ནི་སྶ་ཡ་ཊྛ་ཀ་ཐཱ་ཝི་བྷཱ་ཝ་ནཱ
ཝི་སུ་དྡྷི་མ་གྒོ པ་ན ན ཀེ་ཝ་ལཾ པུ་བྦེ ཝུ་ཏྟ་པྤ་ཀཱ་རེ་ནེ་ཝ ཀ་ཏོ, ཨ་ཐ ཁོ ཝུ་ཙྩ་མཱ་ན་པྤ་ཀཱ་རེ་ནཱ་པི. ཏ་ཐཱ ཧི ཨཱ་ཙ་རི་ཡ་བུ་དྡྷ་གྷོ་ས་ཏྠེ་རོ པོ་རཱ་ཎ་ཊྛ་ཀ་ཐཱ་ཧི ས་མཱ་ཧ་རི་ཏྭཱ བྷཱ་སཱ་པ་རི་ཝ་ཏྟ་ན་ཝ་སེ་ན ད་སྶེ་ནྟོ་པི ཡཱ ཡཱ ཨ་ཏྠ་ཝ་ཎྞ་ནཱ ཝཱ ཝི་ནི་ཙྪ་ཡོ ཝཱ སཾ་ས་ཡི་ཏ་བྦོ ཧོ་ཏི, ཏ་ཏྠ ཏ་ཏྠ ཝི་ན་ཡ་ཊྛ་ཀ་ཐཱ་ཡཾ ཝུ་ཏྟ་ནྟི ཝཱ (༡, ༢༦༣), ཝི་ན་ཡ་ཊྛ་ཀ་ཐཱ་སུ ཝུ་ཏྟཾ, མ་ཛ྄ཛྷི་མ་ཊྛ་ཀ་ཐཱ་སུ པ་ནཱ་ཏི ཝཱ (༡, ༧༠), ཨ་ངྒུ་ཏྟ་ར་བྷཱ་ཎ་ཀཱ་ཏི ཝཱ (༡, ༧༢), ཨ་ཊྛ་ཀ་ཐཱ་ཙ་རི་ཡཱ་ནཾ མ་ཏཱ་ནུ་སཱ་རེ་ན ཝི་ནི་ཙྪ་ཡོ་ཏི ཝཱ (༡, ༩༩), ཝུ་ཏྟ་མྤི ཙེ་ཏཾ ཨ་ཊྛ་ཀ་ཐཱ་སཱུ་ཏི ཝཱ (༡, ༡༡༨), ཏཾ ཨ་ཊྛ་ཀ་ཐཱ་སུ པ་ཊི་ཀྑི་ཏྟ་ནྟི ཝཱ (༡, ༡༣༤), དཱི་གྷ་བྷཱ་ཎ་ཀ་སཾ་ཡུ་ཏྟ་བྷཱ་ཎ་ཀཱ་ནཾ མ་ཏ་ནྟི ཝཱ, མ་ཛ྄ཛྷི་མ་བྷཱ་ཎ་ཀཱ ཨི་ཙྪ་ནྟཱི་ཏི ཝཱ (༡, ༢༦༧), ཨ་ཊྛ་ཀ་ཐཱ་སུ ཝི་ནི་ཙྪ་ཡོ་ཏི ཝཱ, ཨེ་ཝཾ ཏཱ་ཝ དཱི་གྷ་བྷཱ་ཎ་ཀཱ, མ་ཛ྄ཛྷི་མ་བྷཱ་ཎ་ཀཱ པ་ནཱ་ཧཱུ་ཏི ཝཱ (༡, ༢༧༧), ཨ་ངྒུ་ཏྟ་ར་ཊྛ་ཀ་ཐཱ་ཡཾ པ་ན…པེ… ཨ་ཡཾ ཀ་མོ ཝུ་ཏྟོ, སོ པཱ་ལི༹་ཡཱ ན ས་མེ་ཏཱི་ཏི ཝཱ (༡, ༣༠༩), ཨེ་ཝཾ ཏཱ་ཝ མ་ཛ྄ཛྷི་མ་བྷཱ་ཎ་ཀཱ, སཾ་ཡུ་ཏྟ་བྷཱ་ཎ་ཀཱ པ་ནཱ་ཏི ཝཱ (༢, ༦༢), སཾ་ཡུ་ཏྟ་ཊྛ་ཀ་ཐཱ་ཡཾ ཝུ་ཏྟ་ནྟི ཝཱ (༢, ༦༣), ཨ་ཊྛ་ཀ་ཐཱ་ཡཾ པ་ནཱ་ཏི ཝཱ (༢, ༨༠) ཨེ་ཝཾ ཏཾ་ཏཾ་ཨ་ཏྠ་ཝ་ཎྞ་ནཱ་ཝི་ནི་ཙྪ་ཡཱ་ནཾ ནི་སྶ་ཡ་མྤི ཝི་བྷཱ་ཝེ་ཏྭཱ པ་ཙྪི་མ་ཛ་ནཱ་ནཾ ཨུ་པྤ་ཛྫ་མཱ་ན་སཾ་ས་ཡཾ ཝི་ནོ་དེ་ནྟོ་ཡེ་ཝ ཏེ ད་སྶེ་སི.
ཏེ་ནི་མ་སྶ ཝི་སུ་དྡྷི་མ་གྒ་སྶ ཀ་ར་ཎ་ཀཱ་ལེ ས་བྦཱ་པི སཱི་ཧ་ལ༹་ཊྛ་ཀ་ཐཱ་ཡོ ཨཱ་ཙ་རི་ཡ་སྶ ས་ནྟི་ཀེ ས་ནྟཱི་ཏི ཙ, པུ་བྦེ་ཡེ་ཝ ཏཱ ཨཱ་ཙ་རི་ཡེ་ན སཱི་ཧ་ལ༹་ཏྠེ་རཱ་ནཾ ས་ནྟི་ཀེ སུ་ཏཱ་ཏི ཙ, ཏཱ་ཧི ག་ཧེ་ཏ་བྦཾ ས་བྦཾ ག་ཧེ་ཏྭཱ ཨ་ཡཾ ཝི་སུ་དྡྷི་མ་གྒོ ཨཱ་ཙ་རི་ཡེ་ན ལི་ཁི་ཏོ་ཏི ཙ ཨ་ཡ་མ་ཏྠོ ཨ་ཏི་ཝི་ཡ པཱ་ཀ་ཊོ ཧོ་ཏི. ཏ་སྨཱ ཡཾ མ་ཧཱ་ཝཾ་སེ –
‘‘ས་ངྒྷོ གཱ་ཐཱ་དྭ་ཡཾ ཏ་སྶཱ’དཱ་སི སཱ་མ་ཏྠི་ཡཾ ཏ་ཝཱ’’ཏི་ཨཱ་དི་ནཱ ‘‘གཱ་ཐཱ་དྭ་ཡ་མེ་ཝ ཨོ་ལོ་ཀེ་ཏྭཱ ཀི་ཉྩི་པི ཨ་ཉྙཾ པོ་ཏྠ་ཀཾ ཨ་ནོ་ལོ་ཀེ་ཏྭཱ ཨཱ་ཙ་རི་ཡ་བུ་དྡྷ་གྷོ་སོ ཝི་སུ་དྡྷི་མ་གྒཾ ཨ་ཀཱ་སཱི’’ཏི ཨ་དྷི་པྤཱ་ཡེ་ན ཨ་བྷི་ཏྠུ་ཏི་ཝ་ཙ་ནཾ ཝུ་ཏྟཾ, ཏཾ ཨ་བྷི་ཏྠུ་ཏི་མ་ཏྟ་མེ་ཝཱ་ཏི ཝེ་དི་ཏ་བྦཾ.