༡. མུ་སཱ་ཝཱ་ད་ཝ་གྒོ ༥. ས་ཧ་སེ་ཡྻ སི་ཀྑཱ་པུ་ཙྪཱ

པུ་ཙྪཱ – ཨ་ནུ་པ་ས་མྤ་ནྣེ་ན ཨཱ་ཝུ་སོ ཨུ་ཏྟ་རི་དི་ར་ཏྟ་ཏི་ར་ཏྟཾ ས་ཧ་སེ་ཡྻཾ ཀ་པྤེ་ནྟ་སྶ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ་ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.

ཝི་སྶ་ཛྫ་ནཱ – ཨཱ་ལ༹་ཝི་ཡཾ བྷ་ནྟེ པ་ཉྙ་ཏྟཾ, ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཨ་ནུ་པ་ས་མྤ་ནྣེ་ན ས་ཧ་སེ་ཡྻཾ ཀ་པྤེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.

པུ་ཙྪཱ – ཀེ་སཾ ཨཱ་ཝུ་སོ ཨེ་ཏྠ ཨ་ནུ་པ་ས་མྤ་ནྣེ་ན ས་ཧ་སེ་ཡྻཾ ཀ་པྤེ་ནྟཱ་ན་མྤི ཨ་ནཱ་པ་ཏྟི ཧོ་ཏི.

ཝི་སྶ་ཛྫ་ནཱ – ཨེ་ཀཱ་ད་ས་ནྣཾ བྷ་ནྟེ པུ་གྒ་ལཱ་ནཾ ཨ་ནུ་པ་ས་མྤ་ནྣེ་ན ས་ཧ་སེ་ཡྻཾ ཀ་པྤེ་ནྟཱ་ནཾ ཨ་ནཱ་པ་ཏྟི, དྭེ་ཏི་སྶོ ར་ཏྟི་ཡོ ཝ་ས་ཏཱི, ཨཱུ་ན་ཀ་དྭེ ཏི་སྶོ ར་ཏྟི་ཡོ ཝ་ས་ཏི, དྭེ་ར་ཏྟི་ཡོ ཝ་སི་ཏྭཱ ཏ་ཏི་ཡཱ་ཡ་ར་ཏྟི་ཡཱ པུ་རཱ་རུ་ཎཱ ནི་ཀྑ་མི་ཏྭཱ པུ་ན ཝ་ས་ཏི, ས་བྦ་ཙྪ་ནྣེ ས་བྦ་ཨ་པ་རི་ཙྪ་ནྣེ, ས་བྦ་པ་རི་ཙྪ་ནྣེ ས་བྦ་ཨ་ཙྪ་ནྣེ, ཡེ་བྷུ་ཡྻེ་ན ཨ་ཙྪ་ནྣེ ཡེ་བྷུ་ཡྻེ་ན ཨ་པ་རི་ཙྪ་ནྣེ, ཨ་ནུ་པ་ས་མྤ་ནྣེ ནི་པ་ནྣེ བྷི་ཀྑུ ནི་སཱི་ད་ཏི, བྷི་ཀྑུ་ནི་པ་ནྣེ ཨ་ནུ་པ་ས་མྤ་ནྣོ ནི་སཱི་ད་ཏི, ཨུ་བྷོ་ཝཱ ནི་སཱི་ད་ནྟི, ཨུ་མྨ་ཏྟ་ཀ་སྶ, ཨཱ་དི་ཀ་མྨི་ཀ་སྶ, ཨི་མེ་སཾ་ཁོ བྷ་ནྟེ ཨེ་ཀཱ་ད་ས་ནྣཾ པུ་གྒ་ལཱ་ནཾ ཨ་ནུ་པ་ས་མྤ་ནྣེ་ན ས་ཧ་སེ་ཡྻཾ ཀ་པྤེ་ནྟཱ་ནཾ ཨ་ནཱ་པ་ཏྟི.