༡༠༩. པུ་རི་སེ ཝཱ་ཏི

ཀུ་སྶ ཀཱ ཝཱ. ཀུ་ཙྪི་ཏོ པུ་རི་སོ ཀཱ་པུ་རི་སོ, ཀུ་པུ་རི་སོ ཝཱ. པ་ཀ་ཊྛོ ནཱ་ཡ་ཀོ པ་ནཱ་ཡ་ཀོ, པ་དྷཱ་ནཾ ཝ་ཙ་ནཾ པཱ་ཝ་ཙ་ནཾ བྷུ་སཾ ཝ་དྡྷཾ པ་ཝ་དྡྷཾ ས་རཱི་རཾ, ས་མཾ ས་མྨཱ ཝཱ ཨཱ་དྷཱ་ནཾ ས་མཱ་དྷཱ་ནཾ, ཝི་ཝི་དྷཱ མ་ཏི ཝི་མ་ཏི, ཝི་ཝི་དྷོ ཝི་སི་ཊྛོ ཝཱ ཀ་པྤོ ཝི་ཀ་པྤོ, ཨ་དྷི་ཀོ དེ་ཝོ ཨ་ཏི་དེ་ཝོ, ཨེ་ཝཾ ཨ་དྷི་དེ་ཝོ, ཨ་དྷི་སཱི་ལཾ. སུ་ནྡ་རོ ག་ནྡྷོ སུ་ག་ནྡྷོ, ཀ་ཙྪི་ཏོ ག་ནྡྷོ དུ་གྒ་ནྡྷོ, སུ་ཊྛུ ཀ་ཏཾ སུ་ཀ་ཏཾ, དུ་ཊྛུ ཀ་ཏཾ དུ་ཀྐ་ཏཾ ཨ་བྷི སི་ཉྩ་ནཾ ཨ་བྷི་སེ་ཀོ་ཏི ས་ན་ནྟོ, ཨ་ཏི་ས་ཡེ་ན ཀ་ཏྭཱ, ཀ་ཏཾ པ་ཀ་རི་ཏྭཱ, པ་ཀ་ཏཾ, ཨ་ཏི་ས་ཡེ་ན ཐུ་ཏཾ ཨ་ཏི་ཏྠུ་ཏཾ, ཨ་ཏི་ཀྐ་མྨ ཐུ་ཏཾ ཨ་ཏི་ཏྠུ་ཏཾ, ཨཱི་སཾ ཀ་ལཱ༹་རོ ཨཱ་ཀ་ལཱ༹་རོ, སུ་ཊྛུ བ་དྡྷོ ཨཱ་བ་དྡྷོ.

པཱ་ད་ཡོ ག་ཏཱ་དྱ་ཏྠེ པ་ཋ་མཱ་ཡ

པ་ག་ཏོ ཨཱ་ཙ་རི་ཡོ པཱ་ཙ་རི་ཡོ, ཨེ་ཝཾ པ་ནྟེ་ཝཱ་སཱི.

ཨ་ཙྩཱ་ད་ཡོ ཀ་ནྟཱ་དྱ་ཏྠེ དུ་ཏི་ཡཱ་ཡ

ཨ་ཏི་ཀྐ་ནྟོ མ་ཉྩཾ ཨ་ཏི་མ་ཉྩོ. ཨ་ཏི་མཱ་ལོ, ‘‘གྷ་པ་སྶ+ནྟ་སྶཱ+པྤ་དྷཱ་ན་སྶཱ’’ཏི མཱ་ལཱ་ས་དྡེ གྷ་སྶ ར་སྶོ. ཨེ་ཝ+མུ་པ་རི་པི གྷ་པཱ་ནཾ ར་སྶོ.

ཨ་ཝཱ་ད་ཡོ ཀུ་ཊྛཱ་དྱ་ཏྠེ ཏ་ཏི་ཡཱ་ཡ

ཨ་ཝ་ཀུ་ཊྛཾ ཀོ་ཀི་ལཱ་ཡ ཝ་ནཾ ཨ་ཝ་ཀོ་ཀི་ལཾ, ཨ་ཝ་མ་ཡཱུ་རཾ. ཨ་ཝ་ཀུ་ཊྛ་ནྟི པ་རི་ཙྩ་ཏྟཾ.

པ་རི་ཡཱ་ད་ཡོ གི་ལཱ་ནཱ་དྱ་ཏྠེ ཙ་ཏུ་ཏྠི་ཡཱ

པ་རི་གི་ལཱ་ནོ+ཛ྄ཛྷེ་ནཱ་ཡ པ་རི་ཡ་ཛ྄ཛྷེ་ནོ.

ནྱཱ་ད་ཡོ ཀ་ནྟཱ་དྱ་ཏྠེ པ་ཉྩ་མི་ཡཱ

ནི་ཀྑ་ནྟོ ཀོ་ས་མྦི་ཡཱ ནི་ཀྐོ་ས་མྦི. ཨ་སྱཱ་དི་ཝི་དྷི་མྷཱི་ཏི ཀིཾ, རུ་ཀྑཾ པ་ཏི ཝི་ཛྫོ་ཏ་ཏེ.