༥༣. སཱི་ལཱ+བྷི་ཀྑ་ཉྙཱ+ཝ་སྶ་ཀེ་སུ ཎཱི

ཀྲི་ཡ་ཏྠཱ ཎཱི ཧོ་ཏི སཱི་ལཱ་དཱི་སུ. སཾ་ས=པ་སཾ་ས་ནེ, པི་ཡ་པུ་བྦོ, པི་ཡཾ པ་སཾ་ས་ཏི སཱི་ལེ་ནཱ་ཏི པི་ཡ་པ་སཾ་སཱི རཱ་ཛཱ. ཨ་ཐ ཝཱ པི་ཡཾ པ་སཾ་ས་ཏི སཱི་ལེ་ན ཝཱ དྷ་མྨེ་ན ཝཱ ཏ་སྨིཾ སཱ་དྷུ ཝཱ་ཏི པི་ཡ་པ་སཾ་སཱི, པི་ཡ་པ་སཾ་ས་ནཱི, པི་ཡ་པ་སཾ་སི ཀུ་ལཾ, ཨཱ་ཝུ་དྡྷི་མྷི ཏ་ཐཱ ས་ཙྩ་ཝཱ་དཱི, དྷ་མྨ་ཝཱ་དཱི. སཱི་གྷ་ཡཱ་ཡཱི་ཏི ‘‘ཨ་སྶཱ+ཎཱ་པི་མྷཱི ཡུ་ཀ’’ ཨི་ཏི ཡུ་ཀ. པཱ་པ་ཀཱ་རཱི, མཱ་ལ་ཀཱ་རཱི ཨི་ཙྩཱ་དི. ཨུ་ཎྷཾ བྷུ་ཉྫ་ཏི སཱི་ལེ་ནཱ་ཏི ཨུ་ཎྷ་བྷོ་ཛཱི, ‘‘ལ་ཧུ་སྶུ་པ་ནྟ་སྶཱ’’ཏི ཨོ་ཀཱ་རོ.

ཨཱ་བྷི་ཀྑ་ཉྙེ-པུ་ན་པྤུ་ན ཁཱི་རཾ པི་ཝ་ཏཱི་ཏི ཁཱི་ར་པཱ་ཡཱི, ཡུ་ཀ. ཨ་ཝ་སྶཾ ཀ་རོ་ཏཱི་ཏི ཨ་ཝ་སྶ་ཀཱ་རཱི. ‘‘སྱཱ་དི སྱཱ་དི་ནེ+ཀ་ཏྠཾ’’ཏི ས་མཱ་སེ ཝི་བྷ་ཏྟི་ལོ་པེ ཙ ཀ་ཏེ ‘‘ལོ་པོ’’ཏི ནི་གྒ་ཧཱི་ཏ་ལོ་པོ. ས་ཏ་ནྡཱ་ཡཱི་ཏི ཨེ་ཏྠ བ་ཧུ་ལཾ་ཝི་དྷཱ་ནཱ ཝི་བྷ་ཏྟི་ཨ་ལོ་པེ ཨ་མཱ་དི་ས་མཱ་ས་པ་ཊི་སེ་དྷེ ཙ ཀ་ཏེ ཝ་གྒ་ནྟཾ.

ཨ་ཉྙ་སྨིཾ ཨ་ཏྠེ་པི ‘‘ཎཱི’’ཏི ཡོ་ག་ཝི་བྷཱ་གེ་ན སི་དྡྷཾ. སཱ་དྷུ་ཀཱ་རཱི, བྲ་ཧྨ་ཙཱ་རཱི, ཨ་སྶ་དྡྷ་བྷོ་ཛཱི. པ་ཎྜི་ཏཾ ཨ་ཏྟཱ་ནཾ མ་ཉྙ་ཏཱི་ཏི པ་ཎྜི་ཏ་མཱ་ནཱི, བ་ཧུ་སྶུ་ཏ་དྷཱ་རཱི ཨི་ཙྩཱ་དི.

སཱ་དྷུ་ཀ་ར་ཎཾ སཱ་དྷུ་ཀཱ་རོ, སོ ཨ་སྶ ཨ་ཏྠཱི་ཏི སཱ་དྷུ་ཀཱ་རཱི་ཏི གྷ་ཎ་ནྟཱ ཨཱི.