༤. ཨ་ཏྠཱ་ལ་ངྐཱ་རཱ་ཝ་བོ་དྷ-ཙ་ཏུ་ཏྠ་པ་རི་ཙྪེ་ད
༡༦༤. ཨ་ཏྠཱ་ལ་ངྐཱ་ར་ས་ཧི་ཏཱ, ས་གུ་ཎཱ བ་ནྡྷ་པ་དྡྷ་ཏི;
ཨ་ཙྩ་ནྟ་ཀ་ནྟཱ ཀ་ནྟཱ [ཡ་ཏོ ཨ་ཙྩ་ནྟ་ཀ་ནྟཱ (ཀ.)] ཝ ཝུ་ཙྩ་ནྟེ ཏེ ཏ་ཏོ’དྷུ་ནཱ.
༡༦༥. ས་བྷཱ་ཝ, ཝ་ངྐ་ཝུ་ཏྟཱི་ནཾ, བྷེ་དཱ དྭི་དྷཱ ཨ་ལཾ་ཀྲི་ཡཱ;
པ་ཋ་མཱ ཏ་ཏྠ ཝ་ཏྠཱུ་ནཾ, ནཱ་ནཱ་ཝ་ཏྠཱ’ཝི་བྷཱ་ཝི་ནཱི.
ཡ་ཐཱ
༡༦༦. ལཱི་ལཱ ཝི་ཀ་ནྟི སུ་བྷ་གོ, དི་སཱ ཐི་ར ཝི་ལོ་ཀ་ནོ;
བོ་དྷི་ས་ཏྟ་ངྐུ་རོ བྷཱ་སཾ, ཝི་རོ་ཙི ཝཱ་ཙ མཱ་ས་བྷིཾ.
༡༦༧. ཝུ་ཏྟི ཝ་ཏྠུ་ས་བྷཱ་ཝ་སྶ, ཡཱ’ཉྙ་ཐཱ སཱ’པ་རཱ བྷ་ཝེ;
ཏ་སྶཱ’ན་ནྟ་ཝི་ཀ་པྤ་ཏྟཱ, ཧོ་ཏི བཱི་ཛོ’པ་ད་སྶ་ནཾ.
ཝ་ངྐ་ཝུ་ཏྟི ཨ་ཏྠཱ་ལ་ངྐཱ་ར
ཨུ་དྡེ་ས
༡༦༨. ཏ་ཏྠཱ’ཏི་ས་ཡ, ཨུ་པ་མཱ, རཱུ་པ་ཀཱ, ཝུ་ཏྟི, དཱི་པ་ཀཾ,;
ཨ་ཀྑེ་པོ, ཏྠ་ནྟ་ར་ནྱཱ་སོ, བྱ་ཏི་རེ་ཀོ, ཝི་བྷཱ་ཝ་ནཱ.
༡༦༩. ཧེ་ཏུ, ཀྐ་མོ, པི་ཡ་ཏ་རཾ, ས་མཱ་ས, པ་རི་ཀ་པྤ་ནཱ;
ས་མཱ་ཧི་ཏཾ, པ་རི་ཡཱ་ཡ, ཝུ་ཏྟི, བྱཱ་ཛོ་པ་ཝ་ཎྞ་ནཾ.
༡༧༠. ཝི་སེ་ས, རུ་ལ༹ྷཱ་ཧ་ངྐཱ་རཱ, སི་ལེ་སོ, ཏུ་ལྱ་ཡོ་གི་ཏཱ;
ནི་ད་སྶ་ནཾ, མ་ཧ་ནྟ་ཏྟཾ, ཝ་ཉྩ་ནཱ, པྤ་ཀ་ཏ་ཏྠུ་ཏི,.
༡༧༡. ཨེ་ཀཱ་ཝ་ལི, ཨ་ཉྙ་མ་ཉྙཾ, ས་ཧ་ཝུ་ཏྟི, ཝི་རོ་དྷི་ཏཱ;
པ་རི་ཝུ་ཏྟི, བྦྷ་མོ, བྷཱ་ཝོ, མི་སྶ, མཱ་སཱི, ར་སཱི, ཨི་ཏི.
༡༧༢. ཨེ་ཏེ བྷེ་དཱ ས་མུ་དྡི་ཊྛཱ, བྷཱ་ཝོ ཛཱི་ཝི་ཏ མུ་ཙྩ་ཏེ;
ཝ་ངྐ་ཝུ་ཏྟཱི་སུ པོ་སེ་སི, སི་ལེ་སོ ཏུ སི་རིཾ པ་རཾ.
ནི་དྡེ་ས
༡༧༣. པ་ཀཱ་ས་ཀཱ ཝི་སེ་ས་སྶ, སི་ཡཱ’ཏི་ས་ཡ་ཝུ་ཏྟི ཡཱ;
ལོ་ཀཱ’ཏི་ཀྐ་ནྟ་ཝི་ས་ཡཱ, ལོ་ཀི་ཡཱ,ཏི ཙ སཱ དྭི་དྷཱ.
༡༧༤. ལོ་ཀི་ཡཱ་ཏི་ས་ཡ་སྶེ’ཏེ,
བྷེ་དཱ ཡེ ཛཱ་ཏི་ཨཱ་ད་ཡོ;
པ་ཊི་པཱ་དཱི་ཡ་ཏེ ཏྭ’ཛྫ, ལོ་ཀཱ་ཏི་ཀྐ་ནྟ་གོ་ཙ་རཱ.
༡༧༥. པི་ཝ་ནྟི དེ་ཧ་ཀ་ནྟཱི ཡེ, ནེ་ཏྟ་ཉྫ་ལི་པུ་ཊེ་ན ཏེ;
ནཱ’ལཾ ཧ་ནྟུཾ ཛི་ནེ’སཾ ཏྭཾ, ཏ་ཎྷཾ ཏ་ཎྷཱ་ཧ་རོ་པི ཀིཾ?
༡༧༦. ཨུ་པ་མཱ་ནོ’པ་མེ་ཡྻཱ་ནཾ, ས་དྷ་མྨ་ཏྟཾ སི་ཡོ’པ་མཱ;
ས་དྡ, ཏྠ་ག་མྨཱ, ཝཱ་ཀྱ་ཏྠ, ཝི་ས་ཡཱ,ཏི ཙ སཱ བྷི་དྷཱ.
༡༧༧. ས་མཱ་ས, པ་ཙྩ་ཡེ, ཝཱ’དཱི, ས་དྡཱ ཏེ་སཾ ཝ་སཱ ཏི་དྷཱ;
ས་དྡ་ག་མྨཱ ས་མཱ་སེ་ན, མུ་ནི་ནྡོ ཙ་ནྡི་མཱ’ན་ནོ.
༡༧༨. ཨཱ་ཡཱ་དཱི པ་ཙྩ་ཡཱ ཏེ་ཧི, ཝ་ད་ནཾ པ་ངྐ་ཛཱ་ཡ་ཏེ;
མུ་ནི་ནྡ་ན་ཡ་ན དྭ་ནྡཾ, ནཱི་ལུ་པྤ་ལ་ད་ལཱི་ཡ་ཏི.
༡༧༩. ཨི་ཝཱ་དཱི ཨི་ཝ, ཝཱ, ཏུ་ལྱ, ས་མཱ་ན, ནི་བྷ, ས་ནྣི་བྷཱ;
ཡ་ཐཱ, ས་ངྐཱ་ས, ཏུ་ལི་ཏ, པྤ་ཀཱ་ས, པ་ཏི་རཱུ་པ་ཀཱ.
༡༨༠. ས་རཱི, ས་རི་ཀྑ, སཾ་ཝཱ་དཱི, ཝི་རོ་དྷི, ས་དི་སཱ, ཝི་ཡ;
པ་ཊི་པ་ཀྑ, པ་ཙྩ་ནཱི་ཀཱ, ས་པ་ཀྑོ, པ་མི་ཏོ, པ་མཱ.
༡༨༡. པ་ཊི་བི་མྦ, པ་ཊི་ཙྪ་ནྣ, ས་རཱུ་པ, ས་མ, ས་མི་ཏཱ;
ས་ཝ་ཎྞཱ, བྷཱ, པ་ཊི་ནི་དྷི, ས་དྷ་མྨཱ, དི ས་ལ་ཀྑ་ཎཱ.
༡༨༢. ཛ་ཡ་ཏྱ, ཀྐོ་ས་ཏི, ཧ་ས་ཏི, པ་ཏི་ག་ཛྫ་ཏི, དཱུ་བྷ་ཏི;
ཨུ་སཱུ་ཡ་ཏྱ, ཝ་ཛཱ་ནཱ་ཏི, ནི་ནྡ་ཏི, སྶ་ཏི, རུ་ནྡྷ་ཏི.
༡༨༣. ཏ་སྶ ཙོ་རེ་ཏི སོ་བྷ་གྒཾ, ཏ་སྶ ཀ་ནྟིཾ ཝི་ལུ་མྤ་ཏི;
ཏེ་ན ས་དྡྷིཾ ཝི་ཝ་ད་ཏི, ཏུ་ལྱཾ ཏེ་ནཱ’དྷི་རོ་ཧ་ཏི.
༡༨༤. ཀ་ཙྪཾ ཝི་གཱ་ཧ་ཏེ, ཏ་སྶ, ཏ མ་ནྭེ་ཏྱ, ནུ་བ་ནྡྷ་ཏི;
ཏཾ་སཱི་ལཾ, ཏཾ་ནི་སེ་དྷེ་ཏི, ཏ་སྶ ཙཱ’ནུ་ཀ་རོ་ཏི, མེ.
༡༨༥. ཨུ་པ་མཱ་ནོ’པ་མེ་ཡྻཱ་ནཾ, ས་དྷ་མྨ་ཏྟཾ ཝི་བྷཱ་ཝི་བྷི;
ཨི་མེ་ཧི ཨུ་པ་མཱ་བྷེ་དཱ, ཀེ་ཙི ནི་ཡྻ་ནྟི ས་མྤ་ཏི.
༡༨༦. ཝི་ཀཱ་སི་པ་དུ་མཾ’ཝཱ’ཏི, སུ་ནྡ་རཾ སུ་ག་ཏཱ’ན་ནཾ;
ཨི་ཏི དྷ་མྨོ་པ་མཱ ནཱ་མ, ཏུ་ལྱ་དྷ་མྨ་ནི་ད་སྶ་ནཱ.
༡༨༧. དྷ་མྨ་ཧཱི་ནཱ ‘‘མུ་ཁ’མྦྷོ་ཛ, ས་དི་སཾ མུ་ནི་ནོ’’ཨི་ཏི;
ཝི་པ་རཱི་ཏོ’པ་མཱ ‘‘ཏུ་ལྱ, མཱ་ན་ནེ་ན’མྦུ་ཛཾ ཏ་ཝ’’.
༡༨༨. ཏ་ཝཱ’ན་ན’མི་ཝ’མྦྷོ་ཛཾ, ཨ་མྦྷོ་ཛ’མི་ཝ ཏེ མུ་ཁཾ;
ཨ་ཉྙ་མ་ཉྙོ་པ་མཱ སཱ’ཡཾ, ཨ་ཉྙ་མ་ཉྙོ་པ་མཱ་ན་ཏོ.
༡༨༩. ‘‘ཡ་དི ཀི་ཉྩི བྷ་ཝེ’མྦྷོ་ཛཾ, ལོ་ཙ་ན’བྦྷ་མུ་ཝི་བྦྷ་མཾ;
དྷཱ་རེ་ཏུཾ མུ་ཁ་སོ་བྷཾ ཏཾ, ཏ་ཝེ’’ཏི ཨ་བྦྷུ་ཏོ་པ་མཱ.
༡༩༠. ‘‘སུ་ག་ནྡྷི སོ་བྷཱ ས་མྦ་ནྡྷཱི, སི་སི་རཾ’སུ ཝི་རོ་དྷི ཙ;
མུ་ཁཾ ཏ་ཝ’མྦུ་ཛཾ་ཝེ’ཏི’’, སཱ སི་ལེ་སོ་པ་མཱ མ་ཏཱ.
༡༩༡. ས་རཱུ་པ་ས་དྡ་ཝཱ་ཙྩ་ཏྟཱ, སཱ ས་ནྟཱ་ནོ་པ་མཱ ཡ་ཐཱ;
བཱ་ལཱ’ཝུ’ཡྻཱ་ན་མཱ་ལཱ’ཡཾ, སཱ’ལ་ཀཱ’ན་ན་སོ་བྷི་ནཱི.
༡༩༢. ཁ་ཡཱི ཙ་ནྡོ, བ་ཧུ་ར་ཛཾ, པ་དུ་མཾ, ཏེ་ཧི ཏེ མུ་ཁཾ;
ས་མཱ་ན་མྤི ས་མུ་ཀྐཾ་སི, ཏྱ’ཡཾ ནི་ནྡོ་པ་མཱ མ་ཏཱ.
༡༩༣. ཨ་ས་མ་ཏྠོ མུ་ཁེ་ནི’ནྡུ, ཛི་ན! ཏེ པ་ཊི་ག་ཛྫི་ཏུཾ;
ཛ་ལོ༹ ཀ་ལ་ངྐཱི’ཏི ཨ་ཡཾ, པ་ཊི་སེ་དྷོ་པ་མཱ སི་ཡཱ.
༡༩༤. ‘‘ཀ་ཙྪཾ ཙ་ནྡཱ་ར་ཝི་ནྡཱ་ནཾ, ཨ་ཏི་ཀྐ་མྨ མུ་ཁཾ ཏ་ཝ;
ཨ་ཏྟ་ནཱ’ཝ ས་མཾ ཛཱ་ཏ’’, མི་ཏྱ’སཱ་དྷཱ་ར་ཎོ་པ་མཱ.
༡༩༥. ‘‘ས་བྦ’མྦྷོ་ཛ’པྤ་བྷཱ་སཱ་རོ, རཱ་སི་བྷཱུ་ཏོ’ཝ ཀ་ཏྠ་ཙི;
ཏ་ཝཱ’ན་ནཾ ཝི་བྷཱ་ཏཱི’’ཏི, ཧོ་ཏཱ’བྷཱུ་ཏོ་པ་མཱ ཨ་ཡཾ.
༡༩༦. པ་ཏཱི་ཡ་ཏེ’ཏྠ་ག་མྨཱ ཏུ, ས་དྡ་སཱ་མ་ཏྠི་ཡཱ ཀྭ་ཙི;
ས་མཱ་ས, པྤ་ཙྩ་ཡེ, ཝཱ་དི, ས་དྡ་ཡོ་གཾ ཝི་ནཱ ཨ་པི.
༡༩༧. བྷི་ངྒཱ་ནེ’མཱ་ནི ཙ་ཀྑཱུ་ནི, ནཱ’མྦུ་ཛཾ མུ་ཁ’མེ་ཝི’དཾ;
སུ་བྱ་ཏྟ་ས་དི་ས་ཏྟེ་ན, སཱ ས་རཱུ་པོ་པ་མཱ མ་ཏཱ.
༡༩༨. ‘‘མ་ཡེ’ཝ མུ་ཁ་སོ་བྷཱ’སྶེ, ཏྱ་ལ’མི་ནྡུ! ཝི་ཀ་ཏྠ་ནཱ;
ཡ་ཏོ’མྦུ་ཛེ་པི སཱ’ཏྠཱི་ཏི’’, པ་རི་ཀ་པྤོ་པ་མཱ ཨ་ཡཾ.
༡༩༩. ‘‘ཀིཾ ཝཱ’མྦུ་ཛ’ནྟོ་བྷ་ནྟཱ་ལི, ཀིཾ ལོ་ལ་ན་ཡ་ནཾ མུ་ཁཾ;
མ་མ དོ་ལཱ་ཡ་ཏེ ཙི་ཏྟ’’, མི་ཙྩ’ཡཾ སཾ་ས་ཡོ་པ་མཱ.
༢༠༠. ཀི་ཉྩི ཝ་ཏྠུཾ པ་ད་སྶེ་ཏྭཱ, ས་དྷ་མྨ་སྶཱ’བྷི་དྷཱ་ན་ཏོ;
སཱ་མྱ་པྤ་ཏཱི་ཏི་ས་བྦྷཱ་ཝཱ, པ་ཏི་ཝ་ཏྠུ་པ་མཱ ཡ་ཐཱ.
༢༠༡. ཛ་ནེ་སུ ཛཱ་ཡ་མཱ་ནེ་སུ, ནེ’ཀོ་པི ཛི་ན་སཱ་དི་སོ;
དུ་ཏི་ཡོ ན་ནུ ན་ཏྠེ’ཝ, པཱ་རི་ཛཱ་ཏ་སྶ པཱ་ད་པོ.
༢༠༢. ཝཱ་ཀྱ་ཏྠེ་ནེ’ཝ ཝཱ་ཀྱ་ཏྠོ, ཡ་དི ཀོ་ཙཱུ’པ་མཱི་ཡ་ཏེ;
ཨི་ཝ་ཡུ་ཏྟཱ, ཝི་ཡུ་ཏྟ་ཏྟཱ, སཱ ཝཱ་ཀྱ་ཏྠོ་པ་མཱ དྭི་དྷཱ.
ཨི་ཝ་ཡུ་ཏྟཱ
༢༠༣. ཛི་ནོ སཾ་ཀླེ་ས་ཏ་ཏྟཱ་ནཾ, ཨཱ་ཝི་བྷཱུ་ཏོ ཛ་ནཱ་ན’ཡཾ;
གྷ་མྨ་ས་ནྟཱ་པ་ཏ་ཏྟཱ་ནཾ, གྷ་མྨ་ཀཱ་ལེ’མྦུ་དོ ཝི་ཡ.
ཨི་ཝ་ཝི་ཡུ་ཏྟཱ
༢༠༤. མུ་ནི་ནྡཱ་ན་ན མཱ་བྷཱ་ཏི, ཝི་ལཱ་སེ་ཀ་མ་ནོ་ཧ་རཾ;
ཨུ་དྡྷཾ ས་མུ་གྒ་ཏ་སྶཱ’པི, ཀིཾ ཏེ ཙ་ནྡ ཝི་ཛ་མྦྷ་ནཱ.
༢༠༥. ས་མུ་བྦེ་ཛེ་ཏི དྷཱི་མ་ནྟཾ, བྷི་ནྣ་ལི་ངྒཱ་དི་ཀཾ ཏུ ཡཾ;
ཨུ་པ་མཱ་དཱུ་ས་ནཱ་ཡཱ’ལ, མེ་ཏཾ ཀ་ཏྠ་ཙི ཏཾ ཡ་ཐཱ.
༢༠༦. ཧཾ་སཱི’ཝཱ’ཡཾ ས་སཱི བྷི་ནྣ, ལི་ངྒཱ, ཀཱ་སཾ ས་རཱ་ནི’ཝ;
ཝི་ཛཱ་ཏི ཝ་ཙ་ནཱ, ཧཱི་ནཱ, སཱ’ཝ བྷ་ཏྟོ བྷ་ཊོ’དྷི་པེ.
༢༠༧. ‘‘ཁ་ཛྫོ་ཏོ བྷཱ་ཎུ་མཱ་ལཱི’ཝ, ཝི་བྷཱ་ཏི’’ཏྱདྷི་ཀོ་པ་མཱ;
ཨ་ཕུ་ཊྛ་ཏྠཱ ‘‘བ་ལ་མྦོ་དྷི, སཱ་ག་རོ ཝི་ཡ སཾ་ཁུ་བྷི.’’
༢༠༨. ‘‘ཙ་ནྡེ ཀ་ལ་ངྐོ བྷི་ངྒོ’ཝེ’, ཏྱུ’པ་མཱ་པེ་ཀྑི་ནཱི ཨ་ཡཾ;
ཁ་ཎྜི་ཏཱ ཀེ་ར་ཝཱ’ཀཱ་རོ, ས་ཀ་ལ་ངྐོ ནི་སཱ་ཀ་རོ.
༢༠༩. ཨི་ཙྩེ་ཝ་མཱ་དི་རཱུ་པེ་སུ, བྷ་ཝ་ནྟི ཝི་ག་ཏཱ’ད་རཱ;
ཀ་རོ་ནྟི ཙཱ’ད་རཾ དྷཱི་རཱ, པ་ཡོ་གེ ཀྭ་ཙི དེ’ཝ ཏུ.
༢༡༠. ཨི་ཏྠཱི་ཡཾ’ཝཱ’ཛ་ནོ ཡཱ་ཏི, ཝ་ད་ཏྱེ’སཱ པུ་མཱ ཝི་ཡ;
པི་ཡོ པཱ་ཎཱ ཨི་ཝཱ’ཡཾ མེ, ཝི་ཛྫཱ དྷ་ན’མི་ཝ’ཙྩི་ཏཱ.
༢༡༡. བྷ་ཝཾ ཝི་ཡ མ་ཧཱི་པཱ་ལ, དེ་ཝ་རཱ་ཛཱ ཝི་རོ་ཙ་ཏེ;
ཨ་ལ’མཾ་སུ་མ་ཏོ ཀ་ཙྪཾ, ཏེ་ཛ་སཱ རོ་ཧི་ཏུཾ ཨ་ཡཾ.
༢༡༢. ཨུ་པ་མཱ་ནོ’པ་མེ་ཡྻཱ་ནཾ, ཨ་བྷེ་ད་སྶ ནི་རཱུ་པ་ནཱ;
ཨུ་པ་མཱ’ཝ ཏི་རོ་བྷཱུ་ཏ, བྷེ་དཱ རཱུ་པ་ཀ མུ་ཙྩ་ཏེ.
༢༡༣. ཨ་སེ་ས ཝ་ཏྠུ ཝི་ས་ཡཾ, ཨེ་ཀ་དེ་ས ཝི་ཝུ་ཏྟི [ཝི་ཝ་ཏྟི (ཊཱི་ཀཱ)], ཙ;
ཏཾ དྭི་དྷཱ པུ་ན པ་ཙྩེ་ཀཾ, ས་མཱ་སཱ་དི་ཝ་སཱ ཏི་དྷཱ.
ཨ་སེ་ས་ཝ་ཏྠུ་ཝི་ས་ཡ་ས་མཱ་ས
༢༡༤. ཨ་ངྒུ་ལི་ད་ལ སཾ་སོ་བྷིཾ, ན་ཁ་དཱི་དྷི་ཏི ཀེ་ས་རཾ;
སི་ར་སཱ ན པི་ལ་ནྡྷ་ནྟི, ཀེ མུ་ནི་ནྡ པ་ད’མྦུ་ཛཾ.
ཨ་སེ་ས་ཝ་ཏྠུ་ཝི་ས་ཡ་ཨ་ས་མཱ་ས
༢༡༥. ར་ཏ་ནཱ་ནི གུ་ཎཱ བྷཱུ་རཱི, ཀ་རུ་ཎཱ སཱི་ཏ་ལཾ ཛ་ལཾ;
ག་མྦྷཱི་ར་ཏྟ མ་གཱ་དྷ་ཏྟཾ, པ་ཙྩ་ཀྑོ’ཡཾ ཛི་ནོ’མྦུ་དྷི.
ཨ་སེ་ས་ཝ་ཏྠུ་ཝི་ས་ཡ་མི་སྶ་ཀ
༢༡༦. ཙ་ནྡི་ཀཱ མ་ནྡ་ཧཱ་སཱ ཏེ, མུ་ནི་ནྡ! ཝ་ད་ནི’ནྡུ་ནོ;
པ་བོ་དྷ་ཡ་ཏྱ’ཡཾ སཱ་དྷུ, མ་ནོ ཀུ་མུ་ད ཀཱ་ན་ནཾ.
༢༡༧. ཨ་སེ་ས་ཝ་ཏྠུ་ཝི་ས་ཡེ, པ་བྷེ་དོ རཱུ་པ་ཀེ ཨ་ཡཾ;
ཨེ་ཀ་དེ་ས་ཝི་ཝུ་ཏྟི་མྷི, བྷེ་དོ དཱ་ནི པ་ཝུ་ཙྩ་ཏི.
ཨེ་ཀ་དེ་ས་ཝི་ཝུ་ཏྟི་ས་མཱ་ས
༢༡༨. ཝི་ལཱ་ས ཧཱ་ས ཀུ་སུ་མཾ, རུ་ཙི་རཱ’དྷ་ར པ་ལླ་ཝཾ;
སུ་ཁཾ ཀེ ཝཱ ན ཝི་ནྡ་ནྟི, པ་སྶ་ནྟཱ མུ་ནི་ནོ མུ་ཁཾ.
ཨེ་ཀ་དེ་ས་ཝི་ཝུ་ཏྟི་ཨ་ས་མཱ་ས
༢༡༩. པཱ་ད་དྭ་ནྡཾ མུ་ནི་ནྡ་སྶ, ད་དཱ་ཏུ ཝི་ཛ་ཡཾ ཏ་ཝ;
ན་ཁ་རཾ་སཱི པ་རཾ ཀ་ནྟཱ, ཡ་སྶ པཱ་པ་ཛ་ཡ་དྡྷ་ཛཱ.
ཨེ་ཀ་དེ་ས་ཝི་ཝུ་ཏྟི་མི་སྶ་ཀ
༢༢༠. སུ་ནི་མྨ་ལ་ཀ་པོ་ལ་སྶ, མུ་ནི་ནྡ ཝ་ད་ནི’ནྡུ་ནོ;
སཱ་དྷུ’པྤ་བུ་དྡྷ ཧ་ད་ཡཾ, ཛཱ་ཏཾ ཀེ་ར་ཝ ཀཱ་ན་ནཾ.
༢༢༡. རཱུ་པ་ཀཱ་ནི བ་ཧཱུ་ནྱེ’ཝ [ཊཱི་ཀཱ་ཡཾ ཨུ་དྡྷ་ཊཾ ཡུ་ཏྟ་རཱུ་པ་ཀཾ སི་ཏ་པུ་པྥུ་ཛ་ལཾ ལོ་ལ, ནེ་ཏྟ་བྷི་ངྒ ཏ་ཝཱ’ན་ནཾ; ཀ་སྶ ནཱ་མ མ་ནོ དྷཱི་ར, ནཱ་ཀ་ཌྜྷ་ཏི མ་ནོ་ཧ་རཾ;], ཡུ་ཏྟཱ, ཡུ་ཏྟཱ་དིབྷེ་ད་ཏོ;
ཝི་སུཾ ན ཏཱ་ནི ཝུ་ཏྟཱ་ནི, ཨེ་ཏྠེ’ཝ’ནྟོ་ག་དྷཱ་ནི’ཏི.
༢༢༢. ‘‘ཙ་ནྡི་མཱ’ཀཱ་ས་པ་དུ་མ’’, མི་ཙྩེ་ཏཾ ཁ་ཎྜ་རཱུ་པ་ཀཾ;
དུ་ཊྛ, ‘‘མ་མྦོ་རུ་ཧ་ཝ་ནཾ, ནེ་ཏྟཱ་ནི’ཙྩཱ’’དི སུ་ནྡ་རཾ.
༢༢༣. པ་རི་ཡ་ནྟོ ཝི་ཀ་པྤཱ་ནཾ, རཱུ་པ་ཀ་སྶོ’པ་མཱ་ཡ ཙ;
ན་ཏྠི ཡཾ ཏེ་ན ཝི་ཉྙེ་ཡྻཾ, ཨ་ཝུ་ཏྟ མ་ནུ་མཱ་ན་ཏོ.
༢༢༤. པུ་ན་པྤུ་ན མུ་ཙྩཱ་ར་ཎཾ [པུ་ན་པྤུ་ནུ་ཙྩཱ་ར་ཎཾ ཡཾ (སཱི. ཀ.)], ཡ་མ་ཏྠ་སྶ, པ་ད་སྶ ཙ;
ཨུ་བྷ་ཡེ་ས་ཉྩ ཝི་ཉྙེ་ཡྻཱ, སཱ’ཡ’མཱ་ཝུ་ཏྟི ནཱ་མ་ཏོ.
ཨ་ཏྠཱ་ཝུ་ཏྟི
༢༢༥. མ་ནོ ཧ་ར་ཏི ས་བྦེ་སཾ, ཨཱ་ད་དཱ་ཏི དི་སཱ ད་ས;
ག་ཎྷཱ་ཏི ནི་མྨ་ལ་ཏྟ་ཉྩ, ཡ་སོ་རཱ་སི ཛི་ན་སྶ’ཡཾ.
པ་དཱ་ཝུ་ཏྟི
༢༢༦. ཝི་བྷཱ་སེ་ནྟི དི་སཱ ས་བྦཱ, མུ་ནི་ནོ དེ་ཧ་ཀ་ནྟི་ཡོ;
ཝི་བྷཱ སེ་ནྟི ཙ ས་བྦཱ་པི, ཙ་ནྡཱ་དཱི་ནཾ ཧ་ཏཱ ཝི་ཡ.
ཨུ་བྷ་ཡཱ་ཝུ་ཏྟི
༢༢༧. ཛི་ཏྭཱ ཝི་ཧ་ར་ཏི ཀླེ་ས, རི་པུཾ ལོ་ཀེ ཛི་ནོ ཨ་ཡཾ;
ཝི་ཧ་ར་ཏྱ’རི་ཝ་གྒོ’ཡཾ, རཱ་སི་བྷཱུ་ཏོ’ཝ དུ་ཛྫ་ནེ.
༢༢༨. ཨེ་ཀ་ཏྠ ཝ་ཏྟ་མཱ་ན་མྤི, ས་བྦ་ཝཱ་ཀྱོ’པ་ཀཱ་ར་ཀཾ;
དཱི་པ་ཀཾ ནཱ་མ ཏཾ ཙཱ་དི, མ་ཛ྄ཛྷ, ནྟ་ཝི་ས་ཡཾ ཏི་དྷཱ.
ཨཱ་དི དཱི་པ་ཀ
༢༢༩. ཨ་ཀཱ་སི བུ་དྡྷོ ཝེ་ནེ་ཡྻ, བ་ནྡྷཱུ་ན མ་མི་ཏོ’ད་ཡཾ;
ས་བྦ་པཱ་པེ་ཧི ཙ ས་མཾ, ནེ་ཀ་ཏི་ཏྠི་ཡ་མ་དྡ་ནཾ.