༣. གུ་ཎཱ་ཝ་བོ་དྷ-ཏ་ཏི་ཡ་པ་རི་ཙྪེ་ད
ཨ་ནུ་ས་ནྡྷི
༡༡༦. ས་མྦྷ་ཝ་ནྟི གུ་ཎཱ ཡ་སྨཱ, དོ་སཱ་ནེ’ཝ’མ་ཏི་ཀྐ་མེ;
ད་སྶེ་སྶཾ ཏེ ཏ་ཏོ དཱ་ནི, ས་དྡེ ས་མྦྷཱུ་ས་ཡ་ནྟི ཡེ.
ས་དྡཱ་ལ་ངྐཱ་ར ཨུ་དྡེ་ས
༡༡༧. པ་སཱ་དོ’ཛོ, མ་དྷུ་ར་ཏཱ, ས་མ་ཏཱ, སུ་ཁུ་མཱ་ལ་ཏཱ;
སི་ལེ་སོ’ད་ར་ཏཱ, ཀ་ནྟི, ཨ་ཏྠ་བྱ་ཏྟི, ས་མཱ་དྷ་ཡོ.
ས་དྡཱ་ལ་ངྐཱ་ར པ་ཡོ་ཛ་ན
༡༡༨. གུ་ཎེ་ཧེ’ཏེ་ཧི ས་མྤ་ནྣོ, བ་ནྡྷོ ཀ་ཝི་མ་ནོ་ཧ་རོ;
ས་མྤཱ་དི་ཡ་ཏི ཀ་ཏྟཱུ་ནཾ, ཀི་ཏྟི མ་ཙྩ་ནྟ་ནི་མྨ་ལཾ.
ས་དྡཱ་ལ་ངྐཱ་ར ནི་དྡེ་ས
༡༡༩. ཨ་དཱུ་རཱ་ཧི་ཏ་ས་མྦ་ནྡྷ, སུ་བྷ་གཱ ཡཱ པ་དཱ’ཝ་ལི;
སུ་པ་སི་དྡྷཱ’བྷི་དྷེ་ཡྻཱ’ཡཾ, པ་སཱ་དཾ ཛ་ན་ཡེ ཡ་ཐཱ.
༡༢༠. ཨ་ལ་ངྐ་རོ་ནྟཱ ཝ་ད་ནཾ, མུ་ནི་ནོ’དྷ་ར་རཾ་སི་ཡོ;
སོ་བྷ་ནྟེ’རུ་ཎ་རཾ་སཱི’ཝ, ས་མྤ་ཏ་ནྟཱ’མྦུ་ཛོ’ད་རེ.
༡༢༡. ཨོ་ཛོ ས་མཱ་ས་བཱ་ཧུ་ལྱ, མེ་སོ ག་ཛྫ་སྶ ཛཱི་ཝི་ཏཾ;
པ་ཛྫེ་པྱ’ནཱ’ཀུ་ལོ སོ’ཡཾ,
ཀ་ནྟོ ཀཱ་མཱི་ཡ་ཏེ ཡ་ཐཱ.
༡༢༢. མུ་ནི་ནྡ མ་ནྡ ས་ཉྫཱ་ཏ, ཧཱ་ས ཙ་ནྡ་ན ལི་མྤི་ཏཱ;
པ་ལླ་ཝཱ དྷ་ཝ་ལཱ ཏ་སྶེ, ཝེ་ཀོ ནཱ’དྷ་ར་པ་ལླ་ཝོ.
༡༢༣. པ་དཱ’བྷི་དྷེ་ཡྻ་ཝི་ས་ཡཾ, ས་མཱ་ས བྱཱ་ས ས་མྦྷ་ཝཾ;
ཡཾ པཱ་རི་ཎ་ཏྱཾ ཧོ་ཏཱི’ཧ, སོ་པི ཨོ་ཛོ’ཝ ཏཾ ཡ་ཐཱ.
༡༢༤. ཛོ་ཏ་ཡི་ཏྭཱ་ན ས་དྡྷ་མྨཾ, ས་ནྟཱ་རེ་ཏྭཱ ས་དེ་ཝ་ཀེ;
ཛ་ལི་ཏྭཱ ཨ་གྒི་ཁ་ནྡྷོ’ཝ, ནི་བྦུ་ཏོ སོ ས་སཱ་ཝ་ཀོ.
༡༢༥. མ་ཏྠ་ཀ་ཊྛཱི མ་ཏ་སྶཱ’པི, ར་ཛོ་བྷཱ་ཝཾ ཝ་ཛ་ནྟུ མེ;
ཡ་ཏོ པུ་ཉྙེ་ན ཏེ སེ་ནྟུ, ཛི་ན པཱ་ད’མྦུ་ཛ་དྭ་ཡེ.
༡༢༦. ཨི་ཙྩ་ཏྲ ནི་ཙྩ་པྤ་ཎ་ཏི, གེ་དྷོ སཱ་དྷུ པ་དི་སྶ་ཏི;
ཛཱ་ཡ་ཏེ’ཡཾ གུ་ཎོ ཏི་ཀྑ, པ་ཉྙཱ་ན་མ་བྷི་ཡོ་ག་ཏོ.
༡༢༧. མ་དྷུ་ར་ཏྟཾ པ་དཱ་ས་ཏྟི, ར’ནུ་པྤཱ་ས་ཝ་སཱ དྭི་དྷཱ;
སི་ཡཱ ས་མ་སུ་ཏི པུ་བྦཱ, ཝ་ཎྞཱ’ཝུ་ཏྟི པ་རོ ཡ་ཐཱ.
༡༢༨. ཡ་དཱ ཨེ་སོ’བྷི་ས་མྦོ་དྷིཾ, ས་མྤ་ཏྟོ མུ་ནི་པུ་ངྒ་ཝོ;
ཏ་དཱ པ་བྷུ་ཏི དྷ་མྨ་སྶ, ལོ་ཀེ ཛཱ་ཏོ མ་ཧུ’སྶ་ཝོ.
༡༢༩. མུ་ནིནྡམནྡཧཱ་སཱ ཏེ, ཀུནྡ སནྡོཧ་ཝི་བྦྷ་མཱ;
དི་སནྟ མ་ནུ་དྷཱ་ཝནྟི, ཧ་སནྟཱ ཙནྡཀནྟིཡོ.
༡༣༠. ས་བྦ་ཀོ་མ་ལ་ཝ་ཎྞེ་ཧི, ནཱ’ནུ་པྤཱ་སོ པ་སཾ་སི་ཡོ;
ཡ་ཐཱ’ཡཾ མཱ་ལ་ཏཱི་མཱ་ལཱ, ལི་ན ལོ་ལཱ’ལི་མཱ་ལི་ནཱི.
༡༣༡. མུ་དཱུ་ཧི ཝཱ ཀེ་ཝ་ལེ་ཧི, ཀེ་ཝ་ལེ་ཧི ཕུ་ཊེ་ཧི ཝཱ,
མི་སྶེ་ཧི ཝཱ ཏི་དྷཱ ཧོ་ཏི, ཝ་ཎྞེ་ཧི ས་མ་ཏཱ ཡ་ཐཱ.
ཀེ་ཝ་ལ་མུ་དུ་ས་མ་ཏཱ
༡༣༢. ཀོ་ཀི་ལཱ’ལཱ་པ་སཾ་ཝཱ་དཱི, མུ་ནི་ནྡཱ’ལཱ་པ་ཝི་བྦྷ་མོ;
ཧ་ད་ཡ་ངྒ་མ་ཏཾ ཡཱ་ཏི, ས་ཏཾ དེ་ཏི ཙ ནི་བྦུ་ཏིཾ.
ཀེ་ཝ་ལ་ཕུ་ཊ་ས་མ་ཏཱ
༡༣༣. ས་མྦྷཱ་ཝ་ནཱི་ཡ་ས་མྦྷཱ་ཝཾ, བྷ་ག་ཝ་ནྟཾ བྷ་ཝ་ནྟ་གུཾ;
བྷ་ཝ་ནྟ་སཱ་དྷ་ནཱ’ཀ་ངྑཱི, ཀོ ན ས་མྦྷཱ་ཝ་ཡེ ཝི་བྷུཾ.
མི་སྶ་ཀ་ས་མ་ཏཱ
༡༣༤. ལ་དྡྷ་ཙ་ནྡ་ན་སཾ་ས་གྒ, སུ་ག་ནྡྷི མ་ལ་ཡཱ’ནི་ལོ;
མ་ནྡ མཱ་ཡཱ་ཏི བྷཱི་ཏོ’ཝ, མུ་ནི་ནྡ་མུ་ཁ་མཱ་རུ་ཏཱ.
༡༣༥. ཨ་ནི་ཊྛུ་ར’ཀྑ་ར’པྤཱ་ཡཱ, ས་བྦ་ཀོ་མ་ལ ནི་སྶ་ཊཱ;
ཀི་ཙྪ་མུ་ཙྩཱ་ར་ཎཱ’པེ་ཏ, བྱ་ཉྫ་ནཱ སུ་ཁུ་མཱ་ལ་ཏཱ.
༡༣༦. པ་སྶ་ནྟཱ རཱུ་པ་ཝི་བྷ་ཝཾ, སུ་ཎ་ནྟཱ མ་དྷུ་རཾ གི་རཾ;
ཙ་ར་ནྟི སཱ་དྷཱུ [སཱ་དྷུ (སཱི-ཚ་ནྡྷཱ་ནུ་ར་ཀྑ་ཎ་ཏྠཾ)] ས་མྦུ་དྡྷ, ཀཱ་ལེ ཀེ་ལི༹་པ་ར་མྨུ་ཁཱ.
༡༣༧. ཨ་ལ་ངྐཱ་ར་ཝི་ཧཱི་ནཱ’པི, ས་ཏཾ ས་མྨུ་ཁ་ཏེ’དི་སཱི;
ཨཱ་རོ་ཧ་ཏི ཝི་སེ་སེ་ན, ར་མ་ཎཱི་ཡཱ ཏ’དུ་ཛྫ་ལཱ.
༡༣༨. རོ་མ་ཉྩ པི་ཉྪ ར་ཙ་ནཱ, སཱ་དྷུ ཝཱ་དཱ་ཧི་ཏ་དྡྷ་ནཱི;
ལ་ལ༹་ནྟི’མེ མུ་ནི་མེ་གྷུ, མྨ་དཱ སཱ་དྷུ སི་ཁཱ་ཝ་ལཱ.
༡༣༩. སུ་ཁུ་མཱ་ལ་ཏྟ མ་ཏྠེ’ཝ, པ་ད་ཏྠ་ཝི་ས་ཡ་མྤི ཙ;
ཡ་ཐཱ མ་ཏཱ་དི་ས་དྡེ་སུ, ཀི་ཏྟི་སེ་སཱདི་ཀི་ཏྟ་ནཾ.
༡༤༠. སི་ལི་ཊྛ པ་ད སཾ་ས་གྒ, ར་མ་ཎཱི་ཡ གུ་ཎཱ’ལ་ཡོ;
ས་བ་ནྡྷ་གཱ་ར་ཝོ སོ’ཡཾ, སི་ལེ་སོ ནཱ་མ ཏཾ ཡ་ཐཱ.
༡༤༡. བཱ་ལི’ནྡུ་ཝི་བྦྷ་མ’ཙྪེ་དི, ན་ཁ་རཱ’ཝ་ལི ཀ་ནྟི་བྷི;
སཱ མུ་ནི་ནྡ་པ་ད’མྦྷོ་ཛ, ཀ་ནྟི ཝོ ཝ་ལི་ཏཱ’ཝ་ཏཾ.
༡༤༢. ཨུ་ཀྐཾ་ས་ཝ་ནྟོ ཡོ་ཀོ་ཙི, གུ་ཎོ ཡ་དི པ་ཏཱི་ཡ་ཏེ;
ཨུ་དཱ་རོ’ཡཾ བྷ་ཝེ ཏེ་ན, ས་ནཱ་ཐཱ བ་ནྡྷ་པ་དྡྷ་ཏི.
༡༤༣. པཱ་ད་མྦྷོ་ཛ ར་ཛོ ལི་ཏྟ, ག་ཏྟཱ ཡེ ཏ་ཝ གོ་ཏ་མ;
ཨ་ཧོ! ཏེ ཛ་ནྟ་ཝོ ཡ་ནྟི, ས་བྦ་ཐཱ ནི་ར་ཛ་ཏྟ་ནཾ.
༡༤༤. ཨེ་ཝཾ ཛི་ནཱ’ནུ་བྷཱ་ཝ་སྶ, ས་མུ་ཀྐཾ་སོ’ཏྲ དི་སྶ་ཏི;
པ་ཉྙ་ཝཱ ཝི་དྷི་ནཱ’ནེ་ན, ཙི་ནྟ་ཡེ པ་ར མཱི་དི་སཾ.
༡༤༥. ཨུ་དཱ་རོ སོ་པི ཝི་ཉྙེ་ཡྻོ, ཡཾ པ་ས་ཏྠ ཝི་སེ་ས་ནཾ;
ཡ་ཐཱ ཀཱི་ལཱ༹་ས་རོ ལཱི་ལཱ, ཧཱ་སོ ཧེ་མ་ངྒ་དཱ’ད་ཡོ.
༡༤༦. ལོ་ཀི་ཡ’ཏྠཱ’ན’ཏི་ཀྐ་ནྟཱ, ཀ་ནྟཱ ས་བྦ་ཛ་ནཱ་ན་པི;
ཀ་ནྟི ནཱ་མཱ’ཏི་ཝུ་ཏྟ་སྶ, ཝུ་ཏྟཱ སཱ པ་རི་ཧཱ་ར་ཏོ.
ཡ་ཐཱ མུ་ནི་ནྡ ཨི་ཙྩཱ་དི.
༡༤༧. ཨ་ཏྠ་བྱ་ཏྟཱ’བྷི་དྷེ་ཡྻ་སྶཱ,
ནེ་ཡྻ་ཏཱ ས་དྡ་ཏོ’ཏྠ་ཏོ;
སཱ’ཡཾ ཏ་དུ་བྷ་ཡཱ ནེ་ཡྻ, པ་རི་ཧཱ་རེ པ་ད་སྶི་ཏཱ;
ཡ་ཐཱ མ་རཱི་ཙི་ཙྩཱ་དི ཙ, མ་ནོ་ནུ་ར་ཉྫ་ནོཙྩཱ་དི.
པུ་ན ཨ་ཏྠེ་ན ཡ་ཐཱ
༡༤༨. ས་བྷཱ་ཝཱ’མ་ལ་ཏཱ དྷཱི་ར, མུ་དྷཱ པཱ་ད་ན་ཁེ་སུ ཏེ;
ཡ་ཏོ ཏེ’ཝ་ན་ཏཱ’ན་ནྟ, མོ་ལི༹་ཙྪཱ་ཡཱ ཛ་ཧ་ནྟི ནོ.
༡༤༩. ‘བ་ནྡྷ་སཱ་རོ’ཏི མ་ཉྙ་ནྟི, ཡཾ ས་མ་གྒཱ་པི ཝི་ཉྙུ་ནོ;
ད་སྶ་ནཱ’ཝ་ས་རཾ པ་ཏྟོ, ས་མཱ་དྷི ནཱ་མ’ཡཾ གུ་ཎོ.
༡༥༠. ཨ་ཉྙ་དྷ་མྨོ ཏ་ཏོ’ཉྙ་ཏྠ, ལོ་ཀ་སཱི་མཱ’ནུ་རོ་དྷ་ཏོ;
ས་མྨཱ ཨཱ་དྷཱི་ཡ་ཏེ’ཙྩེ’སོ, ‘ས་མཱ་དྷཱི’ཏི ནི་རུ་ཙྩ་ཏི.
ས་མཱ་དྷི ཨུ་དྡེ་ས
༡༥༡. ཨ་པཱ་ཎེ པཱ་ཎཱི་ནཾ དྷ་མྨོ, ས་མྨཱ ཨཱ་དྷཱི་ཡ་ཏེ ཀྭ་ཙི,;
ནི་རཱུ་པེ རཱུ་པ་ཡུ་ཏྟ་སྶ, ནི་ར་སེ ས་ར་ས་སྶ, ཙ.
༡༥༢. ཨ་དྲ་ཝེ དྲ་ཝ་ཡུ་ཏྟ་སྶ, ཨ་ཀ་ཏྟ་རི་པི ཀ་ཏྟུ་ཏཱ,;
ཀ་ཋི་ན་སྶཱ’ས་རཱི་རེ,པི, རཱུ་པཾ ཏེ་སཾ ཀ་མཱ སི་ཡཱ.
ས་མཱ་དྷི་ནི་དྡེ་ས
ཨ་པཱ་ཎེ པཱ་ཎཱི་ནཾ དྷ་མྨོ
༡༥༣. ཨུ་ཎྞཱ པུ་ཎྞི’ནྡུ་ནཱ ནཱ་ཐ! དི་ཝཱ་པི ས་ཧ ས་ངྒ་མཱ;
ཝི་ནི་དྡཱ ས་མྤ་མོ་ད་ནྟི, མ་ཉྙེ ཀུ་མུ་དི་ནཱི ཏ་ཝ.
ནི་རུ་པེ རཱུ་པ་ཡུ་ཏྟ་སྶ
༡༥༤. ད་ཡཱ་ར་སེ་སུ མུ་ཛྫ་ནྟཱ, ཛ་ནཱ’མ་ཏ་ར་སེ་སྭི’ཝ;
སུ་ཁི་ཏཱ ཧ་ཏ་དོ་སཱ ཏེ, ནཱ་ཐ! པཱ་ད’མྦུ་ཛཱ’ན་ཏཱ.
ནི་ར་སེ ས་ར་ས་སྶ
༡༥༥. མ་དྷུ་རེཔི གུ་ཎེ དྷཱི་ར, ན’པྤ་སཱི་ད་ནྟི ཡེ ཏ་ཝ;
ཀཱི་དི་སཱི མ་ན་སོ་ཝུ་ཏྟི, ཏེ་སཾ ཁཱ་ར་གུ་ཎཱ་ན བྷོ’.
ཨ་དྲ་ཝེ དྲ་ཝ་ཡུ་ཏྟ་སྶ
༡༥༦. ས་བྦ་ཏྠ་སི་དྡྷ! ཙཱུ་ལ༹་ཀ, པུ་ཊ་པེ་ཡྻཱ མ་ཧཱ་གུ་ཎཱ;
དི་སཱ ས་མ་ནྟཱ དྷཱ་ཝ་ནྟི, ཀུ་ནྡ་སོ་བྷཱ ས ལ་ཀྑ་ཎཱ.
ཨ་ཀ་ཏྟ་རི་པི ཀ་ཏྟུ་ཏཱ
༡༥༧. མཱ་རཱ’རི་བ་ལཝི་སྶ་ཊྛཱ, ཀུ་ཎྛཱ ནཱ་ནཱ་ཝི་དྷཱ’ཡུ་དྷཱ;
ལ་ཛྫ་མཱ་ནཱ’ཉྙ་ཝེ་སེ་ན, ཛི་ན! པཱ་དཱ’ན་ཏཱ ཏ་ཝ.
ཀ་ཋི་ན་སྶཱ ས་རཱི་རེ
༡༥༨. མུ་ནི་ནྡ་བྷཱ་ཎུ་མཱ ཀཱ་ལོ,
དི་ཏོ བོ་དྷོ’ད་ཡཱ’ཙ་ལེ;
ས་དྡྷ་མྨ་རཾ་སི་ནཱ བྷཱ་ཏི, བྷི་ནྡ མ་ནྡ་ཏ་མཾ པ་རཾ.
༡༥༩. ཝ་མ་ནུ’གྒི་ར་ནཱ་དྱེ’ཏཾ, གུ་ཎ་ཝུ་ཏྱ’པ་རི་ཙྩུ་ཏཾ;
ཨ་ཏི་སུ་ནྡ་ར མ་ཉྙཾ ཏུ, ཀཱ་མཾ ཝི་ནྡ་ཏི གཱ་མྨ་ཏཾ.
༡༦༠. ཀ་ནྟཱི་ནཾ ཝ་མ་ན་བྱཱ་ཛཱ, མུ་ནི་པཱ་ད་ན་ཁཱ’ཝ་ལཱི;
ཙ་ནྡ་ཀ་ནྟཱི པི་ཝ་ནྟཱི’ཝ, ནི་པྤ་བྷཾ ཏཾ ཀ་རོ་ནྟི་ཡོ.
༡༦༡. ཨ་ཙི་ཏྟ་ཀ་ཏྟུ་ཀཾ རུ་ཙྱ [རུ་ཙྩ (སཱི.)], མི་ཙྩེ་ཝཾ གུ་ཎ་ཀ་མྨ་ཏཾ;
ས་ཙི་ཏྟ་ཀ་ཏྟུ་ཀཾ པེ’ཏཾ, གུ་ཎ་ཀ་མྨཾ ཡ་དུ’ཏྟ་མཾ.
༡༦༢. ཨུ་གྒི་ར་ནྟོ’ཝ ས་སྣེ་ཧ, ར་སཾ ཛི་ན་ཝ་རོ ཛ་ནེ;
བྷཱ་ས་ནྟོ མ་དྷུ་རཾ དྷ་མྨཾ, ཀཾ ན ས་པྤཱི་ཎ་ཡེ ཛ་ནཾ.
༡༦༣. ཡོ ས་དྡ་ས་ཏྠ་ཀུ་ས་ལོ ཀུ་ས་ལོ ནི་གྷ་ཎྜུ,
ཚ་ནྡོ་ཨ་ལ་ངྐ་ཏི་སུ ནི་ཙྩ་ཀ་ཏཱ’བྷི་ཡོ་གོ;
སོ’ཡཾ ཀ་ཝི་ཏྟ་ཝི་ཀ་ལོ་པི ཀ་ཝཱི་སུ ས་ངྑྱ,
མོ་གྒ་ཡ྄ཧ ཝི་ནྡ་ཏི ཧི ཀི་ཏྟི’ མ་མ་ནྡ་རཱུ་པཾ.
ཨི་ཏི ས་ངྒྷ་ར་ཀྑི་ཏ་མ་ཧཱ་སཱ་མི་ཝི་ར་ཙི་ཏེ སུ་བོ་དྷཱ་ལ་ངྐཱ་རེ
གུ་ཎཱ་ཝ་བོ་དྷོ ནཱ་མ
ཏ་ཏི་ཡོ པ་རི་ཙྪེ་དོ.