༧. ས་ཏྟ་མོ ཀ་ཎྜོ (ཎྭཱ་དི)
‘‘བ་ཧུ་ལཾ’’ (༡.༥༨) ‘‘ཀྲི་ཡ་ཏྠཱ’’ཏི (༥.༡༤) ཙ ས་བྦ་ཏྠ ཝ་ཏྠ་ཏེ.
༡. ཙ་ར ད་ར ཀ་ར ར་ཧ ཛ་ན ས་ན ཏ་ལ སཱ་ད སཱ་དྷ ཀ་སཱ་ས ཙ་ཊཱ་ཡ ཝཱ་ཧི ཎུ.
ཙ་ར-ག་ཏི་བྷ་ཀྑ་ཎེ་སུ, ད་ར-ད་ར་ཎེ, ཀ་ར-ཀ་ར་ཎེ, ར་ཧ-ཙཱ་གེ, ཛ་ན-ཛ་ན་ནེ, ས་ན-ས་མྦྷ་ཏྟི་ཡཾ, ཏ་ལ-པ་ཏི་ཊྛཱ་ཡཾ, སཱ་ད-ཨ་སྶཱ་ད་ནེ, སཱ་དྷ-སཾ་སི་དྡྷི་ཡཾ, ཀ་ས-ཝི་ལེ་ཁ་ནེ, ཨ་ས-ཁེ་པ་ནེ, ཙ་ཊ-བྷེ་ད་ནེ, ཨ་ཡ-ཨི་ཏི ག་མ་ན་ཏྠོ ད་ཎྜ་ཀོ དྷཱ་ཏུ, ཝཱ-ག་ཏི་ག་ནྡྷ་ནེ་སུ, ཨེ་ཏེ་ཧི ཀྲི་ཡ་ཏྠེ་ཧི བ་ཧུ་ལཾ ཎུ ཧོ་ཏི. ‘‘ཨ་སྶཱ ཎཱ་ནུ་བ་ནྡྷེ’’ཏི (༥.༨༤) ཨུ་པ་ནྟ་སྶ ཨ་སྶ ཨཱ, ཙ་ར་ཏི ཧ་ད་ཡེ མ་ནུ་ཉྙ་བྷཱ་ཝེ་ནཱ་ཏི ཙཱ་རུ=སོ་བྷ་ནཾ. ད་རཱི་ཡ་ཏཱི་ཏི དཱ་ར=ཀ་ཊྛཾ. ཀ་རོ་ཏཱི་ཏི ཀཱ་རུ=སི་པྤཱི, མ་གྷ ཝཱ, ཝི་སུ་ཀ་མྨོ ཙ. ར་ཧ་ཏི ཙ་ནྡཱ་དཱི་ནཾ སོ་བྷཱ་ཝི་སེ་སཾ ནཱ་སེ་ཏཱི་ཏི རཱ་ཧུ=ཨ་སུ་རི་ནྡོ. ཛཱ་ཡ་ཏི ག་མ་ནཱ་ག་མ་ནཾ ཨ་ནེ་ནཱ་ཏི་ཛཱ་ནུ=ཛ་ངྒྷོ་རཱུ་ནཾ ས་ནྡྷི. ས་ནེ་ཏི ཨ་ཏྟ་ནི བྷ་ཏྟིཾ ཨུ་པྤཱ་དེ་ཏཱི་ཏི སཱ་ནུ=གི་རི་པྤ་དེ་སོ. ཏ་ལ་ནྟི པ་ཏི་ཊྛ་ཧ་ནྟི ཨེ་ཏྠ ད་ནྟཱ་ཏི ཏཱ་ལུ=ཝ་ད་ནེ་ཀ་དེ་སོ. སཱ དཱི་ཡ་ཏི ཨ་སྶཱ་དཱི་ཡ་ཏཱི་ཏི སཱ་དུ=མ་དྷུ་རཾ. སཱ་དྷེ་ཏི ཨ་ཏྟ་པ་ར་ཧི་ཏ་ནྟི སཱ་དྷུ=ས་ཛྫ་ནོ. ཀ་སཱི་ཡ་ཏཱི་ཏི ཀཱ་སུ=ཨཱ་ཝཱ་ཊོ, ཨ་ས་ཏི སཱི་གྷ་བྷཱ་ཝེ་ན པ་ཝ་ཏྟ་ཏཱི་ཏི ཨཱ་སུ=སཱི་གྷཾ. ཙ་ཊ་ཏི བྷི་ནྡ་ཏི ཨ་མ་ནུ་ཉྙ་བྷཱ་ཝ་ནྟི ཙཱ་ཊུ=མ་ནུ་ཉྙོ. ཨ་ཡ་ནྟི པ་ཝ་ཏྟ་ནྟི ས་ཏྟཱ ཨེ་ཏེ་ནཱ་ཏི ཨཱ་ཡུ=ཛཱི་ཝི་ཏཾ. ‘‘ཨ་སྶཱ ཎཱ་པི་མྷི ཡུ་ཀ’’ ཨི་ཏི (༥.༩༡) ཡུ་ཀ- ཝཱ་ཏི ག་ཙྪ་ཏཱི་ཏི ཝཱ་ཡུ-ཝཱ་ཏོ.
༢. བྷ་ར མ་ར ཙ་ར ཏ་ར ཨ་ར ག་ར ཧ་ན ཏ་ན མ་ན བྷ་མ ཀི་ཏ དྷ་ན བཾ་ཧ ཀ་མྦ་མྦ ཙ་ཀྑ བྷི་ཀྑ སཾ་ཀི་ནྡ་ནྡ ཡ་ཛ པ་ཊཱ་ཎཱ་ས ཝ་ས པ་ས པཾ་ས བ་ནྡྷཱ ཨུ.
བྷ་ར-བྷ་ར་ཎེ, མ་ར-པཱ་ཎ་ཙཱ་གེ, ཙ་ར-ག་ཏི་བྷ་ཀྑ་ཎེ་སུ, ཏ་ར ཏ་ར་ཎེ, ཨ་ར-ག་མ་ནེ, ག་ར གྷ་ར-སེ་ཙ་ནེ, གི་རཱ་ཏི ཝཱ ནི་པཱ་ཏ་ནཱ ཨ་ཀཱ་རོ, ཧ་ན-ཧིཾ སཱ་ཡཾ, ཏ་ན-ཝི་ཏྟཱ་རེ, མ་ན-ཉཱ་ཎེ, བྷ་མ-ཨ་ན་ཝ་ཊྛཱ་ནེ, ཀི་ཏ-ནི་ཝཱ་སེ, དྷ་ན-ས་དྡེ, བཾ་ཧ བྲ་ཧ བྲཱུ་ཧ-ཝུ་དྡྷི་ཡཾ, ཀ་མྦ-སཾ་ཝ་ར་ཎེ, ཨ་མྦ-ས་དྡེ, ཙ་ཀྑ ཨི་ཀྑ ད་སྶ་ནེ, བྷི་ཀྑ-ཡཱ་ཙ་ནེ, སཾ་ཀ་ས་ངྐཱ་ཡཾ, ཨི་ནྡ-པ་ར་མི་སྶ་རི་ཡེ, ཨ་ནྡ-བ་ནྡྷ་ནེ, ཡ་ཛ-དེ་ཝ་པཱུ་ཛཱ་ཡཾ, ཨ་ཊ པ་ཊ-ག་མ་ན་ཐཱ, ཨ་ཎ-ས་དྡ་ཏྠོ, ཨ་ས-ཁེ་པ་ནེ, ཝ་ས-ནི་ཝཱ་སེ, པ་ས་བཱ་དྷ་ནེ, པཾ་ས-ནཱ་ས་ནེ, བ་ནྡྷ-བ་ནྡྷ་ནེ, ཨེ་ཏེ་ཧི ཀྲི་ཡ་ཏྠེ་ཧི ཨུ ཧོ་ཏི. བྷ་ར་ཏཱི་ཏི བྷ་ར=བྷ་ཏྟཱ. མ་ར་ཏི རཱུ་པ་ཀཱ་ཡེ་ན ས་ཧེ་ཝཱ་ཏི མ་རུ=དེ་ཝོ, ནི་ཛྫ་ལ་དེ་སོ ཙ. ཙ་རཱི་ཡ་ཏི བྷ་ཀྑཱི་ཡ་ཏཱི་ཏི ཙ་རུ=ཧ་བྱ་པཱ ཀོ. ཏ་ར་ནྟི ཨ་ནེ་ནཱ་ཏི ཏ་རུ=རུ་ཀྑོ. ཨ་ར་ཏི སཱུ་ན་བྷཱ་ཝེ་ན ཨུ་དྡྷཾ ག་ཙྪ་ཏཱི་ཏི ཨ་རུ=ཝ་ཎོ. ག་ར་ཏི སི་ཉྩ་ཏི, གི་ར་ཏི ཝ་མ་ཏི ཝཱ སི་སྶེ་སུ སི་ནེ་ཧ་ནྟི ག་རུ=ཨཱ་ཙ་རི་ཡོ. ཧ་ན་ཏི ཨོ་ད་ནཱ་དཱི་སུ ཝ་ཎྞ་ཝི་སེ་སཾ ནཱ་སེ་ཏཱི་ཏི ཧ་ནུ=ཝ་ད་ནེ་ཀ་དེ་སོ. ཏ་ནོ་ཏི སཾ་སཱ་ར དུ་ཀྑ་ནྟི ཏ་ནུ-ས་རཱི་རཾ. མ་ཉྙ་ཏི ས་ཏྟཱ་ནཾ ཧི་ཏཱ་ཧི་ཏ་ནྟི མ་ནུ=པ་ཛཱ་པ་ཏི. བྷ་མ་ཏི ཙ་ལ་ཏཱི་ཏི བྷ་མུ=ན་ཡ་ནོ པ་ཏི་ཊྛཱ་ནཾ. ཀེ་ཏ་ཏི ཨུ་དྡྷཾ ག་ཙྪ་ཏི, ཨུ་པ་རི ནི་ཝ་ས་ཏཱི་ཏི ཝཱ ཀེ་ཏུ=དྷ་ཛོ. དྷ་ན་ཏི ས་དྡཾ ཀ་རོ་ཏཱི་ཏི དྷ་ནུ=ཙཱ་པོ. བཾ་ཧ ཨི་ཏི ནི་དྡེ་སཱ ཨུ་མྷི ནི་ཙྩཾ ནི་གྒ་ཧཱི་ཏ་ལོ་པོ, བཾ་ཧ་ཏི ཝུ་དྡྷིཾ ག་ཙྪ་ཏཱི་ཏི བ་ཧུ=ཨ་ན་པྤ་ཀཾ. ཀ་མྦ་ཏི སཾ་ཝ་རཾ ཀ་རོ་ཏཱི་ཐི ཀ་མྦུ=ཝ་ལ་ཡོ, ས་ངྑོ ཙ. ཨ་མྦ་ཏི ནཱ་དཾ་ཀ་རོ་ཏཱི་ཏི ཨ་མྦུ=ཝཱ་རི. ཙ་ཀྑ་ཏི རཱུ་པ་ནྟི ཙ་ཀྑུ=ན་ཡ་ནཾ. བྷི་ཀྑ་ཏཱི་ཏི བྷི་ཀྑུ=ས་མ་ཎོ. སཾ་ཀི་ར་ཏཱི་ཏི སཾ་ཀུ=སཱུ་ལཾ. ཨི་ནྡ་ཏི ན་ཀྑ་ཏྟཱ་ནཾ པ་ར་མི་སྶ་རི་ཡཾ པ་ཝ་ཏྟེ་ཏཱི་ཏི ཨི་ནྡུ=ཙ་ནྡོ. ཨ་ནྡ་ནྟི བ་ནྡྷ་ནྟི ས་ཏྟཱ ཨེ་ཏཱ་ཡཱ་ཏི ཨ་ནྡུ=ས་ངྑ་ལི་ཀཱ. ཡ་ཛ་ནྟི ཨ་ནེ་ནཱ་ཏི ཡ་ཛུ=ཝེ་དོ. པ་ཊ་ཏི བྱ་ཏྟ་བྷཱ་ཝཾ ག་ཙྪ་ཏཱི་ཏི པ་ཊུ=ཝི་ཙ་ཀྑ་ཎོ. ཨ་ཎ་ཏི སུ་ཁུ་མ་བྷཱ་ཝེ་ན པ་ཝ་ཏྟ་ཏཱི་ཏི ཨ་ཎུ=སུ་ཁུ་མོ, ཝཱི་ཧི་བྷེ་དོ ཙ. ཨ་ས་ནྟི པ་ཝ་ཏྟ་ནྟི ས་ཏྟཱ ཨེ་ཏེ་ཧཱི་ཏི ཨ་ས་ཝོ=པཱ་ཎཱ. སུ་ཁཾ ཝ་ས་ནྟྱ་ནེ་ནཱ་ཏི ཝ་སུ=དྷ་ནཾ. པ་སཱི་ཡ་ཏི བཱ་དྷཱི་ཡ་ཏི སཱ་མི་ཀེ་ཧཱི་ཏི པ་སུ. ཙ་ཏུ་པྤ་དོ. པཾ་ས་ཏི སོ་བྷཱ་ཝི་སེ་སཾ ནཱ་སེ་ཏཱི་ཏི པཾ་སུ=རེ་ཎུ. བ་ནྡྷཱི་ཡ་ཏི སི་ནེ་ཧ་བྷཱ་ཝེ་ནཱ་ཏི བ་ནྡྷུ=ཉཱ་ཏི.
༣. བ་ནྡྷཱ ཨཱུ ཝ་དྷོ ཙ.
བ་ནྡྷ-བ་ནྡྷ་ནེ ཏི་མ་སྨཱ ཨཱུ ཧོ་ཏི, བ་ནྡྷ་སྶ ཝ་དྷཱ་དེ་སོ ཙ. པ་ཉྩ་ཧི ཀཱ་མ་གུ་ཎེ་ཧི ཨ་ཏྟ་ནི ས་ཏྠེ བ་ནྡྷ་ཏཱི་ཏི ཝ་དྷཱུ-སུ་ཎི་སཱ, ཨི་ཏྠཱི་ཙ.
༤. ཛ་མྦཱ་ད་ཡོ.
ཛ་མྦཱུ་ཨཱ་ད་ཡོ ས་དྡཱ་ཨཱུ་པ་ཙྩ་ཡ་ནྟཱ ནི་པ་ཙྩ་ནྟེ, ནི་པཱ་ཏ་ནཾ ཨ་པྤ་ཏྟ་སྶ པཱ་པ་ནཾ པ་ཏྟ་སྶ པ་ཊི་སེ་དྷོ ཙ. ཛ་ནི་སྨཱ ཨཱུ, བུ་ཀཱ་ག་མོ, ‘‘མ་ནཱ་ནཾ ནི་གྒ་ཧཱི་ཏ’’ནྟི (༥.༩༦) ན་སྶ ནི་གྒ་ཧཱི་ཏཾ, ‘‘ཝ་གྒེ ཝ་གྒ་ནྟོ’’ཏི (༡.༤༡) ནི་གྒ་ཧཱི་ཏ་སྶ མོ, ཛཱ་ཡ་ཏི, ཛ་ནཱི་ཡ་ཏཱི ཝཱ ཛ་མྦཱུ=རུ་ཀྑོ. བྷ་མི་སྶ ཨ་མ་ལོ་པོ, བྷ་མ་ཏི ཀ་མྤ་ཏཱི་ཏི བྷཱུ=བྷ་མུ. ཀ་རོ་ཏི་སྨཱ ཨཱུ, ཏ་སྶ ཀ་ནྡྷུ་ཉ ཙ, ‘‘པ་ར་རཱུ་པ་མ་ཡ་ཀཱ་རེ བྱ་ཉྫ་ནེ’’ཏི (༥.༩༥) དྷཱ་ཏྭ་ནྟ་སྶ བྱ་ཉྫ་ན་སྶ པ་ར་རཱུ་པ་ཏྟཾ, རུ་དྷི་རུ་པྤཱ་དཾ ཀ་རོ་ཏཱི་ཏི ཀ་ཀྐ་ནྡྷཱུ=བ་ད་རཱི. ལ་མྦ-ཨ་ཝ་སཾ་ས་ནེ, ཨཱ་པུ་བྦོ, སཾ་ཡོ་གཱ་དི་ལོ་པ་དཱི་གྷ་ར་སྶཱ, ཨཱ་ལ་མྦ་ཏི ཨ་ཝ་སཾ་ས་ཏཱི་ཏི ཨ་ལཱ་བཱུ=ཏུ་མྦི. ས་ར-ག་ཏི ཧིཾ་སཱ་ཙི་ནྟཱ་སུ, ཨཱུ་མྷི ཨ་བྷུ་ཀ ཨ་བུ་ཀ ཙ, ས་ར་ཏི ག་ཙྪ་ཏཱི་ཏི ས་ར་བྷཱུ=ཨེ་ཀཱ མ་ཧཱ་ན་དཱི. ས་ར་ཏི པཱ་ཎེ ཧིཾ་ས་ཏཱི་ཏི ས་ར་བཱུ=ཁུ་དྡ་ཛ་ནྟུ་ཀ་ཝི་སེ་སོ. ཙ་མ་ཨ་ད་ནེ, ཙ་མ་ཏི བྷ་ཀྑ་ཏི ནི་ཝཱ་པ་ནྟི ཙ་མཱུ=སེ་ནཱ. ཏ་ན-ཝི་ཏྠཱ་རེ, ཏ་ནོ་ཏི སཾ་སཱ་ར་དུ་ཀྑ་ནྟི ཏ་ནུ=ས་རཱི་རཾ, ཨེ་ཝ་མ་ཉྙེ་པི པ་ཡོ་ག་ཏོ ད་ཊྛ་བྦཱ.
༥. ཏ་པུ་ས ཝི དྷ ཀུ་ར པུ་ཐ མུ་དཱ ཀུ.
ཏ་པ-ས་ནྟཱ་པེ, ཨུ་ས-དཱ་ཧེ, ཝི་དྷ-ཝེ་དྷ་ནེ, ཀུ་ར-ས་དྡེ, པུ་ཐ པ་ཐ-ཝི་ཏྠཱ་རེ, མུ་ད-ཏོ་སེ, ཨེ་ཏེ་ཧི ཀུ, ཧོ་ཏི. ཀ་ཀཱ་རོ་ནུ་བ་ནྡྷོ ‘‘ན ཏེ ཀཱ་ནུ་བ་ནྡྷ་ནཱ་ག་མེ་སཱུ’’ཏི (༥.༨༥) ཨེ་ཨོ་ན་མ་བྷཱ་ཝ་ཏྠོ. ཏ་པ ཨི་ཏི ནི་དྡེ་ས་ཏོ་ཝ ཨ་སྶ ཨི་ཏྟཾ, ཏཱ་པཱི་ཡ་ཏཱི་ཏི ཏི་པུ=ལོ་ཧ་ཝི་སེ་སོ. ཨུ་ས་ཏི དཱ་ཧཾ ཀ་རོ་ཏཱི་ཏི ཨུ་སུ=ས་རོ. ཝེ་དྷ་ཏི རཾ་སཱི་ཧི ཏི་མི་ར་ནྟི ཝི་དྷུ=ཙ་ནྡོ. ཀུ་ར་ཏི ཀི་ཙྩཱ་ཀི་ཙྩཾ ཝ་ད་ཏཱི་ཏི ཀུ་རུ=རཱ་ཛཱ, ཀུ་ར་ཝོ=ཛ་ན་པ་དོ. པུ་ཐ་ཏི མ་ཧ་ནྠ་བྷཱ་ཝེ་ན པ་ཏྠི་ར་ཏཱི་ཏི པུ་ཐུ=ཝི་ཏྠི་ཎྞོ, མོ་ད་ནཾ, མུ་དཱི་ཡ་ཏཱི་ཏི ཝཱ མུ་དུ=ཨ་ཐ་དྡྷོ.
༦. སི་ནྡྷཱ་ད་ཡོ.
སི་ནྡྷུ ཨཱ་ད་ཡོ ཀུ་པ་ཙྩ་ཡ་ནྟཱ ནི་པ་ཙྩ་ནྟེ. ས་ནྡ-པ་སྶ་ཝ་ནེ, ཨ་སྶ ཨི་ཏྟཾ, དྷོ་ཙཱ་ནྟཱ དེ་སོ ནི་པཱ་ཏ་ནཱ, ས་ནྡ་ཏི པ་སྶ་ཝ་ཏཱི་ཏི སི་ནྡྷུ=ན་དི, ཝ་ཧི་སུ་པ་ནྟ་སྶ དཱི་གྷཱ་དི་བ་ཏྟེ, བཱ་དྷི་སྶ ཝཱ་ནྟ་ཧ་ཏྟེ ཙ, ཝ་ཧ་ནྟྱ་ནེ་ནཱ་ཏི བཱ་ཧུ, བཱ་དྷ་ཏི ཨུ་པ་དྡ་ཝེ ཝཱ་རེ་ཏཱི ཏི ཝཱ བཱ་ཧུ=བྷུ་ཛོ. རཾ་གྷ-ག་མ་ནེ, ནི་གྒ་ཧཱི་ཏ་ལོ་པོ, ར་ངྒྷ་ཏི པ་ཝ་ཏྟ་ཧི རཱ་ཛ་དྷ་མྨེ་ཏི ར་གྷུ=རཱ་ཛཱ. ཝི་ད-ལཱ་བྷེ, ན་ཀཱ་རཱ་ག་མོ, ཝ་སྶ བོ, ཝི་ནྡ་ཏྱ་ནེ་ན ན་ནྡ་ན་ནྟི བི་ནྡུ=ཀ་ཎི་ཀཱ. མ་ན-ཉཱ་ཎེ, ན་སྶ དྷོ, མ་ཉྙ་ཏི ཉཱ་ཡ་ཏི མ་དྷུ་ར་ནྟི མ་དྷུ=མ་དྷུ་ཀ་རཱི་ཧི ཀ་ཏ་མ་དྷུ, ར་པ ལ་པ ཛ་པ ཛ་པྤ-ཝ་ཙ་ནེ, ཨ་སྶ་ཨི་ཏྟཾ, ར་པ་ཏི ཛ་པྤ་ཏི མ་ནྟ་ནྟཱི རི་པུ=པ་ཙྩཱ་མི་ཏྟོ. ས་ས-ག་ཏི ཧིཾ སཱ་པཱ་ཎ་ནེ་སུ, ཨ་སྶ ཨུ་ཏྟཾ, ས་ས་ཏི ཛཱི་ཝ་ཏཱི་ཏི སུ་སུ=ཡུ་ཝཱ. ཨ་ར ག་མ་ནེ, ཨ་སྶ་ཨུ་ཏྟ མཱུ་ཏྟ་ཉྩ, ཨ་ར་ཏི མ་ཧ་ནྟ་བྷཱ་ཝཾ ག་ཙྪ་ཏཱི་ཏི ཨུ་རུ=མ་ཧཱ, ཨ་ར་ཏི་ནེ་ནཱ་ཏི ཨཱུ་རུ-ས་ཏྠི. ཁ་ཎ-ཨ་ཝ་དཱ་ར་ཎེ, ཨཱ པུ་བྦོ ཨ་ན་ལོ་པོ, ཨཱ་ཁ་ན་ཏཱི་ཏི ཨཱ་ཁུ=ཨུ་ནྡཱུ་རོ. ཏ་ར་ཏ་ར་ཎེ, ཏ་སྶ ཐོ, ཏ་ར་ཏཱི་ཏི ཐ་རུ=ཁ་གྒཱ་ཝ་ཡ་ཝོ. ལཾ་གྷ-ག་ཏི སོ་ས་ནེ་སུ གྷ་སྶ ཝཱ ཧ་ཏྟཾ, ནི་གྒ་ཧཱི་ཏ་ལོ་པོ ཙ, ལ་ངྒྷ་ཏི པ་ཝ་ཏྟ་ཏི ལ་གྷུ་བྷཱ་ཝེ་ནཱ་ཏི ལ་གྷུ ལ་ཧཱུ ཨེ་ཀ་ཏྠཱ, (བྷཾ་ཛ-ཨོ་མ་དྡ་ནེ, པ-པུ་བྦོ, ཛ་སྶ ག་ཏྟཾ, པ་བྷ་ཉྫ་ཏི ཝི་སེ་སེ་ནཱ་ཏི པ་བྷ་ངྒུ=བྷ་ངྒུ་རོ.) ཋཱ-ག་ཏི་ནི་ཝ་ཏྟི་ཡཾ, སུ་པུ་བྦོ, ཋཱ་ཏི པ་ཝ་ཏྟ་ཏི སུ་ནྡ་ར་བྷཱ་ཝེ་ནཱ་ཏི སུ་ཊྛུ=སོ་བྷ་ནཾ, དུ་པུ་བྦོ ཋཱ་ཏི པ་ཝ་ཏྟ་ཏི ཨ་སུ་ནྡ་ར་བྷཱ་ཝེ་ནཱ་ཏི དུ་ཊྛུ=ཨ་སོ་བྷ་ནཾ. ཨེ་ཝ་མ་ཉྙེ་པི ཝི་ཉྙེ་ཡྻཱ.
༧. ཨི.
ཀྲི་ཡ་ཏྠཱ བ་ཧུ་ལཾ ཨི ཧོ་ཏི, ཨ་བྷ-ཁེ་པ་ནེ, ཨ་སཱི་ཡ་ཏི ཁི་པཱི་ཡ་ཏཱི་ཏི ཨ་སི=ཁ་གྒོ. ཀ་ས-ཝི་ལེ་ཁ་ནེ, ཀ་སཱི་ཡ་ཏེ ཀ་སི=ཀ་ས་ནཾ. མ་ས-ཨཱ་མ་ས་ནེ, མ་སཱི་ཡ་ཏཱི་ཏི མ་སི=མེ་ལཱ༹. ཀུ-ས་དྡེ ཨོ ཨ་ཝཱ་དེ་སཱ, ཀ་ཝ་ཏི ཀ་ཐེ་བྷཱི་ཏི ཀ་ཝི=ཀ་བྦ་ཀཱ་རོ. རུ་ས་དྡེ, ར་ཝ་ཏི ག་ཛྫ་ཏཱི་ཏི ར་ཝི=ཨཱ་དི་ཙྩོ. ས་པྤ-ག་མ་ནེ, ས་པྤ་ཏི པ་ཝ་ཏྟ་ཏཱི་ཏི ས་པྤི=གྷ་ཏཾ. ག་ནྠ-ག་ནྠ་ནེ, ‘‘ཏ ཐ ན རཱ་ནཾ ཊ ཋ ཎ་ལཱ’’ཏི (༡.༢༥) ན་ཐཱ་ནཾ ཎ་ཋཱ, ག་ནྠེ་ཏཱི་ཏི ག་ཎྛི=པ་བྦོ, ག་ཎྛི་ཙ. རཱ་ཛ-དི་ཏྟི་ཡཾ, རཱ་ཛ་ཏི པ་ཝ་ཏྟ་ཏཱི་ཏི རཱ་ཛི=པཱ་ལི༹. ཀ་ལ-ས་ངྑྱཱ་ནེ, ཀ་ལཱི་ཡ་ཏི པ་རི་མཱི་ཡ་ཏཱི་ཏི ཀ་ལི=པཱ་པཾ. བ་ལ-པཱ་ཎ་ནེ, བ་ལ་ནྟི ཛཱི་ཝ་ནྟི ཨ་ནེ་ནཱ་ཏི བ་ལི=ཀ་རོ. དྷ་ན-ས་དྡེ, དྷ་ན་ཏི ན་ད་ཏཱི་ཏི དྷ་ནི=ས་དྡོ. ཨ་ཙྩ ཨ་ཉྩ-པཱུ་ཛཱ་ཡཾ, ཨ་ཙྩཱི་ཡ་ཏི པཱུ་ཛཱི་ཡ་ཏཱི་ཏི ཨ་ཙྩི=ཛཱ་ལཱ. ཝ་ལ ཝ་ལླ-སཾ་ཝ་ར་ཎེ, ཝ་ལ་ནཾ སཾ་ཀོ་ཙ་ནཾ ཝ་ལི=ཨུ་ད་རཱ་དཱི་སུ པ་ལི, ཝ་ལླཱི་ཡ་ནྟི སཾ་ཝ་རཱི་ཡ་ནྟི ས་ཏྟཱ ཨེ་ཏཱ་ཡཱ་ཏི ཝ་ལླི=ལ་ཏཱ. ཝི་མྷི ཝ་ལཱི ཝ་ལླཱི་ཏི་པི ཧོ་ཏི, སོ་ཡེ་ཝ་ཏྠོ, ཨེ་ཝ་མ་ཉྙེ་པི.
༨. ད་ཛྷཱ་ད་ཡོ.
ད་དྷི་ཨཱ་ད་ཡོ ས་དྡཱ ཨི་པ་ཙྩ་ཡ་ནྟཱ ནི་པ་ཙྩ་ནྟེ. དྷཱ-དྷཱ་ར་ཎེ, དྭི་བྷཱ་ཝོ ནི་པཱ་ཏ་ནཱ, གྷ་ཏ་མཱ་ད་དྷཱ་ཏཱི་ཏི ད་དྷི=གོ་ར ས་ཝི་སེ་སོ. ཨཾ་ཧ-ག་མ་ནེ, ནི་གྒ་ཧཱི་ཏ་ལོ་པོ, ཨཾ་ཧ་ཏི ག་ཙྪ་ཏཱི་ཏི ཨ་ཧི=ས་པྤོ. ཀ་མྤ ཙ་ལ་ནེ, སཾ་ཡོ་གཱ་དི་ལོ་པོ, ཀ་མྤ་ཏི ཙ་ལ་ཏཱི་ཏི ཀ་པི=ཝཱ་ན་རོ. མ་ན-ཉཱ་ཎེ, ཨ་སྶ ཨུ་ཏྟཾ, མ་ན་ཏི ཛཱ་ནཱ་ཏཱི་ཏི མུ་ནི=ས་མ་ཎོ. ན་སྶ ཎ་ཏྟཾ, མ་ན་ཏི མ་ཧ་གྒྷ་བྷཱ་ཝཾ ག་ཙྪ་ཏཱི་ཏཱི མ་ཎི=ར་ཏ་ནཾ. ཨི་ཀྑ ཙ་ཀྑ-ད་སྶ་ནེ, ཨི་སྶ ཨ་ཏྟཾ ཨི་ཀྑ་ཏི ཨ་ནེ་ནཱ་ཏི ཨ་ཀྑི=ན་ཡ་ནཾ. ཀ་མ་པ་ཝི་ཀྑེ་པེ, ཨ་སྶ ཨི་ཏྟཾ, ཀ་མ་ཏི ཡཱ་ཏཱི་ཏི ཀི་མི=ཁུ་དྡ་ཛ་ནྟུ་ཀ་ཝི་སེ་སོ. ཏ་ར ཏ་ར་ཎེ, ཏི་ཏྟི་རཱ་དེ་སོ, ཏུ་རི་ཏོ ཏ་ར་ཏི ཡཱ་ཏཱི་ཏི ཏི་ཏྟི་རི=པ་ཀྑི་ཝི་སེ་སོ. ཀཱི་ལ༹-ཝི་ཧཱ་རེ, ཨཱི་སྶ ཨེ་ཏྟཾ, ཀཱི་ལ༹་ནཾ ཀེ་ལི༹=ཀཱི་ལཱ༹. ཨུ་སི་སྨཱ ཨི་སྶ ཁ་ལུ་ཉ, ཨུ་ས་ཏི ད་ཧ་ཏཱི ཨུ་ཀྑ་ལི=བྷཱ་ཛ་ནཾ, ཨེ་ཝ་མ་ཉྙེ་པི.
༩. ཡུ་ཝ་ཎྞུ་པ་ནྟཱ ཀི.
ཨི་ཝ་ཎྞུ་པ་ནྟེ་ཧི ཙ ཨུ་ཝ་ཎྞུ་པ་ནྟེ་ཧི ཙ ཀྲི་ཡ་ཏྠེ་ཧི བ་ཧུ་ལཾ ཀི ཧོ་ཏི. ཀ་ཀཱ་རོ-ནུ་བ་ནྡྷོ, ཨི་ས སི་ས-ཨི་ཙྪཱ་ཡཾ, སི་ཝཾ ཨི་ཙྪ་ཏཱི་ཏི ཨི་སི=ཏ་པ་སྶཱི. གི་ར-ནི་གི་ར་ཎེ, གི་ར་ཏི པ་ས་ཝ་ཏི ཚ་ཝི་མཾ་ས་སཱ་ར་བྷཱུ་ཏཾ བྷེ་ས་ཛྫཱ་དི་ནྟི གི་རི=སེ་ལོ. སུ་ཙ-སོ་ཙ་ནེ. སོ་ཙ་ནཾ སུ་ཙི=སོ་ཙེ་ཡྻཾ, རུ་ཙ-ཨ་བྷི་ལཱ་སེ རུ་ཙ་ནྟི ཨེ་ཏཱ་ཡཱ་ཏི རུ་ཙི=ཨཱ་བྷི་ལཱ་སོ, ཨེ་ཝ་མ་ཉྙེ་པི.
༡༠. ཝ་པ ཝ་ར ཝ་ས ར་ས ན་བྷ ཧ་ར ཧ་ན པ་ཎཱ ཨི་ཎ.
ཝ་པ-བཱི་ཛ་ནི་ཀྑེ་པེ, ཝ་ར-ཝ་ར་ཎ་ས་མྦྷ་ཏྟཱི་སུ, ཝ་ས-ནི་ཝཱ་སེ, ར་ས-ཨ་སྶཱ་ད་ནེ, ན་བྷ-ཧིཾ་སཱ་ཡཾ, ཧ་ར ཧ་ར་ཎེ, ཧ་ན ཧིཾ་སཱ་ཡཾ, པ་ཎ-བྱ་ཝ་ཧཱ་ར་ཐུ་ཏི་སུ, ཨེ་ཏེ་ཧི ཨི་ཎ ཧོ་ཏི. ཝ་པ་ནྟི ཨེ་ཏཱ་ཡཱ་ཏི ཝཱ་པི=ཛ་ལཱ་ས་ཡོ. ཝཱ་རེ་ནྟི ཨེ་ཏེ་ནཱ་ཏི ཝཱ་རི=ཛ་ལཾ. ཝ་ས་ནྟི ཨེ་ཏཱ་ཡཱ་ཏི ཝཱ་སི=ཏ་ཙྪ་ཀ བྷ་ཎྜཾ. ར་སཱི་ཡ་ཏི ཨ་སྶཱ་ད་ན་ཝ་སེ་ན ས་མོ ས་རཱི་ཡ་ཏཱི་ཏི རཱ་སི=ས་མཱུ་ཧོ. ན་བྷ་ཏི ཧིཾ་ས་ཏཱི་ཏི ནཱ་བྷི=ས་རཱི་རཱ་ཝ་ཡ་ཝོ. ཧཱ་རེ་ཏཱི་ཏི ཧཱ་རི=མ་ནུ་ཉྙཾ. ‘‘ཧ་ན་སྶ གྷཱ་ཏོ ཎཱ་ནུ་བ་ནྡྷེ’’ (༥.༩༩) ཏི ཧ་ན་སྶ གྷཱ་ཏོ, ཧ་ན་ནྟི ཨེ་ཏེ་ནཱ་ཏི གྷཱ་ཏི=པ་ཧ་ར་ཎཾ, པ་ཎ་ཏི ཝོ་ཧ་ར་ཏཱི་ཏི པཱ་ཎི, པ་ཎ་ཏི ཝོ་ཧ་ར་ཏི ཨེ་ཏེ་ནཱ་ཏི ཝཱ པཱ་ཎི=ཀ་རོ.
༡༡. བྷཱུ་ག་མཱ ཨཱི་ཎ.
བྷཱུ-ས་ཏྟཱ་ཡཾ, ཨ་མ ག་མ-ག་མ་ནེ ཨེ་ཏེ་ཧི ཨཱི་ཎ ཧོ་ཏི བྷ་ཝི་སྶ་ཏི ཀཱ་ལེ. བྷ་ཝི་སྶ་ཏཱི་ཏི བྷཱ་ཝཱི=བྷ་ཝི་སྶ་མཱ་ནོ. ག་མི་སྶ་ཏཱི་ཏི གཱ་མཱི=ག་མི་སྶཱ་མཱ་ནོ.
༡༢. ཏ་ནྡ་ལ་ཀྑཱ ཨཱི.
ཏ་ནྡ-ཨཱ་ལ་སི་ཡེ, ལ་ཀྑ-ད་སྶ་ན་ངྐེ་སུ, ཨེ་ཏེ་ཧི ཨཱི ཧོ་ཏི. ཏ་ནྡ་ནཾ ཏ་ནྡཱི=ཨཱ་ལ་སྱཾ, ལ་ཀྑཱི་ཡ་ནྟི ས་ཏྟཱ ཨེ་ཏཱ་ཡཱ་ཏི ལ་ཀྑཱི=སི་རཱི.
༡༣. ག་མཱ རོ.
ག་མི་སྨཱ རོ ཧོ་ཏི. ‘‘རཱ་ནུ་བ་ནྡྷེ་ནྟ་ས་རཱ་དི་སྶཱ’’ཏི (༤.༡༣༢) ཨ་མ་ལོ་པོ, ག་ཙྪ་ཏཱི་ཏི གོ=པ་སུ.
(ཨི་ཏི ས་ར་པ་ཙྩ་ཡ་ཝི་དྷཱ་ནཾ).
༡༤. ཨི བྷཱི ཀཱ ཀ་རཱ་ར ཝ་ཀ ས་ཀ ཝཱ་ཧི ཀོ.
ཨི-ཨ་ཛ྄ཛྷེ་ན ག་ཏཱི་སུ, བྷཱི-བྷ་ཡེ, ཀཱ གཱ-ས་དྡེ, ཀ་ར-ཀ་ར་ཎེ, ཨ་ར-ག་མ་ནེ, ཀུ་ཀ ཝ་ཀ-ཨཱ་དཱ་ནེ, ས་ཀ-ས་ཏྟི་ཡཾ, ཝཱ-ག་ཏི་བ་ནྡྷ་ནེ་སུ, ཨེ་ཏེ་ཧི ཀ་པ་ཙྩ་ཡོ ཧོ་ཏི. ཨེ་ཏི པ་ཝ་ཏྟ་ཏཱི་ཏི ཨེ་ཏོ=ཨ་ས་ཧཱ་ཡོ. བྷཱ་ཡ་ནྟི ཨེ་ཏ་སྨཱ་ཏི བྷེ་ཀོ=མ་ཎྜཱུ་ཀོ. ཀཱ་ཡ་ཏི ས་དྡཾ ཀ་རོ་ཏཱི་ཏི ཀཱ་ཀོ=ཝཱ་ཡ་སོ. ཀ་རོ་ཏི ཝ་ཎྞ་ཀ་ནྟི ཀ་ཀྐོ=ཝ་ཎྞ་ཝི་སེ་སོ, པི་སི་ཏ་ད་བྦ་ཉྩ. ཨ་ར་ཏི ཡཱ་ཏཱི་ཏི ཨ་ཀྐོ=སཱུ་རོ, ཝི་ཊ་པི་ཝི་སེ་སོ ཙ. ཝ་ཀ་ཏི ཨོ་ད་ནཾ ཨཱ་ད་དཱ་ཏཱི་ཏི ཝ་ཀྐཾ=དེ་ཧ་ཀོ་ཊྛཱ་ས་ཝི་སེ་སོ, ས་ཀྐ་ཏཱི་ཏི ས་ཀྐོ-དེ་ཝི་ནྡོ, ས་མ་ཏྠོ ཙ. ཝཱ་ཏི བ་ནྡྷ་ཏི ཨེ་ཏེ་ནཱ་ཏི ཝཱ་ཀོ=ཝ་ཀྐ་ལཾ.
༡༥. ཉུ་ཀཱ་ད་ཡོ.
ཉུ་ཀཱ་ད་ཡོ ཀ་པ་ཙྩ་ཡ་ནྟཱ ནི་པ་ཙྩ་ནྟེ. ཨཱུ་ཧ-ཝི་ཏ་ཀྐེ, ཧ་ལོ་པོ ནི་པཱ་ཏ་ནཱ ཨཱུ་ཧཱི་ཡ་ཏི ཝི་ཙི་ནཱི་ཡ་ཏཱི་ཏི ཨཱུ་ཀཱ-ཨོ་ཀོ་ད་ནཱི. ཨུ་ནྡ ཀི་ལེ་ད་ནེ, སཾ་ཡོ་གཱ་དི ལོ་པོ, ཨ་ཀ ཙ. ཨུ་ནྡ་ཏི དྲ་ཝཾ ཀ་རོ་ཏཱི་ཏི ཨུ་ད་ཀཾ=ཛ་ལཾ. བྷཱི-བྷ་ཡེ, ཨེ་ཏྟཱ་བྷཱ་ཝོ, བྷཱ་ཡ་ནྟི ཨེ་ཏ་སྨཱ་ཏི བྷཱི་ཀོ=བྷཱི་རུ. ས་ཀ-ས་ཏྟི་ཡཾ, ཨུ་པ་ནྟ་སྶི, ས་ཀྐོ་ཏི དྷཱ་རེ་ཏུ་ནྟི སི་ཀྐཱ=ཨུ་པ་ཀ་ར་ཎ་ཝི་སེ་སོ. ཧཱ-ཙཱ་གེ, ཧཱི་ཡ་ཏི སཱ་དྷཱུ་ཧི ཛ་ཧཱི་ཡ་ཏཱི་ཏི ཧཱ་ཀོ=ཀོ་དྷོ. ས་མྦ-མ་ཎྜ་ནེ, ཀ་སྶ ཨུ་ཉ, ས་མྦ་ཏི ཨུ་ད་ཀཾ མ་ཎྜེ་ཏཱི་ཏི ས་མྦུ་ཀོ=ཛ་ལ་ཛ་ནྟུ་ཝི་སེ་བྷོ. པུ་ཐ པ་ཐ-ཝི་ཏྠཱ་རེ, ཨོ་ཏྟཱ་བྷཱ་ཝོ, ཀ་སྶ ཨུ་ཉ, པུ་ཐ་ཏི པ་ཏྠ་ར་ཏི ཨ་ཏྟ་ནོ བཱ་ལ་བྷཱ་ཝ་ནྟི པུ་ཐུ་ཀོ=བཱ་ལོ. སུ་ཙ-སོ་ཀེ, སོ་ཙ་ནྟི ཨེ་ཏེ་ནཱ་ཏི སུ་ཀྐཾ=ས་མྦྷ་ཝོ, སེ་ཏ་ཉྩ. ཙི-ཙ་ཡེ, ཨུ་པ་པུ་བྦོ, ཨེ་ཏྟཱ་བྷཱ་ཝོ, ཨུ་པ་ཙི་ན་ནྟཱི་ཏི ཨུ་པ་ཙི་ཀཱ=ཝ་མྨི་ཀ ཀཱ་རཱ. ཀ་མྤ-ཙ་ལ་ནེ, ཀ་མྤི་སྶ པཾ, ཀ་མྤ་ཏི ཙ་ལ་ཏཱི་ཏི པ་ངྐོ=ཀ་དྡ་མོ. ཨུ་ས-དཱ་ཧེ, ཨུ་ས་ཏཱི་ཏི ཨུ་ཀྐཱ=ཛཱ་ལཱ. ཀ་སྶ མུ་ཉ, ཨུ་ས་ཏི ད་ཧ་ཏཱི་བྷི ཨུ་མྨུ་ཀཾ=ཨ་ལཱ་ཏཾ. ཝ་མ-ཨུ་གྒི་ར་ཎེ, ཀ་སྶ མི་ཉ, ཝ་མཱི་ཡ་ཏཱི་ཏི ཝ་མྨི་ཀོ=ཨུ་པ་ཙི་ཀཱ་ཀ་ཏོ ཙ་ཡོ, མ་ས-ཨཱ་མ་ས་ནེ, ས་སྶ ཏྠ་ང, མ་སཱི་ཡ་ཏི པེ་མེ་ནཱ་ཏི མ་ཏྠ་ཀཾ=སཱི་སཾ, ཨེ་ཝ་མ་ཉྙེ་པི.
༡༦. བྷཱི་ཏྭཱ ན་ཀོ.
བྷཱི-བྷ་ཡེ ཏཱི་མ་སྨཱ ཨཱ་ན་ཀོ ཧོ་ཏི. བྷཱ་ཡ་ནྟི ཨེ་ཏ་སྨཱ་ཀི བྷ་ཡཱ་ན་ཀོ=བྷ་ཡ་ཛ་ན་ཀོ.
༡༧. སི་ངྒྷཱ ཨཱ་ཎི་ཀཱ་ཊ་ཀཱ.
སི་ངྒྷ-གྷཱ་ཡ་ནེ་ཏཱི་མ་སྨཱ ཨཱ་ཎི་ཀ ཨཱ་ཊ་ཀཱ ཧོ་ནྟི. ‘‘ཨི་ཏྠི་ཡ་མ་ཏྭཱ’’ཏི ༩༣.༢༦༠ ཨཱ, སི་ངྒྷ་ཡ་ཏི པ་སྶ་ཝ་ཏཱི་ཏི སི་ངྒྷཱ་ཎི་ཀཱ=ནཱ་སཱ་སྶ་ཝོ. སི་ངྒྷ་ཏི ཨེ་ཀཱི་བྷཱ་ཝཾ ཡཱ་ཏཱི་ཏི སི་ངྒྷཱ་ཊ་ཀཾ=ཝཱི་ཐི་ཙ་ཏུ་ཀྐཾ.
༡༨. ཀ་རཱ་དི་ཏྭ་ཀོ.
ཀ་ར-ཀ་ར་ཎེ, ས་ར-ག་ཏི་ཧིཾ་སཱ་ཙི་ནྟཱ་སུ, ན་ར-ན་ཡེ, ཏ་ར་ཏ་ར་ཎེ, ཝ་ར-ཝ་ར་ཎ ས་མྦྷ་ཏྟཱི་སུ, ཛ་ན-ཛ་ན་ནེ, ཀ་ར-དི་ཏྟི ག་ཏི་ཀ་ནྟཱི་སུ, ཀ་ཊ-མ་ནྡ་ནེ, ཀུ་ར-ས་དྡེ, ཐུ-ཨ་བྷི་ཏྠ་ཝེ, ཨེ་ཝ་མཱ་དཱི་ཧི ཨ་ཀོ ཧོ་ཏི. ཀ་རཱི་ཡ་ཏཱི་ཏི ཀ་ར་ཀོ=ཀ་མ་ཎྜ་ལུ. ཀ་རོ་ཏཱི་ཏི ཀ་ར་ཀཱ=ཝ་སྶོ་པ་ལཱ. ས་ར་ཏི ཨུ་ད་ཀ་མེ་ཏྠཱ་ཏི ས་ར་ཀོ=པཱ་ན་བྷཱ་ཛ་ནཾ. ན་ར་ནྟི པཱ་པུ་ཎ་ནྟི ས་ཏྟཱ ཨེ་ཏྠཱ་ཏི ན་ར་ཀོ=ནི་ར་ཡོ. ཏ་ར་ནྟྱ་ནེ་ནཱ་ཏི ཏ་ར་ཀོ=ཏ་ར་ཎཾ. ཝཱ་རེ་ཏཱི་ཏི་ཝ་ར་ཀོ=ཝ་ར་ཎོ, དྷ་ཉྙ་ཝི་སེ་སོ ཙ. ཛ་ནེ་ཏཱི་ཏི ཛ་ན་ཀོ=པི་ཏཱ. ཀ་ན་ཏི དི་བྦ་ཏཱི་ཏི ཀ་ན་ཀཾ=སུ་ཝ་ཎྞཾ. ཀ་ཊ་ཏི མ་དྡ་ཏི རི་པ་ཝོ་ཏི ཀ་ཊ་ཀཾ=ན་ག་རཾ. ཀུ་ར་ཏཱི་ཏི ཀོ་ར་ཀོ=ཀ་ལི་ཀཱ. ཐ་ཝཱི་ཡ་ཏཱི་ཏི ཐ་ཝ་ཀོ-གུ་ཙྪོ.
༡༩. བ་ལ པ་ཏེ་ཧྱཱ་ཀོ.
བ་ལ-པཱ་ཎ་ནེ, པ་ཏ པ་ཐ-ག་མ་ནེ, ཨེ་ཏེ་ཧི ཨཱ་ཀོ ཧོ་ཏི. བ་ལ་ཏི ཛཱི་ཝ་ཏཱི་ཏི བ་ལཱ་ཀཱ=པ་ཀྑི་ཝི་སེ་སོ. པ་ཏ་ཏི ཡཱ་ཏཱི་ཏི པ་ཏཱ་ཀཱ=དྷ་ཛོ.
༢༠. སཱ་མཱ་ཀཱ་ད་ཡོ.
སཱ་མཱ་ཀ་ཨཱ་ད་ཡོ ཨཱ་ཀ་ནྟཱ ནི་པ་ཙྩ་ནྟེ. སཱ-ཏ་ནུ ཀ་ར་ཎཱ་ཝ་སཱ་ནེ་སུ, སཱ་སྶ མུ་ཀ, སཱ་ཏི དེ་ཧཾ ཏ ནུཾ ཀ་རོ་ཏཱི་ཏི སཱ་མཱ་ཀོ=ཏི་ཎ་དྷ་ཉྙཾ. པཱ-པཱ་ནེ, ཨི་ན་ང, པི་ཝ་ཏི ར་ཏྟ་ནྟི པི་ནཱ་ཀོ=མ་ཧི་སྶ་ར་དྷ་ནུ. གུ-ས་དྡེ, ‘‘ཡུ་ཝ་ཎྞཱ་ན མི་ཡ་ངུ་ཝ་ང ས་རེ’’ཏི (༥.༡༣༦) ཨུ་ཝ་ང, ག་ཝ་ཏི ན་ད་ཏི ཨེ་ཏེ་ནཱ་ཏི གུ་ཝ་ཀོ=པཱུ་ག་ཕ་ལཾ. ཨ་ཊ པ་ཊ-ག་མ་ན་ཏྠཱ, པ་ཊ་ཏི ཡཱ་ཏཱི་ཏི པ་ཊཱ་ཀཱ=ཝེ་ཛ་ཡ་ནྟཱི. ས་ལ པི་ལ པ་ལ ཧུ་ལ-ག་མ་ན་ཏྠཱ, ས་ལ་ཏི ཡཱ་ཏཱི་ཏི ས་ལཱ་ཀཱ=ཝེ་ཛྫོ་པ་ཀ་ར་ཎ་ད་བྦཾ. ཝི་ད-ཉཱ་ཎེ, ཝི་ད་ཏི ཛཱ་ནཱ་ཏཱི་ཏི ཝི་དཱ་ཀོ=ཝི་དྭཱ. པ་ཎ་བྱ་ཝ་ཧཱ་ར་ཐུ་ཏཱི་སུ ཨ་སྶ ཨི་ཏྟཾ, ཨཱུ་ཀ ཙ, པ་ཎཱི་ཡ་ཏི ཝོ་ཧ་རཱི་ཡ་ཏཱི་ཏི པི་ཉྙཱ་ཀོ=ཏི་ལ་ཀ་ཀྐོ, ཨེ་ཝ་མ་ཉྙེ་པི.
༢༡. ཝི་ཙྪཱ་ལ་ག་མ་མུ་སཱ ཀི་ཀོ.
ཝི་ཙྪཱ-ག་མ་ནེ, ཨ་ལ=བ་ནྡྷ་ནེ, ཨ་མ ག་མ-ག་མ་ནེ, མུ་ས-ཐེ་ཡྻེ, ཨེ་ཏེ་ཧི ཀི་ཀོ ཧོ་ཏི. ཝི་ཙྪ་ཏི ཡཱ་ཏཱི་ཏི ཝི་ཙྪི་ཀོ=ཀཱི་ཊོ. ཨ་ལ་ཏི བ་ནྡྷ་ཏི ཨེ་ཏེ་ནཱ་ཏི ཨ་ལི་ཀཾ=ཨ་ས་ཙྩཾ. ག་ཙྪ་ཏཱི་ཏི ག་མི་ཀོ=ག་ནྟཱ. མུ་སཱ་ཏི ནི་དྡེ་སཱ དཱི་གྷོ, མུ་ས་ཏི ཐེ་ནེ་ཏཱི་ཏི མཱུ་སི་ཀོ=ཨུ་ནྡཱུ་རོ.
༢༢. ཀིཾ་ཀ་ཎི་ཀཱ་ད་ཡོ.
ཀིཾ་ཀ་ཎི་ཀཱ་ད་ཡོ ས་དྡཱ ཀི་ཀ་ནྟཱ ནི་པ་ཙྩ་ནྟེ. ཀ་ཎ་ཨི་ཏི ད་ཎྜ་ཀོ དྷཱ་ཏུ ས་དྡ་ཏྠོ, ཀ་སྶ དྭི་ཏྟཾ, ཨ་སྶ ཨི་ཏྟཾ, ནི་གྒ་ཧཱི་ཏཱ་ག་མོ ཙ, ཀ་ཎ་ཏི ས་དྡཾ ཀ་རོ་ཏཱི ཀིཾ་ཀ་ཎི་ཀཱ=གྷ་ཎྜི་ཀཱ. མུ་ད-ཏོ་སེ, ད་སྶ དྭི་ཏྟཾ, མུ་ད་ནྟི ཨེ་ཏ་མ་ཡཱ་ཏི མུ་དྡི་ཀཱ=ཨ་ངྒུ་ལི་ཡཱ་ཝེ་ཊྛ་ནཾ, ཕ་ལ་ཝི་སེ་སོ ཨ. མ་ཧཱི་ཡ་ཏི པཱུ་ཛཱི་ཡ་ཏཱི་ཏི མ་ཧི་ཀཱ=ཧི་མཾ. ཀ་ལ-ས་ངྑྱཱ་ནེ, ཀ་ལཱི་ཡ་ཏི པ་རི་མཱི་ཏ་ཡ་ཏཱི་ཏི ཀ་ལི་ཀཱ=ཀོ་ར་ཀོ. ས་པྤ-ག་མ་ནེ, ཨ་སྶ ཨི་ཏྟཾ. ས་པྤ་ཏི ག་ཙྪ་ཏཱི་ཏི སི་པྤི་ཀཱ=ཛ་ལ་ཛ་ནྟུ་ཝི་སེ་སོ, ཨེ་ཝ་མ་ཉྙེ་པི.
༢༣. ཨི་སཱ ཀཱི་ཀོ.
ཨི་ས སིཾ་ས-ཨི་ཙྪཱ་ཡཾ, ཨི་ཙྩ་སྨཱ ཀཱི་ཀོ ཧོ་ཏི. ཨི་ཙྪཱི་ཡ་ཏཱི་ཏི ཨི་སཱི་ཀཱ=ཏཱུ་ལ་ནི་སྶ་ཡོ.
༢༤. ཀ་མ་པ་དཱ ཎུ་ཀོ.
ཀ་མ-ཨི་ཙྪཱ་ཡཾ, པ་ད-ག་མ་ནེ, ཨེ་ཏེ་ཧི ཎུ་ཀོ ཧོ་ཏི. ‘‘ཎི་ཎཱ་པཱི་ན’’ནྟི (༥.༡༦༠) ཡོ་ག་ཝི་བྷཱ་གཱ ཎི་ལོ་པོ. ཀཱ་མེ་ཏཱི་ཏི ཀཱ་མུ་ཀོ=ཀཱ་མ་ཡི་ཏཱ. པ་ཛྫ་ཏི ཡཱ་ཏི ཨེ་ཏཱ་ཡཱ་ཏི པཱ་དུ་ཀཱ=པཱ་དོ་པ་ཀ་ར་ཎཾ.
༢༥. མ་ཎྜ་ས་ལཱ ཎཱུ་ཀོ.
མ་ཎྜ-བྷཱུ་ས་ནེ, ས་ལ-ག་མ་ན་ཏྠོ ད་ཎྜ་ཀོ དྷཱ་ཏུ, ཨེ་ཏེ་ཧི ཎཱུ་ཀོ ཧོ་ཏི. མ་ཎྜེ་ཏི ཛ་ལཾ བྷཱུ་སེ་ཏཱི་ཏི མ་ཎྜཱུ་ཀོ=བྷེ་ཀོ, ས་ལ་ཏི གོ་ཙ་ར་ཏྟ མུ་པ་ཡཱ་ཏཱི་ཏི སཱ་ལཱུ་ཀཾ=ཨུ་པྤ་ལ་ཀ་ཎྜོ.
༢༦. ཨུ་ལཱུ་ཀཱ་ད་ཡོ.
ཨུ་ལཱུ་ཀཱ་ད་ཡོ ས་དྡཱ ཎཱུ་ཀ་ནྟཱ ནི་པ་ཙྩ་ནྟེ. ཨུ་ལ-ག་ཝེ་ས་ནེ, ཨོ་ཏྟཱ་བྷཱ་ཝོ ནི་པཱ་ཏ་ནཱ, ཨུ་ལ་ཏི ག་ཝེ་ས་ཏཱི་ཏི ཨུ་ལཱུ་ཀོ=ཀོ་སི་ཡོ. མ་ན=ཉཱ་ཎེ, ན་སྶ དྷ་ཏྟཾ, མ་ཉྙ་ཏཱི་ཏི མ་དྷཱུ་ཀོ=རུ་ཀྑོ. ཛ་ལ-དི་ཏྟི་ཡཾ, ཛ་ལ་ཏཱི་ཏི ཛ་ལཱུ་ཀཱ=ལོ་ཧི་ཏ་པོ, ཨེ་ཝ་མ་ཉྙེ་པི.
༢༧. ཀ་སཱ ས་ཀོ.
ཀ་ས-ཝི་ལེ་ཁ་ནེ་ཏཱི་མ་སྨཱ ས་ཀོ ཧོ་ཏི. ཀ་ས་ཏཱི་ཏི ཀ་སྶ་ཀོ=ཀ་སི་ཀ་མྨ་ཀཱ་རོ.
༢༨. ཀ་རཱ ཏི་ཀོ.
ཀ་རོ་ཏི་སྨཱ ཏི་ཀོ ཧོ་ཏི. ཀ་རོ་ནྟི ཀཱི་ལ༹ཾ ཨེ་ཏྠཱ་ཏི ཀ་ཏྟི་ཀོ=བཱ་ཧུ་ལོ.
༢༩. ཨི་སཱ ཋ་ཀ་ན.
ཨི་ས སིཾ་ས-ཨི་ཙྪཱ་ཡཾ, ཨི་ཙྩ་སྨཱ ཋ་ཀ་ན ཧོ་ཏི. ཨི་ཙྪཱི་ཡ་ཏཱི་ཏི ཨི་ཊྛ་ཀཱ=མ་ཏྟི་ཀཱ་ཝི་ཀཱ་རོ.
༣༠. ས་མཱ ཁོ.
ས་མ-ཨུ་པ་ས་མ་ཁེ་དེ་སུ, ཨེ་ཏ་སྨཱ ཁོ ཧོ་ཏི. ས་མེ་ཏི ཨུ་པ་ས་མེ་ཏཱི་ཏི ས་ངྑོ=ཀ་མྦུ.
༣༡. མུ་ཁཱ ད་ཡོ.
མུ་ཁ ཨཱ་ད་ཡོ ཁ་ནྟཱ ནི་པ་ཙྩ་ནྟེ. མུ-བ་ནྡྷ་ནེ, ཨོ་ཏྟཱ་བྷཱ་ཝོ ནི་པཱ་ཏ་ནཱ, མུ་ན་ནྟི བ་ནྡྷ་ནྟི ཨེ་ཏེ་ནཱ་ཏི མུ་ཁཾ=ལ་པ་ནཾ. སི-སེ་ཝཱ་ཡཾ, ཨེ་ཏྟཱ བྷཱ་ཝོ ནི་པཱ་ཏ་ནཱ, ས་ཡ་ནྟི ཨེ་ཏྠ ཨཱུ་ཀཱ ཀུ་སུ་མ-ད་ཡོ ཙཱ་ཏི སི་ཁཱ=ཙཱུ་ལཱ༹. ཝི་པུ་བྦ་སྶ སི་སྶ, ཝི་ས་ཏི་སྶ ཝཱ, ཝི་སེ་སེ་ན ས་ཡ་ནྟི ཨེ་ཏྠ, པ་ཝི་ས་ནྟཱི་ཏི ཝི་སི་ཁཱ=ར་ཙྪཱ. ཀ་ན-དཱི་ཏྟི ག་ཏི ཀ་ནྟཱི་སུ, ནི་པུ་བྦོ, ཨ་ན་བྷཱ་ག་ལོ་པོ, ཀ་ན་ཏི དི་བྦ་ཏཱི་ཏི ནི་ཀྑོ=སུ་ཝ་ཎྞ་ཝི་ཀཱ་རོ. མ་ཡ་ཨི་ཏི ག་མ་ན་ཏྠོ ད་ཎྜ་ཀོ དྷཱ་ཏུ, ཁ་སྶ ཨཱུ་ཉ, མ་ཡ་ཏི ཡཱ་ཏཱི་ཏི མ་ཡཱུ་ཁོ-ཀི་ར་ཎོ. ལཱུ-ཚེ་ད་ནེ, ཨོ་ཏྠཱ་བྷཱ་ཝོ, ལུ་ནཱ་ཏི ཚི་ནྡ་ཏི སོ་བྷ་ནྟི ལཱུ་ཁོ=ཨ་སི་ནི་དྡྷོ. ཨ་ར-ག་མ་ནེ, ཨ་ར་ནྟི ཡ་ནྟི ཨེ་ཏེ་ནཱ་ཏི ཨ་ཀྑོ=ས་ཀ་ཊཱ་ཝ་ཡ་ཝཱ, པཱ་ས་ཀོ ཙ. ཡ་ས-པ་ཡ་ཏ་ནེ, ཡ་སྶ་ཏི པ་ཡ་ཏ་ཏི བ་ལི་མཱ་ཧ་ར་ཎ་ཏྠཱ་ཡཱ་ཏི ཡ་ཀྑོ=ཨ་མ་ནུ་སྶོ, རུ་ཧ-ཛ་ན་ནེ, རུ་ཧ་ཏི ཛཱ་ཡ་ཏཱི་ཏི རུ་ཀྑོ=པཱ་ད་པོ, ཨུ་ས-དཱ་ཧེ, ཨུ་ས་ཏི ད་ཧ་ཏི ཀཱ་མ་གྒི་ནཱ་ཏི ཨུ་ཀྑོ=བ་ལཱི་བ་དྡོ. ས་ཧ-མ་རི་ས་ནེ ‘ཧ་ལོ་པོ, ས་ཧ་ཏི ཨ་ཏྟ་ནི ཀ་ཏཱ་པ་རཱ་དྷཾ ཁ་མ་ཏཱི་ཏི ས་ཁཱ=ས་ཧཱ་ཡོ, ཨེ་ཝ་མ་ཉྙེ་པི.
༣༢. ཨ་ཛ ཝ་ཛ མུ་ད ག་ད ག་མཱ ག་ཀ.
ཨ་ཛ ཝ་ཛ-ག་མ་ནེ, མུ་ད-ཏོ་སེ, ག་ད-ཝ་ཙ་ནེ, ཨ་མ ག་མ-ག་མ་ནེ, ཨེ་ཏེ་ཧི ག་ཀ ཧོ་ཏི. ཨ་ཛ་ཏི ག་ཙྪ་ཏི སེ་ཊྛ་བྷཱ་ཝ་ནྟི ཨ་གྒོ-སེ་ཊྛོ. ཝ་ཛ་ཏི ས་མཱུ་ཧ་ཏྟཾ ག་ཙྪ་ཏཱི་ཏི ཝ་གྒོ=ས་མཱུ་ཧོ. མུ་ད་ནྟི ཨེ་ཏེ་ནཱ་ཏི མུ་གྒོ=དྷ་ཉྙ་ཝི་སེ་སོ. ག་ད་ཏཱི་ཏི ག་གྒོ=ཨི་སི. ‘‘མ་ནཱ་ནཾ ནི་གྒ་ཧཱི་ཏ’’ནྟི (༥.༩༦) མ་སྶ ནི་གྒ་ཧཱི་ཏཾ, ག་ཙྪ་ཏཱི་ཏི ག་ངྒཱ=སུ་རཱ་པ་གཱ.
༣༣. སི་ངྒཱ་ད་ཡོ.
སི་ངྒ་ཨཱ་ད་ཡོ ས་དྡཱ ག་ཀ་ཨ་ནྟཱ ནི་པ་ཙྩ་ནྟེ. སཱི-ས་ཡེ, ནི་གྒ་ཧཱི་ཏཱ་ག་མོ, ར་སྶ་ཏྟ་ཉྩ, ས་ཡ་ཏི པ་ཝ་ཏྟ་ཏི མ་ཏྠ་ཀེ་ཏི སི་ངྒཾ=ཝི་སཱ་ཎཾ. ཕུ་ར-ཙ་ལ་ནེ, ལི་མུ་ང, ཕུ་ར་ཏི ཙ་ལ་ཏཱི་ཏི པུ་ལི་ངྒོ=ཛ་ལི་ཏ་ངྒཱ རཱ་ཝ་ཡ་ཝོ. ཙ་ལ-ཀ་མྤ་ནེ, ཨུ་པུ་བྦོ, ཙ་ལ་སྶ ཙཱ་ལིཾ, ཨུ་ཙྩ་ལ་ཏི ཀ་མྤ་ཏཱི་ཏི ཨུ་ཙྩཱ་ལི་ངྒོ=སུ་ཀྐ་ཀཱི་ཊོ, ཀ་ལ-ས་དྡེ, ཨི་མུ་ཀ, ཀ་ལ་ཏི ཨ་བྷི་ནཱ་དཾ ཀ་རོ་ཏི བ་ཧུ་ར་ཛྫ་ཏཱ་ཡཱ ཏི ཀ་ལི་ངྒོ=ད་ཀྑི་ཎཱ་པ་ཐོ. བྷ་མ-ཨ་ན་ཝ་ཊྛཱ་ནེ, ཨ་སྶ ཨི་ཏྟཾ, བྷ་མ་ཏཱི་ཏི བྷི་ངྒོ=བྷ་མ་རོ. པ་ཊ ཨ་ཊ-ག་མ་ནེ, པ་ཊི་སྶ ཨ་མུ་ཀ, ཨ་ཀ ཙ. པ་ཊ་ཏི པ་ཏ་ནྟོ ག་ཙྪ་ཏཱི་ཏི པ་ཊ་ངྒོ, པ་ཊ་གོ=ས་ལ་བྷོ, ཨེ་ཝ་མ་ཉྙེ་པི.
༣༤. ཨ་གཱ གི.
ཨ་ག-ཀུ་ཊི་ལ་ག་མ་ནེ་ཏཱི་མ་སྨཱ གི ཧོ་ཏི. ཨ་ག་ཏི ཀུ་ཊི་ལོ ཧུ་ཏྭཱ ག་ཙྪ་ཏཱི་ཏི ཨ་གྒི=པཱ་ཝ་ཀོ.
༣༥. ཡཱ་ཝ་ལཱ གུ.
ཡཱ-པཱ་པུ་ཎ་ནེ, ཝ་ལ ཝ་ལླ-སཾ་ཝ་ར་ཎེ, ཨེ་ཏེ་ཧི གུ ཧོ་ཏི. ཡཱ་ཏཱི་ཏི ཡཱ་གུ=པེ་ཡྻཱ. ཝ་ལཱི་ཡ་ཏི སཾ་ཝ་རཱི་ཡ་ཏཱི་ཏི ཝ་གྒུ=མ་ནུ་ཉྙོ.
༣༦. ཕེ་གྒཱ་ད་ཡོ.
ཕེ་གྒུ ཨཱ་ད་ཡོ གུ་ཨ་ནྟཱ ནི་པ་ཙྩ་ནྟེ. ཕ་ལ-ནི་པྥ་ཏྟི་ཡཾ, ཨ་སྶ ཨེ་ཏྟཾ, ཕ་ལ་ཏི ནི་ཊྛཱ་ནཾ ག་ཙྪ་ཏཱི་ཏི ཕེ་གྒུ=ཨ་སཱ་རོ. བྷ་ར-བྷ་ར་ཎེ, ར་ལོ་པོ. བྷ་ར་ཏཱི་ཏི བྷ་གུ=ཨི་སི. ཧི-ག་ཏཱི་ཡཾ, ནི་གྒ་ཧཱི་ཏཱ་ག་མོ, ཧི་ནོ ཏི པ་ཝ་ཏྟ་ཏཱི་ཏི ཧི་ངྒུ=རཱ་མ་ཋ་ཛཾ. ཀ་མ-ཨི་ཙྪཱ་ཡཾ, ཀཱ་མཱི་ཡ་ཏཱི་ཏི ཀ་ངྒུ=དྷ་ཉྙ་ཝི་སེ་སོ, ཨེ་ཝ་མ་ཉྙེ་པི.
༣༧. ཛ་ནཱ གྷོ.
ཛ་ན-ཛ་ན་ནེ་ཏཱི་མ་སྨཱ གྷོ ཧོ་ཏི. ‘‘མ་ནཱ་ནཾ ནི་གྒ་ཧཱི་ཏ’’ནྟི (༥.༩༦) ན་སྶ ནི་གྒ་ཧཱི་ཏཾ, ཛཱ་ཡ་ཏི ག་མ་ན་མེ་ཏཱ་ཡཱ་ཏི ཛ་ངྒྷཱ=པཱ་ཎྱ་ངྒ་ཝི་སེ་སོ.
༣༨. མེ་གྷཱ་ད་ཡོ.
མེ་གྷ་ཨཱ་ད་ཡོ གྷ་ནྟཱ ནི་པ་ཙྩ་ནྟེ. མི་ཧ-སེ་ཙ་ནེ, ཧ་ལོ་པོ, མེ་ཧ་ཏི སི་ཉྩ་ཏཱི་ཏི མེ་གྷོ=ཨ་མྦུ་དོ. མུ་ཧ-མུ་ཙྪཱ་ཡཾ, ཧ་ལོ་པོ, མུ་ཡ྄ཧ་ནྟི ས་ཏྟཱ ཨེ་ཏྠཱ་ཏི མོ་གྷོ=ཏུ་ཙྪོ. སཱི-ས་ཡེ, ཨེ་ཏྟཱ་བྷཱ་ཝོ, སེ་ཏི ལ་ཧུ ཧུ་ཏྭཱ པ་ཝ་ཏྟ་ཏཱི་ཏི སཱི་གྷཾ=ཨཱ་སུ. ཨ་ཧ-བྷ་སྨཱི་ཀ་ར་ཎེ, ནི་པུ་བྦོ, ཧ་ལོ་པ་དཱི་གྷཱ, ནི་ད་ཧ་ཏཱི་ཏི ནི་དཱ་གྷོ=གི་མྷོ. མ་ཧཱི་སྶ ཧ་ལོ་པོ, མ་ཧཱི་ཡ་ཏི པཱུ་ཛཱི་ཡ་ཏཱི་ཏི མ་གྷཱ=ན་ཀྑ་ཏྟཾ, ཨེ་ཝ་མ་ཉྙེ་པི.
(ཨི་ཏི ཀ་ཝ་གྒ་པ་ཙྩ་ཡ་ཝི་དྷཱ་ནཾ).
༣༩. ཙུ་ས་ར་ཝ་རཱ ཙོ.
ཙུ-ཙ་ཝ་ནེ, ས་ར-ག་ཏི ཧིཾ་སཱ ཙི་ནྟཱ་སུ, ཝ་ར-ཝ་ར་ཎ ས་མྦྷ་ཏྟཱི་སུ, ཨེ་ཡེ་ཧི ཙོ ཧོ་ཏི. ཙ་ཝ་ཏི རུ་ཀྑཱ་ཏི ཙོ་ཙཾ=ཨུ་པ་བྷུ་ཏྟ་ཕ་ལ- ཝི་སེ་སོ. ས་ར་ཏི ཨཱ་ཡ་ཏིཾ དུ་ཀྑཾ ཧིཾ་ས་ཏཱི་ཏི ས་ཙྩཾ=ཨ་ཝི་ཏ་ཐཾ. ཝཱ་རེ་ཏི སུ་ཁ་ནྟི ཝ་ཙྩཾ=གཱུ་ཐོ.
༤༠. མ་རཱ ཙུ་ཨཱི་ཙཱི ཙ.
མ་ར-པཱ་ཎ་ཙཱ་གེ ཏཱི་མ་སྨཱ ཙུ་ཨཱི་ཙཱི ཧོ་ནྟི ཙོ ཙ. མ་ར་ཎཾ མ་ཙྩུ=མ་ར་ཎཾ. མཱ་རེ་ཏི ཨ་ནྡྷ་ཀཱ་རཾ ཝི་ནཱ་སེ་ཏཱི་ཏི མ་རཱི་ཙི=རཾ་སི, མི་ག་ཏ་ཎྷི་ཀཱ ཙ. མ་ར་ཏཱི་ཏི མ་ཙྩོ=ས་ཏྟོ.
༤༡. ཀུ་ས པ་སཱ ཚི་ཀ.
ཀུ་ས-ཨ་ཀྐོ་སེ, པ་ས-བཱ་དྷ་ནེ, ཨེ་ཏེ་ཧི ཚི་ཀ ཧོ་ཏི. ཀུ་སཱི་ཡ་ཏི ཨ་ཀྐོ་སཱི་ཡ་ཏཱི་ཏི ཀུ་ཙྪི=ཨུ་ད་རཾ. པ་སཱི་ཡ་ཏི བཱ་དྷཱི་ཡ་ཏི ཨེ་ཏྠཱ་ཏི པ་ཙྪི=བྷཱ་ཛ་ན་ཝི་སེ་སོ.
༤༢. ཀ་ས ཨུ་སཱ ཚུ་ཀ.
ཀ་ས-ཝི་ལེ་ཁ་ནེ, ཨུ་ས-དཱ་ཧེ, ཨེ་ཏེ་ཧི ཚུ་ཀ ཧོ་ཏི. ཀ་ས་ནྟི ཝི་ལེ་ཁ་ནྟི ཨེ་ཏྠཱ་ཏི ཀ་ཙྪུ=པཱ་མཾ. ཨུ་ས་ཏི ད་ཧ་ཏི ས་ནྟཱ་པ་ནྟི ཨུ་ཙྪུ=ར་སཱ་ལོ.
༤༣. ཨ་ས མ་ས ཝ་ད ཀུ་ཙ ཀ་ཙཱ ཚོ.
ཨ་ས-ཁི་པ་ནེ, མ་ས-ཨཱ་མ་ས་ནེ, ཝ་ད-ཝ་ཙ་ནེ, ཀུ་ཙ-སཾ་ཀོ་ཙ་ནེ, ཀ་ཙ-བ་ནྡྷ་ནེ, ཨེ་ཏེ་ཧི ཚོ ཧོ་ཏི. ཨ་ས་ཏི ཚི་པ་ཏཱི་ཏི ཨ་ཙྪོ=བྷ་ལླཱུ་ཀོ. མ་ས་ཏི ཛ་ལ་ནྟི མ་ཙྪོ=མཱི་ནོ. ཝ་ད་ཏཱི་ཏི ཝ་ཙྪོ=ནེ་ལ་ཀོ. ཀུ་ཙཱི་ཡ་ཏི སཾ་ཀོ་ཙཱི་ཡ་ཏཱི་ཏི ཀོ་ཙྪོ=བྷ་དྡ་པཱི་ཊྛཾ. ཀ་ཙཱི་ཡ་ཏི བ་ནྡྷཱི་ཡ་ཏཱི་ཏི ཀ་ཙྪོ=ཏ་ནུ་པ་དེ་སོ, ཨ་ནཱུ་པོ ཙ.
༤༤. གུ་ཙྪཱ་ད་ཡོ.
གུ་ཙྪ་ཨཱ་ད་ཡོ ཚ་ནྟཱ ནི་པ་ཙྩ་ནྟེ. གུ་པ-གོ་པ་ནེ, ཨོ་ཏྟཱ་བྷཱ་ཝོ, གོ་པཱི་ཡ་ཏཱི་ཏི གུ་ཙྪོ=ཐ་ཝ་ཀོ. ཏུ་ས-ཏུ་ཊྛི་མྷཱི, ཏུ་ས་ནྟི ཨེ་ཏེ་ནཱ་ཏི ཏུ་ཙྪཾ=མུ་སཱ. པུ་ས-པོ་ས་ནེ, པོ་ས་ནྟི ཏ་ནུ་མ་ནེ་ནཱ་ཏི པུ་ཙྪོ=ཝཱ་ལ་དྷི, ཨེ་ཝ་མ་ཉྙེ་པི.
༤༥. ཨ་རཱ ཛུ ཉ་ཊ ཙ.
ཨ་ར-ག་མ་ནེ་ཏཱི་མ་སྨཱ ཛུ ཧོ་ཏི, ཨ་རི་སྶ ཨུ་ཊ ཙ. ཊ་ཀཱ་རོ ས་བྦཱ་དེ་ས་ཏྠོ, ཨ་ར་ཏི ཨ་ཀུ་ཊི་ལ་བྷཱ་ཝེ་ན པ་ཝ་ཏྟ་ཏཱི་ཏི ཨུ་ཛུ=ཨ་ཝ་ངྐོ.
༤༦. ར་ཛྫཱ་ད་ཡོ.
ར་ཛྫུ་ཨཱ་ད་ཡོ ཛུ་ཨ་ནྟཱ ནི་པ་ཙྩ་ནྟེ. རུ་དྷ-ཨཱ་ཝ་ར་ཎེ, ཨུ་སྶ ཨ་ཏྟཾ, རུ་ནྡྷ་ནྟི ཨེ་ཏེ་ནཱ་ཏི རུ་ཛྫུ-ཡོ་ཏྟཾ. མ་ན-ཉཱ་ཎེ, ཨ་མ་ཉྙི་ཏྠཱ་ཏི མ་ཉྫུ=མ་ཉྫུ་ལཾ, ཨེ་ཝ་མ་ཉྙེ་པི.
༤༧. གི་དྷཱ ཛྷ་ཀ.
གི་དྷ-ཨ་བྷི་ཀ་ངྑཱ་ཡ་མི་ཙྩ་སྨཱ ཛྷ་ཀ ཧོ་ཏི. གེ་དྷ་ཏཱི་ཏི གི་ཛ྄ཛྷོ=པ་ཀྑི་ཝི་སེ་སོ.
༤༨. ཝ་ཉྫྷཱ་ད་ཡོ.
ཝ་ཉྩྱཱ་ད་ཡོ ཛྷ་ཀ ཨ་ནྟཱ ནི་པ་ཙྩ་ནྟེ. ཝ་ན-ཡཱ་ཙ་ནེ, ཝ་ནོ་ཏི ཨ་ཏྟཱ་ནཾ ཨ་ནུ་བྷ་ཝི་ཏུཾ ཡཱ་ཙ་ཏཱི་ཏི ཝ་ཉྫྷོ=ཨ་ཕ་ལ་རུ་ཀྑོ, ཝ་ཉྫྷཱ=ཨ་པ་ས་ཝཱ ཨི་ཏྠཱི, ཨ་སྶ ཨི་ཏྟཾ ཝི་ཉྫྷོ=པ་བྦ་ཏོ, སཾ་ཛ-ས་ངྒེ, ནི་གྒ་ཧཱི་ཏ་ལོ་པོ, ས་ཉྫི་ཡ་ཏཱི་ཏི ས་ཛ྄ཛྷཾ=ར་ཛ་ཏཾ, ཨེ་ཝ་མ་ཉྙེ་པི.
༤༩. ཀ་མ་ཡ་ཛཱ ཉོ.
ཀ་མ-ཨི་ཙྪཱ་ཡཾ, ཡ་ཛ-དེ་ཝ་པཱུ་ཛཱ་ས་ངྒ་ཏི་ཀ་ར་ཎ་དཱ་ནེ་སུ, ཨེ་ཏེ་ཧི ཉོ ཧོ་ཏི, མ་སྶ ནི་གྒ་ཧཱི་ཏ་ཝ་གྒ་ནྟཱ, ཀཱ་མཱི་ཡ་ཏཱི་ཏི ཀ་ཉྙཱ=ཀུ་མཱ་རཱི. ཛ་སྶ པ་ར་རཱུ་པ་ཏྟཾ, ཡ་ཛ་ནྟྱ་ནེ་ནཱ་ཏི ཡ་ཉྙོ=ཡཱ་གོ.
༥༠. པུ་ཉྙཾ.
པུ་ནཱ་ཏི པུ་ཎ་ཏི་སྨཱ ཝཱ ཉོ་ཨོ་ཏྟཱ་བྷཱ་ཝོ ཙ ནི་པ་ཙྩ་ནྟེ. པུ་ནཱ་ཏི, པུ་ཎ་ཏི སུ་ནྡ་ར་ཏྟཾ ཀ་རོ་ཏཱི་ཏི ཝཱ པུ་ཉྙཾ=ཀུ་ས་ལཾ.
༥༡. ཨ་ར ཧཱ་ཉྙོ ཧཱ་སྶ ཧི་ར ཙ.
ཨ་ར-ག་མ་ནེ, ཝཱ-ཙཱ་གེ, ཨེ་ཏེ་ཧི ཨ་ཉྙོ ཧོ་ཏི, ཧཱ་སྶ ཧི་ར་ཉྩཱ་དེ་སོ. ཨ་རཱི་ཡ་ཏེ ག་མྱ་ཏེ་ཏི ཨ་ར་ཉྙཾ=ཝ་ནཾ. ཛ་ཧཱ་ཏི ས་ཏྟཱ་ནཾ ཧཱི་ན་ཏྟ་ནྟི ཧི་ར་ཉྙཾ=དྷ་ནཾ, སུ་ཝ་ཎྞ་ཉྩ.
(ཨི་ཏི ཙ་ཝ་གྒ་པ་ཙྩ་ཡ་ཝི་དྷཱ་ནཾ).
༥༢. ཀི་ར ཏ་རཱ ཀཱི་ཊོ.
ཀི་ར-ཝི་ཀི་ར་ཎེ, ཏ་ར-ཏ་ར་ཎེ, ཨེ་ཏེ་ཧི, ཀཱི་ཊོ ཧོ་ཏི. སོ་བྷེ་ཏུ་མེ་ཏྠ ར་ཏ་ནཱ་ནི ཝི་ཀི་རཱི་ཡ་ནྟཱི་ཏི ཀི་རཱི་ཊཾ=མ་ཀུ་ཊཾ. ཏ་ར་ཨི་ཏི ནི་དྡེ་སཱ ཨ་སྶ ཨི་ཏྟཾ, ཏ་ར་ནྟི ཡ་ནྟི སུ་རཱུ་པ་ཏྟ མ་ནེ་ནཱ་ཏི ཏི་རཱི་ཊཾ=ཝེ་ཊྛ་ནཾ.
༥༣. ས་ཀཱ་དཱི་ཧྱ་ཊོ.
ས་ཀ-ས་ཏྟི་ཡཾ, ཀ་ས-ག་མ་ནེ, ཀ་ར-ཀ་ར་ཎེ, མ་ཀྐ ཨི་ཏི སུ་ཏྟི་ཡོ དྷཱ་ཏུ, དེ་ཝ-དེ་ཝ་ནེ, ཀ་མ-ཨི་ཙྪཱ་ཡཾ, ཨེ་ཝ་མཱ་དི་ཧི ཨ་ཊོ ཧོ་ཏི. ས་ཎྞོ་ཏི བྷཱ་རཾ ཝ་ཧི་ཏུ་ནྟི ས་ཀ་ཊོ=ཡཱ་ནཾ. ཨ་ཀ་སི ནི་རོ་ཛ་ཏྟཾ ཨ་ག་མཱི་ཏི ཀ་ས་ཊཾ=ནི་རོ་ཛཾ. ཀ་རོ་ཏི ཨ་མ་ནཱ་པ་ནྟི ཀ་ར་ཊོ=ཀཱ་ཀོ. མ་ཀྐ་ཏི ཙ་ལ་ཏཱི་ཏི མ་ཀྐ་ཊོ=ཝཱ་ན་རོ. དེ་ཝཱི་ཡ་ཏི པཱུ་ཛཱི་ཡ་ཏཱི་ཏི དེ་ཝ་ཊོ=ཨི་སི. ཀ་མ་ཏི ཨི་ཙྪ་ཏི ཨཱ་རོ་ཧ་ཏྠ་ནྟི ཀ་མ་ཊོ=ཝཱ་མ་ནོ.
༥༤. མ་ཀུ་ཊཱ་ཝཱ་ཊ ཀ་ཝཱ་ཊ ཀུ་ཀྐུ་ཊཱ.
ཨེ་ཏེ ས་དྡཱ ནི་པ་ཙྩ་ནྟེ. མཾ་ཀི་སྨཱ ཨུ་ཊོ, ནི་གྒ་ཧཱི་ཏ་ལོ་པོ ཙ, མཾ་ཀེ་ཏི སོ་བྷེ་ཏཱི་ཏི མ་ཀུ་ཊཾ=ཀི་རཱི་ཊཾ. ཨ་ཝ་ཏི་སྨཱ ཨཱ་ཊ་ཎ, ཨ་ཝྱ་ཏེ ཁ་ཉྙ་ཏེ་ཏི ཨཱ་ཝཱ་ཊོ=ཀཱ་སུ. ཀུ-ས་དྡེ་ཏཱི་མ་སྨཱ ཨཱ་ཊོ, ཨོ་ཨ་ཝཱ་དེ་སཱ ཡ་ཐཱ་ཡོ་གཾ, ཀ་ཝ་ཏི ར་ཝ་ཏཱི་ཏི ཀ་ཝཱ་ཊཾ=དྭཱ་ར་པི་དྷཱ་ནཾ. ཀུ་ཀ ཝ་ཀ-ཨཱ་དཱ་ནེ་ཏཱི་མ་སྨཱ ཀུ་ཊ་ཀ, ཀུ་ཀ་ཏི གོ་ཙ་ར་མཱ་ད་དཱ་ཏཱི་ཏི ཀུ་ཀྐུ་ཊོ=ཏ་མྦ་ཙཱུ་ལོ༹.
༥༥. ཀ་མུ་ས ཀུ་ས ཀ་སཱ ཋོ.
ཀ་མ-ཨི་ཙྪཱ་ཡཾ, ཨུ་ས-དཱ་ཧེ, ཀུ་ས-ཨ་ཀྐོ་སེ, ཀ་ས-ག་མ་ནེ, ཨེ་ཏེ་ཧི་ཋོ ཧོ་ཏི, ནི་གྒ་ཧཱི་ཏ་ཝ་གྒ་ནྟཱ, ཨོ་ད་ནཱ་དཱི་ནི ཀཱ་མེ་ཏཱི་ཏི ཀ་ཎྛོ=ག་ལོ. ཨོ་ཀྐ་པ་ར་རཱུ་པཱ་དཱི་ནི, ཨོ་ད་ནཱ་དཱི་སུ ཨུ་ཎྷེ་ན ཨུ་སཱི་ཡ་ཏཱི ཏི ཨོ་ཊྛོ=ད་ནྟ་ཙྪ་དོ, ཀ་ར་བྷོ ཙ. ཀུ་སཱི་ཡ་ཏི ཨ་ཀྐོ་སཱི་ཡ་ཏཱི་ཏི ཀོ་ཊྛོ=དྷ་ཉྙ་ནི་ལ་ཡོ. ཀ་ས་ཏི ཡཱ་ཏི ཝི་ནཱ་ས་ནྟི ཀ་ཊྛཾ=དཱ་རུ.
༥༦. ཀུ་ཊྛཱ་ད་ཡོ.
ཀུ་ཊྛ་ཨཱ་ད་ཡོ ས་དྡཱ ཋ་ནྟཱ ནི་པ་ཙྩ་ནྟེ. ཀུ་སི་སྨཱ ཋོ, ཨོ་ཏྟཱ་བྷཱ་ཝོ ཙ, ཀུ་སཱི་ཡ་ཏི ཨ་ཀྐོ་སཱི་ཡ་ཏཱི་ཏི ཀུ་ཊྛཾ=ཚ་ཝི་རོ་གོ. ཀུ་ཎ-ས་དྡེ, པ་ར་རཱུ་པཱ་བྷཱ་ཝོ ཨོ་ཏྟཱ་བྷཱ་ཝོ ཙ, ཀུ་ཎ་ཏི ན་ད་ཏཱི་ཏི ཀུ་ཎྛོ=ཨ་ཏི་ཁི་ཎོ, ཀུ་ཎཱི་ཡ་ཏི ཨ་ཀྐོ་སཱི་ཡ་ཏཱི་ཏི ཀུ་ཎྛོ= ཚི་ནྣ་ཧ་ཏྠ་པཱ་དཱ་དི་ཀོ. དཾ་སི་སྶ དཱ, དཾ་ས་ཏི ཨེ་ཏཱ་ཡཱ་ཏི དཱ་ཋཱ=ད་ནྟ་ཝི་སེ་སོ. ཀ་མི་སྶ ཨ་ཀ ཙ. ཀཱ་མཱི་ཡཱ་ཏི དཱི་ནེ་ཏཱི་ཏི ཀ་མ་ཋོ=བྷི་ཀྑཱ་བྷཱ་ཛ་ནཾ, ཝཱ་མ་ནོ, ཀུ་མྨོ ཙ. ཕ་སྶི་སྶ ཕུ་ཊོ, ཕ་སྶཱི་ཡ་ཏཱི་ཏི ཕུ་ཊྛོ=ཕ་སྶོ, ཨེ་ཝ་མ་ཉྙེ་པི.
༥༧. ཝ་ར ཀ་རཱ ཨ་ཎྜོ.
ཝ་ར-ཝ་ར་ཎེ, ཀ་ར-ཀ་ར་ཎེ, ཨེ་ཏེ་ཧི ཨ་ཎྜོ ཧོ་ཏི. ཨ་ཏྟ་ནི པེ་ཕཾ ཝཱ་ར་ཡ་ཏཱི་ཏི ཝ་ར་ཎྜོ=མུ་ཁ་རོ་གོ. ཀ་རཱི་ཡ་ཏཱི་ཏི ཀ་ར་ཎྜོ=བྷ་ཎྜ་ཝི་སེ་སོ.
༥༨. མ་ན་ནྟཱ ཌོ.
མ་ཀཱ་ར ན་ཀཱ་ར་ནྟེ་ཧི ཀྲི་ཡ་ཏྠེ་ཧི བ་ཧུ་ལཾ ཌ་པྤ་ཙྩ་ཡོ ཧོ་ཏི. ས་མ-ཨུ་པ་ས་མེ, ས་མ་ནཾ ས་ཎྜཾ=ས་མཱུ་ཧོ. ཀ་མ-པ་ད་ཝི་ཀྑེ་པེ, ཀ་མ་ཏི ཡཱ་ཏཱི་ཏི ཀ་ཎྜོ=ས་རོ, པ་རི་ཙྪེ་དོ ཙ, ད་མ-ད་མ་ནེ, ད་མ་ནྟྭྱ་ནེ་ནཱ་ཏི ད་ཎྜོ=ནི་གྒ་ཧོ. ཨ་མ ག་མ-ག་མ་ནེ, ཨ་མ་ནྟི ཨུ་པྤ་ཛྫ་ནྟི ཨེ་ཏྠཱ་ཏི ཨ་ཎྜོ=པ་ཀྑི་པ་ས་ཝོ, ཀོ་སོ ཙ. ག་ཙྪ་ཏི སཱུ་ན་བྷཱ་ཝ་ནྟི ག་ཎྜོ=བྱཱ་དྷི, ཝ་ད་ནེ་ཀ་དེ་སོ ཙ. ར་མུ-ཀཱི་ལཱ༹་ཡཾ, ར་མ་ནྟི ཨེ་ཏྠཱ་ཏི རུ་ཎྜཱ=ཝི་དྷ་ཝཱ. མ་ན-ཉཱ་ཎེ, མ་ཉྙ་ནྟི ཨེ་ཏེ་ནཱ་ཏི མ་ཎྜོ=ཨོ་ད་ནཱ་དི་ནི་སྶཱ་ཝོ. ཁ་ན ཁ་ཎ=ཨ་ཝ་དཱ་ར་ཎེ, ཁ་ཉྙ་ཏཱི་ཏི ཁ་ཎྜོ=ཨུ་ཙྪུ་ཝི་ཀཱ་ར ཝི་སེ་སོ. ལ་མ-ཧིཾ་སཱ་ཡཾ, ལ་མ་ཏི ཧིཾ་ས་ཏི སུ་ཙི་བྷཱ་ཝ་ནྟི ལ་ཎྜོ=ཝ་ཙྩཾ, ཨེ་ཝ་མ་ཉྙེ་པི.
༥༩. ཀུ་ཎྜཱ ད་ཡོ.
ཀུ་ཎྜ་ཨཱ་ད་ཡོ ཌ་ནྟཱ ནི་པ་ཙྩ་ནྟེ. ཀ་མ མ་ན ཏ་ནཱ་ནཾ ཨ་སྶ ཨུ་ཏྟཾ, ཀཱ་མཱི་ཡ་ཏཱི་ཏི ཀུ་ཎྜཾ=བྷཱ་ཛ་ནཾ. མ་ཉྙ་ཏི ཧི་ཏཱ་ཧི་ཏ་ནྟི མུ་ཎྜོ= ཚི་ནྣ་ཀེ་སོ. ཏ་ནོ་ཏི ཨེ་ཏེ་ནཱ་ཏི ཏུ་ཎྜཾ=ལ་པ་ནཾ. ཨཱི་ར-ཁེ་པེ, ཨེ་རཾ་ཨཱ་དེ་སོ. ཨཱི་ར་ཏི ཀ་མྤ་ཏཱི་ཏི ཨེ་ར་ཎྜོ=བྱ་གྒྷ་པུ་ཙྪོ, སི-སེ་ཝཱ་ཡཾ, སི་སྶ ཁ་མུ་ཀ, སུ་ག་ནྡྷཾ སེ་ཝ་ཏཱི་ཏི སི་ཁ་ཎྜོ=ཙཱུ་ལཱ༹, ཨེ་ཝ་མ་ཉྙེ་པི.
༦༠. ཏི་ཛ ཀ་ས ཏ་ས ད་ཀྑཱ ཀི་ཎོ ཛ་སྶ ཁོ ཙ.
ཏི་ཛ-ནི་སཱ་ནེ, ཀ་ས-ག་མ་ནེ, ཏ་ས-པི་པཱ་སཱ་ཡཾ, ད་ཀྑ-ཝུ་དྡྷི་ཡཾ, ཨེ་ཏེ་ཧི ཀི་ཎོ ཧོ་ཏི, ཛ་སྶ ཁོ ཙ, ཏེ་ཛ་ཡི་ཏྠཱ་ཏི ཏི་ཁི་ཎཾ=ནི་སི་ཏཾ. ཀ་ས་ཏི པ་ཝ་ཏྟ་ཏཱི་ཏི ཀ་སི་ཎཾ=ཨ་སེ་སཾ. ཏ་ས་ནཾ ཏ་སི་ཎཱ=ཏ་ཎྷཱ. ད་ཀྑ་ཏི ཝུ་དྡྷིཾ ག་ཙྪ་ཏི ཨེ་ཏཱ་ཡཱ་ཏི ད་ཀྑཱི་ཎཱ=ཀུ་ས་ལཾ.
༦༡. ཝཱི་ཨཱ་དི་ཏོ ཎི.
ཝཱི-ཏ་ནྟ་ས་ནྟཱ་ནེ, སི-སེ་ཝཱ་སཾ, སཱུ-པ་སྶ་ཝ་ནེ, དུ-ག་མ་ནེ, ཀཱི-ད་བྦ་ཝི་ནཱི་མ་ཡེ, སཱ-ཏ་ནུ་ཀ་ར་ཎཱ་ཝ་སཱ་ནེ་སུ, ཨེ་ཝ་མཱ་དཱི་ཧི ཎི ཧོ་ཏི. ཝཱི་ཡ་ཏཱི་ཏི ཝེ་ཎི=ཀེ་ས་ཀ་ལཱ་པོ. སེ་ཝ་ནཾ སེ་ཎི=ས་ཛཱ་ཏཱི་ནཾ ཀཱ་རཱུ་ནཾ ས་མཱུ་ཧོ. ནི་པུ་བྦོ, ནི་སེ་ཝཱི་ཡ་ཏཱི་ཏི ནི་སེ་ཎི=སོ་པཱ་ནཾ. ས་ཝ་ཏི པ་སྶ་ཝ་ཏཱི་ཏི སོ་ཎི=ཀ་ཊི. ད་ཝ་ཏི ཝ་ཧ་ཏཱི་ཏི དོ་ཎི=ཀ་ཊྛ་མྦུ་ཝཱ་ཧ་ནཱི, ནཱ་ཝཱ ཙ. ན་དཱ་དི་པཱ་ཋཱ ཝི་མྷི སོ་ཎཱི དོ་ཎཱི ཏི་པི ཧོ་ཏི. ཀ་ཡ་ནཾ, ཀཱི་ཡ་ཏེ ཨེ་ཏཱ་ཡཱ་ཏི ཝཱ ཀེ་ཎི=ཀ་ཡོ སཱ་ཏི དུ་ཀྑཾ ཏ་ནུཾ ཀ་རོ་ཏཱི་ཏི སཱ་ཎི=ཏི་རོ་ཀ་ར་ཎཱི, ཨེ་ཝ་མ་ཉྙེ་པི.
༦༢. ག་ཧཱ་དཱི་ཧྱ་ཎི.
ག་ཧ-ཨུ་པཱ་དཱ་ནེ, ཨ་ར-ག་མ་ནེ, དྷ་ར-དྷཱ་ར་ཎེ, ས་ར-ག་ཏི་ཡིཾ་སཱ ཙི་ནྟཱ་སུ, ཏ་ར-ཏ་ར་ཎེ, ཨེ་ཝ་མཱ་དཱི་ཧི ཨ་ཎི་པྤ་ཙྩ་ཡོ ཧོ་ཏི. ག་ཎྷཱ་ཏཱི་ཏི ག་ཧ་ཎི=ཨ་སི་ཏཱ་དི་པཱ་ཙ་ཀོ ཨ་གྒི. ཨ་རཱི་ཡ་ཏི ག་མཱི་ཡ་ཏཱི་ཏི ཨ་ར་ཎི=ཨ་གྒི་མ་ནྠ་ན་ཀ་ཊྛཾ. དྷཱ་རེ་ཏཱི་ཏི དྷ་ར་ཎི=མ་ཧཱི. ས་རཱི་ཡ་ཏི ག་མཱི་ཡ་ཏཱི་ཏི བྷ་ར་ཎི=མ་གྒོ. ཏ་ར་ནྟྱ་ནེ་ནཱ་ཏི ཏ་ར་ཎི=ནཱ་ཝཱ, སཱུ་རི་ཡོ ཙ.
༦༣. རཱི་ཝཱི་བྷཱ་ཧི ཎུ.
རཱི-པ་སྶ་ཝ་ནེ, ཝཱི ཝཱ-ག་མ་ནེ, བྷཱ-དི་ཏྟི་ཡཾ, ཨེ་ཏེ་ཧི་ཎུ ཧོ་ཏི. རཱི་ཡ་ཏི པ་སྶ་ཝ་ཏཱི་ཏི རེ་ཎུ=ར་ཛོ. ཝེ་ཏི པ་ཝ་ཏྟ་ཏཱི་ཏི ཝེ་ཎུ=ཝེ་ལུ༹. བྷཱ་ཏི དི་བྦ་ཏཱི་ཏི བྷཱ་ཎུ=རཾ་སི.
༦༤. ཁཱ་ཎྭཱ ད་ཡོ.
ཁཱ་ཎུ་ཨཱ་ད་ཡོ ཎུ་ཨ་ནྟཱ ནི་པ་ཙྩ་ནྟེ. ཁ་ཎ ཁ་ན-ཨ་ཝ་དཱ་ར་ཎེ, ཎ་སྶ ཨཱ, ཁ་ཉྙ་ཏི ཨ་ཝ་དཱ་རཱི་ཡ་ཏཱི་ཏི ཁཱ་ཎུ=ཚི་ནྣ་སཱ་ཁོ རུ་ཀྑོ. ཛ་ན-ཛ་ན་ནེ, ན་སྶ ཝཱ ཨཱ་ཏྟཾ, ཛཱ་ཡ་ཏི ག་མ་ན མ་ནེ་ནཱ་ཏི ཛཱ་ཎུ, ཛ་ཎྞུ=ཛ་ངྒྷོ་རཱུ་ནཾ ས་ནྡྷི. ཧ་ར-ཧ་ར་ཎེ, ཨེ་ཀ, ཧ་རཱི་ཡ་ཏཱི་ཏི ཧ་རེ་ཎུ=ག་ནྡྷ་ད་བྦ, ཨེ་ཝ་མ་ཉྙེ་པི.
༦༥. ཀྭཱ་དི་ཏོ ཎོ.
ཀུ-ས་དྡེ, སུ-ས་ཝ་ནེ, དུ-ག་མ་ནེ, ཝ་ར-ཝ་ར་ཎེ, ཀ་ར-ཀ་ར་ཎེ, པ་ཎ-བྱ་ཝ་ཧཱ་ར་ཐུ་ཏི་སུ, ཏཱ-པཱ་ལ་ནེ, ལཱི-ནི་ལཱི་ཡ་ནེ, ཨེ་ཝ་མཱ་དཱི་ཧི ཎོ ཧོ་ཏི. ཀ་ཝ་ཏི ན་ད་ཏི ཨེ་ཏྠཱ་ཏི ཀོ་ཎོ=ཨ་སྶི, ཝཱི་ཎཱ་དི་ཝཱ་ད་ན་ད་ཎྜོ ཙ. སུ་ཎོ་ཏཱི་ཏི སོ་ཎོ=སུ་ན་ཁོ, ན་རོ ཙ. ད་ཝ་ཏི པ་ཝ་ཏྟ་ཏཱི་ཏི དོ་ཎོ=པ་རི་མཱ་ཎ་ཝི་སེ་སོ. ཝི་རཱུ་པ་ཏྟ ཝཱ་རེ་ཏཱི་ཏི ཝ་ཎྞོ=ནཱི་ལཱ་དི. ས་ཝ་ནཾ ཀ་རོ་ཏཱི་ཏི ཀ་ཎྞོ=ས་ཝ་ནཾ. པ་ཎཱི་ཡ་ཏི ཝོ་ཧ་རཱི་ཡ་ཏཱི་ཏི པ་ཎྞོ=པ་ལཱ་སོ. ལཱ་ཡ་ཏཱི་ཏི ཏཱ་ཎཾ=ར་ཀྑཱ. ནི་ལཱི་ཡ་ནྟི ཨེ་ཏྠཱ་ཏི ལེ་ཎཾ=ནི་ལཱི་ཡ་ན་ཊྛཱ་ནཾ.
༦༦. སུ་ཝཱི་ཧི ཎ་ཀ.
སུ-ས་ཝ་ནེ, ཝཱི-ཏ་ནྟ་ས་ནྟཱ་ནེ, ཨེ་ཏེ་ཧི ཎ་ཀ ཧོ་ཏི. སུ་ཎོ་ཏཱི་ཏི སུ་ཎོ=སུ་ན་ཁོ. ཝཱི་ཡ་ཏཱི་ཏི ཝཱི་ཎཱ=ཝ་ལླ་ཀཱི.
༦༧. ཏི་ཎཱ་ད་ཡོ.
ཏི་ཎ་ཨཱ་ད་ཡོ ཎ་ཀ་ནྟཱ ནི་པ་ཙྩ་ནྟེ. ཏི་ཛ-ཏེ་ཛ་ནེ, ཛ་ལོ་པོ, ཏེ་ཛེ་ཏི ཨེ་ཏེ་ནཱ་ཏི ཏི་ཎཾ=བཱི་ར་ཎཱ་དི. ལཱི ལི་ཧ སཱ་ད ཀླེ་དཱ་ནཾ ལོ ལ་ཝཱ, ལཱི་ཡ་ཏི ར་ས་ཏོ ས་བྦ་ཏྠ ཨ་ལླཱི་ཡ་ཏཱི་ཏི ལོ་ཎཾ ལ་ཝ་ཎཾ, ལེ་ཧཱི་ཡ་ཏཱི་ཏི ལོ་ཎཾ ལ་ཝ་ཎཾ, སཱ་དཱི་ཡ་ཏཱི་ཏི ལོ་ཎཾ ལ་ཝ་ཎཾ, ཀླེ་ད་ཡ་ཏཱི་ཏི ལོ་ཎཾ ལ་ཝ་ཎཾ, ག་མི་སྶ ཨོ, ག་ཙྪ་ཏཱི་ཏི གོ་ཎོ=གོ. ཧ་ར-ཧ་ར་ཎེ, ཎ་སྶ་ཉྫི, ཧ་རཱི་ཡ་ཏཱི་ཏི ཧ་རི་ཎོ=མི་གོ. ཨཱི་ར-ཀ་མྤ་ནེ, ར་སྶ་ཏྟཾ, ཎ་སྶ ཉི་ཙ, ཨ་ཏྟ་ནོ ལཱུ་ཁ་བྷཱ་ཝེ ས་མྤ་ཏྟེ ཨཱི་ར་ཏི ཀ་མྤ་ཏཱི་ཏི ཨི་རི་ཎཾ=ཨཱུ་ས་རཾ. ཐུ-ཨ་བྷི་ཏྠ་ཝེ, དཱི་གྷོ, ཨ་བྷི་ཏྠ་ཝཱི་ཡ་ཏཱི་ཏི ཐཱུ་ཎཾ=ན་ག་རཾ, ཐཱུ་ཎོ=གྷ་ར་ཏྠ་མྦྷོ, ཨེ་ཝ་མ་ཉྙེ་པི.
༦༨. ར་ཝ་ཎ ཝ་ར་ཎ པཱུ་ར་ཎཱ ད་ཡོ.
ར་ཝ་ཎ ཝ་ར་ཎ པཱུ་ར་ཎཱ ད་ཡོ ཨ་ཎ་པྤ་ཙྩ་ཡེ་ན སི་དྡྷཱ. ར་ཝ་ཏཱི་ཏི ར་ཝ་ཎོ=ཀོ་ཀི་ལོ. ཝཱ་རེ་ཏཱི་ཏི ཝ་ར་ཎོ=པཱ་ཀཱ་རོ. པཱུ་རཱི་ཡ་ཏེ ཨ་ནེ་ནཱ་ཏི པཱུ་ར་ཎོ=པ་རི་པཱུ་རཱི.
(ཨི་ཏི ཊ་ཝ་གྒ་པ་ཙྩ་ཡ་ཝི་དྷཱ་ནཾ).
༦༩. པཱ་ཝ་སཱ ཨ་ཏི.
པཱ-ར་ཀྑ་ཎེ, ཝ་ས-ནི་ཝཱ་སེ, ཨེ་ཏེ་ཏི ཨ་ཏི ཧོ་ཏི. པུ་བྦ་ས་ར་ལོ་པོ, པཱ་ཏི ར་ཀྑ་ཏཱི་ཏི པ་ཏི=སཱ་མཱི, ཝ་ས་ནྟི ཨེ་ཏྠཱ་ཏི ཝ་ས་ཏི=གེ་ཧཾ.
༧༠. དྷཱ ཧི སི ཏ་ན ཛ་ན ཛ་ར ག་མ ས་ཙཱ ཏུ.
དྷཱ-དྷཱ་ར་ཎེ, ཧི-ག་ཏི་ཡཾ, ཏ་ན-ཝི་ཏྠཱ་རེ, ཛ་ན-ཛ་ན་ནེ, ཛ་ར-ཝ་ཡོ-ཧཱ་ནི་ཡཾ, ཨ་མ ག་མ-ག་མ་ནེ, ས་ཙ-ས་མ་ཝཱ་ཡེ, ཨེ་ཏེ་ཧི ཏུ ཧོ་ཏི. དྷཱ་རེ་ཏཱི་ཏི དྷཱ་ཏུ=གེ་རུ་ཀཱ་དི. ཧི་ནོ་ཏི པ་ཝ་ཏྟཱ་ཏི ཕ་ལཾ ཨེ་ཏེ་ནཱ་ཏི ཧེ་ཏུ=ཀཱ་ར་ཎཾ, སེ་ཝཱི་ཡ་ཏི ཛ་ནེ་ཧཱི་ཏི སེ་ཏུ=བ་ནྡྷ་ཏི (པ་དྡྷ་ཏི). ཏ་ཉྙ་ཏེ་ཏི ཏ་ནྟུ=སུ་ཏྟཾ. ཛ་ནཱི་ཡ་ཏེ ཀ་མྨ་ཀི་ལེ་སེ་ཧཱི་ཏི ཛ་ནྟུ, ཛཱ་ཡ་ཏི ཀ་མྨ་ཀི་ལེ་ཧཱི་ཏི ཝཱ ཛ་ནྟུ=ས་ཏྟོ. ཛཱི་ར་ཏཱི་ཏི ཛ་ཏྟུ=ཨཾ་ས་ས་ནྡྷི. ག་ཙྪ་ཏཱི་ཏི ག་ནྟུ=ག་མི་ཀོ, ས་ཙ་ཏི ས་མེ་ཏཱི་ཏི ས་ཏྟུ=ཡ་ཝཱ་དི་ཙུ་ཎྞཾ.
༧༡. ཨ་རི་སྶུ་ཊ ཙ.
ཨ་ར-ག་མ་ནེ་ཏཱི་མ་སྨཱ ཏུ ཧོ་ཏི, ཨ་རི་སྶ ཨུ་ཊ ཨཱ་དེ་སོ་ཙ. ཨ་ར་ཏི པ་ཝ་ཏྟ་ཏཱི་ཏི ཨུ་ཏུ=ཧེ་མ་ནྟཱ་དི,
༧༢. པི་ཏྭཱ་ད་ཡོ.
པི་ཏུ་ཨཱ་ད་ཡོ ས་དྡཱ ཏུ་ཨ་ནྟཱ ནི་པ་ཙྩ་ནྟེ. པཱ-ར་ཀྑ་ཎེ, ཨཱ་སྶ ཨི་ཏྟཾ, པཱ་ཏི ར་ཀྑ་ཏཱི་ཏི པི་ཏཱ=ཛ་ན་ཀོ. པཱ་ཏི་སྶེ་ཝཱ་དི་སྶ མོ, པཱ་ཡེ་ཏཱི་ཏི མཱ་ཏཱ=ཛ་ན་ནཱི. བྷཱ-དི་ཏྟི་ཡཾ, བྷཱ་ཏཱི་ཏི བྷཱ་ཏཱ=སོ་ད་རི་ཡོ. དྷཱ-དྷཱ་ར་ཎེ, ཨཱ་སྶ ཨཱི་ཏྟཾ, དྷཱ་རཱི་ཡ་ཏཱི་ཏི དྷཱི་ཏཱ=པུ་ཏྟཱི. དུ་ཧ-པ་པཱུ་ར་ཎེ, ཨོ་ཏྟཱ་བྷཱ་ཝོ, ཏུ་སྶ ཉྪི་ཙ. དུ་ཧ་ཏི པ་ས་ཝེ པ་པཱུ་རེ་ཏཱི་ཏི དུ་ཧི་ཏཱ=པུ་ཏྟཱི. ཛ་ན-ཛ་ན་ནེ, ཨ་སྶ ཨཱ་ཏྟཾ, མཱ ཙཱ་ནྟཱ་དེ་སོ. པ་པུ་ཏྟེ ཛ་ནེ་ཏཱི་ཏི ཛཱ་མཱ་ཏཱ=དུ་ཧི་ཏུ་པ་ཏི. ན་ཧ-བ་ནྡྷ་ནེ, ན་ཧཱི་ཡ་ཏི བ་ནྡྷཱི་ཡ་ཏི པེ་མེ་ནཱ་ཏི ན་ཏྟཱ-པ་པུ་ཏྟོ. ཧུ-ཧ་ཝ་ནེ, ཧ་ཝ་ཏི པཱུ་ཛེ་ཏཱི་ཏི ཧོ་ཏཱ=ཡ་ཉྙ་ཀོ. པཱུ-པ་ཝ་ནེ, པུ་ནཱ་ཏི ཨཱ་ཡ་ཏིཾ བྷ་ཝཾ པ་ཝི་ཏྟཾ ཀ་རོ་ཏཱི་ཏི པོ་ཏཱ=སོ་ཡེ་ཝ.