ཨ་ཊྛ་པ་ཉྙཱ་ས་ཏི་མ པ་རི་ཙྪེ་ད
ལོ་ཀ་སཱ་ས་ན སཾ་ག་ཧ་ཀ་ར་ཎོ
༡. ཝི་ཙི་ནི་ཏྭཱ ཀུ་ལཱི་ནེ སོ, ཛ་ནེ ས་བྦེ ས་མཱ་དི་ཡ;
ས་ཀཱ་ར་ཀྑཱ་ཡ ཡོ་ཛེ་སི, ཡ་ཐཱ་ཙཱ་རཾ མ་ཧཱི་པ་ཏི.
༢. ཨུ་ཙྩཾ པུ་ལ་ཏྠི་ན་ག་རེ, པཱ་ཀཱ་རཾ ཀཱ་ར་ཡཱི ཐི་རཾ;
ནེ་ཀ་གོ་པུ་ར་སཾ་ཡུ་ཏྟཾ, ཡུ་དྷཱ་ཀ་མྨ་སུ་ར་ཉྫི་ཏཾ.
༣. ས་མ་ནྟཱ་ཡ་ཏ་ཝི་ཏྠི་ཎྞ-ག་མྦྷཱི་ར་པ་རི་ཁཱ་ཡུ་ཏཾ;
ཨུ་ཙྩ་པ་ཏྠ་ཎྜི་ལོ་པེ་ཏཾ, དུ་པྤ་དྷཾ་ས་མ་རཱ་ཏི་ཧི.
༤. ཨུ་པ་ས་མྤ་ད་ཀ་མྨ་སྶ, ག་ཎ་པཱུ་ར་ཀ་བྷི་ཀྑཱུ་ནཾ;
ཨ་པྤ་ཧོ་ནེ་ཀ་བྷཱ་ཝེ་ན, སཱ་ས་ན་ཋི་ཏི་མཱ་ན་སོ.
༥. ཨ་ནུ་རུ་དྡྷ་ན་རི་ནྡ་སྶ, ས་ཧཱ་ཡ་སྶཱ་ཐ ས་ནྟི་ཀཾ;
རཱ་མ་ཉྙ་ཝི་ས་ཡཾ དཱུ་ཏེ, པེ་སེ་ཏྭཱ ས་ཧ་པཱ་བྷ་ཏེ.
༦. ཏ་ཏོ ཨཱ་ཎཱ་པ་ཡི་ཏྭཱ་ན, པི་ཊ་ཀ་ཏྟ་ཡ་པཱ་ར་གེ;
སོ སཱི་ལཱ་དི་གུ་ཎཱ་ཝཱ་སེ, བྷི་ཀྑ་ཝོ ཐེ་ར་ས་མྨ་ཏེ.
༧. ཏེ ཨུ་ལཱ༹་རཱ་ཧི པཱུ་ཛཱ་ཧི, པཱུ་ཛ་ཡི་ཏྭཱ ན་རི་སྶ་རོ;
པ་བྦ་ཛྫཱ ཨུ་པ་ས་མྤ་ཏྟི, ཀཱ་ར་ཡི་ཏྭཱ ཨ་ནེ་ཀ་སོ.
༨. པི་ཊ་ཀ་ཏྟ་ཡ་ཉྩ བ་ཧུ་སོ, ཀ་ཐཱ་པེ་ཏྭཱ ས་ཝ་ཎྞ་ནཾ;
ལ་ངྐཱ་ཡོ’ས་ཀྐ་མཱ་ནཾ སོ, ཛོ་ཏ་ཡཱི ཛི་ན་སཱ་ས་ནཾ.
༩. པུ་ཏ་ཏྠི་ན་ག་ར་སྶ་ནྟོ, པ་དེ་ས་སྨིཾ ཏ་ཧིཾ ཏ་ཧིཾ;
ཝི་ཧཱ་རེ ཀཱ་ར་ཡི་ཏྭཱ་ན, བ་ཧུ་ཀེ སུ་མ་ནོ་ཧ་རེ.
༡༠. བྷི་ཀྑ་ཝོ ཏ་ཏྠ ཝཱ་སེ་ཏྭཱ, ནི་ཀཱ་ཡ་ཏྟ་ཡ་ཝཱ་སི་ནོ;
པ་ཙྩ་ཡེ་ཧི ཨུ་ལཱ༹་རེ་ཧི, ས་ནྟ་པྤེ་སི ཙ་ཏཱུ་ཧི་པི.
༡༡. ཕ་ལི་ཀ་ཏྠ་མྦྷ་ཀ་ཙཱ་རུ-པཱ་ཀཱ་ར་པ་རི་ཁཱ་ཡུ་ཏཾ;
པ་ཉྩ་བྷཱུ་མ་ཀ་པཱ་སཱ་ད-པ་ཝ་རེ ནོ’པ་སོ་བྷི་ཏཾ.
༡༢. ས་མ་ས་ནྟཱ ཝཱ་ས་པ་ནྟཱི་ཧི, སུ་བྷཱ་ཧི སུ་ཝི་རཱ་ཛི་ཏཾ;
ནི་ར་ཀི་ཎྞ་མ་ས་མྦཱ་དྷ ཝ་ར་བྷཱ་སུ་ར གོ་པུ་རཾ.
༡༣. ཝི་ཧཱ་རཾ ཀཱ་ར་ཡི་ཏྭཱ་ན, ཝ་ཏྠུ་ཏྟ་ཡ་པ་རཱ་ཡ་ནོ;
ནི་ཀཱ་ཡ་ཏྟ་ཡ་ཝཱ་སི་སྶ, བྷི་ཀྑུ་ས་ངྒྷ་སྶ’དཱ་སི་སོ.
༡༤. ས་ངྒྷ་སྶ པཱ་ཀ་ཝ་ཊྚ་ཏྠཾ, ར་ཊྛཾ ད་ཏྭཱ’ལི༹་སཱ་ར་ཀཾ;
ས་ཀ་ལཾ ས་ནྣི་ཝཱ་སཱི་ཧི, ནེ་ཏྟི་ཀེ་ཧི ས་ཧེ་ཝ སོ.
༡༥. ནེ་ཀ་ས་ཏཱ་ནི་བྷི་ཀྑཱུ་ནཾ, ཝཱ་ས་ཡི་ཏྭཱ་ན ཏ་ཏྠ སོ;
ས་ཏ་ཏཾ ས་མྤ་ཝ་ཏྟེ་སི, ཨུ་ལཱ༹་རཾ ཙ་ཏུ་པ་ཙྩ་ཡཾ.
༡༦. དཱ་ཊྛཱ་དྷཱ་ཏུ་གྷ་རཾ་ཙཱ་རུ, ཀཱ་ར་ཡི་ཏྭཱ མ་ཧཱ་ར་ཧཾ;
དཱ་ཋཱ་དྷཱ་ཏུ་སྶ ནི་ཙྩཾ སོ, མ་ཧཱ་མ་ཧ་མ་ཀཱ་ར་ཡི.
༡༧. ག་ཎ་ས་ངྒ་ཎི་ཀཱ’པེ་ཏོ, པོ་ཏྠ་ཀཾ དྷ་མྨ་ས་ངྒ་ཎིཾ;
པ་རི་ཝ་ཏྟེ་སི སོ་པཱ་ཏོ, སུ་ནྡ་རེ དྷ་མྨ་མ་ནྡི་རེ.
༡༨. ན་ཙྩཱ་དི་ག་ནྡྷ་མཱ་ལཱ་དི-ནེ་ཀ་པཱུ་ཛ་མྤ་ཝ་ཏྟི་ཡ;
སཱི་རེ་ན ས་དྡྷཱ་ས་མྦ་ནྡྷོ, ས་མྦུ་དྡྷ་མ་བྷི་ཝ་ནྡ་ཏི.
༡༩. ཛ་མྦུ་དཱི་པཱ་ག་ཏེ ཙཱ་ག, སཱུ་རོ སོ བྷུ་ཝི་རི་སཱུ་ར་ཡོ;
ཏ་པྤེ་སི དྷ་ན་དཱ་ནེ་ན, དཱ་ནི་ཡེ་ནེ་ཀ སོ ཝི་བྷཱུ.
༢༠. ས་དྡྷ་མྨ་ཀ་ཐི་ཀཱ་ནཾ སོ, པཱུ་ཛཱ ཀ་ཏྭཱ་ན ནེ་ཀ་སོ;
དེ་སཱ་པེ་སི་ཙ ས་དྡྷ་མྨཾ, ས་དཱ་དྷ་མྨ་གུ་ཎེ ར་ཏོ.
༢༡. ཏི་ཀྑ་ཏྟུཾ སོ ཏུ་ལཱ་བྷཱ་ར-དཱ་ནཾ དི་ནེ་སུ དཱ་པ་ཡི;
ཨུ་པོ་ས་ཐཾ ཝོ་པ་ཝ་སི, སུ་ཝི་སུ་དྡྷ་མུ་པོ་ས་ཐེ.
༢༢. ཨ་དཱ ད་ཎྜི་སྶ་རཾ དཱ་ན-མ་ནུ་སཾ་ཝ་ཙྪ་རཾ ཝི་བྷཱུ;
པི་ཊ་ཀ་ཏྟ་ཡཾ ལི་ཁཱ་པེ་ཏྭཱ, བྷི་ཀྑུ་ས་ངྒྷ་སྶ དཱ་པ་ཡི.
༢༣. མ་ཧ་གྒྷ་མ་ཎི་མུ་ཏྟཱ་དི-ར་ཏ་ནཱ་ནི ས་པེ་སི་ཡ;
ཛ་མྦུ་དཱི་པེ མ་ཧཱ་བོ་དྷིཾ-ནེ་ཀ་ཀྑ་ཏྟུ་མ པཱུ་ཛ་ཡི.
༢༤. ཀ་ཎྞཱ་ཊ་བྷཱུ་མི་པཱ་ལེ་ན, ཙོ་ལ༹་ར་ཉྙཱ ཙ པེ་སི་ཏཱ;
དཱུ་ཏཱ་མ་ཧ་ནྟ་མཱ་དཱ་ཡ, པ་ཎྞཱ་ཀཱ་ར་མི་དྷཱ་ག་ཏཱ.
༢༥. ཨ་དྡ་སཾ་སུ མ་ཧཱི་པཱ་ལཾ, ཏ་ཏོ སོ ཏུ་ཊྛ་མཱ་ན་སོ;
ཏེ་སཾ ཨུ་བྷི་ནྣཾ དཱུ་ཏཱ་ནཾ, ཀ་ཏྟ་བྦཾ སཱ་དྷུ་ཀཱ་རི་ཡ.
༢༦. ཏེ་སུ ཨཱ་དོ’ཝ ཀ་ཎྞཱ་ཊ-དཱུ་ཏེ་ཧི ས་ཧ པེ་སི་ཡ;
དཱུ་ཏེ ས་ཀཱི་ཡེ ཀ་ཎྞཱ་ཊ-ནི་ཀ་ཊཾ སཱ་ར་པཱ་བྷ་ཏེ.
༢༧. ཨ་ཏྟ་ནོ ཝི་ས་ཡཾ པ་ཏྟེ, ཙོ་ལོ༹ སཱི་ཧ་ལ༹ དཱུ་ཏ་ཀེ;
ས་ཧ་སཱ ཀ་ཎྞ་ནཱ་སཱ་སུ, པཱ་པ་ཡིཾ་སུ ཝི་རཱུ་པ་ཏཾ.
༢༨. ས་མྤ་ཏྟ་ཝི་པྤ་ཀཱ་རཱ་ཀེ, ཨི་དྷཱ་ག་ནྟྭཱ་ན རཱ་ཛི་ནོ;
ཀ་ཐ་ཡིཾ་སུ ཏ་དཱ ས་བྦཾ, ཙོ་ལེ༹་ན ཀ་ཏ་མ་ཏྟ་ནི.
༢༩. ཨུ་དྡི་པི་ཏཱ་བྷི་མཱ་ནོ སོ, ས་ཀ་ལཱ་མ་ཙྩ་མ་ཛ྄ཛྷ་གོ;
ཨ་ཝ྄ཧཱ་ཡ ད་མི་ལེ༹ དཱུ་ཏེ, ཨི་ཏི ཙོ་ལ༹་སྶ ས་ནྡི་སི.
༣༠. སེ་ནཾ ཝི་ནཱ’ཝ ཨེ་ཀ་སྨིཾ, དཱི་པེ མ་ཛ྄ཛྷེ མ་ཧ་ཎྞ་ཝེ;
བཱ་ཧཱ་བ་ལ་པ་རི་ཀྑཱ་ཝཱ, ཧོ་ཏུ་ནོ དྭ་ནྡ་ཡུ་དྡྷ་ཏོ.
༣༡. བ་ལཾ ས་ནྣ་ཡ྄ཧ ས་ཀ་ལཾ, ར་ཛྫེ ཏུ་ཡ྄ཧཾ མ་མཱ’ཐ ཝཱ;
ཏ་ཝཱ’བྷི་མ་ཏ དོ་ས་མྷི, ས་ངྒཱ་མོ ཝཱ ཀ་རཱི་ཡ་ཏཾ.
༣༢. མ་ཡཱ ཝུ་ཏྟ་ཀྐ་མེ་ནེ་ཝ, ཝ་ཏྟ་བྦོ ཝོ ཛ་ནཱ་དྷི་པོ;
ཨི་ཏི ཝ་ཏྭཱ་ན ཏེ དཱུ་ཏེ, ཨི་ཏྠ་ལ་ངྐཱ་ར མ་ཎྜི་ཏེ.
༣༣. ཝི་སྶ་ཛྫི་ཡ ལ་ཧུཾ་ཙོ་ལ༹-མ་ཧཱི་པཱ་ལ་སྶ ས་ནྟི་ཀཾ;
ཏ་ཏོ སེ་ན་ངྒ་མཱ་དཱ་ཡ, ཨ་ནུ་རཱ་དྷ པུ་རཾ ག་མི.
༣༤. མ་ཏྟི་ཀཱ་ཝཱ་ཊ་ཏི་ཏྠེ ཙ, མ་ཧཱ་ཏི་ཏྠེ ཙ པེ་ས་ཡཱི;
ཙོ་ལ༹་ར་ཊྛཾ’ཝ ག་ནྟྭཱ་ན, ཡུ་ཛ྄ཛྷི་ཏུཾ དྭེ ཙ་མཱུ་པ་ཏི.
༣༥. ས་ཛྫ་ནྟེ་སུ ཙ་མཱུ་པེ་སུ, ནཱ་ཝཱ་པཱ་ཐེ་ཡྻ་ཀཱ་ནི ཙ;
ཡུ་དྡྷ་ཏྠཱ་ཡ བ་ལཾ ཙོ་ལ༹-ར་ཊྛ་པེ་ས་ན་ཀཱ་ར་ཎཱ.
༣༦. ཏ་དཱ ཏིཾ་ས་ཏི་མེ ཝ་སྶེ, ཝེ་ལ༹་ཀྐཱ་ར་ས་ནཱ་མ་ཀཱ;
བ་ལ་ཀཱ་ཡཱ ཏ་ཧིཾ་ག་ནྟུ-མ་ནི་ཙྪ་ནྟཱ ཝི་རོ་དྷི་ནོ.
༣༧. མཱ་རེ་ཏྭཱ་ན ཨུ་བྷོ སེ་ནཱ-ནཱ་ཐེ མ་ཏྟ་ག་ཛཱ་ཝི་ཡ;
ས་མ་ནྟ་ཏོ ཝི་ལུ་མྤིཾ་སུ, པུ་ལ་ཏྠི་པུ་ར་མུ་དྡྷ་ཏཱ.
༣༨. པུ་ཏྟེ་ཧི ཏཱི་ཧི ས་ཧི་ཏཾ, རཱ་ཛི་ནོ ཙ ཀ་ཎཱི་ཡ་སིཾ;
ག་ཎི་ཏྭཱ ས་ཧ་སཱ རཱ་ཛ-པཱ་སཱ་དཾ ཙཱ་པི ཛྷཱ་པ་ཡུཾ.
༣༩. རཱ་ཛཱ ནི་ཀྑ་མྨ ཁི་པྤཾ སོ, ག་ནྟྭཱ ད་ཀྑི་ཎ་པ་སྶ་ཀཾ;
སེ་ལེ ཝཱ་ཏ་གི་རི་ཝ྄ཧ་སྨིཾ, སཱ་རཾ བྷ་ཎྜཾ ཋ་པཱ་པི་ཡ.
༤༠. ཝཱི་ར་བཱ་ཧུ་པ་རཱ་ཛེ་ན, སཱི་ཧ་ཝི་ཀྐ་མ་སཱ་ལི་ནཱ;
མ་ཧ་ཏཱ ཙ བ་ལོ་གྷེ་ན, ས་མ་ནྟཱ པ་རི་ཝཱ་རི་ཏོ.
༤༡. པུ་ལ་ཏྠི་པུ་ར་མཱ་ག་མྨ, ཝ་ཏྟེ་ནྟོ དཱ་རུ་ཎཾ ར་ཎཾ;
པ་ལཱ་པེ་སི ཁ་ཎེ་ནེ་ཝ, བ་ལ་ཀཱ་ཡེ ས་མཱ་ག་ཏེ.
༤༢. མཱ་རི་ཏཱ་ན ཙ་མཱུ་པཱ་ན-མ་ཊྛི་ས་ངྒྷཱ་ཊ་དྷི་ཊྛི་ཏཾ;
པ་རི་ཀྑི་པི་ཏྭཱ ཙི་ཏ་ཀཾ, ཝེ་རི་བྷཱུ་ཏེ བ་ལཱ་དྷི་པེ.
༤༣. བ་ནྡྷ་ཡི་ཏྭཱ་ན ཁཱ་ཎུ་མྷི, པ་ཙྪཱ བཱ་ཧཾ སུ་བ་ནྡྷ་ནཾ;
པ་རི་ཏོ ཝི་པྥུ་ར་ནྟཱི་ཧི, ཨ་གྒི་ཛཱ་ལཱ་ཧི ཛྷཱ་པ་ཡི.
༤༤. གྷཱ་ཏེ་ཏྭཱ ཏ་ཏྠ མཱ་ནཱི་ཏཾ, གཱ་མཱ་ནི དྷ་ར་ཎཱི་པ་ཏི;
ཨ་ཀཱ་སི ལ་ངྐཱ་ཝ་སུ་དྷཾ, ས་བྦ་ཐཱ ཝཱི་ཏ་ཀ་ཎྚ་ཀཾ.
༤༥. ཡུ་ཛ྄ཛྷི་ཏུཾ ས་ཧ ཙོ་ལེ༹་ན, རཱ་ཛཱ ཨ་ཏྟ་ཀ་ཏཱ་ཝ་དྷིཾ;
ཨ་ན་ཏི་ཀྐ་མྨ སོ པ་ཉྩ-ཙ་ཏྟཱ་ལཱི་ས་མྷི ཝ་ཙྪ་རེ.
༤༦. ས་ནྣ་དྡྷཾ བ་ལ་མཱ་དཱ་ཡ, ག་ནྟྭཱ སཱ་ག་ར་པ་ཊྚ་ནཾ;
ཏ་སྶཱ་བྷི་ག་མ་ནཾ པ་སྶཾ, ཀ་ཉྩི་ཀཱ་ལཾ ཏ་ཧིཾ ཝ་སཾ.
༤༧. ཨ་ནཱ་ག་ཏ་ཏྟཱ ཙོ་ལ༹་སྶ, ཏ་སྶ དཱུ་ཏེ ཝི་སྶ་ཛྫི་ཡ;
པུ་ནཱ་ག་ནྟྭཱ ཝ་སཱི་རཱ་ཛཱ, པུ་ལ་ཏྠི་ན་ག་རེ ཙི་རཾ.
༤༨. མ་ཧཱ་ཧེ་ལི༹ ས་རེ་ཧ་རུ, མ་ཧཱ་ད་ཏྟི་ཀ་ནཱ་མི་ཀཱ;
ཀ་ཊུ་ནྣ་རཱུ་པ་ཎྜ་ཝཱ་པཱི, ཀ་ལླ་ག་ལླི་ཀ ནཱ་མི་ཀཱ.
༤༩. ཨེ་ར་ཎྜེ་ག་ལླ་ཝཱ་པཱི ཙ, དཱི་གྷ་ཝ་ཏྠུ་ཀ་ཝཱ་པི་ཀཱ;
མ་ཎྜ་ཝཱ་ཊ་ཀ་ཝཱ་པཱི, ཙ, ཀི་ཏྟ་གྒ་བོ་དྷི་པ་བྦ་ཏཱ.
༥༠. ཝ་ལཱ་ཧ་སྶ མ་ཧཱ་དཱ་རུ, ག་ལླ་ཀུ་མྦྷཱི་ལ་སོ་བྦྷ་ཀཱ;
པ་ཏྟ་པཱ་སཱ་ཎ་ཝཱ་པཱི ཙ, ཝཱ་པཱི ཙ ཀཱ་ཎ་ནཱ་མི་ཀཱ.
༥༡. ཨེ་ཏཱ ཙ་ཉྙཱ ཙ སོ ཚི་ནྣ-མ་རི་ཡཱ་དཱ ཝཱ་པི་ཡོ བ་ཧཱུ;
བ་ནྡྷཱ་པེ་སི ས་དཱ་དཱི་ན-ས་ཏྟེ བ་དྡྷ ཧི་ཏཱ་ས་ཡོ.
༥༢. བྷཱུ་མི་ནྡོ ཀ་ནྡ་རཱ-ག་ངྒཱ-ན་དཱི་སུ ཙ ཏ་ཧིཾ ཏ་ཧིཾ;
སུ་བྷི་ཀྑཾ ཀཱ་ར་ཡཱི ར་ཊྛཾ, བ་ནྡྷེ་ཏྭཱ’ཝ་ར་ཎཱ་ནི སོ.
༥༣. ཝི་ཧཱ་རཱ’བྷ་ཡ་ཙཱ་རི་ཏྟ-བྷེ་དི་ནིཾ མ་ཧི་སཾ་ས་ཀ;
པ་རི་ཧཱ་རེ ས་བྦ་སོ་ཙྪི་ཛྫ-གཱ་ཧ་ཡི་ཏྭཱ ག་ལ་མྷི ཏཾ.
༥༤. པུ་ར་མྦྷཱ བ་ཧི ཀཱ་རེ་ཏྭཱ, མ་ཧཱ་ས་ངྒྷཾ ཁ་མཱ་པི་ཡ;
པ་ཀཱ་སེ་སི ཙ ལོ་ཀ་སྶ, ས་ངྒྷ་གཱ་ར་ཝ་མ་ཏྟ་ནོ.
༥༦. མ་ཧཱ་གཱ་མེ ནི་ཀཱ་ཡཱ་ནཾ, ཏི་ཏ་ཡེ ཙོ་ལ༹་ནཱ་སི་ཏེ;
དྷཱ་ཏུ་ག་བྦྷེ ཙ བ་ནྡྷེ་སི, ཐཱུ་པཱ་རཱ་མ་དྭ་ཡེ’པི ཙ.
༥༧. མཱ་ཏུ་ཡཱ’ལཱ༹་ཧ་ཎ་ཋཱ་ནེ, ཏ་ཐེ་ཝ པི་ཏུ་ནོ་པི ཙ;
ཨ་ཀཱ པ་ཉྩ མ་ཧཱ་ཝཱ་སེ, ཏ་ཐཱ བུ་ད་ལ་ཝི་ཊྛི་ཡཾ.
༥༨. པ་ཎྜ་ཝཱ་པཱི ཙ པཱ་ཋཱི་ནོ, ར་ཀྑ་ཙེ་ཏི་ཡ་པ་བྦ་ཏོ;
ཏ་ཐེ་ཝ མ་ཎྜ་ལ་གི་རི-མ་དྷུ་ཏྠ་ལ་ཝི་ཧཱ་ར་ཀོ.
༥༩. ཨུ་རུ་ཝེ་ལ་ཝ྄ཧ་ཡོ དེ་ཝ-ན་ག་རེ ཙ ཝི་ཧཱ་ར་ཀོ;
མ་ཧི་ཡ་ངྒ་ཎ་ཝི་ཧཱ་རོ ཙ, སཱི་ཏ་ལ་གྒཱ་མ་ལེ་ཎ་ཀཾ.
༦༠. ཛ་མྦུ་ཀོ་ལ་ཝི་ཧཱ་རོ ཙ, ཏ་ཐེ་ཝ གི་རི་ཀ་ཎྜ་ཀོ;
ཀུ་རུ་ནྡི་ཡ་ཝི་ཧཱ་རོ ཙ, ཛ་མྦུ་ཀོ་ལ་ཀ་ལེ་ཎ་ཀཾ.
༦༡. བྷ་ལླཱ་ཏ་ཀ་ཝི་ཧཱ་རོ ཙ, ཏ་ཐེ་ཝ པ་ར་གཱ་མ་ཀོ;
ཀཱ་ས་ག་ལླ་ཝ྄ཧ་ཡོ ཙ་ནྡ-གི་རི་ཝ྄ཧ་ཡ ཝི་ཧཱ་ར་ཀོ.
༦༢. ཝེ་ལ་གཱ་མ་ཝི་ཧཱ་རོ ཙ, མ་ཧཱ་སེ་ན་ཝ྄ཧ་གཱ་མ་ཀོ;
ཝི་ཧཱ་རོ ཙཱ’ནུ་རཱ་དྷ་མྷི, པུ་རེ བོ་དྷི་གྷ་རཾ ཏ་ཐཱ.
༦༣. ཨི་ཙྩེ་ཝ་མཱ་ད་ཡོ་ནེ་ཀེ, ཝི་ཧཱ་རེ ཙ བ་ཧཱུ ཝི་བྷཱུ;
པ་ཊི་ས་ངྑ་རི་ཛི་ཎྞེ སོ, གཱ་མེ ཙཱ’དཱ ཝི་སུཾ ཝི་སུཾ.
༦༤. ས་མ་ནྟ་ཀཱུ་ཊ སེ་ལ་ཏྠཾ, མུ་ནི་ནྡ་པ་ད་ལ་ཉྫ་ནཾ;
པ་ཎ་མ་ཏྠཱ་ཡ ག་ཙྪ་ནྟཱ, མ་ནུ་སྶཱ དུ་གྒ་མ་ཉྫ་སེ.
༦༥. ས་བྦེ མཱ ཀི་ལ་མ་ནྟཱུ’ཏི, དཱ་ན་ཝ་ཊྚཱ་ཡ དཱ་པ་ཡི;
སཱ་ལི་ཀྑེ་ཏྟཱ་དི་ས་མྤ་ནྣཾ, གི་ལཱི་མ་ལ་ཡ་ནཱ་མ་ཀཾ.
༦༦. ཀ་ད་ལཱི་གཱ་མ་མ་གྒེ ཙ, ཧཱུ་ཝ་ར་ལ༹་ཉྫ་སེ ཏ་ཐཱ;
གཱ་མེ ད་ཏྭཱ་ན པ་ཙྩེ་ཀཾ, སཱ་ལཱ་ཡོ ཙཱ་པི ཀཱ་ར་ཡི.
༦༧. ཨ་ནཱ་ག་ཏེ ཏཾ བྷཱུ་པཱ་ལཱ, མཱ ག་ཎྷ་ནྟཱུ’ཏི ལེ་ཁི་ཡ;
ཨ་ཀྑ་རཱ་ནི སི་ལཱ་ཐ་མྦྷེ, པ་ཏི་ཊྛཱ་པེ་སི བྷཱུ་མི་པོ.
༦༨. གཱ་མཾ ཨ་ནྟ་ར་ཝི་ཊྛི་ཉྩ, ཏ་ཐཱ ས་ངྒྷཱ་ཊ་གཱ་མ་ཀཾ;
སི་རི་མ་ཎྜ་ག་ལཱ་རཱ་མ་ཉྩ, ཨ་དཱ་སོ ལཱ་བྷ་ཝཱ་སི་ནཾ.
༦༩. ཝ་ན་ཛཱི་ཝ་ཀ་བྷི་ཀྑཱུ་ན-མ་དཱ སོ ཙ་ཏུ་པ་ཙྩ་ཡེ;
བ་ནྡྷཱུ་ན་མྤི ཙ སོ ཏེ་སཾ, བྷོ་ག་གཱ་མེ པ་དཱ་པ་ཡི.
༧༠. པཱ་ཝཱ་ར་གྒི་ཀ་པ་ལླཱ་ནི, ཝི་ཝི་དྷེ ཨོ་ས་དྷེ་པི ཙ;
སཱི་ཏེ ཨུ་ཏུ་མྷི བ་ཧུ་སོ, བྷི་ཀྑུ་ས་ངྒྷ་སྶ དཱ་པ་ཡི.
༧༡. ཨ་དཱ ས་བྦ་པ་རི་ཀྑཱ་རེ, པ་རི་ཀྑཱ་རེ ཏ་ཐཱ་ཏྠ སོ;
ནེ་ཀ་ཝཱ་རེ་སུ ས་ཀྐ་ཙྩཾ, བྷི་ཀྑུ་ས་ངྒྷ་སྶ བུ་དྡྷི་མཱ.
༧༢. ས་ངྒྷ་སྶ པཱ་ཀ་ཝ་ཊྚ་ཏྠཾ, བྷི་ཀྑཱུ་ནཾ ལཱ་བྷ་ཝཱ་སི་ནཾ;
ཝེ་ཡྻཱ་ཝ་ཙྩ་ཀ་རཱ་ན་ཉྩ, པཱུ་ཛེ་ཏུཾ ཙེ་ཏི་ཡཱ་དི་ཀཾ.
༧༣. པ་དི་ནྣཱ པུ་བྦ་རཱ་ཛཱུ་ཧི, ཡེ གཱ་མཱ རོ་ཧ་ཎེ བ་ཧཱུ;
ཏེ་པི ས་བྦེ ཨ་ནཱུ་ནེ སོ, ཡ་ཐཱ་པུ་བྦཾ ཋ་པེ་སི ཙ.
༧༤. ཨ་དཱ་སི པི་ཋ་ས་པྤཱི་ན-མུ་ས་བྷེ བ་ལི་ནོ བ་ཧི;
བྷ་ཏྟཾ ཙཱ’དཱ་སི སོ ཀཱ་ཀ སོ་ཎཱ་དཱི་ནཾ ད་ཡཱ་པ་རོ.
༧༥. ཨ་དཱ་སི་ནེ་ཀ་ཏཱ ཝེ་ཡྻ-ཀཱ་ར་ཀཱ་ནཾ མ་ཧཱ་ཀ་ཝཱི;
ས་དྡྷིཾ པ་ཝེ་ཎི་གཱ་མེ་ཧི, ཝི་ཏྟ་ཛཱ་ཏ་མ་ན་པྤ་ཀཾ.