ཚ་ཙ་ཏྟཱ་ལཱི་ས་ཏི་མ པ་རི་ཙྪེ་ད
༡. …ཝཱ་སཾ-ཀ་ཏྭཱ སུ་ལ་བྷ་པ་ཙྩ་ཡཾ;
དཱ་སི དྷ་མྨ་རུ་ཙི་ནཾ སོ, རཱ་ཛི་ནཱི དཱི་པ་ཀ་མྤི ཙ.
༢. ཀཱ་རེ་ཏྭཱ་ན པ་རི་ཙྪེ་དཾ, མ་ཧཱ་ནེ་ཏྟཱ་དི པཱ་དི་ཀཾ;
ཏེ་ས་མེ་ཝ ཨ་དཱ ཀོ་ལུ༹-ཝཱ་ཏེ སོ དེ་ཝ་ཏི་སྶ་ཀཾ.
༣. ཝ་ཧ་ཏྠ་ལེ ཙ སོ ཀ་ཏྭཱ, ཀ་ད་མྦ་གོ་ན་ནཱ་མ་ཀཾ;
དེ་ཝ་པཱ་ལི༹་མྷི ཀ་ཏྭཱ་ན, གཱི་རི་ཝ྄ཧ་ན་ག་རཾ ཏ་ཐཱ.
༤. ཀ་ཏྭཱ ཨ་ནྟ་ར་སོ་བྦྷ་མྷི, དེ་ཝ་ནཱ་མཾ ཝི་ཧཱ་ར་ཀཾ;
རཱ་ཛ་མཱ་ཏི་ཀ་མཱ་རཱ་མཾ, ཀ་ཏྭཱ’དཱ པཾ་སུ་ཀཱུ་ལི་ནཾ.
༥. གོ་ཀ་ཎྞ་ཀ་ཝི་ཧཱ་རེ’ཀཱ, པ་དྷཱ་ན་གྷ་ར་མེ་ཝ ཙ;
ཛི་ཎྞ་གེ་ཧ་ཉྩ ཀཱ་རེ་སི, ཝ་ཌྜྷ་མཱ་ན་ཀ་བོ་དྷི་ཡཱ.
༦. ས་ངྒྷ་མི་ཏྟ་ཝ྄ཧ་ཡེ ཙེ་ཝ, ཨ་ཉྙ་ཏྠ ཙ མ་ཧཱ་ཡ་སོ;
ཏ་ཏྠ ཏ་ཏྠ ཝི་ཧཱ་རེ་སུ, ན་ཝ་ཀ་མྨ་མ་ཀཱ་ར་ཡི.
༧. ཚ་བྦཱི་ས་ཏི ས་ཧ་སྶཱ་ནི, སུ་ཝ་ཎྞཱ་ནཾ ས་མ་པྤི་ཡ;
ཛི་ཎྞཱ་ནི པ་ཊི་ས་ངྑཱ་སི, རཱ་ཛཱ ཙེ་ཏི་ཡ་པ་བྦ་ཏེ.
༨. ཏཱ་ལ་ཝ་ཏྠུ་ཝི་ཧཱ་ར་ཉྩ, ཀཱ་རེ་ཏྭཱ པ་ཎྞ་བྷ་ཏྟ་ཀཾ;
ཝི་ཧཱ་ར་སྶ མ་ཧཱ་སེ་ན-ན་རི་ནྡ་ཝ྄ཧ་སྶ དཱ་པ་ཡི.
༩. གོ་ཎྜི་གཱ་མི་ཀ་ཝཱ་པི་ཉྩ, ཚི་ནྣཾ བ་ནྡྷི ཡ་ཐཱ པུ་རཱ;
དཱ་ན་བྷ་ཎྜ་ཉྩ སོ ས་བྦཾ, ས་བྦེ་སཾ དཱ་སི པཱ་ཎི་ནཾ.
༡༠. ཨུ་པོ་ས་ཐཾ ཨུ་པ་ཝ་ས་ཏི, ས་དྡྷིཾ དཱི་པ་ཛ་ནེ་ཧི སོ;
དྷ་མྨ་ཉྩ ཏེ་སཾ དེ་སེ་ཏི, དཱ་ཏུཾ ལོ་ཀུ་ཏྟ་རཾ སུ་ཁཾ.
༡༡. ཀ་མྨཾ སོ་ཝ་གྒི་ཡཾ ཏ་སྶ, ར་ཛྫེ ས་བྦོ ས་མཱ་ཙ་རི;
ཡཾ ཀ་རོ་ཏི མ་ཧཱི་པཱ་ལོ, ཏཾ ཏ་སྶ ཀུ་རུ་ཏེ ཛ་ནོ.
༡༢. ཏ་སྨཱ རཱ་ཛཱ མ་ཧཱ་པ་ཉྙོ, དྷ་མྨ་མེ་ཝ ས་མཱ་ཙ་རེ;
སོ ནི་ཝུ་ཏྠ་ནི་ཝུ་ཏྠ་མྷི, ཋཱ་ནེ ཧོ་ཏི མ་ཧཱ་ཡ་སོ.
༡༣. ས་མྤ་ཏྟ་པ་རི་ཝཱ་རོ ཙ, ཨ་ནྟེ ག་ཙྪ་ཏི ནི་བྦུ་ཏིཾ;
ཨ་ཏྟ་ཏྠ་ཉྩ པ་ར་ཏྠ་ཉྩ, ཏ་སྨཱ པ་སྶེ་ཡྻ བུ་དྡྷི་མཱ.
༡༤. ཨ་ཏྟ་ནཱ ཡ་དི ཨེ་ཀེ་ན, ཝི་ནི་ཏེ་ན མ་ཧཱ་ཛ་ནཱ;
ཝི་ན་ཡཾ ཡ་ནྟི ས་བྦེ་པི, ཀོ་ཏཾ ནཱ་སེ་ཡྻ པ་ཎྜི་ཏོ.
༡༥. པ་ཡོ་གོ ཡོ ཧི ས་ཏྟཱ་ནཾ, ལོ་ཧ་དྭ་ཡ ཧི་ཏཱ་ཝ་ཧོ;
སོ ཏེ་ན ཨ་ཀ་ཏོ ན་ཏྠི, ར་ཏྟ་ནྡི་ཝ་མ་ཏ་ནྡི་ནཱ.
༡༦. ཨ་ཏྟ་ནོ སོ ནི་ཝ་ཏྠཱ་ནི, ཝ་ཏྠཱ་ནི སུ་ཁུ་མཱ་ནི ཙ;
པཾ་སཱུ་ཀཱུ་ལི་ཀ་བྷི་ཀྑཱུ་ནཾ, ཙཱི་ཝ་ར་ཏྠཱ་ཡ དཱ་པ་ཡི.
༡༧. ཨ་ཊྛཱ་ན་ཝི་ནི་ཡོ་གོ་པི, ས་ངྒ་ཧོ ཝཱ ཝི་རཱུ་པ་ཀོ;
སཱ་ཝ་ཛྫོ པ་རི་བྷོ་གོ ཝཱ, ཏ་སྶ ནཱ་ཧོ་སི ས་བྦ་སོ.
༡༨. ཡེ ཡེ ས་ཏྟཱ ཡ་དཱ ཧཱ་རཱ, ཏེ་སཾ ཏཾ ཏཾ ས་དཱ་པ་ཡི;
ཡེ ཡེ་ན སུ་ཁཱི ཧོ་ནྟི, ཏེ ཏེ ཏེ་ན སུ་ཁཱ་པ་ཡཱི.
༡༩. ཨེ་ཝཾ པུ་ཉྙཱ་ནི ཀ་ཏྭཱ་ན, ཚ་བྦ་སྶཱ་ནི ན་རཱ་དྷི་པོ;
ཨ་ག་མཱ དེ་ཝ་རཱ་ཛ་སྶ, ས་ནྟི་ཀཾ ས་ནྟི་ཡཱ་ཝ་ཧོ.
༢༠. ཨ་ཐ ཏ་སྶ ནུ་ཛོ རཱ་ཛཱ, ཀ་སྶ་པོ ཧོ་ཏི ཁ་ཏྟི་ཡོ;
ས་མ་ཏྠོ ར་ཛྫ་བྷཱ་ར་སྶ, ཝ་ཧི་ཏུཾ པུ་བྦ་ཝུ་ཏྟི་ནོ.
༢༡. པི་ཏཱ ཝི་ཡ ནི་ཡཾ པུ་ཏྟཾ, སོ ས་ངྒ་ཎྷི མ་ཧཱ་ཛ་ནཾ;
དཱ་ནེ་ན པེ་ཡྻ་ཝ་ཛྫེ་ན, ཨ་ཏྠ་སྶ ཙ་རི་ཡཱ་ཡ ཙ.
༢༢. ཋཱ་ན་ནྟ་ར་ཉྩ དཱ་པེ་སི, ཏ་སྶ ཏ་སྶ ཡ་ཐཱ་ར་ཧཾ;
ས་ཡཾ བྷུ་ཉྫི་ཏྠ བྷོ་གེ་པི, ས་བྦ་དུ་ཀྑ་ཝི་ཝ་ཛྫི་ཏོ.
༢༣. གཱི་ཧི་ན་ཉྩེ་ཝ བྷི་ཀྑཱུ་ནཾ, བྲ་ཧྨ་ཎཱ་ན་ཉྩ ཁ་ཏྟི་ཡོ;
ཝ་ཏྟཱ་པ་ཡི ས་ཀཱ་ཝཱ་རེ, མཱ་གྷཱ་ཏ་ཉྩེ་ཝ ཀཱ་ར་ཡི.
༢༤. མ་ཙྪ་ཏི་ཏྠེ དུ་ཝེ ཙེ་ཝ, ཨཱ་ཝཱ་སཾ ཧེ་ལི༹་གཱ་མ་ཀཾ;
ཝ་ཎི་ཛྫ་གཱ་མ་མཱ་རཱ་མཾ, ཀ་སྶ་པཱ་དཱི་གི་རིཾ ཏ་ཐཱ.
༢༥. ཏ་ཐཱ ཨ་མྦ་ཏ་ན་ཝ྄ཧ་ཉྩ, པ་དྷཱ་ན་གྷ་ར མུ་ཏྟ་མཾ; བྷོ་ག་གཱ་མ་ཉྩ…
[ཨེ་ཏྠ་ཀ་སྶ་པ་སྶ ར་ཛྫ་པ་ཊི་བ་དྡྷཱ་ཡ ཀ་ཐཱ་ཡ ཨཱུ་ན་ཏཱ དི་སྶ་ཏི.]
༢༦. ཏེ་སཾ ས་བྦ་ཀ་ནི་ཊྛོ་པི, མ་ཧི་ནྡོ ནཱ་མ ཁ་ཏྟི་ཡོ;
ས་མྤ་ཏྟ་ར་ཛྫོ ནཱ་ཧོ་སི, རཱ་ཛཱ ར་ཛྫ དྷུ་ར་ནྡྷ་རོ.
༢༧. ཏ་སྶ་པི ཀི་ར ནི་ལ་ཝ྄ཧོ, ས་ཧཱ་ཡོ ཙཱི་ར་ས་ཏྠུ་ཏོ;
མ་ཏོ པུ་བྦེ་ཝ ཏ་སྨཱ, སོ ས་ར་ནྟོ ཏཾ ན ཨི་ཙྪི་ཏཾ.
༢༨. ཨ་ཧོ་ར་ཛྫ་མྤི དཱི་པ་མྷི, ན མ་ཉྙི་ཏྠ སུ་ཁཱ་ཝ་ཧཾ;
ཨ་བྷཱ་ཝེ་ན ས་ཧཱ་ཡ་སྶ, ས་ཧཱ་ཡཱ’ཏཱི་ཝ དུ་ལླ་བྷཱ.
༢༩. ཏེ་ནེ་ཝ ཝུ་ཏྟཾ མུ་ནི་ནཱ, དྷ་མྨཱ ཡེ་ཀེ་ཙི ལོ་ཀི་ཡཱ;
ཏ་ཐཱ ལོ་ཀུ་ཏྟ་རཱ ཙེ་ཝ, དྷ་མྨཱ ནི་བྦཱ་ན་གཱ་མི་ནོ.
༣༠. ཀ་ལྱཱ་ཎ་མི་ཏྟཾ ཨཱ་ག་མྨ, ས་བྦེ ཏེ ཧོ་ནྟི པཱ་ཎི་ནཾ;
ཏ་སྨཱ ཀ་ལྱཱ་ཎ་མི་ཏྟེ་སུ, ཀ་ཏྟ་བྦོ’ཏི ས་དཱ ད་རོ.
༣༡. ཨཱ་དི་པཱ་དོ་ཝ སོ ཏ་སྨཱ, ཧུ་ཏྭཱ ར་ཛྫཾ ཝི་ཙཱ་ར་ཡི;
པཱ་ལེ་ཏུཾ་ཡེ་ཝ དཱི་པ་མྷི, ཛི་ཝ་ནྟོ ཝི་ཡ པཱ་ཎི་ནོ.
༣༢. ཀ་སྶ་པ་སྶ ས་བྷཱ་ཏུ་སྶ, པུ་ཏྟཾ སོ ཨ་གྒ་བོ་དྷི་ཀཾ;
ཋ་པེ་ཏྭཱ ཨོ་པ་ར་ཛྫ་མྷི, ད་ཏྭཱ བྷོ་ག་མ་ན་པྤ་ཀཾ.
༣༣. དེ་སཾ ད་ཏྭཱ་ན པཱ་ཙི་ནཾ, ཝ་སི་ཏུཾ ཏ་ཏྠ པེ་སི་ཡ;
དེ་སཾ ད་ཀྑི་ཎ་མཱ་དཱ་སི, རཱ་ཛ པུ་ཏྟ་སྶ ཨ་ཏྟ་ནོ.
༣༤. མ་ཧཱ་པཱ་ལི༹་མྷི དཱ་ན་ཉྩ, དཱ་པེ་སི ད་ས་ཝཱ་ཧ་ཎཾ;
ས་བྦེ བྷོ་གེ ས་མེ’ཀཱ་སི, ཡཱ་ཙ་ནཱ་ནཾ ས་ཧ’ཏྟ་ནཱ.
༣༥. ཨ་ད་ཏྭཱ ཡཱ་ཙ་ཀཱ་ནཾ སོ, ནུ ཀི་ཉྩི པ་རི་བྷུ་ཉྫ་ཏི;
བྷུ་ཏྟཾ ཝཱ ས་ཏི་ཡཱ དེ་ཏི, དྭི གུ་ཎཾ ཨ་ཏྟ་བྷུ་ཏྟ་ཏོ.
༣༦. ས་ཀ་ནཱ་མཾ ས་ཀཱ་རེ་སི, བྷི་ཀྑུ་ནཱི ན མུ་པ་སྶ་ཡཾ;
པཱ་དཱ་ན་ག་ར་ག་ལླ་ཉྩ, ཨཱ་རཱ་མ མ་རི་ཡཱ་ད་ཀཾ.
༣༧. མ་ཧི་ནྡ་ཏ་ཊ་མཱ་རཱ་མཾ, ས་མྤ་ཏྟ ཙ་ཏུ་པ་ཙྩ་ཡཾ;
ཨ་ཉྙ་མྤི བ་ཧུ་དྷཱ ཀཱ་སི, པུ་ཉྙཾ པུ་ཉྙ་གུ་ཎེ་ར་ཏོ.
༣༨. ཏི་ཎཱི ཝ་སྶཱ་ནི ཀཱ་རེ་ཏྭཱ, ར་ཛྫ་མེ་ཝ མ་ཧཱ་མ་ཏི;
ག་ཝེ་ས་ནྟོ ས་ཧཱ་ཡཾ’ཝ, དེ་ཝ་ལོ་ཀ་མུ་པཱ་ག་མི.
༣༩. ཝ་ས་ནྟོ ད་ཀྑི་ཎེ དེ་སེ, ཨ་གྒ་བོ་དྷི ཀུ་མཱ་ར་ཀོ;
ཀེ་ནཱ་པི ཀ་ར་ཎཱི་ཡེ་ན, ན་ག་རཾ ཨཱ་ག་ཏོ ཨ་ཧུ.
༤༠. ཏ་སྨིཾ ཏ་ཏྠ ཝ་ས་ནྟ་མྷི, ཨཱ་དི་པཱ་དོ མ་ཧི་ནྡ་ཀོ;
མ་ཏོ ཨཱ་སི ཏ་ཏོ ཏ་སྶ, ར་ཛྫཾ ཧ་ཏྠ་ག་ཏཾ ཨ་ཧུ.
༤༡. སོ ཏཾ ཧ་ཏྠ་ག་ཏཾ ཀ་ཏྭཱ, ས་ཎྛ་པེ་ཏྭཱ་ན སཱ་ས་ནཾ;
པཱ་ཙི་ན དེ་ས་པ་ཏི་ནོ, ཨ་གྒ་བོ་དྷི་སྶ པེ་ས་ཡི.
༤༢. ས ཨཱ་ག་ནྟྭཱ ཨ་ཧུ རཱ་ཛཱ, སི་ལཱ་མེ་གྷོ་ཏི ས་ཉྙི་ཏོ;
ཨོ་པ་ར་ཛྫེ ཀུ་མཱ་ར་ཉྩ, ཨ་བྷི་སི་ཉྩི་ཏྠ བྷཱུ་པ་ཏི.
༤༣. སོ རཱ་ཛཱ ནཾ ནི་ཡོ་ཛེ་ཏྭཱ, ཙི་ནྟཱ བྷཱ་རཾ ཝི་མུ་ཉྩི་ཡ;
བྷོ་གེ བྷུ་ཉྫ་ཐ ཏུ་མྷེ་ཏི, ས་ཡཾ ར་ཛྫཾ ཝི་ཙཱ་ར་ཡི.
༤༤. ཡ་ཐཱ་ཡོ་གཾ ཛ་ན་སྶེ་ས-ཀཱ་སི ནི་གྒ་ཧ་སཾ་ག་ཧེ;
དེ་སེ ཨུ་བྦི་ན་ཡཾ ས་བྦཾ, མ་གྒཾ པཱ་པེ་སི ཙ་ཀྑུ་མཱ.
༤༥. ཨེ་ཝཾ ཏེ་སུ ཝ་ས་ནྟེ་སུ, ཨོ་ཏཱ་རཾ པཱ་པ་ཀ་མྨི་ནོ;
ན ལ་བྷ་ནྟཱ ཝི་ཙི་ནྟེ་སུཾ, བྷི་ནྡི་ཏ་བྦཱ ཨི་མེ ཨི་ཏི.
༤༦. རཱ་ཛཱ་ན་མུ་པ་ས་ངྐ་མྨ, ཨ་ཝོ་ཙུཾ པི་སུ་ནཾ ར་ཧོ;
ཏུ་ཝཾ རཱ་ཛཱ་སི ནཱ་མེ་ན, རཱ་ཛཱ ཨ་ཉྙོ ས་བྷཱ་ཝ་ཧོ.
༤༧. ཨུ་པ་རཱ་ཛཱ ཨ་ཡཾ ར་ཛྫཾ, ག་ཎྷི་སྶ་ཏི མ་ཧཱ་ཛ་ནཾ;
ས་ངྒ་ཡ྄ཧ ན ཙི་རེ་ནེ་ཝ, ཧོ་ཏི རཱ་ཛཱ ན སཾ་ས་ཡོ.
༤༨. ཏཾ སུ་ཏྭཱ་ན མ་ཧཱི་པཱ་ལོ, པ་རི་བྷི་ཛྫི ཀུ་མཱ་ར་ཀེ;
ཀུ་མཱ་རོ་པི ཝི་དྷི་ཏྭཱ ཏཾ, ཙོ་རོ ཧུ་ཏྭཱ་ན རཱ་ཛི་ནྡོ.
༤༩. པ་ལཱ་ཡི་ཏྭཱ ས་ཀཾ དེ་སཾ, ས་ངྒ་ཎྷི་ཏྭཱ ཏ་ཧིཾ ཛ་ནེ;
མ་ཧ་ནྟཾ བ་ལ་མཱ་དཱ་ཡ, ཀཱ་ཏུཾ ས་ངྒཱ་མ མཱ་ར་བྷི.
༥༠. ཀ་ད་ལྱཱ་དི་ནི་ཝཱ་ཏ་མྷི, ས་ངྒཱ་མོ བྷིཾ་ས་ནོ ཨ་ཧུ;
ག་ཏོ ཏ་ཏྠ པ་རཱ་ཛི་ཏྭཱ, ཀུ་མཱ་རོ མ་ལ་ཡཾ ཝ་སོ.
༥༡. ཏ་ཏོ རཱ་ཛཱ ཀ་ཏ་ཉྙཱུ སོ, ཨུ་པ་ཀཱ་རཾ ས་བྷཱ་ཏུ་ནོ;
ཙི་ནྟེ་ཏྭཱ ར་ཛྫ་དཱ་ནཱ་དིཾ, པ་རི་དེ་ཝི་ཏྠ པཱ་ཀ་ཊཾ.
༥༢. ཀུ་མཱ་རོ་པི ཙ ཏཾ སུ་ཏྭཱ, ཨ་ཧོ་སི མུ་དུ་ཙི་ཏྟ་ཀོ;
ཨེ་ཝཾ ཏེ ཨ་ཉྙ་མ་ཉྙ་སྶ, སི་ནི་དྡྷ་ནྟཾ པ་ཀཱ་ས་ཡུཾ.
༥༣. རཱ་ཛཱ ག་ནྟྭཱ ས་ཡཾ་ཡེ་ཝ, མ་ལ་ཡཾ ཨེ་ཀ་ཀོ ཝཾ་སོ;
ཀུ་མཱ་རཾ ཏཾ ས་མཱ་དཱ་ཡ, ཨཱ་ག་མི་ཏྠ ས་ཀཾ པུ་རཾ.
༥༤. ཧོ་ཏི ནི་སྶཾ་ས་ཡཾ [ཨེ་ཝཾ་པི ཙི་ཏྟོ] ཨ་ཏཱི་ཝ སོ;
ཝི་ཝཱ་ཧཾ ཏེ་ན ཀཱ་རེ་སི, དྷཱི་ཏ་རཾ ས་ངྒྷ་ནཱ་མི་ཀཾ.
༥༥. ཏཱ་ཡ ས་དྡྷིཾ ཝ་ས་ནྟོ སོ, ཝི་སྶ་ཏྠོ ཏེ་ན རཱ་ཛི་ནཱ;
པ་ཧཱ་རཾ ཏཱ་ཡ པཱ་དཱ་སི, དུ་ཊྛོ དོ་ས་མྷི ཀི་སྨིཾ་ཙི.
༥༦. པི་ཏ་རཾ སཱ ཨུ་པཱ་ག་མྨ, ཀ་རུ་ཎཾ རོ་དི་ཏ་མྤ་ཏི;
ཨ་ཀཱ་ར་ཎེ མཾ མཱ་རེ་ཏི, དི་ནྣོ ཝོ སཱ་མི་ཀོ ཨི་ཏི.
༥༧. སོ་པི ཏཾ སུ་ཏ་མ་ཏྟེ་ཝ, དུ་ཀྐ་ཏཾ ཝ་ཏ མེ ཨི་ཏི;
པ་བྦཱ་ཛེ་སི ལ་ཧུཾ ག་ནྟྭཱ, བྷི་ཀྑཱུ་ནཱི ན མུ་པ་སྶ་ཡཾ.
༥༨. ཨ་གྒ་བོ་དྷི་ས་ནཱ་མོ་ཐ, ཏ་སྶཱ མཱ་ཏུ་ལ པུ་ཏྟ་ཀོ;
སུ་ཙི་རེ་ནེ་ཝ ཀཱ་ལེ་ན, ཏ་སྶཾ སཱ ར་ཏྟ་མཱ་ན་སོ.
༥༩. ཀཱ་ལོ’ཡ་ནྟི ཝི་དི་ཏྭཱ་ན, ཏ་མཱ་དཱ་ཡ པ་ལཱ་ཡི་ཏུཾ;
ཨ་ཉྙ་ཏོ ཏཾ ག་ཧེ་ཏྭཱ་ན, ག་ཏོ ཨེ་ཀོ་ཝ རོ་ཧ་ཎཾ.
༦༠. ཨ་གྒ་བོ་དྷིཾ ན་རི་ནྡོ སོ, ཨ་གྒ་བོ་དྷི ན་མཱ་དི་ཡ;
ཨ་གྒ་བོ་དྷིཾ ནི་ཧ་ནྟུཾ ཏཾ, རོ་ཧ་ཎཾ ཏ་མུ་པཱ་ཝཱི་སི.
༦༡. ཨ་གྒ་བོ་དྷི ནི་སེ་དྷེ་ཏྭཱ, ཨ་གྒ་བོ་དྷིཾ ས་བྷཱ་ཏ་རཾ;
ཨ་པ་རེ པ་བྦ་ཏེ ཧ་ནྟུ-མ་གྒ་བོ་དྷིཾ ས་ཡཾ ག་ཏོ.
༦༢. ཀ་སི་ཎཾ རོ་ཧ་ཎཾ ཧ་ཏྠ-ག་ཏཾ ཀ་ཏྭཱ མ་ཧཱ བ་ལོ;
ཡུ་ཛ྄ཛྷི་ཏྭཱ ཏེ་ན ཏཾ ག་ཎྷི, བྷ་རི་ཡཾ ས་ངྒྷ་མ་ཏྟ་ནོ.
༦༣. ཏ་ཏོ པ་ཊྛཱ་ཡ སུ་ཁི་ཏཱ, ས་མ་གྒཱ ཏེ ཏ་ཡོ ཛ་ནཱ;
ཝི་སྶ་ཊྛཱ ཨ་ཉྙ་མ་ཉྙེ་སུ, ཝི་ཧ་རིཾ་སུ ཡ་ཐཱ་རུ་ཙིཾ.
༦༤. ཝཱ་པཱ་ར་ནིཾ ཨ་ཀཱ་རཱ་མཾ, ཏ་ཐཱ མཱ་ཎ་གྒ་བོ་དྷི་ཀཾ;
ས་བྷ་ཏྟུ་དྡེ་ས་བྷོ་ག་ཉྩ, ཝི་ཧཱ་རེ ཨ་ཏི་ཡུ་ཏྟ་རེ.
༦༥. ཧ་ཏྠི ཀུ་ཙྪི་ཝི་ཧཱ་རེ ཙ, ཝི་ཧཱ་རེ པུ་ན པི་ཊྛི་ཀེ;
མ་ཧཱ་དཱི་པ་རི་ཝེ་ཎེ ཙ, པཱ་སཱ་དེ ཝཱ་ཧ་དཱི་པ་ཀེ.
༦༦. ཐཱུ་པཱ་རཱ་མ་མྷི གེ་ཧ་སྶ, དྭཱ་རེ ཙ པ་རི་ཛི་ཎྞ་ཀེ;
ཀཱ་སི པཱ་ཀ་ཏི་ཀཾ ཏ་ཏྠ, ཐ་མྦྷེ ཙ པ་རི་ཝ་ཏྟ་ཡི.
༦༧. ཨེ་ཝཾ ཀ་ཏྭཱ་ན པུ་ཉྙཱ་ནི, པུ་ཉྙཱ་ནི ཙ ཡ་ཐཱ་བ་ལཾ;
ཙ་ཏྟཱ་ལཱི་ས་ཏི་མེ ཝ་སྶེ, ཡ་ཐཱ་ཀ་མྨ མུ་པཱ་ག་མི.
༦༨. ཨ་ཐོ་པ་རཱ་ཛཱ རཱ་ཛཱ’སི, ཨ་གྒ་བོ་དྷི སི་རཱི་དྷ་རོ;
ཏ་ན་ཡོ སོ མ་ཧི་ནྡ་སྶ, ཨཱ་དི་པཱ་ད་སྶ དྷཱི་མ་ཏོ.
༦༩. སཱ་ས་ན་མྤི ཙ ལོ་ཀ་ཉྩ, ས་ངྒ་ཎི་ཏྠ ཡ་ཐཱ་ར་ཧཾ;
ཨོ་པ་ར་ཛྫེ’བྷི་སི་ཉྩ་ཏྠ, མ་ཧི་ནྡཾ པུ་ཏྟ་མ་ཏྟ་ནོ.
༧༠. མ་ཧཱ་བོ་དྷི་སྶ ཀཱ་རེ་སི, གྷ་རཾ ཛི་ཎྞཾ ན་ཝཾ ཐི་རཾ;
ཨཱ་རཱ་མེ དྭེ ཙ ཀཱ་རེ་སི, ཀ་ལ༹་ནྡཾ མ་ལླ་ཝཱ་ཏ་ཀཾ.
༧༡. དྷ་མྨ་ཀ་མྨེ་ཧི ས་ཀྐ་ཙྩཾ, སོ་དྷེ་སི ཛི་ན་སཱ་ས་ནཾ;
ཝི་ནི་ཙྪ་ན་ནྟོ དྷ་མྨེ་ན, ཚི་ནྡི ཀཱུ་ཊ་ཊྚ་ཀཱ་ར་ཀེ.
༧༢. བྷེ་ས་ཛྫ་ཉྩ གི་ལཱ་ནཱ་ནཾ, མ་ངྒ་ལཾ ཙཱ་ཝ་མ་ངྒ་ལཾ;
ལ་ངྐཱ་དཱི་པ་མྷི ས་ཀ་ལེ, ས་ཡ་མེ་ཝ ཝི་ཙཱ་ར་ཡཱི.
༧༣. ས་ལཱ་ཀ་བྷ་ཏྟཾ དཱ་པེ་སི, ནི་ཀཱ་ཡ་ཏྟ་ཡ ཝཱ་སི་ནཾ;
བྷོ་ཛ་ནཾ པཾ་སུ་ཀཱུ་ལཱི་ནཾ, ཨ་ཏྟ་ཡོ་གྒཾ མ་ཧཱ་ར་ཧཾ.
༧༤. ཨེ་ཝ་མཱ་དཱི་ནི ཀ་ཏྭཱ་ན, པུ་ཉྙཱ་ནི ས་ས་ཡཾ ཝ་སཱི;
ཙུ་ཏོ’སི ཚ་ཧི ཝ་སྶེ་ཧི, པུ་ལ་ཏྠི་ན་ག་རེ ཝ་སཾ.
༧༥. ཏ་ཏོ པུ་བྦེ་ཝ ཏ་སྶཱ་སི, པུ་ཏྟོ སོ ཡུ་ཝ་རཱ་ཛ་ཀོ;