ས་ཏྟ་ཙ་ཏྟཱ་ལཱི་ས་ཏི་མ པ་རི་ཙྪེ་ད
པ་ཉྩ་རཱ་ཛ་ཀོ
༡. ཨ་ཙྩ་ཡེ པི་ཏུ་ནོ རཱ་ཛཱ, ཨུ་པ་རཱ་ཛཱ ཨ་ཧོ་སི སོ;
ས་མ་ཏྠོ ས་ཀྐུ་མི་ཏྟཱ་ནཾ, ཀཱ་ཏུཾ ནི་གྒ་ཧ སཾ་ག་ཧེ.
༢. སེ་ནཱ ནཱ་མ་སི ས་པྤ་ཉྙཱ, མ་ཧེ་སཱི ཏ་སྶ རཱ་ཛི་ནོ;
ཁུ་དྡ་པུ་ཏྟཱ པཱི་ཡཱ’ཏཱི་ཝ, ར་ཉྙོ ཀ་ལྱཱ་ཎ་ད་སྶ་ནཱ.
༣. ཨ་དཱ་སི ཡུ་ཝ་རཱ་ཛ་ཏྟཾ, ཛེ་ཊྛ་པུ་ཏྟ་སྶ ཨ་ཏྟ་ནོ;
ཨཱ་དི་པཱ་དེ’པ་རེ་ཀཱ་སི, རཱ་ཛི་ནཱི་པི ཙ དྷཱི་ཏ་རོ.
༤. ད་ཏྭཱ ཋཱ་ན་ནྟ་རཾ རཱ་ཛཱ, ཏེ་སཾ ཏེ་སཾ ཡ་ཐཱ་ར་ཧཾ;
ཛ་ནཾ ས་ངྒ་ཧ་ཝ་ཏྠཱུ་ཧི, ས་ངྒ་ཧེ་སི ཙ་ཏཱུ་ཧི་པི.
༥. ཨ་ཐ ཀེ་ནཱ་པི སོ ག་ནྟྭཱ, ཧེ་ཏུ་ནཱ མ་ཎི་ཧཱི་ར་ཀཾ;
ཝ་ས་ནྟོ ཀི་ར ཨ་སྶོ་སི, པ་ཙྩ་ནྟོ ཀུ་པི་ཏོ ཨི་ཏི.
༦. ཏ་ཏོ སེ་ནཱ་པ་ཏི་ཉྩེ་ཝ, ཛེ་ཊྛ་པུ་ཏྟ་ཉྩ ཨ་ཏྟ་ནོ;
ག་ནྟྭཱ སཱ་དྷེ་ཐ ཏཾ དེ་ས-མཱི་ཏི པེ་སེ་སི ས་ཛྫུ་ཀཾ.
༧. ཏེ་སུ ཏ་ཏྠོ་པ་ཡཱ་ཏེ་སུ, པི་སུ་ནཱ བྷེ་ད་ཙི་ནྟ་ཀཱ;
ཝ་ཏྭཱ ཡཾ་ཀི་ཉྩི བྷི་ནྡིཾ་སུ, ཏེ ཨུ་བྷོ་པི ན་རཱ་དྷི་པེ.
༨. ཏ་ཏོ དྭེ ཝེ་རི་ནོ ཧུ་ཏྭཱ, དེ་སཾ ག་ཎྷི་ཏུ་མཱ་ར་བྷུཾ;
རཱ་ཛཱ སུ་ཏྭཱ ཁ་ཎེ་ནེ་ཝ, དུ་ར་ཏི་སྶ མུ་པཱ་ག་མི.
༩. ཏེ ཨུ་བྷོ ཏ་ཏྠ གྷཱ་ཏེ་ཏྭཱ, ཏེ་སཾ ས་བྦཾ ས་མཱ་དི་ཡ;
ཧ་ནྟྭཱ ཏཾ པ་ཀྑི་ཡེ ས་བྦེ, པུ་ལ༹་ཏྠི་ན་ག་རཾ ག་མི.
༡༠. ཏ་དཱ རོ་ཧ་ཎ་དེ་ས་མྷི, བྷོ་གཱ་དྷི་པ་ཏི་ནོ སུ་ཏོ;
དཱ་ཋཱ་སི་ཝཱ་དི་པཱ་ད་སྶ, མ་ཧི་ནྡོ ནཱ་མ ཁ་ཏྟི་ཡོ.
༡༡. པི་ཏུ་ནོ སོ’པ་རི་ཛ྄ཛྷི་ཏྭཱ, ར་ཉྙོ ས་ནྟི་ཀ་མཱ་ག་མཱ;
དི་སྭཱ རཱ་ཛཱ་པི ས་ནྟུ་ཊྛོ, ཏཾ ས་ངྒ་ཎྷི ཡ་ཐཱ་ར་ཧཾ.
༡༢. ཏེ་ན མེ་ཏྟིཾ ཐི་རཾ ཀཱ་ཏུཾ, དྷཱི་ཏ་རཾ དེ་ཝ ནཱ་མི་ཀཾ;
ཏ་སྶ ད་ཏྭཱ་ན པཱ་ཧེ་སི, བ་ལཾ རོ་ཧ་ཎ་མེ་ཝ་སོ.
༡༣. སོ ག་ནྟྭཱ རཱ་ཛ་སེ་ནཱ་ཡ, མ་དྡཱ་པེ་ཏྭཱ་ན རོ་ཧ་ཎཾ;
ཛ་མྦུ་དཱི་པཾ པ་ལཱ་པེ་ཏྭཱ, པི་ཏ་རཾ རོ་ཧ་ཎཾ ལ་བྷི.
༡༤. མ་ཧཱ་ཝི་ཧཱ་རེ ཀཱ་རེ་སི, ས་ལཱ་ཀ་གྒཾ ཐི་རཾ སུ་བྷཾ;
ཁོ་ལ་ཀྑི་ཡ་མུ་ནི་ནྡ་སྶ, པ་རི་ཧཱ་རཱ་ཡ དཱ་པ་ཡི.
༡༥. མ་ཧཱ་ནཱ་མ་ཝ྄ཧ་ཡཾ གཱ་མཾ, པཱུ་ཛ་ཡི་ཏྭཱ ཡ་ཐཱ་བ་ལཾ;
ཝ་ཌྜྷ་མཱ་ན་དུ་མི་ནྡ་སྶ, ཛི་ཎྞཾ གེ་ཧ་ཉྩ ཀཱ་རི་ཡ.
༡༦. རུ་ཀྑ་ཎ་ཏྠཱ་ཡ ཏ་སྶཱ;དཱ, ཀོ་ཊྛཱ་གཱ་མཾ བ་ཧུ་ད་ཡཾ;
ནཱི་ལཱ་རཱ་མ་སྶ པཱ་དཱ་སི, ཀཱ་ལུ༹་སྶཾ ནཱ་མ གཱ་མ་ཀཾ.
༡༧. ལོ་ཧ་རཱུ་པ་སྶ པཱ་དཱ་སི, ཨཱ་རཱ་མ་སྶ ཙ གཱ་མ་ཀཾ;
ཛི་ཎྞ་ཉྩ པ་ཊི་ས་ངྑཱ་སི, པ་ཊི་མཱ་ཡོ ཙ ཀཱ་ར་ཡི.
༡༨. པཱ་སཱ་དེ ཙེ་ཏི་ཡོ ཙེ་ཝ, ཝི་ཧཱ་རེ ཙ ཨ་ན་པྤ་ཀེ;
པུ་ལ༹་ཏྠི་ན་ག་རེ’ཀཱ་སི, ཝེ་ཛྫ་སཱ་ལཾ མ་ཧཱ་ད་ཡོ.
༡༩. ཏ་ཐཱ པ་ཎྜཱ ཝི་ཡ་ཉྩེ་ཝ, བྷོ་ག་གཱ་མ་ས་མཱ་ཡུ་ཏཾ;
པི་ཊྛ་ས་པྤི་ན་མ་ནྡྷཱ་ནཾ, སཱ་ལཱ་ཡོ ཙ ཏ་ཧིཾ ཏ་ཧིཾ.
༢༠. པོ་ཏྠ་ཀེ་སུ ལི་ཁཱ་པེ་ཏྭཱ, ཨ་ཊྚེ ས་མྨཱ ཝི་ནི་ཙྪི་ཏེ;
རཱ་ཛ་གེ་ཧེ ཋ་པཱ་པེ་སི, ཨུ་ཀྐོ་ཊ་ན་བྷ་ཡེ་ན སོ.
༢༡. ནཱ་ག་ཝ་ཌྜྷ་ན་ནཱ་མ་སྶ, བྷོ་ག་གཱ་མེ བ་ཧཱུ ཨ་དཱ;
ལེ་ཁེ’པུ་བྦེ ན ཝཱ་རེ་ཏྭཱ, པཱ་ལེ་ཏྭཱ པུ་བྦ་སཱ་ས་ནཾ.
༢༢. པི་ཏ་རཱ ཙ མ་ཧཱ་དཱ་ནཾ, པུ་ཉྙ་མ་ཉྙ་མྤི ཝཱ ཀ་ཏཾ;
ས་བྦཾ ཏ་མ་ཝི་ནཱ་སེ་ཏྭཱ, ནི་ཙྩཾ སོ ར་ཀྑི སཱ་ད་རོ.
༢༣. མ་ཧེ་སཱི ཙ མ་ཧཱ་ར་ཉྙོ, པུ་ཉྙཱ་ནི བ་ཧུ་ཀཱ་ར་ཡི;
ཀ་ཎྚ་ཀཾ ཙེ་ཏི་ཡཾ ཀཱ་སི, དེ་ཝཱི ཙེ་ཏི་ཡ་པ་བྦ་ཏེ.
༢༤. ཀཱ་རེ་ཏྭཱ ཛ་ཡ་སེ་ན་ཉྩ, པ་བྦ་ཏཾ གཱ་མི་ཀ་སྶ་དཱ;
བྷི་ཀྑུ་ས་ངྒྷ་སྶ སཱ གཱ་མཾ, མ་ཧུ་མྨཱ་ར་ཉྩ ཏ་སྶ དཱ.
༢༥. སི་ལཱ་མེ་གྷ་ཝ྄ཧ་ཡཾ ཀ་ཏྭཱ, བྷི་ཀྑུ་ནཱི་ན་མུ་པ་སྶ་ཡཾ;
སི་ལཱ་མེ་གྷ་ཝ྄ཧ་ཡེ དཱ་སི, བྷི་ཀྑུ་ནཱི་ན་ཉྩ པ་ཙྩ་ཡེ.
༢༦. གཱ་མཱ་ཡེ’སུཾ པུ་རཱ་ཀཱི་ཏཱ, ཝི་ཧཱ་རོ ཏ་ཏྠ སཱ་དྷ་ནཾ;
ད་ཏྭཱ ཏེ མེ ཙ་ཡི་ཏྭཱ་ན, ཝི་ཧཱ་ར་སྶེ་ཝ དཱ་པ་ཡི.
༢༧. ཚཱ་ད་ཡི་ཏྭཱ མ་ཧཱ་རུ་ཀྑེ, ས་བྦེ ཙེ་ཏི་ཡ་པ་བྦ་ཏེ;
ནཱ་ནཱ་རཱ་གེ དྷ་ཛེ ཙེ་ཝ, པ་ཊཱ་ཀཱ་ཡོ ཙ པཱུ་ཛ་ཡི.
༢༨. པུ་བྦཱ་རཱ་མ་ཀ་བྷཱ་ག་མྤི, པཱ་སཱ་དཾ པ་ཊི་ས་ངྑ་རི;
ཨུ་སྶཱ་ན་ཝི་ཊྛིཾ དུ་བྦྷོ་གཾ, སུ་བྷོ་གཾ ཏ་སྶ ཀཱ་ར་ཡི.
༢༩. ཝི་ཧཱ་རཾ གི་རི་བྷ་ཎྜ་ཉྩ, ན་ཊྛཾ པཱ་ཀ་ཏི་ཀཾ ཀ་རི;
བྷོ་ག་གཱ་མེ ཙ དཱ་པེ་སི, བྷི་ཀྑཱུ་ནཾ ཏ་ནྣི་ཝཱ་སི་ནཾ.
༣༠. ཨ་མྦུ་ཡྻཱ་ན་མྷི ཨཱ་ཝཱ་སཾ, ཀ་ཏྭཱ ད་པྤུ་ལ༹་པ་བྦ་ཏཾ;
བྷི་ཀྑཱུ་ནཾ ཏི་ས་ཏ་སྶཱ’དཱ, ས་མྤ་ནྣ་ཙ་ཏུ་པ་ཙྩ་ཡཾ.
༣༡. ཀཱ་རེ་ཏྭཱ ནཱི་ལ་ག་ལླ་ཉྩ, ཨཱ་རཱ་མཾ སོ མ་ནོ་ར་མཾ;
ད་ཀ་ཝཱ་རཾ བ་ཧུ་པྤཱ་དཾ, ཏ་སྶ དཱ་པེ་སི ཀཱ་རི་ཡ.
༣༢. ཨ་རི་ཀཱ་རི ཝི་ཧཱ་རེ ཙ, པ་ཊི་ས་ངྑཱ་སི ཛི་ཎྞ་ཀཾ;
ས་ལཱ་ཀ་གྒ་ཉྩ པཱ་སཱ་དཾ, ཨ་པུ་བྦཾ་ཡེ་ཝ ཀཱ་ར་ཡི.
༣༣. ཝཱ་ཧ་དཱི་པེ ས་ཀཱ་རེ་སི, སེ་ན་གྒ་བོ་དྷི་པ་བྦ་ཏཾ;
དྷ་མྨཾ ཏཱི་སུ ནི་ཀཱ་ཡེ་སུ, ཝཱ་ཙ་ཡི་ཏྠ བ་ཧུ་སྶུ་ཏེ.
༣༤. ག་ཎྷཱ་པེ་སི ཙ བྷི་ཀྑཱུ་ནཾ, ཨ་ཡོ་པ་ཏྟེ་སུ ག་ཎྛི་ཀེ;
པུ་ཉྙ་ནྟི ཝུ་ཏྟཾ ས་བྦཾ སོ, ན ཀི་ཉྩི པ་རི་ཝ་ཛྫ་ཡི.
༣༥. ཀུ་ལཱི་ནཱ་ན་མ་ནཱ་ཐཱ་ནཾ, ཨི་ཏྠཱི་ནཾ’དཱ པི་ལ༹་ནྡྷ་ནཾ;
བྷོ་ཛ་ནཾ བྷོ་ཛ་ན་ཏྠཱི་ནཾ, བ་ཧུ སོ དཱ་སི ར་ཏྟི་ཡཾ.
༣༦. གུ་ནྣཾ ས་སྶཱ་ནི པཱ་དཱ་སི, ཀཱ་ཀཱ་དཱི་ན་ཉྩ བྷ་ཏྟ་ཀཾ;
ཏ་ཎྜུ་ལ་ཉྩ ཀུ་མཱ་རཱ་ནཾ, མ་དྷུ་ཕཱ་ཎི་ཏ་སཾ་ཡུ་ཏྟཾ.
༣༧. ཨེ་ཝཾ པུ་ཉྙཱ་ནི ཀ་ཏྭཱ་ན, ན་རི་ནྡོ སོ ས་པཱ་རི་སོ;
བྷུ་ཏྭཱ པ་ཉྩ་སུ ཝ་སྶེ་སུ, མེ་དི་ནིཾ ས་མྤ་རི་ཙྩ་ཛི.
༣༨. ཏ་ཏོ ཏ་སྶ སུ་ཏོ ཨཱ་སི, སཱི་ཧ་ལཱ༹་ནཾ ར་ཐེ་ས་ཏོ;
ས་བྦ་རཱུ་པ་གུ་ཎོ་པེ་ཏོ, མ་ཧི་ནྡོ ནཱ་མ ཁ་ཏྟི་ཡོ.
༣༩. སོ དྷ་མྨི་ཀ་སཱི་ལཱ་མེ་གྷོ, ཨི་ཙྩཱ་སི དྷ་ར་ཎཱི་ཏ་ལེ;
དྷ་མྨ་དཱི་པོ དྷ་མྨ་དྷ་ཛོ, སུ་དྡྷ་དྷ་མྨ་པ་རཱ་ཡ་ནོ.
༤༠. པུ་བྦ་ཀེ་ཧི ན་རི་ནྡེ་ཧི, ཀ་ཏཾ དྷ་མྨ་པ་ཐཱ་ནུ་གཾ;
ས་བྦཾ ཀཱ་སི ཨ་ཧཱ་པེ་ཏྭཱ, ཨ་དྷ་མྨཾ ཏུ ཝི་ཝ་ཛྫ་ཡི.
༤༡. རཱ་ཛཱ་ར་ཏ་ན་པཱ་སཱ་དེ, ཀཱ་ཏུཾ སོ ན་ཝ་ཀ་མྨ་ཀཾ;
ས་བྦ་ཀཱ་ལེ་སུ དཱ་པེ་སི, གེ་ཊྛུ་མྦ་ད་ཀ་ཝཱ་ར་ཀཾ.
༤༢. ཛི་ཎྞ་ཉྩ པ་ཊི་ས་ངྑཱ་སི, པུ་ཉྙ་ཀ་མྨ་མ་ཀཱ་སི ཙ;
ར་ཛྫཾ ཀ་ཏྭཱ་ན ཙ་ཏཱུ་སུ, ཝ་སྶེ་སུ ནི་དྷ་ནཾ ག་ཏོ.
༤༣. ཨ་གྒ་བོ་དྷི ཏ་ཏོ རཱ་ཛཱ, ཚ་ཏྟཾ ཨུ་སྶཱ་པ་ཡི པུ་རེ;
ཀཱ་རེ་ནྟོ ས་བྦ་ས་ཏྟཱ་ནཾ, ཧི་ཏཾ སུ་ཁ་མ་སེ་ས་ཏོ.
༤༤. དྷཱ་ཏུ་པཱུ་ཛཾ ས་ཀཱ་རེ་སི, ས་ཏྠུ་ས་བྦ་གུ་ཎཱ་ར་ཧཾ;
པི་ཏཱ་མ་ཧ་ཀ་ཏ་སྶཱ’པི, ས་མྦུ་དྡྷ་སྶ མ་ཧཱ་མ་ཧཾ.
༤༥. ཨུ་ད་ཡ་གྒཱ་དི་བོ་དྷི་ཉྩ, པ་རི་ཝེ་ཎཾ ས་ཀཱ་ར་ཡི;
ནཱ་མཾ ག་ཧེ་ཏྭཱ པི་ཏུ་ནོ, ཨ་ཏྟ་ནོ ཙ ན་རཱ་དྷི་པོ.
༤༦. ས་བྷོ་གཾ པ་རི་ཝེ་ཎ་ཉྩ, ཀ་ཏྭཱ ཏཾ བྷཱུ་ཏ་ནཱ་མ་ཀཾ;
ས་ཀཱ་ཙ་རི་ཡ་ཀ་སྶཱ’དཱ, བྷི་ཀྑཱུ་ནཾ ཏི་ས་ཏ་སྶ ཙ.
༤༧. རཱ་ཛ་སཱ་ལཱ་ཡ དཱ་པེ་སི, ཙཱུ་ལ༹་ཝཱ་པི་ཡ་གཱ་མ་ཀཾ;
གཱ་མ་དྭ་ཡ་ཉྩ དཱ་པེ་སི, ཀཱ་ལཱུ༹་ལ་མ་ལླ་ཝཱ་ཏ་ཀེ.
༤༨. པ་ཝེ་སཾ ཝི་ནི་ཝཱ་རེ་སི, ཨུ་པོ་ས་ཐ་དི་ནེ་སུ སོ;
མ་ཙྪ་མཾ་ས་སུ་རཱ་དཱི་ནཾ, ཨ་ནྟོ་ན་ག་ར་མ་ཏྟ་ནོ.
༤༩. བྷི་ཀྑཱུ ཝཱ ཙེ་ཏི་ཡེ ཝཱ སོ, ཝ་ནྡི་ཏྭཱ ནི་ཀྑ་མཾ ཏ་ཏོ;
ཝཱ་ལུ་ཀཱ ཧཱ ཝི་ན་སྶ་ནྟུ, ཨི་ཏི པཱ་དེ་སུ ཝོ་དྷ་ཡཱི.
༥༠. ཡཾ ཡཾ སོ་ཝ་གྒི་ཡཾ ཀ་མྨཾ, ཀ་མྨཾ ནི་སྶ་ར་ཎ་ཝ་ཧཾ;
ཝ་ཏྠུ་ཏྟ་ཡེ པ་ས་ནྣོ སོ, ཀ་མྨཾ ཏཾ ས་བྦ་མཱ་ཙ་རི.
༥༡. མཱ་ཏུ་པ་ཊྛཱ་ན་ནི་ར་ཏོ, ར་ཏྟི་ནྡི་ཝ་མ་ཧོ་སི་སོ;
ག་ནྟྭཱ ཏ་སྶཱ ཨུ་པ་ཊྛཱ་ནཾ, པཱ་ཏོ་ཝ ཀི་ར བྷཱུ་པ་ཏི.
༥༢. སཱི་སཾ ཏེ་ལེ་ན མ་ཀྑེ་ཏྭཱ, ཨུ་བྦ་ཊྚེ་ཏྭཱ་ན ཛ་ལླི་ཀཾ;
ན་ཁེ ཝི་སུ་དྡྷེ ཀ་ཏྭཱ་ན, ན་ཧཱ་པེ་ཏྭཱ་ན སཱ་ད་རཾ.
༥༣. ཨ་ཙྪཱ་དེ་ཏྭཱ ན་ཝཾ ཝ་ཏྠཾ, སུ་ཁ་ས་མྥ་སྶ་མ་ཏྟ་ནོ;
ཝ་ཏྠཾ ཚ་ཌྜི་ཏ་མཱ་དཱ་ཡ, པེ་ལླེ་ཏྭཱ ས་ཡ་མེ་ཝ ཏཾ.
༥༤. ཏ་སྶ ཏོ་ཡེ་ན སི་ཉྩི་ཏྭཱ, སཱི་སཾ ས་མ་ཀུ་ཊཾ ས་ཀཾ;
ག་ནྡྷ་མཱ་ལཱ་ཧི ཏཾ ས་མྨཱ, ཙེ་ཏི་ཡཾ ཝི་ཧ པཱུ་ཛི་ཡ.
༥༥. ན་མ་སྶི་ཏྭཱ་ན ཏི་ཀྑ་ཏྟུཾ, ཀ་ཏྭཱ ཏཾ སོ པ་ད་ཀྑི་ཎཾ;
དཱ་པེ་ཏྭཱ པ་རི་སཱ་ཡ’སྶཱ, ཝ་ཏྠཱ་དཱི་ནི ཡ་ཐཱ་རུ་ཙིཾ.
༥༦. ས་ཧ་ཏྠེ་ནེ་ཝ བྷོ་ཛེ་ཏྭཱ, བྷོ་ཛ་ནཾ ཏཾ མ་ཧཱ་ར་ཧཾ;
བྷུ་ཏྠཱ་ཝ་སེ་སཾ བྷུ་ཉྫི་ཏྭཱ, ས་མཱ་ཀི་རི་ཡ་མ་ཏྠ་ཀེ.
༥༧. བྷོ་ཛེ་ཏྭཱ པ་རི་སཾ ཏ་སྶཱ, རཱ་ཛ་བྷོ་ཛ་ན་མུ་ཏྟ་མཾ;
ས་ཛྫེ་ཏྭཱ ཝཱ་ས་གེ་ཧ་ཉྩ, སུ་ག་ནྡྷ་པ་རི་ཝཱ་སི་ཏཾ.
༥༨. ས་ཧ་ཏྠཱ པ་ཉྙ་པེ་ཏྭཱ་ན, ས་ཡ་ནཾ ཏ་ཏྠ སཱ་དྷུ་ཀཾ;
པཱ་དེ དྷོ་ཝི་ཡ མ་ཀྑེ་ཏྭཱ, ག་ནྡྷ་ཏེ་ལེ་ན ས་ཎྷ་ཀཾ.
༥༩. ས་མྦཱ་ཧེ་ནྟོ ནི་སཱི་དི་ཏྭཱ, ཀ་ཏྭཱ ནི་དྡ་མུ་པེ་ཏ་ཀཾ;
ཀ་ཏྭཱ པ་ད་ཀྑི་ཎཾ མ་ཉྩཾ, ཏི་ཀྑ་ཏྟུཾ སཱ་དྷུ་ཝ་ནྡི་ཡ.
༦༠. ཨཱ་ར་ཀྑ་ཀེ ནི་ཡོ་ཛེ་ཏྭཱ, དཱ་སེ་ཀ་མྨ་ཀ་རེ་པི ཙ;
ཏ་སྶཱ པི་ཊྛི་མ་ཀ་ཏྭཱ་ན, ཨ་པ་ཀྐ་མེ་ཝ པི་ཊྛི་ཏོ.
༦༡. ཋ་ཏྭཱ ཨ་ད་སྶ་ནེ ཋཱ་ནེ, ཏི་ཀྑ་ཏྟུཾ པུ་ན ཝ་ནྡི་ཡ;
ས་ནྟུ་ཊྛོ ཏེ་ན ཀ་མྨེ་ན, ས་ར་ནྟོ ཏཾ པུ་ན་པྤུ་ནཾ.
༦༢. གེ་ཧཾ ཡཱ་ཏི ས་ཛཱི་ཝ་ནྟཾ, ཨེ་ཝ་མེ་ཝ ཨུ་པ་ཊྛ་ཧི;
ཨེ་ཀ་དཱ དཱ་ས་ཝཱ་དེ་ན, ཝ་ནྡི་ཏྭཱ དཱ་ས་མ་ཏྟ་ནོ.
༦༣. ཏེ་ན་ཏྟ་ནོ ཀ་ཐཱ་པེ་སི, ཁ་མཱ་པེ་ཏུཾ ས་ཡཾ ཝ་ཙོ;
ཨ་ཏྟཱ་ནཾ བྷི་ཀྑུ་ས་ངྒྷ་སྶ, དཱ་པ་ཡི་ཏྭཱ་ན མཱ་ཏ་རཱ.
༦༤. དྷ་ན་མ་ཏྠ་གྒྷ་ནཾ ཉ་ཏྭཱ, བྷུ་ཛི་སྶོ ཨཱ་སི བུ་དྡྷི་མཱ;
ཨེ་ཝཾ པུ་ཉྙ་པ་རོ ཧུ་ཏྭཱ, ཀ་ཏྭཱ དཱི་པ་སྶ ས་ངྒ་ཧཾ.
༦༥. ཨེ་ཀཱ་ད་ས་ཧི ཝ་སྶེ་ཧི, དེ་ཝ་ལོ་ཀ་མུ་པཱ་ག་མི;
ཏ་སྶཱ་ནུ་ཛོ ད་པྤུ་ལོ༹’ཐ, རཱ་ཛཱ ཧོ་སི ཏ་ད་ཙྩ་ཡེ.
༦༦. ས་བྦཾ པུ་བྦ་ཀ་རཱ་ཛཱུ་ནཾ, ཙ་རི་ཡཾ སོ ས་མཱ་ཙ་རི;
ཏ་དཱ མ་ཧི་ནྡ་ནཱ་མ་སྶ, པུ་ཏྟཱ་རོ་ཧ་ཎ་སཱ་མི་ནོ.
༦༧. པི་ཏ་རཱ ནི་ཧ་ཊཱ’ག་ཉྪུཾ, རཱ་ཛཱ་ནཾ མཱ་ཏུ་ལཾ ས་ཀཾ;
སོ ཏེ དི་སྭཱ པ་ཝ་ཏྟིཾ ཏཾ, སུ་ཏྭཱ ད་ཏྭཱ མ་ཧཱ་བ་ལཾ.
༦༨. པཱ་ཧེ་སི པི་ཏ་རཱ ཡུ་དྡྷཾ, ཀཱ་ཏུཾ བ་ནྡྷུ ཧི་ཏེ ར་ཏེ;
མ་ཧི་ནྡོ་པི ཏ་ཐཱ་བྷཱ་ཝཾ, ཝི་དི་ཏྭཱ རོ་ཧ་ཎཱ་དྷི་པོ.
༦༩. ཡུ་དྡྷཾ པ་ཊི་པ་དེ་ཡེ་ཝ, ཏེ་སཾ’ཀཱ་སི མ་ཧཱ་བ་ལོ;
ཏེ ཨུ་བྷོ་པི པ་ལཱ་ཡིཾ་སུ, ད་ཏྭཱ སེ་ནཱ་ཡ ནཱ་ཡ་ཀཾ.
༧༠. པུ་ནཱ་ག་ནྟྭཱ མ་ཧཱི་པཱ་ལཾ, སེ་ཝ་མཱ་ནཱ ཨི་དྷཱ’ཝ་སུཾ;
པི་ཏཱ་པི ཏེ་ན ས་ནྟུ་ཊྛོ, ཨ་ཉྙེ་ན ས་ཀ་བ་ནྡྷུ་ནཱ.
༧༡. ཡུ་ཛ྄ཛྷ་ནྟོ མ་ར་ཎཾ ག་ཉྪི, ཉཱ་ཏི་སོ་པི མ་ཏོ ཀི་ར;
ཏ་དཱ’དཱ བྷཱ་གི་ནེ་ཡྻ་སྶ, རཱ་ཛཱ ཀི་ཏྟ་གྒ་བོ་དྷི་ནོ.
༧༢. ས་བྦ་རཱུ་པ་གུ་ཎོ་པེ་ཏཾ, དྷི་ཏ་རཾ དེ་ཝ ནཱ་མི་ཀཾ;
སོ ད་པྤུ་ལ༹ཾ ཋ་པེ་ཏྭཱ་ན, སེ་ཝ་ཏྠཾ ཏ་སྶ རཱ་ཛི་ནོ.
༧༣. ས་ཡཾ སེ་ན་ངྒ་མཱ་དཱ་ཡ, རོ་ཧ་ཎཾ ས་མུ་པཱ་ག་མི;
རོ་ཧ་ཎཱ་དྷི་པ་ཏི ཧུ་ཏྭཱ, ས་བྦཱ་ཀཱ་ར་ས་མ་པྤི་ཏོ.
༧༤. པུ་ཏྟ་དྷཱི་ཏཱ་ཧི ཝ་ཌྜྷེ་ནྟོ, ཝཱ་སཾ ཏ་ཏྠེ་ཝ ཀ་པྤ་ཡི;
རཱ་ཛཱ་ཀཱ་སི དུ་མི་ནྡ་སྶ, གྷ་རཾ ཛི་ཎྞཾ ན་ཝཾ ཐི་རཾ.