༢. བྷཱུ་ཏ་གཱ་མ་ཝ་གྒ, ༥. དུ་ཏི་ཡ སེ་ནཱ་ས་ན སི་ཀྑཱ་པུ་ཙྪཱ

པུ་ཙྪཱ – ས་ངྒྷི་ཀེ ཨཱ་ཝུ་སོ ཝི་ཧཱ་རེ སེ་ཡྻཾ ས་ནྠ་རི་ཏྭཱ ཨ་ནུ་དྡྷ་རི་ཏྭཱ ཨ་ནཱ་པུ་ཙྪཱ པ་ཀྐ་མ་ནྟ་སྶ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་ཏྟ་ར་ས་ཝ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་ཏྟ་ར་ས་ཝ་གྒི་ཡཱ བྷ་ནྟེ བྷི་ཀྑཱུ ས་ངྒྷི་ཀེ ཝི་ཧཱ་རེ སེ་ཡྻཾ ས་ནྠ་རི་ཏྭཱ ཨ་ནུ་དྡྷ་རི་ཏྭཱ ཨ་ནཱ་པུ་ཙྪཱ པ་ཀྐ་མིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.

པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.

ཝི་སྶ་ཛྫ་ནཱ – བྷ་ག་ཝ་ཏཱ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ.

པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.

ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཨཱ་བྷ་ཏཾ.

པུ་ཙྪཱ – ཨ་ཏྠི ནུ་ཁོ ཨཱ་ཝུ་སོ ཨེ་ཏྠ ཀོ་ཙི་པི ཝི་ར་དྡྷ་དོ་སོ.

ཝི་སྶ་ཛྫ་ནཱ – ན་ཏྠི བྷ་ནྟེ.

ས་ངྒྷ་སྶ ཉཱ་པ་ནཾ

སུ་ཎཱ་ཏུ མེ བྷ་ནྟེ ས་ངྒྷོ, ཨ་ཧཾ བྷ་ནྟེ ཨཱ་ཡ་སྨ་ནྟཾ ཝི་ཙི་ཏྟ་སཱ་རཱ་བྷི་ཝཾ་སཾ ཨི་མེ་སཾ པ་ནྣ་ར་ས་ནྣཾ སི་ཀྑཱ་པ་དཱ་ནཾ ནི་དཱ་ནཱ་དཱི་ནི པུ་ཙྪི་ཏ་བྦཱ་ནི ཨ་ནེ་ཀཱ་ནི ཋཱ་ནཱ་ནི པུ་ཙྪིཾ, སོ ཙ པུ་ཊྛོ པུ་ཊྛོ ཝི་སྶ་ཛྫེ་ཏི, ཨི་ཏི ཧི་དཾ བྷ་ནྟེ ནི་མྨ་ལཾ སུ་པ་རི་སུ་དྡྷཾ ཏ་སྶེ་ཝ བྷ་ག་ཝ་ཏོ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ, ཏ་སྨཱ ཡ་ཐཱ་པུ་རེ མ་ཧཱ་ཀ་སྶ་པཱ་ད་ཡོ མ་ཧཱ་ཐེ་ར་ཝ་རཱ པོ་རཱ་ཎ་སཾ་གཱི་ཏི་ཀཱ་རཱ བྲ་ཧྨ་ཙ་རི་ཡ་སྶ ཙི་ར་ཊྛི་ཏི་ཡཱ བ་ཧུ་ཛ་ན་ཧི་ཏཱ་ཡ བ་ཧུ་ཛ་ན་སུ་ཁཱ་ཡ ལོ་ནུ་ཀ་མྤཱ་ཡ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ དྷ་མྨ་ཝི་ན་ཡཾ སཾ་གཱ་ཡིཾ་སུ་ཙེ་ཝ ཨ་ནུ་སཾ་གཱ་ཡིཾ་སུ་ཙ, ཨེ་ཝ་མེ་ཝ མ་ཡ་མྤི དཱ་ནི ཚ་ཊྛ་སཾ་གཱི་ཏི་མ་ཧཱ་དྷ་མྨ་ས་བྷཱ པ་རི་ཡཱ་པ་ནྣཱ ཡ་ཐཱ་ནུ་པྤ་ཊྛཱ་ན་ཏོ པ་ཊྛཱ་ཡ ཨི་མཱ་ནི སི་ཀྑཱ་པ་དཱ་ནི ཨེ་ཀ་ཏོ ག་ཎ་ས་ཛ྄ཛྷཱ་ཡཾ ཀ་ཏྭཱ སཾ་གཱ་ཡེ་ཡྻཱ་མ.