ཨེ་ཀཱུ་ན་ས་ཊྛི་མ པ་རི་ཙྪེ་ད
ཙ་ཏུ་རཱ་ཛ་ཙ་རི་ཡ ནི་དྡེ་སོ
༡. ཏ་དཱ་ར་ཉྙོ ནུ་ཛཱ་མི་ཏྟཱ, ཏ་སྶ པུ་ཏྟཱ ཏ་ཡོ’པི ཙ;
མ་ཧཱ་མ་ཙྩཱ ཙ་ཡ་ཏ་ཡོ, ཏ་ཐཱ ཡ་ཏ་ན་ཝཱ་སི་ནོ.
༢. ཏ་བྦེ་ཏེ ཨཱ་དི་པཱ་ད་སྶ, རོ་ཧ་ཎེ ཝ་ས་ཏོ ས་ཏོ;
ཨ་ནཱ་རོ་ཙཱ་པ་ཡི་ཏྭཱ་ན, བྷཱུ་པཱ་ལ་མ་ཏ་སཱ་ས་ནཾ.
༣. ས་མྦྷཱུ་ཡ་མ་ནྟ་ཡི་ཏྭཱ་ན, ས་མཱ་ན་ཙྪ་ནྡ་ཏཾ ག་ཏཱ;
ཨ་དཾ་སུ ཡུ་ཝ་རཱ་ཛ་སྶ, ལ་ངྐཱ་ར་ཛྫཱ་བྷི་སེ་ཙ་ནཾ.
༤. ཨོ་པ་ར་ཛྫེ ནི་ཝེ་སེ་སུཾ, མཱ་ན་བྷ་ར་ཎ་ནཱ་མ་ཀཾ;
ཀུ་མཱ་རཾ པུ་བྦ་ཙཱ་རི་ཏྟ-མ་གྒཾ ལ་ངྒྷི་ཏྠ ཏེ’ཁི་ལཱ.
༥. ཏ་ཡོ’ཐ བྷཱ་ཏ་རོ ས་བྦེ, ཏེ མཱ་ཎ་བྷ་ར་ཎཱ་ད་ཡོ;
ཛ་ཡ་བཱ་ཧུ་མ་ཧཱི་པཱ་ལ-ས་ཧི་ཏཱ ས་ཧ་སཱ ཏ་དཱ.
༦. མུ་ཏྟཱ་མ་ཎི་པྤ་བྷཱུ་ཏི་ཀཾ, ར་ཏ་ནཾ སཱ་ར་ས་མྨ་ཏཾ;
ས་བྦཾ ཧ་ཏྠ་ག་ཏཾ ཀ་ཏྭཱ, ཝཱ་ཧ་ན་ཉྩ ག་ཛཱ་དི་ཀཾ.
༧. ས་ཀ་ལཾ བ་ལ་མཱ་དཱ་ཡ, པུ་ལ་ཏྠི་ན་ག་རཱ ཏ་དཱ;
ཁི་པྤཾ ཏཾ ཝི་ཀྐ་མ་བྷུ་ཛཾ, ག་ཎྷི་སཱ་མཱ’ཏི ནི་ཀྑ་མུཾ.
༨. སུ་ཏྭཱ པ་ཝ་ཏྟིཾ ས་ཀ་ལཾ, ཨི་མཾ ཝི་ཀྐ་མ་བཱ་ཧུ་སོ;
ཏཱ ཏ་སྶ་ནྟི་མ་ས་ཀྐཱ་རཾ, ཝི་དྷཱ་ཏུཾ ཧ་ནྡ་ནོ ལ་བྷིཾ.
༩. ཨི་དཱ་ནི ཁི་པྤཾ ག་ནྟྭཱ་ན, པུ་ལ་ཏྠི་ན་ག་རཾ ཏ་ཧིཾ,
ཏཱ ཏ་སྶཱ་ལཱ༹་ཧ་ན་ཊྛཱ་ན ད་སྶ་ནེ ནེ་ཝ སོ ཨ་ཧཾ.
༡༠. སོ་ཀ་བྷཱ་རཾ ཝི་ནོ་དེ་སྶཾ, མ་མ ཙེ་ཏོ ག་ཏཾ ཨི་ཏི;
ཀ་ཏ་ད་ལ༹ྷ ཝ་ཝ་ཏྠཱ་ནོ, ཝི་ནི་གྒ་མྨ ཏ་ཏོ པུ་རཱ.
༡༡. པུ་ལ་ཏྠི་པུ་ར་མཱ་ག་ཙྪཾ, ཨཱ་དི་པཱ་དོ’ཏི སཱ་ས་སོ;
ས་ཏྟ་ཊྛ་ས་ཏ་ས་ངྑེ་ན, བ་ལེ་ན པ་རི་ཝཱ་རི་ཏོ.
༡༢. ཨ་ནྟ་རཱ་ལ་པ་ཐེ་ཡེ་ཝ, གུ་ཏྟ་ཧཱ་ལ་ཀ་མ་ཎྜ་ལེ;
གཱ་མེ པ་ན ས་མུ་ཀྐ་ཝ྄ཧེ, དི་སྭཱ སེ་ན་ངྒ་མཱ་ག་ཏཾ.
༡༣. མ་ཧ་ནྟཾ ཡུ་དྡྷ་ས་ནྣ་དྡྷཾ, ཨེ་ཀ་ཝཱི་རོ བྷ་ཡཱ་ཏི་ཀོ;
ཡུ་ཛ྄ཛྷི་ཏྭཱ ཏེ པ་ལཱ་པེ་སི, ཁ་ཎེ་ནེ་ཝ དི་སོ་དི་སཾ.
༡༤. ཏ་ཡོ ཏེ བྷཱ་ཏ་རོ ཏ་ཏྠ, ས་མྤ་ཏྟཱ་ཝ ཛ་ཡཱ ཏ་ཏོ;
ཨ་བྷི་མཱ་ནུ་དྡྷ་ཏཱ ཁི་པྤཾ, ཨ་ནྣ་ཡ྄ཧ བ་ལ་ཝཱ་ཧ་ནཾ.
༡༥. ཨཱ་དི་པཱ་ད་ཀ་ཛ་མྦཱུ་ཏི, ཝི་སྶུ་ཏ་མྷི པ་དེ་ས་ཀེ;
ས་ངྒཱ་མེ་སུཾ པ་རཱ་ཛེ་སི, བྷི་ཡྻོ ཡུ་ཛ྄ཛྷི་ཏྠ སོ ཏ་ཡོ.
༡༦. ཏ་ཏི་ཡཾ ཀ་ཊ་གཱ་མ་སྨིཾ, ཀཱ་ལ༹་ཝཱ་པྱཾ ཙ་ཏུ་ཏྠ་ཀཾ;
པ་ཉྩ་མཾ ཨུ་དྡྷ་ཊ་དྭཱ་རེ, ཚ་ཊྛཾ་སོ པ་ངྐ་ཝེ་ལ་ཀེ.
༡༧. ཏེ་ཧི ཡུ་དྡྷཾ ཀ་རི་ཏྭཱ་ན, ག་ཧཱི་ཏ་ཝི་ཛ་ཡོ ས་དཱ;
པུ་ལ་ཏྠི་པུ་ར་མཱ་ག་ཉྩི, ས་ཧཱ་མ་ཙྩ པ་རི་ཛྫ་ནོ.
༡༨. ས་ཙི་ནྟི་ཏ་ཀྐ་མེ་ནེ་ཝ, པ་སྶི་ཏྭཱ་ལཱ༹་ཧ་ནཾ པི་ཏུ;
ཝི་དཱུ་རི་ཏ་མ་ཧཱ་སེ་ཀོ, ལ་དྡྷ་སྶཱ་སོ པུ་རེ་ཝ་སཾ.
༡༩. དུ་ཀྑེ ས་ཧཱ་ཡ བྷཱུ་ཏཱ་ན-མ་ཏྟ་ནོ སོ ཡ་ཐཱ་ར་ཧཾ;
ཨ་མ་ཙྩཱ་ན་མ་དཱ ས་བྦ-བྷོ་གེ ཋཱ་ན་ནྟ་རེ ཧི སོ.
༢༠. བྷ་ཊཱ་ན་ཉྩཱ་པི ས་བྦེ་སཾ, ས་ཧཱ་ཡཱ་ཏཱ་ན་མ་ཏྟ་ནོ;
ཨ་ནུ་རཱུ་པ་མ་དཱ ཝུ་ཏྟིཾ, ས་རཾ དུ་ཀྑ་ས་ཧཱ་ཡ་ཏཾ.
༢༡. མཱ་ཎཱ་བྷ་ར་ཎ་བྷཱུ་པོ་པི, ས་དྡྷིཾ སེ་སེ་ཧི བྷཱ་ཏཱུ་ཧི;
ཀ་རི་ཏྭཱ རོ་ཧ་ཎཾ པ་སྶཾ, རོ་ཧ་ཎ་ཉྩ ས་ཧ་ཏྠ་གཾ.
༢༢. ཏ་ཏོ ཀི་ཏྟི་སི་རཱི་མེ་གྷེ, ས་དྭཱ་ད་ས་ས་ཧ་སྶ་ཀཾ;
ར་ཊྛཾ ད་ཏྭཱ་ན ཝ་སི་ཏུཾ, ཏ་ཧིཾ་ཡེ་ཝ ས་མཱ་དི་སི.
༢༣. ཨཱ་ཎ་ཏྟོ བྷཱ་ཏ་རཱ་ཀི་ཏྟི-སི་རཱི་མེ་གྷོ ཛ་ནཱ་དྷི་པོ;
ག་ནྟྭཱ ཝ་སི པུ་རེ་ཏ་ཏྠ, མ་ཧཱ་ནཱ་ག་ཧུ་ལ་ཝ྄ཧ་ཡེ.
༢༤. སི་རཱི་ཝ་ལླ་བྷ་ནཱ་མ་སྶ, ཀུ་མཱ་ར་སྶཱ་པི ཙཱ་དི་སི;
དེ་ས་མ་ཊྛ་ས་ཧ་སྶ་ཝ྄ཧཾ, ད་ཏྭཱ་ན ཝ་སི་ཏུཾ ཏ་ཧིཾ.
༢༥. ཏ་ཐེ་ཝ སོ་པི ག་ནྟྭཱ་ན, ཨུ་དྡྷ་ན་དྭཱ་ར་ནཱ་མ་ཀཾ;
གཱ་མཾ ཀ་ཏྭཱ རཱ་ཛ་དཱ་ནིཾ, ཝ་ས་ནྟོ ཨ་ནུ་སཱ་སི་ཏཾ.
༢༦. ས་ཡ་ཉྩ ས་ཧ་སེ་ནཱ་ཡ, ག་ནྟྭཱ ད་ཀྑི་ཎ་པ་སྶ་ཀཾ;
ཝཱི་ར་བཱ་ཧཱུ་ཏི པ་ཉྙཱ་ཏོ, པུ་ངྑ་གཱ་མཾ ས་མཱ་ཝ་སི.
༢༧. མཱ་ཏཱ ཙ ཏི་ཎྞཾ བྷཱ་ཏཱུ་ནཾ, ཛ་ཡ་བཱ་ཧུ ཙ བྷཱུ་མི་པོ;
ནི་ཝ་སིཾ་སུ ཏ་དཱ ཀི་ཏྟི-སི་རི་མེ་གྷ་སྶ ས་ནྟི་ཀེ.
༢༨. ཏ་ཏོ སཾ་ཝ་ཙྪ་རེ’ཏཱི་ཏེ, ཏེ མཱ་ཎ་བྷ་ར་ཎཱ་ད་ཡོ;
ཏེ་ན་ཏྟ་ནི ཀ་ཏཾ ཡུ་དྡྷེ, ས་བྦཾ ཝི་ཀྐ་མ་བཱ་ཧུ་ནཱ.
༢༩. དུ་རཱ་རོ་ཧཾ མ་ཧ་ནྟཾ ཏཾ, པ་རཱ་ཛ་ཡ་ཏ་རཱ་བྷ་ཝཾ;
ཨ་ནུ་སྶ་ར་ནྟ་བ་ཧུ་སོ, ཨ་བྷི་མཱ་ན་ས་མུ་ནྣ་ཏཱ.
༣༠. མུ་དྡྷཱ་བྷི་སི་ཏྟ་རཱ་ཛཱུ་ན-མེ་ཀཱ་ཀཱི་རཱ་ཛ་ར་ཊྛ་ཀཾ;
ཝི་ནཱ་ཡ་མ་བྷི་སེ་ཀེ་ན, ཀ་ཐཾ ནཱ་མཱ་ནུ་བྷོ་སྶ་ཏི.
༣༡. ཨི་ཏི ཨི་སྶཱ པ་ར་ཏྟ་ཉྩ, ཡཱ་ཏཱ ས་ངྒ་ཡ྄ཧ་སཱ་ཝ་ཀེ;
བྷི་ཡྻོ ས་མྦྷཱུ་ཡ་ས་ངྒཱ་མ-ཀ་ར་ཎ་ཏྠཱ་ཡ ནི་ཀྑ་མུཾ.
༣༢. སུ་ཏྭཱ ཏ་མ་ཏྠཾ དཱུ་ཏེ་ཧི, སོ ཝི་ཀྐ་མ་བྷུ་ཛོ་པི ཙ;
ཨ་གཱ ཏེ་སཾ་ཝ ཝི་ས་ཡཾ, མ་ཧཱ་སེ་ནཱ་པུ་ར་ཀྑ་ཏོ.
༣༣. དེ་སེ ད་ཀྑི་ཎ་ཀེ བོ་དྷི-སེ་ན་པ་བྦ་ཏ་གཱ་མ་ཀེ;
ཡུ་ཛ྄ཛྷི་ཏྭཱ ཏེ པ་རཱ་ཛེ་སི, ཏ་ཡོ ཝི་ཀྐ་མ་བཱ་ཧུ་སོ.
༣༤. རི་པ་ཝོ དཱ་ནི མེ ས་བྦེ, ཨུ་མྨཱུ་ལེ་སྶཱ་མ་ཧཾ ཨི་ཏི;
པ་ལཱ་ཡ་ནྟེ ནུ་བ་ནྡྷི་ཏྠ, པ་དཱ་ནུ་པ་དི་ཀཾ’ཝ ཏེ.
༣༥. ཏེ ཙ དུ་གྒཾ པ་ལཱ་ཡིཾ་སུ, པ་ཉྩ་ཡོ་ཛ་ན་ར་ཊྛ་ཀེ;
ཁི་པྤཾ པཱ་ཝེ་ཀྑི ཀ་ལྱཱ་ཎིཾ, སོ’པི ཏེ ག་ཧ་ཎ་ཏྠི་ཀོ.
༣༦. ཝཱི་རོ ཨ་རི་ཡ་དེ་སི་ཡོ, ཝཱི་ར་དེ་ཝོ་ཏི པཱ་ཀ་ཊོ;
པ་ལ༹་ནྡཱི་པི་སྶ་རོ ཨེ་ཀོ, བྷཱུ་སཾ ས་ཧ་སི་ཀོ ཏ་དཱ.
༣༧. ས་དྡྷིཾ སཱུ་རེ་ཧི ཡོ་དྷེ་ཧི, མ་ཧཱ་ཏི་ཏྠ་མྷི ཨོ་ཏ་རི;
ཀཱ་ཏུཾ ཧ་ཏྠ་ག་ཧཾ ས་ཀྐཱ, ལཾ་ཀཱ་དཱི་པ་ནྟི ཙི་ནྟི་ཡ.
༣༨. སོ ཝི་ཀྐ་མ་བྷུ་ཛོ སུ་ཏྭཱ, པ་ཝ་ཏྟིཾ བྷཱུ་བྷུ་ཛོ ཏ་དཱ;
ཡཱ་ཝ་ཏཱ ནཱ་ཏྲ ལཾ་ཀཱ་ཡཾ, ལ་དྡྷོ་གཱ་ཧོ བྷ་ཝི་སྶ་ཏི.
༣༩. ཏཱ་ཝ ཨུ་མྨཱུ་ལ་ནཱི་ཡོ་ཏི, ཀ་ལྱཱ་ཎི་མྷཱ ཝི་ནི་གྒ་ཏོ;
མ་ཧཱ་ཏི་ཏྠ་མྷི མ་ནྣཱ་ར-ནཱ་མ་ཀཾ གཱ་མ་ཀཾ ག་ཏོ.
༤༠. ཀ་ཏྭཱ་ན ཝཱི་ར་དེ་ཝོ’པི, ས་ངྒཱ་མཾ ཏེ་ན རཱ་ཛི་ནཱ;
ཨ་ནཱི་ཀ་ངྒཱ་ད་ཡོ རཱ་ཛ-པུ་ཏྟེ དྭེ བྷཱ་ཏ་རོ་པི ཙ.
༤༡. སེ་ནཱ་དྷི་ནཱ་ཡ་ཀ་ཉྩེ་ཝ, ཀི་ཏྟི་ནཱ་མ་པྤ་ཀཱ་སི་ཏཾ;
གྷཱ་ཏེ་ཏྭཱ ས་ཧ་སཱ ཝཱི་ར-ས་མྨ་ཏེ ཙ བ་ཧཱུ་ཛ་ནེ.
༤༢. གཱ་ཧེ་ཏྭཱ ཛཱི་ཝ་གྒཱ་ཧཾ་སོ, ར་ཀྑ་ཀ་ཉྩ ཙ་མཱུ་པ་ཏིཾ;
ས་བ་ལཾ ཏཾ པ་རཱ་ཛེ་ཏྭཱ, ཨ་ནུ་བ་ནྡྷི པ་དཱ་པ་དཾ.
༤༣. པ་ལཱ་ཡ་མཱ་ནོ སོ བྷཱི་ཏོ, ཨཱ་ག་ནྟྭཱ་ན ནི་ཛཾ པུ་རཾ;
ཧ་ཏྠ་སཱ་རཾ ས་མཱ་དཱ་ཡ, ཀོ་ཊྛ་སཱ་རཾ ག་ཏོ ལ་ཧུཾ.
༤༤. པ་ཙྪ་ཏོ པ་ཙྪ་ཏོ ཝཱི་ར-དེ་ཝོ ཏ་མ་ནུ་བ་ནྡྷི་ཡ;
ཨཱ་ག་ནྟྭཱ་ན པུ་རེ་ཝཱ་སཾ, ཀ་ཏི་པཱ་ཧཾ ཝི་དྷཱ་ཡ་སོ.
༤༥. ག་ཎྷི་ཏུཾ ཝི་ཀྐ་མ་བྷུ་ཛཾ, ཏ་ཏྠེ་ཝ ཏུ་རི་ཏཾ ཨ་གཱ;
པེ་ས་ཡི་ཏྭཱ ས་ཀཾ སོ་པི, མ་ཧ་ནྟཾ ས་ཀ་ལཾ བ་ལཾ.
༤༦. ཡུ་ཛ྄ཛྷཱ་པེ་ཏྭཱ་ན གྷཱ་ཏེ་ཏྭཱ, གཱ་མེ ཨ་ནྟ་ར་ཝི་ཊྛི་ཀེ;
མ་ཧཱ་ཀ་དྡ་མ་དུ་གྒ་མྷི, ཝཱི་ར་དེ་ཝཾ མ་ཧ་བྦ་ལོ.
༤༧. ཨ་བྷི་སེ་ཀཾ ཝི་ནཱ་ཡེ་ཝ, པུ་ལ་ཏྠི ན་ག་རེ ཝ་སཾ;
ཨ་ཀཱ་སི རཱ་ཛ་ར་ཊྛ་སྶ, པ་སཱ་ས་ན་ཝི་དྷིཾ ཝི་བྷཱུ.
༤༨. ཨ་པ་ནཱི་ཡ་ར་ཎེ ཚ་ནྡཾ, བྷཱ་ཏ་རོ་པི ཏ་ཡོ ཏ་ཏོ;
ཨཱ་ཝ་སིཾ་སུ ཡ་ཐཱ་པུ་བྦཾ, ག་ནྟྭཱ ར་ཊྛཾ ས་ཀཾ ས་ཀཾ.
༤༩. ཙ་ཏུ་རོ་པི མ་ཧཱི་པཱ་ལཱ, ཡ་ཏ་མཱ་ནཱ ཙི་རཾ ཏ་ཧིཾ;
ཨེ་ཀ་ཙྪ་ཏྟ་ངྐི་ཏཾ ཀཱ་ཏུཾ, ནེ་ཝ ས་ཀྑིཾ་སུ ས་བྦ་སོ.
༥༠. ཨ་ནི་ས་མྨ་ཀཱ་རི་བྷཱ་ཝེ་ན, ཀུ་ལཱི་ནེ པ་རི་ཧཱ་པ་ཡུཾ;
ཋ་པེ་སུ་ཉྩ མ་ཧ་ནྟ་ཏྟེ, ཧཱི་ནེ སཱ་བྷི་མ་ཏེ ཛ་ནེ.
༥༡. ཝ་ཌྜྷི་ཏཾ་ནེ་ཀ་དྷཱ ས་མྨཱ, ར་ཉྙཱ ཝི་ཛ་ཡ་བཱ་ཧུ་ནཱ;
སཱ་ས་ན་ཉྩ ཏ་ཐཱ་ལོ་ཀཾ, ཧཱ་པ་ཡིཾ་སུ སུ་བུ་དྡྷི་ནོ.
༥༢. ཀུ་ལཱི་ནཱ་ནཾ མ་ནུ་སྶཱ་ན-མ་བྷཱ་ཝེ་པི ཙ ཏཱ་དི་སེ;
དོ་སེ ཝི་ཏྟཾ ཏ་དཱ་ཡ་ཏྟཾ, པ་ས་ཡ྄ཧཱ་ཝ་ཧ་རིཾ་སུ ཙ.
༥༣. པཱི་ལེ༹་ཏུཾ ས་ཀ་ལཾ ལོ་ཀ-མུ་དྡྷ་ར་ནྟཱ་དྷི་ཀཾ བ་ལིཾ;
ཨུ་ཙྪཱུ་ཝ ཨུ་ཙྪུ་ཡ་ནྟེ་ཏེ, ཁཱི་ཎ་ཀོ སཱ་དྷ་ནེ་སི་ནོ.
༥༤. ཨུ་དྡྷ་རི་ཏྭཱ་ན བུ་དྡྷཱ་དི-ས་ནྟ་ཀེ བྷོ་ག་གཱ་མ་ཀེ;
སོ ཝི་ཀྐ་མ་བྷུ་ཛོ རཱ་ཛཱ, སེ་ཝ་ཀེ་སུ ས་མ་པྤ་ཡཱི.
༥༥. པུ་ལ་ཏྠི་ན་ག་རེ ནེ་ཀ-ཝི་ཧཱ་རེ དྷཱ་ཏུ་མ་ཎྜི་ཏེ;
སོ་ཝ དེ་ས་ནྟ་རཱི་ཡཱ་ནཾ, བྷ་ཊཱ་ནཾ ཝ་སི་ཏུཾ ཨ་དཱ.
༥༦. ས་དྡྷེ་ཧི པ་ཏྟ་དྷཱ་ཏུ་སྶ, དཱ་ཋཱ་དྷཱ་ཏུ་ཝ་ར་སྶ ཙ;
པཱུ་ཛ་ན་ཏྠཱ་ཡ དི་ནྣཱ་ནི, མ་ཎི་མུ་ཏྟཱ་དི་ཀཱ་ནི ཙ.
༥༧. ཙ་ནྡ་ནཱ་ག་རུ་ཀ་པྤུ་རཾ, སུ་ཝ་ཎྞཱ་དི་མ་ཡཱ བ་ཧཱུ;
པ་ཊི་མཱ་ཡོ ཙ ཨ་ཙྪི་ཛྫ, ཡ་ཐཱ་ཀཱ་མཾ ཝ་ཡཾ ན་ཡཱི.
༥༨. སཱ་ས་ན་སྶ ཙ ལོ་ཀ་སྶ, ཀྲི་ཡ་མཱ་ན་མུ་པ་དྡ་ཝཾ;
པ་སྶ་ནྟཱ བ་ཧུ་སོ ཏ་སྨིཾ, ཏ་དཱ ནི་བྦ་ནྣ་མཱ་ན་སཱ.
༥༩. ཨ་ཊྛ་མཱུ་ལ་ཝི་ཧཱ་རེ་སུ, ཡ་ཏ་ཡོ ག་རུ་ས་མྨ་ཏཱ;
པཾ་སུ་ཀཱུ་ལི་ཀ་བྷི་ཀྑཱུ ཙ, ཀོ་ཊྛཱ་ས་དྭ་ཡ་ནི་སྶི་ཏཱ.
༦༠. ཨེ་ཝཾ ཏི་ཏྠི་ཡ་ཏུ་ལྱཱ་ནཾ, སཱ་ས་ནོ་པ་དྡ་ཝཾ བ་ཧུཾ;
ཀ་རོ་ནྟཱ་ནཾ ས་ཀཱ ས་མྦྷཱ-པ་ཡཱ་ཏཾ པ་ཝ་རཾ ཨི་ཏི.
༦༡. དཱ་ཋཱ་དྷཱ་ཏུ་ཝ་རཾ པ་ཏྟ-དྷཱ་ཏུ་མཱ་དཱ་ཡ རོ་ཧ་ཎཾ;
ག་ནྟྭཱ ཝཱ་ས་མ་ཀ་པྤེ་སུཾ, ཕཱ་སུ་ཋཱ་ནེ ཏ་ཧིཾ ཏ་ཧིཾ.
༦༢. ཏ་ཐེ་ཝ ཕཱ་སུ་ཋཱ་ནེ་སུ, ཝི་པྤ་ཀི་ཎྞཱ ཏ་ཧིཾ ཏ་ཧིཾ;
ཏེ ཀུ་ལཱི་ནཱ ནི་ལཱི་ནཱ’ཝ, ཧུ་ཏྭཱ ཝཱ་ས་མ་ཀ་པྤ་ཡུཾ.
༦༣. པ་ཀྑ་དྭ་ཡ་མ་ཧཱི་པཱ་ལ-ག་ཡ྄ཧཱ་སཱི་མཱ སུ་ཋཱ་པི་ཏཱ;
སཱ་མ་ནྟཱ ཨ་ཉྙ་མ་ཉྙེ་ཧི, ཀ་རོ་ནྟོ བ་ཧུ་སོ ར་ཎཾ.
༦༤. སུ་ས་མི་དྡྷེ་སུ ནེ་ཀེ་སུ, གཱ་མེ་སུ ནི་ག་མེ་སུ ཙ;
ཨ་གྒིཾ དེ་ནྟཱ ཏ་ལཱ༹་ཀེ ཙ, ཚི་ནྡ་ནྟཱ ཛ་ལ་པཱུ་རི་ཏེ.
༦༥. ནཱ་སེ་ནྟཱ ས་བྦ་ཐཱ ས་བྦ-མཱ་ཏི་ཀཱ་ཝ་ར་ཎཱ་ནི ཙ;
ཚི་ནྡ་ནྟཱ ནཱ་ལི༹་ཀེ་རཱ་དི, སོ པ་ཀཱ་རེ ཙ བྷཱུ་རུ་ཧེ.
༦༦. ཡ་ཐཱ པོ་རཱ་ཎ་ཀ་གྒཱ་མ-ཋཱ་ན་ནྟི་པི ན ཉཱ་ཡ་ཏེ;
ཝི་ནཱ་སེ་སུཾ ཏ་ཐཱ ར་ཊྛཾ, ཨ་ཉྙ་མ་ཉྙ་ཝི་རོ་དྷི་ནོ.
༦༧. ཏེ ཙ བྷཱུ་མི པ་ཏཱི་གཱ་མ-ཝི་ལོ་པཾ པ་ཏྠ་མོ་ས་ནཾ;
ཀཱ་རེ་ནྟཱ ནི་ཛ་ཙཱ་རེ་ཧི, ཨཱ་ཙ་རུཾ ལོ་ཀུ་པ་དྡ་ཝཾ.
༦༨. ཀུ་ལཱི་ནཱ་ནཾ མ་ནུ་སྶཱ་ནཾ, དཱ་ས་ཀ་མྨ་ཀ་རཱ་པི ཙ;
ས་སཱ་མི་ནོ’ཏི ཝ་ཏྟ་ནྟཱ, ནི་སྶ་ངྐཱ ཝཱི་ཏ་བྷཱི་ཏི་ཀཱ.
༦༩. ཧུ་ཏྭཱ ཡུ་དྷཱི་ཡཱ རཱ་ཛཱུ་ནཾ, ཨ་བྦྷ་ནྟ་ར་པ་ཝ་ཏྟི་ནོ;
བ་ལ་ཝ་ནྟ་ཏ་རཱ ཛཱ་ཏཱ, ལ་དྡྷ་ཋཱ་ན་ནྟ་རཱ ཏ་དཱ.
༧༠. ཛ་ནཱ ས་མ་ནྟ་ཀཱུ་ཊཱ་དི-ནེ་ཀ་དུ་གྒ་ནི་ཝཱ་སི་ནོ;
ཨ་དེ་ནྟཱ བྷཱུ་མི་པཱ་ལཱ་ནཾ, པུ་བྦ་པ་ཊྛ་པི་ཏཾ ཀ་རཾ.
༧༡. རཱ་ཛཱ་ཎ་མ་ག་ཎེ་ནྟཱ ཏེ, ག་ཏཱ དཱ་མ་རི་ཀ་ཏྟ་ནཾ;
ས་ཀཾ ས་ཀཾ’ཝ ཝི་ས་ཡ-མཱ་ཝ་སིཾ་སུ ས་མུ་དྡྷ་ཏཱ.
༧༢. ཨ་ན་ཏྠེ ནི་ཙི་ཏཱ ནཱ་མ, པ་རི་ཝ་ཏྟ་ནྟི ས་བྦ་ཏཱ;
ཨི་ཏི ཝ་ཏྟ་བྦ ཏཾ་ཡེ་ཝ, ཡཱ་ཏཾ ལ་ངྐཱ་ཏ་ལཾ ཏ་དཱ.
༧༣. ཨེ་ཝཾ གཱ་མ་ཀ་བྷོ་ཛ་ཀཱ ཝི་ཡ བྷུ་སཾ་ཏེ་ཛོ ཝི་ཧཱི་ནཱ ས་དཱ;
ཨ་ཙྩ་ནྟཾ བྱ་ས་ནཱ་ཏི ས་ཏྟ་ཧ་ད་ཡཱ རཱ་ཛཱ་བྷི་མཱ་ནུ་ཛ྄ཛྷི་ཏཱ.
༧༤. ནི་ཙྩཾ ཨ་ཏྟ་པ་ར་ཏྠ་སི་དྡྷི་ཝི་དྷུ་རཱ་ས་ངྒཱ ཝི་ཧཱི་ནཱ་ས་ཡཱ;
ས་བྦེ ཏེ ཝི་ཧ་རིཾ་སུ བྷཱུ་མི་པ་ཏ་ཡོ ཙཱ་རི་ཏྟ་མ་གྒཱ་ཏི་གཱ.