དྭི་པ་ཉྙཱ་ས་ཏི་མ པ་རི་ཙྪེ་ད
ཏི་རཱ་ཛ་ཀོ་ནཱ་མ
༡. ཏ་ཏོ ལ་ངྐཱ་བྷི་སེ་ཀཾ སོ, པ་ཏྭཱ སེ་ནོ ཀ་མཱ་ག་ཏཾ;
མ་ཧི་ནྡ་སྶཱ་དི་པཱ་ད་སྶ, ཡུ་ཝ་རཱ་ཛ་པ་དཾ ཨ་དཱ.
༢. པ་ཉྙོ མ་ཧཱ་ཀ་ཝཱི བྱ་ཏྟོ, མ་ཛ྄ཛྷ་ཏྟོ མི་ཏྟ་ས་ཏྟུ་སུ;
ཡུ་ཏྟོ ད་ཡཱ་ཡ མེ་ཏྟཱ་ཡ, རཱ་ཛཱ སོ ས་བྦ་དཱ ཨ་ཧུ.
༣. ཀཱ་ལཾ དེ་ཝོ’ན་ཏི་ཀྐ་མྨ, ས་མྨཱ དྷཱ་རཱ་བྷི་ཝ་སྶ་ཏི;
ར་ཊྛེ ཏ་སྨིཾ ཝ་ས་ནྟཱ’སུཾ, སུ་ཁི་ཏཱ ནི་བྦྷ་ཡཱ ས་དཱ.
༤. སུ་ཏྟ་ནྟཾ ལོ་ཧ་པཱ་སཱ་དེ, ནི་སི་ནྣོ ཝ་ཎྞ་ཡཱི ཏ་དཱ;
ནི་ཀཱ་ཡ་ཏྟ་ཡ་ཝཱ་སཱི་ཧི, རཱ་ཛཱ སོ པ་རི་ཝཱ་རི་ཏོ.
༥. དཱ་ཋ་དྷཱ་ཏུ་ཀ་ར་ཎྜཾ སོ, ནཱ་ནཱ་ར་ཏ་ན་བྷཱུ་སི་ཏཾ;
ཨ་ཀཱ ཙ་ཏུ་ཝི་ཧཱ་རེ་སུ, དྷཱ་ཏུ་པཱུ་ཛཱ ཙ’ནེ་ཀ་དྷཱ.
༦. པ་རི་ཝེ་ཎཾ སི་ཏྠ་གཱ་མཾ, ཀཱ་རེ་ཏྭཱ ཝུ་ཏྠ་མ་ཏྟ་ནཱ;
ལོ་ཀཾ པུ་ཏྟཾ་ཝ པཱ་ལེ་ཏྭཱ, ཏི་ཝ་སྶེ་ན དི་ཝ་ངྒ་ཏོ.
༧. ཡུ་ཝ་རཱ་ཛཱ མ་ཧི་ནྡོ སོ, རཱ་ཛཱ་སི ཏ་ད་ན་ནྟ་རཾ;
མ་ཧཱ་པུ་ཉྙོ མ་ཧཱ་ཏེ་ཛོ, མ་ཧཱ་སེ་ནོ མ་ཧཱ་ཡ་སོ.
༨. ཨེ་ཀ་ཙྪ་ཏྟཾ ཨ་ཀཱ ལ་ངྐཾ, གྷཱ་ཏེ་ཏྭཱ ཙོ་རུ་པ་དྡ་ཝཾ;
ཨ་ཀཾ་སུ ཏ་མུ་པ་ཊྛཱ་ནཾ, ནི་ཙྩ་མ་ཎྜ་ལ་ནཱ་ཡ་ཀཾ.
༩. ཝི་ཛྫ་མཱ་ནེ་པི ལ་ངྐཱ་ཡཾ, ཁ་ཏྟི་ཡཱ་ནཾ ན་རཱ་དྷི་པོ;
ཀཱ་ལི་ངྒ་ཙ་ཀྐ་ཝ་ཏྟི་སྶ, ཝཾ་སེ ཛཱ་ཏཾ ཀུ་མཱ་རི་ཀཾ.
༡༠. ཨཱ་ཎཱ་པེ་ཏྭཱ་ན ཏཾ ཨ་གྒ-མ་ཧེ་སིཾ ཨ་ཏྟ་ནོ ཨ་ཀཱ;
ཏ་སྶཱ པུ་ཏྟཱ དུ་ཝེ ཛཱ་ཏཱ, དྷཱི་ཏཱ ཨེ་ཀཱ མ་ནོ་ར་མཱ.
༡༡. ཨཱ་དི་པཱ་དེ ཨ་ཀཱ པུ་ཏྟེ, དྷཱི་ཏ་རཾ ཙོ་པ་རཱ་ཛི་ནིཾ;
ཨི་ཏི སཱི་ཧ་ལ༹་ཝཾ་ས་ཉྩ, པ་ཊྛ་པེ་སི ས་བྷཱུ་པ་ཏི.
༡༢. བ་ལ་ཀཱ་ཡཾ ཨི་མཾ དེ་སཾ, མ་དྡ་ན་ཏྠཱ་ཡ ཝ་ལླ་བྷོ;
པེ་སེ་སི ནཱ་ག་དཱི་པཾ སོ, སུ་ཏྭཱ ཏཾ བྷཱུ་པ་ཏི ཨི་དྷ.
༡༣. བ་ལཾ ད་ཏྭཱ་ན སེ་ན་ཝ྄ཧ-རཱ་ཛ་སེ་ནཱ་པ་ཏིཾ ཏ་དཱ;
ཝ་ལླ་བྷ་སྶ བ་ལེ་ནེ’ས, ཡུ་ཛ྄ཛྷི་ཏུཾ ཏ་ཏྠ པེ་ས་ཡི.
༡༤. ག་ནྟྭཱ སེ་ནཱ་པ་ཏཱི ཏ་ཏྠ, བ་ལེ་ནེ’ཏ་སྶ རཱ་ཛི་ནོ;
ཡུ་ཛ྄ཛྷི་ཏྭཱ ཏཾ ཝི་ནཱ་སེ་ཏྭཱ, ག་ཎྷི སོ ཡུ་དྡྷ་མ་ཎྜ་ལེ.
༡༥. ཨ་ས་ཀྐེ་ནྟོ ཨི་མཾ ཛེ་ཏུཾ, རཱ་ཛཱ ནཾ ཝ་ལླ་བྷཱ་ད་ཡོ;
རཱ་ཛཱ་ནོ མི་ཏྟ་ས་མྦ་ནྡྷཾ, ལཾ་ཀི་ནྡེ་ན ཨ་ཀཾ་སུ ཏེ.
༡༦. ཨི་ཙྪེ་ཝཾ རཱ་ཛི་ནོ ཏེ་ཛོ, ཛ་མྦུ་དཱི་པ་མ་ཝ་ཏྠ་རི;
པ་ཏྠ་རི་ཏྭཱ་ན ལཾ་ཀཱ་ཡཾ, ཨུ་ལླ་ངྒྷི་ཏྭཱ་ན སཱ་ག་རཾ.
༡༧. ས་དྡྷ་མྨཾ ཀ་ཐཱ་ཡ་ནྟཱ་ནཾ, ཀ་ཏྭཱ ས་མྨཱ ན མུ་ཏྟ་མཾ;
དྷ་མྨཾ སུ་ཏྭཱ་ན སོ རཱ་ཛཱ, པ་ས་ནྣོ བུ་དྡྷ་སཱ་ས་ནེ.
༡༨. རཱ་ཛཱ སོ ས་ནྣི་པཱ་ཏེ་ཏྭཱ, པཾ་སུ་ཀཱུ་ལི་ཀ་བྷི་ཀྑ་ཝོ;
ཡཱ་ཙི་ཏྭཱ ཨ་ཏྟ་ནོ གེ་ཧཾ, ཨཱ་ཎཱ་པེ་ཏྭཱ་ན སཱ་དྷུ་ཀཾ.
༡༩. ཨཱ་ས་ནཾ པ་ཉྙ་པེ་ཏྭཱ་ན, ནི་སཱི་དཱ་པི་ཡ བྷོ་ཛ་ནཾ;
དཱ་པེ་སི ཝི་པུ་ལཾ སུ་དྡྷཾ, ས་དཱ ཨེ་ཀ་དི་ནེ ཝི་ཡ.
༢༠. ཨ་ནེ་ཀ་བྱ་ཉྫ་ནཾ རཱ་ཛཱ-ར་ཉྙ་ཀཱ་ནཾ ཏ་པ་སྶི་ནཾ;
པེ་སེ་སི བྷོ་ཛ་ནཾ སུ་དྡྷཾ, མ་ཧ་གྒྷཾ ཝི་པུ་ལཾ ས་དཱ.
༢༡. ཝེ་ཛྫེ་ཝ པེ་ས་ཡི་ཏྭཱ་ན, ཝི་ལཱ་ནཱ་ནཾ ཏ་པ་སྶི་ནཾ;
ས་ནྟི་ཀཾ སོ ད་ཡཱ་ཝཱ་སོ, ཏི་ཀི་ཙྪཱ་པེ་སི ནི་ཙྩ་སོ.
༢༢. གུ་ལཱ༹་ནི གྷ་ན་པཱ་ཀཱ་ནི, ལ་སུ་ཎཱ་ནཾ ར་སཱ་ནི ཙ;
ཏ་མྦུ་ལ་མུ་ཁ་ཝཱ་ས་ཉྩ, པ་ཙྪ་བྷ་ཏྟེ ཨ་དཱ ས་དཱ.
༢༣. པ་ཏྟེ་སུ པཱུ་ར་ཡི་ཏྭཱ་ན, ལ་སུ་ཎཾ མ་རི་ཙ་མྤི ཙ;
པི་པྥ་ལི་ས་ངྒཱི་ཝེ་རཱ་ནི, གུ་ལཱ༹་ནི ཏི་ཕ་ལཱ་ནི ཙ.
༢༤. གྷ་ཏཾ ཏེ་ལཾ མ་དྷུ་ཉྩཱ་ཡ, པཱ་པུ་ར་ཏྠ་ར་ཎཱ་ནི ཙ;
པཾ་སུ་ཀཱུ་ལི་ཀ་བྷི་ཀྑཱུ་ནཾ, པ་ཙྩེ་ཀཾ ས་བྦ་དཱ ཨ་དཱ.
༢༥. ཙཱི་ཝ་རཱ་དཱི་ནི ས་བྦཱ་ནི, པ་རི་ཀྑཱ་རཱ་ནི བྷཱུ་པ་ཏི;
ཀཱ་རཱ་པེ་ཏྭཱ་ན དཱ་པེ་སི, བྷི་ཀྑཱུ་ནཾ པཾ་སུ་ཀུ་ལི་ནཾ.
༢༦. རཱ་ཛཱ མ་ཧཱ་ཝི་ཧཱ་ར་སྨིཾ, ཨེ་ཀེ་ཀ་སྶ ཧི བྷི་ཀྑུ་ནོ;
པ་ཙྩེ་ཀཾ ན་ཝ་ཝ་ཏྠཱ་ནི, ཙཱི་ཝ་ར་ཏྠཱ་ཡ དཱ་པ་ཡི.
༢༧. ནི་ཀཱ་ཡ་ཏྟ་ཡ་ཝཱ་སཱི་ནཾ, བྷི་ཀྑཱུ་ནཾ ལཱ་བྷ་ཝཱ་སི་ནཾ;
ཏུ་ལཱ་བྷཱ་ར་མ་དཱ དྭཱི་སུ, ཝཱ་རེ་སུ ས་མ་ཧཱི་པ་ཏི.
༢༨. རཱ་ཛཱ སོ ནཱ་ག་ཏེ་བྷོ་གཾ,
རཱ་ཛཱ་ནོ ས་ངྒྷ་བྷོ་ག་ཏོ;
ན ག་ཎྷ་ནྟཱུ་ནི པཱ་སཱ་ཎེ,
ལི་ཁཱ་པེ་ཏྭཱ ནི་དྷཱ་པ་ཡི.
༢༩. ཀ་ཐཱ་པེ་ཏྭཱ་ན བུ་དྡྷ་སྶ, ས་ར་ཎཱ་ནི གུ་ཎེ་ན་ཝ;
ཨ་ནཱ་ཐེ་ཧི ཙ ཏེ་ས་ཉྩ, བྷ་ཏྟ་ཝ་ཏྠཱ་ནི དཱ་པ་ཡི.
༣༠. དཱ་ན་སཱ་ལཾ ཀ་རི་ཏྭཱ་ན, ཧ་ཏྠི་སཱ་ལ་ཀ་བྷཱུ་མི་ཡཾ;
ཡཱ་ཙ་ཀཱ་ནཾ ཨ་དཱ དཱ་ནཾ, ཏེ་ས་ཉྩ ས་ཡ་ནཱ་ས་ནཾ.
༣༡. ཝེ་ཛྫ་སཱ་ལཱ་སུ ས་བྦཱ་སུ, བྷེ་ས་ཛྫཾ མ་ཉྩ་ཀ་ཉྩ སོ;
ཙོ་རཱ་ནཾ བ་ནྡྷ་ནཱ་གཱ་རེ, ནི་ཙྩཾ བྷ་ཏྟཱ་ནི དཱ་པ་ཡི.
༣༢. ཝཱ་ན་རཱ་ནཾ ཝ་ར་ཧཱ་ནཾ, མི་གཱ་ནཾ སུ་ན་ཁཱ་ན ཙ;
བྷ་ཏྟཾ པཱུ་ཝ་ཉྩ དཱ་པེ་སི, ད་ཡཱ་ཝཱ་སོ ཡ་ཐི་ཙྪ་ཀཾ.
༣༣. རཱ་ཛཱ ཙ་ཏུ་ཝི་ཧཱ་རེ་སུ, ཀ་ཏྭཱ སོ ཝཱི་ཧི་རཱ་ས་ཡོ;
ཡ་ཐི་ཙྪི་ཏེ་ན ག་ཎྷ་ནྟུ, ཨ་ནཱ་ཐཱ ཨི་ཏི དཱ་པ་ཡི.
༣༤. ནཱ་ནཱ་པཱུ་ཛཱ་ཧི པཱུ་ཛེ་ཏྭཱ, ཀ་ཏྭཱ མ་ངྒ་ལ་མུ་ཏྟ་མཾ;
ཀ་ཐཱ་པེ་སི ཙ བྷི་ཀྑཱུ་ཧི, བྱ་ཏྟེ་ཧི ཝི་ན་ཡཾ ཏ་དཱ.
༣༥. ཐེ་རེ་ན དྷ་མྨ་མི་ཏྟེ་ན-སི་ཏྠ་གཱ་མ་ཀ་ཝཱ་སི་ནཱ;
པཱུ་ཛ་ཡི་ཏྭཱ་ན ཀཱ་རེ་སི, ཨ་བྷི་དྷ་མྨ་སྶ ཝ་ཎྞ་ནཾ.
༣༦. དཱ་ཋཱ་ནཱ་གཱ’བྷི་དྷཱ་ནེ་ན, ཐེ་རེ་ནཱ’ར་ཉྙ་ཝཱ་སི་ནཱ;
ལཾ་ཀཱ་ལཾ་ཀཱ་ར་བྷཱུ་ཏེ་ན, ཨ་བྷི་དྷ་མྨཾ ཀ་ཐཱ་པ་ཡི.
༣༧. པ་ཊྚ་ཀ་ཉྩུ་ཀ་པཱུ་ཛཱ་ཧི, ཧེ་མ་མཱ་ལི་ཀ་ཙེ་ཏི་ཡཾ;
ན་ཙྩ་གཱི་ཏེ་ཧི ག་ནྡྷེ་ཧི, པུ་པྥེ་ཧི ཝི་ཝི་དྷེ་ཧི ཙ.
༣༨. དཱི་པ་མཱ་ལཱ་ཧི དྷཱུ་པེ་ཧི, པཱུ་ཛ་ཡི་ཏྭཱ་ན’ནེ་ཀ་དྷཱ;
ཏ་སྶ ཝ་ཏྠཱ་ནི བྷཱ་ཛེ་ཏྭཱ, བྷི་ཀྑཱུ་ནཾ དཱ་པ་ཡཱི ས་ཡཾ.
༣༩. ས་དཱ སོ ཨ་ཏྟ་ནོ ར་ཛྫེ, ཨུ་ཡྻཱ་ནེ་སུ ཏ་ཧིཾ་ཏ་ཧིཾ;
ཨཱ་ཎཱ་པེ་ཏྭཱ་ན པུ་པྥཱ་ནི, པཱུ་ཛེ་སི ར་ཏ་ན་ཏྟ་ཡཾ.
༤༠. པཱ་སཱ་དཾ ཙ་ནྡ་ནཾ ནཱ་མ, ཀཱ་ཏུཾ མ་རི་ཙ་ཝ་ཊྚི་ཡཾ;
ཨ་ཀཱ་ར་མྦྷ་ཉྩ བྷི་ཀྑཱུ་ནཾ བྷོ་ག་གཱ་མེ ཙ དཱ་པ་ཡི.
༤༡. ཀེ་ས་དྷཱ་ཏུཾ ནི་དྷཱ་པེ་ཏྭཱ, ཀ་ར་ཎྜཾ ར་ཏ་ནེ་ཧི སོ;
ཀཱ་ར་ཡི་ཏྭཱ་ན པཱུ་ཛེ་སི, ཋ་པེ་ཏྭཱ ཏ་ཏྠ བྷཱུ་པ་ཏི.
༤༢. སོ་ཎྞ་ར་ཛ་ཏ་པ་ཊྚེ་ཧི, ཐཱུ་པཱ་རཱ་མ་མྷི ཙེ་ཏི་ཡཾ;
ཚཱ་དཱ་པེ་ཏྭཱ ཡ་ཐཱ་ར་ཛྫཾ, པཱུ་ཛཾ ཀཱ་རེ་སི བྷཱུ་པ་ཏི.
༤༣. ཏ་སྨིཾ དྷཱ་ཏུ་གྷ་རེ རཱ་ཛཱ, སོ་ཎྞ་དྭཱ་ར་མ་ཀཱ་ར་ཡི;
པ་ཛྫ་ལ་ནྟཾ སི་ནེ་རུཾ་ཝ, རཾ་སཱི་ཧི སཱུ་རི་ཡ་སྶ སོ.
༤༤. ཛྷཱ་པི་ཏཾ ཙོ་ལ༹་རཱ་ཛ་སྶ, བ་ལེ་ན པ་ད་ལ་ཉྪ་ནེ;
ཙ་ཏུ་ནྣཾ ཙེ་ཏི་ཡཱ་ནཾ སོ, ར་མ་ནཱི་ཡཾ གྷ་རཾ ཨ་ཀཱ.
༤༥. ཛྷཱ་ཏཾ ན་ག་ར་མ་ཛ྄ཛྷ་མྷི, དཱ་ཋཱ་དྷཱ་ཏུ་གྷ་རཾ ཨ་ཀཱ;
དྷ་མྨ་ས་ངྒ་ཎཱི་གེ་ཧ་ཉྩ, མ་ཧཱ་པཱ་ལི༹་ཉྩ བྷཱུ་པ་ཏི.
༤༦. ཏ་མྦཱུ་ལ་མ་ཎྜ་པཾ ཀ་ཏྭཱ, ཏ་ཏྠ སུ་ངྐཾ མ་ཧཱི་པ་ཏི;
བྷི་ཀྑཱུ་ནཾ ཐེ་ར་ཝཾ་སེ སོ, བྷེ་ས་ཛྫ་ཏྠཱ་ཡ དཱ་པ་ཡི.
༤༧. ཨུ་པ་སྶ་ཡཾ ཀ་རི་ཏྭཱ་ན, མ་ཧཱ་མ་ངྒ་ལ་ནཱ་མ་ཀཾ;
ཐེ་ར་ཝཾ་ས་མྷི ཛཱ་ཏཱ་ནཾ, བྷི་ཀྑུ་ནཱི་ནཾ ཨ་དཱ་པ་ཡི.
༤༨. མཱ་ཏུ་ལོ་ད་ཡ་རཱ་ཛེ་ན, ཨཱ་ར་དྡྷཾ སཱ་དྷུ་ནཱ ཏ་དཱ;
ནི་ཊྛཱ་པེ་སི མ་ཧཱི་པཱ་ལོ, པཱ་སཱ་དཾ མ་ཎི་ནཱ་མ་ཀཾ.
༤༩. པ་རི་ཝེ་ཎཱ་ནི ཙ་ཏྟཱ་རི, ཏ་སྨིཾ ཛེ་ཏ་ཝ་ནེ ཏ་དཱ;
ཀཱ་རཱ་པ་ཡིཾ་སུ ཙ་ཏྟཱ་རོ, ཨ་མ་ཙྩཱ ཏ་སྶ རཱ་ཛི་ནོ.
༥༠. ར་ཉྙོ ཀི་ཏྟི་ས་མཱ་དེ་ཝཱི, ཀི་ཏྟི་ནཱ་མཱ མ་ནོ་ར་མཱ;
པ་རི་ཝེ་ཎཾ ཨ་ཀཱ་རཱ་མཾ, ཐཱུ་པཱ་རཱ་མ་སྶ པ་ཙྪ་ཏོ.
༥༡. སཱ ཏ་སྨིཾ པ་རི་ཝེ་ཎེ ཙ, ཨ་ཀཱ ཀ་པྤཱ་ས་གཱ་མ་ཀེ;
ཙཱི་ཝ་ར་ཙེ་ཏི་ཡེ ཙེ་ཝ, ཏི་སྶོ པོ་ཀྑ་ར་ཎཱི སུ་ཙི.
༥༢. དྭཱ་ད་ས་ར་ཏ་ནཱ་ཡཱ་མཾ, དྷ་ཛཾ སོ་ཎྞ་མ་ཡ་ཉྩ སཱ;
པཱུ་ཛེ་སི པུ་ཉྙ་ས་མྦྷཱ་རཾ, ཧེ་མ་མཱ་ལི་ཀ ཙེ་ཏི་ཡེ.
༥༣. གི་ཧཱི་ནཾ ཝ་ཛྫ་སཱ་ལ་ཉྩ, པུ་ཏྟོ ཏ་སྶཱ པུ་རེ་ཨ་ཀཱ;
གུ་ཎ་ཝཱ་ས་ཀྐ་སེ་ནཱ་ནཱི, བྷི་ཀྑཱུ་ན་ཉྩ པུ་རཱ་བ་ཧི.
༥༤. རཱ་ཛཱ ཙ་ཏུ་ཝི་ཧཱ་རེ་སུ, དི་བྦ་པཱ་སཱ་ད་ས་ནྣི་བྷེ;
མ་ཎྜ་པེ ཀཱ་ར་ཡི་ཏྭཱ་ན, དྷཱ་ཏུ་པཱུ་ཛཱ ཨ་ནེ་ཀ་དྷཱ.
༥༥. ཝ་སྶ་མེ་ཀ་མ་ཏི་ཀྐ་མྨ, ཀཱ་རཱ་པེ་ཏྭཱ མ་ཧཱི་པ་ཏི;
ཙཱ་རི་ཏྟཾ པུ་བྦ་རཱ་ཛཱུ་ནཾ, པ་རི་པཱ་ལེ་སི སཱ་དྷུ་ཀཾ.
༥༦. ཨེ་ཝ་མཱ་དཱི་ནི པུ་ཉྙཱ་ནི, ཨུ་ལཱ༹་རཱ་ནི ཨ་ནེ་ཀ་དྷཱ;
ཀ་ཏྭཱ སོ་ལ༹་ས་མེ ཝ་སྶེ, རཱ་ཛཱ སོ ཏི་དི་ཝཾ ག་ཏོ.
༥༧. ཛཱ་ཏོ པ་ཊི་ཙྩ ཏཾ རཱ་ཛཾ, སེ་ནཱ དྭཱ་ད་ས་ཝ་སྶི་ཀོ;
ཀཱ་ལི་ངྒ་དེ་ཝི་ཡཱ པུ་ཏྟོ, པ་ཏྟ་ར་ཛྫོ ཏ་དཱ ཨ་ཧུ.
༥༨. ཨུ་ད་ཡ་སྶ ཀ་ནི་ཊྛ་སྶ, ཡུ་ཝ་རཱ་ཛ་པ་དཾ ཨ་དཱ;
པི་ཏུ སེ་ནཱ་པ་ཏི སེ་ནོ, ཏ་སྶ སེ་ནཱ་པ་ཏི ཨ་ཧུ.
༥༩. པ་ཙྩ་ནྟཾ བ་ལ་མཱ་དཱ་ཡ, ག་ཏེ སེ་ནཱ་པ་ཏི་མྷི སོ;
མཱ་ཏ་རཱ ས་ཧ ཝ་ཏྟ་ནྟཾ, ཀ་ཎི་ཊྛཾ ཏ་སྶ བྷཱ་ཏ་རཾ.
༦༠. མཱ་རཱ་པེ་ཏྭཱ མ་ཧཱ་མ་ལླཾ, ཨ་ཀཱ སེ་ནཱ་པ་ཏིཾ ཏ་དཱ;
ཨ་མ་ཙྩཾ ཨུ་ད་ཡཾ ནཱ་མ, ས་ཀཾ ཝ་ཙ་ན་ཀཱ་ར་ཀཾ.
༦༡. ཏཾ སུ་ཏྭཱ ཀུ་པི་ཏོ ཧུ་ཏྭཱ, སེ་ནོ སེ་ནཱ་པ་ཏི ཏ་དཱ;
བ་ལ་མཱ་དཱ་ཡ ཨཱ་ག་ཉྪི, ག་ཎྷི་སྶཱ་མཱི་ཏི ས་ཏྟ་ཝོ.
༦༢. སུ་ཏྭཱ་ན ཏཾ མ་ཧཱི་པཱ་ལོ, ཀ་ཏ་ཝ་ནྟཾ ཝཱ་ཙ་མ་ཏྟ་ནོ;
ར་ཀྑཱ་མི ཏཾ ཨ་མ་ཙྩ་ནྟི, ག་ཏོ ནི་ཀྑ་མྨ རོ་ཧ་ཎཾ.
༦༣. ཏ་སྶ མཱ་ཡཱ ནི་ཝ་ཏྟི་ཏྭཱ, ཡུ་ཝ་རཱ་ཛ་ཉྩ རཱ་ཛི་ནིཾ;
ཨཱ་དཱ་ཡ ཀུ་པི་ཏཱ ཏེ་ན ཨཱ་ཎཱ་པེ་སི ཙ་མཱུ་པ་ཏིཾ.
༦༤. ཏཱ་ཡ སོ ས་ངྒ་ཧཱི་ཏོ་ཝ, ད་མི་ལེ༹ ས་ནྣི་པཱ་ཏི་ཡ;
ད་ཏྭཱ ཛ་ན་པ་དཾ ཏེ་སཾ, པུ་ཊ་ཏྠི་ན་ག་རེ ཝ་སཱི.
༦༥. ཡུ་ཛ྄ཛྷི་ཏུཾ ཏེ་ན སོ རཱ་ཛཱ, བ་ལཾ པེ་སེ་སི རོ་ཧ་ཎཱ;
སེ་ནཱ་པ་ཏི ཝི་ནཱ་སེ་སི, ས་བྦཾ ཏཾ རཱ་ཛི་ནོ བ་ལཾ.
༦༦. ད་མི་ལཱ༹ ཏེ ཛ་ན་པ་དཾ, པཱི་ལེ༹་ཏྭཱ ར་ཀྑ་སཱ ཝི་ཡ;
ཝི་ལུ་མྤི་ཏྭཱ་ན ག་ཎྷ་ནྟི, ན་རཱ་ནཾ ས་ནྟ་ཀཾ ཏ་དཱ.
༦༧. ཁི་ཏྟཱ མ་ནུ་སྶཱ ག་ནྟྭཱ་ན, རོ་ཧ་ཎཾ རཱ་ཛ་ས་ནྟི་ཀཾ;
ནི་ཝེ་དེ་སུཾ པ་ཝ་ཏྟིཾ ཏཾ, མ་ནྟེ་ཏྭཱ ས་ཙཱི་ཝེ་ཧི སོ.
༦༨. ར་ཀྑི་ཏུཾ སཱ་ས་ནཾ ར་ཊྛཾ, ཏ་མྤ་ཧཱ་ཡ ཙ་མཱུ་པ་ཏིཾ;
ས་ནྡྷིཾ ཀ་ཏྭཱ་ན སེ་ནེ་ན, པུ་ལ༹་ཏྠི་ན་ག་རཾ ཨ་གཱ.
༦༩. མ་ཧེ་སིཾ ཨ་ཏྟ་ཛཾ ཀ་ཏྭཱ, པཱ་ལེ་ཏུཾ ཝཾ་ས་མ་ཏྟ་ནོ;
པུ་ཏྟཾ ཨུ་པྤཱ་ད་ཡི་ཏྭཱ་ན, ཀ་སྶ་པཾ ནཱ་མ ཨུ་ཏྟ་མཾ.
༧༠. ཝ་ས་ནྟེ ཏ་ཏྠ ལཾ་ཀི་ནྡེ, ཨ་ཧི་ཏཱ ཝ་ལླ་བྷཱ ཛ་ནཱ;
ཨ་ལ་བྷ་ནྟཱ སུ་རཾ པཱ་ཏུ-མཱ་རི་ཡཱ ཏ་སྶ ས་ནྟི་ཀེ.
༧༡. མ་ཛྫ་པཱ་ནེ གུ་ཎཾ ཝ་ཏྭཱ, པཱ་ཡེ་སུཾ ཏཾ མ་ཧཱི་པ་ཏིཾ;
པི་ཝི་ཏྭཱ མ་ཛྫ་པཱ་ནཾ སོ, མ་ཏྟ་བྱཱ་ལོ༹ ཨ་ཧུ ཏ་དཱ.
༧༢. ཨཱ་ཧཱ་རཱ་ནཾ ཁ་ཡཾ པ་ཏྭཱ, ཙ་ཛི་ཏྭཱ དུ་ལླ་བྷཾ པ་དཾ;
མ་ཏོ སོ ད་ས་མེ ཝ་སྶེ, ཏ་རུ་ཎོ་ཡེ་ཝ བྷཱུ་པ་ཏི.
༧༣. ཨི་ཏོ ཝི་དི་ཏྭཱ ཁ་ལུ་པཱ་པ་མི་ཏྟ-
ཝི་དྷེ་ཡྻ་བྷཱ་ཝཾ པ་རི་ཧཱ་ནི ཧེ་ཏུཾ;