པཱ་ཊི་དེ་ས་ནཱི་ཡ
༣. ཏ་ཏི་ཡ་པཱ་ཊི་དེ་ས་ནཱི སི་ཀྑཱ་པུ་ཙྪཱ
པུ་ཙྪཱ – སེ་ཀྑ་ས་མྨ་ཏེ་སུ ཨཱ་ཝུ་སོ ཀུ་ལེ་སུ ཁཱ་ད་ནཱི་ཡཾ ཝཱ བྷོ་ཛ་ནཱི་ཡཾ ཝཱ ས་ཧ་ཏྠཱ པ་ཊི་གྒ་ཧེ་ཏྭཱ བྷུ་ཉྫ་ནྟ་སྶ པཱ་ཊི་དེ་ས་ནཱི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ན་མ་ཏྟཾ ཛཱ་ནི་ཏྭཱ པ་ཊི་གྒ་ཧེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
སེ་ཁི་ཡ་ཀ་ཎྜ
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ པུ་ར་ཏོ ཝཱ པ་ཙྪ་ཏོ ཝཱ ཨོ་ལ་མྦེ་ནྟེ་ན ནི་ཝཱ་སེ་ནྟ་སྶ་ཙ པཱ་རུ་པ་ནྟ་སྶ་ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ པུ་ར་ཏོ ཙ པ་ཙྪ་ཏོ ཙ ཨོ་ལ་མྦ་ནྟཱ ནི་ཝཱ་སེ་སུཾ་ཙེ་ཝ པཱ་རུ་པིཾ་སུ་ཙ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཀཱ་ཡཾ ཝི་ཝ་རི་ཏྭཱ ཨ་ནྟ་ར་གྷ་རེ ག་ཙྪ་ནྟ་སྶ ཙ ནི་སཱི་ད་ནྟ་སྶ ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒཱི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཀཱ་ཡཾ ཝི་ཝ་རི་ཏྭཱ ཨ་ནྟ་ར་གྷ་རེ ག་ཙྪིཾ་སུ ཙེ་ཝ ནི་སཱི་དིཾ་སུ་ཙ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཧ་ཏྠཾ ཝཱ པཱ་དཾ ཝཱ ཀཱི་ལཱ༹་པེ་ནྟེ་ན ཨ་ནྟ་ར་གྷ་རེ ག་ཙྪ་ནྟ་སྶ ཙ ནི་སཱི་ད་ནྟ་སྶ ཙ, ཏ་ཧཾ ཏ་ཧཾ ཨོ་ལོ་ཀེ་ནྟེ་ན ཨ་ནྟ་ར་གྷ་རེ ག་ཙྪ་ནྟ་སྶ ཙ ནི་སཱི་ད་ནྟ་སྶ ཙ, ཨུ་ཀྑི་ཏྟ་ཀཱ་ཡ ཨ་ནྟ་ར་གྷ་རེ ག་ཙྪ་ནྟ་སྶ ཙ ནི་སཱི་ད་ནྟ་སྶ ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཧ་ཏྠ་མྤི པཱ་ད་མྤི ཀཱི་ལཱ༹་པེ་ནྟཱ ཏ་ཧཾ ཏ་ཧཾ་པི ཨོ་ལོ་ཀེ་ནྟཱ ཨ་ནྟ་ར་གྷ་རེ ག་ཙྪིཾ་སུ་ཙེ་ཝ ནི་སཱི་དིཾ་སུ ཙ, ཏེ་ཡེ་ཝ བྷ་ནྟེ ཚ་བྦ་གྒི་ཡཱ བྷི་ཀྑཱུ ཨུ་ཀྑི་ཏྟ་ཀཱ་ཡ ཨ་ནྟ་ར་གྷ་རེ ག་ཙྪིཾ་སུ་ཙེ་ཝ ནི་སཱི་དིཾ་སུ་ཙ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཨུ་ཛྫ་གྒྷི་ཀཱ་ཡ ཝཱ ཨུ་ཙྩཱ་ས་དྡཾ མ་ཧཱ་ས་དྡཾ ཀ་རོ་ནྟེ་ན ཝཱ ཨ་ནྟ་ར་གྷ་རེ ག་ཙྪ་ནྟ་སྶ་ཙ ནི་སཱི་ད་ནྟ་སྶ་ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ མ་ཧཱ་ཧ་སི་ཏཾ ཧ་ས་ནྟཱ ཙ ཨུ་ཙྩཱ་ས་དྡཾ མ་ཧཱ་ས་དྡཾ ཀ་རོ་ནྟཱ ཙ ཨ་ནྟ་ར་གྷ་རེ ག་ཙྪིཾ་སུ་ཙེ་ཝ ནི་སཱི་དིཾ་སུ་ཙ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཀཱ་ཡ་པྤ་ཙཱ་ལ་ཀཾ ཝཱ བཱ་ཧུ་པྤ ཙཱ་ལ་ཀཾ ཝཱ སཱི་ས་པྤ་ཙཱ་ལ་ཀཾ ཝཱ ཁ་མྦྷ་ཀ་ཏེ་ན ཝཱ ཨོ་གུ་ཎྛི་ཏེ་ན ཝཱ ཨ་ནྟ་ར་གྷ་རེ ག་ཙྪ་ནྟ་སྶ ཙ ནི་སཱི་ད་ནྟ་སྶ ཙ ཨུ་ཀྐུ་ཊི་ཀཱ་ཡ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཀཱ་ཡ་པྤ་ཙཱ་ལ་ཀཾ བཱ་ཧུ་པྤ་ཙཱ་ལ་ཀཾ སཱི་ས་པྤ་ཙཱ་ལ་ཀཾ ཀ་རོ་ནྟཱ ཙ ཁ་མྦྷཱི་ཀ་ཏཱ ཙ ཨོ་གུ་ཎྛི་ཏཱ ཙ ཨ་ནྟ་ར་གྷ་རེ ག་ཙྪིཾ་སུ་ཙེ་ཝ ནི་སཱི་དིཾ་སུ་ཙ, ཨུ་ཀྐུ་ཊི་ཀཱ་ཡ་ཙ ཨ་ནྟ་ར་གྷ་རེ ག་ཙྪིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ པ་ལླ་ཏྠི་ཀཱ་ཡ ཨ་ནྟ་ར་གྷ་རེ ནི་སི་ནྣ་སྶ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ པ་ལླ་ཏྠི་ཀཱ་ཡ ཨ་ནྟ་ར་གྷ་རེ ནི་སཱི་དིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཨ་ས་ཀྐ་ཙྩཾ པི་ཎྜ་པཱ་ཏཾ པ་ཊི་གྒ་ཎྷ་ནྟ་སྶ ཙ ཏ་ཧཾ ཏ་ཧཾ ཨོ་ལོ་ཀེ་ནྟེ་ན པི་ཎྜ་པཱ་ཏཾ པ་ཊི་གྒ་ཎྷ་ནྟ་སྶ་ཙ སཱུ་པ་ཉྙེ་ཝ བ་ཧུཾ པ་ཊི་གྒ་ཎྷ་ནྟ་སྶ་ཙ ཐཱུ་པཱི་ཀ་ཏཾ པི་ཎྜ་པཱ་ཏཾ པ་ཊི་གྒ་ཎྷ་ནྟ་སྶ་ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨ་ས་ཀྐ་ཙྩཾ པི་ཎྜ་པཱ་ཏཾ པ་ཊི་གྒ་ཧེ་སུཾ, ཏ་ཧཾ ཏ་ཧཾ ཨོ་ལོ་ཀེ་ནྟཱ པི་ཎྜ་པཱ་ཏཾ པ་ཊི་གྒ་ཧེ་སུཾ, སཱུ་པ་ཉྙེ་ཝ བ་ཧུཾ པ་ཊི་གྒ་ཧེ་སུཾ, ཐཱུ་པཱི་ཀ་ཏཾ པི་ཎྜ་པཱ་ཏཾ པ་ཊི་གྒ་ཧེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཨཱ་ས་ཀྐ་ཙྩཾ པི་ཎྜ་པཱ་ཏཾ བྷུ་ཉྫ་ནྟ་སྶ་ཙ ཏ་ཧཾ ཏ་ཧཾ ཨོ་ལོ་ཀེ་ནྟ་ན པི་ཎྜ་པཱ་ཏཾ བྷུ་ཉྫ་ནྟ་སྶ ཙ ཏ་ཧཾ ཏ་ཧཾ ཨོ་མ་སི་ཏྭཱ པི་ཎྜ་པཱ་ཏཾ བྷུ་ཉྫ་ནྟ་སྶ ཙ སཱུ་པ་ཉྙེ་ཝ བ་ཧུཾ བྷུ་ཉྫ་ནྟ་སྶ ཙ ཐཱུ་པ་ཀ་ཏོ ཨོ་མ་དྡི་ཏྭཱ པི་ཎྜ་པཱ་ཏཾ བྷུ་ཉྫ་ནྟ་སྶ ཙ སཱུ་པཾ ཝཱ བྱ་ཉྫ་ནཾ ཝཱ ཨོ་ད་ནེ་ན པ་ཊི་ཙྪཱ་དེ་ནྟ་སྶ ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨ་ས་ཀྐ་ཙྩཾ པི་ཎྜ་པཱ་ཏཾ བྷུ་ཉྫིཾ་སུ, ཏ་ཧཾ ཏ་ཧཾ ཨོ་ལོ་ཀེ་ནྟཱ པི་ཎྜ་པཱ་ཏཾ བྷུ་ཉྫིཾ་སུ, ཏེ་ཡེ་ཝ བྷ་ནྟེ ཚ་བྦ་གྒི་ཡཱ བྷི་ཀྑཱུ ཏ་ཧཾ ཏ་ཧཾ ཨོ་མ་སི་ཏྭཱ པི་ཎྜ་པཱ་ཏཾ བྷུ་ཉྫིཾ་སུ, ཏེ་ཡེ་ཝ བྷ་ནྟེ ཚ་བྦ་གྒི་ཡཱ བྷི་ཀྑཱུ བ་ཧུཾ སཱུ་པཾ བྷུ་ཉྫིཾ་སུ, ཏེ་ཡེ་ཝ བྷ་ནྟེ ཚ་བྦ་གྒི་ཡཱ བྷི་ཀྑཱུ ཐཱུ་པ་ཀ་ཏོ ཨོ་མ་དྡི་ཏྭཱ པི་ཎྜ་པཱ་ཏཾ བྷུ་ཉྫིཾ་སུ, ཏེ་ཡེ་ཝ བྷ་ནྟེ ཚ་བྦ་གྒི་ཡཱ བྷི་ཀྑཱུ སཱུ་པ་མྤི བྱ་ཉྫ་ན་མྤི ཨོ་ད་ནེ་ན པ་ཊི་ཙྪཱ་དེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ སཱུ་པཾ་ཝཱ ཨོ་ད་ནཾ་ཝཱ ཨ་གི་ལཱ་ནེ་ན ཨ་ཏྟ་ནོ ཨ་ཏྠཱ་ཡ ཝི་ཉྙཱ་པེ་ཏྭཱ བྷུ་ཉྫ་ནྟ་སྶ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ སཱུ་པ་མྤི ཨོ་ད་ན་མྤི ཨ་ཏྟ་ནོ ཨ་ཏྠཱ་ཡ ཝི་ཉྙཱ་པེ་ཏྭཱ བྷུ་ཉྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཨུ་ཛ྄ཛྷཱ་ན་ས་ཉྙི་ནཱ པ་རེ་སཾ པ་ཏྟཾ ཨོ་ལོ་ཀེ་ནྟ་སྶ ཙ ཨ་ཏི་མ་ཧ་ནྟཾ ཀ་བ་ལ༹ཾ ཀ་རོ་ནྟ་སྶ ཙ དཱི་གྷཾ ཨཱ་ལོ་པཾ ཀ་རོ་ནྟ་སྶ ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨུ་ཛ྄ཛྷཱ་ན་ས་ཉྙི་ནོ པ་རེ་སཾ པ་ཏྟཾ ཨོ་ལོ་ཀེ་སུཾ, ཏེ་ཡེ་ཝ བྷ་ནྟེ ཚ་བྦ་གྒི་ཡཱ བྷི་ཀྑཱུ ཨ་ཏི་མ་ཧ་ནྟཾ ཀ་བ་ལ༹ཾ ཀ་རིཾ་སུ, ཏེ་ཡེ་ཝ བྷ་ནྟེ ཚ་བྦ་གྒི་ཡཱ བྷི་ཀྑཱུ དཱི་གྷཾ ཨཱ་ལོ་པཾ ཀ་རིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཨ་ནཱ་ཧ་ཊེ ཀ་བ་ལེ༹ མུ་ཁ་དྭཱ་རཾ ཝི་ཝ་ར་ནྟ་སྶ ཙ བྷུ་ཉྫ་མཱ་ནེ ས་བྦཾ ཧ་ཏྠཾ མུ་ཁེ པ་ཀྑི་པ་ནྟ་སྶ ཙ ས་ཀ་བ་ལེ༹་ན མུ་ཁེ་ན བྱཱ་ཧ་ར་ནྟ་སྶ ཙ པི་ཎྜུ་ཀྑེ་པ་ཀཾ པི་ཎྜ་པཱ་ཏཾ བྷུ་ཉྫ་ནྟ་སྶ ཙ ཀ་བ་ལཱ༹་ཝ་ཙྪེ་ད་ཀཾ པི་ཎྜ་པཱ་ཏཾ བྷུ་ཉྫ་ནྟ་སྶ ཙ ཨ་ཝ་ག་ཎྜ་ཀཱ་ར་ཀཾ པི་ཎྜ་པཱ་ཏཾ བྷུ་ཉྫ་ནྟ་སྶ ཙ ཧ་ཏྠ་ནི་དྡྷུ་ན་ཀཾ སི་ཏྠཱ་ཝ་ཀཱ་ར་ཀཾ ཛི་ཝ྄ཧཱ་ནི་ཙྪཱ་ར་ཀཾ ཙ་པུ་ཙ་པུ་ཀཱ་ར་ཀཾ པི་ཎྜ་པཱ་ཏཾ བྷུ་ཉྫ་ནྟ་སྶ ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨ་ནཱ་ཧ་ཊེ ཀ་བ་ལེ༹ མུ་ཁ་དྭཱ་རཾ ཝི་ཝ་རིཾ་སུ, བྷུ་ཉྫ་མཱ་ནཱ ས་བྦཾ ཧ་ཏྠཾ མུ་ཁེ པ་ཀྑི་པིཾ་སུ, ས་ཀ་བ་ལེ༹་ན མུ་ཁེ་ན བྱཱ་ཧ་རིཾ་སུ, པི་ཎྜུ་ཀྑེ་པ་ཀཾ བྷུ་ཉྫིཾ་སུ, ཀ་བ་ལཱ༹་ཝ་ཙྪེ་ད་ཀཾ བྷུ་ཉྫིཾ་སུ, ཨ་ཝ་ག་ཎྜ་ཀཱ་ར་ཀཾ བྷུ་ཉྫིཾ་སུ, ཧ་ཏྠ་ནི་དྡྷུ་ན་ཀཾ སི་ཏྠཱ་ཝ་ཀཱ་ར་ཀཾ ཛི་ཝ྄ཧཱ་ནི་ཙྪཱ་ར་ཀཾ ཙ་པུ་ཙ་པུ་ཀཱ་ར་ཀཾ བྷུ་ཉྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ སུ་རུ་སུ་རུ་ཀཱ་ར་ཀཾ བྷུ་ཉྫ་ནྟ་སྶ་ཙ ཧ་ཏྠ་ནི་ལླེ་ཧ་ཀཾ་ཝཱ པ་ཏྟ་ནི་ལླེ་ཧ་ཀཾ ཝཱ ཨོ་ཊྛ་ནི་ལླེ་ཧ་ཀཾ ཝཱ བྷུ་ཉྫ་ནྟ་སྶ ཙ སཱ་མི་སེ་ན ཧ་ཏྠེ་ན པཱ་ནཱི་ཡ་ཐཱ་ལ་ཀཾ པ་ཊི་གྒ་ཎྷ་ནྟ་སྶ ཙ ས་སི་ཏྠ་ཀཾ པ་ཏྟ་དྷོ་ཝ་ནཾ ཨ་ནྟ་ར་གྷ་རེ ཙ་ཌྜེ་ནྟ་སྶ ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སུ་རུ སུ་རུ་ཀཱ་ར་ཀཾ བྷ་ནྟེ བྷུ་ཉྫ་ནྟ་སྶ དུ་ཀྐ་ཊཾ ཀོ་ས་མྦི་ཡཾ པ་ཉྙ་ཏྟཾ, ས་མྦ་ཧུ་ལེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ སུ་རུ་སུ་རུ་ཀཱ་ར་ཀཾ ཁཱི་རཾ པི་ཝིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ. ཧ་ཏྠ་ནི་ལླེ་ཧ་ཀཾ བྷུ་ཉྫ་ནྟ་སྶ ཙ པ་ཏྟ་ནི་ལླེ་ཧ་ཀཾ བྷུ་ཉྫ་ནྟ་སྶ ཙ ཨོ་ཊྛ་ནི་ལླེ་ཧ་ཀཾ བྷུ་ཉྫ་ནྟ་སྶ དུ་ཀྐ་ཊཾ སཱ་ཝ་ཏྠི་ཡཾ པ་ཉྙ་ཏྟཾ, ཚ་བྦ་གྒི་ཡེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཧ་ཏྠ་ནི་ལླེ་ཧ་ཀཾ བྷུ་ཉྫིཾ་སུ, པ་ཏྟ་ནི་ལླེ་ཧ་ཀཾ བྷུ་ཉྫིཾ་སུ, ཨོ་ཊྛ་ནི་ལླེ་ཧ་ཀཾ བྷུ་ཉྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
སཱ་མི་སེ་ན ཧ་ཏྠེ་ན པཱ་ནཱི་ཡ་ཐཱ་ལ་ཀཾ པ་ཊི་གྒ་ཎྷ་ནྟ་སྶ ཙ ས་སི་ཏྠ་ཀཾ པ་ཏྟ་དྷོ་ཝ་ནཾ ཨ་ནྟ་ར་གྷ་རེ ཚ་ཌྜེ་ནྟ་སྶ ཙ དུ་ཀྐ་ཊཾ བྷ་གྒེ་སུ པ་ཉྙ་ཏྟཾ, ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷི་ཀྑཱུ སཱ་མི་སེ་ན ཧ་ཏྠེ་ན པཱ་ནཱི་ཡ་ཐཱ་ལ་ཀཾ པ་ཊི་གྒ་ཧེ་སུཾ, ཏེ་ཡེ་ཝ བྷ་ནྟེ ས་མྦ་ཧུ་ལཱ བྷི་ཀྑཱུ ས་སི་ཏྠ་ཀཾ པ་ཏྟ་དྷོ་ཝ་ནཾ ཨ་ནྟ་ར་གྷ་རེ ཚ་ཌྜེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཚ་ཏྟ་པཱ་ཎི་སྶ དྷ་མྨཾ དེ་སེ་ནྟ་སྶ ཙ ད་ཎྜ་པཱ་ཎི་སྶ ཝཱ ས་ཏྠ་པཱ་ཎི་སྶ ཝཱ ཨཱ་ཝུ་དྷ་པཱ་ཎི་སྶ ཝཱ དྷ་མྨཾ དེ་སེ་ནྟ་སྶ ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཚ་ཏྟ་པཱ་ཎི་སྶ ད་ཎྜ་པཱ་ཎི་སྶ ས་ཏྠ་པཱ་ཎི་སྶ ཨཱ་ཝུ་དྷ་པཱ་ཎི་སྶ དྷ་མྨཾ དེ་སེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ པཱ་དུ་ཀཱ་རུ་ལ༹ྷ་སྶ ཙ ཨུ་པ་ཧ་ནཱ་རུ་ལ༹ྷ་སྶ ཙ ཡཱ་ན་ག་ཏ་སྶ ཙ ས་ཡ་ན་ག་ཏ་སྶ ཙ དྷ་མྨཾ དེ་སེ་ནྟ་སྶ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ པཱ་དུ་ཀཱ་རུ་ལ༹ྷ་སྶ ཨུ་པ་ཧ་ནཱ་རུ་ལ༹ྷ་སྶ ཡཱ་ན་ག་ཏ་སྶ ས་ཡ་ན་ག་ཏ་སྶ དྷ་མྨཾ དེ་སེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ པ་ལླ་ཏྠི་ཀཱ་ཡ ནི་སི་ནྣ་སྶ ཙ ཝེ་ཋི་ཏ་སཱི་ས་སྶ ཙ ཨོ་གུ་ཎྛི་ཏ་སཱི་ས་སྶ ཙ ཚ་མཱ་ཡཾ ནི་སཱི་དི་ཏྭཱ ཨཱ་ས་ནེ ནི་སི་ནྣ་སྶ ཙ ནཱི་ཙེ ཨཱ་ས་ནེ ནི་སཱི་དི་ཏྭཱ ཨུ་ཙྩེ ཨཱ་ས་ནེ ནི་སི་ནྣ་སྶ ཙ ཋི་ཏེ་ན ནི་སི་ནྣ་སྶ ཙ པ་ཙྪ་ཏོ ག་ཙྪ་ནྟེ་ན པུ་ར་ཏོ ག་ཙྪ་ནྟ་སྶ ཙ ཨུ་པྤ་ཐེ་ན ག་ཙྪ་ནྟེ་ན པ་ཐེ་ན ག་ཙྪ་ནྟ་སྶ ཙ དྷ་མྨཾ དེ་སེ་ནྟ་སྶ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ་ཝ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ པ་ལླ་ཏྠི་ཀཱ་ཡ ནི་སི་ནྣ་སྶ ཙ ཝེ་ཋི་ཏ་སཱི་ས་སྶ ཙ ཨོ་གུ་ཎྛི་ཏ་སཱི་ས་སྶ ཙ ཚ་མཱ་ཡཾ ནི་སཱི་དི་ཏྭཱ ཨཱ་ས་ནེ ནི་སི་ནྣ་སྶ ཙ ནཱི་ཙེ ཨཱ་ས་ནེ ནི་སཱི་དི་ཏྭཱ ཨུ་ཙྩེ ཨཱ་ས་ནེ ནི་སི་ནྣ་སྶ ཙ ཋི་ཏཱ་ནི་སི་ནྣ་སྶ ཙ པ་ཙྪ་ཏོ ག་ཙྪ་ནྟཱ པུ་ར་ཏོ ག་ཙྪ་ནྟ་སྶ ཙ ཨུ་པྤ་ཐེ་ན ག་ཙྪ་ནྟཱ པ་ཐེ་ན ག་ཙྪ་ནྟ་སྶ ཙ དྷ་མྨཾ དེ་སེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ནཱ་ད་རི་ཡཾ ཨཱ་ཝུ་སོ པ་ཊི་ཙྩ ཋི་ཏེ་ན ཨུ་ཙྩཱ་རཾ ཝཱ པ་སྶཱ་ཝཾ ཝཱ ཀ་རོ་ནྟ་སྶ ཙ ཧ་རི་ཏེ ཝཱ ཨུ་ད་ཀེ ཝཱ ཨུ་ཙྩཱ་རཾ ཝཱ པ་སྶཱ་ཝཾ ཝཱ ཁེ་ལ༹ཾ ཝཱ ཀ་རོ་ནྟ་སྶ ཙ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ་ཝ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཋི་ཏཱ ཨུ་ཙྩཱ་ར་མྤི པ་སྶཱ་ཝ་མྤི ཨ་ཀཾ་སུ, ཏེ་ཡེ་ཝ བྷ་ནྟེ ཚ་བྦ་གྒི་ཡཱ བྷི་ཀྑཱུ ཧ་རི་ཏེ་པི ཨུ་ད་ཀེ་པི ཨུ་ཙྩཱ་ར་མྤི པ་སྶཱ་ཝ་མྤི ཁེ་ལ༹་མྤི ཨ་ཀཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.