༢༣༢. ཨ་པཱ་དཱ་དོ པ་ད་ཏེ+ཀ་ཝཱ་ཀྱེ་ཏི

ཨ་དྷི་ཀཱ་རོ. ཨེ་ཏྠ པཱ་དོ ནཱ་མ གཱ་ཐཱ་ཡ ཙ་ཏུ་ཏྠཾ་སོ, ཏ་སྨཱ ‘‘ཏུ་མྷེ་ཧི པུ་ཉྙཾ པ་སུ་ཏཾ ཨ་ན་པྤ་ཀཾ’’ཏི ཨེ་ཏྠ ཝོ ན ཧོ་ཏི. ཨེ་ཏྠ པ་ད་ནྟི ཝུ་ཏྟ ས་དྡོ ས་བྷཱ་ཝ་ཏོ –

ཨཱ་ཀཱ་ས་ཝཱ་ཡུ་པྤ་བྷ་ཝོ ས་རཱི་རཱ,

ས་མུ་ཙྩ་རཾ ཝ་ཏྟ+མུ་པེ་ཏི ནཱ་དོ;

ཋཱ་ན་ནྟ་རེ སུ་པྤ་ཊི་ཧ་ཉྙ་མཱ་ནོ,

ཝ་ཎྞ་ཏྟ+མཱ་ག་ཙྪ་ཏི སོ ཏུ ས་དྡོ་ཏི –

ཝུ་ཏྟ་ཏྟཱ ཨེ་ཀེ་ཀོ ཝ་ཎྞོ ས་དྡོ ནཱ་མ, ཏ་བྦ་ཎྞ་ས་མཱུ་ཧོ པ་དཾ, ཏ་པྤ་ད་ས་མཱུ་ཧོ ཝཱ་ཀྱ་ཉྩ. ཏ་ཐཱ ཧི –

ཝི་ཏ་ཏྱ་ནྟཾ པ་དཾ ཏ་སྶ, ཙ ཡོ ཝཱ་ཀྱ་ནྟི མ་ནྭ་ཡཾ;

ཨུ་པ་ཙཱ་རཱ ཝ་ཎྞ་ས་དྡ-ཝཱ་ཙྩཾ ཏཾ ན པ་རི་ཙྩ་ཛེ.

ཏཾ པ་ད་ཉྩ –

པ་དཾ ཙ་ཏུ་བྦི་དྷཾ ཝུ་ཏྟཾ, ནཱ་མཱ+ཁྱཱ་ཏོ+པ་ས་གྒ་ཛཾ;

ནི་པཱ་ཏ་ཛ་ཉྩ ཏ་ཉྙཱུ ཧི, ཨ་སྶོ ཁ་ལྭཱ+བྷི་དྷཱ་ཝ་ཏཱི་ཏི.

ཏཾ ཝཱ་ཀྱ་ཉྩ –

ཨེ་ཀཱ་ཁྱཱ་ཏོ པ་ད་ཙྩ་ཡོ, སི་ཡཱ ཝཱ་ཀྱཾ ས་ཀཱ་ར་ཀོ་ཏི –

ཝུ་ཏྟཾ. ཏ་སྨཱ ‘‘ཝི་བྷ་ཏྱ་ནྟཾ པ་དཾ, པ་ད་ས་མཱུ་ཧོ ཝཱ་ཀྱ’’ནྟི ཙ ཝུ་ཙྩ་ཏི.