༧. ཀི་ཏ་ཀ་ཎྜ
དྷཱ་ཏྭ་ནྟ་ཝི་ཀཱ་ར་རཱ་སི
ཝི་སཾ་ཡོ་ག་རཱུ་པ་རཱ་སི
ཨ་ཐ དྷཱ་ཏུ་པ་ཙྩ་ཡ་སཾ་སི་དྡྷཾ ཀཱ་ལ, ཀཱ་ར་ཀ, ལི་ངྒ, ས་ངྑྱཱ, ཀྲི་ཡཱ་བྷེ་ད་དཱི་པ་ཀཾ ད་བྦ་པྤ་དྷཱ་ན་ཝཱ་ཙ་ཀཾ ཀི་ཏ་ཀ་པ་དཾ དཱི་པི་ཡ་ཏེ.
ཏ་ཏྠ ཨ་ཏཱི་ཏཱ་ད་ཡོ ཀཱ་ལ་བྷེ་དོ ནཱ་མ.
ཀ་ཏྟཱ ཙ ཀ་མྨ་ཉྩ ཀ་ར་ཎ་ཉྩ ས་མྤ་དཱ་ན་ཉྩ ཨ་པཱ་དཱ་ན་ཉྩ ཨ་དྷི་ཀ་ར་ཎ་ཉྩ བྷཱ་ཝོ ཙཱ་ཏི ས་ཏྟ སཱ་དྷ་ནཱ་ནི ཀཱ་ར་ཀ་བྷེ་དོ ནཱ་མ.
ཨི་ཏྠི་ལི་ངྒཱ་དཱི་ནི ལི་ངྒ་བྷེ་དོ ནཱ་མ.
ཨེ་ཀ་ཏྟ, བ་ཧུ་ཏྟ་བྷེ་དོ ས་ངྑྱཱ་བྷེ་དོ ནཱ་མ.
ཏ་སྶཱི་ལ་ཀྲི་ཡཱ, ཏ་དྡྷ་མྨ་ཀྲི་ཡཱ, ཏ་སྶཱ་དྷུ་ཀཱ་ར་ཀྲི་ཡཱ, ཨ་ཏྟ་མཱ་ན་ཀྲི་ཡཱ, ཨ་བྷི་ཀྑ་ཉྙ་ཀྲི་ཡཱ, ཨ་ར་ཧ་ཀྲི་ཡཱ, ས་ཀྐ་ཀྲི་ཡཱ, པེ་ས་ན་ཀྲི་ཡཱ, ཨ་ཏི་ས་གྒ་ཀྲི་ཡཱ, པ་ཏྟ་ཀཱ་ལཱ་རོ་ཙ་ན་ཀྲི་ཡཱ, ཨ་ཝ་སྶ་མྦྷཱ་ཝཱི་ཀྲི་ཡཱ་ད་ཡོ ཀྲི་ཡཱ་བྷེ་དོ ནཱ་མ.
‘‘ག་མ་ནཾ བྷ་ཝ་ཏི, པ་ཙ་ནཾ ཛཱ་ནཱ་ཏི’’ ཨི་ཙྩཱ་དཱི་སུ པ་ཙྩ་ཡ་ཏྠ་བྷཱུ་ཏོ བྷཱ་ཝོ ནཱ་མ སཱ་དྷ་ན་རཱུ་པོ ཧོ་ཏི. ཛཱ་ཏི ཝི་ཡ ས་ངྑ་ཏ་དྷ་མྨ་སྶ དྷཱ་ཏྭ་ཏྠ་བྷཱུ་ཏཱ་ཡ སཱ་དྷྱ་ཀྲི་ཡཱ་ཡ སཱ་དྷ་ཀ་ཏྟཱ ལི་ངྒ་ཏྟ་ཡ་ཡུ་ཏྟོ ཙ ཧོ་ཏི, ཀྲི་ཡཱ, ཀཱ་རོ, ཀ་ར་ཎ་ནྟི སི་དྡྷ་ཏྟཱ ས་ངྑྱཱ་བྷེ་ད་ཡུ་ཏྟོ ཙ ཧོ་ཏི-ནཱ་ནཱ་དྷཱ་ཏྭ་ཏྠཱ་ན་ཉྩ ཀ་ཏྟུ, ཀ་མྨཱ་ན་ཉྩ ཀཱ་ལཱ་དཱི་ན་ཉྩ བྷེ་དེ་ན ས་རཱུ་པ་བྷེ་ད་ས་བྦྷ་ཝ་ཏོ, ཏ་སྨཱ སོ་པི ད་བྦེ ཨེ་ཝ ས་ངྒ་ཡ྄ཧ་ཏཱི་ཏི ཀ་ཏྭཱ ‘ད་བྦ་པྤ་དྷཱ་ན་ཝཱ་ཙ་ཀ’ནྟི ཝུ་ཏྟཾ. སེ་སཾ ས་བྦཾ ཏྱཱ་དི་ཀ་ཎྜེ བྷཱ་ཝ་སཱ་དྷ་ན་ཝི་ནི་ཙྪ་ཡེ ཝུ་ཏྟ་མེ་ཝ.
‘བ་ཧུ་ལ’ནྟི ཙ ‘ཀྲི་ཡ་ཏྠཱ’ཏི ཙ ཝ་ཏྟ་ནྟེ –
༧༡༥. ཀ་ཏྟ་རི བྷཱུ་ཏེ ཀྟ ཀྟ་ཝ་ནྟུ ཀྟཱ་ཝཱི [ཀ. ༥༥༥; རཱུ. ༦༡༢; ནཱི. ༡༡༤༢; ཙཾ. ༡.༢.༦༦ …པེ… ༣.༢.༡༠༢].
ཨ་བྷ་ཝཱི་ཏི བྷཱུ་ཏོ, ཨ་ཏཱི་ཏོ, བྷཱུ་ཏེ ཝ་ཏྟ་བྦེ ཀྲི་ཡ་ཏྠཱ ཀ་ཏྟ་རི ཀཱ་ནུ་བ་ནྡྷཱ ཏ, ཏ་ཝ་ནྟུ, ཏཱ་ཝཱི་པ་ཙྩ་ཡཱ ཧོ་ནྟི, ཀཱ་ནུ་བ་ནྡྷཱ ‘ན ཏེ ཀཱ་ནུ་བ་ནྡྷ་ནཱ་ག་མེ་སཱུ’ཏི སུ་ཏྟེ ཝི་སེ་ས་ན་ཏྠཱ.
༧༡༦. ཀྟོ བྷཱ་ཝ་ཀ་མྨེ་སུ [ཀ. ༥༥༦; རཱུ. ༦༢༢; ནཱི. ༡༡༤༣; ཙཾ. ༡.༢.༦༧ …པེ… ༣.༢.༡༠༢; ༣.༤.༧༠].
བྷཱུ་ཏེ ཝ་ཏྟ་བྦེ ཀྲི་ཡ་ཏྠཱ བྷཱ་ཝ, ཀ་མྨེ་སུ ཀཱ་ནུ་བ་ནྡྷོ ཏ་པ་ཙྩ་ཡོ ཧོ་ཏི.
ཨ་བྷ་ཝཱི་ཏི བྷཱུ་ཏོ-པུ་རི་སོ, བྷཱུ་ཏཱ-ཨི་ཏྠཱི, བྷཱུ་ཏཾ-ཀུ་ལཾ, ཀཱ་རི་ཏེ དྷཱ་ཏུ་ཏོ ཎཱ་ནུ་བ་ནྡྷཱ་ནཾ པ་ཋ་མཾ ས་མྤ་ཏྟ་ཏྟཱ ‘ན ཏེ ཀཱ་ནུ་བ་ནྡྷ་ནཱ་ག་མེ་སཱུ’ཏི པ་ཊི་སེ་དྷོ ན པཱ་པུ་ཎཱ་ཏི, ‘ཡུ་ཝ་ཎྞཱ་ན་མེ་ཨོ པ་ཙྩ་ཡེ’ཏི ཨོ་ཝུ་དྡྷི, ‘ཨཱ་ཝཱ་ཡཱ ཎཱ་ནུ་བ་ནྡྷེ’ཏི ཨོ་སྶ ཨཱ་ཝ་ཏྟཾ, ཏ་ཏོ ཏ་པ་ཙྩ་ཡོ.
༧༡༧. ཉཱི བྱ་ཉྫ་ན་སྶ [ཀ. ༦༠༥; རཱུ. ༥༤༧; ནཱི. ༡༢༡༠].
བྱ་ཉྫ་ནཱ་དི་པ་ཙྩ་ཡ་སྶ ཨཱ་དི་མྷི ཉཱ་ནུ་བ་ནྡྷོ ཨཱི་ཀཱ་རོ ཨཱ་ག་ཙྪ་ཏི.
ཀ་ཏྟ་རི-ཨ་བྷཱ་ཝ་ཡི་ཏྠཱ་ཏི བྷཱ་ཝི་ཏོ-པུ་རི་སོ, བྷཱ་ཝི་ཏཱ་ཨི་ཏྠཱི, བྷཱ་ཝི་ཏཾ-ཀུ་ལཾ.
ཀ་མྨེ-ཨ་ནུ་བྷཱུ་ཡི་ཏྠཱ་ཏི ཨ་ནུ་བྷཱུ་ཏོ-བྷོ་གོ, ཨ་ནུ་བྷཱུ་ཏཱ་ས་མྤ་ཏྟི, ཨ་ནུ་བྷཱུ་ཏཾ-སུ་ཁཾ.
ཀཱ་རི་ཏེ-བྷཱ་ཝཱི་ཡི་ཏྠཱ་ཏི བྷཱ་ཝི་ཏོ-མ་གྒོ, བྷཱ་ཝི་ཏཱ་པ་ཊི་པ་དཱ, བྷཱ་ཝི་ཏཾ-ཙི་ཏྟཾ.
ཏ་ཝ་ནྟུ, ཏཱ་ཝཱི་སུ-ཨ་བྷ་ཝཱི་ཏི བྷཱུ་ཏ་ཝཱ-པུ་རི་སོ, བྷཱུ་ཏ་ཝ་ནྟཱི, བྷཱུ་ཏ་ཝ་ཏཱི-ཨི་ཏྠཱི, བྷཱུ་ཏ་ཝཾ-ཀུ་ལཾ, གུ་ཎ་ཝ་ནྟུ་ས་མཾ. བྷཱུ་ཏཱ་ཝཱི-པུ་རི་སོ. བྷཱུ་ཏཱ་ཝི་ནཱི-ཨི་ཏྠཱི, བྷཱུ་ཏཱ་ཝི-ཙི་ཏྟཾ, ད་ཎྜཱི, ད་ཎྜི་ནཱི་ས་མཾ. པུ་རི་སོ བྷོ་གཾ ཨ་ནུ་བྷཱུ་ཏོ, པུ་རི་སེ་ན བྷོ་གོ ཨ་ནུ་བྷཱུ་ཏོ.
ཨེ་ཏྠ ཙ ཀི་ཏ་པ་ཙྩ་ཡཱ་ནཾ ཨ་ཏྠོ དུ་ཝི་དྷོ ཝཱ་ཙྩ་ཏྠོ, ཨ་བྷི་དྷེ་ཡྻ་ཏྠོ ཙཱ་ཏི ས་བྦཾ ཏྱཱ་དི་ཀ་ཎྜེ ཝུ་ཏྟ་ན་ཡེ་ན ཝེ་དི་ཏ་བྦཾ.
པུ་རི་མེ་སུ པ་ན ཚ་སུ སཱ་དྷ་ནེ་སུ པ་ཙྩ་ཡཱ་ནཾ ཨ་བྷི་དྷེ་ཡྻ་ཏྠོ པ་ད་ནྟ་རེ་ན ཨཱ་ཙི་ཀྑཱི་ཡ་ཏི, བྷཱ་ཝ་སཱ་དྷ་ནེ པ་ན ཨ་ཏྟ་ནོ དྷཱ་ཏུ་ནཱ ཨེ་ཝ.
ཏ་ཏྠ ཙ ཀ་ཏྟུ་ས་ཏྟི, ཀ་མྨ་ས་ཏྟི, ཀ་ར་ཎ་ས་ཏྟི, ས་མྤ་དཱ་ན་ས་ཏྟི, ཨ་པཱ་དཱ་ན་ས་ཏྟི, ཨ་དྷི་ཀ་ར་ཎ་ས་ཏྟི་ས་ངྑཱ་ཏཾ ཝཱ་ཙྩ་ཏྠཾ ཨུ་ཛུཾ ཝ་ད་ནྟཱ ཀི་ཏ་པ་ཙྩ་ཡཱ ཨ་ཏྟ་ནོ ཨ་བྷི་དྷེ་ཡྻ་པ་དེ་ན ས་མཱ་ན་ལི་ངྒ, ཝི་བྷ་ཏྟི, ས་ངྑྱཱ་ཡུ་ཏྟཱ ཧུ་ཏྭཱ ཝ་ད་ནྟི.
ཏཾ ཡ་ཐཱ? –
ཀ་ཏྟ་རི ཏཱ་ཝ-པུ་རི་སོ བྷོ་གཾ ཨ་ནུ་བྷཱུ་ཏོ, པུ་རི་སཱ བྷོ་གཾ ཨ་ནུ་བྷཱུ་ཏཱ…པེ… པུ་རི་སེ་སུ བྷོ་གཾ ཨ་ནུ་བྷཱུ་ཏེ་སུ, ཨི་ཏྠཱི བྷོ་གཾ ཨ་ནུ་བྷཱུ་ཏཱ, ཨི་ཏྠི་ཡོ བྷོ་གཾ ཨ་ནུ་བྷཱུ་ཏཱ་ཡོ…པེ… ཨི་ཏྠཱི་སུ བྷོ་གཾ ཨ་ནུ་བྷཱུ་ཏཱ་སུ, ཀུ་ལཾ བྷོ་གཾ ཨ་ནུ་བྷཱུ་ཏཾ, ཀུ་ལཱ་ནི བྷོ་གཾ ཨ་ན་བྷཱུ་ཏཱ་ནི…པེ… ཀུ་ལེ་སུ བྷོ་གཾ ཨ་ནུ་བྷཱུ་ཏེ་སུ.
ཀ་མྨེ-བྷོ་གོ པུ་རི་སེ་ན ཨ་ནུ་བྷཱུ་ཏོ, བྷོ་གཱ པུ་རི་སེ་ན ཨ་ནུ་བྷཱུ་ཏཱ…པེ… བྷོ་གེ་སུ པུ་རི་སེ་ན ཨ་ནུ་བྷཱུ་ཏེ་སུ, ས་མྤ་ཏྟི པུ་རི་སེ་ན ཨ་ནུ་བྷཱུ་ཏཱ, ས་མྤ་ཏྟི་ཡོ པུ་རི་སེ་ན ཨ་ནུ་བྷཱུ་ཏཱ་ཡོ…པེ… ས་མྤ་ཏྟཱི་སུ པུ་རི་སེ་ན ཨ་ནུ་བྷཱུ་ཏཱ་སུ, སུ་ཁཾ པུ་རི་སེ་ན ཨ་ནུ་བྷཱུ་ཏཾ, སུ་ཁཱ་ནི པུ་རི་སེ་ན ཨ་ནུ་བྷཱུ་ཏཱ་ནི…པེ… སུ་ཁེ་སུ པུ་རི་སེ་ན ཨ་ནུ་བྷཱུ་ཏེ་སུ. ཨེ་ས ན་ཡོ ཀ་ར་ཎཱ་དཱི་སུ་པི.
ཨེ་ཝཾ ཀི་ཏ་ཝཱ་ཙ་ཀཱ ཨ་ཏྟ་ནོ ཨ་བྷི་དྷེ་ཡྻ་པ་དེ་ན ས་མཱ་ན་ལི་ངྒ, ཝི་བྷ་ཏྟི, ས་ངྑྱཱ་ཡུ་ཏྟཱ ཧུ་ཏྭཱ ཏཾ ཏཾ སཱ་དྷ་ནཾ ཝ་ད་ནྟི.
‘ཨི་ཏྠི་ཡ་མ་ཎ་ཏི་ཀ་ཡ་ཀྱཱ ཙཱ’ཏི ཨི་ཏྠི་ཡཾ ཏི་པ་ཙྩ་ཡོ, ཨ་ནུ་བྷ་ཝ་ནཾ, ཨ་ནུ་བྷཱུ་ཡ་ཏེ ཝཱ ཨ་ནུ་བྷཱུ་ཏི. ‘‘ཏི་སྶ་སྶ ཨ་ནུ་བྷཱུ་ཏི, ཕུ་སྶ་སྶ ཨ་ནུ་བྷཱུ་ཏི’’ ཨི་ཙྩཱ་དི་ཀཱ བ་ཧཱུ ཨ་ནུ་བྷཱུ་ཏི་ཡོ་པི སི་ཛ྄ཛྷ་ནྟི, ཏ་སྨཱ ‘‘ཨ་ནུ་བྷཱུ་ཏི, ཨ་ནུ་བྷཱུ་ཏི་ཡོ, ཨ་ནུ་བྷཱུ་ཏིཾ, ཨ་ནུ་བྷཱུ་ཏི་ཡོ…པེ… ཨ་ནུ་བྷཱུ་ཏཱི་སཱུ’’ཏི ཡུ་ཛྫ་ཏི.
༥༠༣. ༧༡༨. ཀ་ཏྟ་རི ལྟུ་ཎ་ཀཱ [ཀ. ༥༢༧, ༥༣༠; རཱུ. ༥༦༨, ༥༩༠; ནཱི. ༡༡༠༩, ༡༡༡༤; ཙཾ. ༡.༡.༡༣༩; པཱ. ༣.༡.༡༣༣, ༡༣༤].
ཀ་ཏྟུ་ཀཱ་ར་ཀེ ཀྲི་ཡ་ཏྠཱ ལྟུ, ཎ་ཀཱ ཧོ་ནྟི, ལཱ་ནུ་བ་ནྡྷོ ཏུ་སྶ ཀ་ཏྟ་རི ནི་བ་ནྡྷ་ན་ཏྠོ, ‘ལྟུ་པི་ཏཱ་དཱི་ན་མཱ’ཏི ཝི་སེ་ས་ན་ཏྠོ ཙ.
ཨ་ནུ་བྷ་ཝ་ཏཱི་ཏི ཨ་ནུ་བྷཱུ་ཏཱ, ཨ་ནུ་བྷཱུ་ཏཱ་རོ, ས་ཏྠུ་ས་མཾ.
སཱ་མ་ཉྙ་ཝི་དྷཱ་ན་ཏྟཱ ཨ་ར་ཧ་ཏྠེ ས་ཏྟི་ཨ་ཏྠེ ཏ་སྶཱི་ལ, ཏ་དྡྷ་མྨ, ཏ་སྶཱ་དྷུ་ཀཱ་ར, ཨ་ཏྟ་མཱ་ནེ་སུ ཙ ཀཱ་ལ་ཏྟ་ཡེ ཙ བྷ་ཝ་ནྟི.
ཨ་ར་ཧ་ཏྠེ-བྲ་ཧྨ་ཎོ བྲ་ཧྨ་ཎི་ཡཱ པ་རི་གྒ་ཧི་ཏཱ.
ས་ཏྟི་ཨ་ཏྠེ-བྷ་ག་ཝཱ ཨ་ནུ་པྤ་ནྣ་སྶ མ་གྒ་སྶ ཨུ་པྤཱ་དེ་ཏཱ.
ཏ་སྶཱི་ལཱ་དཱི་སུ-པ་ས་ཡ྄ཧ་པ་ཝ་ཏྟཱ.
ཨ་ཏྟ་མཱ་ནེ-ཨ་ཏྟཱ་ནཾ པ་ཎྜི་ཏཾ མ་ཉྙ་ཏཱི་ཏི པ་ཎྜི་ཏ་མཱ་ནི་ཏཱ.
༧༡༩. པུ་བྦེ་ཀ་ཀ་ཏྟུ་ཀཱ་ནཾ [ཀ. ༥༦༤; རཱུ. ༦༤༠; ནཱི་ཏི. ༡༡༥༠-༦; ཙཾ. ༡.༣.༡༣༡; པཱ. ༣.༤.༢༡].
ཡཱ་སཾ ཝི་སེ་ས་ན, ཝི་སེ་སྱཱ་ནཾ དྭི་ནྣཾ པུ་བྦཱ’པ་ར་ཀྲི་ཡཱ་ནཾ ཀ་ཏྟཱ ཨེ་ཀོ་ཝ ཧོ་ཏི. ཏཱ་སུ པུ་བྦ་ཀྲི་ཡཱ་ཡཾ བྷཱ་ཝ་ཏྠེ ཏུ་ན, ཏྭཱ་ན, ཏྭཱ་པ་ཙྩ་ཡཱ ཧོ་ནྟི. ‘ཨེ་ཨོ་ན་མ་ཡ་ཝཱ ས་རེ’ཏི ཨཱི་ཀཱ་རེ པ་རེ ཨོ་ཝུ་དྡྷི་ཡཱ ཨ་ཝ་ཏྟཾ.
བྷོ་གཾ ཨ་ནུ་བྷ་ཝི་ཏུ་ན, ཨ་ནུ་བྷུ་ཏྭཱ་ན, ཨ་ནུ་བྷུ་ཏྭཱ.
ཨེ་ཀ་ཀ་ཏྟུ་ཀཱ་ན་ནྟི ཀིཾ? དེ་ཝ་ད་ཏྟོ བྷུ་ཉྫི, ཡ་ཉྙ་ད་ཏྟོ ག་ཙྪ་ཏི.
པུ་བྦེ་ཏི ཀིཾ? པ་ཙྪཱ བྷུ་ཉྫ་ཏི, པ་ཋ་མཾ པ་ཙ་ཏི.
བ་ཧུ་ལཱ་དྷི་ཀཱ་རཱ ས་མཱ་ནཱ’པ་ར་ཀྲི་ཡཱ་སུ་པི ནཱ་ནཱ་ཀ་ཏྟུ་ཀཱ་སུ་པི ཏུ་ནཱ་ད་ཡོ བྷ་ཝ་ནྟི. ཐ་ཀྐ་ཙྩ ད་ཎྜོ པ་ཏ་ཏི, དྭཱ་རཾ སཾ་ཝ་རི་ཏྭཱ ནི་ཀྑ་མ་ཏི, པུ་རི་སོ སཱི་ཧཾ དི་སྭཱ བྷ་ཡཾ ཨུ་པྤ་ཛྫ་ཏཱི་ཏི.
ཡ་སྨིཾ ཝཱ་ཀྱེ ཨ་པ་ར་ཀྲི་ཡཱ་པ་དཾ ན དི་སྶ་ཏི. ཡ་ཐཱ? པ་བྦ་ཏཾ ཨ་ཏི་ཀྐ་མྨ ན་དཱི, ཨ་ཏི་ཀྐ་མྨ ན་དིཾ པ་བྦ་ཏོ, ཡེ ཏེ ས་ནྟཱ ཝི་མོ་ཀྑཱ ཨ་ཏི་ཀྐ་མྨ རཱུ་པེ ཨ་རཱུ་པཱ་ཏི, ཏ་ཏྠ་པི ས་ཏྟཱ་ཀྲི་ཡཱ ཝི་ཉྙཱ་ཡ་ཏེ་ཝ ས་བྦ་པ་ད་ཏྠཱ་ནཾ ས་ཏྟཱ་ནཱ་ཏི་ཝ་ཏྟ་ན་ཏོ. ཨ་པ་ར་ཀྲི་ཡཱ་ར་ཧི་ཏེ ཨ་ས་མཱ་ན་ཀ་ཏྟུ་ཀེ ཙ ཝཱ་ཀྱེ པ་ཋ་མ་ནྟ་ཡོ་ག་སྶ དི་ཊྛ་ཏྟཱ ཀ་ཏྟ་རི་པི ཏུ་ནཱ་དཱི་ནཾ ས་མྦྷ་ཝོ ཡུ་ཏྟོ.
༧༢༠. པ་ཊི་སེ་དྷཱ་ལཾ་ཁ་ལཱུ་ནཾ ཏུ་ན ཏྭཱ་ན ཏྭཱ ཝཱ [པ་ཊི་སེ་དྷེ་ལཾ་ཁ་ལཱུ་ནཾ ཏུ་ན་ཏྟྭཱ་ན ཏྟྭཱ ཝཱ’ (བ་ཧཱུ་སུ)].
པ་ཊི་སེ་དྷ་ཏྠཱ་ནཾ ཨ་ལཾ, ཁ་ལཱུ་ནཾ ཡོ་གེ ཏུ་ནཱ་ད་ཡོ ཧོ་ནྟི ཝཱ.
ཨ་ལཾ བྷུ་ཏྭཱ, ཁ་ལུ བྷུ་ཏྭཱ, ཨ་ལཾ བྷུ་ཏྟེ་ན, ཁ་ལུ བྷུ་ཏྟེ་ན ཝཱ.
༧༢༡. ཏུཾ་ཏཱ་ཡེ་ཏ་ཝེ བྷཱ་ཝེ བྷ་ཝི་སྶ་ཏི་ཀྲི་ཡཱ་ཡཾ ཏ་ད་ཏྠཱ་ཡཾ [ཀ. ༥༦༡-༢-༣; རཱུ. ༦༣༦, ༦༣༨-༩; ནཱི. ༡༡༤༨-༩].
ཏ་སྶཱ ཏ་སྶཱ ཀྲི་ཡཱ་ཡ ཨ་ཏྠ་བྷཱུ་ཏཱ་ཡ བྷ་ཝི་སྶ་མཱ་ན་ཀྲི་ཡཱ་ཡ ག་མྱ་མཱ་ནཱ་ཡ བྷཱ་ཝ་ཏྠེ ཏུཾ, ཏཱ་ཡེ, ཏ་ཝེ་པ་ཙྩ་ཡཱ བྷ་ཝ་ནྟི. སུ་ཏྟ་པ་ད་ཝ་ཌྜྷ་ནེ་ན ཏུ་ཡེ་པ་ཙྩ་ཡོ་པི.
ཨ་ནུ་བྷ་ཝི་ཏུཾ ག་ཙྪ་ཏི, ཨ་ནུ་བྷ་ཝི་ཏཱ་ཡེ ག་ཙྪ་ཏི, ཨ་ནུ་བྷ་ཝི་ཏ་ཝེ ག་ཙྪ་ཏི, ཨ་ནུ་བྷ་ཝི་ཏུཾ ཨི་ཙྪ་ཏི, ཀཱ་མེ་ཏི, ས་ཀྐོ་ཏི, ཛཱ་ནཱ་ཏི. ཏ་ཐཱ ཀཱ་ལོ ཨ་ནུ་བྷ་ཝི་ཏུཾ, ས་མ་ཡོ ཨ་ནུ་བྷ་ཝི་ཏུཾ, ཝེ་ལཱ ཨ་ནུ་བྷ་ཝི་ཏུཾ. ཏ་ཐཱ ཨ་ནུ་བྷ་ཝི་ཏུཾ མ་ནོ, ཨ་ནུ་བྷ་ཝི་ཏུཾ སོ་ཀོ, ཙ་ཀྑུ ད་ཊྛུཾ, སོ་ཏཾ སོ་ཏུཾ, མ་ནོ ཝི་ཉྙཱ་ཏུཾ, ཧ་ཏྠོ ཀཱ་ཏུཾ, པཱ་དོ ག་ནྟུཾ, དྷ་ནུ ཡུ་ཛ྄ཛྷི་ཏུཾ, ཛ་ལོ༹ ཝ་ཏྟུཾ, མ་ནྡོ ག་ནྟུཾ, ཨ་ལ་སོ ཀ་ཏྟུ་ནྟི.
ཨེ་ཏྠ ཙ ‘‘ཀཱ་ལོ ཨ་ནུ་བྷ་ཝི་ཏུ’’ནྟི་ཨཱ་དཱི་སུ ས་ཏྟཱ་ཝ་སེ་ན ཧེ་ཏུ་ཀྲི་ཡཱ སི་ཛ྄ཛྷ་ཏི, ཏ་སྨཱ ‘‘ཨ་ནུ་བྷ་ཝི་ཏུཾ ཀཱ་ལོ བྷ་ཝ་ཏཱི’’ཏི་ཨཱ་དི་ནཱ ཨ་ཏྠོ ཝེ་དི་ཏ་བྦོ.
ཨི་མེ པ་ནེ་ཏྠ ཏཱ་ཡེ, ཏུ་ཡེ་པ་ཡོ་གཱ – ཨཱ་ག་ཏཱ་མྷ ཨི་མཾ དྷ་མྨ་ས་མ་ཡཾ, ད་ཀྑི་ཏཱ་ཡེ ཨ་པ་རཱ་ཛི་ཏ་ས་ངྒྷཾ [དཱི. ནི. ༢.༣༣༢]. ཨ་ལ་ཉྷི ཏེ ཛ་གྒྷི་ཏཱ་ཡེ, མ་མཾ དི་སྭཱ་ན ཨེ་དི་སཾ [ཛཱ. ༡.༥.༡༣༧]. ཀོ ཏཱ་དི་སཾ ཨ་ར་ཧ་ཏི ཁཱ་དི་ཏཱ་ཡེ [ཛཱ. ༡.༡༦.༩༢], ཨ་ཏྠི ཧེ་ཧི་ཏི སོ མ་གྒོ, ན སོ ས་ཀྐཱ ན ཧོ་ཏུ་ཡེ [བུ. ཝཾ. ༢.༩ ‘ཧེ་ཏུ་ཡེ’], ཨ་ར་ཧ་སི ནཾ ཡཱ་ཙི་ཏུ་ཡེ ཏུ་ཝ་མྤི, ཨ་ར་ཧ་སི ནོ ཛཱ་ནི་ཏུ་ཡེ ཀ་ཏཱ་ནི ཨི་ཙྩཱ་དི.
༧༢༢. བྷཱ་ཝ་ཀ་མྨེ་སུ ཏ་བྦཱ་ནཱི་ཡཱ [ཀ. ༥༤༠; རཱུ. ༥༤༥; ནཱི. ༡༡༢༥].
བྷཱ་ཝེ ཀ་མྨ་ནི ཙ ཏ་བྦ, ཨ་ནཱི་ཡཱ ཧོ་ནྟི. སུ་ཏྟ་པ་ད་ཝ་ཌྜྷ་ནེ་ན ཏ་བྱ, ཏཱ་ཡ, ཏེ་ཡྻ་པ་ཙྩ་ཡཱ་པི ཧོ་ནྟི.
ཨ་ནུ་བྷ་ཝི་ཏ་བྦོ-བྷོ་གོ, ཨ་ནུ་བྷ་ཝི་ཏ་བྦཱ-ས་མྤ་ཏྟི, ཨ་ནུ་བྷ་ཝི་ཏ་བྦཾ-སུ་ཁཾ.
བ་ཧུ་ལཱ་དྷི་ཀཱ་རཱ ཀ་ཏྟཱ་དཱི་སྭ་པི བྷ་ཝ་ནྟི, ཏ་པ་ནྟཱི་ཏི ཏ་པ་ནཱི་ཡཱ་པཱ་པ་དྷ་མྨཱ, ཨུ་པ་ཊྛཱ་ཏཱི་ཏི ཨུ་པ་ཊྛཱ་ནཱི་ཡོ-སི་སྶོ. པ་ཝུ་ཙྩ་ཏི ཨེ་ཏེ་ནཱ་ཏི པ་ཝ་ཙ་ནཱི་ཡོ-ཨུ་པ་ཛ྄ཛྷཱ་ཡོ, ནི་ཡྻ་ནྟི ཨེ་ཏེ་ནཱ་ཏི ནི་ཡྻཱ་ནཱི་ཡོ, སོ ཨེ་ཝ ནི་ཡྻཱ་ནི་ཀོ.
སི་ནཱ-སོ་ཙེ་ཡྻེ, སི་ནཱ་ཡ་ནྟི ཨེ་ཏེ་ནཱ་ཏི སི་ནཱ་ནཱི་ཡཾ་ཙུ་ཎྞཾ, དཱི་ཡ་ཏེ ཨ་སྶཱ་ཏི དཱ་ནཱི་ཡོ-བྲཱ་ཧྨ་ཎོ. ས་མྨཱ ཝ་ཏྟ་ཏི ཨེ་ཏྠཱ་ཏི ས་མྨཱ་ཝ་ཏྟ་ནཱི་ཡོ-གུ་རུ.
ཨི་དྷ གཱ་ཐཱ ཝུ་ཙྩ་ཏི –
ཨ་ར་ཧ་ཏྠེ ཙ ས་ཀྐ་ཏྠེ, པ་ཏྟ་ཀཱ་ལེ ཙ པེ་ས་ནེ;
ཏ་བྦཱ་ད་ཡོ ཨ་ཏི་ས་གྒེ, ཨ་ཝ་སྶཱ་དྷ་མི་ཎེ་སུ ཙ.
ཏ་ཏྠ ‘‘ཨ་ར་ཧ ས་ཀྐ ཝི་སི་ཊྛེ ཀ་ཏྟ་རཱི’’ཏི ཝུ་ཏྟི་ཡཾ ཝུ་ཏྟཾ, ཏ་སྨཱ བྷ་ཝ་ཏཱི་ཏི བྷ་བྦོ, བྷ་ཝི་ཏུཾ ཨ་ར་ཧ་ཏཱི་ཏི ཨ་ཏྠོ, མ་ཛྫ་ཏཱི་ཏི མ་ཛྫཾ, མ་ད་ནཱི་ཡཾ, མ་ཛྫི་ཏུཾ ས་ཀྐོ་ཏཱི་ཏི ཨ་ཏྠོ, ཨེ་ཝ་མྤི ཡུ་ཛྫ་ཏི.
པ་ཏྟ་ཀཱ་ལེ-ཀ་ཏྟ་བྦོ བྷ་ཝ་ཏཱ ཀ་ཊོ, ཨེ་ས ཀཱ་ལོ ཀ་ཊ་ཀ་ར་ཎ་སྶཱ་ཏི དཱི་པེ་ཏི.
པེ་ས་ནེ-ག་ནྟ་བྦོ བྷ་ཝ་ཏཱ གཱ་མོ, ག་ཙྪ་ཏུ བྷ་ཝཾ གཱ་མ་ནྟི དཱི་པེ་ཏི.
ཨ་ཏི་ས་ཛྫ་ནཾ ས་མྦོ་དྷ་ནཾ ཨ་ཏི་ས་གྒོ, ཨུ་པ་དེ་སོ ཙེ་ཝ ཝི་དྷི ཙ. ཏ་ཏྠ ཀ་ཏྟ་བྦཱ’ཀ་ཏྟ་བྦ་སྶ ཀ་མྨ་སྶ ཨཱ་ཙི་ཀྑ་ཎཾ ཨུ་པ་དེ་སོ, དཱ་ནཾ དཱ་ཏ་བྦཾ, སཱི་ལཾ ར་ཀྑི་ཏ་བྦཾ, པཱ་ཎོ ན ཧ་ནྟ་བྦོ, ཨ་དི་ནྣཾ ན ཨཱ་དཱ་ཏ་བྦཾ [དཱི. ནི. ༣.༨༥]. ཀ་ཏྟ་བྦཱ’ཀ་ཏྟ་བྦཱ་ཀཱ་ར་ད་སྶ་ནཾ ཝི་དྷི, ས་ཀྐ་ཙྩཾ དཱ་ནཾ དཱ་ཏ་བྦཾ, ནོ ཨ་ས་ཀྐ་ཙྩཾ.
ཨ་ཝ་སྶ་ཀེ-ག་མ་ནཱི་ཡོ ཨ་བྷི་ས་མྤ་རཱ་ཡོ, ཨ་ཝ་སྶཾ ག་ནྟ་བྦོ་ཏི ཨ་ཏྠོ.
ཡཾ ཨི་ཎཾ ཨ་དེ་ནྟ་སྶ ད་ཎྜོ ཨཱ་ག་ཙྪ་ཏི, ཨི་དཾ ཨ་དྷ་མི་ཎཾ ནཱ་མ, ས་ཏཾ མེ དཱ་ཏ་བྦཾ བྷ་ཝ་ཏཱ་ཏི.
ཨི་མེ པ་ནེ་ཏྠ ཏ་བྱ, ཏཱ་ཡ, ཏེ་ཡྻ་པ་ཡོ་གཱ – ན བྲཱ་ཧྨ་ཎེ ཨ་དྡྷི་ཀེ ཏི་ཊྛ་མཱ་ནེ, ག་ནྟ་བྱ་མཱ་ཧུ དྭི་པ་དི་ནྡ སེ་ཊྛ [ཛཱ. ༡.༡༠.༡༣ (ག་ནྟ་བྦ)]. བྷཱུ་ཏ་གཱ་མ་པཱ་ཏ་བྱ་ཏཱ, ཀཱ་མེ་སུ པཱ་ཏ་བྱ་ཏཱ [པཱ་ཙི. ༩༠], ཨ་ལ་ཛྫི་ཏཱ་ཡེ ལ་ཛྫ་ནྟི [དྷ. པ. ༣༡༦], ལ་ཛྫི་ཏཱ་ཡེ ན ལ་ཛྫ་རེ. གྷཱ་ཏེ་ཏཱ་ཡཾ ཝཱ གྷཱ་ཏེ་ཏུཾ, པ་བྦཱ་ཛེ་ཏཱ་ཡཾ ཝཱ པ་བྦཱ་ཛེ་ཏུཾ [མ. ནི. ༡.༣༥༧], ཉཱ་ཏེ་ཡྻཾ, དི་ཊྛེ་ཡྻཾ, པ་ཏྟེ་ཡྻཾ, ཝི་དྡྷེ་ཡྻཾ མཾ ཨ་མ་ཉྙ་ཐ [ཛཱ. ༢.༢༢.༢༩༧].
ཏ,ཏི, ཏུ, ཏ་ཝ་ནྟུ, ཏཱ་ཝཱི, ཏྭཱ, ཏྭཱ་ན, ཏུ་ན, ཏུཾ, ཏ་ཝེ, ཏཱ་ཡེ, ཏུ་ཡེ, ཏ་བྦ. ཨི་མེ ཏ་ཀཱ་ར་པ་ཙྩ་ཡཱ ནཱ་མ.
ཀ་ར, ཁ་ནུ, གཱ, ག་མུ, ཛ་ན, ཋཱ, ཏ་ནུ, ཐ་ར, དྷཱ, དྷ་ར, ན་མུ, པཱ, ཕ་ར, བྷ་ར, མ་ན, མ་ར, ར་མུ, ས་ར, ཧ་ར, ཧ་ན.
༧༢༣. ག་མཱ་དི་རཱ་ནཾ ལོ་པོ་ནྟ་སྶ [ཀ. ༥༨༦-༧; རཱུ. ༦༠༠, ༦༣༢; ནཱི. ༡༡༩༠, ༡༡༩༡].
ག་མཱ་དཱི་ནཾ མ་ཀཱ་ར, ན་ཀཱ་ར་ནྟཱ་ནཾ ར་ཀཱ་ར་ནྟཱ་ན་ཉྩ དྷཱ་ཏཱུ་ནཾ ཨ་ནྟ་སྶ ལོ་པོ ཧོ་ཏི ཀཱ་ནུ་བ་ནྡྷེ ཏ་པ་ཙྩ་ཡེ པ་རེ ཏྭཱ་དི་ཝ་ཛྫི་ཏེ.
ཀ་ར-ཀ་ར་ཎེ, ཀ་རཱི་ཡི་ཏྠཱ་ཏི ཀ་ཏོ-ཝི་ཧཱ་རོ, ཀ་ཏཱ་གཱུ་ཧཱ, ཀ་ཏཾ-གེ་ཧཾ, ས་ཀྐ་རཱི་ཡི་ཏྠཱ་ཏི ས་ཀྐ་ཏོ, མ་ཧཱ་ཝུ་ཏྟི་ནཱ ས་ནྟ་སྶ སོ.
‘ཀ་རོ་ཏི་སྶ ཁོ’ཏི པཱ་དི་ཏོ ཀ་ར་སྶ ཀ་སྶ ཁོ, ས་ངྑ་རཱི་ཡི་ཏྠཱ་ཏི ས་ངྑ་ཏོ, ཨ་བྷི་ས་ངྑ་ཏོ, ཝི་ས་ངྑ་རི་ཏྠ ཝི་ཀི་རཱི་ཡི་ཏྠཱ་ཏི ཝི་ས་ངྑ་ཏོ, ཨུ་པ་ཀ་རཱི་ཡི་ཏྠ ས་ཛྫཱི་ཡི་ཏྠཱ་ཏི ཨུ་པ་ཀྑ་ཊོ, ‘ཏ་ཐ་ན་རཱ་ནཾ ཊ་ཋ་ཎ་ལཱ’ཏི ཏ་སྶ ཊོ. ཨེ་ཝཾ དུ་ཀྐ་ཊཾ.
པ་རི་ཏོ ཀ་རཱི་ཡི་ཏྠཱ་ཏི པ་རི་ཀྑ་ཏོ, པུ་ར་ཏོ ཀ་རཱི་ཡི་ཏྠཱ་ཏི པུ་ར་ཀྑ་ཏོ, པུ་རེ་ཀྑ་ཏོ ཝཱ, མ་ཧཱ་ཝུ་ཏྟི་ནཱ པུ་ར་སྶ ཨེ་ཏྟཾ.
ཁ་ནུ-ཨ་ཝ་དཱ་ར་ཎེ, ཁ་ཉྙི་ཏྠཱ་ཏི ཁ་ཏོ-ཨཱ་ཝཱ་ཊོ.
གཱ-ས་དྡེ.
༧༢༤. གཱ་པཱ་ན་མཱི [ཀ. ༥༨༨; རཱུ. ༦༢༠; ནཱི. ༡༡༩༢].
གཱ, པཱ་ནཾ ཨ་ནྟོ ཨཱི་ཀཱ་རོ ཧོ་ཏི ཀཱ་ནུ་བ་ནྡྷེ ཏ་པ་ཙྩ་ཡེ པ་རེ ཏྭཱ་དི་ཝ་ཛྫི་ཏེ.
གཱ་ཡི་ཏྠཱ་ཏི གཱི་ཏཾ, ས་མོ་དྷཱ་ནེ་ཏྭཱ གཱ་ཡི་ཏྠཱ་ཏི ས་ངྒཱི་ཏོ་པ་རི་ཡ་ཏྟི་དྷ་མྨོ.
ག་མུ-ག་ཏི་མྷི ཨ་ག་ཙྪཱི་ཏི ག་ཏོ, ཨ་ག་ཙྪཱི་ཡི་ཏྠཱ་ཏི ཝཱ ག་ཏོ. ཨེ་ཝཾ ཨཱ་ག་ཏོ, ཨུ་གྒ་ཏོ, དུ་གྒ་ཏོ, ནི་གྒ་ཏོ, ཝི་ག་ཏོ, སུ་ག་ཏོ, ས་ངྒ་ཏོ, ཨ་ནུ་ག་ཏོ, ཨ་པ་ག་ཏོ, ཨ་ཝ་ག་ཏོ, ཨུ་པ་ག་ཏོ, ཨ་དྷི་ག་ཏོ.
ཛ་ན-ཛཱ་ཏི་ཡཾ.
༧༢༥. ཛ་ནི་སྶཱ [ཀ. ༥༨༥; རཱུ. ༦༡༩; ནཱི. ༡༡༨༩].
ཛ་ནི་སྶ ན་སྶ ཨཱ ཧོ་ཏི ཀཱ་ནུ་བ་ནྡྷེ ཏ་པ་ཙྩ་ཡེ པ་རེ ཏྭཱ་དི་ཝ་ཛྫི་ཏེ.
ཨ་ཛཱ་ཡི་ཏྠཱ་ཏི ཛཱ་ཏོ, དུ་ཛྫཱ་ཏོ, སུ་ཛཱ་ཏོ, ས་ཉྫཱ་ཏོ, ཨ་ནུ་ཛཱ་ཏོ, ཨ་ཝ་ཛཱ་ཏོ, ཨ་ཏི་ཛཱ་ཏོ.
སུ་ཏྟ་ཝི་བྷ་ཏྟེ་ན ཨ་ཉྙ་སྨི་མྤི ཝ་ཎྞེ པ་རེ ན་སྶ ཨཱ ཧོ་ཏི, པུ་ཏྟཾ ཝི་ཛཱ་ཡི་ཏྭཱ, ཝི་ཛཱ་ཡི་ཏུཾ, ཝི་ཛཱ་ཡ་ནཾ, ཝི་ཛཱ་ཡ་ནྟཱི-ཨི་ཏྠཱི, ཝི་ཛཱ་ཡ་མཱ་ནཱ, པུ་ཏྟཾ ཛ་ནེ་ཏཱི་ཏི ཛཱ་ཡཱ ཨི་ཙྩཱ་དི, ས་བྦ་ཏྠ མ་ཧཱ་ཝུ་ཏྟི་ནཱ ས་རེ པ་རེ ཡཱ་ག་མོ, མ་ཧཱ་ཝུ་ཏྟི་ནཱ ཝཱ ས་བྦ་ཏྠ ན་སྶ ཡཱ་དེ་སོ ཨཱ་དི་དཱི་གྷོ ཙ.
ཋཱ-ག་ཏི་ནི་ཝ་ཏྟི་ཡཾ.
༧༢༦. ཋཱ་སྶི [ཀ. ༥༨༨; རཱུ. ༦༢༠; ནཱི. ༡༡༩༢].
ཋཱ་སྶ ཨི ཧོ་ཏི ཀཱ་ནུ་བ་ནྡྷེ ཏ་ཀཱ་རེ ཏྭཱ་དི་ཝ་ཛྫི་ཏེ.
ཨ་ཊྛཱ་སཱི་ཏི ཋི་ཏོ, ཨུ་ཊྛི་ཏོ, ནི་ཊྛི་ཏོ, ས་ཎྛི་ཏོ, ཨ་དྷི་ཊྛི་ཏོ.
ཏ་ནུ-ཝི་ཏྠཱ་རེ, ཨཱ་ཏ་ཉྙི་ཏྠཱ་ཏི ཨཱ་ཏ་ཏཾ, ཝི་ཏ་ཏཾ, ཨཱ་ཏ་ཏ་ཝི་ཏ་ཏཾ, ཏཱུ་རི་ཡ་བྷེ་དོ.
ཐ་ར-ས་ནྠ་ར་ཎེ, ས་ནྠ་རཱི་ཡི་ཏྠཱ་ཏི ས་ནྠ་ཏོ, ཝི་ཏྠ་ཏོ.
དྷཱ-དྷཱ་ར་ཎེ.
༧༢༧. དྷཱ་སྶ ཧི [ཀ. ༥༡༧; རཱུ. ༤༨༨; ནཱི. ༡༡༠༥].
དྷཱ་དྷཱ་ཏུ་སྶ དྷ་སྶ ཧི ཧོ་ཏི ཀཱ་ནུ་བ་ནྡྷེ ཏ་ཀཱ་རེ ཏྭཱ་དི་ཝ་ཛྫི་ཏེ.
ཨཱ་དྷཱི་ཡི་ཏྠཱ་ཏི ཨཱ་ཧི་ཏོ, ཨཱ་གྱཱ་ཧི་ཏོ, ཝི་དྷཱི་ཡི་ཏྠཱ་ཏི ཝི་ཧི་ཏོ, ནི་དྷཱི་ཡི་ཏྠཱ་ཏི ནི་ཧི་ཏོ, ས་ནྡྷཱི་ཡི་ཏྠཱ་ཏི སཾ་ཧི་ཏོ, ཨོ་དྷཱི་ཡི་ཏྠཱ་ཏི ཨོ་ཧི་ཏོ, ཨ་བྷི་དྷཱི་ཡི་ཏྠཱ་ཏི ཨ་བྷི་ཧི་ཏོ, པི་དྷཱི་ཡི་ཏྠཱ་ཏི པི་ཧི་ཏོ, ཨ་པི་ཧི་ཏོ. དྭི་ཏྟེ པུ་བྦ་སྶ ཏ་ཏི་ཡ་ཏྟཾ, ‘དྷཱ་སྶ ཧོ’ཏི སུ་ཏྟེ་ན པ་ར་སྶ ཧ་ཏྟཾ, ཨཱ་ད་ཧི་ཏོ, ཝི་ད་ཧི་ཏོ, ནི་ད་ཧི་ཏོ, སཾ་ད་ཧི་ཏོ, ས་དྡ་ཧི་ཏོ ཝཱ, ས་ནྣི་ད་ཧི་ཏོ, ཨོ་ད་ཧི་ཏོ, པི་ད་ཧི་ཏོ, ཨ་པི་ད་ཧི་ཏོ, པ་རི་ད་ཧི་ཏོ.
དྷ་ར-དྷཱ་ར་ཎེ, ཨུ་དྡྷ་རཱི་ཡི་ཏྠཱ་ཏི ཨུ་དྡྷ་ཊོ, ས་མུ་དྡྷ་ཊོ, ནི་དྡྷ་ཊོ, ཏ་སྶ ཊ་ཏྟཾ.
ན་མུ-ན་མ་ནེ, ན་མི་ཏྠཱ་ཏི ན་ཏོ, ཨུ་ནྣ་ཏོ, ས་མུ་ནྣ་ཏོ, ཨོ་ན་ཏོ, ཨ་ཝ་ན་ཏོ.
པཱ-པཱ་ནེ, ‘གཱ་པཱ་ན་མཱི’ཏི ཨཱི་ཏྟཾ, པཱི་ཡི་ཏྠཱ་ཏི པཱི་ཏཾ.
ཕ་ར-ཕ་ར་ཎེ, ཕ་རི་ཏྠ, ཕ་རཱི་ཡི་ཏྠཱ་ཏི ཝཱ ཕུ་ཊོ, ཝི་པྥུ་ཊོ, ས་མྥུ་ཊོ, ཨོ་ཕུ་ཊོ, མ་ཧཱ་ཝུ་ཏྟི་ནཱ ཕ་སྶ ཨུ་ཏྟཾ, ཏ་སྶ ཊ་ཏྟཾ.
བྷ་ར-དྷཱ་ར་ཎེ, བྷ་རཱི་ཡི་ཏྠཱ་ཏི བྷ་ཏོ, ཨཱ་བྷ་ཏོ, ཨཱ་བྷ་ཊོ ཝཱ. ཨུ་ད་ཀཱ་ཏ་ལ་མུ་བྦྷ་ཏོ, ཨུ་བྦྷ་ཏཾ ས་ངྒྷེ་ན ཀ་ཐི་ནཾ [མ་ཧཱ་ཝ. ༣༡༧], ས་མྦྷ་ཏཾ དྷ་ནཾ.
མ་ན-ཉཱ་ཎེ, མ་ཏོ, མ་ཧཱ་ཛ་ནེ་ན ས་མྨ་ཏོ་ཏི མ་ཧཱ་ས་མྨ་ཏོ, ས་མྨ་ཏཱ སཱི་མཱ [མ་ཧཱ་ཝ. ༡༣༩], ཨ་ནུ་མ་ཏོ, ཨ་བྷི་མ་ཏོ.
མ་ར-པཱ་ཎ་ཙཱ་གེ, མ་རི་ཏྠཱ་ཏི མ་ཏོ, ཀཱ་ལ་ངྐ་ཏོ.
ར་མུ-ཀཱི་ལཱ༹་ཡཾ, ར་མི་ཏྠཱ་ཏི ར་ཏོ, ཨ་བྷི་ར་ཏོ.
ར་མུ-ཨུ་པ་ར་མེ, ཝི་ར་ཏོ, པ་ཊི་ཝི་ར་ཏོ, ཨུ་པ་ར་ཏོ.
ས་ར-ག་ཏི, ཙི་ནྟཱ་སུ, བ་ཧུ་ལཱ་དྷི་ཀཱ་རཱ ཀཱ་ལ་ཏྟ་ཡེ་པི ཏ་པ་ཙྩ་ཡོ, ས་ར་ཏི, ཨ་ས་རི, ས་རི་སྶ་ཏཱི་ཏི ས་ཏོ, ཨ་ནུ་སྶ་ཏོ, པ་ཏི་སྶ་ཏོ.
ཧ་ར-ཧ་ར་ཎེ, ཧ་རཱི་ཡི་ཏྠཱ་ཏི ཧ་ཏོ, ཨཱ་ཧ་ཏོ, ནི་ཧ་ཏོ.
ཏ་སྶ ཊ་ཏྟེ-ཨཱ་ཧ་ཊོ, ནི་ཧ་ཊོ, ཨུ་དཱ་ཧ་ཊོ, ས་མུ་དཱ་ཧ་ཊོ, ཨ་ཝ་ཧ་ཊོ.
ཧ་ན-ཧིཾ་སཱ་ཡཾ, ཧ་ཉྙི་ཏྠཱ་ཏི ཧ་ཏོ, ཝི་ཧ་ཏོ, ས་མཱུ་ཧ་ཏོ ཨ་ཝི་པྤ་ཝཱ་སོ [མ་ཧཱ་ཝ. ༡༤༥], ས་མཱུ་ཧ་ཏཱ སཱི་མཱ [མ་ཧཱ་ཝ. ༡༤༦].
ཏི་པ་ཙྩ་ཡ་མྷི བ་ཧུ་ལཱ་དྷི་ཀཱ་རཱ ཨ་ཀཱ་ནུ་བ་ནྡྷེ་པི ཨ་ནྟ་ལོ་པོ. པ་ཋ་མཾ ཀ་རཱི་ཡ་ཏཱི་ཏི པ་ཀ་ཏི, ཨཱ་ཀཱ་རོ ཨཱ་ཀ་ཏི, ཝི་ཀཱ་རོ ཝི་ཀ་ཏི, གཱ་ཡ་ནཾ གཱི་ཏི, ཨུ་གྒཱི་ཏི, ས་ངྒཱི་ཏི, ཨ་ནུ་གཱ་ཡ་ནཾ ཨ་ནུ་གཱི་ཏི, ག་མ་ནཾ ག་ཏི, ག་ནྟ་བྦཱ་ཏི ཝཱ ག་ཏི, ག་ཙྪ་ནྟི ཨེ་ཏྠཱ་ཏི ཝཱ ག་ཏི, ཨཱ་ག་མ་ནཾ ཨཱ་ག་ཏི, སུ་ག་ཏི, དུ་གྒ་ཏི, ས་མཱ་ག་མ་ནཾ ས་ངྒ་ཏི, ཛ་ན་ནཾ ཛཱ་ཏི, ཛཱ་ཡ་ནྟི ཨེ་ཏཱ་ཡ, ཨེ་ཏྠཱ་ཏི ཝཱ ཛཱ་ཏི, ཋཱ་ནཾ ཋི་ཏི, ས་ཎྛི་ཏི, ཨ་ཝ་ཊྛི་ཏི, པུ་ན་པྤུ་ནཾ ཏ་ན་ནཾ ས་ནྟ་ཏི, དྷཱ་རེ་ནྟི ཨེ་ཏཱ་ཡཱ་ཏི དྷཱི་ཏི, མ་ཧཱ་ཝུ་ཏྟི་ནཱ ཨཱི་ཏྟཾ.
ན་མ་ནཾ ན་ཏི, ཨུ་ནྣ་ཏི, ས་མུ་ནྣ་ཏི, ཨོ་ན་ཏི, ཨ་ཝ་ན་ཏི, བྷ་རི་ཏ་བྦཱ་ཏི བྷ་ཏི, མ་ན་ཏི ཛཱ་ནཱ་ཏི ཨེ་ཏཱ་ཡཱ་ཏི མ་ཏི, ཝི་ཝི་དྷཱ མ་ཏི ཝི་མ་ཏི, ར་མ་ཎཾ ར་ཏི, ཨཱ་ར་མ་ཎཾ ཨཱ་ར་ཏི, ཝི་ར་མ་ཎཾ ཝི་ར་ཏི, ཨ་བྷི་ར་མ་ཎཾ ཨ་བྷི་ར་ཏི, པ་ཊི་ཝི་ར་མ་ཎཾ པ་ཏི་ཝི་ར་ཏི, ས་ར་ཎཾ ས་ཏི, ས་ར་ནྟི ཨེ་ཏཱ་ཡཱ་ཏི ཝཱ ས་ཏི, ཨ་ནུ་སྶ་ཏི, པ་ཊི་སྶ་ཏི, ཨུ་པ་ཧ་ན་ནཾ ཨུ་པ་ཧ་ཏི.
ཏ་ཝ་ནྟུ་པ་ཙྩ་ཡ་མྷི-ཨ་ཀཱ་སཱི་ཏི ཀ་ཏ་ཝཱ, ཨ་ཧ་ནཱི་ཏི ཧ་ཏ་ཝཱ.
ཏཱ་ཝཱི་པ་ཙྩ་ཡ་མྷི-ཀ་ཏཱ་ཝཱི, ཧ་ཏཱ་ཝཱི.
ཏྭཱ་དཱི་སུ –
༧༢༨. ཏུཾ་ཏུ་ན་ཏ་བྦེ་སུ ཝཱ.
ཀ་ར་དྷཱ་ཏུ་སྶ ར-ཀཱ་ར་སྶ ཨཱ ཧོ་ཏི ཝཱ ཏུཾ, ཏུ་ན, ཏ་བྦེ་སུ. ཏུ་ན་ས་དྡེ་ན ཏྭཱ་ན, ཏྭཱ་པི ས་ངྒ་ཡ྄ཧ་ནྟི.
༧༢༩. ཀ་ར་སྶཱ ཏ་ཝེ.
ཀ་ར་སྶ ར-ཀཱ་ར་སྶ ཨཱ ཧོ་ཏི ཏ་ཝེ་པ་ཙྩ་ཡ་མྷི.
ཀཱ་ཏུཾ, ཀཱ་ཏ་ཝེ, ཀཱ་ཏུ་ན, ཀཱ་ཏ་བྦཾ.
ཡ་ཐཱ ཀ་ར་སྶ, ཏ་ཐཱ མ་ཧཱ་ཝུ་ཏྟི་ནཱ ཧ་ར་སྶ རཱུ་པཾ སི་ཛ྄ཛྷ་ཏི, ཧཱ་ཐུཾ, ཧཱ་ཏ་ཝེ, ཧཱ་ཏུ་ན. ཏེ་སཾ ཏུ་ཎྜེ་ན ཧཱ་ཏཱུ་ན, མུ་ཉྩེ པུ་བྦ་ཀ་ཏཾ ཨི་ཎཾ [ཛཱ. ༡.༡༤.༡༠].
ཏྭཱ་མྷི ཨཱ་སྶ ཨི་ཏྟཾ, ཨཱ་ཧི་ཏྭཱ, སོ་ཎྜཱ་ཡུ་ད་ཀ་མཱ་ཧི་ཏྭཱ [ཛཱ. ༡.༡༠.༩ (…ཧ་ཏྭཱ)].
ཨི་ཏི ཝི་སཾ་ཡོ་ག་རཱུ་པ་རཱ་སི.
ས་དི་ས་སཾ་ཡོ་ག་རཱུ་པ་རཱ་སི
ཨ་ཐ ས་དི་ས་སཾ་ཡོ་ག་རཱུ་པ་རཱ་སི ཝུ་ཙྩ་ཏེ.
ཏུ་པ་ཙྩ་ཡ་མྷི –
༧༣༠. པ་ར་རཱུ་པ་མ་ཡ་ཀཱ་རེ བྱ་ཉྫ་ནེ.
ཡ་ཀཱ་ར་ཝ་ཛྫི་ཏེ བྱ་ཉྫ་ན་པ་ཙྩ་ཡེ པ་རེ ས་བྦ་དྷཱ་ཏཱུ་ནཾ ཨ་ནྟ་བྱ་ཉྫ་ནོ པ་ར་རཱུ་པཾ ཨཱ་པ་ཛྫ་ཏེ.
ཀ་རོ་ཏཱི་ཏི ཀ་ཏྟཱ, ཀཱ་ཏུཾ ཨ་ར་ཧ་ཏི, ཀཱ་ཏུཾ ས་ཀྐོ་ཏི, ཀ་ར་ཎ་སཱི་ལོ, ཀ་ར་ཎ་དྷ་མྨོ, ས་ཀྐ་ཙྩཾ ཝཱ ཀ་རོ་ཏཱི་ཏི ཨ་ཏྠོ. བྷ་ར་ཏཱི་ཏི བྷ་ཏྟཱ, ཧ་ར་ཏཱི་ཏི ཧ་ཏྟཱ.
ཏྭཱ་དཱི་སུ ར-ཀཱ་ར་སྶ ཨཱ་ཏྟཾ, སཾ་ཡོ་གེ པ་རེ ར་སྶ་ཏྟ་ཉྩ, ཀ་ཏྭཱ, ཀ་ཏྭཱ་ན.
པ་ར་རཱུ་པ་ཏྟཾ, ཀ་ཏྟུ་ན, ཀ་ཏྟུཾ, ཀ་ཏྟ་བྦཾ, བྷ་ར་ཎཾ བྷ་ཏྟུཾ, བྷ་ཏྟ་ཝེ, ཧ་ར་ཎཾ ཧ་ཏྟུཾ, ཨ་བྷི་ཧ་ཏྟུཾ, ཧ་ཏྟ་ཝེ.
ཨཱ་པ, ཎཱ་པ, ཁི་པ, གུ་པ, ཙ་ཛ, ཉ་པ, ཉཱ་པ, ཏ་པ, དཱི་པ, དྷཱུ་པ, པ་ད, བྷ་ཛ, བྷུ་ཛ, མ་ད, མི་ད, ཡུ་ཛ, རི་ཙ, ར་ནྫ, ལི་པ, ལུ་པ, ཝ་ཙ, ཝ་ཏུ, ཝ་ད, ཝ་པ, ཝི་ཙ, ས་ནྫ, སི་ཙ, ས་མྦྷུ, སཱུ་ཙ, སཱུ་ད, སུ་པ.
དྷཱ་ཏྭ་ནྟ་བྱ་ཉྫ་ན་སྶ པ་ར་རཱུ་པ་ཏྟཾ, ཏ་པ་ཙྩ་ཡ་མྷི ཝི་པུ་བྦོ ཨཱ་པ་བྱཱ་པ་ནེ, བྱཱ་པ་ཡ་ཏི ཁི་པྤཾ ཉཱ་ཎ་བྱཱ་པ་ནེ་ན བྱཱ་པི་ཏུཾ ས་ཀྐོ་ཏཱི་ཏི བྱ་ཏྟོ, ཝི་ཡ་ཏྟོ.
པ་རི་པུ་བྦོ པ་རི་ཡཱ་པུ་ཎ་ནེ པ་ཧུ་ཏྟེ ཙ, པ་རི་ཡ་ཏྟོ.
སཾ་པུ་བྦོ པ་རི་པུ་ཎྞ་བྷཱ་ཝེ, ས་མཱ་པ་ཡི་ཏྠཱ་ཏི ས་མ་ཏྟོ, པ་རི་ས་མ་ཏྟོ.
ཨཱ་པུ་བྦོ ཎཱ་པ-པེ་ས་ནེ, ཨཱ་ཎཱ་པཱི་ཡི་ཏྠཱ་ཏི ཨཱ་ཎ་ཏྟོ.
ཁི་པ-ཁི་པ་ནེ, ཁི་པཱི་ཡི་ཏྠཱ་ཏི ཁི་ཏྟོ-ད་ཎྜོ, ཁི་ཏྟཱ-མ་ཏྟི་ཀཱ, ཁི་ཏྟཾ-ལེ་ཊྚུ. ཨེ་ཝཾ ས་བྦ་ཏྠ. པ་ཀྑི་ཏྟོ, ཨུ་ཀྑི་ཏྟོ, ནི་ཀྑི་ཏྟོ, ཝི་ཀྑི་ཏྟོ, ཨོ་ཀྑི་ཏྟོ, སཾ་ཁི་ཏྟོ.
གུ་པ-གུ་ཏྟི་ཡཾ, གོ་པཱི་ཡི་ཏྠཱ་ཏི གུ་ཏྟོ, སཾ་གུ་ཏྟོ.
ཙ་ཛ-ཙཱ་གེ, ཙ་ཛཱི་ཡི་ཏྠཱ་ཏི ཙ་ཏྟོ.
ཨུ་པ-པ་ཉྙཱ་པ་ནེ, པ་ཉྙ་པཱི་ཡི་ཏྠཱ་ཏི པ་ཉྙ་ཏྟོ-ཝི་ན་ཡོ, པ་ཉྙ་ཏྟཾ་སི་ཀྑཱ་པ་དཾ, པ་ཉྙ་ཏྟཾ-ཨཱ་ས་ནཾ.
ཉཱ་པ-ཉཱ་པ་ནེ, ཝི་ཀ་ཏི་དྷཱ་ཏུ ནཱ་མེ་སཱ ཀཱ་རི་ཏ་ནྟ་ཏྟཱ, པ་ཉྙཱ་པཱི་ཡི་ཏྠཱ་ཏི པ་ཉྙ་ཏྟོ, ས་ཉྙཱ་པཱི་ཡི་ཏྠཱ་ཏི ས་ཉྙ་ཏྟོ, ཝི་ཉྙཱ་པཱི་ཡི་ཏྠཱ་ཏི ཝི་ཉྙ་ཏྟོ.
ཏ་པ-ས་ནྟཱ་པེ, ཨ་ཏ་པྤཱི་ཏི ཏ་ཏྟོ, ས་ནྟ་ཏྟོ.
དཱི་པ-དི་ཏྟི་ཡཾ, ཨ་དཱི་པི་ཏྠཱ་ཏི དི་ཏྟོ, པ་དི་ཏྟོ, ཨཱ་དི་ཏྟོ.
དྷཱུ་པ-སོ་ཎྜི་ཡེ, དྷཱུ་པ་ཏི, ཨ་དྷཱུ་པི, དྷཱུ་པི་སྶ་ཏཱི་ཏི དྷུ་ཏྟོ, སུ་རཱ་དྷུ་ཏྟོ, ཨ་ཀྑ་དྷུ་ཏྟོ [སུ. ནི. ༡༠༦].
པ་ད-ག་ཏི་ཡཾ, ཨ་པ་ཛྫཱི་ཏི པ་ཏྟོ, ནི་པ་ཏྟོ, ས་མྤ་ཏྟོ.
བྷ་ཛ-ས་མྦྷ་ཏྟི་ཡཾ, བྷ་ཛ་ཏཱི་ཏི བྷ་ཏྟོ, ས་མྦྷ་ཏྟོ.
ཝི་པུ་བྦོ པུ་ཐ་ཀྐ་ར་ཎེ, ཝི་བྷ་ཛི་ཏྠཱ་ཏི ཝི་བྷ་ཏྟོ.
བྷུ་ཛ-པཱ་ལ་ན, བྱ་ཝ་ཧ་ར་ཎེ་སུ, བྷུ་ཉྫི་ཏྠ, བྷུ་ཉྫཱི་ཡི་ཏྠཱ་ཏི ཝཱ བྷུ་ཏྟོ, པ་རི་བྷུ་ཏྟོ.
མ་ད-ཨུ་མྨཱ་དེ, མ་ཛྫི་ཏྠཱ་ཏི མ་ཏྟོ, ས་མྨ་ཏྟོ, པ་མ་ཏྟོ, ཨུ་མྨ་ཏྟོ.
མི་ད-སི་ནེ་ཧ་ནེ, མི་ཛྫ་ཏཱི་ཏི མི་ཏྟོ.
ཡུ་ཛ-ཡོ་གེ, ཡུ་ཉྫ་ཏཱི་ཏི ཡུ་ཏྟོ, པ་ཡུ་ཏྟོ, ཨུ་ཡྻུ་ཏྟོ, ནི་ཡུ་ཏྟོ, ཝི་ཡུ་ཏྟོ, སཾ་ཡུ་ཏྟོ, ས་ཉྙུ་ཏྟོ.