༢༥. ཀ་ཎ+ཎེ་ཡྻ+ཎེ་ཡྻ་ཀ+ཡི+ཡཱ་ཏི

བྷ་ཝ་ཏྠེ ཀ་ཎ་ཨཱ་ད་ཡོ ཧོ་ནྟི. ཀ་ཎ-ཀུ་སི་ནཱ་རཱ་ཡཾ བྷ་ཝོ ཀོ་སི་ནཱ་ར་ཀོ, མཱ་ག་དྷ་ཀོ, ཨཱ་ར་ཉྙ་ཀོ ཝི་ཧཱ་རོ, རཱ་ཛ་ག་ཧ་ཀོ, ཀོ་ས་མྦ་ཀོ, ཨི་ནྡ་པ་ཏྟ་ཀོ, ཀཱ་པི་ལ་ཀོ, བྷཱ་རུ་ཀ་ཙྪ་ཀོ, ནཱ་ག་ར་ཀོ. ཨ་ངྒེ་སུ ཛཱ་ཏོ ཨ་ངྒ་ཀོ, ཀོ་ས་ལ་ཀོ, ཝེ་དེ་ཧ་ཀོ, ཀ་མྦོ་ཛ་ཀོ, ག་ནྡྷཱ་ར་ཀོ, སོ་ཝཱི་ར་ཀོ, སི་ནྡྷ་ཝ་ཀོ, ཨ་སྶ་ཀོ ཨི་ཙྩཱ་དི. ཎེ་ཡྻ-ག་ངྒེ་ཡྻོ, པ་བྦ་ཏེ་ཡྻོ, ཝཱ་ནེ་ཡྻོ. ཎེ་ཡྻ་ཀ-ཀོ་ས་ལེ་ཡྻ་ཀོ, བཱ་རཱ་ཎ་སེ་ཡྻ་ཀོ, ཙ་མྤེ་ཡྻ་ཀོ, སི་ལཱ་ཡ ཛཱ་ཏཾ སེ་ལེ་ཡྻ་ཀཾ, མི་ཐི་ལེ་ཡྻ་ཀོ. བཱ་རཱ་ཎ་སེ་ཡྻ་ཀོ་ཏྱཱ་དཱི་སུ ‘‘དི་སྶ་ནྟ+ཉྙེ་པི པ་ཙྩ་ཡཱ’’ཏི ཨེ་ཡྻ་ཀོ, ཨེ་ཝཾ ཨུ་པ་རི སུ་ཏྟེ ད་སྶི་ཏ་པ་ཙྩ་ཡ་ཏོ ཝི་སུཾ པ་ཙྩ་ཡེ ད་སྶི་ཏེ ཨི་མི་ནཱ སུ་ཏྟེ་ནཱ་ཏི ད་ཊྛ་བྦཾ. ཡ-ག་མྨོ, ཡ་མྷི ཨ་ཀཱ་ར་ལོ་པེ པུ་བྦ་རཱུ་པཾ ར་སྶོ ཙ. དི་བྦོ. ཨི་ཡ-ཨུ་ད་རི་ཡོ, དི་ཝི་ཡོ, པ་ཉྩཱ་ལི་ཡོ, བོ་དྷི་པ་ཀྑི་ཡོ, ལོ་ཀི་ཡོ.