ཨེ་ཀ་ས་ཊྛི་མ པ་རི་ཙྪེ་ད
ས་ངྑ་ཏྠ་ལི་པུ་རཱ་བྷི་ག་མ་ནོ
༡. སུ་ཏྭཱ དྭེ བྷཱ་ཏ་རོ ཨ་ཉྙེ, ཛེ་ཊྛ་སྶོ པ་ར་ཏིཾ་ས་དཱ;
ཁི་པྤཾ ས་ར་ཊྛཱ ཨཱ་ག་མྨ, ཀཱ་རེ་སུཾ ཨ་ནྟི་མཾ ཝི་དྷིཾ.
༢. ཨ་ཐ ཀི་ཏྟི་སི་རི་མེ་གྷོ, ར་ཊྛཾ ཛེ་ཊྛ་སྶ བྷཱ་ཏུ་ནོ;
ཨ་ཏྟཱ་དྷཱི་ནཾ ཀ་རི་ཏྭཱ་ན, ཨཱ་མ་ནྟི་ཡ ཀ་ཎི་ཊྛ་ཀཾ.
༣. ད་ཏྭཱ ར་ཊྛ་དྭ་ཡཾ ཨ་ཉྙཾ, ཝ་ཏྠུཾ ཏ་ཏྠེ་ཝ ཨཱ་དི་སི;
སོ’པི ཛེ་ཊྛ་སྶ བྷཱ་ཏུ་སྶ, ཝ་ཙ་ནཾ ས་མྤ་ཊི་ཙྪི་ཡ.
༤. ས་མཱ་དཱ་ཡ ཀུ་མཱ་ར་ཉྩ, དེ་ཝི་ཉྩ ར་ཏ་ནཱ་ཝ་ལིཾ;
དྷཱི་ཏ་རོ དྭེ ཙ ག་ནྟཱ་ན, མ་ཧཱ ནཱ་མ་ཧུ་ལཾ པུ་རཾ.
༥. ས་མ་གྒཱ ནི་ཝ་སཾ ཏ་ཏྠ, ཀུ་མཱ་ར་སྶ སི་ཁཱ་མ་ཧཾ;
ཀཱ་རེ་ཏྭཱ པ་རི་ཧཱ་རེ་ན, ཝ་ཌྜྷེ་སི མ་ཧ་ཏཱ ས་དཱ.
༦. ཏ་ཏོ སོ དེ་ཝི་ཡཱ ཛེ་ཊྛཾ-དྷཱི་ཏ་རཾ མི་ཏྟ་ནཱ་མི་ཀཾ;
དཱ་ཏུ་ཀཱ་མོ ས་པུ་ཏྟ་སྶ, ས་ཧཱ་མ་ཙྩེ་ཧི མ་ནྟ་ཡི.
༧. ཀཱ་ལི་ངྒ་ནྭ་ཡ་ས་མྦྷཱུ་ཏཱ, པཱ་ཡེ་ན་ཁ་ལུ བྷཱུ་མི་པཱ;
སཱ་མི་བྷཱ་ཝཾ ག་ཏཱ ཨ་སྨིཾ, ལ་ངྐཱ་དཱི་པ་མྷཱི བྷཱུ་ཡ་སོ.
༨. ཀཱ་ལི་ངྒ་གོ་ཏྟ ས་མྦྷཱུ་ཏ, ག་ཛ་བཱ་ཧུ་སྶ དཱ་ཏ་ཝེ;
གཱུ་ལ༹་རཱུ་པེ་ན དེ་ཝཱི’ཡཾ, ཡ་དི པེ་སེ་ཡྻ དྷཱི་ཏ་རཾ.
༩. བྷི་ཡྻོ ཝི་ཝཱ་ཧ་ས་མྦ་དྡྷོ, བ་ལ་ཝཱ སོ བྷ་ཝི་སྶ་ཏི;
མ་ཡ྄ཧཾ ཨེ་སོ ནི་རཱ་ལ་མྦོ, པུ་ཏྟོ ཧེ་ཧཱི་ཏི ས་བྦ་ཐཱ.
༡༠. ཏ་སྨཱ མེ སུ་ནཱུ་ནོ ཨེ་སཱ, དཱ་ཏུཾ ཡུ་ཏྟཱ ཀུ་མཱ་རི་ཀཱ;
ཨེ་ཝཾ ས་ཏི ཝ་ཏ་མྷཱ་ཀཾ, ཝ་ཌྜྷི་ཡེ’ཝ སི་ཡཱ ‘‘ཨི་ཏི’’.
༡༡. དེ་ཝཱི་པི སུ་ཏྭཱ ཏཾ ས་བྦ-མཱ་དི་ཙྩ་ནྭ་ཡ མ་ཎྜ་ནཱ;
ས་བྦ་ཐཱ ཏ་མ་ནི་ཙྪ་ནྟི, ཨི་ད་མཱ་ཧ མ་ཧཱི་པ་ཏིཾ.
༡༢. གྷཱ་ཏེ་ཏྭཱ ས་ཀ་ལེ ཡ་ཀྑེ, ཀུ་མཱ་རོ ཝི་ཛ་ཡ་ཝ྄ཧ་ཡོ;
ལཾ་ཀཱ་དཱི་པ་མི་མཾ’ཀཱ་སི, མ་ནུ་སྶཱ་ཝཱ་ས་ཀཾ ས་དཱ.
༡༣. ཏ་ཏོ པ་བྷུ་ཏི ཨ་མྷཱ་ཀཾ, གྷ་ཊེ་སུཾ ཝི་ཛ་ཡ་ནྭ་ཡཾ;
ཀཱ་ལི་ངྒ་ཝཾ་ས་ཛེ་ཧེ་ཝ, ས་མྦ་ནྡྷཾ ཀ་ཏྭ པུ་བྦ་ཀཾ.
༡༤. ཨ་ཉྙ་བྷཱུ་པཱ་ལ ས་མྦ་ནྡྷོ, སུ་ཏ་པུ་བྦོ པི་ན་ཏྠི་ནོ;
སོ་མ་ཝཾ་ས ས་མུ་མྦྷཱུ་ཏེ, ཋ་པེ་ཏྭཱ དྷ་ར་ཎི་སྶ་རེ.
༡༥. ཏུ་ཡ྄ཧཾ ཛཱ་ཏོ་ཏི ཨ་མྷཱ་ཀཾ, ས་མྦ་ནྡྷོ སོ ཀ་ཐཾ སི་ཡཱ;
ཨ་རི་ཡ་ནྭ་ཡ ས་མྦྷཱུ་ཏ, ཀུ་མཱ་རེ་ན ས་ཧཱ་མུ་ནཱ.
༡༦. ཨེ་ཝཾ སོ དེ་ཝི་ཡཱ ཏཱ་ཡ, ནེ་ཀ་སོ ཝཱ་ར་ཡ་ནྟི་ཡཱ;
པ་ས་ཡ྄ཧ་ས་ཀ པུ་ཏྠ་སྶ, ཏཾ ཀུ་མཱ་རི་མ་དཱ་པ་ཡི.
༡༧. སོ ཨ་ནེ་ཀ་གུ་ཎོ་དཱ་ར- བྷ་རི་ཡཱ་ནུ་ག་ཏོ ཏ་ཏོ;
ར་ཉྫ་ཡ་ནྟོ ཛ་ནེ ས་བྦེ, ཛ་ན་ཀ་ས་ནྟི་ཀེ ཝ་སི.
༡༨. ཨེ་ཀ་ཝཱི་ས་ཏིཾ ཝ་སྶཱ་ནི, ར་ཛྫཾ ཝི་ཀྐ་མ བཱ་ཧུ་སོ;
ཨ་ནུ་བྷོ་ཏྭཱ ཡ་ཐཱ་ཀ་མྨཾ, ཀཱ་ཡ་བྷེ་དཱ ག་ཏོ པ་རཾ.
༡༩. ཏ་ཏོ ག་ཛ་བྷུ་ཛོ ཋི་ཏཾ, ས་མྤ་ནྣ་བ་ལ་ཝཱ་ཧ་ནཾ;
ར་ཛྫཾ ཧ་ཏྠ་ག་ཏཾ ཀ་ཏྭཱ, པུ་ལ་ཏྟི་ན་ག་རེ ཝ་སཱི.
༢༠. ཏ་ཏོ ཀི་ཏྟི་སི་རཱི་མེ་གྷ, སི་རཱི་ཝ་ལླ་བྷ བྷཱུ་མི་པཱ;
ཝུ་ཏྟ་ནྟ མེ་ཏཾ ཝི་ཉྙཱ་ཡ, ཨེ་ཝཾ ས་མ་ནུ་ཙི་ནྟ་ཡུཾ.
༢༡. ཏ་སྶ ཝི་ཀྐ་མ བཱ་ཧུ་སྶ, ཝུ་དྡྷ་བྷཱ་ཝེ་ན ནེ་ཀ་དྷཱ;
མཱུ་ལ་ར་ཛྫཱ་དྷི་པ་ཙྩཾ ཏཾ, ཨ་མྨཾ ནི་ནྡཱ་ཀ་རཾ ན ཧི.
༢༢. ཏ་ད་ཏྠ་ཛ་སྶ བཱ་ལ་སྶ, མཱུ་ལ་ར་ཛྫཾ པ་སཱ་ས་ནོ;
ཨུ་པེ་ཀྑ་ཎཾ པ་ན་མྷཱ་ཀཾ, ནེ་ཝཱ་ནུ་ཙྪ་ཝི་ཀཾ ཝ་ཏ.
༢༣. ཏེ སོ་ཡཱ་ཝ ས་ར་ཛྫ་མྷི, བ་དྡྷ་མཱུ་ལོ བྷ་ཝི་སྶ་ཏི;
པ་ས་ཡ྄ཧ ཏཱ་ཝ ཏཾ ར་ཛྫཾ, ཝ་ཊྚ་ཏི ག་ཎྷི་ཏུཾ ཨི་ཏི.
༢༤. ཝེ་ལ་ཀྐཱ་ར བ་ལཾ ས་བྦཾ, བྷི་ནྡིཾ་སུ དྷ་ན དཱ་ན་ཏོ;
ཋ་པེ་ཏྭཱ སེ་ཝ་ཀེ ཀེ་ཙི, ཏ་སྶ་བྦྷ་ནྟ་རི་ཀེ ཏ་དཱ.
༢༥. ག་ཛ་བཱ་ཧུ མ་ཧཱི་པཱ་ལེ, ཝི་ར་ཏྟཱ ར་ཊྛ་ཝཱ་སི་ནོ;
ཨུ་བྷི་ནྣཾ རཱ་ཛཱུ་ནཾ དཱུ་ཏེ, པེ་ས་ཡུཾ ནེ་ཀ་སོ ཏ་ཏོ.
༢༦. ར་ཛྫཾ སཱ་དྷེ་ཏྭཱ ད་སྶཱ་མ, ཨེ་ཀཱི་བྷཱུ་ཏཱ མ་ཡཾ པ་ན;
ཨུ་པ་ཏྠ་མྦྷ་ཀ་བྷཱ་ཝོ’ཝ, ཀཱ་ཏ་བྦོ ཀེ་ཝ་ལཾ ཨི་ཏི.
༢༧. ཏ་ཏོ དྭེ བྷཱ་ཏུ་ཀཱ སེ་ནཾ, ས་ཀཾ ས་ནྣ་ཡ྄ཧ ཝེ་ག་སཱ;
ཨུ་བྷ་ཏོ མུ་ཁ་ཏོ ཏ་སྶ, ར་ཊྛ་མ་ཛ྄ཛྷ་མུ་པཱ་ག་མུཾ.
༢༨. པ་ཧི་ཎིཾ་སུ ཙ ཏེ དཱུ་ཏེ, ཏ་ཏོ ག་ཛ་བོ་ཧུ་ཝ྄ཧ་ཡོ;
བྷཱུ་མི་པཱ་ལོ ནི་ཛཱ་མ་ཙྩེ, ས་ནྣི་པཱ་ཏི་ཡ མ་ནྟ་ཡི.
༢༩. ཝེ་ལ༹་ཀྐཱ་ར་བ་ལཾ ས་བྦ-མུ་ཛུ་པ་ཙྩ་ཏྟི་ཀཾ ཨ་ཧུ;
རཱ་ཛཱ་ནོ དྭེ ཙ ནོ ར་ཊྛཾ, ས་ངྒཱ་མ་ཏྠ་མུ་པཱ་ག་ཏཱ.
༣༠. པ་ཋ་མཾ ཏེ་སུ པ་ཀྑ་སྶ, ཨེ་ཀ་སྶ བ་ལི་ནོ བྷུ་སཾ;
མུ་ཁ་བྷ་ངྒེ ཀ་ཏེ ཁི་པྤཾ, ཏ་ཏོ ཨ་ཉྙེ སུ་སཱ་དྷི་ཡཱ.
༣༡. ཨི་ཏི ནི་ཙྪི་ཡ སེ་ན་ངྒཾ, ས་བྦ་མཱ་དཱ་ཡ ཨ་ཏྟ་ནོ;
སི་རི་ཝ་ལླ་བྷ་རཱ་ཛཱ་བྷི-མུ་ཁཾ ཡུ་དྡྷཱ’ཡུ་པཱ་ག་མི.
༣༢. སི་རི་ཝ་ལླ་བྷ་རཱ་ཛཱ་པི, ས་ངྒཱ་མ མ་ཧི་བྷིཾ་ས་ནཾ;
པཱ་ཏོ པ་ཊྛཱ་ཡ སཱ་ཡ་ནྷ-ཀཱ་ལཾ ཡཱ་ཝ པ་ཝ་ཏྟ་ཡཾ.
༣༣. ཨ་ས་ཀྐུ་ཎ་ནྟོ’བྷི་བྷ་ཝཾ, ཝི་དྷཱ་ཏུཾ ཏ་སྶ ཀ་ཉྩི་པི;
ཏ་ཏོ་ཝ སོ ནི་ཝ་ཏྟི་ཏྭཱ, ས་ཀཾ ར་ཊྛཾ ག་ཏོ ལ་ཧུཾ.
༣༤. ག་ཛ་བཱ་ཧུ་སྶ་གོ་ཀ་ཎྞ-ས་ཙི་ཝེ་ན པ་རཱ་ཛི་ཏོ;
ཨ་གཱ ར་ཊྛཾ ས་ཀཾ ཀི་ཏྟི-སི་རི་མེ་གྷོ’པི བྷཱུ་པ་ཏི.
༣༥. ག་ཛ་བཱ་ཧུ་ན་རི་ནྡོ་པི, ས་ངྒཱ་མེ ཏ་མྷི ཀི་ཉྩི་པི;
པ་རི་ཧཱ་ནི་མ་ས་མྤ་ཏྟོ, པུ་ནཱ’ག་མྨ པུ་ར་ནྟི་ཀཾ.
༣༦. བ་ལ་ནཱ་ཐེ ཝི་ནི་གྒ་ཡ྄ཧ, སཱ་པ་རཱ་དྷེ བ་ཧཱུ བ་ལཱི;
ར་ཊྛཾ ཝཱུ་པ་ས་མེ་ཏྭཱ་ན, པཱ་ཝེ་ཀྑི ན་ག་རཾ ས་ཀཾ.
༣༧. ར་ཊྛེ ས་ཀེ ས་ཀེ་ཡེ་ཝ, ཏ་ཏོ པ་བྷཱུ་ཏི བྷཱུ་མི་པཱ;
ཨ་ཉྙོ་ཉྙ་མི་ཏྟེ ས་མྦ་ནྡྷཾ, ཝི་དྷཱ་ཡ ཝི་ཧ་རིཾ་སུ ཏེ.
༣༨. ཏ་ཏོ པ་ར་ཀྐ་མ་བྷུ་ཛོ, དྷ་ར་ཎཱི པཱ་ལ་ན་ནྡ་ནོ;
མེ་དྷཱ་ཝཱི་ནེ་ཀ་སི་པྤེ་སུ, སི་ཀྑ་མཱ་ནོ སུ་སཱ་དྷུ་ཀཾ.
༣༩. ཝི་ཙཱ་ར་ཀྑ་མ་པ་ཉྙ་ཏྟཱ, ཀི་ཙྩཱ ཀི་ཙྩེ་སུ ནེ་ཀ་སོ;
ཨ་ཙྩུ་ལཱ༹་རཱ་ས་ཡ་ཏྟཱ ཙ, མ་ཧཱ་བྷཱ་ག་ཏྟ་ནེ་ན ཙ.
༤༠. ཨ་ཏྟ་ནོ མཱ་ཏུ་བྷ་གི་ནཱི, ས་ཧ་ཝཱ་ས སུ་ཁ་མྷི ཙ;
ཨ་ལ་གྒ་མཱ་ན་སོ་ནེ་ཀ, བ་ལཱ་ཀཱི་ལཱ༹་ར་སེ་སུ ཙ.
༤༡. སཱུ་ར་བྷཱ་ཝཱ་དི་སཾ་ཡུ་ཏྟཱ, རཱ་ཛ་པུ་ཏྟཱ ཏུ མཱ་དི་སཱ;
པ་ཙྩ་ནྟེ ཨཱི་དི་སེ དེ་སེ, ཀ་ཐཾ ནཱ་མ ཝ་སི་སྶ་རེ.
༤༢. ཛཱ་ཏ་དེ་ས་ཉྩ མེ དཱ་ནི, ཡུ་ཝ་རཱ་ཛ་པ་བྷོ་གི་ཡཾ;
ག་མི་སྶཱ་མཱི་ཏི ནི་གྒ་ཉྪི, ཏ་མྷཱ པ་རི་ཛ་ན་ཏྠི་ཏོ.
༤༣. ཀ་མེ་ན ས་ནྟི་ཀཾ ས་ངྑ-ནཱ་ཡ་ཀ་ཏྠ་ལི་ས་ཉྙི་ནོ;
གཱ་མ་སྶཱ་གཱ ཨ་ཧིཾ ཀི་ཏྟི-སི་རི་མེ་གྷོ ནི་ས་མྨ ཏཾ.
༤༤. ཨ་བྷཱ་ཝཱ ར་ཛྫ དཱ་ཡཱ་ད-ས་མཱ་ན་སྶ’ཏྲ་ཛ་སྶ མེ;
ཨེ་ཀཱ་ཀཱི’ཧ་ནྟི ཡོ ཙི་ཏྟ-ས་ནྟཱ་པོ ས་ནྟ་ཏཾ ག་ཏོ.
༤༥. ཛེ་ཊྛཾ་ཝ བྷཱ་ཏ་རཾ མ་ཡ྄ཧཾ, ཏཾ དེ་ཧ་པ་ཊི་བི་མྦ་ཀཾ;
ད་ཊྛུཾ མེ ས་ཏྟ་ཏཾ པུ་ཉྙཾ, མ་ཧ་ནྟ་མུ་དི་ཏཾ་ཏི་ཙ.
༤༦. པཱ་མུ་ཛྫ་ཝེ་ག་ཝ་ས་གོ, ན་ག་རཾ ཏཾ མ་ནོ་ཧ་རཾ;
ཨ་ལ་ངྐཱ་རཱ པ་ཡི་ཏྭཱ་ན, ཏོ་ར་ཎཱ་དཱི་ཧི ནེ་ཀ་དྷཱ.
༤༧. ག་ནྟྭཱ པ་ཊི་པ་ཐཾ་ཡེ་ཝ, བ་ལོ་གྷ་པ་རི་ཝཱ་རི་ཏོ;
ན་རི་ནྡོ ཏི་ཐི་ན་ཀྑ་ཏྟ-ཝི་སེ་སེ སུ་བྷ་ས་མྨ་ཏེ.
༤༨. ཨ་ན་ཉྙ་སཱ་དྷཱ་ར་ཎ་ཏཾ, ས་མྤ་ཏྟེ་ཧི གུ་ཎེ་ཧི ཙ;
ལ་ཀྑ་ཎེ་ཧི ཙ ས་བྦེ་ཧི, ཀ་ལྱཱ་ཎེ་ཡི སུ་སཾ་ཡུ་ཏཾ.
༤༩. དི་སྭཱ ཀུ་མཱ་རཾ ས་ནྟུ་ཊྛོ, ཨཱ་ལི་ངྒི་ཏྭཱ་ན པེ་མ་ཏོ;
ཨུ་རེ ཀ་ཏྭཱ་ན ཙུ་མྦི་ཏྭཱ, མ་ཏྠ་ཀ་མྷི པུ་ན་པྤུ་ནཾ.
༥༠. ཛ་ན་སྶ བ་ལ་ཏོ ཏ་སྶ, པ་སྶ་ཏོ ལོ་ཙ་ནེ་ཧི སོ;
ས་ནྟོ་ས ཨ་སྶུ་དྷཱ་རཱ་ཡོ, ཝ་སྶཱ་པེ་ནྟོ ནི་ར་ནྟ་རཾ.
༥༡. མ་ནུ་ཉྙ་མེ་ཀ མཱ་རུ་ཡ྄ཧ, ཝཱ་ཧ་ནཾ ས་ཧ སཱུ་ནུ་ནཱ;
བྷེ་རི་ནི དེ་ན པཱུ་རེ་ནྟོ, དི་སཱ ད་ས ས་མ་ནྟ་ཏོ.
༥༢. པ་ཝི་སི་ཏྭཱ པུ་རཾ ཏ་ཏྠ, ཨ་ལ་ངྐཱ་རེ མ་ནོ་ར་མེ;
ད་སྶ་ཡ་ནྟོ ས་པུ་ཏྟ་སྶ, པཱ་ཝི་སི རཱ་ཛ་མ་ནྡི་རཾ.
༥༣. ལ་དྡྷཱ ཏ་ཏོ ཀ་ཉྩུ་ཀཱི-སུ་པ་ཀཱ་ར,
ཝ་གཱ་དི་ནེ་ཀེ པ་རི་ཙཱ་ར་ཀེ སོ;
ནཱ་ནཱ་གུ་ཎཱ རཱ་དྷི་ཏ་མཱ་ན་ས་སྶ,
ཝ་སཱི་ས་ཀཱ་སེ པི་ཏུ་ནོ སུ་ཁེ་ན.
སུ་ཛ་ན་པྤ་སཱ་ད་སཾ་ཝེ་ག་ཏྠཱ་ཡ ཀ་ཏེ མ་ཧཱ་ཝཾ་སེ
ས་ངྑ་ཏྠ་ལི་པུ་རཱ་བྷི་ག་མ་ནོ ནཱ་མ
ཨེ་ཀ་ས་ཊྛི་མོ པ་རི་ཙྪེ་དོ.