དྭི་ས་ཊྛི་མ་པ་རི་ཙྪེ་ད
པ་ར་མ་ཎྜ་ལཱ་བྷི་ག་མ་ནོ
༡. ཨ་ཏྟ་ནཱ་བྷི་མ་ཏ་སྶཱ’སུ, ཛཱ་ཏ་དེ་ས་སྶ པ་ཏྟི་ཡཱ;
ས་མྤུ་ཎྞ་མ་ན་ས་ངྐ་པྤོ, དུ་སྶ་ངྐ་པ་ཝི་ཝ་ཛྫི་ཏོ.
༢. ཝ་ཛི་རཱུ་པ་མོ་རུ་པ་ཉྙཱ, བ་ལེ་ན གུ་རུ་ས་ནྟི་ཀེ;
ལ་ཧུཾ བ་ཧུ་ཉྩ ག་ཎྷ་ནྟོ, སི་པྤ་ཛཱ་ཏ་མ་ནེ་ཀ ཀཾ.
༣. ཛི་ནཱ་ག་མེ་སུ ནེ་ཀེ་སུ, ཀོ་ཊི་ལླཱ དཱི་སུ ནཱི་ཏི་སུ;
ས་དྡ་ས་ཏྠེ ཙ ཀཱ་ཝེ་ཡྻེ, ས་ནི་གྷ་ཎྜུ་ཀ ཀེ་ཊུ་བྷེ.
༤. ན་ཙྩ་གཱི་ཏེ་སུ ས་ཏྠེ་སུ, ཧ་ཏྠི་སི་པྤཱ་དི་ཀེ་སུ ཙ;
དྷ་ནུ ཁ་གྒཱ་དི་ནེ་ཀེ་སུ, ས་ཏྠེ་སུ ཙ ཝི་སེ་ས་ཏོ.
༥. པཱ་ར་པྤ་ཏྟོ ཝི་ནཱི་ཏ་ཏྟོ, པི་ཏུ ར་ཉྙོ ས་མཱ་ཙ་རི;
ཨ་དྷི་པྤཱ་ཡཱ་ནུ་ཀུ་ལཾ’ཝ, ས་དཱ བྷ་ཏྟི་པུ་ར་སྶ་རོ.
༦. ཏ་དཱ ས་དཱ ད་རཱ་ཙཱ་ར-གུ་ཎཱ་རཱ་དྷི་ཏ་མཱ་ན་སོ;
པི་ཡེ་ན ཝི་ཡ མི་ཏྟེ་ན, ཏེ་ན ས་དྡྷིཾ མ་ཧཱི་པ་ཏི.
༧. ཨུ་ཡྻཱ་ན་ཛ་ལ་ཀཱི་ལཱ༹་དི-སུ་ཁཾ ནཱ་ན་པྤ་ཀཱ་ར་ཀཾ;
ཨ་ནུ་བྷོ་ཏྭཱ ས་དེ་ས་སྨིཾ, ས་ཉྩ་ར་ནྟོ ཏ་ཧིཾ ཏ་ཧིཾ.
༨. ཨེ་ཀ་དཱ་ས་ངྑ་སེ་ནཱ་དྷི-པ་ཏི་ནཱ ད་ལ༹ྷ་བྷ་ཏྟི་ནཱ;
ས་ར་ཊྛ་སཱི་མཱ ར་ཀྑཱ་ཡ, ཡོ ཛི་ཏེ་ན བ་ལཱི་ཡ་སཱ.
༩. ཨ་ཛ྄ཛྷཱ་ཝུ་ཏྠ་སྶ ཙ བ་ལ་ཏྠ-ལི་ན་མ་སྶ ཙ ས་ནྟི་ཀཾ;
གཱ་མ་སཱ’ག་ཉྪི སུ་ཏྭཱ་ན, ཏ་མ་ཏྠཾ དྷ་ཛི་ནཱི་པ་ཏི.
༡༠. གཱ་མཾ ཏཾ སཱ་དྷུ་ཀཾ ས་ཛྫུ, ས་ཛྫཱ་པེ་ཏྭཱ ས་པུ་ཏྟ་ཀཾ;
པ་ཙྩུ་གྒ་ནྟྭཱ མ་ཧཱི་པཱ་ལཾ, པ་ཎ་མི་ཏྭཱ ཋི་ཏོ ཏ་དཱ.
༡༡. པི་ཏཱ པུ་ཏྟོ ཨུ་བྷོ ཏ་སྶ, ས་མྦྷཱ་སི་ཡ པི་ཡཾ ཝ་ཙོ;
ནེ་ཀ་དྷཱ’རཱ་དྷི་ཏཱ ཏེ་ན, ཏཾ གཱ་མཾ ས་མུ་པཱ་ག་གུཾ.
༡༢. ཏ་ཧིཾ ཀ་ཏི་ཙི བྷཱུ་པཱ་ལོ, ཝཱ་ས་རེ ཝཱི་ཏི་ནཱ་མི་ཡ;
སེ་ནཱ་པ་ཏིཾ ས་མཱ་ཧཱུ་ཡ, ཨི་དཾ ཝ་ཙ་ནཾ མ་བྲ་ཝི.
༡༣. པུ་ཏྟོ མེ དཱ་ནི་ཝ་ཡ་སི, ཋི་ཏོ’ པ་ན་ཡ་ནཱ་ར་ཧེ;
ཏ་སྶོ་པ་ན་ཡ་ནཾ ཀཱ་ཏུཾ, མ་ཧོ་པ་ཀ་ར་ཎཾ ལ་ཧུཾ.
༡༤. ས་ཛྫེ་ཏ་བྦ་ནྟི ཏཾ སུ་ཏྭཱ, སོ་པི སེ་ནཱ་དྷི་ནཱ་ཡ་ཀོ;
ས་བྦུ་པ་ཀ་ར་ཎཾ ཁི་པྤཾ, མ་ངྒ་ལ་ཏྠཾ སུ་ས་ཛྫ་ཡི.
༡༥. སུ་ག་ནྡྷ དཱི་པ་པུ་པྥཱ་དི-ཝ་ཏྠཱུ་ཧི དི་ཝ་ས་ཏྟ་ཡཾ;
པུ་བྦ་ཀཱ་རཾ ཀ་རི་ཏྭཱ་ན, མ་ཧ་ནྟཾ ར་ཏ་ན་ཏྟ་ཡེ.
༡༦. ཝེ་དི་ཀཱ་ཙཱ་ར་ད་ཀྑེ་ཧི, དྭི་ཛེ་ཧི པུ་ཐུ་ཝཱི་པ་ཏི;
ས་མྤ་བྷཱ་ཝཱ་ནུ རཱུ་པཾ་ཝ, མ་ངྒ་ལཾ ཏཾ ས་མཱ་པི་ཡ.
༡༧. པ་ར་ཀྐ་མ་ཀུ་མཱ་རེ་ན, ཏེ་ན ས་དྡྷིཾ ས་མཱ་ར་བྷི;
ཝ་ས་ནྟ་ཀཱི་ལ༹ཾ མ་ཧ་ཏིཾ, སཱ་མ་ཙྩོ ཀཱི་ལི༹་ཏུཾ ཏ་དཱ.
༡༨. རཱ་ཛཱ ཀི་ཏྟི སི་རཱི་མེ་གྷོ-རོ་ཧ་ཎེ ཝ་ས་ཏོ ཏ་དཱ;
སི་རཱི་ཝ་ལླ་བྷ་ནཱ་མ་སྶ, ས་བྷཱ་ཏུ མ་ར་ཎ་མྤི ཙ.
༡༩. མཱ་ཎ་བྷ་ར་ཎ་ནཱ་མ་སྶ, ར་ཛྫ་ལཱ་བྷ་ཉྩ དེ་ཝི་ཡཱ;
མི་ཏྟཱ་ཡ པ་ཊི་ལཱ་བྷ་ཉྩ, སི་རཱི་ཝ་ལླ་བྷ་སཱུ་ནུ ནོ.
༢༠. རོ་ཧ་ཎཱ་ག་ཏ་དཱུ་ཏེ་ཧི, སུ་ཎི་ཏྭཱ ས་ཀ་བྷཱ་ཏུ་ནོ;
ཀཱ་ལ་ཀྲི་ཡཱ་ཡ ས་ཉྫཱ་ཏ-སོ་ཀ་ཝེ་གཾ སུ་དུ་སྶ་ཧཾ.
༢༡. མི་ཏྟཱ་ཡ་ཏ་ན་ཡུ་པྤ་ཏྟི པ་ཝ་ཏྟིཾ ས་ཝ་ཎེ་ན ཏཾ;
ཝི་ནེ་ཡྻ ཝི་ར་ཏོ ཏ་མྷཱ, ཝ་ས་ནྟ་ས་མ་ཡུ་སྶ་ཝཱ.
༢༢. ནི་ཝ་ཏྟེ་ཏྭཱ་ན ཏ་ཏྠེ་ཝ, སེ་ནཱ་ནིཾ ས་ངྑ་ནཱ་མ་ཀཾ;
པུ་ཏྟེ་ན ས་ཧ སོ ས་ངྑ-ཏྠ་ལི ནཱ་མཾ པུ་རཾ ག་མི.
༢༣. པ་ར་ཀྐ་མ་ཀུ་མཱ་རེ་ན, ཏེ་ན ས་དྡྷིཾ ཏ་ཧིཾ སུ་ཁཾ;
ཝ་ས་ཏོ ཏ་སྶ བྷཱུ་པ་སྶ, ཝ་སྶ་མེ་ཀ་མ་ཏི་ཀྐ་མི.
༢༤. མཱ་ཎཱ་བྷ་ར་ཎ་བྷཱུ་པ་སྶ, དེ་ཝཱི ཙཱ་པི པ་བྷཱ་ཝ་ཏཱི;
ལ་བྷི་ཏྠ དུ་ཏི་ཡཱ ཀི་ཏྟི-སི་རཱི མེ་གྷ་ཝ྄ཧ་ཡཾ སུ་ཏཾ.
༢༥. སུ་ཎི་ཏྭཱ ཏ་ཉྩ སོ ཨ་མྷཾ, ཝཾ་སོ ཛཱ་ཏོ མ་ཧཱ’’ཨི་ཏི;
ཨ་ཧུ ཀི་ཏྟི་སི་རཱི་མེ་གྷོ, ཏ་དཱ ཨ་ཏྟ་མ་ནོ བྷུ་སཾ.
༢༦. ལཾ་ཀཱ་དཱི་པོ་པ་བྷོ་གེ་ཀ-ཧེ་ཏུ་ནཱ མ་ཧ་ཏཱ ས་ཏཱ;
ཨ་སཱ་དྷཱ་ར་ཎ་བྷཱུ་བྷེ་ན, ཙོ་དི་ཏོ པུ་ཉྙ་ཀ་མྨུ་ནཱ.
༢༧. ཀུ་མཱ་རོ སོ’ཐ པི་ཏ་རཱ, པི་ཡ་མི་ཏྟེ ཝི་ཡ་ཏྟ་ནི;
ཀ་རི་ཡ་མཱ་ནཾ ས་སྣེ་ཧཾ, མ་ཧ་ནྟཾ ཙོ’པ་ལཱ་ལ་ནཾ.
༢༨. ས་ཙི་ཝཱ་ན་མ་ནེ་ཀེ་སཾ, བྷ་ཡ་བྷ་ཏྟཱི པུ་ར་སྶ་རཾ;
ཀྲི་ཡ་མཱ་ན་མུ་པ་ཊྛཱ་ནཾ, ན མ་ཉྙ་ནྟོ ཏི་ཎཱ་ཡ་པི.
༢༩. ལཾ་ཀཱ་དཱི་པ་མི་མཾ ས་བྦ མེ་ཀ་ཙྪ་ཏྟོ པ་སོ་བྷི་ཏཾ;
ཁི་པྤཾ ཀཱ་རེ་ཏུ་ཀཱ་མོ སོ, ས་ཡཾ ཨི་ཏི ཝི་ཙི་ནྟ་ཡི.
༣༠. ཀེ་ས ཨ་ཀྑ་ཀ གཱི་ཝ་ཊྛི-དཱ་ཋཱ པ་ཏྟཱ་ན མེ་ཝ ཙ;
པ་ད་ཙེ་ཏྱ མ་ཧཱ་བོ་དྷི-སཱ་ཁཱ་ན་ཉྩཱ་པི ས་ཏྠུ་ནོ.
༣༡. ཙ་ཏུ་རཱ་སཱི་ཏི་ས་ཧ་སྶཱ་ནཾ, དྷ་མྨ་ཀྑ་ནྡྷཱ་ན མེ་ཝ ཙ;
ས་མྨཱ་ས་མྦུ་དྡྷ་ཀ་པྤཱ་ནཾ, ཨཱ་དྷཱ་ར་ཏྟཱ ཙ ནི་ཙྩ་སོ.
༣༢. ཨཱ་ཀ་ར་ཏྟཱ ཙ ནེ་ཀེ་སཾ, མ་ཎི་མུ་ཏྟཱ་དི་ཝ་ཏྠཱུ་ནཾ;
ས་མྨ་ཏོ་པི ཝི་སི་ཊྛོ་ཏི, དཱི་པོ་ནཱ་ཏི མ་ཧཱ ཨ་ཡཾ.
༣༣. ཏ་ཡོ མེ པི་ཏ་རོ བྷཱུ་པཱ, མཱ་ཏུ་ལོ་པི ཙ ས་བྦ་ཐཱ;
ཨེ་ཀ་ཙྪ་ཏྟེ་ན ཝ་ཏྟེ་ཏུ, མ་ས་མ་ཏྠཱ ཝི་བྷ་ཛྫི’མཾ.
༣༤. བྷུ་ཉྫ་ནྟཱ ཨེ་ཏྟ་ཀེ་ནེ་ཝ, ཀ་ཏ་ཀི་ཙྩཱ མ་ཡཾ ཨི་ཏི;
མ་ཉྙ་ནྟཱ ཝི་ག་ཏ་ཙྪ་ནྡཱ’བྷི་སེ་ཀ་མྷི ཀུ་ལོ་ཙི་ཏེ.
༣༥. ར་ཊྛེ་ས་ཀེ ས་ཀེ་ཡེ་ཝ, ཨི་སྶེ་རཾ ས་མྤ་ཝ་ཏྟ་ཡུཾ;
ཀ་སི་ཀ་མྨཱ་དི་ཀཾ གཱ་མ-བྷོ་ཛ་ཀཱ ཝི་ཡ ནི་སྶི་ཏཱ.
༣༦. ཏེ་སུ ཀི་ཏྟི་སི་རི མེ་གྷཾ, པེ་ཏྟེ་ཡྻཾ མེ ཋ་པེ་ཏྭ ཏེ;
ཨ་ག་མཾ་སུ ཡ་ཐཱ་ཀ་མྨཾ, སེ་སཱ བྷཱུ་པ་ཏ་ཡོ ཏ་ཡོ.
༣༧. མ་ཙྩཱ་ནཾ པ་ར་མཾ ཨཱ་ཡུ, ཝ་ཏེ’དཱ་ནི པ་རི་ཏྟ་ཀཾ;
བཱ་ལཱ་ཡུ་ཝཱ་ནོ ཝུ་དྡྷཱ ཙ, ཨི་མེ ས་ཏྟཱ’ནུ་པུ་བྦ་སོ.
༣༨. པཱ་པུ་ཎི་སྶ་ནྟི མ་ར་ཎ-མཱི་ཏི’ཡཾ ནི་ཡ་མོ་པི ཙ;
ན ཧེ་ཝ ཨ་སྨིཾ ལོ་ཀ་སྨིཾ, སཾ་ཝི་ཛྫ་ཏི ཀ་དཱ་ཙི་པི.
༣༩. ཏ་སྨཱ ས་རཱི་ར་ཀེ ཨ་སྨིཾ, བྷ་ངྒུ་རེ སཱ་ར་ཝ་ཛྫི་ཏེ;
ཧཱི་ལི༹་ཏེ སཱ་ར་ད་སྶཱི་ཧི, ཨ་པེ་ཀྑཾ ཧི་ཏྭཱ ས་བྦ་ཐཱ.
༤༠. པི་ཧ་ནི་ཡེ ཡ་སོ་དེ་ཧེ, ཙི་ར་ཊྛཱ་ཡི་མྷི ས་བྦ་དཱ;
ཨ་མྷཱ་དི་སེ་ཧི ཀ་ཏྟ་བྦོ, རཱ་ཛ་པུ་ཏྟེ་ཧི ཨཱ་ད་རོ.
༤༡. ཨུ་མྨ་གྒ་ཛཱ་ཏ་ཀཱ་དཱི་སུ, ཙཱ་རི་ཏྟ་ཉྩཱ་པི བྷཱུ་མི་སུ;
ཝི་ཧི་ཏཾ བོ་དྷི་ས་ཏྟེ་ན, ཝཱི་ར་བྷཱ་ཝཱ་དི་ནི་སྶི་ཏཾ.
༤༢. རཱ་མཱ་ཡ་ཎ་བྷཱ་ར་ཏཱ་དི-ལོ་ཀི་ཡཱ་སུ ཀ་ཐཱ་སུ་པི;
རཱ་མ་སྶ ཝི་ཀྐ་མ་ཉྩེ་ཝ, ཏ་སྶ རཱ་ཝ་ཎ་གྷཱ་ཏི་ནོ.
༤༣. དུ་ཡོ་དྷ་ནཱ་དི་རཱ་ཛཱ་ནོ, ཧ་ནྟྭཱ་ཡུ་དྡྷེ པ་ཝ་ཏྟི་ཏཾ;
ཝི་ཀྐ་མཱ་ཏི ས་ཡ་ཉྩེ་ཝ, པ་ཉྩ་ནྣཾ པ་ཎྜུ་སཱུ་ནཱུ་ནཾ.
༤༤. ཨི་ཏི་ཧཱ་ས་ཀ་ཐཱ་ཡ་ཉྩ, དེ་ཝཱ་སུ་ར་ར་ཎེ པུ་རཱ;
དུ་སྶ་ནྟཱ་དི་མ་ཧཱི་པེ་ཧི, ཀ་ཏ་ཉྩ ཙ་རི་ཏ་བྦྷཱུ་ཏཾ.
༤༥. ཨུ་མྨཱུ་ལི་ཏ་ཝ་ཏོ ཏ་སྶ, ན་ནྡ་ཝཾ་ས་ན་རི་སྶ་རེ;
ཙཱ་ར་ཀྐ་དྭི་ཛ་སེ་ཊྛ་སྶ, སུ་ཏྭཱ བུ་དྡྷི་བ་ལ་མྤི ཙ.
༤༦. ས་བྦཱ ནེ་ཏཱ་ནི ལོ་ཀ་མྷི, ཡཱ་ཝ་ཛྫ་དི་ཝ་སཱ བྷུ་ཝི;
ཏེ་སཾ ཨ་ས་ནྣི་དྷཱ་ནེ་པི, སུ་པྤ་སི་དྡྷིཾ ག་ཏཱ་ནི ཧི.
༤༧. སུ་ལ་དྡྷཾ ཛཱི་ཝི་ཏཾ ཏེ་སཾ, ཨ་སཱ་དྷཱ་ར་ཎ་མཱི་དི་སཾ;
ཙ་རི་ཏཱ་ཏི་ས་ཡཾ ཀ་ཏྟུཾ, ས་མ་ཏྠཱ ཧོ་ནྟི ཡེ བྷུ་ཝི.
༤༨. ཛཱ་ཡི་ཏྭཱ ཁ་ཏྟ་ཝཾ་ས་མྷི, ཁ་ཏྟ་ཝཱི་ར་ཝ་རོ་དྷི་ཏཾ;
ཡ་དི་ཧཾ ན ཀ་རི་སྶཱ་མི, མོ་གྷཱ མེ ཛཱ་ཏི ཧེ་སྶ་ཏི.
༤༩. ཏེ་ས་མ་བྦྷ་དྷི་ཀཱ ཀཱ་ལ-ས་མྤ་དཱ་ཡེ་ཝ ཀེ་ཝ་ལཾ;
མ་ཡཱ ཏེ ཨ་དྷི་ཀཱ ཀི་ནྟུ, པ་ཉྙཱ་དཱི་ཧཱི་ཏི ཙི་ནྟི་ཡ.
༥༠. པི་ཏུ་རཱ་ཛཱ ཙ མེ’དཱ་ནི, པ་ཙྪི་མེ ཝ་ཡ་སི་ཊྛི་ཏོ;
ཡ་དི་དཾ པེ་ཏྟི་ཀཾ ར་ཛྫཾ, མ་མ ཧ་ཏྠ་ག་ཏ་བྦྷ་ཝེ.
༥༡. རཱ་ཛ་ལ་ཀྑི་ཝ སོ པེ་ཏ-ཙེ་ཏ་སོ མེ པ་མཱ་ད་ཏོ;
ཡ་ཐི་ཙྪི་ཏ་ཉྩེ ན བྷ་ཝེ, མ་ཧ་ཏཱི ཛཱ་ནི མེ བྷུ་སཾ.
༥༢. ཨེ་ཏྠེ་ཝ ནི་ཝ་ས་ནྟོ’ཧཾ, ཙ་རཱ་པི་ཡ ས་ཀེ ཝ་རེ;
པ་ར་མ་ཎྜ་ལ་ཝུ་ཏྟ་ནྟཾ, ཛཱ་ནེ་ཡྻཾ ཡ་དི ཏ་ཏྟ་ནོ.
༥༣. ར་ནྡྷཾ པ་ཙྩ་ཏྠི་ཀཱ་ན་ནྟུ, པ་ཀཱ་སེ་ཏུཾ ར་ཐཱ་ཏ་ཐཾ;
ཨ་དྷི་པྤཱ་ཡཱ་ནུ་རཱུ་པཾ མེ, ས་མ་ཏྠཱ ཝཱ ན ཝཱ་ཙ་རཱ.
༥༤. ཡེ ཀེ་ཙི’དྷ ཛ་ནཱ ས་ནྟི, ས་བྦེ ཏེ མ་མ ས་མྨུ་ཁཱ;
བ་ལཱི་ཡ་ཏྟཾ’ཝ ས་ཏྟཱུ་ནཾ, ཀ་ཐ་ཡ་ནྟི ཨ་ནེ་ཀ་སོ.
༥༥. པ་ཙྩེ་ཀ་ར་ཊྛ་སཱ་མཱི་ཧི, པི་ཏུ་བྷཱུ་པེ་ཧི ཏི་ཧི་པི;
ཨེ་ཀཱི་བྷཱུ་ཡ ཀ་རི་ཏྭཱ་ན, ས་ཏྟ་ཀྑ་ཏྟུཾ མ་ཧཱ་ཧ་ཝཾ.
༥༦. སཱ་དྷེ་ཏུཾ དུ་ཀྐ་རཾ ར་ཊྛཾ, བྷ་ཝ་ཏེ ཀཱ་ཀི་ནཱ ཀ་ཐཾ;
སི་སུ་ནཱ ག་ཎྷི་ཏུཾ ས་ཀྐཱ, ཁུ་དྡ་ར་ཛྫོ པ་བྷོ་གི་ནཱ.
༥༧. སུ་ཀ་རཾ མཱུ་ལ་བྷཱུ་ཏ་སྶ, ཏ་སྶ ར་ཛྫ་སྶ སཱ་དྷ་ནཾ;
ཨི་ཏི དུ་ཙྩི་ནྟཾ་ཏཾ ཏུ་ཡ྄ཧཾ, དཱུ་རེ ཏ་བྦ་མི་དཾ’’ཨི་ཏི.
༥༨. ཀ་ཎྞེ ཏ་ཏྠ་ས་ལཱ་ཀཱ་ཡོ, པ་ཝེ་སེ་ནྟཱ’ཝ ནེ་ཀ་སོ;
མ་ཧ་ནྟ་ཏྟཾ ཀ་ཐེ་ནྟེ’ཝཾ, བ་ཧུ་དྷཱ པ་ར་མ་ཎྜ་ལེ.
༥༩. ཨ་ཛཱ་ན་ནཾ ཡ་ཐཱ་བྷཱུ་ཏཾ, ཝ་ད་ནྟཱ་ནཾ ཀུ་བུ་དྡྷི་ནཾ;
ས་བྦ་མེ་ཏཾ ཝ་ཙོ ཛཱ་ཏུ, ས་དྡྷཱ་ཏ་བྦཾ སི་ཡཱ ན ཧི.
༦༠. ལེ་སེ་ནེ་ཀེ་ན ག་ནྟྭཱ་ན, ཁི་པྤཾ’ཝ པ་ར་མ་ཎྜ་ལཾ;
ས་རཱུ་པཾ ཏ་ཏྠ ཨུ་སྶཱ་མི, ཨ་ཧ་མེ་ཝེ་ཏི ཙི་ནྟ་ཡི.
༦༡. ཡ་དི མེ པཱི་ཏུ་བྷཱུ་པཱ་ལོ, ཝི་ཉྙཱ་ཡེ་ཏཾ ཝི་ཏ་ཀྐི་ཏཾ;
ཨ་བྷི་ཛཱ་ཏ་སྶ པུ་ཏྟ་སྶ, ཝཾ་ས་ཛོ་ཏི་ཀ་ར་སྶ མེ.
༦༢. ག་ཏ་སྶ ས་ཏྠུ ཝི་ས་ཡ-མ་ན་ཏྠོ་པི སི་ཡཱ ཨི་ཏི;
ཨ་ནུ་ཀ་མྤཱ་དྷི་ཡཱ མ་ཡ྄ཧཾ, ག་མ་ནཾ ཝཱ་ར་ཡི་སྶ་ཏི.
༦༣. མ་ནོ་ར་ཐ་སྶ སཾ་སི་དྡྷི, ས་བྦ་ཐཱ མེ་ན ཧེ་སྶ་ཏི;
ཏ་སྨཱ ནི་གུ་ལ༹་རཱུ་པེ་ན, ག་མ་ནཾ བྷ་དྡ་ཀཾ ཨི་ཏི.
༦༤. ལ་དྡྷཱ་ན ར་ཏྟི་ཡ་མ ཐེ་ཀ་དི་ནཾ ཁ་ཎ་ཉྙཱུ,
སོ ཏཱ་དི་སཾ ཁ་ཎ་མ་ཁཱི་ཎ་ཏ་རོ་རཱུ་པཱ་ཡོ;
ཛཱ་ནཱ་ཏི ནོ ས་ཀ་པི་ཏཱ་ག་མ་ནཾ ཏ་ཐཱ་ཏཾ,
གེ་ཧཱ’བྷི་ནི་ཀྑ་མི་ཏ་ཐཱ ཙ་ཏུ་རོ ཀུ་མཱ་རོ.
སུ་ཛ་ན་པྤ་སཱ་ད་སཾ་ཝེ་ག་ཏྠཱ་ཡ ཀ་ཏེ མ་ཧཱ་ཝཾ་སེ
པ་ར་མ་ཎྜ་ལཱ་བྷི་ག་མ་ནོ ནཱ་མ
དྭི་ས་ཊྛི་མོ པ་རི་ཙྪེ་དོ.