ཏི་ས་ཊྛི་མ པ་རི་ཙྪེ་ད
སེ་ནཱ་པ་ཏི་ཝ་དྷོ
༡. ནི་ཛཱ་ཡུ་དྷ་དུ་ཏི་ཡ་སྶ, ནི་ཀྑ་མ་ནྟ་སྶ ཏ་སྶ ཧི;
ཏཾ ཁ་ཎཾ པུ་ར་ཏོ ཀོ’པི, ས་ངྑ་ས་དྡོ ས་མུ་གྒ་ཏོ.
༢. ཏ་ཏོ ནེ་ཀ་ནི་མི་ཏྟ་ཉྙཱུ, ཀུ་མཱ་རོ ཏཾ སུ་ཎི ཏྭ སོ;
ནི་པྥ་ཛྫི་སྶ་ཏི ས་ངྐ་པྤོ, ཁི་པྤཾ ཡེ་ཝེ་ཏི མོ་ད་ཝཱ.
༣. ཏ་ཏྠ ཏ་ཏྠ ནི་ཡུ་ཏྟཱ་ནཾ, ར་ཀྑ་ཀཱ་ན་མ་ཛཱ་ན་ཏཾ;
ནི་ཀྑ་མི་ཏྭཱ པུ་རཱ་ཝཱི་ཏ-བྷ་ཡོ སཱི་ཧ་པ་ར་ཀྐ་མོ.
༤. ཝེ་གེ་ན མ་གྒཾ ག་ནྟྭཱ་ན, པ་ཉྩ་གཱ་ཝུ་ཏ་མ་ཏྟ་ཀཾ;
བ་ད་ལ་ཏྠ་ལ་གཱ་མ་སྶ, པ་དེ་སེ་ནཱ་ཏི དཱུ་ར་ཀེ.
༥. གཱ་མ མེ་ཀ་མུ་པཱ་ག་ཉྩི, པི་ལིཾ ཝ་ཏྠཱུ་ཏི ས་ཉྙི་ཏཾ;
ཛ་ནཱ་ནཾ ས་ནྣི་པཱ་ཏཱ་ཡ, ནི་ཛཱ་ནཾ སོ ཀ་ཏཱ་ཝ་དྷི.
༦. ནི་ཛཱ་ག་མ་ན་ཏོ པུ་བྦཾ, པ་ཊི་མ་གྒེ ནི་སཱི་དི་ཏུཾ;
པ་ཊི་ལ་དྡྷ་ནི་ཡོ་གཱ་ནཾ, ཡེ་ཙི དེ་ཝཱ་ག་ཏེ ཏ་དཱ.
༧. ཏ་ཧིཾ ཋི་ཏེ སོ པ་སྶི་ཏྭཱ, ཨེ་ཏྟ་ཀཱ ཀི་ནྣུ ཨཱ་ག་ཏཱ;
ཨི་ཏི པུ་ཙྪི ཀུ་མཱ་རོ་ཐ, ཏེ་པི ཏཾ ཨི་ད མ་བྲ་ཝུཾ.
༨. ལོ་ཀ་པྤ་ཝ་ཏྟིཾ ས་ཀ་ལཾ, ཛཱ་ན་ནྟེ་ནཱ་པི སཱ་མི་ནཱ;
ཀི་མེ་ཝ མུ་ཙྩ་ཏེ མ་ཙྩུ-བྷ་ཡཾ ཀེ་སཾ ན ཝི་ཛྫ་ཏི.
༩. བཱ་ལཱ་ཏཱ་ནུ་ག་ཏོ སཱ་མི, ཋི་ཏོ ཝ་ཡ་སི ཨཱི་དི་སེ;
ཨ་ཛྫཱ་པི ཧི མུ་ཁེ ཏུ་ཡ྄ཧཾ, ཁཱི་ར་ག་ནྡྷོ པ་ཝཱ་ཡ་ཏི.
༡༠. ན ཧེ་ཝ་ཏྠི ཝི་སུཾ ཝི་ཏྟ-ཛཱ་ཏཾ ས་ངྒ་ཧི་ཏཾ ཏ་ཝ;
ཏ་ད་ཉྙཱ ཙོ་པ་ཀ་ར་ཎ-སཱ་མ་གྒཱི ནེ་ཝ ཝི་ཛྫ་ཏེ.
༡༡. ཙི་ར་མྤ་རི་ཙི་ཏ་ཏྟེ་ཧི, ད་ལ༹ྷཾ སཱ་རུ་ལ༹་བྷ་ཏྟི་ཧི;
ཝི་ནཱ’མྷེ་ཧི ཝི་སུཾ ཀེ་ཝཱ’ནུ་ག་ནྟཱ་རོ ཛ་ནཱ་ཏུ་ཝཾ.
༡༢. ཀི་ཉྩཱ་ག་ཏཱ་ན་མ་མྷཱ་ཀཾ, པི་ཏཱ ཏུ་ཡ྄ཧཾ ན་རི་སྶ་རོ;
ཀཱ་རེ་སྶ་ཏི ཨི་དཾ ནཱ་མ, ས་བྦ་ཐཱ ནེ་ཝ ཉཱ་ཡ་ཏེ.
༡༣. ཨ་མྷཱ་ཀ་མ་ནྟ་རཱ་མ་གྒེ, ས་ངྑོ ནཱ་མ ཙ་མཱུ་པ་ཏི;
མ་ཧ་བྦ་ལོ མ་ཧཱ་ཝཱི་རོ, ར་ཛྫ་སཱི་མཾ ཏ་མཱ་ཝ་སཾ.
༡༤. པ་ཙྩ་ཏྠི་ཏེ ཋ་པེ་ཏྭ་ཉྙེ, ཨེ་ཏེ ཀ་ཏི་པ་ཡཱ མ་ཡཾ;
ཨ་ཉྙ་མ་ཉྙ་མྷི ནི་ཡ་ཏ-མཱ་ས་ངྐཱི ཧ་ད་ཡཱ བྷུ་སཾ.
༡༥. ཨ་རུ་ཎུ་གྒ་མ་ཝེ་ལཱ ཙ, ས་མཱ་ས་ནྣ་ཏ་རཱ་དྷུ་ནཱ;
ཨི་ཏི བྷཱི་ཏིཾ པ་ཀཱ་སེ་སུཾ, པ་ཙྩེ་ཀཾ ཧ་ད་ཡ་སྶི་ཏཾ.
༡༦. ནི་ས་མྨ ཏེ་སཾ ཝ་ཙ་ནཾ, ཝི་དྷཱ་ཡ མ་དྷུ་རཾ སི་ཏཾ;
ཝཱི་ཏ་ས་ངྐོ ཀུ་མཱ་རོ སོ, མུ་ཁཱ་ནེ’སཾ ཝི་ལོ་ཀི་ཡ.
༡༧. ཙ་རི་ཏྭཱ་པི མ་ཡཱ ས་དྡྷི-མེ་ཏེ’ཧོ ཀཱ་ལ་མེ་ཏྟ་ཀཾ;
ན ཛཱ་ནིཾ་སུ མ་མཾ ས་བྦེ, ཡེ་ས་ཉྷི བྷ་ཡ་མི་དི་སཾ.
༡༨. ཨི་ཏི ཝ་ཏྭཱ བྷ་ཡཾ ཏེ་སཾ, ཝི་ནོ་དེ་ཏུ མུ་པ་ཊྛི་ཏཾ;
སཱི་ཧ་ནཱ་དཾ ཏ་དཱ’ཀཱ་སི, མ་ཧ་ནྟཾ སཱི་ཧ་ཝི་ཀྐ་མོ.
༡༩. ཏི་ཊྛ་ནྟུ མཱ་ནུ་སཱ ས་བྦེ, མ་ཡི ཧ་ཏྠ་ག་ཏཱ་ཡུ་དྷེ;
ས་ཀྐོ དེ་ཝཱ་ན་མི་ནྡོ་པི, ཀུ་པི་ཏོ ཀིཾ ཀ་རི་སྶ་ཏི.
༢༠. བཱ་ལོ་ཏི མཾ ཙི་ནྟ་ཡ ཏཾ, ཛཱ་ཏཱ ཝོ ཀུ་མ་ཏཱི་དི་སཱི;
པ་རི་ཀྑཱི་ཡ་ཏི ཏེ ཛཱ་ཎཱ, ན་ཝ་ཡོ’ཏི ན ཀིཾ སུ་ཏཾ.
༢༡. ཨ་ཛྫེ་ཝ ཀཱ་ཏུ་མེ་ཀེ་ན, ཀ་མྨུ་ནཱ ཙི་ནྟི་ཏེ་ན མེ;
ས་དེ་ས་པ་ར དེ་ས་ཊྛཱ, བྷ་ཡ་བྷ་ཏྟཱི ཡ་ཐཱ་མ་ཡི.
༢༢. ཀ་རི་སྶ་ནྟི ཡ་ཐཱ ཝེ་དཾ, བྷ་ཡཾ ཏུ་མྷེ ཛ་ཧི་སྶ་ཐ;
ཏ་ཐཱ ར་ཏྟི་ཡ་མེ་ཏཱ་ཡ, ཝི་བྷཱ་ཏཱ་མ་ཡ ཁ་ཎེ་ན མེ.
༢༣. ཨུ་ནྣ་ཏེ ད་སྶ་ཡི་སྶཱ་མི, བུ་དྡྷི སཱ་ཧ་ས་ཝི་ཀྐ་མེ;
ཨ་ནུ་དྷཱ་ཝ་ཏི མཾ ཏཱ་ཏ, སེ་ཏེ་ཧི ཡ་དི ཝོ བྷ་ཡཾ.
༢༤. པུ་ར་ཏོ ཧོ་ཐ ཏུ་མྷེ་ཧི, ཝ་ཏྭཱ ཏེ ག་ཧི་ཏཱ་ཡུ་དྷོ;
སཱ་ཧ་སེ་ཀ་ར་སོ ཝཱི་རོ, ཏ་མྷཱ ནི་ཀྑ་མྨ གཱ་མ་ཏོ.
༢༥. ཨུ་ད་ཡཱ’ཙ་ལ་སཱི་ས་ཊྛཾ, ཛེ་ཏུ་མཱ་དི་ཙྩ་མ་ཎྜ་ལཾ;
ཨ་པ་རཾ ར་ཝི བི་མྦཾ་ཝ, པ་ཙྪི་མཱ སཱ མུ་ཁོ་དི་ཏཾ.
༢༦. ཏེ་ཛ་སཱ པ་ས་ར་ནྟེ་ན, ཛ་ནཱ་ནཾ པ་ཝི་ཀཱ་ས་ཡཾ;
ནེ་ཏ་མྦུ་ཛ་ཝ་ནཾ པཱ་ཏོ, བ་ད་ལ་ཏྠ་ལི་མཱ་ག་མི.
༢༧. ཛ་གྷ་ས་ངྑ་སྶ་རེ་ནཱ’ཐ, སེ་ནཱ ནཱ་ཐོ པ་བུ་ཛ྄ཛྷི་ཡ;
ས་ཉྫཱ་ཏ་ས་མྦྷ་མོ ཉ་ཏྭཱ, རཱ་ཛ་པུ་ཏྟ་མུ་པཱ་ག་ཏཾ.
༢༨. ས་དྡྷིཾ བ་ལེ་ན མ་ཧ་ཏཱ, པ་དྷུ་གྒ་མྨ་ཀ་ཏཱ་ད་རོ;
པ་ཎཱ་མ་མུ་ཙི་ཏཾ ཀ་ཏྟུ-མཱ་ན་ཏོ ཝ་སུ་དྷཱ་ཏ་ལེ.
༢༩. ཨ་མྷཱ་ཀ་མེ་ས་ཛཱི་ཝ་ནྟོ, ཀིཾ ནཱ་མ་ཏྠཾ ཀ་རི་སྶ་ཏི;
མཱ་རེ་ཏ་བྦོ’དྷུ་ནེ་ཝེ་ཏི, པ་སྶ་ནྟེ ས་མུ་ཁཾ བྷ་ཊེ.
༣༠. ནེ་ཝཱ’དི་ཊྛཱ་པ་རཱ་དྷ་སྶ, མ་ར་ཎཾ པུ་རི་སོ ཙི་ཏཾ;
ཝ་དྷོ ཝི་རོ་དྷེ ས་ཀྐཱ’ཏི, ཨི་ངྒི་ཏེ་ན ནི་ཝཱ་རི་ཡ.
༣༡. སེ་ནཱ་པ་ཏི་སྶ སོ ཧ་ཏྠཾ, ག་ཧེ་ཏྭཱ སཱི་ཧ་ས་ནྣི་བྷོ;
བྷཱ་ས་ནྟོ མ་དྷུ་རཾ ཝཱ་ཙཾ, ཏ་སྶེ་ཝཱ’ག་ཉྪི མ་ནྡི་རཾ.
༣༢. ཨ་ཐ་སྶ ག་མ་ནཾ ར་ཉྙོ, བྷ་ཝི་ཏ་བྦ་མ་ཛཱ་ན་ཏཱ;
ས་རཱུ་པཾ ཡཱ་ཝ ཛཱ་ནཱ་མི, ཏཱ་ཝ་སྶེ་ཏེ ས་ཧཱ་ག་ཏཱ.
༣༣. ཡ་ཐཱ ན ས་ཧི་ཏཱ ཧོ་ནྟི, ཋ་པེ་ཏ་བྦཱ ཝི་སུཾ ཝི་སུཾ;
ཀུ་མཱ་རོ’ཝ མ་མཱ་གཱ་རེ, ཝ་ས་ཏཱུ’ཏི ཝི་ཙི་ནྟི་ཡ.
༣༤. ཏ་ཐཱ སེ་ནཱ་པ་ཏི ཀ་ཏྭཱ, ཝ་ཉྩེ་ཏུཾ ཏཾ མ་ཧཱ་མ་ཏིཾ;
ད་སྶེ་ཏྭཱ’ཏི ཐཱི་ས་ཀྐཱ་རཾ, ར་ཉྙོ དཱུ་ཏེ ས པེ་ས་ཡི.
༣༥. ཀུ་མཱ་རོ’ཐ ཝི་དི་ཏྭཱ་ན, ཏེ་ན ཏཾ ཝ་ཉྩ་ནཾ ཀ་ཏཾ;
ཀ་ཏྟ་བྦ་མེ་ཏྠཱ’ཀ་ཏྭཱ་ཧ, མུ་དཱ་སཱི་ནོ བྷ་ཝེ ཡ་དི.
༣༦. ཨི་ཙྪི་ཏ་ཏྠ་སྶ ནི་པྥ་ཏྟི, ན མེ ཛཱ་ཏུ བྷ་ཝི་སྶ་ཏི;
ཨ་ཡཾ ཏཱ་ཝཱ’དྷུ་ནཱ་ཝ་སྶཾ, མཱ་རེ་ཏ་བྦོ་ཏི ཙི་ནྟི་ཡ.
༣༧. ས་ཧཱ་ག་ཏཾ པ་ཡོ་ཛེ་ཏྭཱ, གྷཱ་ཏཱ་པ་ཡི ཙ་མཱུ་པ་ཏིཾ;
ཧ་ཏོ སེ་ནཱ་དྷི་ནཱ་ཐོ’ཏི, མ་ཧ་ནྟཾ ཁུ་བྷི་ཏཾ ཨ་ཧུ.
༣༨. སེ་ནཱ་ནཱ་ཐ་བྷ་ཊོ ཨེ་ཀོ, སུ་ཏྭཱ སེ་ནཱ་པ་ཏིཾ ཧ་ཏཾ;
མཱ་ར་ཎཾ སཱ་མི་ནོ མ་ཡ྄ཧཾ, ཀིཾ ནི་མི་ཏྟ་མཱི་ཏི བྲ་ཝི.
༣༩. ནེ་ཏྟིཾ ས་པཱ་ཎཱི ས་ཧ་སཱ, ཀུ་མཱ་རཾ ཋི་ཏ་མེ་ཀ་ཀཾ;
ཨ་བྷི་དཱ་ཝི ས་སཱ་མི་སྶ, པ་རི་ཙ་ཏྟ་ཏྟ་ཛཱི་ཝི་ནོ.
༤༠. ཀུ་མཱ་ར་སྶ མུ་ཁཾ དི་སྭཱ, ཝེ་དྷ་མཱ་ནོ བྷ་ཡེ་ན སོ;
པུ་རེ ཋཱ་ཏུ་མ་ས་ཀྐོ་ནྟོ, པཱ་ད་མཱུ་ལེ ཏ་ཏོ ས་ཡི.
༤༡. ག་ཎྷ་ཐེ’ཏ་ནྟི་ཝ་ཙ་ནཱ-ཀུ་མཱ་ར་སྶ པུ་རེ་ཏ་རཾ;
ཏ་སྶེ་ཝེ་ཀོ ས་ཧ་ཙ་རོ, བྷ་ཊ་མེ་ཏཾ ཝི་གྷཱ་ཏ་ཡི.
༤༢. ནི་ཡོ་གཾ མེ ཝི་ནཱ ཏེ་ན, ཀ་ཏཾ ཀ་མྨཾ ན ཡུ་ཛྫ་ཏི;
ཨི་ཏི ད་ཎྜ་ན་མེ་ཏ་སྶ, ཀཱ་རཱ་པེ་སི་ཡ་ཐོ་ཙི་ཏཾ.
༤༣. ཨ་ཐ ཏཾ ཀཱ་ལ་ཡ་མྦྷཱུ་ཏ-ས་ངྑོ་བྷ་མ་ཏི་བྷིཾ་ས་ནཾ;
བྷ་མུ་ཀྑི་པ་ན་མ་ཏྟེ་ན, རཱ་ཛ་པུ་ཏྟོ ས་མཾ ན་ཡི.
༤༤. ཝཱི་རོ ཡ་སོ་དྷ་ར་དྷ་ནོ དྷི་ཏི་མཱ ཀུ་མཱ་རོ;
ཝཱི་རོ་པ་ཀཱ་ར་ཙ་ཏུ་རོ ཝ་ར་ཀི་ཏྟི་སཱ་རོ;
སེ་ནི་ནྡ་ས་ཉྩི་ཏ་མ་ན་པྤ་དྷ་ནཾ བྷ་ཊཱ་ནཾ;
ས་བྦཾ ཝི་ས་ཛྫ་ཡི ཡ་ཐཱ་རུ་ཙི་ཡཱ ག་ཧེ་ཏུཾ.
སུ་ཛ་ན་པྤ་སཱ་ད་སཾ་ཝེ་ག་ཏྠཱ་ཡ ཀ་ཏེ མ་ཧཱ་ཝཾ་སེ
སེ་ནཱ་པ་ཏི་ཝ་དྷོ ནཱ་མ
ཏི་ས་ཊྛི་མོ པ་རི་ཙྪེ་དོ.