༢. ཝ་ཙྪཱ་དི་ཏོ ཎཱ་ན+ཎཱ་ཡ་ནཱ

ཝ་ཙྪཱ་དཱི་ཧི ཨ་པ་ཙྩ་པ་ཙྩ་ཡ་ནྟེ་ཧི གོ་ཏྟཱ་དཱི་ཧི ཙ ས་དྡེ་ཧི ཎཱ་ན+ཎཱ་ཡ་ན་པ་ཙྩ་ཡཱ ཝཱ ཧོ་ནྟི ཨ་པ་ཙྩེ. ཝ་ཙྪཱ་ནོ, ཝ་ཙྪཱ་ཡ་ནོ, ‘‘སཾ་ཡོ་གེ ཀྭ་ཙཱི’’ཏི ན ཝུ་དྡྷི. ཀ་ཏི་སྶཱ+པ་ཙྩཾ ཀ་ཙྩོ, ‘‘ཎྱ དི་ཙྩཱ་དཱི་ཧཱི’’ཏི ཎྱོ, ‘‘ལོ་པོ+ཝ་ཎྞི+ཝ་ཎྞཱ་ནཾ’’ཏི ཨ་ཀཱ་ར་ལོ་པེ ཙ་ཝ་གྒ་པུ་བྦ་རཱུ་པཱ་ནི. ཀ་ཙྩ་སྶཱ+པ་ཙྩཾ ཀ་ཙྩཱ་ནོ, ཀ་ཙྩཱ་ཡ་ནོ, ཡཱ་ག་མེ ཀཱ་ཏི་ཡཱ་ནོ. མུ་གྒ་སྶཱ+པ་ཙྩཾ=ན་ཏྟཱ་དཱི་ཏི ཝཱ་ཀྱེ ཝུ་དྡྷི+ཨི་ཀཱ་ར་ལོ་པ+པུ་བྦ་རཱུ་པཱ་ནི. མོ་གྒ་ལླ་སྶཱ+པ་ཙྩཾ་ཏི པུ་ན་ཎཱ་ན+ཎཱ་ཡ་ནཱ ཧོ་ནྟི, མོ་གྒ་ལླཱ་ནོ མོ་གྒ་ལླཱ་ཡ་ནོ. ཨི་མེ ཙ་ཏྟཱ་རོ ཨ་པ་ཙྩ་པ་ཙྩ་ཡ་ནྟཱ. གོ་ཏྟཱ་དི་ཏོ ཡ་ཐཱ་ས་ཀ་ཊ་སྶཱ+པ་ཙྩཾ ན་ཏྟཱ་དཱི་ཧི ས་ཀ་ཊཱ་ནོ ས་ཀ་ཊཱ་ཡ་ནོ. ཀ་ཎྷ་སྶཱ+པ་ཙྩཾ ན་ཏྟཱ་དི ཀ་ཎྷཱ་ནོ ཀ་ཎྷཱ་ཡ་ནོ. ཨེ་ཝཾ ཨ་གྒི་ཝེ་སྶཱ་ནོ ཨ་གྒི་ཝེ་སྶཱ་ཡ་ནོ, མུ་ཉྫཱ་ནོ མུ་ཉྫཱ་ཡ་ནོ, ཀུ་ཉྫཱ་ནོ ཀུ་ཉྫཱ་ཡ་ནོ. ས་བྦ་ཏྠ སཾ་ཡོ་ག་ཏྟཱ ན ཝུ་དྡྷི. ཨཱ་ཀ་ཏི་ག་ཎོ+ཡཾ.