ཀ་བྦ་ས་ཏྠ་ཝི་ཙཱ་ར་ཎཱ

༤. པུ་ན་པི སོ ཨེ་ཝ་མཱ་ཧ ‘‘ཀི་ཉྩཱ་པི བུ་དྡྷ་གྷོ་སོ རཱ་མཱ་ཡ་ཎ་མ་ཧཱ་བྷཱ་ར་ཏ་ས་ངྑཱ་ཏཱ་ནཾ མ་ཧཱ་ཀ་བྦ་ས་ཏྠཱ་ནཾ སུ་ཀུ་ས་ལོ ཝི་ཡ ན དི་སྶ་ཏི, ཏ་ཐཱ་པི ཏཱ་ནི ད་སྶེ་སི. ཀ་ཐཾ? ཨ་ཀྑཱ་ནནྟི བྷཱ་ར་ཏ་ཡུ་ཛ྄ཛྷ་ནཱ་དི་ཀཾ, ཏཾ ཡ་སྨིཾ ཋཱ་ནེ ཀ་ཐཱི་ཡ་ཏི, ཏ་ཏྠ ག་ནྟུ་མྤི ན ཝ་ཊྚ་ཏཱི་ཏི [དཱི. ནི. ཨ་ཊྛ. ༡.༡༣] ཙ, ཏ་སྶ (ས་མྥ་པ་ལཱ་པ་སྶ) དྭེ ས་མྦྷཱ་རཱ བྷཱ་ར་ཏ་ཡུ་དྡྷ་སཱི་ཏཱ་ཧ་ར་ཎཱ་དི་ནི་ར་ཏྠ་ཀ་ཀ་ཐཱ་པུ་རེ་ཀྑཱ་ར་ཏཱ ཏ་ཐཱ་རཱུ་པི་ཀ་ཐཱ་ཀ་ཐ་ན་ཉྩཱ་ཏི [དཱི. ནི. ཨ་ཊྛ. ༡.༨] ཙ ད་སྶེ་སཱི’’ཏི.

ཏཾ པ་ན པུ་རི་མ་ཝ་ཙ་ན་ཏོ་པི ཨ་ཧེ་ཏུ་ཀ་ཏ་རཾ ཀེ་ཝ་ལཾ ཨ་ནཱ་ད་རཱི་ཀ་ར་ཎ་མ་ཏྟ་མེ་ཝ. ཨ་ཏི་ག་མྦྷཱི་ར་ཏྠ་སྶ ཧི ཨ་ཏི་ག་རུ་ཀ་ར་ཎཱི་ཡ་སྶ པི་ཊ་ཀ་ཏྟ་ཡ་སྶ ཨ་ཏྠ་སཾ་ཝ་ཎྞ་ནཱ་ཡཾ ནི་ར་ཏྠ་ཀ་སྶ ས་མྥ་པ་ལཱ་པ་ས་མུ་དཱ་ཡ་བྷཱུ་ཏ་སྶ ཀ་བྦ་ས་ཏྠ་སྶ ཝི་ཏྠཱ་ར་ཏོ པ་ཀཱ་ས་ནེ་ན ཀིཾ སི་ཡཱ པ་ཡོ་ཛ་ནཾ, ཨ་ཉྙ་ད་ཏྠུ སཱ་ཡེ་ཝ་སྶ ཨ་ས་མྨཱ་ནི་ཏཱ, ཨ་ནཱ་ད་རི་ཡཱ ཙ ཝི་ཉྙཱུ་ཧཱི་ཏི.