྑཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ – ཨི་མེ དྷ་མྨཱ ཨ་ནི་ད་སྶ་ན་ས་པྤ་ཊི་གྷཱ.
༡༤༤༠. ཀ་ཏ་མེ དྷ་མྨཱ ཨ་ནི་ད་སྶ་ན་ཨ་པྤ་ཊི་གྷཱ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ཡ་ཉྩ རཱུ་པཾ ཨ་ནི་ད་སྶ་ནཾ ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ, ནི་བྦཱ་ན་ཉྩ – ཨི་མེ དྷ་མྨཱ ཨ་ནི་ད་སྶ་ན་ཨ་པྤ་ཊི་གྷཱ.
ཏི་ཀཾ.
དུ་ཀ་ཨ་ཏྠུ་དྡྷཱ་རོ
ཧེ་ཏུ་གོ་ཙྪ་ཀཾ
༡༤༤༡. ཀ་ཏ་མེ དྷ་མྨཱ ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, ཏ་ཡོ ཨ་ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ. ཨ་ལོ་བྷོ ཀུ་ས་ལ་ཧེ་ཏུ, ཨ་དོ་སོ ཀུ་ས་ལ་ཧེ་ཏུ, ཙ་ཏཱུ་སུ བྷཱུ་མཱི་སུ ཀུ་ས་ལེ་སུ ཨུ་པྤ་ཛྫ་ནྟི. ཨ་མོ་ཧོ ཀུ་ས་ལ་ཧེ་ཏུ, ཀཱ་མཱ་ཝ་ཙ་ར་ཀུ་ས་ལ་ཏོ ཙ་ཏྟཱ་རོ ཉཱ་ཎ་ཝི་པྤ་ཡུ་ཏྟེ ཙི་ཏྟུ་པྤཱ་དེ ཋ་པེ་ཏྭཱ, ཙ་ཏཱུ་སུ བྷཱུ་མཱི་སུ ཀུ་ས་ལེ་སུ ཨུ་པྤ་ཛྫ་ཏི.
ལོ་བྷོ ཨ་ཊྛ་སུ ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. དོ་སོ དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. མོ་ཧོ ས་བྦཱ་ཀུ་ས་ལེ་སུ ཨུ་པྤ་ཛྫ་ཏི.
ཨ་ལོ་བྷོ ཝི་པཱ་ཀ་ཧེ་ཏུ ཨ་དོ་སོ ཝི་པཱ་ཀ་ཧེ་ཏུ, ཀཱ་མཱ་ཝ་ཙ་ར་སྶ ཝི་པཱ་ཀ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ, ཙ་ཏཱུ་སུ བྷཱུ་མཱི་སུ ཝི་པཱ་ཀེ་སུ ཨུ་པྤ་ཛྫ་ནྟི. ཨ་མོ་ཧོ ཝི་པཱ་ཀ་ཧེ་ཏུ, ཀཱ་མཱ་ཝ་ཙ་ར་སྶ ཝི་པཱ་ཀ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ, ཙ་ཏྟཱ་རོ ཉཱ་ཎ་ཝི་པྤ་ཡུ་ཏྟེ ཙི་ཏྟུ་པྤཱ་དེ ཋ་པེ་ཏྭཱ, ཙ་ཏཱུ་སུ བྷཱུ་མཱི་སུ ཝི་པཱ་ཀེ་སུ ཨུ་པྤ་ཛྫ་ཏི.
ཨ་ལོ་བྷོ ཀི་རི་ཡ་ཧེ་ཏུ ཨ་དོ་སོ ཀི་རི་ཡ་ཧེ་ཏུ, ཀཱ་མཱ་ཝ་ཙ་ར་ཀི་རི་ཡ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ, ཏཱི་སུ བྷཱུ་མཱི་སུ ཀི་རི་ཡེ་སུ ཨུ་པྤ་ཛྫ་ནྟི. ཨ་མོ་ཧོ ཀི་རི་ཡ་ཧེ་ཏུ, ཀཱ་མཱ་ཝ་ཙ་ར་ཀི་རི་ཡ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ, ཙ་ཏྟཱ་རོ ཉཱ་ཎ་ཝི་པྤ་ཡུ་ཏྟེ ཙི་ཏྟུ་པྤཱ་དེ ཋ་པེ་ཏྭཱ, ཏཱི་སུ བྷཱུ་མཱི་སུ ཀི་རི་ཡེ་སུ ཨུ་པྤ་ཛྫ་ཏི – ཨི་མེ དྷ་མྨཱ ཧེ་ཏཱུ.
༡༤༤༢. ཀ་ཏ་མེ དྷ་མྨཱ ན ཧེ་ཏཱུ? ཋ་པེ་ཏྭཱ ཧེ་ཏཱུ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ན ཧེ་ཏཱུ.
༡༤༤༣. ཀ་ཏ་མེ དྷ་མྨཱ ས་ཧེ་ཏུ་ཀཱ? ཝི་ཙི་ཀི་ཙྪཱ་ས་ཧ་ག་ཏཾ ཨུ་དྡྷ་ཙྩ་ས་ཧ་ག་ཏཾ མོ་ཧཾ ཋ་པེ་ཏྭཱ ཨ་ཝ་སེ་སཾ ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཀཱ་མཱ་ཝ་ཙ་ར་སྶ ཝི་པཱ་ཀ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཀཱ་མཱ་ཝ་ཙ་ར་ཀི་རི་ཡ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ – ཨི་མེ དྷ་མྨཱ ས་ཧེ་ཏུ་ཀཱ.
༡༤༤༤. ཀ་ཏ་མེ དྷ་མྨཱ ཨ་ཧེ་ཏུ་ཀཱ? ཝི་ཙི་ཀི་ཙྪཱ་ས་ཧ་ག་ཏོ མོ་ཧོ, ཨུ་དྡྷ་ཙྩ་ས་ཧ་ག་ཏོ མོ་ཧོ, དྭེ་པ་ཉྩ་ཝི་ཉྙཱ་ཎཱ་ནི, ཏི་སྶོ ཙ མ་ནོ་དྷཱ་ཏུ་ཡོ, པ་ཉྩ ཙ ཨ་ཧེ་ཏུ་ཀ་མ་ནོ་ཝི་ཉྙཱ་ཎ་དྷཱ་ཏུ་ཡོ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ཨ་ཧེ་ཏུ་ཀཱ.
༡༤༤༥. ཀ་ཏ་མེ དྷ་མྨཱ ཧེ་ཏུ་ས་མྤ་ཡུ་ཏྟཱ? ཝི་ཙི་ཀི་ཙྪཱ་ས་ཧ་ག་ཏཾ ཨུ་དྡྷ་ཙྩ་ས་ཧ་ག་ཏཾ མོ་ཧཾ ཋ་པེ་ཏྭཱ ཨ་ཝ་སེ་སཾ ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཀཱ་མཱ་ཝ་ཙ་ར་སྶ ཝི་པཱ་ཀ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཀཱ་མཱ་ཝ་ཙ་ར་ཀི་རི་ཡ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ – ཨི་མེ དྷ་མྨཱ ཧེ་ཏུ་ས་མྤ་ཡུ་ཏྟཱ.
༡༤༤༦. ཀ་ཏ་མེ དྷ་མྨཱ ཧེ་ཏུ་ཝི་པྤ་ཡུ་ཏྟཱ? ཝི་ཙི་ཀི་ཙྪཱ་ས་ཧ་ག་ཏོ མོ་ཧོ, ཨུ་དྡྷ་ཙྩ་ས་ཧ་ག་ཏོ མོ་ཧོ, དྭེ་པ་ཉྩ་ཝི་ཉྙཱ་ཎཱ་ནི ཏི་སྶོ ཙ མ་ནོ་དྷཱ་ཏུ་ཡོ པ་ཉྩ ཙ ཨ་ཧེ་ཏུ་ཀ་མ་ནོ་ཝི་ཉྙཱ་ཎ་དྷཱ་ཏུ་ཡོ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ཧེ་ཏུ་ཝི་པྤ་ཡུ་ཏྟཱ.
༡༤༤༧. ཀ་ཏ་མེ དྷ་མྨཱ ཧེ་ཏཱུ ཙེ་ཝ ས་ཧེ་ཏུ་ཀཱ ཙ? ཡ་ཏྠ དྭེ ཏ་ཡོ ཧེ་ཏཱུ ཨེ་ཀ་ཏོ ཨུ་པྤ་ཛྫ་ནྟི – ཨི་མེ དྷ་མྨཱ ཧེ་ཏཱུ ཙེ་ཝ ས་ཧེ་ཏུ་ཀཱ ཙ.
༡༤༤༨. ཀ་ཏ་མེ དྷ་མྨཱ ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཀཱ་མཱ་ཝ་ཙ་ར་སྶ ཝི་པཱ་ཀ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཀཱ་མཱ་ཝ་ཙ་ར་ཀི་རི་ཡ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ཨེ་ཏྠུ་པྤ་ནྣེ ཧེ་ཏཱུ ཋ་པེ་ཏྭཱ – ཨི་མེ དྷ་མྨཱ ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ. ཨ་ཧེ་ཏུ་ཀཱ དྷ་མྨཱ ན ཝ་ཏྟ་བྦཱ – ཧེ་ཏཱུ ཙེ་ཝ ས་ཧེ་ཏུ་ཀཱ ཙཱ་ཏི་པི, ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ་ཏི་པི.
༡༤༤༩. ཀ་ཏ་མེ དྷ་མྨཱ ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙ? ཡ་ཏྠ དྭེ ཏ་ཡོ ཧེ་ཏཱུ ཨེ་ཀ་ཏོ ཨུ་པྤ་ཛྫ་ནྟི – ཨི་མེ དྷ་མྨཱ ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙ.
༡༤༥༠. ཀ་ཏ་མེ དྷ་མྨཱ ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཀཱ་མཱ་ཝ་ཙ་ར་སྶ ཝི་པཱ་ཀ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཀཱ་མཱ་ཝ་ཙ་ར་ཀི་རི་ཡ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ཨེ་ཏྠུ་པྤ་ནྣེ ཧེ་ཏཱུ ཋ་པེ་ཏྭཱ – ཨི་མེ དྷ་མྨཱ ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ. ཧེ་ཏུ་ཝི་པྤ་ཡུ་ཏྟཱ དྷ་མྨཱ ན ཝ་ཏྟ་བྦཱ – ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙཱ་ཏི་པི, ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ་ཏི་པི.
༡༤༥༡. ཀ་ཏ་མེ དྷ་མྨཱ ན ཧེ་ཏཱུ ས་ཧེ་ཏུ་ཀཱ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཀཱ་མཱ་ཝ་ཙ་ར་སྶ ཝི་པཱ་ཀ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཀཱ་མཱ་ཝ་ཙ་ར་ཀི་རི་ཡ་ཏོ ཨ་ཧེ་ཏུ་ཀེ ཙི་ཏྟུ་པྤཱ་དེ ཋ་པེ་ཏྭཱ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ཨེ་ཏྠུ་པྤ་ནྣེ ཧེ་ཏཱུ ཋ་པེ་ཏྭཱ – ཨི་མེ དྷ་མྨཱ ན ཧེ་ཏཱུ ས་ཧེ་ཏུ་ཀཱ.
༡༤༥༢. ཀ་ཏ་མེ དྷ་མྨཱ ན ཧེ་ཏཱུ ཨ་ཧེ་ཏུ་ཀཱ? དྭེ་པ་ཉྩ་ཝི་ཉྙཱ་ཎཱ་ནི, ཏི་སྶོ ཙ མ་ནོ་དྷཱ་ཏུ་ཡོ, པ་ཉྩ ཙ ཨ་ཧེ་ཏུ་ཀ་མ་ནོ་ཝི་ཉྙཱ་ཎ་དྷཱ་ཏུ་ཡོ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ན ཧེ་ཏཱུ ཨ་ཧེ་ཏུ་ཀཱ. ཧེ་ཏཱུ དྷ་མྨཱ ན ཝ་ཏྟ་བྦཱ – ན ཧེ་ཏཱུ ས་ཧེ་ཏུ་ཀཱ་ཏི་པི, ན ཧེ་ཏཱུ ཨ་ཧེ་ཏུ་ཀཱ་ཏི་པི.
ཙཱུ་ལ༹་ནྟ་ར་དུ་ཀཾ
༡༤༥༣. ཀ་ཏ་མེ དྷ་མྨཱ ས་པྤ་ཙྩ་ཡཱ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ས་པྤ་ཙྩ་ཡཱ.
༡༤༥༤. ཀ་ཏ་མེ དྷ་མྨཱ ཨ་པྤ་ཙྩ་ཡཱ? ནི་བྦཱ་ནཾ – ཨི་མེ དྷ་མྨཱ ཨ་པྤ་ཙྩ་ཡཱ.
༡༤༥༥. ཀ་ཏ་མེ དྷ་མྨཱ ས་ངྑ་ཏཱ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ས་ངྑ་ཏཱ.
༡༤༥༦. ཀ་ཏ་མེ དྷ་མྨཱ ཨ་ས་ངྑ་ཏཱ? ནི་བྦཱ་ནཾ – ཨི་མེ དྷ་མྨཱ ཨ་ས་ངྑ་ཏཱ.
༡༤༥༧. ཀ་ཏ་མེ དྷ་མྨཱ ས་ནི་ད་སྶ་ནཱ? རཱུ་པཱ་ཡ་ཏ་ནཾ – ཨི་མེ དྷ་མྨཱ ས་ནི་ད་སྶ་ནཱ.
༡༤༥༨. ཀ་ཏ་མེ དྷ་མྨཱ ཨ་ནི་ད་སྶ་ནཱ? ཙ་ཀྑཱ་ཡ་ཏ་ནཾ …པེ… ཕོ་ཊྛ་བྦཱ་ཡ་ཏ་ནཾ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ཡ་ཉྩ རཱུ་པཾ ཨ་ནི་ད་སྶ་ནཾ ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ, ནི་བྦཱ་ན་ཉྩ – ཨི་མེ དྷ་མྨཱ ཨ་ནི་ད་སྶ་ནཱ.
༡༤༥༩. ཀ་ཏ་མེ དྷ་མྨཱ ས་པྤ་ཊི་གྷཱ? ཙ་ཀྑཱ་ཡ་ཏ་ནཾ…པེ… ཕོ་ཊྛ་བྦཱ་ཡ་ཏ་ནཾ – ཨི་མེ དྷ་མྨཱ ས་པྤ་ཊི་གྷཱ.
༡༤༦༠. ཀ་ཏ་མེ དྷ་མྨཱ ཨ་པྤ་ཊི་གྷཱ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ཡ་ཉྩ རཱུ་པཾ ཨ་ནི་ད་སྶ་ནཾ ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ, ནི་བྦཱ་ན་ཉྩ – ཨི་མེ དྷ་མྨཱ ཨ་པྤ་ཊི་གྷཱ.
༡༤༦༡. ཀ་ཏ་མེ དྷ་མྨཱ རཱུ་པི་ནོ? ཙ་ཏྟཱ་རོ ཙ མ་ཧཱ་བྷཱུ་ཏཱ, ཙ་ཏུ་ནྣ་ཉྩ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ རཱུ་པཾ – ཨི་མེ དྷ་མྨཱ རཱུ་པི་ནོ.
༡༤༦༢. ཀ་ཏ་མེ དྷ་མྨཱ ཨ་རཱུ་པི་ནོ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ནི་བྦཱ་ན་ཉྩ – ཨི་མེ དྷ་མྨཱ ཨ་རཱུ་པི་ནོ.
༡༤༦༣. ཀ་ཏ་མེ དྷ་མྨཱ ལོ་ཀི་ཡཱ? ཏཱི་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ལོ་ཀི་ཡཱ.
༡༤༦༤. ཀ་ཏ་མེ དྷ་མྨཱ ལོ་ཀུ་ཏྟ་རཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ལོ་ཀུ་ཏྟ་རཱ. ས་བྦེ [ས་བྦེ་ཝ (སྱཱ.)] དྷ་མྨཱ ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ.
ཨཱ་ས་ཝ་གོ་ཙྪ་ཀཾ
༡༤༦༥. ཀ་ཏ་མེ དྷ་མྨཱ ཨཱ་ས་ཝཱ? ཙ་ཏྟཱ་རོ ཨཱ་ས་ཝཱ – ཀཱ་མཱ་ས་ཝོ, བྷ་ཝཱ་ས་ཝོ, དི་ཊྛཱ་ས་ཝོ, ཨ་ཝི་ཛྫཱ་ས་ཝོ. ཀཱ་མཱ་ས་ཝོ ཨ་ཊྛ་སུ ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི བྷ་ཝཱ་ས་ཝོ ཙ་ཏཱུ་སུ དི་ཊྛི་ག་ཏ་ཝི་པྤ་ཡུ་ཏྟ་ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི དི་ཊྛཱ་ས་ཝོ ཙ་ཏཱུ་སུ དི་ཊྛི་ག་ཏ་ས་མྤ་ཡུ་ཏྟེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. ཨ་ཝི་ཛྫཱ་ས་ཝོ ས་བྦཱ་ཀུ་ས་ལེ་སུ ཨུ་པྤ་ཛྫ་ཏི – ཨི་མེ དྷ་མྨཱ ཨཱ་ས་ཝཱ.
༡༤༦༦. ཀ་ཏ་མེ དྷ་མྨཱ ནོ ཨཱ་ས་ཝཱ? ཋ་པེ་ཏྭཱ ཨཱ་ས་ཝེ ཨ་ཝ་སེ་སཾ ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནོ ཨཱ་ས་ཝཱ.
༡༤༦༧. ཀ་ཏ་མེ དྷ་མྨཱ སཱ་ས་ཝཱ? ཏཱི་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ སཱ་ས་ཝཱ.
༡༤༦༨. ཀ་ཏ་མེ དྷ་མྨཱ ཨ་ནཱ་ས་ཝཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ཨ་ནཱ་ས་ཝཱ.
༡༤༦༩. ཀ་ཏ་མེ དྷ་མྨཱ ཨཱ་ས་ཝ་ས་མྤ་ཡུ་ཏྟཱ? དྭེ དོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ ཨེ་ཏྠུ་པྤ་ནྣཾ མོ་ཧཾ ཋ་པེ་ཏྭཱ, ཝི་ཙི་ཀི་ཙྪཱ་ས་ཧ་ག་ཏཾ ཨུ་དྡྷ་ཙྩ་ས་ཧ་ག་ཏཾ མོ་ཧཾ ཋ་པེ་ཏྭཱ, ཨ་ཝ་སེ་སཾ ཨ་ཀུ་ས་ལཾ – ཨི་མེ དྷ་མྨཱ ཨཱ་ས་ཝ་ས་མྤ་ཡུ་ཏྟཱ.
༡༤༧༠. ཀ་ཏ་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ? དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ནྣོ མོ་ཧོ, ཝི་ཙི་ཀི་ཙྪཱ་ས་ཧ་ག་ཏོ མོ་ཧོ, ཨུ་དྡྷ་ཙྩ་ས་ཧ་ག་ཏོ མོ་ཧོ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ.
༡༤༧༡. ཀ་ཏ་མེ དྷ་མྨཱ ཨཱ་ས་ཝཱ ཙེ་ཝ སཱ་ས་ཝཱ ཙ? ཏེ་ཝ ཨཱ་ས་ཝཱ ཨཱ་ས་ཝཱ ཙེ་ཝ སཱ་ས་ཝཱ ཙ.
༡༤༧༢. ཀ་ཏ་མེ དྷ་མྨཱ སཱ་ས་ཝཱ ཙེ་ཝ ནོ ཙ ཨཱ་ས་ཝཱ? ཋ་པེ་ཏྭཱ ཨཱ་ས་ཝེ, ཨ་ཝ་སེ་སཾ ཨ་ཀུ་ས་ལཾ, ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ སཱ་ས་ཝཱ ཙེ་ཝ ནོ ཙ ཨཱ་ས་ཝཱ. ཨ་ནཱ་ས་ཝཱ དྷ་མྨཱ ན ཝ་ཏྟ་བྦཱ – ཨཱ་ས་ཝཱ ཙེ་ཝ སཱ་ས་ཝཱ ཙཱ་ཏི་པི, སཱ་ས་ཝཱ ཙེ་ཝ ནོ ཙ ཨཱ་ས་ཝཱ་ཏི་པི.
༡༤༧༣. ཀ་ཏ་མེ དྷ་མྨཱ ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙ? ཡ་ཏྠ དྭེ ཏ་ཡོ ཨཱ་ས་ཝཱ ཨེ་ཀ་ཏོ ཨུ་པྤ་ཛྫ་ནྟི – ཨི་མེ དྷ་མྨཱ ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙ.
༡༤༧༤. ཀ་ཏ་མེ དྷ་མྨཱ ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ? ཋ་པེ་ཏྭཱ ཨཱ་ས་ཝེ, ཨ་ཝ་སེ་སཾ ཨ་ཀུ་ས་ལཾ – ཨི་མེ དྷ་མྨཱ ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ. ཨཱ་ས་ཝ་ཝི་པྤ་ཡུ་ཏྟཱ དྷ་མྨཱ ན ཝ་ཏྟ་བྦཱ – ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙཱ་ཏི་པི, ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ་ཏི་པི.
༡༤༧༥. ཀ་ཏ་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ སཱ་ས་ཝཱ? དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ནྣོ མོ་ཧོ, ཝི་ཙི་ཀི་ཙྪཱ་ས་ཧ་ག་ཏོ མོ་ཧོ, ཨུ་དྡྷ་ཙྩ་ས་ཧ་ག་ཏོ མོ་ཧོ, ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ སཱ་ས་ཝཱ.
༡༤༧༦. ཀ་ཏ་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ ཨ་ནཱ་ས་ཝཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ཨཱ་ས་ཝ་ཝི་པྤ་ཡུ་ཏྟཱ ཨ་ནཱ་ས་ཝཱ. ཨཱ་ས་ཝ་ས་མྤ་ཡུ་ཏྟཱ དྷ་མྨཱ ན ཝ་ཏྟ་བྦཱ – ཨཱ་ས་ཝ་ཝི་པྤ་ཡུ་ཏྟཱ སཱ་ས་ཝཱ་ཏི་པི, ཨཱ་ས་ཝ་ཝི་པྤ་ཡུ་ཏྟཱ ཨ་ནཱ་ས་ཝཱ་ཏི་པི.
སཾ་ཡོ་ཛ་ན་གོ་ཙྪ་ཀཾ
༡༤༧༧. ཀ་ཏ་མེ དྷ་མྨཱ སཾ་ཡོ་ཛ་ནཱ? ད་ས སཾ་ཡོ་ཛ་ནཱ་ནི – ཀཱ་མ་རཱ་ག་སཾ་ཡོ་ཛ་ནཾ, པ་ཊི་གྷ་སཾ་ཡོ་ཛ་ནཾ, མཱ་ན་སཾ་ཡོ་ཛ་ནཾ, དི་ཊྛི་སཾ་ཡོ་ཛ་ནཾ, ཝི་ཙི་ཀི་ཙྪཱ་སཾ་ཡོ་ཛ་ནཾ, སཱི་ལ་བྦ་ཏ་པ་རཱ་མཱ་ས་སཾ་ཡོ་ཛ་ནཾ, བྷ་ཝ་རཱ་ག་སཾ་ཡོ་ཛ་ནཾ, ཨི་སྶཱ་སཾ་ཡོ་ཛ་ནཾ, མ་ཙྪ་རི་ཡ་སཾ་ཡོ་ཛ་ནཾ, ཨ་ཝི་ཛྫཱ་སཾ་ཡོ་ཛ་ནཾ. ཀཱ་མ་རཱ་ག་སཾ་ཡོ་ཛ་ནཾ ཨ་ཊྛ་སུ ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. པ་ཊི་གྷ་སཾ་ཡོ་ཛ་ནཾ དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. མཱ་ན་སཾ་ཡོ་ཛ་ནཾ ཙ་ཏཱུ་སུ དི་ཊྛི་ག་ཏ་ཝི་པྤ་ཡུ་ཏྟ་ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. དི་ཊྛི་སཾ་ཡོ་ཛ་ནཾ ཙ་ཏཱུ་སུ དི་ཊྛི་ག་ཏ་ས་མྤ་ཡུ་ཏྟེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. ཝི་ཙི་ཀི་ཙྪཱ་སཾ་ཡོ་ཛ་ནཾ ཝི་ཙི་ཀི་ཙྪཱ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. སཱི་ལ་བྦ་ཏ་པ་རཱ་མཱ་ས་སཾ་ཡོ་ཛ་ནཾ ཙ་ཏཱུ་སུ དི་ཊྛི་ག་ཏ་ས་མྤ་ཡུ་ཏྟེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. བྷ་ཝ་རཱ་ག་སཾ་ཡོ་ཛ་ནཾ ཙ་ཏཱུ་སུ དི་ཊྛི་ག་ཏ་ཝི་པྤ་ཡུ་ཏྟ་ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. ཨི་སྶཱ་སཾ་ཡོ་ཛ་ན་ཉྩ མ་ཙྪ་རི་ཡ་སཾ་ཡོ་ཛ་ན་ཉྩ དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ནྟི. ཨ་ཝི་ཛྫཱ་སཾ་ཡོ་ཛ་ནཾ ས་བྦཱ་ཀུ་ས་ལེ་སུ ཨུ་པྤ་ཛྫ་ཏི – ཨི་མེ དྷ་མྨཱ སཾ་ཡོ་ཛ་ནཱ.
༡༤༧༨. ཀ་ཏ་མེ དྷ་མྨཱ ནོ སཾ་ཡོ་ཛ་ནཱ. ཋ་པེ་ཏྭཱ སཾ་ཡོ་ཛ་ནེ ཨ་ཝ་སེ་སཾ ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནོ སཾ་ཡོ་ཛ་ནཱ.
༡༤༧༩. ཀ་ཏ་མེ དྷ་མྨཱ སཾ་ཡོ་ཛ་ནི་ཡཱ? ཏཱི་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ སཾ་ཡོ་ཛ་ནི་ཡཱ.
༡༤༨༠. ཀ་ཏ་མེ དྷ་མྨཱ ཨ་སཾ་ཡོ་ཛ་ནི་ཡཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ཨ་སཾ་ཡོ་ཛ་ནི་ཡཱ.
༡༤༨༡. ཀ་ཏ་མེ དྷ་མྨཱ སཾ་ཡོ་ཛ་ན་ས་མྤ་ཡུ་ཏྟཱ? ཨུ་དྡྷ་ཙྩ་ས་ཧ་ག་ཏཾ མོ་ཧཾ ཋ་པེ་ཏྭཱ ཨ་ཝ་སེ་སཾ ཨ་ཀུ་ས་ལཾ – ཨི་མེ དྷ་མྨཱ སཾ་ཡོ་ཛ་ན་ས་མྤ་ཡུ་ཏྟཱ.
༡༤༨༢. ཀ་ཏ་མེ དྷ་མྨཱ སཾ་ཡོ་ཛ་ན་ཝི་པྤ་ཡུ་ཏྟཱ? ཨུ་དྡྷ་ཙྩ་ས་ཧ་ག་ཏོ མོ་ཧོ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ སཾ་ཡོ་ཛ་ན་ཝི་པྤ་ཡུ་ཏྟཱ.
༡༤༨༣. ཀ་ཏ་མེ དྷ་མྨཱ སཾ་ཡོ་ཛ་ནཱ ཙེ་ཝ སཾ་ཡོ་ཛ་ནི་ཡཱ ཙ? ཏཱ་ནེ་ཝ སཾ་ཡོ་ཛ་ནཱ་ནི སཾ་ཡོ་ཛ་ནཱ ཙེ་ཝ སཾ་ཡོ་ཛ་ནི་ཡཱ ཙ.
༡༤༨༤. ཀ་ཏ་མེ དྷ་མྨཱ སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ནཱ? ཋ་པེ་ཏྭཱ སཾ་ཡོ་ཛ་ནེ ཨ་ཝ་སེ་སཾ ཨ་ཀུ་ས་ལཾ, ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ནཱ. ཨ་སཾ་ཡོ་ཛ་ནི་ཡཱ དྷ་མྨཱ ན ཝ་ཏྟ་བྦཱ – སཾ་ཡོ་ཛ་ནཱ ཙེ་ཝ སཾ་ཡོ་ཛ་ནི་ཡཱ ཙཱ་ཏི་པི, སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ནཱ་ཏི་པི.
༡༤༨༥. ཀ་ཏ་མེ དྷ་མྨཱ སཾ་ཡོ་ཛ་ནཱ ཙེ་ཝ སཾ་ཡོ་ཛ་ན་ས་མྤ་ཡུ་ཏྟཱ ཙ? ཡ་ཏྠ དྭེ ཏཱི་ཎི སཾ་ཡོ་ཛ་ནཱ་ནི ཨེ་ཀ་ཏོ ཨུ་པྤ་ཛྫ་ནྟི – ཨི་མེ དྷ་མྨཱ སཾ་ཡོ་ཛ་ནཱ ཙེ་ཝ སཾ་ཡོ་ཛ་ན་ས་མྤ་ཡུ་ཏྟཱ ཙ.
༡༤༨༦. ཀ་ཏ་མེ དྷ་མྨཱ སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ནཱ? ཋ་པེ་ཏྭཱ སཾ་ཡོ་ཛ་ནེ, ཨ་ཝ་སེ་སཾ ཨ་ཀུ་ས་ལཾ – ཨི་མེ དྷ་མྨཱ སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ནཱ. སཾ་ཡོ་ཛ་ན་ཝི་པྤ་ཡུ་ཏྟཱ དྷ་མྨཱ ན ཝ་ཏྟ་བྦཱ – སཾ་ཡོ་ཛ་ནཱ ཙེ་ཝ སཾ་ཡོ་ཛ་ན་ས་མྤ་ཡུ་ཏྟཱ ཙཱ་ཏི་པི, སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ནཱ་ཏི་པི.
༡༤༨༧. ཀ་ཏ་མེ དྷ་མྨཱ སཾ་ཡོ་ཛ་ན་ཝི་པྤ་ཡུ་ཏྟཱ སཾ་ཡོ་ཛ་ནི་ཡཱ? ཨུ་དྡྷ་ཙྩ་ས་ཧ་ག་ཏོ མོ་ཧོ, ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ སཾ་ཡོ་ཛ་ན་ཝི་པྤ་ཡུ་ཏྟཱ སཾ་ཡོ་ཛ་ནི་ཡཱ.
༡༤༨༨. ཀ་ཏ་མེ དྷ་མྨཱ སཾ་ཡོ་ཛ་ན་ཝི་པྤ་ཡུ་ཏྟཱ ཨ་སཾ་ཡོ་ཛ་ནི་ཡཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ སཾ་ཡོ་ཛ་ན་ཝི་པྤ་ཡུ་ཏྟཱ ཨ་སཾ་ཡོ་ཛ་ནི་ཡཱ. སཾ་ཡོ་ཛ་ན་ས་མྤ་ཡུ་ཏྟཱ དྷ་མྨཱ ན ཝ་ཏྟ་བྦཱ – སཾ་ཡོ་ཛ་ན་ཝི་པྤ་ཡུ་ཏྟཱ སཾ་ཡོ་ཛ་ནི་ཡཱ་ཏི་པི, སཾ་ཡོ་ཛ་ན་ཝི་པྤ་ཡུ་ཏྟཱ ཨ་སཾ་ཡོ་ཛ་ནི་ཡཱ་ཏི་པི.
ག་ནྠ་གོ་ཙྪ་ཀཾ
༡༤༨༩. ཀ་ཏ་མེ དྷ་མྨཱ ག་ནྠཱ? ཙ་ཏྟཱ་རོ ག་ནྠཱ – ཨ་བྷི་ཛ྄ཛྷཱ་ཀཱ་ཡ་ག་ནྠོ, བྱཱ་པཱ་དོ ཀཱ་ཡ་ག་ནྠོ, སཱི་ལ་བྦ་ཏ་པ་རཱ་མཱ་སོ ཀཱ་ཡ་ག་ནྠོ, ཨི་དཾ་ས་ཙྩཱ་བྷི་ནི་ཝེ་སོ ཀཱ་ཡ་ག་ནྠོ. ཨ་བྷི་ཛ྄ཛྷཱ་ཀཱ་ཡ་ག་ནྠོ ཨ་ཊྛ་སུ ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. བྱཱ་པཱ་དོ ཀཱ་ཡ་ག་ནྠོ དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི. སཱི་ལ་བྦ་ཏ་པ་རཱ་མཱ་སོ ཀཱ་ཡ་ག་ནྠོ ཙ ཨི་དཾ་ས་ཙྩཱ་བྷི་ནི་ཝེ་སོ ཀཱ་ཡ་ག་ནྠོ ཙ ཙ་ཏཱུ་སུ དི་ཊྛི་ག་ཏ་ས་མྤ་ཡུ་ཏྟེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ནྟི – ཨི་མེ དྷ་མྨཱ ག་ནྠཱ.
༡༤༩༠. ཀ་ཏ་མེ དྷ་མྨཱ ནོ ག་ནྠཱ? ཋ་པེ་ཏྭཱ ག་ནྠེ, ཨ་ཝ་སེ་སཾ ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནོ ག་ནྠཱ.
༡༤༩༡. ཀ་ཏ་མེ དྷ་མྨཱ ག་ནྠ་ནི་ཡཱ? ཏཱི་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ག་ནྠ་ནི་ཡཱ.
༡༤༩༢. ཀ་ཏ་མེ དྷ་མྨཱ ཨ་ག་ནྠ་ནི་ཡཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ཨ་ག་ནྠ་ནི་ཡཱ.
༡༤༩༣. ཀ་ཏ་མེ དྷ་མྨཱ ག་ནྠ་ས་མྤ་ཡུ་ཏྟཱ? ཙ་ཏྟཱ་རོ དི་ཊྛི་ག་ཏ་ས་མྤ་ཡུ་ཏྟ་ཙི་ཏྟུ་པྤཱ་དཱ, ཙ་ཏྟཱ་རོ དི་ཊྛི་ག་ཏ་ཝི་པྤ་ཡུ་ཏྟ་ལོ་བྷ་ས་ཧ་ག་ཏ་ཙི་ཏྟུ་པྤཱ་དཱ, ཨེ་ཏྠུ་པྤ་ནྣཾ ལོ་བྷཾ ཋ་པེ་ཏྭཱ, དྭེ དོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ, ཨེ་ཏྠུ་པྤ་ནྣཾ པ་ཊི་གྷཾ ཋ་པེ་ཏྭཱ – ཨི་མེ དྷ་མྨཱ ག་ནྠ་ས་མྤ་ཡུ་ཏྟཱ.
༡༤༩༤. ཀ་ཏ་མེ དྷ་མྨཱ ག་ནྠ་ཝི་པྤ་ཡུ་ཏྟཱ? ཙ་ཏཱུ་སུ དི་ཊྛི་ག་ཏ་ཝི་པྤ་ཡུ་ཏྟ་ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ནྣོ ལོ་བྷོ, དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ནྣཾ པ་ཊི་གྷཾ, ཝི་ཙི་ཀི་ཙྪཱ་ས་ཧ་ག་ཏོ ཙི་ཏྟུ་པྤཱ་དོ, ཨུ་དྡྷ་ཙྩ་ས་ཧ་ག་ཏོ ཙི་ཏྟུ་པྤཱ་དོ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ག་ནྠ་ཝི་པྤ་ཡུ་ཏྟཱ.
༡༤༩༥. ཀ་ཏ་མེ དྷ་མྨཱ ག་ནྠཱ ཙེ་ཝ ག་ནྠ་ནི་ཡཱ ཙ? ཏེ་ཝ ག་ནྠཱ ག་ནྠཱ ཙེ་ཝ ག་ནྠ་ནི་ཡཱ ཙ.
༡༤༩༦. ཀ་ཏ་མེ དྷ་མྨཱ ག་ནྠ་ནི་ཡཱ ཙེ་ཝ ནོ ཙ ག་ནྠཱ? ཋ་པེ་ཏྭཱ ག་ནྠེ ཨ་ཝ་སེ་སཾ ཨ་ཀུ་ས་ལཾ, ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ག་ནྠ་ནི་ཡཱ ཙེ་ཝ ནོ ཙ ག་ནྠཱ. ཨ་ག་ནྠ་ནི་ཡཱ དྷ་མྨཱ ན ཝ་ཏྟ་བྦཱ – ག་ནྠཱ ཙེ་ཝ ག་ནྠ་ནི་ཡཱ ཙཱ་ཏི་པི, ག་ནྠ་ནི་ཡཱ ཙེ་ཝ ནོ ཙ ག་ནྠཱ་ཏི་པི.
༡༤༩༧. ཀ་ཏ་མེ དྷ་མྨཱ ག་ནྠཱ ཙེ་ཝ ག་ནྠ་ས་མྤ་ཡུ་ཏྟཱ ཙ? ཡ་ཏྠ དི་ཊྛི ཙ ལོ་བྷོ ཙ ཨེ་ཀ་ཏོ ཨུ་པྤ་ཛྫ་ནྟི – ཨི་མེ དྷ་མྨཱ ག་ནྠཱ ཙེ་ཝ ག་ནྠ་ས་མྤ་ཡུ་ཏྟཱ ཙ.
༡༤༩༨. ཀ་ཏ་མེ དྷ་མྨཱ ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠཱ? ཨ་ཊྛ ལོ་བྷ་ས་ཧ་ག་ཏ་ཙི་ཏྟུ་པྤཱ་དཱ དྭེ དོ་མ་ན་སྶ་ས་ཧ་ག་ཏ་ཙི་ཏྟུ་པྤཱ་དཱ, ཨེ་ཏྠུ་པྤ་ནྣེ ག་ནྠེ ཋ་པེ་ཏྭཱ – ཨི་མེ དྷ་མྨཱ ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠཱ. ག་ནྠ་ཝི་པྤ་ཡུ་ཏྟཱ དྷ་མྨཱ ན ཝ་ཏྟ་བྦཱ – ག་ནྠཱ ཙེ་ཝ ག་ནྠ་ས་མྤ་ཡུ་ཏྟཱ ཙཱ་ཏི་པི, ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠཱ་ཏི་པི.
༡༤༩༩. ཀ་ཏ་མེ དྷ་མྨཱ ག་ནྠ་ཝི་པྤ་ཡུ་ཏྟཱ ག་ནྠ་ནི་ཡཱ? ཙ་ཏཱུ་སུ དི་ཊྛི་ག་ཏ་ཝི་པྤ་ཡུ་ཏྟ་ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ནྣོ ལོ་བྷོ, དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ནྣཾ པ་ཊི་གྷཾ, ཝི་ཙི་ཀི་ཙྪཱ་ས་ཧ་ག་ཏོ ཙི་ཏྟུ་པྤཱ་དོ, ཨུ་དྡྷ་ཙྩ་ས་ཧ་ག་ཏོ ཙི་ཏྟུ་པྤཱ་དོ, ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ག་ནྠ་ཝི་པྤ་ཡུ་ཏྟཱ ག་ནྠ་ནི་ཡཱ.
༡༥༠༠. ཀ་ཏ་མེ དྷ་མྨཱ ག་ནྠ་ཝི་པྤ་ཡུ་ཏྟཱ ཨ་ག་ནྠ་ནི་ཡཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ག་ནྠ་ཝི་པྤ་ཡུ་ཏྟཱ ཨ་ག་ནྠ་ནི་ཡཱ. ག་ནྠ་ས་མྤ་ཡུ་ཏྟཱ དྷ་མྨཱ ན ཝ་ཏྟ་བྦཱ – ག་ནྠ་ཝི་པྤ་ཡུ་ཏྟཱ ག་ནྠ་ནི་ཡཱ་ཏི་པི, ག་ནྠ་ཝི་པྤ་ཡུ་ཏྟཱ ཨ་ག་ནྠ་ནི་ཡཱ་ཏི་པི.
ཨོ་གྷ་གོ་ཙྪ་ཀཾ
༡༥༠༡. ཀ་ཏ་མེ དྷ་མྨཱ ཨོ་གྷཱ…པེ….
ཡོ་ག་གོ་ཙྪ་ཀཾ
༡༥༠༢. ཀ་ཏ་མེ དྷ་མྨཱ ཡོ་གཱ…པེ….
ནཱི་ཝ་ར་ཎ་གོ་ཙྪ་ཀཾ
༡༥༠༣. ཀ་ཏ་མེ དྷ་མྨཱ ནཱི་ཝ་ར་ཎཱ? ཚ ནཱི་ཝ་ར་ཎཱ – ཀཱ་མ་ཙྪ་ནྡ་ནཱི་ཝ་ར་ཎཾ, བྱཱ་པཱ་ད་ནཱི་ཝ་ར་ཎཾ, ཐི་ན་མི་དྡྷ་ནཱི་ཝ་ར་ཎཾ, ཨུ་དྡྷ་ཙྩ་ཀུ་ཀྐུ་ཙྩ་ནཱི་ཝ་ར་ཎཾ, ཝི་ཙི་ཀི་ཙྪཱ་ནཱི་ཝ་ར་ཎཾ, ཨ་ཝི་ཛྫཱ་ནཱི་ཝ་ར་ཎཾ. ཀཱ་མ་ཙྪ་ནྡ་ནཱི་ཝ་ར་ཎཾ ཨ་ཊྛ་སུ ལོ་བྷ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི, བྱཱ་པཱ་ད་ནཱི་ཝ་ར་ཎཾ དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི, ཐི་ན་མི་དྡྷ་ནཱི་ཝ་ར་ཎཾ ས་ས་ངྑཱ་རི་ཀེ་སུ ཨ་ཀུ་ས་ལེ་སུ ཨུ་པྤ་ཛྫ་ཏི, ཨུ་དྡྷ་ཙྩ་ནཱི་ཝ་ར་ཎཾ ཨུ་དྡྷ་ཙྩ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི, ཀུ་ཀྐུ་ཙྩ་ནཱི་ཝ་ར་ཎཾ དྭཱི་སུ དོ་མ་ན་སྶ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི, ཝི་ཙི་ཀི་ཙྪཱ་ནཱི་ཝ་ར་ཎཾ ཝི་ཙི་ཀི་ཙྪཱ་ས་ཧ་ག་ཏེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི, ཨ་ཝི་ཛྫཱ་ནཱི་ཝ་ར་ཎཾ ས་བྦཱ་ཀུ་ས་ལེ་སུ ཨུ་པྤ་ཛྫ་ཏི – ཨི་མེ དྷ་མྨཱ ནཱི་ཝ་ར་ཎཱ.
༡༥༠༤. ཀ་ཏ་མེ དྷ་མྨཱ ནོ ནཱི་ཝ་ར་ཎཱ? ཋ་པེ་ཏྭཱ ནཱི་ཝ་ར་ཎེ ཨ་ཝ་སེ་སཾ ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནོ ནཱི་ཝ་ར་ཎཱ.
༡༥༠༥. ཀ་ཏ་མེ དྷ་མྨཱ ནཱི་ཝ་ར་ཎི་ཡཱ? ཏཱི་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ནཱི་ཝ་ར་ཎི་ཡཱ.
༡༥༠༦. ཀ་ཏ་མེ དྷ་མྨཱ ཨ་ནཱི་ཝ་ར་ཎི་ཡཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ཨ་ནཱི་ཝ་ར་ཎི་ཡཱ.
༡༥༠༧. ཀ་ཏ་མེ དྷ་མྨཱ ནཱི་ཝ་ར་ཎ་ས་མྤ་ཡུ་ཏྟཱ? དྭཱ་ད་ས ཨ་ཀུ་ས་ལ་ཙི་ཏྟུ་པྤཱ་དཱ – ཨི་མེ དྷ་མྨཱ ནཱི་ཝ་ར་ཎ་ས་མྤ་ཡུ་ཏྟཱ.
༡༥༠༨. ཀ་ཏ་མེ དྷ་མྨཱ ནཱི་ཝ་ར་ཎ་ཝི་པྤ་ཡུ་ཏྟཱ? ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནཱི་ཝ་ར་ཎ་ཝི་པྤ་ཡུ་ཏྟཱ.
༡༥༠༩. ཀ་ཏ་མེ དྷ་མྨཱ ནཱི་ཝ་ར་ཎཱ ཙེ་ཝ ནཱི་ཝ་ར་ཎི་ཡཱ ཙ? ཏཱ་ནེ་ཝ ནཱི་ཝ་ར་ཎཱ་ནི ནཱི་ཝ་ར་ཎཱ ཙེ་ཝ ནཱི་ཝ་ར་ཎི་ཡཱ ཙ.
༡༥༡༠. ཀ་ཏ་མེ དྷ་མྨཱ ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎཱ? ཋ་པེ་ཏྭཱ ནཱི་ཝ་ར་ཎེ, ཨ་ཝ་སེ་སཾ ཨ་ཀུ་ས་ལཾ, ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎཱ. ཨ་ནཱི་ཝ་ར་ཎི་ཡཱ དྷ་མྨཱ ན ཝ་ཏྟ་བྦཱ – ནཱི་ཝ་ར་ཎཱ ཙེ་ཝ ནཱི་ཝ་ར་ཎི་ཡཱ ཙཱ་ཏི་པི, ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎཱ་ཏི་པི.
༡༥༡༡. ཀ་ཏ་མེ དྷ་མྨཱ ནཱི་ཝ་ར་ཎཱ ཙེ་ཝ ནཱི་ཝ་ར་ཎ་ས་མྤ་ཡུ་ཏྟཱ ཙ? ཡ་ཏྠ དྭེ ཏཱི་ཎི ནཱི་ཝ་ར་ཎཱ་ནི ཨེ་ཀ་ཏོ ཨུ་པྤ་ཛྫ་ནྟི – ཨི་མེ དྷ་མྨཱ ནཱི་ཝ་ར་ཎཱ ཙེ་ཝ ནཱི་ཝ་ར་ཎ་ས་མྤ་ཡུ་ཏྟཱ ཙ.
༡༥༡༢. ཀ་ཏ་མེ དྷ་མྨཱ ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎཱ? ཋ་པེ་ཏྭཱ ནཱི་ཝ་ར་ཎེ, ཨ་ཝ་སེ་སཾ ཨ་ཀུ་ས་ལཾ – ཨི་མེ དྷ་མྨཱ ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎཱ. ནཱི་ཝ་ར་ཎ་ཝི་པྤ་ཡུ་ཏྟཱ དྷ་མྨཱ ན ཝ་ཏྟ་བྦཱ – ནཱི་ཝ་ར་ཎཱ ཙེ་ཝ ནཱི་ཝ་ར་ཎ་ས་མྤ་ཡུ་ཏྟཱ ཙཱ་ཏི་པི, ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎཱ་ཏི་པི.
༡༥༡༣. ཀ་ཏ་མེ དྷ་མྨཱ ནཱི་ཝ་ར་ཎ་ཝི་པྤ་ཡུ་ཏྟཱ ནཱི་ཝ་ར་ཎི་ཡཱ? ཏཱི་སུ བྷཱུ་མཱི་སུ ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ ནཱི་ཝ་ར་ཎ་ཝི་པྤ་ཡུ་ཏྟཱ ནཱི་ཝ་ར་ཎི་ཡཱ.
༡༥༡༤. ཀ་ཏ་མེ དྷ་མྨཱ ནཱི་ཝ་ར་ཎ་ཝི་པྤ་ཡུ་ཏྟཱ ཨ་ནཱི་ཝ་ར་ཎི་ཡཱ? ཙ་ཏྟཱ་རོ མ་གྒཱ ཨ་པ་རི་ཡཱ་པ་ནྣཱ, ཙ་ཏྟཱ་རི ཙ སཱ་མ་ཉྙ་ཕ་ལཱ་ནི, ནི་བྦཱ་ན་ཉྩ – ཨི་མེ དྷ་མྨཱ ནཱི་ཝ་ར་ཎ་ཝི་པྤ་ཡུ་ཏྟཱ ཨ་ནཱི་ཝ་ར་ཎི་ཡཱ. ནཱི་ཝ་ར་ཎ་ས་མྤ་ཡུ་ཏྟཱ དྷ་མྨཱ ན ཝ་ཏྟ་བྦཱ – ནཱི་ཝ་ར་ཎ་ཝི་པྤ་ཡུ་ཏྟཱ ནཱི་ཝ་ར་ཎི་ཡཱ་ཏི་པི, ནཱི་ཝ་ར་ཎ་ཝི་པྤ་ཡུ་ཏྟཱ ཨ་ནཱི་ཝ་ར་ཎི་ཡཱ་ཏི་པི.
པ་རཱ་མཱ་ས་གོ་ཙྪ་ཀཾ
༡༥༡༥. ཀ་ཏ་མེ དྷ་མྨཱ པ་རཱ་མཱ་སཱ? དི་ཊྛི་པ་རཱ་མཱ་སོ ཙ་ཏཱུ་སུ དི་ཊྛི་ག་ཏ་ས་མྤ་ཡུ་ཏྟེ་སུ ཙི་ཏྟུ་པྤཱ་དེ་སུ ཨུ་པྤ་ཛྫ་ཏི – ཨི་མེ དྷ་མྨཱ པ་རཱ་མཱ་སཱ.
༡༥༡༦. ཀ་ཏ་མེ དྷ་མྨཱ ནོ པ་རཱ་མཱ་སཱ? ཋ་པེ་ཏྭཱ པ་རཱ་མཱ་སཾ ཨ་ཝ་སེ་སཾ ཨ་ཀུ་ས་ལཾ, ཙ་ཏཱུ་སུ བྷཱུ་མཱི་སུ ཀུ་ས་ལཾ, ཙ་ཏཱུ་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, རཱུ་པ་ཉྩ, ནི་བྦཱ་ན་ཉྩ – ཨི་མེ དྷ་མྨཱ ནོ པ་རཱ་མཱ་སཱ.
༡༥༡༧. ཀ་ཏ་མེ དྷ་མྨཱ པ་རཱ་མ་ཊྛཱ? ཏཱི་སུ བྷཱུ་མཱི་སུ ཀུ་ས་ལཾ, ཨ་ཀུ་ས་ལཾ, ཏཱི་སུ བྷཱུ་མཱི་སུ ཝི་པཱ་ཀོ, ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏཾ, ས་བྦ་ཉྩ རཱུ་པཾ – ཨི་མེ དྷ་མྨཱ པ་རཱ་མ་ཊྛཱ.