༡. དོ་སཱ་ཝ་བོ་དྷ-པ་ཋ་མ་པ་རི་ཙྪེ་ད
ར་ཏ་ན་ཏྟ་ཡ་པྤ་ཎཱ་མ
༡. མུ་ནི་ནྡ་ཝ་ད་ན་མྦྷོ་ཛ, ག་བྦྷ་ས་མྦྷ་ཝ་སུ་ནྡ་རཱི;
ས་ར་ཎཾ པཱ་ཎི་ནཾ ཝཱ་ཎཱི, མ་ཡ྄ཧཾ པཱི་ཎ་ཡ་ཏཾ མ་ནཾ.
ནི་མི་ཏྟ
༢. རཱ་མ, ས་མྨཱ’དྱ’ལ་ངྐཱ་རཱ, ས་ནྟི ས་ནྟོ པུ་རཱ་ཏ་ནཱ;
ཏ་ཐཱ་པི ཏུ ཝ་ལ༹་ཉྫེ་ནྟི, སུ་དྡྷ་མཱ་ག་དྷི་ཀཱ ན ཏེ.
ཨ་བྷི་དྷཱ་ནཱ་དི་ཀཾ
༣. ཏེ་ནཱ’པི ནཱ་མ ཏོ་སེ་ཡྻ, མེ་ཏེ ལ་ངྐཱ་ར་ཝ་ཛྫི་ཏེ;
ཨ་ནུ་རཱུ་པེ་ནཱ’ལ་ངྐཱ་རེ, ནེ’ས མེ་སོ པ་རི་སྶ་མོ.
༤. ཡེ་སཾ ན ས་ཉྩི་ཏཱ པ་ཉྙཱ, ནེ་ཀ་ས་ཏྠ་ནྟ་རོ’ཙི་ཏཱ;
ས་མྨོ་ཧ’བྦྷཱ་ཧ་ཏཱ ཝེ’ཏེ, ནཱ་ཝ་བུ་ཛ྄ཛྷ་ནྟི ཀི་ཉྩི་པི.
༥. ཀིཾ ཏེ་ཧི པཱ་ད་སུ་སྶཱུ་སཱ, ཡེ་སཾ ན་ཏྠི ག་རཱུ་ནི’ཧ;
ཡེ ཏ་པྤཱ་ད་ར་ཛོ་ཀི་ཎྞཱ, ཏེ’ཝ སཱ་དྷཱུ ཝི་ཝེ་ཀི་ནོ.
༦. ཀ་བྦ, ནཱ་ཊ་ཀནི་ཀྑི་ཏྟ, ནེ་ཏྟ་ཙི་ཏྟཱ ཀ་ཝི་ཛྫ་ནཱ;
ཡཾ་ཀི་ཉྩི ར་ཙ་ཡ་ནྟེ’ཏཾ, ན ཝི་མྷ་ཡ་ཀ་རཾ པ་རཾ.
༧. ཏེ་ཡེ’ཝ པ་ཊི་བྷཱ་ཝེ་ནྟོ, སོ’ཝ བ་ནྡྷོ ས་ཝི་མྷ་ཡོ;
ཡེ་ན ཏོ་སེ་ནྟི ཝི་ཉྙཱུ ཡེ, ཏ་ཏྠ པྱ’ཝི་ཧི་ཏཱ’ད་རཱ.
༨. བ་ནྡྷོ ཙ ནཱ་མ ས་དྡ,ཏྠཱ, ས་ཧི་ཏཱ དོ་ས་ཝ་ཛྫི་ཏཱ;
པ་ཛྫ ག་ཛྫ ཝི་མི་སྶཱ་ནཾ, བྷེ་དེ་ནཱ’ཡཾ ཏི་དྷཱ བྷ་ཝེ.
༩. ནི་བ་ནྡྷོ ཙཱ’ནི་བ་ནྡྷོ ཙ, པུ་ན དྭི་དྷཱ ནི་རུ་པྤ་ཏེ;
ཏཾ ཏུ པཱ་པེ་ནྟྱ’ལ་ངྐཱ་རཱ, ཝི་ནྡ་ནཱི་ཡ་ཏ་ར་ཏྟ་ནཾ.
༡༠. ཨ་ན་ཝ་ཛྫཾ མུ་ཁ་མྦྷོ་ཛ [‘‘ཨ་མྦྷོ་ཛ’’ནྟི པ་དཾ པཱ་ལི༹་ཡཾ ན་ཏྠི, ཝཱ་རི་ཛ་ཝཱ་ཙ་ཀཾ, ས་ཀྐ་ཊ་ག་ནྠ་ཏོ ཨ་ནཱི་ཏཾ], མ་ན་ཝ་ཛྫཱ ཙ བྷཱ་ར་ཏཱི;
ཨ་ལ་ངྐ་ཏཱ’ཝ སོ་བྷ་ནྟེ, ཀིཾ ནུ ཏེ ནི་ར’ལ་ངྐ་ཏཱ?
༡༡. ཝི་ནཱ ག་རཱུ་པ་དེ་སཾ ཏཾ, བཱ་ལོ’ལ་ངྐ་ཏྟུ མི་ཙྪ་ཏི;
ས་མྤཱ་པུ་ཎེ ན ཝི་ཉྙཱུ་ཧི, ཧ་སྶ་བྷཱ་ཝཾ ཀ་ཐཾ ནུ སོ?
༡༢. ག་ནྠོ་པི ཀ་ཝི་ཝཱ་ཙཱ་ན, མ་ལ་ངྐཱ་ར’པྤ་ཀཱ་ས་ཀོ;
ཡཱ་ཏི ཏ་བྦ་ཙ་ནཱི་ཡ་ཏྟཾ, ཏ’བྦོ་ཧཱ་རཱུ’པ་ཙཱ་ར་ཏོ.
༡༣. དྭི་པྤ་ཀཱ་རཱ ཨ་ལ་ངྐཱ་རཱ, ཏ་ཏྠ ས་དྡ, ཏྠབྷེ་ད་ཏོ;
ས་དྡ་ཏྠཱ བ་ནྡྷནཱ་མཱ’ཝ, ཏཾ་ས་ཛྫི་ཏ ཏ་དཱ་ཝ་ལི.
༡༤. གུ་ཎཱ་ལ་ངྐཱ་ར་སཾ་ཡུ་ཏྟཱ, ཨ་པི དོ་ས་ལ་ཝ’ངྐི་ཏཱ;
པ་སཾ་སི་ཡཱ ན ཝི་ཉྙཱུ་ཧི, སཱ ཀ་ཉྙཱ ཝི་ཡ ཏཱ་དི་སཱི.
༡༥. ཏེ་ན དོ་ས་ནི་རཱ་སོ’ཝ, མ་ཧུ་སྶཱ་ཧེ་ན སཱ་དྷི་ཡོ;
ནི་དྡོ་སཱ ས་བྦ་ཐཱ སཱ’ཡཾ, ས་གུ་ཎཱ ན བྷ་ཝེ་ཡྻ ཀིཾ?
༡༦. སཱ’ལ་ངྐཱ་ར་ཝི་ཡུ་ཏྟཱ’པི, གུ་ཎ་ཡུ་ཏྟཱ མ་ནོ་ཧ་རཱ;
ནི་དྡོ་སཱ དོ་ས་ར་ཧི་ཏཱ, གུ་ཎ་ཡུ་ཏྟཱ ཝ་དྷཱུ ཝི་ཡ.
༡༧. པ་དེ ཝཱ་ཀྱེ ཏ་ད་ཏྠེ ཙ, དོ་སཱ ཡེ ཝི་ཝི་དྷཱ མ་ཏཱ;
སོ’དཱ་ཧ་ར་ཎ མེ་ཏེ་སཾ, ལ་ཀྑ་ཎཾ ཀ་ཐ་ཡཱ་མྱ’ཧཾ.
པ་ད་དོ་ས ཨུ་དྡེ་ས
༡༨. ཝི་རུ་དྡྷ་ཏྠ་ནྟ་རཱ, ཛྷ་ཏྠ, ཀི་ལི་ཊྛཱ་ནི, ཝི་རོ་དྷི ཙ;
ནེ་ཡྻཾ, ཝི་སེ་ས་ནཱ་པེ་ཀྑཾ, ཧཱི་ན་ཏྠ་ཀ མ་ན་ཏྠ་ཀཾ.
ཝཱ་ཀྱ་དོ་ས ཨུ་དྡེ་ས
༡༩. དོ་སཱ པ་དཱ་ན ཝཱ་ཀྱཱ་ན, མེ་ཀ་ཏྠཾ བྷ་གྒ་རཱི་ཏི་ཀཾ;
ཏ་ཐཱ བྱཱ་ཀི་ཎྞ གཱ་མྨཱ་ནི, ཡ་ཏི་ཧཱི་ནཾ ཀ་མ་ཙྩུ་ཏཾ;
ཨ་ཏི་ཝུ་ཏྟ མ་པེ་ཏ་ཏྠཾ, ས་བ་ནྡྷ་ཕ་རུ་སཾ ཏ་ཐཱ.
ཝཱ་ཀྱ་ཏྠ་དོ་ས་ཨུ་དྡེ་ས
༢༠. ཨ་པ་ཀྐ་མོ’, ཙི་ཏྱ་ཧཱི་ནཾ, བྷ་གྒ་རཱི་ཏི, ས་སཾ་ས་ཡཾ;
གཱ་མྨཾ དུ་ཊྛཱ་ལ་ངྐ་ཏཱི་ཏི, དོ་སཱ ཝཱ་ཀྱ་ཏྠ་ནི་སྶི་ཏཱ.
པ་ད་དོ་ས་ནི་དྡེ་ས
༢༡. ཝི་རུ་དྡྷ་ཏྠ་ནྟ་རཾ ཏ་ཉྷི, ཡ་སྶ’ཉྙ་ཏྠོ ཝི་རུ་ཛ྄ཛྷ་ཏི;
ཨ་དྷི་པྤེ་ཏེ ཡ་ཐཱ མེ་གྷོ, ཝི་ས་དོ སུ་ཁ་ཡེ ཛ་ནཾ.
༢༢. ཝི་སེ་སྱ མ་དྷི་ཀཾ ཡེ་ནཱ, ཛྷ་ཏྠ མེ་ཏཾ བྷ་ཝེ ཡ་ཐཱ;
ཨོ་བྷཱ་སི་ཏཱ’སེ་ས་དི་སོ, ཁ་ཛྫོ་ཏོ’ཡཾ ཝི་རཱ་ཛ་ཏེ.
༢༣. ཡ་སྶ’ཏྠཱ’ཝ་ག་མོ དུ་ཀྑོ, པ་ཀ་ཏྱཱ’དི་ཝི་བྷཱ་ག་ཏོ;
ཀི་ལི་ཊྛཾ ཏཾ ཡ་ཐཱ ཏཱ་ཡ, སོ’ཡ མཱ་ལི་ངྒྱ་ཏེ པི་ཡཱ.
༢༤. ཡཾ ཀི་ལི་ཊྛ་པ་དཾ མ་ནྡཱ, བྷི་དྷེ་ཡྻཾ ཡ་མ་ཀཱདི་ཀཾ;
ཀི་ལི་ཊྛ་པ་ད་དོ་སེ’ཝ, ཏ་མྤི ཨ་ནྟོ ཀ་རཱི་ཡ་ཏི.
༢༥. པ་ཏཱི་ཏ་ས་དྡ་ར་ཙི་ཏཾ, སི་ལི་ཊྛ་པ་ད་ས་ནྡྷི་ཀཾ;
པ་སཱ་ད་གུ་ཎ་སཾ་ཡུ་ཏྟཾ, ཡ་མ་ཀཾ མ་ཏ མེ་དི་སཾ.
༢༦. ཨ་བྱ་པེ་ཏཾ བྱ་པེ་ཏ’ཉྙ, མཱ་ཝུ་ཏྟཱ’ནེ་ཀ་ཝ་ཎྞ་ཛཾ;
ཡ་མ་ཀཾ ཏ་ཉྩ པཱ་དཱ་ན, མཱ་དི, མ་ཛ྄ཛྷ, ནྟ, གོ་ཙ་རཾ.
ཨ་བྱ་པེ་ཏ པ་ཋ་མ་པཱ་དཱ་དི ཡ་མ་ཀཾ
༢༧. སུ་ཛ་ནཱ’སུ་ཛ་ནཱ ས་བྦེ, གུ་ཎེ་ནཱ་པི ཝི་ཝེ་ཀི་ནོ;
ཝི་ཝེ་ཀཾ ན ས་མཱ་ཡ་ནྟི, ཨ་ཝི་ཝེ་ཀི་ཛ་ན་ནྟི་ཀེ.
ཨ་བྱ་པེ་ཏ པ་ཋ་མ དུ་ཏི་ཡ པཱ་དཱ་དི ཡ་མ་ཀཾ
༢༨. ཀུ་ས་ལཱ’ཀུ་ས་ལཱ ས་བྦེ, པ་བ་ལཱ’པ་བ་ལཱ ཐ་ཝཱ;
ནོ ཡཱ་ཏཱ ཡཱ་ཝ’ཧོ་སི་ཏྟཾ, སུ་ཁ་དུ་ཀྑ་པྤ་དཱ སི་ཡུཾ;
ཨ་བྱ་པེ་ཏ པ་ཋ་མ དུ་ཏི་ཡ ཏ་ཏི་ཡ་པཱ་དཱ་དི ཡ་མ་ཀཾ.
༢༩. སཱ་ད་རཾ སཱ ད་རཾ ཧ་ནྟུ, ཝི་ཧི་ཏཱ ཝི་ཧི་ཏཱ མ་ཡཱ;
ཝ་ནྡ་ནཱ ཝ་ནྡ་ནཱ་མཱ་ན, བྷཱ་ཛ་ནེ ར་ཏ་ན་ཏྟ་ཡེ.
ཨ་བྱ་པེ་ཏ ཙ་ཏུ་ཀྐ་པཱ་དཱ་དི ཡ་མ་ཀཾ
༣༠. ཀ་མ་ལཾ ཀ’མ་ལཾ ཀ་ཏྟུཾ, ཝ་ན་དོ ཝ་ན་དོ’མྦ་རཾ;
སུ་ག་ཏོ སུ་ག་ཏོ ལོ་ཀཾ, ས་ཧི་ཏཾ ས ཧི་ཏཾ ཀ་རཾ.
༣༡. ཨ་བྱ་པེ་ཏཱ་དི་ཡ་མ་ཀ, སྶེ་སོ ལེ་སོ ནི་ད་སྶི་ཏོ;
ཉེ་ཡྻཱ་ནི’མཱ་ཡེ་ཝ དི་སཱ, ཡ’ཉྙཱ་ནི ཡ་མ་ཀཱ་ནི་པི.
༣༢. ཨ་ཙྩ་ནྟ་བ་ཧ་ཝོ ཏེ་སཾ, བྷེ་དཱ ས་མྦྷེ་ད་ཡོ་ནི་ཡོ;
ཏ་ཐཱ་པི ཀེ་ཙི སུ་ཀ་རཱ, ཀེ་ཙི ཨ་ཙྩ་ནྟ་དུ་ཀྐ་རཱ.
༣༣. ཡ་མ་ཀཾ ཏཾ པ་ཧེ་ལཱི [པ་ཧེ་ལི༹ (ཀ.)] ཙ, ནེ་ཀ་ནྟ་མ་དྷུ་རཱ་ནི’ཏི;
ཨུ་པེ་ཀྑི་ཡ་ནྟི ས་བྦཱ་ནི, སི་སྶ་ཁེ་ད་བྷ་ཡཱ མ་ཡཱ.
༣༤. དེ་ས་ཀཱ་ལ་ཀ་ལཱ་ལོ་ཀ, ཉཱ་ཡཱ་ག་མ་ཝི་རོ་དྷི ཡཾ;
ཏཾ ཝི་རོ་དྷི་པ་དཾ ཙེ’ཏ, མུ་དཱ་ཧ་ར་ཎ་ཏོ ཕུ་ཊཾ.
༣༥. ཡ ད་པྤ་ཏཱི་ཏ མཱ་ནཱི་ཡ, ཝ་ཏྟ་བྦཾ ནེ་ཡྻ མཱ་ཧུ ཏཾ;
ཡ་ཐཱ ས་བྦཱ་པི དྷ་ཝ་ལཱ, དི་སཱ རོ་ཙ་ནྟི ར་ཏྟི་ཡཾ.
༣༦. ནེ་དི་སཾ བ་ཧུ མ་ཉྙ་ནྟི, ས་བྦེ ས་བྦ་ཏྠ ཝི་ཉྙུ་ནོ;
དུ་ལླ་བྷཱ’ཝ་ག་ཏཱི ས་དྡ, སཱ་མ་ཏྠི་ཡ་ཝི་ལ་ངྒྷི་ནཱི.
༣༧. སི་ཡཱ ཝི་སེ་ས་ནཱ་པེ་ཀྑཾ, ཡཾ ཏཾ པ་ཏྭཱ ཝི་སེ་ས་ནཾ;
སཱ་ཏྠ་ཀཾ ཏཾ ཡ་ཐཱ ཏཾ སོ, བྷི་ཡྻོ པ་སྶ་ཏི ཙ་ཀྑུ་ནཱ.
༣༨. ཧཱི་ནཾ ཀ་རེ ཝི་སེ་སྱཾ ཡཾ, ཏཾ ཧཱི་ན་ཏྠཾ བྷ་ཝེ ཡ་ཐཱ;
ནི་པྤ་བྷཱི ཀ་ཏ ཁ་ཛྫོ་ཏོ, ས་མུ་དེ་ཏི དི་ཝཱ་ཀ་རོ.
༣༩. པཱ་ད་པཱུ་ར་ཎ་མ་ཏྟཾ ཡཾ, ཨ་ན་ཏྠམི་ཏི ཏཾ མ་ཏཾ;
ཡ་ཐཱ ཧི ཝ་ནྡེ བུ་དྡྷ་སྶ, པཱ་ད་པ་ངྐེ་རུ་ཧཾ པི ཙ.
ཝཱ་ཀྱ་དོ་ས ནི་དྡེ་ས
༤༠. ས་དྡ་ཏོ ཨ་ཏྠ་ཏོ ཝུ་ཏྟཾ, ཡ་ཏྠ བྷི་ཡྻོ་པི ཝུ་ཙྩ་ཏི;
ཏ མེ་ཀ་ཏྠཾ ཡ་ཐཱ’བྷཱ་ཏི, ཝཱ་རི་དོ ཝཱ་རི་དོ ཨ་ཡཾ.
ཡ་ཐཱ ཙ
༤༡. ཏི་ཏྠི་ཡ་ངྐུ་ར་བཱི་ཛཱ་ནི, ཛ་ཧཾ དི་ཊྛི་ག་ཏཱ་ནི’ཧ;
པ་སཱ་དེ་ཏི པ་ས་ནྣེ’སོ, མ་ཧཱ་མུ་ནི མ་ཧཱ་ཛ་ནེ.
༤༢. ཨཱ་ར་དྡྷ་ཀྐ་མ་ཝི་ཙྪེ་དཱ, བྷ་གྒ་རཱི་ཏི བྷ་ཝེ ཡ་ཐཱ;
ཀཱ་པི པ་ཉྙཱ, ཀོ་པི པ་གུ་ཎོ, པ་ཀ་ཏཱི་པི ཨ་ཧོ ཏ་ཝ.
༤༣. པ་དཱ་ནཾ དུ་བྦི་ནི་ཀྑེ་པཱ, བྱཱ་མོ་ཧོ ཡ་ཏྠ ཛཱ་ཡ་ཏི;
ཏཾ བྱཱ་ཀི་ཎྞནྟི ཝི་ཉྙེ་ཡྻཾ, ཏ་དུ་དཱ་ཧ་ར་ཎཾ ཡ་ཐཱ.
༤༤. བ་ཧུ་གུ་ཎེ པ་ཎ་མ་ཏི, དུ་ཛྫ་ནཱ་ནཾ པྱ་ཡཾ ཛ་ནོ;
ཧི་ཏཾ པ་མུ་དི་ཏོ ནི་ཙྩཾ, སུ་ག་ཏཾ ས་མ་ནུ་སྶ་རཾ.
༤༥. ཝི་སི་ཊྛ་ཝ་ཙ་ནཱ’པེ་ཏཾ, གཱ་མྨཾ’ཏྱ’བྷི་མ་ཏཾ ཡ་ཐཱ;
ཀ་ཉྙེ ཀཱ་མ་ཡ་མཱ་ནཾ མཾ, ན ཀཱ་མ་ཡ་སི ཀིཾ་ནྭི’དཾ?
༤༦. པ་ད་ས་ནྡྷཱ་ན་ཏོ ཀི་ཉྩི, དུ་པྤ་ཏཱི་ཏི་ཀ་རཾ བྷ་ཝེ;
ཏ་མྤི གཱ་མྨཾ ཏྱ’བྷི་མ་ཏཾ, ཡ་ཐཱ ཡཱ་བྷ་ཝ་ཏོ པི་ཡཱ.
༤༧. ཝུ་ཏྟེ་སུ སཱུ་ཙི་ཏེ ཊྛཱ་ནེ, པ་ད་ཙྪེ་དོ བྷ་ཝེ ཡ་ཏི;
ཡཾ ཏཱ་ཡ ཧཱི་ནཾ ཏཾ ཝུ་ཏྟཾ, ཡ་ཏི་ཧཱི་ནནྟི སཱ པ་ན.
༤༨. ཡ་ཏི ས་བྦ་ཏྠ་པཱ་ད་ནྟེ, ཝུ་ཏྟ་ཌྜྷེ ཙ ཝི་སེ་ས་ཏོ;
པུ་བྦཱ་པ་རཱ་ནེ་ཀ་ཝ་ཎྞ, པ་ད་མ་ཛ྄ཛྷེཔི ཀ་ཏྠ་ཙི.
ཏ་ཏྠོ་དཱ་ཧ་ར་ཎ་པ་ཙྩུ་དཱ་ཧ་ར་ཎཱ་ནི ཡ་ཐཱ
༤༩. ཏཾ ན་མེ སི་ར་སཱ ཙཱ་མི, ཀ་ར་ཝ་ཎྞཾ ཏ་ཐཱ་ག་ཏཾ;
ས་ཀ་ལཱ་པི དི་སཱ སི་ཉྩ, ཏི་ཝ སོ་ཎྞ་ར་སེ་ཧི ཡོ.
༥༠. ས་རོ ས་ནྡྷི་མྷི པུ་བྦ་ནྟོ, ཝི་ཡ ལོ་པེ ཝི་བྷ་ཏྟི་ཡཱ;
ཨ་ཉྙ་ཐཱ ཏྭ’ཉྙ་ཐཱ ཏ་ཏྠ, ཡཱ’དེ་སཱ་དི པ་རཱ’དི’ཝ.
༥༡. ཙཱདཱི པུ་བྦ་པ་ད་ནྟཱ’ཝ, ནི་ཙྩཾ པུ་བྦ་པ་ད་སྶི་ཏཱ;
པཱད་ཡོ ནི་ཙྩ་ས་མྦ་ནྡྷཱ, པ་རཱ་དཱི་ཝ པ་རེ་ན ཏུ.
ས་བྦ་ཏྠོ་དཱ་ཧ་ར་ཎཱ་ནི ཡ་ཐཱ
༥༢. ན་མེ ཏཾ སི་ར་སཱ ས་བྦོ, པ་མཱ’ཏཱི་ཏཾ ཏ་ཐཱ་ག་ཏཾ;
ཡ་སྶ ལོ་ཀ་གྒ་ཏཾ པ་ཏྟ, སྶོ’པ་མཱ ན ཧི ཡུ་ཛྫ་ཏི.
༥༣. མུ་ནི་ནྡཾ ཏཾ ས་དཱ ཝ་ནྡཱ, མྱ’ན་ནྟ་མ་ཏི མུ་ཏྟ་མཾ;
ཡ་སྶ པ་ཉྙཱ ཙ མེ་ཏྟཱ ཙ, ནི་སྶཱི་མཱཏི ཝི་ཛ་མྦྷ་ཏི.
ཙཱ་དི་པཱ་དཱི་སུ པ་ཙྩུ་དཱ་ཧ་ར་ཎཱ་ནི ཡ་ཐཱ
༥༤. མ་ཧཱ་མེ་ཏྟཱ མ་ཧཱ་པ་ཉྙཱ, ཙ ཡ་ཏྠ པ་ར་མོ་ད་ཡཱ;
པ་ཎ་མཱ་མི ཛི་ནཾ ཏཾ པ, ཝ་རཾ ཝ་ར་གུ་ཎཱ’ལ་ཡཾ.
༥༥. པ་ད་ཏྠ་ཀྐ་མ་ཏོ མུ་ཏྟཾ, ཀ་མ་ཙྩུ་ཏ མི་དཾ ཡ་ཐཱ;
ཁེ་ཏྟཾ ཝཱ དེ་ཧི གཱ་མཾ ཝཱ, དེ་སཾ ཝཱ མ་མ སོ་བྷ་ནཾ.
༥༦. ལོ་ཀི་ཡ་ཏྠ མ་ཏི་ཀྐ་ནྟཾ, ཨ་ཏི་ཝུ་ཏྟཾ མ་ཏཾ ཡ་ཐཱ;
ཨ་ཏི་ས་མྦཱ་དྷ མཱ་ཀཱ་ས, མེ་ཏི་སྶཱ ཐ་ན་ཛ་མྦྷ་ནེ.
༥༧. ས་མུ་དཱ་ཡ་ཏྠ་ཏོ’པེ་ཏཾ, ཏཾ ཨ་པེ་ཏ་ཏྠ་ཀཾ ཡ་ཐཱ;
གཱ་ཝི་པུ་ཏྟོ བ་ལི་བ་དྡྷོ, ཏི་ཎཾ ཁཱ་དཱི པི་ཝཱི ཛ་ལཾ.
༥༨. བ་ནྡྷེ ཕ་རུ་ས་ཏཱ ཡ་ཏྠ, ཏཾ བ་ནྡྷ་ཕ་རུ་སཾ ཡ་ཐཱ;
ཁ་རཱ ཁི་ལཱ པ་རི་ཀྑཱི་ཎཱ, ཁེ་ཏྟེ ཁི་ཏྟཾ ཕ་ལ་ཏྱ’ལཾ.
ཝཱ་ཀྱ་ཏྠ་དོ་ས ནི་དྡེ་ས
༥༩. ཉེ་ཡྻཾ ལ་ཀྑ་ཎ མ་ནྭ་ཏྠ, ཝ་སེ་ནཱ’པ་ཀྐ་མཱ་དི་ནཾ;
ཨུ་དཱ་ཧ་ར་ཎ མེ་ཏེ་སཾ, དཱ་ནི ས་ནྡ་སྶ་ཡཱ་མྱ’ཧཾ.
ཏ་ཏྠཱ’པ་ཀྐ་མཾ ཡ་ཐཱ
༦༠. བྷཱ་ཝ་ནཱ, དཱ་ན, སཱི་ལཱ་ནི, ས་མྨཱ ས་མྤཱ་དི་ཏཱ་ནི’ཧ;
བྷོ་ག, ས་གྒཱ་དི, ནི་བྦཱ་ན, སཱ་དྷ་ནཱ་ནི ན སཾ་ས་ཡོ.
ཨོ་ཙི་ཏྱ་ཧཱི་ནཾ ཡ་ཐཱ
༦༡. པཱུ་ཛ་ནཱི་ཡ་ཏ་རོ ལོ་ཀེ, ཨ་ཧ མེ་ཀོ ནི་ར་ནྟ་རཾ;
མ་ཡེ་ཀ་སྨིཾ གུ་ཎཱ ས་བྦེ, ཡ་ཏོ ས་མུ་དི་ཏཱ ཨ་ཧུཾ.
ཡ་ཐཱ ཙ
༦༢. ཡཱ་ཙི་ཏོ’ཧཾ ཀ་ཐཾ ནཱ་མ, ན ད་ཛྫཱ་མྱ’པི ཛཱི་ཝི་ཏཾ;
ཏ་ཐཱ་པི པུ་ཏྟ་དཱ་ནེ་ན, ཝེ་དྷ་ཏེ ཧ་ད་ཡཾ མ་མ.
བྷ་གྒ་རཱི་ཏི ཡ་ཐཱ
༦༣. ཨི་ཏྠཱི་ནཾ དུ་ཛྫ་ནཱ་ནཉྩ, ཝི་སྶཱ་སོ ནོ་པ་པ་ཛྫ་ཏེ;
ཝི་སེ སི་ངྒི་མྷི ན་དི་ཡཾ, རོ་གེ རཱ་ཛ་ཀུ་ལ་མྷི ཙ.
ས་སཾ་ས་ཡཾ ཡ་ཐཱ