ཨ་བྷ་ཡ་གི་རི་ནི་ཀཱ་ཡུ་པྤ་ཏྟི
ཝ་ཊྚ་གཱ་མ་ཎི་རཱ་ཛཱ ཧི (༤༢༥-བུ་དྡྷ་ཝ་སྶེ) ར་ཛྫཾ པ་ཏྭཱ པ་ཉྩ་མཱ་ས་མ་ཏྟ་ཀཱ་ལེ བྲཱ་ཧྨ་ཎ་ཏི་སྶ་དཱ་མ་རི་ཀེ་ན ས་ཏྟ་ཧི ཙ ད་མི་ལ༹་ཡོ་དྷེ་ཧི ཨུ་པ་དྡུ་ཏོ ས་ངྒཱ་མེ ཙ པ་རཱ་ཛི་ཏོ པ་ལཱ་ཡི་ཏྭཱ སཱ་དྷི་ཀཱ་ནི ཙུ་དྡ་ས་ཝ་སྶཱ་ནི ནི་ལཱི་ཡི་ཏྭཱ ཨ་ཉྙ་ཏ་ར་ཝེ་སེ་ན ཝ་ས་ཏི [མ་ཧཱ་ཝཾ་སེ ༣༣-པ་རི་ཙྪེ་དེ ༣༧-གཱ་ཐཱ་ཏོ པ་ཊྛཱ་ཡ]. ཏ་དཱ ལ་ངྐཱ་དཱི་པེ མ་ནུ་སྶཱ ཙོ་ར་བྷ་ཡེ་ན དུ་བྦྷི་ཀྑ་བྷ་ཡེ་ན ཙ ཨུ་པ་དྡུ་ཏཱ བྷི་ཀྑཱུ་ནཾ ཙ་ཏཱུ་ཧི པ་ཙྩ་ཡེ་ཧི ཨུ་པ་ཊྛཱ་ཏུཾ ན ས་ཀྐོ་ནྟི, ཏེ་ན བྷི་ཀྑཱུ ཡེ་བྷུ་ཡྻེ་ན ཏ་ཏོ ཛ་མྦུ་དཱི་པཾ ག་ནྟྭཱ དྷ་མྨ་ཝི་ན་ཡཾ དྷཱ་རེ་ནྟཱ ཝི་ཧ་ར་ནྟི. ལ་ངྐཱ་དཱི་པེ་ཡེ་ཝ ཨོ་ཧཱི་ནཱ་པི ཐེ་རཱ ཡ་ཐཱ་ལ་དྡྷེ་ཧི ཀ་ནྡ་མཱུ་ལ་པ་ཎྞེ་ཧི ཡཱ་པེ་ནྟཱ ཀཱ་ཡེ ཝ་ཧ་ནྟེ ནི་སཱི་དི་ཏྭཱ པ་རི་ཡ་ཏྟི་དྷ་མྨཾ ས་ཛ྄ཛྷཱ་ཡཾ ཀ་རོ་ནྟི, ཨ་ཝ་ཧ་ནྟེ ཝཱ་ལུ་ཀཾ ཨུ་སྶཱ་པེ་ཏྭཱ ཏཾ པ་རི་ཝཱ་རེ་ཏྭཱ སཱི་སཱ་ནི ཨེ་ཀ་ཊྛཱ་ནེ ཀ་ཏྭཱ པ་རི་ཡ་ཏྟིཾ ས་མྨ་ས་ནྟི. ཨེ་ཝཾ དྭཱ་ད་ས སཾ་ཝ་ཙྪ་རཱ་ནི སཱ་ཊྛ་ཀ་ཐཾ ཏེ་པི་ཊ་ཀཾ ཨ་ཧཱ་པེ་ཏྭཱ དྷཱ་ར་ཡིཾ་སུ. ཡ་དཱ པ་ན ཝ་ཊྚ་གཱ་མ་ཎི་རཱ་ཛཱ ད་མི་ལ༹་རཱ་ཛཱ་ནཾ ཧ་ནྟྭཱ (༤༥༥-༤༦༦ བུ་དྡྷ་ཝ་སྶ་བྦྷ་ནྟ་རེ) པུ་ན་པི ར་ཛྫཾ ཀཱ་རེ་སི [མ་ཧཱ་ཝཾ་སེ ༣༣, ༧༨-གཱ་ཐཱ]. ཏ་དཱ ཏེ ཐེ་རཱ ཛ་མྦུ་དཱི་པ་ཏོ པ་ཙྩཱ་ག་ཏ་ཏྠེ་རེ་ཧི ས་དྡྷིཾ ཏེ་པི་ཊ་ཀཾ སོ་དྷེ་ནྟཱ ཨེ་ཀ་ཀྑ་ར་མྤི ཨ་ས་མེ་ནྟཾ ནཱ་མ ན པ་སྶིཾ་སུ [ཨ. ནི. ཨ་ཊྛ. ༡.༡.༡༣༠; ཝི་བྷ. ཨ་ཊྛ. ༨༡༠]. ཡོ་པི ཙ མ་ཧཱ་ནི་དྡེ་སོ ཏ་སྨིཾ ཀཱ་ལེ ཨེ་ཀ་སྶེ་ཝ དུ་སྶཱི་ལ་བྷི་ཀྑུ་ནོ པ་གུ་ཎོ ཨ་ཧོ་སི, སོ་པི མ་ཧཱ་ཏི་པི་ཊ་ཀཏྠེ་རེ་ན མ་ཧཱ་ར་ཀྑིཏ་ཏྠེ་རཾ ཏ་སྶ ས་ནྟི་ཀཱ ཨུ་གྒ་ཎྷཱ་པེ་ཏྭཱ ར་ཀྑི་ཏོ ཨ་ཧོ་སི [པཱ་རཱ. ཨ་ཊྛ. ༢.༥༨༥]. ཨེ་ཝཾ དུ་བྦྷི་ཀྑ་ར་ཊྛ་ཀྑོ་བྷུ་པ་དྡ་ཝེ་ཧི པཱི་ལི༹་ཏ་ཏྟཱ དུ་དྡྷ་ར་ས་མ་ཡེ་པི དྷ་མྨ་ཝི་ན་ཡཾ ས་ཀྐ་ཙྩཾ དྷཱ་ར་ཡིཾ་སུ.
རཱ་ཛཱ ཨ་བྷ་ཡ་གི་རིཾ ནཱ་མ ཝི་ཧཱ་རཾ ཀཱ་རེ་ཏྭཱ ཨ་ཏྟ་ནོ ཀ་ཏཱུ་པ་ཀཱ་ར་པུ་བྦ་སྶ མ་ཧཱ་ཏི་སྶཏྠེ་ར་སྶ ཨ་དཱ་སི. སོ པ་ན ཐེ་རོ ཀུ་ལ་སཾ་ས་གྒ་བ་ཧུ་ལ་ཏྟཱ མ་ཧཱ་ཝི་ཧཱ་ར་ཝཱ་སཱི་ཧི བྷི་ཀྑཱུ་ཧི པ་བྦཱ་ཛ་ནཱི་ཡ་ཀ་མྨཾ ཀ་ཏྭཱ ནཱི་ཧ་ཊོ. ཏ་དཱ་སྶ སི་སྶོ བ་ཧ་ལ་མ་སྶུ་ཏི་སྶནཱ་མ་ཀོ ཐེ་རོ ཏཾ ཀ་མྨཾ པ་ཊི་བཱ་ཧི, ཏེ་ན་སྶ ས་ངྒྷོ ཨུ་ཀྑེ་པ་ནཱི་ཡ་ཀ་མྨཾ ཨ་ཀཱ་སི. སོ མ་ཧཱ་ཝི་ཧཱ་ར་ཝཱ་སཱི་ནཾ ཀུ་ཛ྄ཛྷི་ཏྭཱ ཨ་བྷ་ཡ་གི་རི་ཝི་ཧཱ་ར་མེ་ཝ ག་ནྟྭཱ ཏེ་ན མ་ཧཱ་ཏི་སྶ་ཏྠེ་རེ་ན ཨེ་ཀ་ཏོ ཧུ་ཏྭཱ ཝི་སུཾ ག་ཎཾ ཝ་ཧ་ནྟོ ཝ་སི. ཏེ ཙ དྭེ ཐེ་རཱ ན མ་ཧཱ་ཝི་ཧཱ་རཾ པུ་ནཱ་ག་མིཾ་སུ [མ་ཧཱ་ཝཾ་སེ ༣༣, ༧༩-གཱ་ཐཱ་དཱི་སུ. ནི་ཀཱ་ཡ་ས་ངྒ་ཧེ]. ཏ་ཏོ པ་ཊྛཱ་ཡ སཱི་ཧ་ལ༹་དཱི་པེ མ་ཧཱ་ཝི་ཧཱ་ར་ཝཱ་སཱི, ཨ་བྷ་ཡ་གི་རི་ཝཱ་སཱི་ཏི དྭེ ནི་ཀཱ་ཡཱ་ཛཱ་ཏཱ. ཨི་དཾ ཏཱ་ཝ སཱི་ཧ་ལ༹་དཱི་པེ སཱ་ས་ན་པ་རི་ཧཱ་ནི་ཡཱ པ་ཋ་མཾ ཀཱ་ར་ཎཾ.