ཨེ་ཀ་པ་ཉྙཱ་ས་ཏི་མ པ་རི་ཙྪེ་ད
པ་ཉྩ་རཱ་ཛ་ཀོ ནཱ་མ
༡. ཡུ་ཝ་རཱ་ཛཱ ཏ་དཱ ཧུ་ཏྭཱ, རཱ་ཛཱ ད་པྤུ་ལ༹་ནཱ་མ་ཀོ;
ཋ་པེ་སི ཨོ་པ་ར་ཛྫ་མྷི, ཨཱ་དི་པ་དཾ ས་ནཱ་མ་ཀཾ.
༢. མ་རི་ཙ་ཝ་ཊྚི་ཝི་ཧཱ་ར་སྶ, གཱ་མཾ ད་ཏྭཱ ཏ་ཏོ པུ་རེ;
ཙཱ་རི་ཏྟཾ པུ་བྦ་རཱ་ཛཱུ་ནཾ, ར་ཀྑི་ཏྭཱ་ན མ་ཧིཾ ཨི་མཾ.
༣. ཨ་བྷུ་ཏྭཱ དཱི་གྷ་ཀཱ་ལ་ཉྷི, པུ་བྦ་ཀ་མྨེ་ན ཨ་ཏྟ་ནོ;
རཱ་ཛཱ སོ ས་ཏྟ་མེ མཱ་སེ, པ་ཝི་ཊྛོ པ་ཙྩུ་ནོ མུ་ཁཾ.
༤. ཨུ་པ་རཱ་ཛཱ ཨ་ཧུ་རཱ་ཛཱ, ད་པྤུ་ལོ༹ ཏ་ད་ན་ནྟ་རཾ;
ཨུ་ད་ཡ་སྶཱ་དི་པཱ་ད་སྶ, ཡུ་ཝ་རཱ་ཛ་པ་དཾ ཨ་དཱ.
༥. ཏ་དཱ ཙོ་ལ༹་བྷ་ཡཱ པ་ཎྜུ-རཱ་ཛཾ ཛ་ན་པ་དཾ ས་ཀཾ;
ཙ་ཛི་ཏྭཱ ནཱ་ཝ་མཱ་རུ་ཡ྄ཧ, མ་ཧཱ་ཏི་ཏྠ་མུ་པཱ་ག་མི.
༦. ཨཱ་ཎཱ་པེ་ཏྭཱ་ན ཏཾ རཱ་ཛཱ, དི་སྭཱ ས་ནྟུ་ཊྛ་མཱ་ན་སོ;
མ་ཧཱ་བྷོ་གཾ ཨ་དཱ ཏ་སྶ, ནི་ཝཱ་སེ་སི པུ་རཱ བ་ཧི.
༧. ཙོ་ལ༹་རཱ་ཛེ་ན ཡུ་ཛ྄ཛྷི་ཏྭཱ, ག་ཧེ་ཏྭཱ པ་ཊྚ་ན་དྭ་ཡཾ;
པ་ཎྜུ་རཱ་ཛ་སྶ ད་མྨཱི་ཏི, ས་ནྣ་དྡྷེ ལ་ངྐ་རཱ་ཛི་ནི.
༨. ཀེ་ནཱ’པི ཀ་ར་ཎཱི་ཡེ་ན, ཁ་ཏྟི་ཡཱ དཱི་པ་ཝཱ་སི་ནོ;
ཨ་ཀཾ་སུ ཝི་གྒ་ཧཾ གྷོ་རཾ, པཱ་པ་ཀ་མྨེ་ན པ་ཎྜུ་ནོ.
༩. པ་ཎྜུ་རཱ་ཛེ’ཏྠ ཝཱ་སེ་ན, ཀ་མྨཾ ན་ཏྠཱི་ཏི ཙི་ནྟི་ཡ;
ཋ་པེ་ཏྭཱ མ་ཀུ་ཊཱ་དཱི་ནི, ག་ཏོ ཀེ་ར་ལ༹་ས་ནྟི་ཀཾ.
༡༠. ཝི་གྒ་ཧེ ནི་ཊྛི་ཏེ རཱ་ཛཱ, མ་ཧཱ་མེ་གྷ་ཝ་ནེ ཏ་དཱ;
མ་ཧཱ་བོ་དྷི་གྷ་ར་སྶཱ’དཱ, གཱ་མཾ ན་ག་ར་ས་ནྟི་ཀེ.
༡༡. ཨཱ་ཝཱ་སཾ ར་ཀྑ་ཀོ ནཱ་མ, ཏ་སྶ སེ་ནཱ་པ་ཏཱི ཨ་ཀཱ;
ཐཱུ་པཱ་རཱ་མ་ས་མཱི་པ་མྷི, ཨི་ལ༹་ངྒོ རཱ་ཛ་ནཱ་མ་ཀཾ.
༡༢. ཀ་ཏཾ ཏཾ པུ་བྦ་རཱ་ཛེ་ཧི, རཱ་ཛཱ སོ པ་རི་པཱ་ལི་ཡ;
པ་ཏྟོ དྭཱ་ད་ས་མཾ ཝ་སྶཾ, ཡ་ཐཱ་ཀ་མྨ་མུ་པཱ་ག་མི.
༡༣. ཨུ་ད་ཡོ ཡུ་ཝ་རཱ་ཛཱ’སི, ལཾ་ཀཱ་ཝཱ་སཱི་ན་མི་སྶ་རོ;
སེ་ན་ནཱ་མཱ་དི་པཱ་དཾ སོ, ཨོ་པ་ར་ཛྫེ’བྷི་སེ་ཙ་ཡི.
༡༤. ར་ཉྙོ བྷཱི་ཏཱ ཏ་དཱ་མ་ཙྩཱ, པ་ཝི་སིཾ་སུ ཏ་པོ་ཝ་ནཾ;
རཱ་ཛོ་པ་རཱ་ཛཱ ག་ནྟྭཱ་ན, ཏེ་སཾ སཱི་སཱ་ནི ཚེ་ད་ཡུཾ.
༡༥. ཏེ་ན ཀ་མྨེ་ན ནི་བྦི་ནྣཱ, ཡ་ཏ་ཡོ ཏ་ནྣི་ཝཱ་སི་ནོ;
ཧི་ཏྭཱ ཛ་ན་པ་དཾ ར་ཉྙོ, ཏ་དཱ་ག་ཙྪིཾ་སུ རོ་ཧ་ཎཾ.
༡༦. ཏ་དཱ ཛཱ་ན་པ་དཱ ཙེ་ཝ, ནཱ་ག་རཱ ཙ བ་ལཱ་ནི ཙ;
ཀུ་པི་ཏཱ ཙ་ཎྜུ་ཝཱ་ཏེ་ན, སཱ་ག་རོ ཝི་ཡ ཀ་མྤི་ཏོ.
༡༧. ར་ཏ་ན་པཱ་སཱ་ད་མཱ་རུ་ཡ྄ཧ, ཝི་ཧཱ་རེ ཨ་བྷ་ཡུ་ཏྟ་རེ;
ས་ནྟཱ་སེ་ཏྭཱ་ན རཱ་ཛཱ་ནཾ, ད་སྶེ་ཏྭཱ་ན ཝི་བྷཱི་སི་ཀཾ.
༡༨. ཨུ་པ་ཏྠ་མྦྷ་ཀ་མ་ཙྩཱ་ནཾ, ཝི་གྒ་ཧ་སྶ ཏ་པོ་ཝ་ནེ;
ཏ་དཱ སཱི་སཱ་ནི ཚི་ནྡི་ཏྭཱ, ཀ་ཝཱ་ཏེ་ན ནི་པཱ་ཏ་ཡུཾ.
༡༩. ཏཾ སུ་ཏྭཱ ཡུ་ཝ་རཱ་ཛཱ ཙ, ཨཱ་དི་པཱ་དོ ཙ ཏཾ ས་ཁཱ;
ཨུ་ལླ་ངྒྷི་ཏྭཱ་ན པཱ་ཀཱ་རཾ, སཱི་གྷཾ ག་ཙྪིཾ་སུ རོ་ཧ་ཎཾ.
༢༠. བ་ལ་ཀཱ་ཡོ་ནུ་བ་ནྡྷི་ཏྭཱ, ཡཱ་ཝ ཀ་ཎྷ་ན་དཱི་ཏ་ཊཱ;
ཨ་ལཱ་བྷེ་ན ཙ ནཱ་ཝཱ་ནཾ, ཏི་ཎྞ་ཏྟཱ ཏེ་ས་མཱ་ག་མི.
༢༡. རཱ་ཛ་པུ་ཏྟཱ་ག་ཏཱ ཏ་ཏྠ, ཝ་ནེ ཨ་བྷ་ཡ་བྷེ་དི་ནོ;
ཡ་ཏཱི་ནཾ པུ་ར་ཏོ ཏེ་སཾ, ནི་པ་ཛྫི་ཏྭཱ ཨུ་རེ་ན ཏེ.
༢༢. ཨ་ལླ་ཝ་ཏྠཱ’ལླ་ཀེ་སཱ ཙ, པ་རི་དེ་ཝི་ཏྠ’ནེ་ཀ་དྷཱ;
ཀ་ནྡཱི་ཏྭཱ རོ་ད་ནཾ ཀ་ཏྭཱ, ཁ་མཱ་པེ་སུཾ ཏ་པ་སྶི་ནོ.
༢༣. ཁ་ནྟི་མེ་ཏྟཱ་ནུ་བྷཱ་ཝེ་ན, ཏེ་སཾ སཱ་ས་ན་སཱ་མི་ནཾ;
པུ་ཉྙོ་ད་ཡོ ཨ་ཧུ ཏེ་སཾ, ཨུ་བྷི་ནྣཾ དཱི་པ་སཱ་མི་ནཾ.
༢༤. ཡུ་ཝ་རཱ་ཛ་བ་ལ་ཉྩེ་ཝ, ནི་ཀཱ་ཡ་ཏྟ་ཡ་ཝཱ་སི་ནོ;
ག་མིཾ་སུ ཏེ་ས་མཱ་ནེ་ཏུཾ, ས་ནྟི་བྷཱུ་ཏེ མ་ཧཱ་བ་ལེ.
༢༥. རཱ་ཛ་པུ་ཏྟཱ ཨུ་བྷོ བྱ་ཏྟཱ, པ་ཎྜི་ཏཱ པཾ་སུ་ཀཱུ་ལི་ནོ;
ཡཱ་ཙི་ཏྭཱ ཏེ་ས་མཱ་དཱ་ཡ, ཨ་ག་མཾ་སུ ས་ཀཾ པུ་རཾ.
༢༦. བྷི་ཀྑཱུ་ནཾ པུ་ར་ཏོ མ་གྒཾ, རཱ་ཛཱ་ག་ནྟཱ ཁ་མཱ་པ་ཡི;
ཨཱ་དཱ་ཡ ཏེ ཝ་ནཾ ཏེ་སཾ, ནེ་ཏྭཱ རཱ་ཛ་གྷ་རཾ ག་ཏོ.
༢༧. ཏ་ཏོ པ་ཊྛཱ་ཡ ཙཱ་རི་ཏྠཾ, པཱ་ལེ་ཏྭཱ པུ་བྦ་རཱ་ཛུ་ནཾ;
རཱ་ཛཱ སོ ཏ་ཏི་ཡེ ཝ་སྶེ, ཡ་ཐཱ་ཀ་མྨ་མུ་པཱ་ག་མི.
༢༨. ལཾ་ཀཱ་བྷི་སེ་ཀཾ པ་ཏྭཱ་ན, སེ་ནོ སོ མ་ཏི་མཱ ཏ་ཏོ;
ཨུ་ད་ཡཾ ཨཱ་དི་པཱ་དཾ ཏཾ, ཡུ་ཝ་རཱ་ཛཾ ཨ་ཀཱ ས་ཁཾ.
༢༩. ཀ་ཧཱ་པ་ཎ་ས་ཧ་སྶཾ སོ, དུ་གྒ་ཏཱ་ནཾ ཨུ་པོ་ས་ཐེ;
ཧོ་ཏུ’པོ་ས་ཐི་ཀོ ད་ཏྭཱ, ཡཱ་ཝ་ཛཱི་ཝཾ ན་རཱ་དྷི་པོ.
༣༠. པ་ཊི་མཱ བྷ་ཏྟ་ཝ་ཏྠཱ་ནི, བྷི་ཀྑཱུ་ནཾ དྷ་ར་ཎཱི པ་ཏི;
ཨ་དཱ ད་ཎྜི་སྶ་རཾ དཱ་ནཾ, ཡཱ་ཙ་ཀཱ་ན་ཉྩ སི་པྤཱི་ནཾ.
༣༡. ཋཱ་ནེ ཀ་ཏྠ་ཙི སི་པྤཱི་ནཾ, པཱ་སཱ་དེ་སུ མ་ནོ་ཧ་རེ;
ཀཱ་རེ་ཏྭཱ བྷོ་ག་གཱ་མེ ཙ, ཨ་དཱ་པེ་སི མ་ཧཱ་མ་ཏི.
༣༢. ཀ་ཧཱ་པ་ཎ་ས་ཧ་སྶཾ ཝཱ, ད་ཏྭཱ པ་ཉྩ་ས་ཏཱ་ནི ཝཱ;
ལ་ངྐཱ་ཡཾ ཛི་ཎྞ་ཀཱ་ཝཱ་སེ, ན་ཝ་ཀ་མྨ་མ་ཀཱ་ར་ཡཱི.
༣༣. ཙ་ཏྟཱ་ལཱི་ས་ས་ཧ་སྶཱ་ནི, ཨ་བྷ་ཡུ་ཏྟ་ར་ཙེ་ཏི་ཡེ;
སི་ལཱ་པ་ཏྠ་ར་ཎ་ཏྠཱ་ཡ, དཱ་པེ་སི ཙ མ་ཧཱི་པ་ཏི.
༣༤. མ་ཧཱ་ཝཱ་པཱི་སུ ལཾ་ཀཱ་ཡཾ, ཛི་ཎྞ་ནི་དྡྷ་མ་ནེ ཨ་ཀཱ;
ན་ཝ་ཀ་མྨ་ཉྩ མ་རི་ཡཱ་དཾ, ཐི་ཡཾ པཱ་སཱ་ཎ་པཾ་སུ་ནཱ.
༣༥. ཨ་ཀཱ རཱ་ཛ་གྷ་རེ ར་མྨཾ, མཱ་ལཱ་གེ་ཧཾ མ་ཧཱ་ར་ཧཾ;
ཋ་པི་ཏཾ པུ་ན་རཱ་ཛཱུ་ཧི, དཱ་ནཾ ས་མྨཱ་པ་ཝ་ཏྟ་ཡི.
༣༦. ཀ་ཏཾ མ་ལ་ཡ་རཱ་ཛེ་ན, ཨ་མ་ཙྩེ་ན’གྒ བོ་དྷི་ནཱ;
པ་རི་ཝེ་ཎཾ ནཱ་ག་སཱ་ལཾ, དི་སྭཱ གཱ་མ མ་དཱ ཏ་དཱ.
༣༧. ཀ་ཏྭཱ ཙ་ཏུ་ཝི་ཧཱ་རེ་སུ, རཱུ་པ་ཀ་མྨཱ་ནི སཱ་དྷུ་ཀཾ;
མ་ཎྜ་པཱ་ནི ཙ ར་མྨཱ་ནི, དྷཱ་ཏུ་པཱུ་ཛཾ ཨ་ཀཱ ས་དཱ.
༣༨. ཨེ་ཝ་མཱ་དཱི་ནི པུ་ཉྙཱ་ནི, ཨ་ནེ་ཀཱ་ནི ཨ་ནེ་ཀ་དྷཱ;
ཀ་ཏྭཱ སོ ན་ཝ་མེ ཝ་སྶེ, ཡ་ཐཱ་ཀ་མྨ་མུ་པཱ་ག་མི.
༣༩. ལཾ་ཀཱ་བྷི་སེ་ཀཾ པ་ཏྭཱ་ན, ཡུ་ཝ་རཱ་ཛོ་ད་ཡོ ཏ་ཏོ;
སེ་ན་ནཱ་མཱ་དི་པཱ་དཾ སོ, ཨོ་པ་ར་ཛྫེ’བྷི སེ་ཙ་ཡི.
༤༠. ནི་དྡཱ་ལུ མ་ཛྫ་པོ ཨཱ་སི, རཱ་ཛཱ པཱ་པེ་ན ཛ་ནྟུ་ནཾ;
ཙོ་ལོ༹ པ་མ་ཏྟ་ཏཾ ཏ་སྶ, སུ་ཏྭཱ ས་ནྟུ་ཊྛ་མཱ་ན་སོ.
༤༡. པ་ཎྜུ་དེ་སཱ་ཏི་སེ་ཀཾ སོ, པ་ཏྟུ་ཀཱ མེ་ཏྠ པེ་ས་ཡི;
མ་ཀུ་ཊཱ་དཱི་ན་མ་ཏྠཱ་ཡ, ཋ་པི་ཏཱ་ནཾ་ཝ པ་ཎྜུ་ནཱ.
༤༢. ཏཱ་ནི ནཱ་དཱ་སི སོ རཱ་ཛཱ, ཏེ་ན ཙོ་ལོ༹ མ་ཧ་བྦ་ལོ;
བ་ལཾ ས་ནྣ་ཡ྄ཧ པེ་སེ་སི, བ་ལ་ཀྐཱ་རེ་ན ག་ཎྷི་ཏུཾ.
༤༣. ཏ་དཱ སེ་ནཱ་པ་ཏི ཨེ་ཏྠ, པ་ཙྩ་ནྟེ ཀུ་པི་ཏེ ག་ཏོ;
ཨཱ་ཎཱ་པེ་ཏྭཱ་ན ཏཾ རཱ་ཛཱ, ཡུ་ཛ྄ཛྷ་ན་ཏྠཱ་ཡ པེ་ས་ཡི.
༤༤. ཧ་ཏོ སེ་ནཱ་པ་ཏི ཏ་ཏྠ, ཡུ་ཛ྄ཛྷི ན ར་ཎེ མ་ཏོ;
ཀ་ཀཱུ་ཊཱ་དཱི་ནི ཨཱ་དཱ་ཡ, རཱ་ཛཱ སོ རོ་ཧ་ཎཾ ཨ་གཱ.
༤༥. ག་ནྟྭཱ ཙོ་ལ༹་བ་ལཾ ཏ་ཏྠ, ཨ་ལ་བྷི་ཏྭཱ པ་ཝེ་ས་ནཾ;
ནི་ཝ་ཏྟི་ཏྭཱ ས་ཀཾ ར་ཊྛཾ, ཨ་ག་མཱ་སི ཨི་དྷ་ཏཱ བྷ་ཡཱ.
༤༦. ཏ་ཏོ སེ་ནཱ་པ་ཏི་ཊྛཱ་ནེ, ཝི་དུ་ར་གྒཾ ཏུ ནཱ་ཡ་ཀཾ;
ཋ་པེ་སི རཱ་ཛཱ ལཾ་ཀི་ནྡོ, ཏེ་ཛ་ཝ་ནྟཾ མ་ཧཱ་མ་ཏིཾ.
༤༧. པ་ཙྩ་ནྟཾ ཙོ་ལ༹་རཱ་ཛ་སྶ, གྷཱ་ཏེ་ཏྭཱ སོ ཙ་མཱུ་པ་ཏི;
ཨཱ་ཎཱ་པེ་སི ཨི་ཏོ ནཱི་ཏཾ, ད་སྶེ་ཏྭཱ་ན ཝི་བྷཱི་སི་ཏཾ.
༤༨. ཏ་ཏོ དཱ་པེ་སི སོ ས་བྦ-པ་རི་ཀྑཱ་རཾ མ་ཧཱ་ར་ཧཾ;
པཾ་སུ་ཀཱུ་ལི་ཀ་བྷི་ཀྑཱུ་ནཾ, ས་བྦེ་སཾ དཱི་པ་ཝཱ་སི་ནཾ.
༤༩. མ་ཧཱ་ཝི་ཧཱ་རེ ལཾ་ཀི་ནྡོ, པ་ཊི་བི་མྦ་སྶ ས་ཏྠུ་ནོ;
ཛ་ལ་ནྟཾ མ་ཎི་རཾ་སཱི་ཧི, ཨ་ཀཱ ཙཱུ་ལཱ༹་མ་ཎིཾ ཏ་དཱ.
༥༠. ཨོ་རོ་དྷཱ ཝི་དུ་རཱ ཏ་སྶ, པཱ་ད་ཛཱ་ལེ་ན པཱུ་ཛ་ཡི;
མ་ཎཱི་ཧི པ་ཛྫ་ལ་ནྟེ་ཧི, པ་ཊི་མཾ ཏཾ སི་ལཱ་མ་ཡཾ.
༥༡. ཛྷཱ་པི་ཏཾ ཙོ་ལ༹་རཱ་ཛ་སྶ, བ་ལེ་ན མ་ཎི་ནཱ་མ་ཀཾ;
པཱ་སཱ་དཾ ཀཱ་ཏུ་མཱ་ར་དྡྷོ, ཙུ་ཏོ ཝ་སྶ་མྷི ཨ་ཊྛ་མེ.
༥༢. པ་ཉྩེ་ཏེ ཝ་སུ་དྷཱ་དྷི་པཱ ཝ་སུ་མ་ཧིཾ ཨེ་ཀཱ་ཏ་པ་ཏྟ་ངྐི་ཏཾ;
བྷུ་ཏྭཱ ནི་གྒ་ཧ་ས་ངྒ་ཧེ་ཧི ས་ཀ་ལཾ ལོ་ཀཾ ཝ་སེ ཝ་ཏྟི་ཡ;
ཡཱ ཏཱ མ་ཙྩུ་ཝ་སཾ ས་པུ་ཏྟ་ཝ་ཎི་ཏཱ སཱ་མ་ཙྩ་མི་ཏྟཱ་ནུ་གཱ;
ཨི་ཙྩེ་ཝཾ ས་ཏ་ཏཾ ས་ར་ནྟུ སུ་ཛ་ནཱ ཧཱ་ཏུཾ པ་མཱ་དཾ མ་དཾ.
སུ་ཛ་ན་པྤ་སཱ་ད་སཾ་ཝེ་ག་ཏྠཱ་ཡ ཀ་ཏེ མ་ཧཱ་ཝཾ་སེ
པ་ཉྩ་རཱ་ཛ་ཀོ ནཱ་མ
ཨེ་ཀ་པ་ཉྙཱ་ས་ཏི་མོ པ་རི་ཙྪེ་དོ.