༥. བྷཱ་ཝཱ་ཝ་བོ་དྷ-པ་ཉྩ་མ་པ་རི་ཙྪེ་ད
༣༣༨. པ་ཊི་བྷཱ་ན་ཝ་ཏཱ ལོ་ཀ, ཝོ་ཧཱ་ར’མ་ནུ་སཱ་རི་ནཱ;
ཏ་ཏོ’ཙི་ཏྱ ས་མུ་ལླཱ་ས, ཝེ་དི་ནཱ ཀ་ཝི་ནཱ པ་རཾ.
༣༣༩. ཋཱ་ཡི་ས་མྦ་ནྡྷི་ནོ བྷཱ་ཝ, ཝི་བྷཱ་ཝཱ སཱ’ནུ་བྷཱ་ཝ་ཀཱ;
ས་མྦ་ཛ྄ཛྷ་ནྟི ནི་བ་ནྡྷཱ ཏེ, ར་ས’སྶཱ་དཱ་ཡ སཱ་དྷུ་ནཾ.
བྷཱ་ཝ་ཨ་དྷི་པྤཱ་ཡ
༣༤༠. ཙི་ཏྟ ཝུ་ཏྟི ཝི་སེ་སཱ ཏུ, བྷཱ་ཝ་ཡ་ནྟི ར་སེ ཡ་ཏོ;
ར་ཏྱཱ་ད་ཡོ ཏ་ཏོ བྷཱ་ཝ, ས་དྡེ་ན པ་རི་ཀི་ཏྟི་ཏཱ.
ཋཱ་ཡཱི་བྷཱ་ཝ་ཨ་དྷི་པྤཱ་ཡ
༣༤༡. ཝི་རོ་དྷི་ནཱ’ཉྙ་བྷཱ་ཝེ་ན, ཡོ བྷཱ་ཝོ ན ཏི་རོ་ཧི་ཏོ;
སཱི་ལེ་ན ཏི་ཊྛ་ཏི’ཙྩེ་སོ, ‘ཋཱ་ཡཱི་བྷཱ་ཝོ’ཏི ས་དྡི་ཏོ.
ཋཱ་ཡཱི་བྷཱ་ཝ་པྤ་བྷེ་ད་ཨུ་དྡེ་ས
༣༤༢. ར་ཏི, ཧ་སྶོ, ཙ སོ་ཀོ, ཙ,
ཀོ་དྷུ, སྶཱ་ཧཱ, བྷ་ཡཾ,པི ཙ;
ཛི་གུ་ཙྪཱ, ཝི་མྷ་ཡོ, ཙེ་ཝ, ས་མོ ཙ ན་ཝ ཋཱ་ཡི་ནོ.
བྱ་བྷི་ཙཱ་རཱི་བྷཱ་ཝ་ཨ་དྷི་པྤཱ་ཡ
༣༤༣. ཏི་རོ་བྷཱ་ཝཱ, ཝི་བྷཱ་ཝཱ’དི, ཝི་སེ་ས་ནཱ’བྷི་མུ་ཁྱ་ཏོ;
ཡེ ཏེ ཙ་ར་ནྟི སཱི་ལེ་ན, ཏེ ཧོ་ནྟི བྱ་བྷི་ཙཱ་རི་ནོ.
བྱ་བྷི་ཙཱ་རི་བྷཱ་ཝ་པ་བྷེ་ད
༣༤༤. ནི་བྦེ་དོ, ཏ་ཀྐ, ས་ངྐཱ, ས་མ,
དྷི་ཏི, ཛ་ལ༹་ཏཱ, དཱི་ན་ཏུ, གྒཱ, ལ་ས་ཏྟཾ,
སུ་ཏྟཾ, ཏཱ་སོ, གི་ལཱ་ནུ, སྶུ་ཀ, ཧ་རི་ས,
ས་ཏི, སྶཱ, ཝི་སཱ་དཱ, བ་ཧི་ཏྠཱ [བ་ཧི་དྡྷཱ (ཀ.)];
ཙི་ནྟཱ, ག་བྦཱ, པ་མཱ་རོ, མ་རི་ས, མ་ད,
མ་ཏུ, མྨཱ་ད, མོ་ཧཱ, ཝི་བོ་དྷོ,
ནི་དྡཱ, ཝེ་གཱ, ས་བི་ལཾ, མ་ར་ཎ,
ཙ་པ་ལ་ཏཱ [ས་ཙ་པ་ལཱ (ཀ.)], བྱཱ་དྷི, ཏེ་ཏྟིཾ་ས མེ་ཏེ.
ས་ཏྟི་ཀ་བྷཱ་ཝ་ཨ་དྷི་པྤཱ་ཡ
༣༤༥. ས་མཱ་ཧི་ཏ’ཏྟ’པྤ་བྷ་ཝཾ, ས་ཏྟཾ [ས་ཏྭཾ (ཀ.)] ཏེ་ནོ’པ་པཱ་དི་ཏཱ;
ས་ཏྟི་ཀཱ [སཱ་ཏྭི་ཀཱ (ཀ.)] པྱ’ནུ་བྷཱ་ཝ་ཏྟེ, ཝི་སུཾ བྷཱ་ཝཱ བྷ་ཝ་ནྟི ཏེ.
ས་ཏྟི་ཀ་བྷཱ་ཝ་པྤ་བྷེ་ད
༣༤༦. ཐ་མྦྷོ, པ་ལ༹་ཡ, རོ་མ་ཉྩཱ, ཏ་ཐཱ སེ་ད, སྶུ, ཝེ་པ་ཐུ;
ཝེ་ཝ་ཎྞི་ཡཾ, ཝི་ས་ར་ཏཱ, བྷཱ་ཝཱ’ཊྛེ’ཏེ ཏུ ས་ཏྟི་ཀཱ.
༣༤༧. ཡ་དཱ ར་ཏྱཱ་ད་ཡོ བྷཱ་ཝཱ, ཋི་ཏི་སཱི་ལཱ ན ཧོ་ནྟི ཙེ;
ཏ་དཱ ས་བྦེ་པི ཏེ བྷཱ་ཝཱ, བྷ་ཝ་ནྟི བྱ་བྷི་ཙཱ་རི་ནོ.
༣༤༨. ཝི་བྷཱ་ཝོ ཀཱ་ར་ཎཾ ཏེ་སུ, པྤ་ཏྟི་ཡུ’དྡཱི་པ་ནེ ཏ་ཐཱ;
ཡོ སི་ཡཱ བོ་དྷ་ཀོ ཏེ་སཾ,
ཨ་ནུ་བྷཱ་ཝོ’ཡ མཱི་རི་ཏོ.
༣༤༩. ནེ་ཀ་ཧེ་ཏུཾ མ་ནོ་ཝུ་ཏྟི, ཝི་སེ་ས་ཉྩ ཝི་བྷཱ་ཝི་ཏུཾ;
བྷཱ་ཝཾ ཝི་བྷཱ་ཝཱ’ནུ་བྷཱ་ཝཱ, ཝ་ཎྞི་ཡཱ བ་ནྡྷ་ནེ ཕུ་ཊཾ.
༣༥༠. ས་ཝི་བྷཱ་ཝཱ’ནུ་བྷཱ་ཝེ་ཧི, བྷཱ་ཝཱ ཏེ ཏེ ཡ་ཐཱ་ར་ཧཾ;
ཝ་ཎྞ་ནཱི་ཡཱ ཡ་ཐོ’ཙི་ཏྱཾ, ལོ་ཀ་རཱུ་པཱ’ནུ་གཱ་མི་ནཱ.
༣༥༡. ཙི་ཏྟ ཝུ་ཏྟི ཝི་སེ་ས་ཏྟཱ, མཱ་ན་སཱ ས་ཏྟི་ཀཱ’ངྒ་ཏོ;
བ་ཧི ནི་སྶ་ཊ སེ་དཱ་དི, ཨ་ནུ་བྷཱ་ཝེ་ཧི ཝ་ཎྞི་ཡཱ.
ར་ས་ཨ་དྷི་པྤཱ་ཡ
༣༥༢. སཱ་མཱ་ཛི་ཀཱ་ན མཱ་ན་ནྡོ, ཡོ བ་ནྡྷ་ཏྠཱ’ནུ་སཱ་རི་ནཾ;
ར་སཱི་ཡ་ཏཱི་ཏི ཏ་ཉྙཱུ་ཧི, ར་སོ ནཱ་མཱ’ཡ’མཱི་རི་ཏོ.
ར་ས་པྤ་བྷེ་ད
༣༥༣. ས་ཝི་བྷཱ་ཝཱ, ནུ་བྷཱ་ཝེ་ཧི, ས་ཏྟི་ཀ,བྱ་བྷི་ཙཱ་རི་བྷི;
ཨ་སྶཱ་དི་ཡ་ཏྟ མཱ་ནཱི་ཡ, མཱ་ནོ ཋཱ་ཡེ’ཝ སོ ར་སོ.
༣༥༤. སི་ངྒཱ་ར,ཧ་སྶ,ཀ་རུ་ཎཱ, རུ་དྡ,ཝཱི་ར,བྷ་ཡཱ་ན་ཀཱ;
བཱི་བྷ་ཙྪ,བྦྷུ་ཏ,ས་ནྟཱ, ཙ, ར་སཱ ཋཱ་ཡཱི་ན ནུ་ཀྐ་མཱ.
༣༥༥. དུ་ཀྑ་རཱུ་པེ’ཡ’ མཱ་ན་ནྡོ, ཀ་ཐཾ ནུ ཀ་རུ་ཎཱ་དི་ཀེ?
སི་ཡཱ སོ་ཏཱུ་ན་མཱ་ན་ནྡོ,
སོ་ཀོ ཝེ་སྶ་ནྟ་ར་སྶ ཧི.
ཋཱ་ཡཱི་བྷཱ་ཝ ནི་དྡེ་ས ར་ཏི་ཊྛཱ་ཡཱི་བྷཱ་ཝ
༣༥༦. ར་མྨ,དེ་ས, ཀ་ལཱ, ཀཱ་ལ, ཝེ་སཱ་དི, པ་ཊི་སེ་ཝ་ནཱ;
ཡུ་ཝཱ་ན’ཉྙོ་ཉྙ་ར་ཏྟཱ་ནཾ, པ་མོ་དོ ར་ཏི རུ་ཙྩ་ཏེ.
༣༥༧. ཡུ་ཏྱཱ བྷཱ་ཝཱ་ནུ་བྷཱ་ཝཱ ཏེ, ནི་བ་ནྡྷཱ པོ་ས་ཡ་ནྟི ནཾ;
སོ་པྱ’ཡོ་ག, ཝི་པྤ་ཡོ་ག, ས་མྦྷོ་གཱ་ནཾ ཝ་སཱ ཏི་དྷཱ.
ཧ་སྶ་ཊྛཱ་ཡཱི་བྷཱ་ཝ
༣༥༨. ཝི་ཀཱ་རཱ’ཀ་ཏི་ཨཱ་དཱི་ཧི, ཨ་ཏྟ་ནོ ཐ པ་ར་སྶ ཝཱ;
ཧ་སྶོ ནི་དྡཱ, ས་མཱ’ལ་སྱ, མུ་ཙྪཱ་དི,བྱ་བྷི་ཙཱ་རི་བྷི;
པ་རི་པོ་སེ སི་ཡཱ ཧ་སྶོ, བྷི་ཡྻོ’ཏྠི་པ་བྷུ་ཏཱི་ནཾ སོ.
ཧ་སྶ་པྤ་བྷེ་ད
༣༥༩. སི་ཏ མི་ཧ ཝི་ཀཱ་སི ན་ཡ་ནཾ,
ཀི་ཉྩཱ’ལ་ཀྑི་ཡ དི་ཛཾ ཏུ ཏཾ ཧ་སི་ཏཾ;
མ་དྷུ་ར་སྶ་རཾ ཝི་ཧ་སི་ཏཾ, ཨཾ་ས་སི་རོ་ཀ་མྤམུ་པ་ཧ་སི་ཏཾ.
༣༦༠. ཨ་པ་ཧ་སི་ཏཾ ས་ཛ་ལ’ཀྑི, ཝི་ཀྑི་ཏྟ་ངྒཾ བྷ་ཝ་ཏྱ’ཏི་ཧ་སི་ཏཾ;
དྭེ དྭེ ཀ་ཐི་ཏཱ ཙེ’སཾ,
ཛེ་ཊྛེ [མ་ཛ྄ཛྷེ’དྷ་མེ་ཏི ཨེ་ཏྠ མ་ཛ྄ཛྷེ ཨ་དྷ་མེ་ཏི པ་ད་ཙྪེ་དོ] མ་ཛ྄ཛྷེ’དྷ་མེ ཙ ཀ་མ་སོ.
ཀ་རུ་ཎ་ཊྛཱ་ཡཱི་བྷཱ་ཝ
༣༦༡. སོ་ཀ་རཱུ་པོ ཏུ ཀ་རུ་ཎོ, ནི་ཊྛ་པྤ་ཏྟི’ཊྛ ནཱ་ས་ཏོ;
ཏ་ཏྠཱ’ནུ་བྷཱ་ཝཱ རུ་དི་ཏ, པ་ལ༹་ཡ,ཏྠ་མྦྷ་ཀཱ་ད་ཡོ;
ཝི་སཱ་དཱ,ལ་སྱ,མ་ར་ཎ, ཙི་ནྟཱ’དཱི བྱ་བྷི་ཙཱ་རི་ནོ.
རུ་དྡ་ཊྛཱ་ཡཱི་བྷཱ་ཝ
༣༦༢. ཀོ་དྷོ མ་ཙྪ་རི་ཡཱ’དཱི་ཧི, པོ་སེ ཏཱ་ས, མ་དཱ་དི་བྷི;
ན་ཡ་ནཱ’རུ་ཎ་ཏཱ་དཱི་ཧི, རུ་དྡོ ནཱ་མ ར་སོ བྷ་ཝེ.
ཝཱི་ར་ཊྛཱ་ཡཱི་བྷཱ་ཝ
༣༦༣. པ་ཏཱ་པ, ཝི་ཀྐ་མཱ’དཱི་ཧུ, སྶཱ་ཧོ ‘ཝཱི་རོ’ཏི ས་ཉྙི་ཏོ;
ར་ཎ,དཱ་ན,ད་ཡཱ་ཡོ་གཱ, ཝཱི་རོ’ཡཾ ཏི་ཝི་དྷོ བྷ་ཝེ;
ཏེ་ཝཱ’ནུ་བྷཱ་ཝཱ དྷི་ཏི,མ, ཏྱཱ’ད་ཡོ བྱ་བྷི་ཙཱ་རི་ནོ.
བྷ་ཡ་ཊྛཱ་ཡཱི་བྷཱ་ཝ
༣༦༤. ཝི་ཀཱ་རཱ,ས་ནི,ས་ཏྟཱ’དི, བྷ་ཡུ’ཀྐཾ་སོ བྷ་ཡཱ་ན་ཀོ;
སེ་དཱ’ད་ཡོ ནུ་བྷཱ་ཝེ’ཏྠ, ཏཱ་སཱ’དཱི བྱ་བྷི་ཙཱ་རི་ནོ.
ཛི་གུ་ཙྪཱ་ཊྛཱ་ཡཱི་བྷཱ་ཝ
༣༦༥. ཛི་གུ་ཙྪཱ རུ་དྷི་རཱ’དཱི་ཧི, པཱུ་ཏྱཱ’དཱི་ཧི ཝི་རཱ་ག་ཏོ;
བཱི་བྷ་ཙྪོ ཁོ་བྷ་ནུ’བྦེ་གཱི, ཀ་མེ་ན ཀ་རུ་ཎཱ་ཡུ་ཏོ;
ནཱ་སཱ ཝི་ཀཱུ་ཎ་ནཱ་དཱི་ཧི, ས་ངྐཱ་དཱི་ཧི’སྶ པོ་ས་ནཾ.
ཝི་མྷ་ཡ་ཊྛཱ་ཡཱི་བྷཱ་ཝ
༣༦༦. ཨ་ཏི ལོ་ཀ པ་ད་ཏྠེ་ཧི, ཝི་མྷ་ཡོ’ཡཾ ར་སོ’བྦྷུ་ཏོ;
ཏ་སྶཱ’ནུ་བྷཱ་ཝཱ སེ་ད,སྶུ, སཱ་དྷུ་ཝཱ་དཱ’ད་ཡོ སི་ཡུཾ;
ཏཱ་སཱ,ཝེ་ག,དྷི་ཏི,པྤ་ཉྙཱ, ཧོ་ནྟེ’ཏྠ བྱ་བྷི་ཙཱ་རི་ནོ.
ས་མ་ཊྛཱ་ཡཱི་བྷཱ་ཝ
༣༦༧. ཋཱ་ཡཱི་བྷཱ་ཝོ ས་མོ མེ་ཏྟཱ, ད་ཡཱ,མོ་དཱ’དི ས་མྦྷ་ཝོ;
བྷཱ་ཝཱ་དཱི་ཧི ཏ’དུ་ཀྐཾ་སོ, ས་ནྟོ ས་ནྟ ནི་སེ་ཝི་ཏོ.
ཨི་ཏི ས་ངྒྷ་ར་ཀྑི་ཏ མ་ཧཱ་སཱ་མི་ཝི་ར་ཙི་ཏེ སུ་བོ་དྷཱ་ལ་ངྐཱ་རེ
ར་ས་བྷཱ་ཝཱ’ཝ་བོ་དྷོ ནཱ་མ
པ་ཉྩ་མོ པ་རི་ཙྪེ་དོ.
སུ་བོ་དྷཱ་ལ་ངྐཱ་རོ ས་མ་ཏྟོ.