ས་ཏྟ་པ་ཉྙཱ་ས་ཏི་མ པ་རི་ཙྪེ་ད
སཾ་ག་ཧ་ཀ་ར་ཎོ་ནཱ་མ
༡. ལ་ངྐཱ་ར་ཀྑཱ་ཡ ས་ཙི་ཝེ, བ་ལི་ནོ ཡོ་དྷ་ས་མྨ་ཏེ;
པ་ཊི་པཱ་ཊིཾ ས་མུ་དྡི་སྶ, ས་མ་ནྟཱ ས་ནྣི་ཡོ་ཛ་ཡི.
༢. ཨ་བྷི་སེ་ཀ་མ་ངྒ་ལ་ཏྠཱ་ཡ, པཱ་སཱ་དཱ་དི་མ་ནེ་ཀ་ཏཾ;
ཀི་ཙྩཾ ས་མྤཱ་ད་ནཱི་ཡ་ནྟི, ས་ཙི་ཝཾ ས་ནྣི་ཡོ་ཛི་ཡ.
༣. ཝ་ནྡ་ནཱི་ཡེ’བྷི་ཝ་ནྡ་ནྟོ, པ་དེ་སེ་ནེ་ཀ་ཀེ་ཏ་ཧིཾ;
ནེ་ཏྭཱ མཱ་ས་ཏྟ་ཡཾ ག་ཉྪི, པུ་ལ་ཏྠི་ན་ག་རཾ པུ་ན.
༤. ཝི་སྶུ་ཏོ ཨཱ་དི་མ་ལ་ཡ-ནཱ་མེ་ན བ་ལ་ནཱ་ཡ་ཀོ;
ཨུ་ཛུ་པ་ཙྩ་ཏྠི་ཀོ ཧུ་ཏྭཱ, མ་ཧཱི་པཱ་ལ་སྶ ས་བྦ་སོ.
༥. ག་ངྒཱ མ་ཏྠ་ཡུ’པཱ་ག་ཉྪི, བ་ལཾ ས་བྦཾ ས་མཱ་དི་ཡ;
ཨ་ནྡཱུ་ཏི ཝི་སྶུ་ཏཾ མ་ནྡ-པ་ཉྙོ གཱ་མཾ པུ་ར་ནྟི་ཀེ.
༦. ལཾ་ཀི་སྶ་རོ ཏ་ཧིཾ ག་ནྟྭཱ, ཨུ་དྡྷ་རི་ཏྭཱ ཏ་མུ་དྡྷ་ཏཾ;
པུ་ལ་ཏྠི་ན་ག་རཾ ག་ཉྪི, ཝ་སེ ཝ་ཏྟི་ཡ ཏཾ བ་ལཾ.
༧. ཡུ་ཝ་རཱ་ཛ་པ་དཾ་ཡེ་ཝ, སི་ཏོ ས་ནྟོ ལི་ཁཱ་པ་ཡི;
སོ ས་ཏྟ་ར་ས་ཝ་སྶཱ་ནི, ས་པྤ་ཉྙོ ན་ར་ས་ཏྟ་མོ.
༨. ཏ་ཏོ’ནུ་རཱ་དྷ་ན་ག་ར-མ་བྷི་ག་མྨ ཡ་ཐཱ་ཝི་དྷིཾ;
ཨ་ནུ་བྷོ་ཏྭཱ ཝི་དྷཱ་ན་ཉྙཱུ, ཨ་བྷི་སེ་ཀ་མ་ཧུ་སྶ་ཝཾ.
༩. ཨ་ཊྛི་ཏོ པཱ་པ་དྷ་མྨེ་སུ, སུ་ཊྛི་ཏོ སེ་ཊྛ་ཀ་མྨ་ནི;
སོ ཨ་ཊྛཱ་ར་ས་མཾ ཝ་སྶཾ, ལི་ཁཱ་པ་ཡི སུ་ས་ཎྛི་ཏོ.
༡༠. ཏ་ཏོ ཨཱ་ག་མྨ ནི་ཝ་སི, པུ་ལ་ཏྠི་ན་ག་རེ ཝ་རེ;
སོ སི་རཱི་ས་ངྒྷ་བོ་དྷཱི’ཏི, ནཱ་མ་དྷེ་ཡྻེ་ན ཝི་སྶུ་ཏོ.
༡༡. ཨ་ནུ་ཛཾ སོ ཝཱི་ར་བཱ་ཧུ-མོ་པ་ར་ཛྫེ ནི་ཝེ་སི་ཡ;
ད་ཏྭཱ་ན ད་ཀྑི་ཎཾ དེ་སཾ, ཏཾ ས་ངྒ་ཎྷི ཡ་ཐཱ་ཝི་དྷིཾ.
༡༢. ཀ་ཎི་ཊྛ་སྶཱ་ཐ བྷཱ་ཏུ་སྶ, ཛ་ཡ་བཱ་ཧུ་སྶ བྷཱུ་བྷུ་ཛོ;
ཨཱ་དི་པཱ་ད་པ་དཾ ད་ཏྭཱ, ར་ཊྛཾ ཙཱ’དཱ་སི རོ་ཧ་ཎཾ.
༡༣. ཋཱ་ན་ནྟ་རཱ་ནི ས་བྦེ་ས-མ་མ་ཙྩཱ་ནཾ ཡ་ཐཱ་ར་ཧཾ;
ད་ཏྭཱ ར་ཛྫེ ཡ་ཐཱ་ཉཱ་ཡཾ, ཀ་རཾ ཡོ་ཛེ་སི ག་ཎྷི་ཏུཾ.
༡༤. ཙི་ར་སྶཾ པ་རི་ཧཱི་ནཾ སོ, ད་ཡཱ་ཝཱ་སོ མ་ཧཱི་པ་ཏི;
པ་ཝ་ཏྟེ་སི ཡ་ཐཱ་དྷ་མྨཾ, ཋི་ཏ་དྷ་མྨོ ཝི་ནི་ཙྪ་ཡཾ.
༡༥. ཨེ་ཝཾ ས་མུ་དྡྷ་ཊཱ་ནེ་ཀ, རི་པུ་ཀ་ཎྚ་ཀ་ས་ཉྩ་ཡེ;
ནི་ཙྩཾ ར་ཛྫཾ པ་སཱ་སེ་ནྟེ, ལ་ངྐཾ་ས་མྨཱ་ན་རི་སྶ་རེ.
༡༦. ཚ་ཏྟ་གྒཱ་ཧ་ཀ་ནཱ་ཐོ ཙ, དྷ་མྨ་གེ་ཧ་ཀ་ནཱ་ཡ་ཀོ;
ཏ་ཐེ་ཝ སེ་ཊྛི་ནཱ་ཐོ ཙ, ཨི་ཙྩེ་ཏེ བྷཱ་ཏ་རོ ཏ་ཡོ.
༡༧. ར་ཉྙོ ཝི་རོ་དྷི་ཏཾ ཡཱ་ཏཱ, ཕ་ལཱ་ཏཱ ཛ་མྤུ་དཱི་པ་ཀཾ;
ལ་ངྐཾ ཝཱི་ས་ཏི་མེ ཝ་སྶེ, ཨེ་ཀེ་ནཱུ་ནེ ས་མོ་ཏ་རུཾ.
༡༨. ཏེ ས་བྦེ རོ་ཧ་ཎཾ ར་ཊྛཾ, ས་བྦཾ མ་ལ་ཡ་མ་ཎྜ་ལཾ;
ས་བྦཾ ད་ཀྑི་ཎ་པ་སྶ་ཉྩ, ས་ཧ་སཱ པ་རི་ཝ་ཏྟ་ཡུཾ.
༡༩. ནི་པུ་ཎོ རོ་ཧ་ཎཾ ག་ནྟྭཱ, ཏ་ཐཱ མ་ལ་ཡ་མ་ཎྜ་ལཾ;
ནི་གྷཱ་ཏེ་ནྟོ བ་ཧཱུ ཏ་ཏྠ, ཏ་ཏྠ པ་ཙྩ་ཏྠི་ཀེ ཛ་ནེ.
༢༠. ས་མྨཱ་ཝུ་པ་ས་མེ་ཏྭཱ ཏཾ, ཋ་པེ་ཏྭཱ ས་ཙི་ཝེ ཏ་ཧིཾ;
ད་ཀྑི་ཎོ ད་ཀྑི་ཎཾ དེ་སཾ, ས་ཡཾ ག་ནྟྭཱ མ་ཧ་བྦ་ལོ.
༢༡. པེ་སེ་ཏྭཱ ས་མ་ཎཱི་བྷཱ་ཏུ-ཝཾ་ས་ཛཾ ས་ཙི་ཝཾ ཏ་དཱ;
གཱ་ཧེ་ཏྭཱ ས་མ་རེ་གྷོ་རེ, ཝཱི་རོ ཏེ ས་ཀ་ཝེ་རི་ནོ.
༢༢. ས་མཱ་རོ་པི་ཡ་སཱུ་ལ་མྷི, ལ་ངྐཾ ཝི་ག་ཏ་ཀ་ཎྚ་ཀཾ;
ཀཱ་རེ་ཏྭཱ་ན ནི་རཱ་ཏ་ངྐཾ, པུ་ལ་ཏྠི་པུ་ར་མཱ་ག་མི.
༢༣. ཝ་ས་ནྟཱི ཙོ་ལ༹་ཝི་ས་ཡེ, ཛ་ག་ཏི་པཱ་ལ་རཱ་ཛི་ནཱི;
ཙོ་ལ༹་ཧ་ཏྠཱ པ་མུ་ཉྩི་ཏྭཱ, ས་དྡྷིཾ དྷཱི་ཏུ ཀུ་མཱ་རི་ཡཱ.
༢༤. ལཱི་ལཱ་ཝ་ཏྱཱ་བྷི་དྷཱ་ནཱ་ཡ, ནཱ་ཝཱ་མཱ་རུ་ཡ྄ཧ ཝེ་ག་སཱ;
ལཾ་ཀཱ་དཱི་པ་མྷི ཨོ་ཏི་ཎྞཱ, པ་སྶི ལཾ་ཀི་སྶ་རཾ ཏ་དཱ.
༢༥. སུ་ཏྭཱ ཝཾ་ས་ཀྐ་མཾ ཏ་སྶཱ, སོ ཉ་ཏྭཱ སུ་དྡྷ་ཝཾ་ས་ཏཾ;
ལཱི་ལཱ་ཝ་ཏིཾ མ་ཧི་སི་ཏྟེ, ཨ་བྷི་སི་ཉྩི ན་རི་སྶ་རོ.
༢༦. སཱ ཏཾ པ་ཊི་ཙྩ རཱ་ཛཱ་ནཾ, མ་ཧེ་སཱི དྷཱི་ཏ་རཾ ལ་བྷི;
ནཱ་མཾ ཡ་སོ་དྷ་རཱ་ཏི’སྶཱ, ཨ་ཀཱ་སི དྷ་ར་ཎཱི པ་ཏི.
༢༧. མེ་རུ་ཀ་ནྡ་ར་ར་ཊྛེ་ན, ས་དྡྷིཾ རཱ་ཛཱ ས་དྷཱི་ཏ་རཾ;
ཝཱི་ར་ཝ་མྨ་སྶ པཱ་དཱ་སི, སཱ ལ་བྷི དྷཱི་ཏ་རོ དུ་ཝེ.
༢༨. ས་མཱ་ན་ནཱ་མི་ཀཱ ཛེ་ཊྛཱ, སཱ མཱ་ཏཱ མ་ཧི་ཡཱ ཨ་ཧུ;
སུ་ག་ལཱ ནཱ་མི་ཀཱ ཨཱ་སི, ཏཱ་སུ དྭཱི་སུ ཀ་ཎི་ཊྛི་ཀཱ.
༢༩. ཀཱ་ལི་ངྒ་དྷ་ར་ཎཱི་པཱ་ལ-ཝཾ་ས་ཛཾ ཙཱ་རུ་ད་སྶ་ནཾ;
ཏི་ལོ་ཀ་སུ་ནྡ་རཾ ནཱ་མ, སུ་ཀུ་མཱ་རཾ ཀུ་མཱ་རི་ཀཾ.
༣༠. ཀཱ་ལི་ངྒ་ར་ཊྛ་ཏོ རཱ་ཛཱ, ཨཱ་ཎཱ་པེ་ཏྭཱ ཙི་ར་ཊྛི་ཏིཾ;
ནི་ཛ་ཝཾ་ས་སྶ ཨི་ཙྪ་ནྟོ, མ་ཧེ་སི་ཏྟེ’བྷི སེ་ཙ་ཡི.
༣༡. སུ་བྷ་དྡཱ ཙ སུ་མི་ཏྟཱ ཙ, ལོ་ཀ་ནཱ་ཐ་ཝ྄ཧ་ཡཱ་པི ཙ;
ར་ཏ་ནཱ་ཝ་ལཱི རཱུ་པ་ཝ་ཏཱི, ཨི་ཏི་མཱ པ་ཉྩ དྷཱི་ཏ་རོ.
༣༢. པུ་ཏྟཾ ཝི་ཀྐ་མ་བཱ་ཧུ་ཉྩ, སཱ ལ་བྷཱི དྷ་ཉྙ་ལ་ཀྑ་ཎཾ;
ས་མྤ་ཏྟཱ སཱ པ་ཛ་ཝུ་དྡྷིཾ, ཧ་ར་ནྟི རཱ་ཛི་ནོ མ་ཏཾ.
༣༣. ཨི་ཏྠཱ་གཱ་རེ་སུ སེ་སེ་སུ, ཝཱི་ཏཱ ས་མ་ཀུ་ལ་ངྒ་ནཱ;
ག་བྦྷོ ཛཱ་ཏུ་མ་ཧཱི་པཱ་ལཾ, ཏཾ པ་ཊི་ཙྩ ན ས་ཎྛ་ཧི.
༣༤. ཨ་ཐེ་ཀ་དི་ཝ་སཾ རཱ་ཛཱ, ཨ་མ་ཙྩ་ག་ཎ་མ་ཛ྄ཛྷ་གོ;
པི་ལོ་ཀི་ཡ་ཋི་བྷཱ ས་བྦཱ, དྷཱི་ཏ་རོ པ་ཊི་པཱ་ཊི་ཡཱ.
༣༥. དྷཱི་ཏུ ན་ཝ་མ་ཝ་སེ་སཱ་ནཾ, ཋ་པེ་ཏྭཱ ར་ཏ་ནཱ་ཝ་ལིཾ;
དྷ་ཉྙ་ལ་ཀྑ་ཎ་ས་མྤ་ནྣ-པུ་ཏྟ་སྶུ་པྤ་ཏྟི་སུ་ཙ་ཀཾ.
༣༦. ལ་ཀྑ་ཎཾ ལ་ཀྑ་ཎ་ཉྙཱུ སོ, ཨ་པ་སྶཾ པེ་མ་ཙེ་ག་ཝཱ;
ར་ཏ་ནཱ་ཝ་ལི་མཱ་ཧཱུ་ཡ, ཏ་སྶཱ མུ་དྡྷ་ནི ཙུ་མྦི་ཡ.
༣༧. ཏེ་ཛོ་གུ་ཎེ་ཧི ཙཱ་གེ་ཧི, དྷི་ཡཱ སཱུ་ར་ཏྟ་ནེ་ན ཙ;
བྷཱུ་ཏེ ཙ བྷཱ་ཝི་ནོ ཙེ་ཝ, ས་བྦེ བྷཱུ་པེ’ཏི་སཱ་ཡི་ནོ.
༣༨. ནི་ཙྩཾ ལ་ངྐཾ ནི་རཱ་ས་ངྐ-མེ་ཀ་ཙྪ་ཏྟ་ཀ་མེ་ཝ ཙ;
པ་ཝི་དྷཱ་ཏུཾ ས་མ་ཏྠ་སྶ, ས་མྨཱ་སཱ་ས་ན་ཏཱ་ཡི་ནོ.
༣༩. སོ་བྷ་ནཱ་ནེ་ཀ་ཝ་ཏྟ་སྶ, ཨི་མི་སྶཱ ཀུ་ཙྪི་ཧེ་སྶ་ཏི;
པུ་ཏྟ་སྶུ་པྤ་ཏྟི་ཋཱ་ན་ནྟི, མུ་དུ་ཏོ སོ ས་མ་བྲ་ཝི.
༤༠. ཡཱ་ཝ་ནྟ་སྶཱ་པི་ཁོ་ཙོ་ལ༹-མ་ཧཱི་པཱ་ལ་སྶ ནེ་ཀ་སོ;
ཀུ་ལཱ་བྷི་མཱ་ནཱི རཱ་ཛཱ སོ, ཨ་ད་ཏྭཱ་ན ཀ་ཎཱི་ཡ་སིཾ.
༤༡. ཨཱ་ཎཱ་པེ་ཏྭཱ པ་ཎྜུ་རཱ་ཛཾ, ཝི་སུ་དྡྷ་ཏྭ་ཡ་ས་མྦྷ་ཝཾ;
ཨ་ནུ་ཛཾ རཱ་ཛི་ནིཾ ཝ་སྶ, མི་ཏྟ་ཝ྄ཧ་ཡ་མ་དཱ་སི་སོ.
༤༢. སཱ་མཱ་ཎ་བྷ་ར་ཎཾ ཀི་ཏྟི, སི་རཱི མེ་གྷཱ་བྷི་དྷཱ་ན་ཀཾ;
སི་རི་ཝ་ལླ་བྷ་ནཱ་མ་ཉྩ, ཛ་ནེ་སི ཏ་ན་ཡེ ཏ་ཡོ.
༤༣. སུ་བྷ་དྡ ཝཱི་ར་བཱ་ཧུ་སྶ, སུ་མི་ཏྟཾ ཛ་ཡ་བཱ་ཧུ་ནོ;
མ་ཧ་ཏཱ པ་རི་ཧཱ་རེ་ན, པཱ་དཱ་སི དྷ་ར་ཎཱི པ་ཏི.
༤༤. ཨ་དཱ་སི མཱ་ཎཱ་བྷ་ར་ཎེ, དྷཱི་ཏ་རཾ ར་ཏ་ནཱ་ཝ་ལིཾ;
ལོ་ཀ་ནཱ་ཐ་ཝ྄ཧ་ཡཾ ཀི་ཏྟི སི་རི་མེ་གྷ་སྶ’དཱ་སི་སོ.
༤༥. རཱུ་པ་ཏྱ་བྷི་དྷཱ་ནཱ་ཡ, དྷཱི་ཏུ་ཡོ པ་ར་ཏཱ་ཡ་ཧི;
ས་རཱི་རི་ཝ་ལླ་བྷ་སཱ་དཱ, སུ་ག་ལ་ཝ྄ཧ ཀུ་མཱ་རི་ཀཾ.
༤༦. མ་དྷུ་ཀ་ཎྞ་ཝ་བྷཱི་མ་རཱ་ཛ, བ་ལ་ཀྐཱ་ར ས་ནཱ་མ་ཀེ;
མ་ཧེ་སཱི བ་ནྡྷ་ཝེ་རཱ་ཛ-པུ་ཏྟེ སཱི་ཧ་པུ་རཱ་ག་ཏེ.
༤༧. པ་སྶི་ཏྭཱ་ན པ་ཧཱི་པཱ་ལོ, ཏ་དཱ ས་ཉྫཱ་ཏ་པཱི་ཏི་ཀོ;
ཏེ་སཾ པཱ་དཱ་སི པ་ཙྩེ་ཀཾ, ཝུ་ཏྟིཾ སོ ཨ་ནུ་རཱུ་པ་ཀཾ.
༤༨. ཏེ ས་བྦེ ལ་དྡྷ་ས་ཀྐཱ་ར ས་མྨཱ་ནཱ་དྷ་ར་ཎཱི་པ་ཏིཾ;
ཨཱ་རཱ་དྷ་ཡ་ནྟཱ ས་ས་ཏཾ, ནི་ཝ་སིཾ་སུ ཡ་ཐཱ་རུ་ཙིཾ.
༤༩. ཨེ་ཏེ་སཾ རཱ་ཛ་པུ་ཏྟཱ་ནཾ, སུ་ནྡ་རི་ཝ྄ཧཾ ཀ་ཎི་ཊྛ་ཀཾ;
ཨ་དཱ ཝི་ཀྐ་མ་བཱ་ཧུ་སྶ, ནི་ཛ་ཝཾ་ས་ཋི་ཏ་ཊྛི་ཀོ.
༥༠. བྷི་ཡྻོ ཝི་ཀྐ་མ་བཱ་ཧུ་སྶ, ཏ་ཏོ ལཱི་ལཱ་ཝ་ཏིཾ ས་ཏིཾ;
ས་ཧ བྷོ་གེ་ན པཱ་དཱ་སི, ཏ་དཱ བ་ནྡྷུ ཧི་ཏེ་ར་ཏོ.
༥༡. ཝི་དྷཱ་ཡ ཨེ་ཝཾ ས་ཛ་ནེ ཛ་ནི་ནྡོ;
ནི་སྶེ་ས་ཏོ བྷོ་ག་ས་མ་པྤི་ཏོ;
ད་ཡཱ་པ་རོ ཉཱ་ཏི་ཛ་ནཱ་ཏ་མ་ཏྠཾ;
ས་མཱ་ཙ་རཱི ནཱི་ཏི་པ་ཐཱ་ནུ་རཱུ་པཾ.
སུ་ཛ་ན་པྤ་སཱ་ད་སཾ་ཝེ་ག་ཏྠཱ་ཡ ཀ་ཏེ མ་ཧཱ་ཝཾ་སེ
སཾ་ག་ཧ་ཀ་ར་ཎོ ནཱ་མ
ས་ཏྟ་པ་ཉྙཱ་ས་ཏི་མོ པ་རི་ཙྪེ་དོ