༣. ཀཱ་ལ་དྡྷཱ་ན+མ་ཙྩ་ནྟ་སཾ་ཡོ་གེ

ཀཱ་ལ་དྡྷཱ་ནཾ ད་བྦ+གུ་ཎ+ཀྲི་ཡཱ་ཧི ཨ་ཙྩ་ནྟ་སཾ་ཡོ་གེ ཏེ་ཧི ཀཱ་ལ་དྡྷཱ་ན་ཝཱ་ཙཱི་ཧི དུ་ཏི་ཡཱ ཧོ་ཏི. ཀཱ་ལེ-ས་ཏྟཱ་ཧཾ ག་ཝ་པཱ་ནཾ, མཱ་སཾ མཾ་སོ་ད་ནཾ, ས་ར་དཾ ར་མ་ཎཱི་ཡཱ ན་དཱི, ས་བྦ་ཀཱ་ལཾ ར་མ་ཎཱི་ཡཾ ན་ནྡ་ནཾ, ཏ་ཡོ མཱ་སེ ཨ་བྷི་དྷ་མྨཾ དེ་སེ་ཏི. ཨ་དྡྷ་ནི-ཡོ་ཛ་ནཾ ཝ་ན་རཱ་ཛི, ཡོ་ཛ་ནཾ དཱི་གྷོ པ་བྦ་ཏོ, ཀོ་སཾ ས་ཛ྄ཛྷཱ་ཡ་ཏི.

པུ་བྦ་ནྷ་ས་མ་ཡཾ ནི་ཝཱ་སེ་ཏྭཱ, ཨེ་ཀཾ ས་མ་ཡཾ བྷ་ག་ཝཱ, ཨི་མཾ ར་ཏྟིཾ ཙ་ཏྟཱ་རོ མ་ཧཱ་རཱ་ཛཱ་ནོ་ཏི ཨེ་ཝ་མཱ་དཱི་སུ ཀཱ་ལ་ཝཱ་ཙཱི་ཧི ཨ་ཙྩ་ནྟ་སཾ་ཡོ་གེ དུ་ཏི་ཡཱ, བ་ཧུ་ལཾ་ཝི་དྷཱ་ནཱ ཝི་བྷ་ཏྟི་ཝི་པ་ལླཱ་སོ ཝཱ. མཱ་སེ་ནཱ+ནུ་ཝཱ་ཀོ+དྷཱི་ཏོ, ཀོ་སེ་ནཱ+ནུ་ཝཱ་ཀོ+དྷཱི་ཏོ་ཏི ཀ་ར་ཎ་ཏྠེ ཏ་ཏི་ཡཱ.