ཏ་ནྣི་སྶ་ཡོ

ཀིཾ ནི་སྶཱ་ཡ ཀ་ཏོཏི ཨེ་ཏ་སྶ་པི པ་ཉྷ་སྶ ཨ་ཏྠོ ཨཱ་ཙ་རི་ཡེ་ནེ་ཝ པ་ཀཱ་སི་ཏོ. ཝུ་ཏྟ་ཉྷི ཨེ་ཏྠ ག་ནྠཱ་ར་མྦྷེ –

‘‘མ་ཧཱ་ཝི་ཧཱ་ར་ཝཱ་སཱི་ནཾ, དེ་ས་ནཱ་ན་ཡ་ནི་སྶི་ཏ’’ནྟི [ཝི་སུ་དྡྷི. ༡.༢].

ཏ་ཐཱ ནི་ག་མ་ནེ་པི –

‘‘ཏེ་སཾ སཱི་ལཱ་དི་བྷེ་དཱ་ནཾ, ཨ་ཏྠཱ་ནཾ ཡོ ཝི་ནི་ཙྪ་ཡོ;

པ་ཉྩ་ནྣ་མྤི ནི་ཀཱ་ཡཱ་ནཾ, ཝུ་ཏྟོ ཨ་ཊྛ་ཀ་ཐཱ་ན་ཡེ.

ས་མཱ་ཧ་རི་ཏྭཱ ཏཾ ས་བྦཾ, ཡེ་བྷུ་ཡྻེ་ན ས་ནི་ཙྪ་ཡོ;

ས་བྦ་ས་ངྐ་ར་དོ་སེ་ཧི, མུ་ཏྟོ ཡ་སྨཱ པ་ཀཱ་སི་ཏོ’’ཏི [དཱི. ནི. ཨ་ཊྛ. ༡.ག་ནྠཱ་ར་མྦྷ་ཀ་ཐཱ].

ཨི་མི་ནཱ པ་ན ཝ་ཙ་ནེ་ན ཨ་ཡ་མ་ཏྠོ པཱ་ཀ་ཊོ ཧོ་ཏི – ‘‘ཝི་སུ་དྡྷི་མ་གྒཾ ཀུ་རུ་མཱ་ནོ ཨཱ་ཙ་རི་ཡོ མ་ཧཱ་ཝི་ཧཱ་ར་ཝཱ་སཱི་ནཾ དེ་ས་ནཱ་ན་ཡ་ས་ངྑཱ་ཏཱ པ་ཉྩ་ནྣ་མྤི ནི་ཀཱ་ཡཱ་ནཾ པོ་རཱ་ཎ་ཊྛ་ཀ་ཐཱ་ཡོ ནི་སྶཱ་ཡ ཏཱ་སུ ཝུ་ཏྟཾ ག་ཧེ་ཏ་བྦཾ ས་བྦཾ ཝི་ནི་ཙྪ་ཡཾ ས་མཱ་ཧ་རི་ཏྭཱ ཨ་ཀཱ་སཱི’’ཏི. ཏ་སྨཱ ཡཱ ཡཱ ཨེ་ཏྠ པ་ད་ཝ་ཎྞ་ནཱ ཝཱ ཝི་ནི་ཙྪ་ཡོ ཝཱ སཱ་དྷ་ཀ་ཝ་ཏྠུ ཝཱ ད་སྶཱི་ཡ་ཏི, ཏཾ ས་བྦཾ ཏ་སྶ ཏ་སྶ ནི་དྡྷཱ་རི་ཏ་པཱ་ལི༹་པ་ད་སྶ་ནི་ཀཱ་ཡ་སཾ་ཝ་ཎྞ་ནཱ་བྷཱུ་ཏཱ་ཡ པོ་རཱ་ཎ་སཱི་ཧ་ལ༹་ཊྛ་ཀ་ཐཱ་ཏོ ཨཱ་ནེ་ཏྭཱ བྷཱ་སཱ་པ་རི་ཝ་ཏྟ་ན་ཝ་སེ་ནེ་ཝ ད་སྶི་ཏ་ནྟི ཝེ་དི་ཏ་བྦཾ. ཨ་ཡ་མྤི ཧི ཝི་སུ་དྡྷི་མ་གྒོ ན ཀེ་ཝ་ལཾ ཨ་ཏྟ་ནོ ཉཱ་ཎ་པྤ་བྷཱ་ཝེ་ན ཀ་ཏོ, ཝི་སུཾ པ་ཀ་ར་ཎ་བྷཱ་ཝེ་ན ཙ, ཨ་ཐ ཁོ ཙ་ཏུ་ནྣ་མྤི ཨཱ་ག་མ་ཊྛ་ཀ་ཐཱ་ནཾ ཨ་ཝ་ཡ་ཝ་བྷཱ་ཝེ་ནེ་ཝ ཀ་ཏོ. ཝུ་ཏྟ་ཉྷི ཏཱ་སཾ ནི་ག་མ་ནེ –

‘‘ཨེ་ཀཱུ་ན་ས་ཊྛི་མ་ཏྟོ, ཝི་སུ་དྡྷི་མ་གྒོ་པི བྷཱ་ཎ་ཝཱ་རེ་ཧི;

ཨ་ཏྠ་པྤ་ཀཱ་ས་ན་ཏྠཱ་ཡ, ཨཱ་ག་མཱ་ནཾ ཀ་ཏོ ཡ་སྨཱ.

ཏ་སྨཱ ཏེ་ན ས་ཧཱ་ཡཾ, ཨ་ཊྛ་ཀ་ཐཱ བྷཱ་ཎ་ཝཱ་ར་ག་ཎ་ནཱ་ཡ;

སུ་པ་རི་མི་ཏ་པ་རི་ཙྪི་ནྣཾ, ཙ་ཏྟཱ་ལཱི་ས་ས་ཏཾ ཧོ་ཏཱི’’ཏི་ཨཱ་དི [དཱི. ནི. ཨ་ཊྛ. ༣.ནི་ག་མ་ན་ཀ་ཐཱ].

ཡཱ པ་ན ཝི་སུ་དྡྷི་མ་གྒེ མ་གྒཱ་མ་གྒ་ཉཱ་ཎ་ད་སྶ་ན་ཝི་སུ་དྡྷི་ནི་དྡེ་སེ ‘‘ཨ་ཡཾ ཏཱ་ཝ ཝི་སུ་དྡྷི་ཀ་ཐཱ་ཡཾ ན་ཡོ. ཨ་རི་ཡ་ཝཾ་ས་ཀ་ཐཱ་ཡཾ པ་ནཱ’’ཏི་ཨཱ་དི་ནཱ [ཝི་སུ་དྡྷི. ༢.༧༡༧] དྭེ ཀ་ཐཱ ཝུ་ཏྟཱ, ཏཱ་པི མ་ཧཱ་ཝི་ཧཱ་ར་ཝཱ་སཱི་ནཾ དེ་ས་ནཱ་ན་ཡེ ཨ་ནྟོ་ག་དྷཱ ཨི་མ་སྶ ཝི་སུ་དྡྷི་མ་གྒ་སྶ ནི་སྶ་ཡཱ་ཡེ་ཝཱ་ཏི ཝེ་དི་ཏ་བྦཱ་ཏི.