ཏི་ཝ་ཉྙཱ་ས་ཏི་མ པ་ཙྪེ་ད
ལཾ་ཀཱ་ཝི་ལོ་པོ་ནཱ་མ
༡. མ་ཧི་ནྡོ ཏཾ ཀ་ཎི་ཊྛོ སོ, རཱ་ཛ་པུ་ཏྟོ ཏ་ད་ཙྩ་ཡེ;
ཨུ་སྶཱ་པི་ཡ སེ་ཏ་ཙྪ་ཏྟ-མ་ནུ་རཱ་དྷ་པུ་རེ ཝ་རེ.
༢. སེ་ན སེ་ནཱ་ནཱི་ནཱ’ནཱི་ཏ དེ་ས་ནྟ་ར་ཛ་ནཱ ཀུ་ལེ;
ཏ་ཏྠ ཝཱ་ས་མ་ཀ་པྤེ་སི, ཀི་ཙྪེ་ན ད་ས་ཝ་ཙྪ་རེ.
༣. ཨ་པེ་ཏ་ནཱི་ཏི མ་གྒ་སྶ, མུ་དུ་བྷཱུ་ཏ་སྶ ས་བྦ་སོ;
ཨུ་པྤཱ་ད་བྷཱ་གཾ ནཱ་དཾ་སུ, ཏ་སྶ ཛཱ་ན་པ་དཱ ཏ་དཱ.
༤. ཨ་ཙྩ་ནྟཾ ཁཱི་ཎ་ཙི་ཏྟོ སོ, ཝ་སྶ་མྷི ད་ས་མེ ཝི་བྷཱུ;
ཝུ་ཏྟི་དཱ་ནེ་ན ནཱ་ས་ཀྑི, ས་ངྒ་ཧེ་ཏུཾ ས་ཀཾ བ་ལཾ.
༥. ཨ་ལ་དྡྷ ཝུ་ཏྟི་ནོ ས་བྦེ, ཀེ་ར་ལཱ༹ ས་ཧི་ཏཱ ཏ་ཏོ;
ན ཝུ་ཏྟི་དཱ་ནཾ ནོ ཡཱ་ཝ, ཧོ་ཏི མཱ་ཏཱ་ཝ བྷུ་ཉྫ་ཏུ.
༦. ཨི་ཏི རཱ་ཛ་གྷ་ར་དྭཱ་རེ, སཱ་ཧ་སེ་ཀ་ར་སཱ བྷུ་སཾ;
ཙཱ་པ་ཧ་ཏཱ ནི་སཱི་དིཾ་སུ, ས་ནྣ་དྡྷ་ཚུ་རི་ཀཱ་ཡུ་དྷཱ.
༧. ཧ་ཏྠ་སཱ་རཾ ས་མཱ་དཱ་ཡ, ཏེ ཝི་ཝ་ཉྩི་ཡ བྷཱུ་པ་ཏི;
ཨུ་མྨ་གྒ་ཏོ ཝི་ནི་གྒ་མྨ, ཏུ་རི་ཏོ རོ་ཧ་ཎཾ ཨ་གཱ.
༨. སཱི་དུ་པ་བྦ་ཏ་གཱ་མ་མྷི, ཁ་ནྡྷ་ཝཱ་རཾ ནི་བ་ནྡྷི་ཡ;
བྷཱ་ཏུ ཛཱ་ཡ་མྨ ཧེ་སི་ཏྟེ, ཋ་པེ་ཏྭཱ སོ ཏ་ཧིཾ ཝ་སཱི.
༩. ན ཙི་ར་སྶེ་ཝ ཏ་སྶཱ་ཡ, མ་ཏཱ ཡ་ས་མ་ཧཱི་པ་ཏི;
མ་ཧེ་སི་ཏྟེ ནི་ཝེ་སེ་སི, ས་ཀ་བྷཱ་ཏུ་སྶ དྷཱི་ཏ་རཾ.
༡༠. དེ་ཝི་ཡཱ ཏཱ་ཡ ས་ཉྫཱ་ཏེ, སུ་ཏེ ཀ་སྶ་པ་ནཱ་མ་ཀེ;
ཨ་ཛ྄ཛྷཱ་ཝུ་ཏྟཾ ཝི་ཧཱ་ཡཱ’ཐ, ཁ་ནྡྷཱ་ཝཱ་རཾ མ་ཧཱི་མ་ཏི.
༡༡. ཀཱ་ར་ཡི་ཏྭཱ་ན ན་ག་རཾ, ཀ་པྤ་ག་ལླ་ཀ་གཱ་མ་ཀེ;
ཨ་དྷི་པ་ཙྩཾ པ་ཝ་ཏྟེ་ནྟོ, རོ་ཧ་ཎེ སུ་ཙི་རཾ ཝ་སཱི.
༡༢. ཏ་ཏོ སེ་སེ་སུ ཋཱ་ནེ་སུ, ཀེ་ར་ལཱ༹ སཱི་ཧ་ལཱ༹ ཏ་དཱ;
ཀ་ཎྞཱ་ཊཱ ཙ ཡ་ཐཱ་ཀཱ་མ-མཱ་དྷི་པ་ཙྩཾ པ་ཝ་ཏྟ་ཡུཾ.
༡༣. ཨ་ཐ་སྶ ཝཱ་ཎི་ཛོ ཨེ་ཀོ, པ་ར་ཏཱི་རཾ ཨི་དྷཱ་ག་ཏོ;
ག་ནྟྭཱ པ་ཝ་ཏྟིཾ ལཾ་ཀཱ་ཡ, ཙོ་ལ༹་ར་ཉྙོ ནི་ཝེ་ད་ཡི.
༡༤. སོ་ཏཾ སུ་ཎི་ཏྭཱ པེ་སེ་སི, ལཾ་ཀཱ་ག་ཧ་ཎ་མཱ་ན་སོ;
བ་ལཾ མ་ཧ་ནྟཾ བ་ལ་ཝཱ, ཏཾ ཁི་པྤཾ ལཾ་ཀ་མོ་ཏ་རི.
༡༥. པ་ཊྛཱ་ཡོ ཏི་ཎྞ་ཋཱ་ན་མྷཱ, ཝི་ཧེ་ཋེ་ནྟཾ བ་ཧཱུ ཛ་ནེ;
ཨ་ནུ་ཀྐ་མེ་ན ཏཾ ཙོ་ལ༹-བ་ལཾ རོ་ཧ་ཎ་མ་ཛ྄ཛྷ་གཱ.
༡༦. ཚ་ཏྟིཾ་སེ རཱ་ཛི་ནོ ཝ་སྶེ, མ་ཧེ་སིཾ ར་ཏ་ནཱ་ནི ཙ;
མ་ཀུ་ཊ་ཉྩ ཀ་མཱ་ཡཱ་ཏཾ, ས་བྦ་མཱ་བྷ་ར་ཎཾ ཏ་ཐཱ.
༡༧. ཨ་མཱུ་ལི་ཀ་ཉྩ་ཝ་ཛི་ར-ཝ་ལ་ཡཾ དེ་ཝ་ད་ཏྟི་ཡཾ;
ཨ་ཙྪེ་ཛྫ་ཙྪུ་རི་ཀཾ ཚི་ནྣ-པ་ཊྚི་ཀཱ དྷཱ་ཏུ་ཀ་ཉྩ ཏེ.
༡༨. པ་ཝི་ཊྛཾ ཝ་ན་དུ་གྒ་མྷི, བྷ་ཡཱ་ཏ་ཉྩ མ་ཧཱི་པ་ཏིཾ;
ཛཱི་ཝ་གྒཱ་ཧ་མ་ག་ཎྷིཾ་སུ, ས་ནྡྷི་ལེ་ས་མྤ་ད་སྶི་ཡ.
༡༩. མ་ཧཱི་པཱ་ལཾ དྷ་ནཾ ཏ་ཉྩ, ས་བྦཾ ཧ་ཏྠ་ག་ཏཾ ཏ་ཏོ;
པེ་ས་ཡིཾ་སུ ལ་ཧུཾ ཙོ་ལ༹-མ་ཧཱི་པཱ་ལ་སྶ ས་ནྟི་ཀཾ.
༢༠. ནི་ཀཱ་ཡ་ཏྟི་ཏ་ཡེ དྷཱ་ཏུ-ག་བྦྷེ ལཾ་ཀཱ་ཏ་ལེ ཁི་ལེ;
མ་ཧཱ་ར་ཧེ སུ་ཝ་ཎྞཱ་དི-པ་ཊི་བི་མྦེ ཙ’ན་པྤ་ཀེ.
༢༡. བྷི་ནྡི་ཏྭཱ ས་ཧ་སཱ ས་བྦེ, ཝི་ཧཱ་རེ ཙ ཏ་ཧིཾ ཏ་ཧིཾ;
ཡ་ཐོ ཛོ་ཧཱ་རི་ནོ ཡ་ཀྑཱ, ལ་ངྐཱ་ཡཾ སཱ་ར་མ་གྒ་ཧུཾ.
༢༢. ཏེ ཙོ་ལཱ༹ རཱ་ཛ་ར་ཊྛཾ ཏཾ, པུ་ལ་ཏྠི་པུ་ར་ནི་སྶི་ཏཱ;
ར་ཀྑ་པཱ་སཱ་ཎ་ཀ་ཎྜ་ཝ྄ཧ, ཋཱ་ནཱ་ཝ་དྷི་མ་བྷུ་ཉྫི་སུཾ.
༢༣. ཏཾ ཀུ་མཱ་ར་ཀ་མཱ་དཱ་ཡ, ཀ་སྶ་པཾ ར་ཊྛ་ཝཱ་སི་ནོ;
ཝ་ཌྜྷེ་ནྟི ཙོ་ལ༹་བྷ་ཡ་ཏོ, གོ་པ་ཡ་ནྟཱ སུ་སཱ་ད་རཱ.
༢༤. ཙོ་ལ༹་རཱ་ཛཱ ཀུ་མཱ་རཾ ཏཾ, སུ་ཏྭཱ དྭཱ་ད་ས་ཝ་སྶི་ཀཾ;
ག་ཧ་ཎ་ཏྠཱ་ཡ པེ་སེ་སི, མ་ཧཱ་མ་ཙྩེ མ་ཧཱ་བ་ལེ.
༢༥. ཨཱུ་ནཾ པ་ཉྩ་ས་ཧ་སྶེ་ན, ཡོ་དྷ་ལ་ཀྑཾ ས་མཱ་དི་ཡ;
ས་བྦཾ ཏེ རོ་ཧ་ཎཾ དེ་སཾ, ས་ངྑོ་བྷེ་སུ མི་ཏོ ཏ་ཏོ.
༢༦. ཀི་ཏྟི་ནཱ་མོ’ཐ ས་ཙི་ཝོ, མ་ཀྑ་ཀུ་དྲཱུ་ས་ཝཱ་སི་ཀོ;
མུ་དྡྷ་ནཱ་མོ ཏ་ཐཱ་མ་ཙྩོ, མཱ་ར་ག་ལླ་ཀ་ཝཱ་སི་ཀོ.
༢༧. ཨུ་བྷོ་པི ཏེ མ་ཧཱ་ཝཱི་རཱ, ཡུ་དྡྷོ་པཱ་ཡ་ཝི་ཙ་ཀྑ་ཎཱ;
ཙོ་ལ༹་སེ་ནཾ ཝི་ནཱ་སེ་ཏུ-མ་ཙྩ་ནྟ་ཀ་ཏ་ནི་ཙྪ་ཡཱ.
༢༨. པ་ལུ་ཊྛ་གི་རི་ནཱ་མ་མྷི, ཋཱ་ནེ དུ་གྒེ ནི་ཝེ་སི་ཡ;
ཀ་ཏྭཱ ཚ་མཱ་སཾ ས་ངྒཱ་མཾ, ཧ་ནིཾ་སུ ད་མི་ལེ༹ བ་ཧཱུཾ.
༢༩. ཧ་ཏཱ་ཝ་སི་ཊྛཱ ཙོ་ལཱ༹་ཏཱ, ར་ཎེ ཏ་སྨིཾ བྷ་ཡ་དྡི་ཏཱ;
པ་ལཱ་ཡི་ཏྭཱ ཡ་ཐཱ་པུ་བྦཾ, པུ་ལ་ཏྟི་པུ་ར་མཱ་ཝ་སུཾ.
༣༠. ཀུ་མཱ་རོ ཛ་ཡི་ཏོ དི་སྭཱ, ཨུ་བྷོ ཏེ ས་ཙི་ཝེ ཏ་དཱ;
ཧ་ཊྛ་ཏུ་ཊྛོ ‘‘ཝ་རཾ ཏཱ་ཏཱ, ག་ཎྷ་ཐཱ’’ཏི ས ཙ་བྲ་ཝཱི.
༣༡. བུ་དྡྷོ པ་ཝེ་ཎི་གཱ་མཾ སོ, ཝ་རཾ ཡཱ་ཙི་ཏྠ ཀི་ཏྟི་ཀོ;
ས་ངྒྷི་ཀཾ ག་ཧི་ཏཾ བྷཱ་གཾ, ཝི་སྶ་ཛྫེ་ཏུཾ ཝ་རཾ ཝ་རི.
༣༢. རཱ་ཛ་པུ་ཏྟ་ཝ་རཱ་ལ་དྡྷ-ཝ་རཱ’མ་ཙྩ་ཝ་རཱ ཏ་དཱ;
ནི་དྡ་རཱ སཱ་ད་རཱ ཝཱི་རཱ, པཱ་དེ ཝ་ནྡིཾ་སུ ཏ་སྶ ཏེ.
༣༣. རཱ་ཛཱ དྭཱ་ད་ས་ཝ་སྶཱ་ནི, ཝ་སི་ཏྭཱ ཙོ་ལ༹་མ་ཎྜ་ལེ;
ཨ་ཊྛ་ཏཱ་ལཱི་ས་ཝ་སྶ་མྷི, མ་ཧི་ནྡོ སོ དི་ཝཾ་ག་ཏོ.
༣༤. པ་མཱ་ད དོ་སཱ་ན་ག་ཏེ་ན ཨེ་ཝཾ,
ལ་དྡྷཱ’པི བྷོ་གཱ་ན་ན་ཐི་རཱ བྷ་ཝ་ནྟི;
ཨི་ཙྩ་པྤ་མཾ་དཾ ཧི་ཏ་མཱ་ས་སཱ་ནོ,
ནི་ཙྩཾ སུ་ཝི་ཉྙཱུ་སུ་ས་མཱ ཙ་རེ་ཡྻ.
སུ་ཛ་ན་པྤ་སཱ་ད་སཾ་ཝེ་ག་ཏྠཱ་ཡ ཀ་ཏེ མ་ཧཱ་ཝཾ་སེ
ལཾ་ཀཱ་ཝི་ལོ་པོ ནཱ་མ
ཏི་པ་ཉྙཱ་ས་ཏི་མོ པ་རི་ཙྪེ་དོ.