ཨ་ཊྛ་ཙ་ཏྟཱ་ལཱི་ས་ཏི་མ པ་རི་ཙྪེ་ད
ཨེ་ཀ་རཱ་ཛ་ཀོ
༡. ཏ་ཏོ ཏ་སྶཱ’ནུ་ཛོ སེ་ནོ, ཚ་ཏྟཾ ཨུ་སྶཱ་པ་ཡཱི པུ་རེ;
པི་ཡཾ’ཝ པུ་ཏྟཾ པ་སྶ་ནྟོ, ས་ཏྟེ ས་བྦེ མ་ཧཱ་དྷ་ནོ.
༢. ཙ་རི་ཡཾ པུ་བྦ་རཱ་ཛཱུ་ནཾ, ས་མཱ་ཙ་རི ཡ་ཐཱ་བྷ་ཏཾ;
ཨ་པུ་བྦ་མྤི ཙ ཝ་ཏྟེ་སི, ཙ་རི་ཡཾ དྷ་མྨ་སཾ་ཧི་ཏཾ.
༣. བྷི་ཀྑཱུ་ནཾ བྷི་ཀྑཱུ་ནཱི་ན་ཉྩ, ཉཱ་ཏཱི་ནཾ དཱི་པ་ཝཱ་སི་ནཾ;
མ་ཙྪཱ་ནཾ མི་ག་པ་ཀྑཱི་ནཾ, ཀ་ཏྟ་བྦཾ ས ས་མཱ་ཙ་རི.
༤. མ་ཧི་ནྡཾ པ་ར་ཏཱི་རཾ སོ, ག་ཏཾ ཡོ་ཛི་ཡ་མཱ་ར་ཡི;
ཨེ་ཝཾ སོ སུ་ཝི་སོ་དྷེ་སི, ར་ཛྫ་པ་ཙྩ་ཏྠི་ཀེ’ཁི་ལེ.
༥. མ་ཧཱ་དཱ་ནཾ པ་ཝ་ཏྟེ་སི, ཡཱ་ཙ་ཀཱ་ནཾ དྷ་ནེ་སི་ནཾ;
བྷི་ཀྑཱུ་ནཾ བྲཱ་ཧྨ་ཎཱ་ན་ཉྩ, མ་ནུ་ཉྙཾ རཱ་ཛ་བྷོ་ཛ་ནཾ.
༦. ཨ་ཧེ་སུཾ ཨ་ནུ་ཛཱ་ཏ་སྶ, མ་ཧི་ནྡོ ཀ་སྶ་པོ ཏ་ཐཱ;
ཨུ་ད་ཡོ་ཏི ཏ་ཡོ ཏེ་སུ, མ་ཧི་ནྡོ ཡུ་ཝ་རཱ་ཛ་ཀོ.
༧. ཧུ་ཏྭཱ ཏ་སྶཱ་ནུ་ཝ་ཏྟ་ནྟོ, ས་ཀྐ་ཙྩཾ ཏ་མུ་པ་ཊྛ་ཧི;
ས་ངྒྷཱ་ནཱ་མཱ་སི རཱ་ཛ་སྶ, བྷ་རི་ཡཱ ཏ་སྶ རཱ་ཛི་ནཱི.
༨. ཀཱི་ལ༹་ན་ཏྠཾ ས་མུ་དྡ་སྶ, ག་ཏེ རཱ་ཛི་ནི པ་ཊྚ་ནཾ;
ཨུ་ད་ཡོ ཨཱ་དི་པཱ་དོ་སོ, ཨོ་ཧཱི་ནོ ན་ག་རེ ཏ་དཱ.
༩. ནཱ་ལ་ནཱ་མཾ ག་ཧེ་ཏྭཱ་ན, དྷཱི་ཏ་རཾ མཱ་ཎི་ལཱ་ནི་ཡཱ;
ར་ཀྑི་ཏཾ རཱ་ཛ་ར་ཀྑཱ་ཡ, པུ་ལ༹་ཏྠི་ན་ག་རཾ ཨ་གཱ.
༡༠. རཱ་ཛཱ ཏ་སྨིཾ ཨ་ཀུ་ཛ྄ཛྷི་ཏྭཱ, ས་ནྡྷིཾ ཀ་ཏྭཱ ཨ་ཀུ་པྤི་ཡཾ;
མ་ཧཱ་དཱི་པཱ་དཾ པེ་སེ་ཏྭཱ, ཏོ་ས་ཏྭཱ ཏཾ ཨི་དྷཱ་ན་ཡི.
༡༡. ཨེ་ཝཾ ས་མ་གྒཱ ཏེ ཨཱ་སུཾ, ཏ་ཏོ པ་ཊྛཱ་ཡ ཁ་ཏྟི་ཡཱ;
ར་ཀྑ་ནྟཱ སཱ་ས་ནཾ ལོ་ཀཾ, ཝ་སིཾ་སུ སུ་ས་མཱ་ཧི་ཏཱ.
༡༢. ཏ་ཏོ ཀེ་ན་ཙི ཀཱ་ལེ་ན, པ་ཎྜུ་རཱ་ཛཱ མ་ཧཱ་བ་ལོ;
ཛ་མྦུ་དཱི་པཱ ཨི་དྷཱ’ག་མྨ, དཱི་པ ག་ཎྷི་ཏུ་མཱ་ར་བྷི.
༡༣. རཱ་ཛཱ སུ་ཏྭཱ མ་ཧཱ་སེ་ནཾ, པེ་སུ་ཡི་ཏྠ ཏ་ད་ནྟི་ཀཾ;
ཨ་མ་ཙྩཱ་ནཾ ཝི་ཝཱ་དེ་ན, ཐ་དྡྷོ་ཏཱ་རོ ནཱ་རཱ་དྷི་པོ.
༡༤. པ་ཎྜུ་རཱ་ཛཱ ཝི་ནཱ་སེ་ནྟོ, ས་བྦཾ ཏཾ དེ་ས་མུ་ཏྟ་རཾ;
ཁ་ནྡྷཱ་ཝཱ་རཾ ནི་ཝེ་སེ་སི, མ་ཧཱ་ཏཱ་ལི་ཏ་གཱ་མ་ཀེ.
༡༥. ཝ་ས་ནྟཱ ད་མི་ལཱ༹ ཨེ་ཏྠ, བ་ཧ་ཝོ ཡེ ཏ་ཧིཾ ཏ་ཧིཾ;
ས་བྦེ ཏཾ པ་ཀྑི་ཡཱ་ཧེ་སུཾ, ཏ་ཏོ སོ བ་ལ་ཝཱ ཨ་ཧུ.
༡༦. ཏ་ཏྠ ག་ནྟཱ མ་ཧཱ་སེ་ནཱ, ར་ཉྙོ ཡུ་ཛ྄ཛྷི་ཏུ་མཱ་ར་བྷི;
ཧ་ཏྠི་ཀྑ་ནྡྷ་ག་ཏོ པ་ཎྜུ-རཱ་ཛཱ་པི ས་མུ་པཱ་ཝི་སི.
༡༧. ཨ་ཧུ ད་མི་ལ༹་སེ་ནཱ་སཱ, པ་སྶ་ནྟི སཱ་མི་ནོ མུ་ཁཾ;
ས་མྤ་ཏྟ་བ་ལ་ཧུ་སྶཱ་ཧཱ, ཏ་ད་ཏྠེ ཙ་ཏྟ་ཛཱི་ཝི་ཏཱ.
༡༨. དཱི་པ་སེ་ནཱ ཏུ སཱ་མི་ན-མ་བྷཱ་ཝེ་ན ནི་རུ་སྶུ་ཀྐཱ;
ཡུ་ཛ྄ཛྷ་ནྟི པ་རི་བྷི་ནྡི་ཏྭཱ, པ་ལཱ་ཡི་ཏྠ ཏ་ཏོ ཏ་ཏོ.
༡༩. ཨོ་ཏ་རི་ཏྠ་མ་ཧཱ་སེ་ནཱ, པ་ཎྜུ་རཱ་ཛཱ་སྶ ཏ་ངྑ་ཎེ;
མཱ་ར་སེ་ནཱ་ཝ ག་ཙྪ་ནྟི, ཝི་ཙུ་ཎྞེ་ནྟི མ་ཧཱ་ཛ་ནཾ.
༢༠. རཱ་ཛཱ སེ་ནཱ་ཡ བྷི་ནྣ་ཏྟཾ, སུ་ཀྐཱ ས་བྦཾ ས་མཱ་དི་ཡ;
ཧ་ཏྠ་སཱ་རཾ པུ་རཾ ཧི་ཏྭཱ, མ་ལ་ཡཱ་བྷི་མུ་ཁོ ག་ཏོ.
༢༡. ཏ་ཏོ ཧ་ཏྠིཾ ས་མཱ་རུ་ཡ྄ཧ, ཡུ་ཝ་རཱ་ཛཱ མ་ཧི་ནྡ་ཀོ;
ཡུ་ཛ྄ཛྷ་ནྟོ ས་ཀ་སེ་ནཱ་ཡ, པ་ལཱ་ཏ་ཏྟཾ ས་མེ་ཀྑི་ཡ.
༢༢. ཨེ་ཀེ་ན་མེ ན ས་ཀྐཱ ཝེ, ས་བྦེ ཨེ་ཏེ་ཧི མཱ་རི་ཏུཾ;
ཨེ་ཏེ་སཾ ན ཙ ནཱི་ཙཱ་ནཾ, ཧ་ཏྠེ་སུ མ་ར་ཎཾ སུ་ཁཾ.
༢༣. ཏ་སྨཱ ཝ་རཾ མེ མ་ར་ཎཾ, མ་ཡཱ ཨེ་ཝེ་ཏི ཙི་ནྟི་ཡ;
ཧ་ཏྠི་ཀྑ་ནྡྷ་ག་ཏོ་ཡེ་ཝ, ཚི་ནྡི སོ སཱི་ས་མ་ཏྟ་ནོ.
༢༤. ཏཾ དི་སྭཱ བ་ཧ་ཝོ སཱི་སེ, ཏ་ཏྠ ཚི་ནྡིཾ་སུ སེ་ཝ་ཀཱ;
ཏཾ དི་སྭཱ ད་མི་ལཱི༹ སེ་ནཱ, ཧ་ཊྛ་ཏུ་ཊྛཱ པ་མོ་དི་སཱ.
༢༥. ཨེ་ཏཾ ས་བྦཾ ས་མེ་ཀྑི་ཏྭཱ, ཨཱ་དཱ་པཱ་དོ ས་ཀ་སྶ་པོ;
ཏུ་ར་ངྒ་ཝ་ར་མཱ་རུ་ཡ྄ཧ, སུ་ས་ནྣ་དྡྷོ མ་ཧཱ་ཡུ་དྷོ.
༢༦. ཝི་ཧཱ་ར་མུ་པ་ས་ངྐ་མྨ, ཨ་བྷ་ཡཾ ཨེ་ཀ་ཀོ་ཝ སོ;
ཏཱ་དི་ས་མྤི མ་ཧཱ་སེ་ནཾ, ཨོ་གཱ་ཧེ་ཏྭཱ ཝི་དཱ་ར་ཡི.
༢༧. སུ་པ་ཎྞོ ཝི་ཡ ག་ཎྷ་ནྟོ, བྷཱུ་ཛ་གེ་ན ས་ལི་ལཱ་ལ ཡེ;
སོ ཏཾ ས་བྦཾ ནི་ཝ་ཏྟེ་སི, ཨ་ཏྟཱ་ན་ཉྩ སུ་གོ་པ་ཡི.
༢༨. ཨ་སྶོ ཨེ་ཀོ་ཝ དི་སྶི་ཏྠ, ཏུ་ར་ངྒཱ་ཝ་ལི་ས་ནྣི་བྷོ;
ཨ་ཏྟ་ནོ སོ ཛ་ནཾ ཀ་ཉྩི, ཨ་པ་སྶ་ནྟོ’ནུ་གཱ་མི་ནཾ.
༢༩. ཀིཾ མེ ཨེ་ཀེ་ན ཝེ་རི་ནཾ, པཱུ་རི་ཏེ་ན མ་ནོ་ར་ཐཾ;
ཀཱ་ལ་ནྟ་རེ་ཧཾ ཛཱི་ཝ་ནྟོ, པཱུ་རེ་སྶཾ མེ མ་ནོ་ར་ཐཾ.
༣༠. ཏ་སྨཱ ག་ནྟུཾ་ཝ ཡུ་ཏྟ་ནྟི, ནི་མྥོ་ཊེ་ཏྭཱ མ་ཧཱ་བ་ལཾ;
ནི་བྦྷ་ཡོ་ཝ མ་ཧཱ་ཡོ་དྷོ, ཀོ་ཎྜི་ཝཱ་ཏ་མུ་པཱ་ག་མི.
༣༡. པ་ཎྜུ་རཱ་ཛཱ མ་ཧཱ་སེ་ནཱ, ཨ་གྒ་ཧེ་སི ཏ་ཏོ པུ་རཾ;
སཱི་སཾ ཏཾ ཡུ་ཝ་རཱ་ཛ་སྶ, པ་ཎྜུ་རཱ་ཛ་སྶ ད་སྶ་ཡུཾ.
༣༢. སོ ཏཾ དི་སྭཱ ཙ ཛྷཱ་པེ་ཏྭཱ, རཱ་ཛཱུ་ནཾ པ་ཎྜུ་དེ་སི་ནཾ;
ས་བྦ་མཱ་ལཱ༹་ཧ་ནེ ཀི་ཙྩཾ, ཏ་སྶ ཀཱ་ཏུཾ ནི་ཡོ་ཛ་ཡི.
༣༣. ས་བྦཾ སཱ་རཾ ཧ་རཱ་པེ་སི, བྷ་ཎྜཱ་གཱ་ར་མྷི རཱ་ཛི་ནོ;
ཨ་གྒ་ཎྷི་ཏྠ ག་ཧེ་ཏ་བྦཾ, ཝི་ཧཱ་རེ ན་ག་རེ་པི ཙ.
༣༤. པཱ་སཱ་དེ ར་ཏ་ནེ ས་བྦེ, སོ་ཝ་ཎྞཾ་ས་ཏྠུ་བི་མྦ་ཀཾ;
སི་ལཱ་མ་ཡ མུ་ནི་ནྡ་སྶ, ཙ་ཀྑུ་བྷཱུ་ཀ མ་ཎི་དྭ་ཡཾ.
༣༥. ཏ་ཐཱ སོ་ཝ་ཎྞ་པ་ཊྚེ ཙ, ཐཱུ་པཱ་རཱ་མ་མྷི ཙེ་ཏི་ཡེ;
སུ་ཝ་ཎྞ པ་ཊི་མཱ་ཡོ ཙ, ཝི་ཧཱ་རེ་སུ ཏ་ཧིཾ ཏ་ཧིཾ.
༣༦. ས་བྦཾ ག་ཧེ་ཏྭཱ ནི་སྶཱ་རཾ, ལ་ངྐཱ་དཱི་པ མ་ཀཱ་སི སོ;
ཚ་ཌྜ་ཡི་ཏྠ པུ་རཾ ར་མྨ, ཡ་ཀྑ་བྷ་ཀྑི་ཏ རཱུ་པ་ཀཾ.
༣༧. རཱ་ཛཱ’པི ར་ཀྑཾ ད་ཏྭཱ་ན, མ་ཧཱ་མ་གྒེ ཏ་ཧིཾ ཏ་ཧིཾ;
ག་ངྒཱ་དྭ་ཡ མུ་ཁེ ཝཱ་སཾ, ཀ་པྤེ་སི པ་རི་ས་ངྐི་ཏོ.
༣༨. པ་ཎྜུ་རཱ་ཛཱ ཏ་ཏོ ས་དྡྷིཾ, ཀཱ་ཏུཾ སཱི་ཧ་ལ༹་སཱ་མི་ནཱ;
ཨ་མ་ཙྩེ ཏ་ཏྠ པེ་སེ་སི, དི་སྭཱ ཏེ སཱི་ཧ་ལཱ་དྷི་པོ.
༣༩. སུ་ཎི་ཏྭཱ སཱ་ས་ནཾ ཏེ་སཾ, ས་བྦཾ ཏཾ ས་མྤ་ཊི་ཙྪི་ཡ;
དཱུ་ཏཱ་ནཾ ཀཱ་ར་ཡི་ཏྭཱ་ན, ཡ་ཐཱ་ཀཱ་མེ་ན ས་ངྒ་ཧཾ.
༤༠. ཧ་ཏྠི་དྭ་ཡཾ ས་ད་ཏྭཱ་ན, ས་བྦ་མཱ་བྷ་ར་ཎ་མྤི ཙ;
ཏ་སྶ པེ་སེ་སི དཱུ་ཏེ་སོ, ཨ་ཏྟ་ནོ་པི ཧི་ཏཱ་ཝ་ཧེ.
༤༡. པ་ཎྜུ་རཱ་ཛཱ སི་ཏཾ ས་བྦཾ, དི་སྭཱ ས་ནྟུ་ཊྛ་མཱ་ན་སོ;
ནི་ཡྻཱ་ཏེ་ཏྭཱ་ན དཱུ་ཏཱ་ནཾ, ཏ་ད་ཧེ་ཝ མ་ཧཱ་པུ་རཾ.
༤༢. ནི་ཀྑ་མི་ཏྭཱ པུ་རཱ ག་ནྟྭཱ, ན ཙི་རེ་ནེ་ཝ པ་ཊྚ་ནཾ;
ཏ་ཏྠ ཨཱ་རུ་ཡ྄ཧ ནཱ་ཝཾ སོ, ས་ཀ དེ་ས མུ་པཱ་ག་མི.
༤༣. ཏ་ཏོ ཨཱ་ག་མྨ ན་ག་རཾ, སཱི་ལཱ་མེ་གྷོ མ་ཧཱི་པ་ཏི;
ཡ་ཐཱ་ཋཱ་ནེ ཋ་པེ་ཏྭཱ་ན, དཱི་པཾ ཝ་སི ས་མཱ་ཧི་ཏོ.
༤༤. བྷཱ་ཏ་རཾ དུ་ཏི་ཡཾ ཀ་ཏྭཱ, ཨུ་ད་ཡཾ ནཱ་མ ཁ་ཏྟི་ཡཾ;
མ་ཧཱ་དཱི་པཱ་དཾ ཏ་སྶཱ’དཱ, སོ་ག་ཏྠཾ ད་ཀྑི་ཎཾ དི་སཾ.
༤༥. སོ་པི ཁོ ན ཙི་རེ་ནེ་ཝ, ཀ་ཏྭཱ པུ་ཉྙཾ ཡ་ཐཱ་ར་ཧཾ;
རོ་གེ་ནེ་ཀེ་ན ས་མྥུ་ཊྛོ, པ་ཝི་ཊྛོ མ་ཙྩུ་ནོ མུ་ཁཾ.
༤༦. ཀ་སྶ་པོ ཨཱ་དི་པཱ་དོ་པི, པུ་ལ་ཏྠི་ན་ག་རེ ཝ་སཾ;
ཡོ་ཛེ་ཏྭཱ པ་ཎྜུ་རཱ་ཛེ་ན, ཨ་ཧོ་སི ཀི་ར མཱ་རི་ཏོ.
༤༧. ཏ་དཱ ཀ་སྶ་པ་ནཱ་མ་སྶ, པུ་ཏྟཱ ཨཱ་སུཾ མ་ཧཱ་ར་ཧཱ;
ཨཱ་དི་པཱ་ད་སྶ ཙ་ཏྟཱ་རོ, དྷ་ཉྙ་ལ་ཀྑ་ཎ ས་ཉྙུ་ཏཱ.
༤༨. ཡོ སེ་ནཾ ས་བྦ་པ་ཋ་མོ, སེ་ནོ ནཱ་མ ཀུ་མཱ་ར་ཀོ;
སཱུ་རོ ཝཱི་རོ མ་ཧུ་སྶཱ་ཧོ, རཱ་ཛ་བྷཱ་ར་ཀྑ་མོ ས་མོ.
༤༩. རཱ་ཛཱ མ་ཧཱ་དཱི་པཱ་ད་ཏྟཾ, ཏ་སྶ ད་ཏྭཱ ཡ་ཐཱ་ཝི་དྷིཾ;
བྷོ་ག་ཏྠཾ ད་ཀྑི་ཎཾ དེ་སཾ, ས་ཝཱ་ཧ་ན མུ་པཱ་དི་སི.
༥༠. རོ་ཧ་ཎཱ་དྷི་པ་ཏི་སྶཱ’སུཾ, པུ་ཏྟཱ ཀི་ཏྟ་གྒ་བོ་དྷི་ཏོ;
ཙ་ཏྟཱ་རོ དྷཱི་ཏ་རོ ཏི་སྶོ, ད་སྶ་ནེ་ཡྻཱ མ་ནོ་ར་མཱ.
༥༡. ཏ་དཱ ཛེ་ཊྛ་སུ་ཏཾ ཏ་སྶ, མ་ཧི་ནྡཾ ནཱ་མ ཁ་ཏྟི་ཡཾ;
པི་ཏུ་ཙྪཱ མཱ་ར་ཡི་ཏྭཱ་ན, དེ་སཾ ག་ཎྷི ས་སཱ་དྷ་ནཾ.
༥༢. བྷཱ་ཏ་རོ ཏེ ཏ་ཡོ ཏ་སྨིཾ,
སཾ་རུ་ཊྛཱ བྷཱ་ཏུ གྷཱ་ཏ་ནེ;
ཨཱ་དཱ་ཡ བྷ་གཱི་ནཱི ཏི་སྶོ,
ར་ཉྙོ ས་ནྟི་ཀ་མཱ་ག་མུཾ.
༥༣. རཱ་ཛཱ་པི དི་སྭཱ ཏེ་ཏཱི་ཝ, མ་མཱ་ཡ་ནྟོ ད་ཡཱ་ལུ་ཀོ;
ས་བྦེ དེ་ཝ་ཀུ་མཱ་རེ་ཝ, སུ་ཁཾ ཝ་ཌྜྷེ་སི པེ་མ་ཝཱ.
༥༤. ཏ་ཏོ ཀ་སྶ་པ་ནཱ་མཾ སོ, ཏེ་སཾ ཛེ་ཊྛཾ ན་རི་སྶ་རོ;
དེ་སཾ ཏཾ ག་ཎྷ ཡཱ་ཧཱི་ཏི, ད་ཏྭཱ བ་ལ་མ་པེ་ས་ཡི.
༥༥. སོ’པི ག་ནྟྭཱ་ན ཏཾ ཧ་ནྟྭཱ, རོ་ཧ་ཎཾ ཀ་སི་ཎ་མྤི ཏཾ;
ཀ་ཏྭཱ ཧ་ཏྠ་ག་ཏཾ ཏ་ཏྠ, ཝ་སི་ཏྠ ནི་རུ་པ་དྡ་ཝོ.
༥༦. ཨ་ཐ སོ བྷཱ་ཏ་རོ དྭེ’པི, སེ་ན་ཉྩ ཨུ་ད་ཡཾ ཏ་ཐཱ;
པ་ཀྐོ་སི་ཏྭཱ་ན, བྷཱ་ཛེ་ཏྭཱ, དེ་སཾ ཏེ་ཧི ས་ཧཱ་ཝ་སི.
༥༧. རཱ་ཛཱ ཏཱ སཱ་དྷུ ཝ་ཌྜྷེ་ཏྭཱ, ཝ་ཡ་པ་ཏྟཱ་སུ ཏཱི་སུ སོ;
རཱ་ཛ་ཀ་ཉྙཱ་སུ དྷ་ཉྙཱ་སུ, དེ་ཝ་ཙྪ་ར་སཱུ རཱུ་པི་སུ.
༥༨. ཋ་པེ་ཏྭཱ རཱ་ཛི་ནི ཋཱ་ནེ, ཨུ་པ་རཱ་ཛ་སྶ དཱ་པ་ཡི;
ས་ངྒྷ་ནཱ་མཾ མ་ཧཱ་བྷོ་གཾ, ད་ཏྭཱ ར་ཛྫ་ས་རི་ཀྑ་ཀཾ.
༥༩. ཀ་ཎི་ཊྛོ ཨུ་པ་རཱ་ཛ་སྶ, མ་ཧི་ནྡོ ནཱ་མ བྷཱ་ཏུ་ཀོ;
ཨ་ཏྠི ས་བྦ་གུ་ཎོ་པེ་ཏོ, ས་བྦ་ས་ཏྠ་ཝི་སཱ་ར་དོ.
༦༠. ཏ་སྶཱ’དཱ་སི དུ་ཝེ རཱ་ཛཱ, རཱ་ཛ་ཀ་ཉྙཱ མ་ནོ་ཧ་རཱ;
ཏི་སྶ་ཝ྄ཧ་ཀི་ཏྟ ནཱ་མ་ཉྩ, ད་ཏྭཱ བྷོ་གཾ ཡ་ཐཱ་རུ་ཙིཾ.
༦༡. ཨེ་ཝཾ ཀ་རོ་ནྟོ ཉཱ་ཏཱི་ནཾ, སཾ་ག་ཧཾ སོ ཡ་ཐཱ་ར་ཧཾ;
ཨཱ་རཱ་དྷེ་ནྟོ ཙ དཱ་ནཱ་དི-ས་ངྒ་ཧེ་ཧི མ་ཧཱ་ཛ་ནཾ.
༦༢. རཱ་ཛཱ ད་ས་ཡི རཱ་ཛཱུ་ནཾ, དྷ་མྨེ་ཧི ས་མུ་པཱ་ག་ཏོ;
ས་མཱ་ཙ་ར་ནྟོ པུ་ཉྙཱ་ནི, པ་རི་བྷུ་ཉྫི་ཏྠ མེ་དི་ནིཾ.
༦༣. པཾ་སུ་ཀཱུ་ལི་ཀ བྷི་ཀྑཱུ་ནཾ, ཀ་ཏྭཱ’རི་ཊྛ་མྷི པ་བྦ་ཏེ;
མ་ཧཱ་བྷོ་གཾ ཨ་དཱ་རཱ་མཾ, ནི་མྨི་ཏཾ ཝི་ཡ ཨི་དྡྷི་ཡཱ.
༦༤. པ་རི་ཧཱ་ར་ཉྩ ཏ་སྶ་དཱ, རཱ་ཛཱ་ར་ཧ་མ་སེ་ས་ཏོ;
ཨཱ་རཱ་མི་ཀེ ཙ བ་ཧ་ཝོ, དཱ་སེ ཀ་མྨ་ཀ་རེ་པི ཙ.
༦༥. པཱ་སཱ་དཾ སོ་ཝ ཀཱ་རེ་སི, ཝི་ཧཱ་རེ ཛེ་ཏ་ནཱ་མ་ཀེ;
ཨ་ནེ་ཀ་བྷཱུ་མིཾ བྷཱུ་མི་ནྡོ, བུ་དྡྷ་བྷཱུ་མི་ག་ཏཱ་ས་ཡོ.
༦༦. ཝ་ཌྜྷེ་ཏྭཱ ཏ་ཏྠ ཀཱ་རེ་ཏྭཱ, ས་བྦ སོ་ཝ་ཎྞ་ཡཾ ཛི་ནཾ;
ས་ཎྛ་པེ་ཏྭཱ མ་ཧཱ་བྷོ་གཾ, ཝ་སཱ་པེ་སི ཙ བྷི་ཀྑ་ཝོ.
༦༧. མ་ཧཱ་དི པ་རི་ཝེ་ཎ་མྷི, ཀཱ་རེ་སི སུ་མ་ནོ་ཧ་རཾ;
པཱ་སཱ་ད མ་གྒི་ས་ནྡཾ་ཌྜྷཾ, ཏ་སྨིཾ་ཡེ་ཝ ཝི་ཧཱ་ར་ཀེ.
༦༨. ཀ་ཏྭཱ ཝཱི་ར་ངྐུ་རཱ་རཱ་མཾ, ཝི་ཧཱ་རེ ཨ་བྷ་ཡུ་ཏྟ་རེ;
མ་ཧཱ་ས་ངྒྷི་ཀ བྷི་ཀྑཱུ་ནཾ, ཐེ་རི་ཡཱ་ན་ཉྩ དཱ་པ་ཡི.
༦༩. པུ་བྦཱ་རཱ་མ་ཉྩ ཀཱ་རེ་སི, ས་མྤ་ནྣ ཙ་ཏུ་པ་ཙྩ་ཡཾ;
ས་དྡྷིཾ སོ ས་ངྒྷ་ནཱ་མཱ་ཡ, དེ་ཝི་ཡཱ་པི ཙ ཨ་ཏྟ་ནོ.
༧༠. མ་ཧཱ་ཝི་ཧཱ་རེ་ཏཱ་ཡེ་ཝ, ས་དྡྷིཾ ཀཱ་རེ་སི བྷཱུ་མི་པོ;
ཨཱ་ཝཱ་སཾ ས་ངྒྷ་སེ་ན་ཝ྄ཧཾ, མ་ཧཱ་བྷོ་གཾ མ་ཧཱ་མ་ཏི.
༧༡. ཀཱ་རེ་ཏྭཱ ས་བྦ་སོ་ཝ་ཎྞཾ, ཀེ་ས་དྷཱ་ཏུ ཀ་ར་ཎྜ་ཀཾ;
མ་ཧཱ་པཱུ་ཛཾ པ་ཝ་ཏྟེ་སི, ར་ཛྫཾ ཝི་སྶ་ཛྫི ཨུ་ཏྟ་མོ.
༧༢. ཙེ་ཏི་ཡ་སྶ གཱི་རི་སྶཱ་དཱ, ཀཱ་ཎ་ཝཱ་པིཾ བ་ཧུ་ད་ཡཾ;
བྷི་ཀྑཱུ་ནཾ དི་པ་ཝཱ་སཱི་ནཾ, དཱ་པེ་སི ཙ ཏི་ཙཱི་ཝ་རཾ.
༧༣. པུ་ལ་ཏྠི ན་ག་རེ ཀཱ་སི, ཝཱ་པི་ཡོ ཐུ་ས་ཝཱ་པི་ཡཱ;
སེ་ན་གྒ་བོ་དྷི་མཱ་ཝཱ་སཾ, གཱ་མཱ་རཱ་མི་ཀ ས་ཉྙུ་ཏཾ.