༣. པ་ཏྟ་ཝ་གྒོ, ༡༠. པ་རི་ཎ་ཏ སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ པ་སྶ་ཏཱ ཨ་ར་ཧ་ཏཱ ས་མྨཱ་ས་མྦུ་དྡྷེ་ན ཛཱ་ནཾ ས་ངྒྷི་ཀཾ ལཱ་བྷཾ ཨ་ཏྠ་ནོ པ་རི་ཎཱ་མེ་ནྟ་སྶ ནི་སྶ་གྒི་ཡཾ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཉྙ་ཏྟཾ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཚ་བྦ་གྒི་ཡེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཛཱ་ནཾ ས་ངྒྷི་ཀཾ ལཱ་བྷཾ པ་རི་ཎ་ཏཾ ཨ་ཏྟ་ནོ པ་རི་ཎཱ་མེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཛཱ་ནཾ ཨཱ་ཝུ་སོ ས་ངྒྷི་ཀཾ ལཱ་བྷཾ པ་རི་ཎ་ཏཾ ཨ་ཏྟ་ནོ པ་རི་ཎཱ་མེ་ནྟོ, ཀ་ཏི ཨཱ་པ་ཏྟི་ཡོ ཨཱ་པ་ཛྫ་ཏི.
ཝི་སྶ་ཛྫ་ནཱ – ཛཱ་ནཾ བྷ་ནྟེ ས་ངྒྷི་ཀཾ ལཱ་བྷཾ པ་རི་ཎ་ཏཾ ཨ་ཏྟ་ནོ པ་རི་ཎཱ་མེ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི, པ་རི་ཎཱ་མེ་ཏི པ་ཡོ་གེ དུ་ཀྐ་ཊཾ, པ་རི་ཎཱ་མི་ཏེ ནི་སྶ་གྒི་ཡཾ པཱ་ཙི་ཏྟི་ཡཾ, ཛཱ་ནཾ བྷ་ནྟེ ས་ངྒྷི་ཀཾ ལཱ་བྷཾ པ་རི་ཎ་ཏཾ ཨ་ཏྟ་ནོ པ་རི་ཎཱ་མེ་ནྟོ ཨི་མཱ དྭེ ཨཱ་པ་ཏྟི་ཡོ ཨཱ་པ་ཛྫ་ཏི.
པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.
ཝི་སྶ་ཛྫ་ནཱ – བྷ་ག་ཝ་ཏོ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ.
པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.
ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཨཱ་བྷ་ཏཾ.
པུ་ཙྪཱ – ཨ་ཏྠི ནུ་ཁོ ཨཱ་ཝུ་སོ ཏ་ཏྠ ཀོ་ཙི་པི ཝི་ར་དྡྷ་དོ་སོ.
ཝི་སྶ་ཛྫ་ནཱ – ན་ཏྠི བྷ་ནྟེ.
སཾ་གཱ་ཡ་ན་ཏྠཱ་ཡ ཉཱ་པ་ནཾ
སུ་ཎཱ་ཏུ མེ བྷ་ནྟེ ས་ངྒྷོ, ཨ་ཧཾ བྷ་ནྟེ ཨི་མེ་སཾ སོ་ལ༹་ས་ནྣཾ ནི་སྶ་གྒི་ཡ་པཱ་ཙི་ཏྟི་ཡ་སི་ཀྑཱ་པ་དཱ་ནཾ ནི་དཱ་ནཱ་དཱི་ནི ཨ་ནེ་ཀཱ་ནི པུ་ཙྪི་ཏ་བྦཱ་ནི ཨཱ་ཡ་སྨ་ནྟཾ ཝི་ཙི་ཏྟ་སཱ་རཱ་བྷི་ཝཾ་སཾ ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀཾ པུ་ཙྪིཾ, སོ ཙ པུ་ཊྛོ པུ་ཊྛོ ཝི་སྶ་ཛྫེ་ཏི, ཨི་ཏི་ཧི་དཾ བྷ་ནྟེ སི་ཀྑཱ་པ་ད་ས་ཉྫཱ་ཏཾ ནི་མྨ་ལཾ སུ པ་རི་སུ་དྡྷཾ ཏ་སྶེ་ཝ བྷ་ག་ཝ་ཏོ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ, ཏ་སྨཱ ཡ་ཐཱ པུ་རེ མ་ཧཱ་ཀ་སྶ་པཱ་ད་ཡོ མ་ཧཱ་ཐེ་ར ཝ་རཱ པོ་རཱ་ཎ་སཾ་གཱི་ཏི་ཀཱ་རཱ བྲ་ཧྨ་ཙ་རི་ཡ་ས་ངྑཱ་ཏ་སྶ བུ་དྡྷ་སཱ་ས་ན་སྶ ཙི་ར་ཊྛི་ཏི་ཡཱ བ་ཧུ་ཛ་ན་ཧི་ཏཱ་ཡ བ་ཧུ་ཛ་ན་སུ་ཁཱ་ཡ ལོ་ཀཱ་ནུ་ཀ་མྤཱ་ཡ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ དྷ་མྨ་ཝི་ན་ཡཾ སཾ་གཱ་ཡིཾ་སུ་ཙེ་ཝ ཨ་ནུ་སཾ་གཱ་ཡིཾ་སུ་ཙ, ཨེ་ཝ་མེ་ཝ མ་ཡ་མྤི དཱ་ནི ཚ་ཊྛ་སཾ་གཱི་ཏི མ་ཧཱ་དྷ་མྨ་ས་བྷཱ་པ་རི་ཡཱ་པ་ནྣཱ ཨི་མཱ་ནི སི་ཀྑཱ་པ་དཱ་ནི ཡ་ཐཱ་ནུ་པྤ་ཏྟ་ཊྛཱ་ན་ཏོ པ་ཊྛཱ་ཡ ཨེ་ཀ་ཏོ ག་ཎ་ས་ཛ྄ཛྷཱ་ཡཾ ཀ་ཏྭཱ སཾ་གཱ་ཡེ་ཡྻཱ་མ.